Category: راولپنڈی

راولپنڈی:پولیس افسر کا ایسا کارنامہ آپ بھی داد دیے بغیر نہیں رہ سکیں گے.ایس پی صدر ڈویژن رائے مظہر اقبال نے اپنے آفس میں شکایت کے سلسلے میں آئے ہوئے ایک معذور شہری کو نہ صرف خود ریسیو کیا بلکہ ان کی درخواست پر فوری عملدرآمد کے احکامات جاری کیے، اور بعد ازاں آفس کے مین گیٹ تک خود جا کر انہیں الوداع کیا۔

راولپنڈی:معصوم سگی بیٹیوں کے ساتھ غیر اخلاقی حرکات کرنے والا درندہ صفت باپ گرفتار،یہ دلخراش واقعہ ائرپورٹ کے علاقہ ڈھوک چوہدریاں میں پیش آیا۔ایس پی پوٹھوہار ڈویژن سید علی نے واقعہ کا فوری نوٹس لیتے ہوئے ملزم کے خلاف مقدمہ درج کرنے کا حکم دیا۔پولیس نے سفاک ملزم زبیر کو گرفتار کرکے تفتیش مقدمہ شروع کردی ہے۔
ایسے ناسور کسی بھی قسم کی رعایت کے حقدار نہیں، غلیظ ملزم کو کیفرکردار تک پہنچایا جائے گا۔معاشرہ میں غیر اخلاقی جرائم سرزد کرنے والے درندہ صفت سفاک ملزمان کو انجام تک پہچانا پولیس کی اولًین ذمہ داری ہے۔ ایس پی پوٹھوہار ڈویژن سید علی

راولپنڈی : سٹی پولیس آفیسر محمد فیصل رانا کا آئی جی پنجاب عارف نواز خان کے احکامات کے مطابق تھانوں کا اچانک دورہ کرنے کا سلسلہ جاری،سی پی او کا تھانہ پیرودھائی کا اچانک دورہ، تھانوں میں کسی قسم کی غیر قانونی حراست ہرگز ہرگز قابل برداشت نہیں،تفصیلات کے مطابق سی پی او راولپنڈی محمد فیصل رانا کا تھانہ پیرودھائی کا دورہ، دورے کے دوران تھانے کے ریکارڈ،صفائی و دیگر انتظامات کا جائزہ لیا۔سی پی او محمد فیصل رانا نے کہا کہ تھانوں میں غیر قانونی حراست کسی صورت برداشت نہیں، میں خود تھانوں کے سرپرائیز وزٹ کروں گا اگر کسی تھانہ میں غیرقانونی حراست پائی گئی توایس ایچ او سمیت ذمہ دار پولیس افسران اور ملازمین کے خلاف مقدمات درج ہوں گے،سی پی او نے کہا کہ ہر تھانہ کو ماڈل تھانہ ہونا چاہیے،ایس ایچ او سمیت پولیس افسران اور اہلکار کو قانون پسندی کے حوالے سے رول ماڈل ہونا چاہیے،سی پی او نے تھانوں کو ریکارڈ،صفائی،حوالات کو بھی چیک کیا،تھانے پہنچنے پر سی پی او کو پولیس کے چاق وچوبند دستے نے سلامی دی۔

راولپنڈی:صوبائی وزیر خواندگی و غیر رسمی بنیادی تعلیم راجہ راشد حفیظ نے کہا ہے کہ تاجر ملکی معیشت میں ریڑھ کی ہڈی کی حیثیت رکھتے ہیں اور حکومت اس حقیقت کا مکمل ادراک رکھتی ہے ․ تاجروں کے مسائل ترجیحی بنیادوں پر حل کئے جائیں گی․ تاجروں کی بھی ذمہ داری ہے کہ وہ اپنے اندر موجود ٹیکس ادا نہ کرنے والوں کی نشاندہی کریں اور ملاوٹ ، جعل سازی اور دونمبری کو روکنے کیلئے بھی حکومت کے ساتھ تعاون کریں ․ انہوں نے یہ بات چن بازار ، صرافہ بازار راولپنڈی میں تاجروں کے مسائل معلوم کرنے کیلئے اچانک دورے کے موقع پر گفتگو کرتے ہوئے کہی ․انہوں نےکہا کہ تاجروں پر بھی کچھ ذمہ داریاں عائد ہوتی ہیں جن میں ٹیکس کی ایماندارانہ ادائیگی سر فہرست ہے ․ اسی طرح تجارت کے پیشے سے منسلک ہو کر جعلی اور دو نمبر اشیاء بنانے اور فروخت کرنے والوں کا محاسبہ بھی تاجروں کی ذمہ داری ہے اور جو لوگ اس کاروبار سے منسلک ہیں ان کی نشاندہی کرکے انہیں قانون کے کٹہرے میں لانا تاجروں کے تعاون سے بہت آسان ہو جاتا ہے ․ اس سے قبل جب راجہ راشد حفیظ چن بازار پہنچے تو دکانداروں نے پھولوں کی پتیاں نچھاور کرکے ان کا استقبال کیا ․ صوبائی مختلف دکانوں میں گئے اور وہاں جمع ہونے والے تاجروں سے بات چیت کرتے ہوئے کہا کہ تاجر اگر ایمانداری اور دیانت داری کے ساتھ کام کریں تو نہ صرف ملک کی معیشت بہتر ہو سکتی ہے بلکہ عوام الناس کی زندگیوں میں بھی بہتری آ سکتی ہے ․-

راولپنڈی :جماعت اسلامی پاکستان کے نائب امیر لیاقت بلوچ نے کہا ہے کہ کشمیر پاکستان کے لئے زندگی اور موت کا مسئلہ ہے۔ کشمیر کے لئے آخری حد تک جائیں گے۔بھارت نے مقبوضہ کشمیر کو جیل خانے میں تبدیل کردیا ہے۔ بھارتی ظلم و جبر کے حوالے سے اقوام متحدہ ٗ عالمی طاقتوں اور انسانی حقوق کی تنظیموں نے آنکھیں بند کر رکھی ہیں۔مسئلہ کی سنگینی کے پیش نظرجوکردار انہیں ادا کرنا چاہیے تھا۔ وہ کہیں نظر نہیں آتا۔ ان خیالات کا اظہار انہوں نے گزشتہ روز سید مودودی ؒ بلڈنگ میں ادبی تنظیم خوشبو کے زیر اہتمام اہل قلم کانفرنس بعنوان تڑپتی شہ رگ اور قلمکار کے شرکاء سے خطاب کرتے ہوئے کیا۔ کانفرنس کی صدارت ادبی تنظیم خوشبو کے صدر ملک محمداعظم نے کی۔جبکہ اس موقع پر سینئر صحافی حاجی محمد نواز رضا ٗ شاعر ٗ ادیب اور مصنف جبار مرزا ٗ کالم نگار راج بیگ ٗنامور شاعر ٗکالم نگار اور مصنف احمد حاطب صدیقی ٗممتاز ادیب افتخار کھوکر ٗسینئر کالم نگارعابد ملک ٗ معروف لکھاری ریاض عادل ٗشاعر ٗکالم نگار اور مصنف پروفیسر جمیل منہاس ٗصدر تحریک نفاذ اردو عطا الرحمان چوہان ٗسینئر صحافی اور کالم نگار میاں منیر احمد ٗکالم نگار میرافسر خان ٗشاعر الطاف رسول ٗیوتھ اسمبلی پاکستان کے حماد ملک ٗامیر جماعت اسلامی سٹی ڈسٹرکٹ راولپنڈی سید عارف شیرازی ٗ جنرل سیکرٹری سید عزیر حامد ٗادبی تنظیم خوشبو کے سیکرٹری حافظ سجاد قمر ٗڈپٹی سیکرٹری مبشر وڑائچ ٗظیبہ فاؤنڈیشن کے خالد عمران خالد ٗنائب صدر جے آئی یوتھ آزاد جموں وکشمیر حافظ خضر حیات چوہدری اور دیگر نے بھی اظہار خیال کیا۔لیاقت بلوچ نے ادبی تنظیم خوشبو کے منتظمین کو اہل قلم کانفرنس پر مبارکباد دیتے ہوئے کہا کہ خوشبو کے عہدیداران نے وقت کی آواز کو پہچانا اور مظلوم کشمیری بھائیوں سے اظہار یکجہتی کے لئے اہل قلم کو اکٹھا کیا۔ایک زمانے میں علامہ اقبال کو بھی کشمیر کمیٹی کا سربراہ بنایا گیاتھا۔انہوں نے کشمیر کے ساتھ محبت کا حق ادا کیااور اس حوالے سے بہت کچھ لکھا ہے۔آج کے اہل قلم کو علامہ اقبال سے رہنمائی لینی چاہیے۔انہوں نے کہا کہ کرفیو کی آڑ میں بھارتی فوجی اور آر ایس ایس کے غنڈے خواتین اور نوجوانوں کو نشانہ بنائے ہوئے ہیں۔مقبوضہ کشمیر کو نئی کربلا بنا دیا گیا ہے۔کشمیری مدد کے لئے دُعائیں کر رہے ہیں۔اگر بے بس اور مظلوم کشمیریوں کی فوری مدد نہ کی گئی تو کسی بھی وقت کوئی انسانی المیہ اور سانحہ ہو سکتا ہے۔انہوں نے کہا کہ ہماری افواج ٗ رینجرز اور پولیس نے وطن کی حفاظت اور دہشت گردی کے خاتمے کے سلسلے میں بے پناہ قربانیاں دی ہیں۔ ہمیں سیکورٹی فورسز کی قربانیوں اور خدمات پر فخر ہے۔انہوں نے کہا کہ حکومت نے کشمیر ایشو کے حوالے سے پارلیمانی محاذ پر انتہائی نالائقی کا ثبوت دیا ہے۔حکومت کو 5اگست کے بعد فوری طور پر قومی کانفرنس بلانی چاہیے تھی اور پارلیمنٹ کا مشترکہ اجلاس بلا کر قومی نمائندوں کی مشاورت کے ساتھ نیشنل ایکشن پلان ترتیب دینا چاہیے تھا۔ مسئلہ کشمیر پر حکومت اور اپوزیشن کو ہم آواز ہونا چاہیے۔انہوں نے کہا کہ وزرا ء ہر وقت اپوزیشن کے لوگوں کو گرفتار کرانے اور ان کے خلاف مقدمات قائم کرنے کی دھمکیاں دیتے اور اعلانات کرتے رہتے ہیں۔ وزیراعظم عمران خان پارلیمنٹ میں آتے ہیں توروٹھی ہوئی عورت کی طرح کسی سے ہاتھ ملاتے ہیں نہ کسی اپوزیشن کے ممبر سے ملنا گوارا کرتے ہیں۔مظفر آبادکے جلسے میں اپوزیشن کاکوئی لیڈربھی ان کے ساتھ نہیں تھا۔لیاقت بلوچ نے تجویز پیش کی کہ بیرون ملک مقیم پاکستانیو ں کے ذریعے سے پاکستان کی سفارتکاری کو بہترین طریقے سے چلایا جا سکتا ہے۔

راولپنڈی:سابق صوبائی وزیر اطلاعات و صوبائی وزیر فیاض الحسن چوہان کے بیٹے فہد حسن کا ایف ایس سی کا نتیجہ روک دیا گی.باغی ٹی وی کی تفصیلات کے مطابق فیاض الحسن چوہان کے بیٹے فہد حسن کے ایف ایس سی کے نمبروں میں تبدیلی کی گئی جس کی راولپنڈی انٹر میڈیاٹ بورڈ نے بھی تصدیق کردی ہے، فیاض الحسن چوہان کے بیٹے فہد حسن کےفزکس پریکٹیکل کے نمبرتبدیل کیے گئے۔ فزکس پریکٹیکل کے 14 نمبرتبدیل کر کے 30 کرنے پرانکے بیٹے کا نتیجہ روکاگیا۔معاملے کی تحقیقات کے لیے چیئرمین بورڈکےحکم پرکنٹرولرامتحانات نے2رکنی تحقیقاتی کمیٹی قائم کردی ہے۔ چیئرمین راولپنڈی بورڈ کا معاملے پر کہنا تھا کہ نتائج میں ردوبدل کامعاملہ نوٹس میں آتے ہی تحقیقات کاحکم دیا، فزکس کے پریکٹیکل 17جولائی کوختم ہوئے، میں نے چارج 18جولائی کو لیا۔دوسری جانب صوبائی وزیر کا کہنا ہے کہ بیٹے کے پریکٹیکل کے نمبرکی تبدیلی میں میراکوئی ہاتھ نہیں ہے، جو بھی ذمہ دار ہو اس کے خلاف کارروائی کی جائے۔