چیئرمین پاکستان پیپلز پارٹی بلاول بھٹو زرداری 2 روزہ دورے پر کوئٹہ پہنچ گئے۔ایئرپورٹ پر وزیراعلیٰ بلوچستان میر سرفراز بگٹی، صوبائی وزراء اور پارٹی ورکرز نے استقبال کیا، بلاول بھٹو زرداری کو دورے کے دوران امن و امان کے حوالے سے بریفنگ دی جائے گی۔صوبائی کابینہ کے اجلاس میں بلاول بھٹو کو صوبے میں جاری ترقیاتی منصوبوں پر بریفنگ دی جائے گی،بلاول بھٹو زرداری کے اعزازمیں عشائیہ بھی دیا جائے گا۔
Category: کوئٹہ
راولا کوٹ کے بعد بلوچستان کی جیل سے بھی قیدی فرار
راولا کوٹ آزاد کشمیر کے بعد بلوچستان کی جیل سے بھی قیدی فرار ہو گئے
واقعہ ضلع دکی میں پیش آیا، جہاں قیدی سب جیل کا روشن دان توڑ کر بھاگنے میں کامیاب ہو گئے،اس ضمن میں ایس ایچ او دکی تھانہ جلیل احمد مری کا کہنا ہے کہ پولیس تھانہ دکی میں سب جیل قائم تھی جس میں قتل اور ڈکیتوں میں ملوث 13 ملزمان قید تھے،سب جیل میں موجود قیدیوں کو واش روم کے لئے ہر روز حوالات سے باہر نکالا جاتا ہے،فرار ہونے والے تین قیدیوںکو بھی باہر نکالا گیا تھا جو روشن دان توڑ کر بھاگنے میں کامیاب ہو گے ہیں، بھاگنے والے قیدیوں میں عصمت اللہ، صدیق اور کبیر شامل ہیں
پولیس حکام کے مطابق بھاگنے والے تینوں قیدی ڈکیتی کے واقعات میں بند تھے، فرار ہونے والے دو قیدیوں کا تعلق پشین سے ہے جبکہ ایک کا سنجاوی سے ہے، پولیس نے قیدیوں کے فرار ہونے کے بعد علاقہ کی ناکہ بندی کر دی ہے، قیدیوں کی تلاش جاری ہے تا ہم ابھی تک دوبارہ گرفتاری میں کامیابی نہیں ہوسکی.
آئی جی جیل خانہ جات بلوچستان نے واقعہ کا نوٹس لیتے ہوئے رپورٹ طلب کر لی ہے، آئی جی جیل خانہ جات نے قیدیوں کے فرار کی تحقیقات کا حکم بھی دیا ہے
کوئٹہ میں صحافی پر حملہ،پولیس کا مقدمہ درج کرنے سے انکار
بلوچستان کے صوبائی دارالحکومت کوئٹہ میں گھر کے قریب صحافی پر حملہ کیا گیا ہے جس کے نتیجے میں صحافی سلمان سنی شدید زخمی ہو گئے ہیں
نجی ٹی وی ہم نیوز کے کیمرہ مین و بی یو جے اور پریس کلب کوئٹہ کے ممبر صحافی سلمان سنی پر گھر کے قریب 6 سے 7 افراد نے تیز دھار آلے و ڈنڈوں سے حملہ کیا جس سے صحافی سلمان سنی شدید زخمی ہوگئے جسے سول ہسپتال طبی امداد کے لئے منتقل کیا گیا ، ابتدائی طبی امداد لینے و ایم ایل سی تیار ہونے کے بعد جب پولیس اسٹیشن صدر پہنچے تو پولیس نے مقدمہ درج کرنے کی بجائے حملہ آوروں سے معاملہ حل کرنے کا مشورہ دیا اور ایف آئی آر درج کرنے سے انکار کردیا ،
صحافی کے لواحقین کی جانب سے جب ایف آئی آر درج کرانے پر زور دیا تو پولیس نے کراس ایف آئی آر درج کرانے کیلئے حملہ آور کو خود پولیس اسٹیشن طلب کیا اور کراس ایف آئی آر درج کرنے کی دھمکی دے اور صحافی سلمان سنی کے بھانجے کو پولیس اسٹیشن صدر میں ہی بند کردیا.
صحافیوں نے واقعہ پر احتجاج ریکارڈ کروایا ہے اور کہا ہے کہ صحافی سلمان سنی پر حملہ کرنے والونکے خلاف مقدمہ درج کر کے گرفتار کیا جائے،
واضح رہے کہ اس سے قبل پنجاب کے شہر لودھراں میں ایک صحافی کو قتل کیا گیا ہے،خیبر پختونخوا میں بھی ایک صحافی کی جان لی گئی ہے، سندھ میں نصر اللہ گڈانی کو قتل کیا گیا ہے،
جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ
بہت ہو گیا،طوائفوں کی ٹیم، محسن نقوی ایک اور عہدے کےخواہشمند
قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار
سماعت سے محروم بچوں کے والدین گھبرائیں مت،آپ کا بچہ یقینا سنے گا
حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام
جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ”
وزیر اعلٰی بلوچستان نے چمن ماسٹر پلان کا افتتاح کر دیا
وزیر اعلٰی بلوچستان میر سرفراز بگٹی نے چمن کا دورہ کیا
چمن آمد پر کمشنر کوئٹہ ڈویژن اور ڈی سی چمن کیپٹن ر راجہ اطہر عباس اور دیگر اعلٰی حکام نے وزیر اعلٰی بلوچستان اور صوبائی وزراء کا استقبال کیا ،کمشنر کوئٹہ ڈویژن اور ڈی سی چمن کیپٹن ر راجہ اطہر عباس نے وزیر اعلی بلوچستان کو چمن ماسٹر پلان اور ضلع چمن کے عوام کو درپیش مسائل کے حوالےسے تفصیلی بریفنگ دی ، وزیر اعلٰی کے ہمراہ اسپیکر بلوچستان اسمبلی ,صوبائی وزراء اراکین اسمبلی بھی تھے
وزیر اعلٰی بلوچستان نے چمن ماسٹر پلان کا افتتاح کیا، اور کہا کہ ماسٹر پلان اہمیت کا حامل منصوبہ ہے، ماسٹر پلان سے وابستہ منصوبوں کی بدولت تجارتی سرگرمیاں تیز ہوں گی، ماسٹر پلان سے مقامی لوگوں کو روزگار اور تجارت کے مواقع میسر آئیں گے، ماسٹر پلان پر عمل درآمد اور تکمیل پر تمام اسٹیک ہولڈرز کو مبارکباد دیتا ہوں، پاک افغان سرحدی علاقے چمن میں ترقیاتی منصوبے مقامی افراد کے معاشی استحکام کے ضامن ہیں، شہر کی ترقی اور لوگوں کے ذرائع روزگار کے لئے اقدامات اٹھائے جارہے ہیں، چمن کے مقامی لوگوں کو روزگار کے لئے قابل عمل پالیسیاں مرتب کی جاررہی ہیں،
عدالتی وقت کے بعد ٹرائل کیوں ہوا یہی کافی ہے کیس سزا معطلی کا ہے، وکیل سلمان صفدر
عدت کیس میں فیصلہ کرنے کیلیے 12 جولائی تک کا وقت ہے،جج
دوران عدت نکاح کیس،خاور مانیکا 21 جون کو طلب،پیش نہ ہوئے تو فیصلہ ہو گا،عدالت
دوران عدت نکاح کیس،سزا کیخلاف اپیلوں پر دس دن میں فیصلے کا حکم
دوران عدت نکاح کیس،بشریٰ بی بی کے بعد عمران خان کی بھی اپیل دائر
زلفی بخاری میری بیٹیوں کو کالز کرتا ہے، خاور مانیکا عدالت میں پھٹ پڑے
بشریٰ بی بی کو سزا،خاور مانیکا کا ردعمل،نااہلی کے فیصلے پر حیران
کالعدم ٹی ٹی پی کے 2 کمانڈرز گرفتار
کوئٹہ: حساس اور قانون نافذ کرنے والےاداروں نے بلوچستان میں دہشت گردی کے لیے اڈے بنانے کا منصوبہ ناکام بناتے ہوئے کالعدم تنظیم کے 2 کمانڈرز کو گرفتار کرلیا گیا۔
کوئٹہ میں پریس کانفرنس کرتے ہوئے صوبائی وزیر داخلہ ضیاء لانگو نے بتایا کہ قانون نافذ کرنے والے اداروں نے گزشتہ روز اہم آپریشن کیا، کارروائی میں اہم دہشت گرد کمانڈر کو گرفتار کیا گیا، دہشت گردوں کا اہم نیٹ ورک پکڑا گیا ہے، ان تمام دہشت گردوں کے پیچھے بھارتی ایجنسی را کا ہاتھ ہے، ہمسایہ ملک ان دہشت گردوں کواپنی سرزمین پر پناہ دیتا ہے، ان دہشت گردوں کا اسلام سے دور دور تک کوئی تعلق نہیں، گرفتار کمانڈر نصراللہ شوری کا رکن ہے دفاعی کمیشن کا ممبر بھی رہا ہے-
انہوں نے بتایا کہ کالعدم تنظیم کے دہشت گرد نصر اللہ کو ایک مشکل آپریشن کے بعد گرفتار کیا گیا ہے دہشت گردوں کے خلاف کامیاب آپریشن پر قانون نافذ کرنے والے اداروں کو مبارک باد پیش کرتے ہیں،نوجوان دشمن کے عزائم کو پہچانیں ان کی باتوں میں نہ آئیں، گمراہ لوگ اپنے ملک صوبے اور لوگوں کو نقصان پہنچا رہے ہیں، جو نوجوان باہر بیٹھے ہوئے ہیں انہیں ورغلایا گیا ہے،بعد ازاں انہوں نے دہشت گرد نصراللہ کا ویڈیو پیغام سنایا۔
وزیراعلیٰ پنجاب کا منشیات سے پاک پنجاب کا عزم
دہشت گرد نے اپنے بیان میں بتایا کہ میرا نام نصر اللہ ہے، میرا تعلق محسود قبیلے سے ہے، جنوبی وزیرستان سے میرا تعلق ہے کالعدم ٹی ٹی پی کی تشکیل سے پہلے میں تخریبی کارروائیوں میں حصہ لیتا رہا تھا، جب کالعدم ٹی ٹی پی وجود میں آئی تو میں شامل ہوگیا، اس طرح میں گزشتہ 16 سال سے کالعدم ٹی ٹی پی کے ساتھ وابستہ رہا۔
زرتاج گل کا نام ای سی ایل سے نکالنے کا حکم
دہشت گرد نے کہا کہ میں نے اس دوران براہ راست دہشت گردی کی کارروائیوں میں حصہ لیا اور ضرب عضب کے دوران پاکستان فرار ہوگیا اور وہاں پکتیکا میں رہنے لگا، ان 16 سالوں میں میں نے پاکستان کی سیکیورٹی اداروں کے خلاف دہشت گردانہ کارروائی میں حصہ لیا، میں نے شمالی وزیرستان، ڈیرہ اسمعیل خان، اور پاک افغان بورڈر میں پاک فوج کے مختلف پوسٹس پر کئی حملوں میں حصہ لیا جن میں چغملئی چیک پوسٹ، زندہ سر پوسٹ، غر لمائی پوسٹ، اکما لا سر پوسٹ، زنگارا، مادی نارئی پوسٹ، مکین روڈ پو قافلے پر حملہ اور مارو بی چیک پوسٹ پر حملہ شامل ہے، ان حملوں میں قانون نافذ کرنے والے اداروں اور عوام کا جانی اور مالی نقصان ہوا، میں کالعدم ٹی ٹی پی کے اندر مختلف عہدوں کے اندر کام کرتا رہا ہوں، مجھے 2020 میں تحصیل شوال شمالی وزیرستان کا کمشنر بنایا گیا۔
امریکا کا سوات میں ہجوم کے تشدد سے ہلاکت کے واقعے پر اظہار افسوس
بھارتی خفیہ ایجنسی را نے افغان طالبان کی مکمل پشت پناہی کیساتھ بی ایل اے مجید برگیڈ اور ٹی ٹی پی خوارج کا الحاق کروایا، گرفتار کمانڈر نصراللہ
گرفتار کمانڈر نصراللہ نے کہا کہ را کی خواہش TTP اور BLA کا اتحاد ہے،را کا مقصد تھا کہ بلوچستان خضدار کے علاقے میں دہشتگردی کے ٹھکانے بنائے جائیں، بی ایل اے ٹی ٹی پی اتحاد کا ہدف پاک چین دوستی اور CPEC کو سبوتاژ کرنا ہے، بی ایل اے ٹی ٹی پی اتحاد کا ایک ہدف اغواء برائے تاوان کر کے گمشدہ لوگوں کا بیانیہ بنانا بھی ہے-
نور ولی کی ہندوستانی سفارت خانے سے ملاقاتیں، را کے اہلکاروں سے کابل میں بھارتی سفارت خانے میں ملتا رہا ہے، گرفتار کمانڈر نصراللہ
توہین الیکشن کمیشن کیس:ہمارے ساتھ جو ہوا ہے اب اس کیس کی گنجائش نہیں …
گرفتار کمانڈر نصراللہ نے کہا کہ ٹی ٹی پی کا تمام پیسہ را سے آتا ہے، نور ولی محسود بی ایل اے کمانڈر بشیر زیب سے بھی کابل میں بھارتی سفارت خانے میں ملتا رہا ہے،مولوی نور ولی محسود سمیت ٹی ٹی پی کی تمام قیادت بھی افغانستان میں موجود ہے، بی ایل اے مجید برگیڈ کا کمانڈر بشیر زیب بھی افغانستان میں موجود ہے، خوارجیوں کے کمانڈر "مفتی” نور ولی کے پیچھے عبوری افغان حکومت ہے،بشیر زیب اور نور والی افغانستان میں آزاد گھومتے ہیں، گرفتار کمانڈر نصراللہ
گرفتار کمانڈر نصراللہ نے مزید کہا کہ نور ولی محسود سے بی ایل اے سے الحاق کے معاملے پر میری تلخ کلامی بھی ہوئی،بی ایل اے کے کچھ لوگ نہیں چاہتے کہ بلوچستان کی لوٹ مار میں کوئی اور حصہ دار بنے، یقین ہے کہ ہمیں بی ایل اے کے لوگوں نے پکڑوایا ہے، ٹی ٹی پی کے تمام بڑے اور اہم عہدوں پر محسود قوم کے لوگ مسلط ہیں، تشکیلوں میں مرنے کیلئے باقی اقوام کے خوارج کو استعمال کیا جاتا ہے-
روسی آرمی چیف، سابق وزیر دفاع کی گرفتاری کے عالمی وارنٹ جاری
گرفتار کمانڈر نصراللہ نے کہا کہ نور ولی سے سوال کرتا ہوں کہ دہشت گردی کی عملی کاررائیوں میں صرف دوسرے قبائل کے بچے ہی کیوں مارے جا رہے ہیں؟ نور ولی دوسروں کے بچوں کو خودکش حملے سے جنت پہنچانے کا فتویٰ دیتا ہے، نور ولی اپنے 9 بچوں میں سے کسی کو بھی جنت بھیجنے کیلئے استعمال کیوں نہیں کرتا؟ اپنی گزشتہ زندگی اور ٹی ٹی پی خوارج سے وابستگی پر نادم ہوں، نہ صرف اللہ بلکہ ان تمام لوگوں سے معافی کا طلبگار ہوں جن کو میرے نام نہاد جہاد سے نقصان پہنچا، بہت سے "گمشدہ” لوگ افغانستان میں موجود ہیں، قبائل آنکھیں کھولیں! نور ولی سے سوال کریں! دہشتگرد ٹولوں کے لیڈر عیاشیاں کرتے ہیں اور بچوں کو دہشت گردی کی بھینٹ چڑھاتے ہیں،پاکستان مخالف دہشت گرد افغانستان میں آزاد گھومتے ہیں، پُشت پناہی حاصل! میں نے بے شمار حملے کیے اور کرو ا ئے، نُور ولی کے لیے TTP ذاتی جاگیر ہے،محسود قبیلہ شُوریٰ میں، باقی قبیلے تشکیلوں میں، ٹی ٹی پی میں غیر محسودوں کا استحصال ہو رہا ہے-
حنا ربانی کھر قومی اسمبلی کی قائمہ کمیٹی برائے خارجہ کی چیئرپرسن منتخب
ایپکس کمیٹی کے فیصلوں پر من و عن عملدرآمد کیا جائے گا،وزیر داخلہ بلوچستان
کوئٹہ :وزیر داخلہ بلوچستان میر ضیاء اللہ لانگو کا کہنا ہے کہ ایپکس کمیٹی کے فیصلوں پر من و عن عملدرآمد کیا جائے گا۔
میرضیاء اللہ لانگو نے اپنے ایک بیان میں کہا کہ آپریشن عزم استحکام پر بلوچستان حکومت کو اعتماد لیا گیا ہے، بلوچستان میں امن و امان کا مسئلہ ہے، مسلح جدوجہد کرنے والوں کے ساتھ مذاکرات نہیں ہوسکتے، معصوم لوگوں کو نشانہ بنانے والے جب راہ راست پر آجائیں تو ہی مذاکرات کرسکتے ہیں، ایپکس کمیٹی کے فیصلوں پر من و عن عملدرآمد کیا جائے گا۔
وزیر داخلہ نے بتایا کہ گزشتہ رات خالق آباد میں ہونے والے حملے کے بعد آپریشن جاری ہے، لیویز اور ایف سی چیک پوسٹ سمیت پی پی ایل کے کیمپ پر مسلح افراد نے حملہ کیا، پی پی ایل کے اہلکاروں نے دو سال قبل کام ختم کردیا تھا، حملے وقت لیویز کے 20 اہلکار جائے تعیناتی پر موجود تھے۔
پاکستان ریلوے کا 7 سال بعد آزادی ٹرین چلانے کا فیصلہ
25 جون تاریخ کے آئینے میں
عادل راجہ، صابر شاکر سمیت 6 یوٹیوبرز اور صحافیوں کی جائیدادیں ضبط اور شناختی کارڈ …
بلوچستان میں پولیو کا نیا کیس رپورٹ
کوئٹہ: بلوچستان میں پولیو کا نیا کیس رپورٹ ہواہے۔
محکمہ صحت کے ذرائع کے مطابق بلوچستان میں پولیو کا نیا کیس قلعہ عبداللہ سے رپورٹ ہوا جہاں 18 ماہ کے بچے میں پولیو وائرس کی تصدیق ہوئی، اس سے پہلے بھی رواں سال قلعہ عبداللہ سے پولیو کا ایک کیس رپورٹ ہوچکا ہے،نیا کیس رپورٹ ہونے کے بعد رواں سال بلوچستان میں پولیو کےکیسز کی تعداد 5 ہوگئی ہے ، اس سے قبل رواں سال بلوچستان میں ڈیرہ بگٹی،چمن،قلعہ عبداللہ اور کوئٹہ سے پولیو کے کیسز رپورٹ ہوئے تھے۔
اسرائیل مغربی کنارے میں جو کچھ کر رہا وہ بہت خطرناک ہے،یورپی یونین
رواں سال مجموعی طور پر پاکستان میں پولیو کا یہ چھٹا کیس ہے۔اس سے پہلے سندھ میں پولیو کا ایک کیس رپورٹ ہواتھا،واضح رہے کہ بلوچستان سال 2022 اور 2023 میں پولیو فری صوبہ رہا تھاجبکہ اس سے قبل صوبے میں 2021 میں پولیو کا ایک کیس رپورٹ ہوا تھا، بلوچستان میں 2020 میں پولیو کے ریکارڈ 26 کیسز رپورٹ ہوئے تھے جبکہ سال 2015 سے اب تک بلوچستان میں مجموعی طورپر پولیو کے 59 کیسز رپورٹ ہوچکے ہیں۔
ملک میں ہم آہنگی اور اتحاد کی ضرورت ہے،شرجیل انعام میمن
ہرنائی،14 میں سے مزید 3 مغوی افراد کو رہا کر دیا گیا
بلوچستان کے علاقے ہرنائی سے شناختی کارڈ دیکھ کر اغوا کئے گئے مزید تین افراد کو چھوڑ دیا گیا جس کے بعد اغوا کاروں کے پاس سات افراد رہ گئے
اغوا کاروں نے سات دن بعد مزید تین افراد کو چھوڑا ہے جس کی تصدیق ہو چکی ہے، رہا ہونے والے بلوچستان کے صوبائی دارالحکومت کوئٹہ پہنچ چکے ہیں، مسلح افراد نے شعبان سے سات روز قبل 14 افراد کو اغوا کیا تھا جس میں سے چار کو اسی روز چھوڑ دیا تھا تا ہم تین کو آج چھوڑا ہے
کمشنر سبّی ڈویژن بشیر احمد بنگلزئی کا کہنا ہے کہ مغویوں کی بازیابی کے لیے کوششیں جاری ہیں۔میڈیا رپورٹس کے مطابق مغوی افراد پکنک کی غرض سے ہرنائی میں زرغون غر کے علاقے شعبان گئے تھے نامعلوم مسلح افراد نے جمعرات کو علی الصبح انھیں اغوا کیا، مسلح افراد نے مختلف مقامات سے لوگوں کے شناختی کارڈزدیکھے اور پھر انہیں ساتھ لے گئے،اغوا کار مسلح تھے اور بڑی تعداد میں تھے انہوں نے مختلف مقامات سے شہریوں کواغوا کیا.
پاکستان میں پہلا "ماں کے دودھ کا ڈونر بینک”،علماء کرام نے کی مخالفت
بااثر وڈیرے کے ظلم کا شکار اونٹ کراچی منتقل،مصنوعی ٹانگ لگائی جائے گی
گورنر سندھ کا مبینہ بااثر وڈیرے کے ظلم کا شکار شخص کو 2 اونٹ دینے کا اعلان
سانگھڑ، کھیت میں داخل ہونے پر وڈیرے نے اونٹ کی ٹانگ کاٹ دی
جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ
بہت ہو گیا،طوائفوں کی ٹیم، محسن نقوی ایک اور عہدے کےخواہشمند
قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار
سماعت سے محروم بچوں کے والدین گھبرائیں مت،آپ کا بچہ یقینا سنے گا
حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام
جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ
گائے کے ساتھ جنسی زیادتی کی ویڈیو وائرل،ملزم گرفتار،بکری اورکتے بھی بنے نشانہ
ماضی کے جتنے آپریشن ہوئےانکے نتائج تو سامنے رکھیں،مولانا فضل الرحمان
جمعیت علماء اسلام کے سربراہ مولانا فضل الرحمان نے کہا ہے کہ آپریشن عزم استحکام، عدم استحکام آپریشن ہے جو پاکستان کو مزید کمزور کرے گا، ماضی کے جتنے آپریشن ہوئے اُس کے نتائج تو سامنے رکھیں،
کوئٹہ میں پریس کانفرنس کرتے ہوئے مولانا فضل الرحمان کا مزید کہنا تھا کہ ہم سب اس ملک کے برابر کے شہری ہیں، لیکن ایک طبقہ سمجھے کہ اس نے حاکم اور باقی سب نے غلام رہنا ہے،یہ درست نہیں،شہباز شریف وزیراعظم نہیں ہے، بس کُرسی پر بیٹھ کر خوش ہے،اس وقت ملک میں ریاست کی رٹ نہ ہونے کےبرابر ہے، ریاست بے رحم ہوچکی اور عوام کو اپنا دشمن سمجھتی ہے، بلوچستان کے بارے میں نہیں جانتا، مگر خیبر پختونخوا میں سورج غروب ہونے کے بعد پولیس تھانوں میں بند ہوجاتی ہے۔
مولانا فضل الرحمان کا مزید کہنا تھا کہ بلوچستان کی سیاسی جماعتوں کے قائدین سے ملاقات ہوئی, یہ ہماری مشاورتی مجلس تھی، الیکشن کے بعد کی صورتحال پر ایک دوسرے کو سننا مقصد تھا، تاریخ خود کو دہراتی ہے، ہم پارلیمنٹ میں بھی اپنا مؤقف دے چکے اور باہر بھی، ہم نے عوامی رابطے کا ایک سفر شروع کیا تھا، عوام نے ہمیں جو پذیرائی دی وہ نا قابل فراموش ہے، ہماری سالوں کی تاریخ غلامی کے خلاف جنگ لڑ نے کی ہے، عزم استحکام آپریشن پاکستان کو مزید کمزور کرے گا، آئین پر عمل کرکے ہی پاکستان مضبوط ہو سکتا ہے، یہاں تک کس نے پہنچایا ملک کو؟کون ذمہ دار ہے؟
ایک سوال کے جواب میں مولانا فضل الرحمان کا کہنا تھا کہ سیاسی جماعتوں سےمشاورت کا عمل اسلام آباد میں ہو رہا ہے، دوستوں کےساتھ ملاقاتیں ہوئیں، ہم نے اچھا وقت گزارا، سب سے ملاقاتیں رہتی ہیں۔ ہمیں نئی سوچ کے ساتھ ایک منزل طے کرنا ہوگی،ہم ایک چھت کے نیچے رہنے والے لوگ ہیں،ہم وہ لوگ ہیں جو مستقبل میں اسی چھت کے نیچے رہنا چاہتے ہیں یہ آئین ہماری ضمانت ہے،
صحافی نے سوال کیا کہ جس اسٹیبلشمنٹ پر آپ تنقید کررہے ہیں ماضی میں سیاستدانوں نے انہی کو ہار پہنائے ہیں، جس پر مولانا فضل الرحمان نے جواب دیا کہ یہ آپ ان سے پوچھیں کہ اس وقت انہوں نے سیاستدانوں کو گلے کیوں لگایا؟
ایپکس کمیٹی میں ایک نام عزم استحکام آیا لیکن آپریشن کا ذکر نہیں تھا،وزیراعلیٰ خیبرپختونخواہ
آپریشن عزم استحکام،کامیابی کیلئے اتحاد ضروری،تجزیہ: شہزاد قریشی
واضح رہے کہ دو روز قبل وزیرِ اعظم شہباز شریف کی زیر صدارت نیشنل ایکشن پلان کی ایپکس کمیٹی کا اجلاس ہوا تھا جس میں انسدادِ دہشت گردی کے لیے آپریشن عزم استحکام کی منظوری دی گئی تھی،وزیراعلیٰ خیبر پختونخوا علی امین گنڈا پور بھی اس اجلاس میں شریک تھے تا ہم بعد میں تحریک انصاف نے اس آپریشن عزم استحکام کی مخالفت کر دی
ڈیرہ بگٹی میں نایاب نسل کے چیتے کی اہل علاقہ نے جان لے لی،ویڈیو وائرل
بلوچستان کے ضلع ڈیرہ بگٹی میں نایاب نسل کے چیتے کو اہل علاقہ نے جان سے مار دیا
واقعہ کی ویڈیو سوشل میڈیا پر وائرل ہو چکی ہے، ویڈیو میں دیکھا جا سکتا ہے کہ چیتے کی لاش پڑی ہے اور کچھ افراد اسلحہ اٹھائے ساتھ بیٹھے ہیں، میڈیا رپورٹس کے مطابق سوئی کے پہاڑی علاقے میں چرواہوں کو ایک نایاب نسل کا چیتا نظر آیا جس پر انہوں نے اہل علاقہ کو اطلاع دی، اطلاع ملنے پر مقامی افراد اسلحہ لے کر موقع پر پہنچے اورچیتے کا پیچھا کرتے ہوئے اسکے غار تک پہنچے اور گولیاں مار کر اسے قتل کر دیا
چرواہوں کا کہنا ہے کہ کچھ عرصے سے سوئی کے نواحی علاقے میں چیتا نظر آرہا تھا اور ان کی بھیڑ بکریوں کو بھی نقصان پہنچا جارہا تھا،ڈپٹی کمشنر ڈیرہ بگٹی کے مطابق انتظامیہ کو اس واقعے کی اطلاع سوشل میڈیا پر ویڈیو سامنے آنے کے بعد ہی ملی جس کے بعد مقامی لوگوں کی مدد سے ملزمان کی تلاش شروع کی گئی اور سات ملزمان کے خلاف مقدمہ درج کیا گیا
سماجی رابطے کی ویب سائٹ ایکس پر صنم جمالی کہتی ہیں کہ بلوچستان کے ضلع ڈیرہ بگٹی میں چیتے کا شکار کردیا گیا یہ چیتے کے شکار کا دوسرا کیس ہے جبکہ بلوچستان میں اب تک 6 کیسز سامنے آئے ہیں لیکن کوئی انکوائری نظر نہیں آرہی۔
https://twitter.com/sana_J2/status/1804959925262766546
