Category: راولپنڈی

راولپنڈی۔ (اے پی پی)انگلش ڈیپارٹمنٹ فاطمہ جناح وویمن یونیورسٹی کے زیراہتمام لینگوسٹک اینڈ لٹریچر کے موضوع پر سالانہ دو روزہ کانفرنس کی افتتاحی تقریب کا انعقاد کیا گیا۔تقریب کی مہمانے خصوصی محترمہ نور آمنہ ملک مشیر مانیٹرنگ اینڈ ایویلیٹنگ ہائیر ایجوکیشن کمیشن آف پاکستان نے کہا کہ اس طرح کی کانفررنسس کا انعقاد ایک بہترین کاوش ہے جس کیلئے میں وائس چانسلر کو مبارک باد پیش کرتی ہوں۔ جنہوں نے بہت سے سکالزر کو ایک پلیٹ فارم مہیا کیا جہاں وہ اپنے تجربات کو دوسروں تک پہنچا سکیں۔افتتاحی تقریب کی سپیکر پروفیسر ڈاکٹر عالیہ سہیل خان نے ”زبان کے ذریعے اندھیرے سے روشنی تک کا سفر“ سے متعلق موضوع پر بات کی۔اور انہوں نے پروفیسرڈاکٹر ثمینہ امین قادر اور ڈیپارٹمنٹ کی کاوشوں کو سراہتے ہو ئے کہا کہ یہ ایک بہترین پلیٹ فارم ہے جس سے طلباء سکالزر کے تجربات سے بہت کچھ سیکھ سکیں گے۔وائس چانسلر پروفیسر ڈاکٹر ثمینہ امین قادر نے کہا کہ کانفرنس کا بنیادی مقصد تعلیمی اور سماجی سائنسدانوں محققین کو ایک پلیٹ فارم پر اکھٹا کر کے لینگوسٹک اور لٹریچر کے تمام پہلوؤں پر اپنے تجربات کی روشنی میں نظرثانی کریں۔ اپنی ریسرچ اور تحقیقی نتائج کا تبادلہ خیال کریں۔جس سے دو روزہ کانفرنس میں موجود ہ ریسرچ سکالزر نے 60 ریسرچ پیپرز پیش کیئے۔اس کانفرنس میں یونیورسٹی طلباء اور مختلف ڈیپارٹمنٹ سے فیکلٹی ممبران اور سکالزرنے بڑھ چڑھ کر حصہ لیا۔

راولپنڈی۔ (اے پی پی) وزیر اعلیٰ پنجاب کی ہدایت پر ڈسٹرکٹ ہیلتھ اتھارٹی راولپنڈی نے سموگ سے بچاؤ کے لئے ایڈوائزری جاری کر دی ہے۔اس حوالے سے ڈی ایچ اے کے چیف ایگزیکٹیو آفیسر ڈاکٹر محمد سہیل نے جمعرات کے روز ”اے پی پی“ سے گفتگو کرتے ہوئے بتایا ہے کہ وزیر اعلیٰ پنجاب عثمان بزادر کی ہدایت پر رواں سال سموگ سے بچاو اور احتیاطی تدابیر سے آگاہ کرنے کے لئے محکمہ صحت کی جانب سے ایڈائزری جاری کی گئی ہے۔انہوں نے بتایا ہے کہ بارش میں تاخیر کے باعث راولپنڈی سمیت پنجاب بھر میں دھندلا بادل (سموگ)کے ممکنہ خدشات ہیں جو کہ نہ صرف آنکھوں میں شدید تکلیف اور حدنگاہ میں خطرناک کمی کا باعث بن سکتا ہے بلکہ سانس اور پھیپڑوں کی بیماری کا سبب بھی بن سکتا ہے،گلیوں سڑکوں کے ساتھ ساتھ گھروں کے اندر پہنچ جانے والی یہ آلودگی بالخصوص بچوں کے لئے خطرناک ثابت ہوسکتی ہے۔انہوں نے بتایا ہے کہ سموگ کے دوران احتیاطی تدابیر کاخیال رکھتے ہوئے روزانہ زیادہ پانی پیئں،گھروں کی کھڑکیاں اور دروازے بندرکھیں،گلیوں بازاروں یاسڑکوں پر زیادہ چلنے پھرنے سے پرہیز کریں اور زیادہ وقت گھر میں گزاریں،گھروں میں صفائی کے دوران جھاڑوکی بجائے گیلا کپڑا استعمال کریں،بہت زیادہ ٹھنڈے مشروبات پینے سے اجتناب کریں،گھروں سے باہر نکلتے وقت چشمے کا استعمال کری اور سفر کے دوران یابعد میں آنکھوں کو پانی سے اچھی طرح سے دھوئیں۔

راولپنڈی (ا ے پی پی)سٹی پولیس آفیسر ڈی آئی جی محمد فیصل رانا نے کہا ہے کہ پولیس کا رویہ ایسا ہونا چاہیے کہ تھانوں میں قانون پسند عوام اپنے مسائل کے حل کے لئے شوق سے آئیں جبکہ قانون شکن اور کریمنلز پر قانون کاخوف ہمیشہ سوار رہے،تھانوں کو کمیونٹی پولیسنگ سے ہی شرفاء کے لئے دارالامان بنایا جا سکتا ہے،ایس پی اور ایس ڈی پی اوز باقاعدگی سے تھانوں کو چیک کریں،تھانوں میں غیر قانونی حراست یا تشدد کو کسی بھی حوالے سے برداشت نہیں کیا جائے گا،نجی ٹارچر سیل قانون کی حکمرانی کو کھلا چیلنج ہے جس پر کڑی نگاہ رکھی جا رہی ہے۔ ان خیالات کا اظہار انہوں نے پولیس افسران کے اجلاس سے خطاب کرتے ہوئے کیا، سی پی او فیصل رانا نے کہا کہ تھانہ قانون کا قلعہ اور بنیادی یونٹ ہے اسے ہر لحاظ سے رول ماڈل ہونا چاہیے، تھانہ میں قانون کی حکمرانی عملی طور پر نظر آنی چاہیے، انہوں نے کہا کہ قانون کا خوف ہی معاشرتی امن کی ضمانت ہے،آج بھی جس جگہ سے پولیس کی گاڑی گزر جاتی ہے قانون شکن وہاں پر کسی بھی قانون شکنی سے قبل کئی بار سوچتا ہے، ہمیں قانون کے اس خوف کو قانون شکنوں کے لئے قائم رکھنا ہے جبکہ قانون پسند عوام تو قانون کے ایسے دوست ہیں جو ہمیشہ قانون کے ساتھ کھڑے ہوتے ہیں، قانون کے قانون پسند دوستوں کو تھانوں میں وہ عزت ملنی چاہیے جس کے یہ مستحق ہیں، سی پی او نے کہا کہ تھانوں کو شرفاء اور قانون پسندوں کے لئے دار الامان ہونا چاہیے اسے کمیونٹی پولیسنگ کے ذریعے بہتر سے بہترین اور مزید مستحکم کیا جا سکتا ہے،سی پی او نے کہا کہ تھانوں میں غیر قانونی حراست،زیر حراست افراد پر تشدد یا نجی ٹارچر سیل زمانہ قدیم کی پولیسنگ ہو سکتی ہے،اب ایسا ممکن ہے نہ ایسے غیر قانونی اقدامات قابل برداشت ہیں،ہر سرکل کا ایس ڈی پی او اور ہرڈویژنل ایس پی باقاعدگی سے اپنے تھانوں کو چیک کرے،حوالات میں کسی بھی قسم کی کوئی غیر قانونی حراست نہیں ہونی چاہیے،پولیس تشدد اور نجی ٹارچر سیل کے حوالے زیرو ٹالرینس پالیسی ہے یہ سب اقدامات قانون کی حکمرانی کو چیلنج ہیں،اور قانون جانتا ہے کہ اس نے چیلنج کرنے والوں سے کیسے نمٹنا ہے، سی پی او نے کہا کہ راولپنڈی کی عوام قانون پسند، یہاں کے منتخب عوامی نمائندے میرٹ پرست،یہاں کا میڈیا مکمل پروفیشنل اور معاشرے کی بہتری کے لئے کام کرنے والا،یہاں کے تاجر ملکی معیشت کے لئے اہم کردار رکھنے والے اور یہاں کے علماء سمیت تمام طبقات معاشرتی امن کے خواہاں ہیں یہ سب قانون کی حکمرانی کے لئے پولیس کے ساتھی ہیں لہٰذا پولیس افسران عوام کے جان ومال کے تحفظ کے حوالے سے ان سب سے مشاورت کریں۔

راولپنڈی (ا ے پی پی) سپریم کورٹ کے سینئر وکیل آغا طارق محمود ایڈووکیٹ کے خلاف ایف آئی آر کے اندراج کے خلاف پنجاب بار کونسل کی کال پر راولپنڈی کے وکلا نے منگل کے روزہڑتال کی وکلاعدالتوں میں پیش نہیں ہوئے جس کے باعث عدالتوں نے اہم مقدمات سمیت دیگر کیسوں کی سماعت آئندہ تاریخ پیشی تک ملتوی کر دی، ڈسٹرکٹ بارراولپنڈی کے صدر سید تنویر سہیل شاہ سیکرٹری جنرل محمد شہزاد میر ایڈووکیٹ سمیت دیگر وکلا نے کہا آغا طارق محمود ایڈووکیٹ کے خلاف درج ہونے والی ایف آئی آر کو فوری طور پر خارج کی جائے اس واقعہ کی انکوائری کرائی جائے۔ممبر پنجاب بار کونسل سجاد اکبر عباسی اور چوہدری واصف نے کہا کہ ہم بار کے ہر وکیل کے ساتھ کھڑے ہیں اور بار کے عہددیداران اس ضمن میں جو بھی فیصلہ کریں گے ہم انکا ساتھ دیں گے۔

راولپنڈی۔ (اے پی پی) وزیر اعلی پنجاب کے مشیر برائے ہارٹیکلچر و ٹورازم آصف محمود نے کہاہے کہ صوبہ کے دیگر شہروں کی طرح راولپنڈی کے تمام پارکوں کی تزئین وآرائش اورشہر خوبصورتی کے لئے جلد نئے منصوبے شروع کئے جائیں گے اور اراضی حاصل ہونے کے بعد جدید طرز کانیا پارک بنایا جائے گا۔ کلین اینڈ گرین پروگرامز کے تحت شہر بھر میں ٹری پلانٹیشن سمیت جاری منصوبوں کو جلد پایہ تکمیل تک پہنچایا جائے گا۔ پیر کو میڈیا سے گفتگوکرتے ہوئے انہوں نے بتایا ہے کہ دو روز انہوں نے وزیر اعلیٰ پنجاب عثمان بزدار سے ملاقات کی ہے جس دوران صوبے کے تمام پی ایچ ایز کی ترقی اور اہم امور پر بات چیت ہوئی۔ انہوں نے بتایا ہے کہ وزیر اعلیٰ ہدایت کی ہے کہ پنجاب کے تمام شہروں میں کام پارکس اینڈ ہارٹیکلچرل کے ادارے کریں گے۔ وزیر اعلی نے آصف محمود کو ہدایت کی کہ کلین اینڈ گرین پنجاب کے تحت تمام پی ایچ ایز میں شجرکاری مہم جاری رکھیں۔

بابوسرٹاپ حادثہ میں جاں بحق فوجی جوانوں کی نمازجنازہ اداکردی گئی

باغی ٹی وی کی رپورٹ کے مطابق بابوسرٹاپ حادثہ میں جاں بحق فوجی جوانوں کی نمازجنازہ اداکردی گئی ،نما زجنازہ میں‌آرمی چیف جنرل قمر جاوید باجوہ نے بھی شرکت کی ،نمازجنازہ چکلالہ گیریژن راولپنڈی میں اداکی گئی، مسلح افواج کےافسران اورشہداء کےعزیزواقارب نے بھی نماز جنازہ میں شرکت کی،

وزیراعظم عمران خان نے غمزدہ خاندانوں سےاظہار تعزیت کرتے ہوئے زخمیوں کو بہترین طبی سہولیات فراہم کرنے کی ہدایات جاری کی ہیں، واضح رہے کہ چلاس کے مقام پر اسکردوسے راولپنڈی جانےوالی مسافرکوچ کو افسوس ناک حادثہ پیش آیا ہے جس میں‌ پاک فوج کے دس جوانوں‌، خواتین اور بچوں سمیت 27 افراد جاں بحق ہوئے ہیں،

مسافرکوچ روڈکےساتھ چٹان سے ٹکرا کر الٹ گئی، حادثہ بابوسرٹاپ کےعلاقےمیں پیش آیا، زخمیوں میں بچےاورخواتین بھی شامل ہیں، جاں بحق اورزخمیوں میں بچےاورخواتین بھی شامل ہیں مقامی پولیس کے مطابق اسکردو سے راولپنڈی جانے والی تیز رفتار مسافر کوچ موڑ کاٹتے ہوئے بابو سر ٹاپ کے قریب گٹی داس کے مقام پر پہاڑ سے ٹکرا گئی تھی

راولپنڈی۔ (اے پی پی) محکمہایکسائز اینڈ ٹیکسیشن راولپنڈی نے جائیدادوں کی تشخیص نو کے لیے مالکان کو 30 ستمبر تک کوائف جمع کرانے کی ہدایت کی ہے اور خبردار کیا ہے کہ مقررہ ڈیڈ لائن کے بعد محکمہ ازخود اسیسمنٹ پروسیس کا آغاز کردے گا ۔دستیاب معلومات کے مطابق محکمہ ایکسائز راولپنڈی نے آئندہ پانچ برس کے لیے جائیدادوں کی تشخیص نوکا فیصلہ کیا ہے،یہ اسیسمنٹ جائیدادوں کی موجودہ کرائے کی بنیاد پر ہوگی،غلط معلومات پر ایکسائز اسیسمنٹ حتمی تصور ہو گی۔ڈائریکٹر ایکسائز اینڈ ٹیکسیشن راولپنڈی چوہدری محمد سہیل ارشد نے اے پی پی سے بات چیت کرتے ہوئے کہاکہ انڈر ریٹنگ ایریا راولپنڈی شہر،مری، ٹیکسلا،گوجر خان،کلر سیداں، ضلع راولپنڈی سے ملحقہ قومی و صوبائی شاہرات اور مو ٹروے کی جائیدادوں کی نئی اسیسمنٹ برائے مالی سال 2020-21ء تامالی سال 2024-25ء موجودہ کرایوں کی روشنی میں کی جائے گی۔انہوں نے کہاکہ اس لیے مالکا ن بشمول قابضان،کرایہ داران،پٹہ داران، مکانات دکانات، کارخانہ جات ودیگر جائیدادمالکان کو متنبع کیا جاتا ہے کہ جائیداد کی نئی اسیسمنٹ کے لیے ایکسائز دفتر سے فارم پی ٹی 4 حاصل کر کے ضروری کارروائی کریں۔انہوں نے کہاکہ اپنی جائیداد کے کرایہ جات بابت مالی سال 2019-2020ء اور دیگر کوائف درست طور پر درج کرکے کمپیوٹر ائز قومی شناختی کارڈ کی فوٹو کاپی اور موبائل نمبر کے ہمراہ ایک ماہ کے اندر(30ستمبر تک) نازیہ جاوید ای ٹی او پراپرٹی ٹیکس زون (I&IV) راولپنڈی،تجمل ارتضٰی علی ای ٹی او پراپرٹی ٹیکس زون (II) راولپنڈی اورمحمد سمیرای ٹی اوپراپرٹی ٹیکس زون (III) راولپنڈی یامتعلقہ ایکسائز اینڈ ٹیکسیشن آفیسر /اسیسنگ اتھارٹی کے دفتر میں جمع کروائیں۔ ایکسائز اینڈ ٹیکسیشن آفیسر ایڈمن و پراپرٹی ٹیکس زون (III) راولپنڈی محمد سمیر نے ایک سوال کے جواب میں بتایاکہ جائیداد کی درست معلومات نہ دینے کی صورت میں محکمہ ایکسائز اینڈ ٹیکسیشن کی طرف سے تجویز کردہ سالانہ تشخیص حتمی تصور ہوگی،تاہم کسی جائیداد کی ملکیت میں کسی قسم کی ترمیم /تبدیلی کے لیے ثبوت کے ہمراہ علیحدہ درخواست دینا لازم ہوگا۔

احتساب عدالت راولپنڈی میں جعلی بینک اکاوَنٹس کیس کی سماعت ہوئی۔

سابق ڈی جی پارکس سندھ لیاقت قائم خانی کے گھر سے کتنا خزانہ نکلا؟ نیب نے بتا دیا

باغی ٹی وی کی رپورٹ کے مطابق جعلی اکاﺅنٹس کیس کی سماعت کے دوران سابق ڈی جی پارکس کراچی لیاقت قائم خانی کا 2 روزہ راہداری ریمانڈ منظور کر لیا۔ احتساب عدالت نے ملزم کا طبی معائنہ کرانے کا حکم بھی دیا ۔

لیاقت قائم خانی کو 23 ستمبر کواحتساب عدالت اسلام آباد میں پیش کیا جائے گا۔

واضح رہے کہ لیاقت قائم خانی کو نیب نے گرفتار کیا تھا، ان پر باغ ابن قاسم کی تزئین و آرائش کے نام پر کروڑوں روپے کی غبن کا الزام ہے، لیاقت قائم خانی کو ریٹائرمنٹ کے بعد کے ایم سی میں بطور مشیر رکھا گیا ہے۔

راولپنڈی(اے پی پی)پنجاب میں آبپاش زراعت کی بہتری کے منصوبہ کے تحت غیر نہری علاقوں میں نظام آبپاشی کی بہتری کے لئے کاشتکاروں کی فنی و مالی معاونت کی جارہی ہے۔اس منصوبہ کے تحت کاشتکار کے پاس وافر پانی کا حامل ذریعہ آبپاشی جس کا رقبہ کم ازکم 40 کنال 5)ایکڑ(ہونا چاہیے اور پانی کا لفیٹنگ ہیڈزیادہ سے زیادہ 50 میٹر ہونا چاہیے اور انجمن آبپاشیاں کے قواعد کے مطابق حصہ داران کی تعداد پوری ہونی چاہیے اور اس کے ساتھ ساتھ مجوزہ سکیم کو ہر قسم کی قانونی کاروائی سے پاک ہونی چاہیے۔ مجوزہ درخواست فارم متعلقہ ڈپٹی ڈائریکٹر/ اسسٹنٹ ڈائریکٹر زراعت (اصلاحِ آبپاشی) کے دفاتر سے دفتری اوقات میں مفت دستیاب ہیں۔ اس کے علاوہ درخواست فارم محکمہ زراعت شعبہ اصلاحِ آبپاشی کی ویب سائٹ www.ofwm.agripunjab.gov.pk سے بھی ڈاؤن لوڈ کئے جا سکتے ہیں۔ کاشتکار اپنی درخواستیں متعلقہ ڈپٹی ڈائریکٹر زراعت(اصلاحِ آبپاشی) کے دفتر میں جمع کروا سکتے ہیں۔ اس منصوبے کے تحت اہل درخواست دہندہ کے فارم کا سروے،ڈیزائن اور تخمینہ لاگت تیار کیا جائے گا جس کی منظوری متعلقہ اتھارٹی دے گی۔ حصہ داران سکیم اپنے حصہ کی رقم متعلقہ شراکتی بینک میں جمع کروائیں گے۔حکومت کی طرف سے تعمیراتی کام کیلئے منظورشدہ رقم مبلغ 2 لاکھ 50 ہزار روپے کی قسط وار ادائیگی کی جائے گی۔ حصہ داران متعلقہ کمیٹی کے ذریعے کام مکمل کروائیں گے جس کی تصدیق متعلقہ ادارہ کرے گا۔ مزید معلومات کیلئے کاشتکار دفتری اوقات میں فون نمبر 042-99200713 پر بھی رابطہ قائم کر سکتے ہیں۔ اس سکیم سے دستیاب پانی کی بچت ہوگی اور پانی کا بہاؤ بہتر ہونے سے فصلات کی فی ایکڑ پیداوار میں بھی اضافہ ہوگا۔