Category: کوئٹہ

وزیراعظم عمران خان مچھ میں قتل کیے گئے کان کنوں کی تدفین کے بعد کوئٹہ پہنچ گئے۔
سرکاری ذرائع نے بتایا کہ بلوچستان کے دارالحکومت آمد کے موقع پر وزیراعظم کے ہمراہ وزیر داخلہ شیخ رشید احمد و دیگر افراد بھی موجود ہیں۔
ذرائع کا کہنا تھا کہ وزیراعظم عمران خان گورنر ہاؤس بلوچستان جائیں گے اور صوبے میں امن و امان کے اجلاس کی صدارت کریں گے۔
مزید یہ کہ وزیراعظم کی جانب سے ہزارہ برادری سے بھی ملاقات متوقع ہے۔
واضح رہے کہ وزیراعظم کا یہ دورہ مچھ میں پیش آئے سفاکانہ قتل کے واقعے کے بعد خصوصی طور پر کیا جارہا ہے اور اس حوالے سے وزیراعظم نے بھی کچھ دن قبل ایک ٹوئٹ میں کہا تھا کہ میں بہت جلد کوئٹہ پہنچوں گا۔
قبل ازیں مچھ واقعے میں قتل کیے گئے کان کنوں کی تدفین کوئٹہ کے ہزارہ ٹاؤن قبرستان میں کردی گئی، اس دوران شہریوں کی بڑی تعداد نے شرکت کی۔
کان کنوں کی نماز جنازہ علامہ راجا ناصر عباس نے پڑھائی جس میں لواحقین، اہل علاقہ اور شہریوں کی بڑی تعداد نے شرکت کی۔
اس کے علاوہ وفاقی وزیر علی زیدی، معاون خصوصی زلفی بخاری، ڈپٹی اسپیکر قومی اسمبلی قاسم سوری، صوبائی وزیر داخلہ میر ضیا لانگو سمیت صوبائی وزرا ، اراکین اسمبلی اور سماجی رہنما بھی شریک ہوئے۔
خیال رہے کہ رات گئے حکومت اور ہزارہ برادری کے درمیان کامیاب مذاکرات کے بعد لواحقین نے 6 روز سے جاری دھرنے کو ختم کرنے اور میتوں کی تدفین کا اعلان کیا تھا۔
رات گئے جو حکومت کی جانب سے جن مطالبات کو تسلیم کیا گیا ان میں جے آئی ٹی کا قیام، عہدیداروں کی معطلی و دیگر شامل ہیں۔
یہاں یہ بات واضح رہے کہ وزیراعظم نے گزشتہ روز ایک تقریب سے خطاب میں کہا تھا کہ ہزارہ برادری میتوں کی تدفین کردے میں فوری کوئٹہ پہنچ جاؤں گا۔
تاہم اسی تقریب میں وزیراعظم کی جانب سے دیے گئے ایک بیان پر انہیں شدید تنقید کا سامنا کرنا پڑا تھا اور انہوں نے ان کی آمد کی کو تدفین کرنے سے جوڑنے کو ’بلیک میلنگ‘ کہا تھا۔
عمران خان نے کہا تھا کہ ان لواحقین کے گھروں میں کمانے والوں کو مار دیا گیا، میں نے انہیں یقین دہانی کرائی کہ ہم ان کا پوری طرح خیال رکھیں گے، انہوں نے ہم سے جو بھی مطالبات کیے ہم نے تمام مان لیے تاہم ان کا یہ مطالبہ ہے کہ وزیراعظم آئیں گے تو ہم لاشوں کو دفنائیں گے مناسب نہیں۔
ساتھ ہی انہوں نے کہا تھا کہ کسی بھی ملک کے وزیراعظم کو اس طرح بلیک میل نہیں کرتے ورنہ ہر کوئی بلیک میل کرے گا، سب سے پہلے ڈاکوؤں کا ٹولہ کہے گا کہ ہمارے سارے کرپشن کے کیسز معاف کرو نہیں تو ہم حکومت گرادیں گے، یہ بھی ڈھائی سال سے بلیک میلنگ چل رہی ہے۔

کوئٹہ :وزیراعلیٰ بلوچستان جام کمال کا کہنا ہے کہ سانحہ مچھ میں ملوث دہشت گرد عناصر کو کیفر کردار تک پہنچایا جائے گا۔

کوئٹہ میں وزیراعلیٰ سیکریٹریٹ میں وزیراعلیٰ بلوچستان جام کمال کی زیرصدارت صوبےمیں امن وامان کی صورتحال سے متعلق اعلیٰ سطح کا اجلاس جاری ہے جس میں صوبائی وزیر داخلہ میر ضیاء لانگو، چیف سیکریٹری فضیل اصغر، ایڈیشنل چیف سیکریٹری داخلہ ،آئی جی ایف سی سمیت دیگر اعلیٰ حکام بھی شریک ہوئے۔

ایڈیشنل چیف سیکریٹری، آئی جی ایف سی نے وزیر اعلیٰ کو اجلاس میں بلوچستان میں امن وامان سےمتعلق صورتحال سمیت سانحہ مچھ کے حوالے سے تفصیلی بریفنگ دی اور مچھ واقعےکے بعد کی صورتحال سے آگاہ کیا۔

وزیراعلی بلوچستان جام کمال خان نے کہاکہ مچھ میں پیش آنے والا واقعہ افسوسناک ہے،حکومت متاثرین کو تنہا نہیں چھوڑے گی،عوام کےجان ومال کاتحفظ حکومت کی ذمہ داری ہے،سانحہ مچھ کےدرندوں کو انجام تک پہنچائیں گے۔

وزیراعظم عمران خان نے کہا مچھ واقعہ پر لواحقین سے تعزیت کے لئے جلد جاؤں گا۔
وزیر اعظم عمران خان نے سماجی رابطے کی ویب سائٹ پر ٹویٹ کرتے ہوئے کہا کہ درخواست ہے شہدا کی تدفین کی جائے، شہداء کے دکھ درد میں برابر کا شریک ہوں، کبھی بھی عوام کے اعتماد کو ٹھیس نہیں پہنچاؤں گا۔
عمران خان کا کہنا تھا کہ مستقبل میں ایسے واقعات روکنے کیلئے اقدامات کر رہے ہیں، ہزارہ برادری کو یقین دلاتا ہوں ان کے مطالبات کا احساس ہے، جانتے ہیں ہمارا پڑوسی فرقہ واریت کو فروغ دے رہا ہے۔

دوسری جانب سانحہ مچھ کے ورثا کا کوئٹہ میں مغربی بائی پاس پر چوتھے روز بھی دھرنا جاری ہے۔ لواحقین نے وزیراعظم کے آنے تک دھرنا جاری رکھنے کا اعلان کیا ہے۔
مظاہرین اور حکومت کے درمیان مذاکرات کا چوتھا دور بھی ناکام رہا، وفاقی وزیر علی زیدی، معاون خصوصی زلفی بخاری اور ڈپٹی سپیکر قومی اسمبلی قاسم سوری وزیراعظم کی ہدایت پر رات گئے کوئٹہ پہنچے، جہاں انہوں نے مغربی بائی پاس پر دھرنا دینے والوں کے ساتھ مذکرات کئے۔
مذاکرات ڈیڑھ گھنٹہ تک جاری رہے، دھرنے کے شرکاء نے وزیر اعظم کے آنے تک میتوں کو دفن کرنے اور دھرنا ختم کرنے سے انکار کیا۔

آج بروز منگل مرکزی انجمن تاجران بلوچستان (رجسٹرڈ )اور اتحاد تاجران نے پریس کانفرنس کی جس میں مچھ بولان میں 11 بے گناہ مزدوروں کو بے دردی سے قتل کرنے کیخلاف 7 جنوری بروز جمرات کو کوٸٹہ میں مکمل شٹر ڈاٶن ہرتال کا اعلان کر دیا اور تمام تاجر برادری سے اپنا کاروبار بند کرنے کی اپیل بھی کی

وزیر داخلہ شیخ رشید مذاکرات کیلئے کوئٹہ پہنچ چکے ہیں.
اور کوئٹہ دھرنے کی میڈیا کوریج بھی بہتر ہو گئی ہے.
لیکن
دھرنے کا مطالبہ یہ ہے کہ
خود وزیر اعظم پاکستان تشریف لائیں اور تمام مطالبات فوری منظور کریں.
وزیر اعظم کے آنے کا اثر یہ ہو گا کہ
۱. حکومت اور ریاست آفیشلی طور پر ہماری مظلومیت تسلیم کر لے گی
۲. دنیا بھر میں میڈیا کوریج ہو گی کیونکہ وزیراعظم کے دوروں اور باتوں کو ہر جگہ نوٹ کیا جاتا ہے.
۳. ریاست، سیاسی اجتماعی دباؤ میں آئے گی. اسے ہمارا درد بہتر محسوس ہو گا.
.

اور
ہم مؤدبانہ گزارش کرتے ہیں کہ
علامہ راجہ ناصر صاحب اور علامہ ساجد نقوی بھی تشریف لائیں.
اس طرح
۱. خانوداہ شہداء اور ملت کی بھی دلجوئی ہو گی
۲. بہتر میڈیا کوریج بھی ملے گی
۳. پاکستانی عوام کو بھی بہتر اور مؤثر پیغام ملے گا. اور وہ بھی ساتھ دینگے دھرنوں میں.اور اگلا اقدام یہ ہونا چاہئے کہ دھرنا گورنز ہاؤس کی طرف منتقل کیا جائے.اگر اس شہر میں ہمیں امن و سکون میسر نہیں، تو ارباب اقتدار کو بھی سکون سے جینے کا حق نہیں.

.