راولپنڈی: سی پی او کی طرف سے مری میں پیر کے مبینہ تشدد سے نوجوان کی ہلاکت کاسخت نوٹس،پیر کے بیٹے سمیت دو ملزمان گرفتار،تھانہ مری میں قتل کا مقدمہ درج، تفصیلات کے مطابق سٹی پولیس آفیسر ڈی آئی جی محمد فیصل رانا کو اطلاع ملی کہ مری کے علاقہ میں چند افراد سرپا احتجاج ہیں جن کا مؤقف ہے کہ ان کے نوجوان کو پیر نے ساتھیوں سمیت تشدد کا نشانہ بنا کر موت کے گھاٹ اتار دیا ہے،سی پی او نے وقوعہ کا سخت نوٹس لیتے ہوئے متعلقہ ایس پی اور ایس ڈی پی او کو موقع پر بھیجا،سی پی او نے کہا کہ فوری طور پر ملزمان گرفتار کئے جائیں،سی پی او ہر15منٹ کے بعد ملزمان کی گرفتاری کے حوالے سے ٹیلی فون پر فالو اپ لیتے رہے،سی پی او کے سخت احکامات کی وجہ سے پولیس نے مرکزی ملزم پیر عظمت شاہ کے بیٹے کو ساتھی سمیت گرفتار کر لیا۔جبکہ مرکزی ملزم پیر عظمت شاہ کی گرفتاری کے لئے چھاپے مارے جارہے ہیں جس کو جلد گرفتار کر لیا جائے گا۔ تھانہ مری میں مقتول وقاص کے والد ذوالفقار کی مدعیت میں تھانہ مری میں قتل کی دفعہ کے تحت مقدمہ درج کر لیا گیا،ایف آئی آر میں کہا گیا کہ نوجوان وقاص علی ملزم پیر عظمت شاہ کا مرید تھا وہ غلطی سے مرید خواتین کے کمرے میں چلا گیا جس پر ملزمان نے اسے تشدد کا نشانہ بنا کر قتل کر دیا،سی پی او فیصل رانا کا کہنا ہے کہ اس مقدمہ کے تمام ملزمان ان کے سہولت کاروں کو گرفتار کیا جائے گا،مقدمہ کی تفتیش میرٹ پر ہو گی جس کی مانیٹرنگ ہائیر اتھارٹی کی طرف سے کی جائے گی۔

وفاقی وزیر ریلوے شیخ رشید احمد نے کہا ہے کہ مریم نوازنے مسلم لیگ ن کو ماردیا،جب ضمیر پربوجھ ہوا تواستعفیٰ دے دوں گا .

کہتا ہوں ریلوے میں آرام حرام ہے، شیخ رشید کا دبنگ اعلان

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے نالہ لئی کا وزٹ کیا، اس موقع پر ایم این اے و پارلیمانی سیکرٹری منسٹری آف نارکوٹکس کنٹرول شیخ راشد شفیق بھی شیخ رشید احمد کے ہمراہ تھے

شیخ رشید احمد نے میڈیا سے گفتگو کرتے ہوئے کہا کہ لئی ایکسپریس وے کی تعمیر سے قبل تجاوزات کو ختم کرینگے ،نالہ لئی میں کوڑا کرکٹ پھینکنے کی جگہ نہیں ،شیخ رشید احمد نے مزید کہا کہ عوام کی توقعات پر پورا اتریں گے،جب ضمیر پر بوجھ ہواتواستعفیٰ دےدوں گا

ویڈیو سیکنڈل، بری ہونیوالے کیس میں بھی نواز شریف کو ہو گی سزا، شیخ رشید کا دعویٰ

وفاقی وزیر ریلوے شیخ رشید احمد نے مزید کہا کہ ٹریک بچھانے کے لیے چین سے ٹیمیں آئی ہیں .

جج ویڈیو، مریم نواز سمیت سب کو ہو گی دس سال قید،نواز کی سزا میں ہو گا اضافہ

واضح رہے کہ صادق آباد میں ٹرین حادثے کے بعد اپوزیشن جماعتوں نے وفاقی وزیر ریلوے شیخ رشید احمد کے استعفیٰ کا مطالبہ کیا تھا ، جس پر آج وفاقی وزیر ریلوے نے اپوزیشن جماعتوں کو جواب دے دیا.

رحیم یار خان ٹرین حادثہ 10 جاں‌ بحق،وزیراعظم کا افسوس، شیخ رشید کا انکوائری کا حکم

ٹرین حادثے پر وزیراعظم شیخ رشید سے کب استعفیٰ مانگیں گے، بلاول

شیخ رشید کو ریلوے کی بجائے وزارت گالم گلوچ دی جائے، طلال چودھری کا مطالبہ

سابق وزیر داخلہ چودھری نثار کی طبیعت ناساز ہو گئی

چودھری نثار کی ایک بار پھر تحریک انصاف میں شمولیت کی باز گشت

باغی ٹی وی کی رپورٹ کے مطابق سابق وفاقی وزیر داخلہ، مسلم لیگ ن کے سابق رہنما چودھری نثار کی طبیعت ناساز ہونے پر انہیں ہسپتال منتقل کیا ،چودھری نثار کو راولپنڈی انسٹی ٹیوٹ آف کارڈیالوجی منتقل کیا گیا جہاں ڈاکٹرز نے ان کا معائنہ کیا.

چودھری نثار نے درباری پن کے مقابلے میں عزت کو ترجیح دی، ماروی میمن

چاہتا تو آج بھی گاڑی پر وزارت کا جھنڈا لہرا سکتا تھا، جانیے چوہدری نثار نے ایسا کیوں‌ کہا؟

راولپنڈی انسٹی ٹیوٹ آف کارڈیالوجی میں ڈاکٹروں کی ٹیم نے چودھری نثار کا چیک اپ کیا، ان کے میڈیکل ٹیسٹ کروائے اور انہیں‌آرام کا مشورہ دیا.

ن لیگ والےمجھے ٹرول کرنے کی زحمت نہ کریں، ماروی میمن نے ایسا کیوں کہا؟

پنجاب کے بعد سندھ میں بھی فارورڈ بلاک بنے گا، وفاقی وزیر ایوی ایشن کا دعویٰ

واضح رہے کہ چودھری نثار کافی عرصے سے کمر کی تکلیف میں مبتلا ہیں۔

واضح رہے کہ چودھری نثار کے مقابلے میں غلام سرور خان نے الیکشن لڑا تھا اور چوھدری نثار کو شکست ہوئی تھی ، چودھری نثار پنجاب اسمبلی کا الیکشن جیتے لیکن انہوں نے حلف نہیں اٹھایا جس کی وجہ سے سپیکر پنجاب اسمبلی نے ان کی رکنیت معطل کی ہوئی ہے، چوھدری نثار مسلم لیگ ن میں مریم نواز کو آگے لانے اور اسے لیڈر بنانے کے خلاف تھے ،مریم نواز کے فیصلوں کی وجہ سے چودھری نثار نے ن لیگ چھوڑی.

راولپنڈی : انٹر میڈیٹ و ثانوی تعلیمی بورڈراولپنڈی نے میٹرک کے سالانہ امتحانات برائے سال2019میں پوزیشن ہولڈر طلبا و طالبات کے ناموں کا اعلان کر دیا ہے, کیڈٹ کالج حسن ابدال اٹک کے 5طلبا نے ڈویژن بھر میں پہلی 3پوزیشنز اپنے نام کرلی ہیں, مجموعی طور پر پہلی 3پوزیشنز حاصل کرنے والے پانچوں طلبا کا تعلق سائنس گروپ سے ہے جن میں2طلبا نے یکساں نمبر حاصل دوسری اور2نے تیسری پوزیشنیں حاصل کیںاعلان کردہ نتائج کے مطابق کیڈٹ کالج حسن ابدال اٹک کے وقاص احمد نے رولنمبر904996 کے تحت 1089نمبر حاصل کر کے پہلی عبداللہ ظفرنے رولنمبر904934 اورشایان احمد نے رولنمبر904973کے تحت 1086نمبر حاصل کر کے دوسری جبکہ خوشال خان نے رولنمبر904962 اورحق نواز خان نے رولنمبر904994کے تحت 1083نمبر حاصل کر کے مجموعی طور پرتیسری پوزیشن حاصل کی اس سال شامل امتحان ہونے والی92926ریگولر اور28421پرائیویٹ سمیت121374 طلبا وطالبات91987کامیاب قرار پائے اس طرح کامیابی کا مجموعی تناسب 76.54فیصد رہا نتائج کا باقاعدہ اعلان آج صبح 10بجے ڈویژنل پبلک سکول شمس آبادمیں منعقدہ تقریب میں کیا جائے گا جس میں نمایاں پوزیشنیں حاصل کرنے والے طلبا وطالبات میں انعامات تقسیم کئے جائیں بورڈ کی جانب سے جاری کردہ مضامین گروپ کی الگ الگ تفصیلات کے مطابق سائنس گروپ برائے طالبات میں بھی پہلی تین پوزیشنیں5طالبات نے اپنے نام کیں نتائج کے مطابق صدیق پبلک سکول سکستھ روڈ راولپنڈی کی فاطمہ ناصر عباسی حبیب نے رولنمبر931575 اورڈسٹرکٹ پبلک سکول فار گرلز چکوال کی ایشہ بتول نے رولنمبر910597کے تحت 1079نمبر حاصل کر کے پہلی، فوجی فائونڈیشن ماڈل سکینڈری سکول فار گرلز دولتالہ کی مقدس صدیق نے رولنمبر924759کے تحت 1077نمبر حاصل کر کے دوسر ی جبکہ منیر پبلک گرلز ہائی سکول چکوال کی اریبہ سردارنے رولنمبر909273 اور خالد میموریل سکینڈری سکول فار گرلز چک بھون کی عروبہ ناصرنے رولمبنر910585کے تحت 1075نمبر حاصل کر کے تیسری پوزیشن حاصل کی اسی طرح طالبات کے آرٹس گروپ میں گرامر پبلک ہائی سکول فار گرلز سیٹلائیٹ ٹائون راولپنڈی کی ایشہ طارق نے رولنمبر933000کے تحت 1009نمبر حاصل کر کے مجموعی طور پر پہلی پوزیشن حاصل کی گورنمنٹ گرلز ہائی سکول سائیلہ جہلم کی علیشبہ حبیب نے رولنمبر141346کے تحت 1006نمبر حاصل کر کے دوسر ی جبکہ اسی سکول کی ایمان رفعت نے رولنمبر141370کے تحت 1001نمبر حاصل کر کے مجموعی طور پر تیسری پوزیشن حاصل کی جبکہ آرٹس گروپ طلبا میں وی پی او حطار کے وسیم اکرم نے رولنمبر110056کے تحت966نمبر حاصل کر کے پہلی، دارالعلوم محمدیہ غوثیہ جمال کرم بارہ گھوہا سوہاوہ کے حافظ محمد نجم الکرم احمدنے رولنمبر136016کے تحت955نمبر حاصل کر کے دوسری،گاؤں کالووال بھرتا دینہ کے محمد زکریا نے رولنمبر139095کے تحت 953نمبر حاصل کر کے تیسری پوزیشن حاصل کی اس سال شامل امتحان ہونے والے کل65664طلبا میں سے 45900طلبا کامیاب ہوئے جن کی کامیابی کا تناسب70.76فیصد جبکہ شامل امتحان ہونے والی 55683طالبات میں سے 46087کامیاب ہوئیں جن کی کامیابی کا تناسب 83.32فیصد رہا جاری ہونے والے نتائج کے مطابق 11260طلباو طالبات نے اے ون گریڈ میں کامیابی حاصل کی جبکہ 15549طلبا وطالبات نے اے گریڈ ،23833نے بی گریڈ ،27334نے سی گریڈ ،13542نے ڈی گریڈ اور469نے ای گریڈ میں کامیابی حاصل کی رواں سال 28026 امیدوارفیل قرار پائے جبکہ976امیدوارغیر حاضر رہے

راولپنڈی : بورڈآف انٹر میڈیٹ اینڈ سیکنڈری ایجوکیشن راولپنڈی سمیت پنجاب بھر کے 9 تعلیمی بورڈز کے میٹرک کے سالانہ نتائج کا اعلان
کل پیر کو 15 جولائی کو ہوگا۔راولپنڈی بورڈ کے ترجمان ارسلان چیمہ نے بتایا کہ راولپنڈی بورڈ کے زیر اہتمام میٹرک کے نتائج کا اعلان پیر کو کیا جائے گا اور نتائج کے اعلان کے ساتھ ہی تمام نتائج بورڈ کی ویب سائٹ پر بھی دستیاب ہوں گے جبکہ طلباء و طالبات بورڈ کے فون نمبر 800296سے بذریعہ ایس ایم ایس بھی اپنا نتیجہ معلوم کر سکتے ہیں ۔ترجمان نے مزید بتایاکہ اس ضمن میں نتائج کے اعلان کی مرکزی تقریب صبح 10 بجے ڈویژنل پبلک سکول شمس آباد میں منعقد ہوگی۔ انہوں نے بتایا کہ امتحانی نتائج کی تیاریاں مکمل کر لی گئی ہیں، تقریب میں پوزیشن ہولڈر طلباء و طالبات میں انعامات تقسیم کئے جائیں گے جبکہ صوبائی وزراء مہمان خصوصی ہوں گے۔

راولپنڈی:راولپنڈی پولیس نے اندھے قتل ڈکیتی کی واردات ٹریس کر کے بین الصوبائی ڈکیت گینگ کے سرغنہ کواس کے3ساتھی ڈاکوؤں سمیت گرفتار کر لیا،ملزمان سے ڈیڑھ لاکھ روپے سے زائد چھینی جانے والی نقدی بر آمد،ملزمان پنجاب بھر کی پولیس کو ڈکیتی قتل سمیت دیگر سنگین وارداتوں میں مطلوب ہیں،ایس پی کی پریس کانفرنس کے دوران پی ٹی آئی کے ممبر پنجاب اسمبلی جاوید کوثر کی سی پی او فیصل رانا کی قیادت میں کام کرنے والی راولپنڈی پولیس کی تعریف،عوام کی پولیس کے حق میں نعرے بازی،تفصیلات کے مطابق ایس پی صدر ڈویژن رائے مظہر اقبال نے بتایا کہ گزشتہ سال دسمبر میں کلر سیداں کے دوکاندار طاہر اور ابرار اپنے3ساتھیوں کے ہمراہ کار پر جا رہے تھے کہ چھپر چوک کے قریب ناکہ لگائے نامعلوم مسلح ڈاکوؤں نے ان کی گاڑی کو روکا لوٹ مار کرتے ہوئے ان سے بھاری نقدی و دیگر سامان لوٹ لیا مزاحمت کرنے پر ڈاکوؤں نے فائرنگ کر دی جس سے دوکاندار طاہر جاں بحق جبکہ ابرار زخمی ہو گیا،ڈکیتی قتل کی یہ خونی واردات راولپنڈی پولیس کے لئے ایک چیلنج تھی،کیوں کہ ڈکیتی اور قتل دونوں وارداتیں ہی اندھی تھیں،انہوں نے کہا سی پی او ڈی آئی محمد فیصل رانا نے جونہی چارج سنبھالا تو انہوں نے پینڈگ مقدمات کی فہرست منگوائی جس میں یہ مقدمہ بھی شامل تھا،سی پی او فیصل رانا نے میری نگرانی میں خصوصی ٹیم تشکیل دی اور ہمیں ہدف دیا کہ ہم نے ہر صورت اس سنگین واردات کو ٹریس کرنا ہے،پولیس نے جدید ٹیکنالوجی کو استعمال میں لاتے ہوئے ساہیوال سے ملزم عبد الرحمان کو گرفتار کیا جو بین الصوبائی ”رحمانہ ڈکیت گینگ“ کو سرغنہ نکلا یہ ڈکیت گینگ پنجاب بھر میں ڈکیتی اور وارداتوں کے دوران مزاحمت پر بے گناہ عوام کو قتل کرنے کے حوالے سے بدنام ہے،پولیس نے رحمانہ ڈکیت گینگ کے سرغنہ کے علاوہ اس گینگ کے3اہم ارکان شعیب،جنید اور شریف کو بھی گرفتار کر لیا جنہوں نے چھپر چوک میں دوکاندار طاہر کو واردات کے دوران قتل کرنے جبکہ ابرار کو زخمی کرنے کا اعتراف کیا،ملزمان سے پولیس نے وارداتوں کے دوران چھینی جانے والی ایک لاکھ55ہزار روپے کی نقدی اور بھاری مقدار میں وہ اسلحہ بر آمد کر لیا جس سے دوکاندار طاہر کو قتل جبکہ ابرار کو زخمی کیا گیا تھاایس پی کی میڈیا کے ساتھ بات چیت کے دوران اس وقت دلچسپ صورتحال پیدا ہو گئی جب پاکستان تحریک انصاف کے ایم پی اے جاوید کوثر اپنے کارکنوں کے ہمراہ پہنچ گئے،عوام نے راولپنڈی پولیس اور اس کے کمانڈر فیصل رانا کے حق نیں نعرے بازی کی،اس موقع پر ایم پی اے جاوید کوثر کا کہنا تھا کہ راولپنڈی پولیس نے ڈکیتی قتل کی یہ سنگین ترین واردات ٹریس کر کے ثابت کر دیا ہے کہ اسے ایک پروفیشنل،ایماندار اور فرض شناس کمانڈر فیصل رانا کی شکل میں دستیاب ہو گیا ہے جس نے ایک ایسی ٹیم بنا لی ہے جو قانون پسند عوام کی دوست اور قانون شکنوں کی کھلی دشمن ہے انہوں نے کہا کہ عوام فیصل رانا کی قیادت میں کام کرنے والی راولپنڈی پولیس کے پشتی بان ہیں ہم نے مل جل کر راولپنڈی کو کرائم فری بنانا ہے جس سے راولپنڈی ضلع پنجاب کا پر امن ترین ضلع بن جائے گا یہی ہمارے وزیر اعلیٰ پنجاب سردار عثمان بزدار کا ویژن اور وزیر اعظم عمران خان کی سوچ ہے،ایس پی نے بتایا کہ گرفتار ملزمان کو آج پیر کو مقامی عدالت میں پیش کیا جائے گا عدالت سے انہیں ریمانڈ پر تفتیش کے لئے لایا جائے گا،انہوں نے کہا کہ تفتیش کے دوران پنجاب بھر کی ڈکیہتی،ڈکیتی قتل کی سنگین وارداتیں ٹریس ہوں گی۔

راولپنڈی :راولپنڈی پولیس میں احتساب کا عمل زور پکڑ گیا،سی پی او نے قبضہ مافیا کے ساتھ تعلقات کے الزام میں تھانہ چونترہ کے ایس ایچ او کو معطل کر دیا،پولیس نے عوام کو مافیا سے بچانا ہے،انسپکٹر تو آفیسر رینک ہے،میں کانسٹیبل کے کسی بھی قسم کے مافیا سے تعلقات برداشت نہیں کروں گا،سی پی او کی پولیس افسران سے بات چیت،تفصیلات کے مطابق راولپنڈی پولیس میں محکمانہ احتساب کا عمل روز بروز زور پکڑتا جا رہا ہے،پروفیشنل کمانڈ کی وجہ سے راولپنڈی پولیس 24/7پولیسنگ کرتی نظر آ رہی ہے،اتوار کو چھٹی کے باوجود سٹی پولیس آفیسر ڈی آئی جی محمد فیصل رانا نے سی پی او ہاؤس کے کیمپ آفس میں پولیس افسران کو طلب کیا،اسی دوران سی پی او کو اطلاع ملی کہ تھانہ چونترہ کا ایس ایچ او علاقہ کے بدنام زمانہ قبضہ مافیا کے ساتھ نہ صرف رابطے میں ہے بلکہ اس کے قبضہ مافیا کے ساتھ تعلقات ہیں جس کی وجہ سے قبضہ مافیا کروڑوں روپے کی زمینوں اور جائیدادوں پر قبضہ کر لیتا ہے،سی پی او نے ایس پی صدر سے رپورٹ طلب کی تو ایس پی صدر نے اپنی رپورٹ میں اس بات کی تصدیق کر دی کہ ایس ایچ او تھانہ چونترہ کے قبضہ مافیا کے ساتھ تعلقات ہیں جس پر سی پی او نے فوری اور سخت ایکشن لیتے ہوئے ایس ایچ او چونترہ انسپکٹر ملک نعیم اختر کو معطل کر کے لائن حاضر کر دیا،سی پی او فیصل رانا نے کہا کہ راولپنڈی پولیس کے کمانڈر کی حیثیت سے میں یہ بات سوچ بھی نہیں سکتا کہ قانون کی محافظ پولیس فور س میں انسپکٹر لیول کا آفیسر ایس ایچ او ہوتے ہوئے قبضہ مافیا کے ساتھ لنک اپ ہو،پولیس نے تو قبضہ مافیا سمیت ہر قسم کے مافیا کو قانون کے کٹہرے میں لانا ہے،انہوں نے کہا کہ معطل ایس ایچ او کے خلاف باقاعدہ محکمانہ انکوائری ہوگی جس کے بعد الزامات ثابت ہونے پر سخت محکمانہ سزا دی جائے گی جو ملازمت سے برخاستگی بھی ہو سکتی ہے،سی پی او نے تمام ڈویژنز کے ایس پیز کو ہدائت کی کہ وہ ماتحت پولیس افسران اور ملازمین کے کنڈکٹ پر نظر رکھیں،اگر کوئی پولیس آفیسر یا ملازم قانون شکنی میں براہ راست ملوث ہے یا قانون شکنوں کا سہولت کار ہے تو اس کے خلاف ثبوت بھجوائیں ایسے ملازمین و افسران کو ایک لمحہ کے لئے بھی محکمہ میں برداشت نہیں کیا جائے گا،واضح رہے کہ گزشتہ10دنوں میں یہ چوتھاایس ایچ او ہے جسے سی پی او نے محکمانہ احتساب کے تحت معطل کیا ہے،عوامی حلقوں نے سی پی او کے محکمانہ احتساب کے عمل پر خوشی کا اظہار کرتے ہوئے کہا ہے کہ ایسا پولیس کمانڈر راولپنڈی کی عوام کو مدتوں بعد ملا ہے عوام پولیس کے پشتی بان ہیں قانون پسند عوام اور فیصل رانا کی قیادت میں پولیس فورس مل کر قانون شکنوں کو بھی قانون کے شکنجے میں لائیں گے جبکہ پولیس میں موجود قانون شکنوں یا ان کے سہولت کاروں کو بھی بے نقاب کر کے راولپنڈی پولیس کو ان سے پاک کیا جائے گا۔

راولپنڈی :سی پی او راولپنڈی ڈی آئی جی محمد فیصل رانا نے کہا ہے کہ چیف ٹریفک آفیسرکو ہر ویک اینڈ پر ٹریفک کنٹرول انتظامات کی نگرانی کے لئے ملکہ کہسار مری میں موجود رہنے کا پابند بنا دیا گیا ہے،ایام عید الضحیٰ کے دوران میں خود بھی مری میں اپنا کیمپ آفس بناؤں گا،مری کو جانے والی یہی سڑکیں ہیں یہی راستے ہیں،انہیں کو مدنظر رکھ کر ہمیں ٹریفک کنٹرول کرنے کا ایسا قابل عمل ماسٹر پلان بناناہے جس سے اس بات کو یقینی بنایا جائے کہ چاہے سیاحوں کا جتنا رش کیوں نہ ہو ٹریفک کسی بھی صورت جام نہ ہو،ان خیالات کا اظہار انہوں نے 24/7پولیسنگ کرتے ہوئے چھٹی کے دن اتوار کو سی پی او ہاؤس کے کیمپ آفس میں چیف ٹریفک آفیسر اور ٹریفک پولیس کے افسران کو طلب کر کے مری کے ٹریفک پلان کے حوالے سے ہنگامی اجلاس سے خطاب کرتے ہوئے کیا،سی پی او نے کہا کہ ملکہ کہسار مری عالمی سطح کا سیاحتی مقام ہے جہاں پر ملکی اور غیر ملکی لاکھوں مردو خواتین سیاح سیر و تفریح کے لئے آتے ہیں،ہمیں ان سیاحوں کو ہر طرح سے سہولیات فراہم کرنا ہیں،ٹریفک جام ہونا مری کی سڑکوں پر معمول بنتا جا رہا ہے،ٹریفک جام ہونے سے سیاحوں کو شدید مشکلات کا سامنا کرنا پڑتا ہے،چونکہ مری کی عالمی سطح پر سیاحتی مقام کے حوالے سے مسلمہ حیثیت ہے جس کی وجہ سے ٹریفک بندش ایک بڑا مسئلہ بن کر میڈیا پر ابھر آتا ہے،انہوں نے کہا کہ ملکہ کہسار کو جانے آنے والی یہی سڑکیں ہیں ہمیں انہیں کو مدنظر رکھ کر ایسے انتظامات کرنا ہیں جس سے یہاں پر ٹریفک ایک لمحہ کے لئے بھی جام نہ ہو،انہوں نے کہا کہ ہر ویک اینڈ پر سیاحوں کی کثیر تعداد یہاں آتی ہے،جس کے پیش نظر چیف ٹریفک آفیسر ہر ویک اینڈ پر بذات خود مری کے ان مقامات پر موجود ہوں گے جہاں پر ٹریفک جام ہونے کے زیادہ امکانات ہیں،انہوں نے کہا کہ میں خود بھی گاہے بگاہے مری کے ٹریفک انتظامات کو چیک کرتا رہوں گا،سی پی او نے ہدائت کی کہ سیاحوں کی اوسطاً تعداد کو مدنظر رکھ کر ویک اینڈ پرٹریفک انتظامات کا الگ سے پلان بنایا جائے جس میں سیاحوں کی آگاہی کے لئے ٹریفک ہیڈ کوارٹر اور سی ٹی او سمیت ٹریفک پولیس کے افسران کے موبائل نمبرز درج ہوں،یہ پلان مشتہر ہو تاکہ سیاح مری آنے سے قبل آگاہ ہو سکیں،فیصل رانا نے کہا کہ عید الضحیٰ پر سیاحوں کا رش کئی گنا بڑھے گا ہمیں اس رش کو مدنظر رکھ کر ابھی سے ٹریفک پلان ترییب دینا ہے،میں خود بھی ایام عید الضحیٰ پر مری میں کیمپ آفس بنا کر بیٹھوں گا تاکہ ٹریفک انتظامات کی مؤثر نگرانی ہو اور سیاحوں کو کسی قسم کے ٹریفک جام کا سامنا نہ کرنا پڑے۔

راولپنڈی :مون سون کی بارشیوں کا سلسلہ جاری ہے ظہیراحمداعوان چئیرمین سٹیزن ایکشن کیمٹی و راہنما تحریک انصاف نے نالوں کی صفائی کے موقع پر گفتگو کرتے ہوئے مزید کہا کہ ہماری درخواست پر شہر بھر کے نشیبی علاقوں میں سیلاب سے بچاو کیلے ڈپٹی کمیشنر اور میونسپل کارپوریشن نے ہنگامی بنیادوں پر نالوں کی صفائی کا کام شروع کروا دیا ہیں۔محلہ حکمداد شارجہ گراونڈ ڈھوک کھبہ کے نالوں کی صفائی پر ہم شکریہ ادا کرتے ہیں اور شہریوں سے اپیل کرتے ہیں کہ وہ اپنا کوڑا کرکٹ ملبہ نالوں میں مت پھنکیں اور نالوں کی صفائی کا خصوصی خیال رکھے ہر سال نالوں کی صفائی پر کروڑوں روپے عوام کے ٹیکسوں سے حکومت خرچ کرتی ہیں جس میں کرپشن بھی ہوتی ہے اور اس کےعلاوہ جب بھی تیز بارشیں ہوتی ہیں قیمتی جانیں اور مالی نقصان ہوتا ہیں اگر شہری اپنی زمہ داری پوری کریں اور نالوں نالیوں میں کوڑا نہ پھنکیں تو قومی خزانے کے کروڑوں روپوں کو بچایا جا سکتا ہے۔اس موقع پر حاجی نصیر بھٹی چئیرمین کونسلر اتحاد ناصر اعوان صدر انجمن تاجران۔شیخ ساجد سماجی راہنما،حاجی رمضان،فاروق خان،سعیداحمد،عاشررشید،بھی موجود تھے۔

وفاقی وزیر برائے ہوا بازی،غلام سرور خان نے کہا ہے کہ شریف برادران بھارت سے اپنی تجارت کی بات کرتے ہیں، کلبھوشن اور پاکستان میں را کی دہشت گردی پر کوئی ن لیگی بات نہیں کرتا. اداروں کو کمزور ،عدلیہ ،فوج پر حملے مسلم لیگ ن کی تاریخ ہے،لوگ اپوزیشن کا اصلی چہرہ دیکھ چکے ہیں جو اپنی چوریوں پر پردہ ڈالنے چاہتی ہے۔

پنجاب کے بعد سندھ میں بھی فارورڈ بلاک بنے گا، وفاقی وزیر ایوی ایشن کا دعویٰ

باغی ٹی وی کی رپورٹ کے مطابق وفاقی وزیر برائے ہوا بازی غلام سرور خان نے راولپنڈی پی ٹی آئی سیکرٹریٹ میں میڈیا سے گفتگو کرتے ہوئے کہا کہ اپوزیشن پہلے کہتی رہی ہم رمضان کے بعد احتجاج تحریک شروع کرہنگے۔رمضان کے بعد ایک ماہ ہو گیا مگر اپوزیشن احتجاجی تحریک نہیں چلا سکی،پھر کہا گیا کہ قومی اسمبلی میں بجٹ نہیں پاس ہونے دیبگے وہ بھی پاس ہو گیا،پھر کہا گیا اسپیکر کے خلاف تحریک لائنگے وہ بھی نہیں ہو سکا۔اب چیرمین سینٹ کے خلاف عدم اعتماد کی تحریک پیش کر دی،چیرمین کے خلاف کیا الزامات ہیں جو عدم اعتماد کی تحریک لا رہے ہیں۔صرف اپوزیشن کا کام سسٹم کو خراب کرنا ہے۔انکا مزید کہنا تھا کہ اپوزیشن پاکستان میں امن وہ امان کی صورتحال خراب کرنا چاہتے ہیں۔اپنی کرپشن ہو پردہ ڈالنا چاہتے ہیں۔تمام تر چیزوں پر کڑیاں ایک ہی ہیں مگر وزیراعظم نے کہا کہ میں آپ کی باتوں میں نہیں آنے والا۔مسلم لیگ ن کی تاریخ ہے اداروں کو کمزور کرنا۔عدلیہ، فوج اور دیگر اداروں پر ہمیشہ حملہ کرنے کی کوشش کی گئی۔ نواز شریف کے خلاف کیس سپریم کورٹ میں چل رہا تھا، غنڈوں کو بلا کر سپریم کورٹ پر حملہ کیا گیا تھا۔شرم ہو تو وہ ایسا نہیں کرتے .

کوئٹہ سے بھی جائیں گی اس سال حج پرواز

وفاقی وزیر کا مزید کہنا تھا کہ جسٹس قیوم پر اثر انداز ہونے کی شہباز شریف کی طرف سے کوشش کی گئی اور حالیہ فیصلے میں ایک میں سزا اور ایک سے بری ہوئے نواز شریف۔انہوں نے ملتان میں سولہ سالہ پہلی ویڈیو خرید کر سسلین مافیا نے منظر عام پر لائی۔وفاقی وزیر نے استفسار کیا کہ کہاں سے ویڈیو خریدی گئی اور پھر جج صاحب نے اس پر بیان حلفی بھی جمع کرایا گیا۔اپیلیں پینڈنگ ہے ہائی کورٹ میں سپریم کورٹ نے بھی اس پر ایکشن کے لیا۔جج ارشد ملک کو اس لیۓ ہٹایا گیاکہ وہ الزامات کی ضد میں تھے۔میں اس قسم کی گھٹیا حرکتیں کرنے پر اپوزیشن کی منت بھی کرتا ہوں اور ایسا کرنے سے روکتا بھی ہوں۔سیاست کرنی چاہیے گندگی نہیں اچھالنی چاہیے۔دو فیصلے ارشد ملک کے اسلام آباد ہائی کورٹ میں چیلنج ہیں۔فیصلہ ہوئے کئی ماہ ہو چکے آج اس ویڈیو کو کیوں لائے۔چور کو چور کہنا سیکھنا چاہیے ویڈیو وہ لائے جس پر جج ارشد ملک نے بیان حلفی دے دی۔اس قسم کی حرکتیں پیپلزپارٹی کی طرف سے نہیں کی گئیں۔انہوں نے تو سپریم کورٹ پر حملہ نہیں کرایا۔اداروں کے خلاف باتیں کرتے ہیں مسلم لیگ ن والے۔

۔وفاقی وزیر نے سوال کیا کہ کیا کبھی کلبھوشن پر بات کی انہوں نے؟مسلم لیگ ن کے دور میں پانچ سو ستر تحریک التوا کینسل کی گہیں۔شہباز شریف را کے خلاف بات نہیں کرتا بھارت جا کر دہشت گردی پر بات نہیں کرتا بلکہ اپنے بزنس کی بات کرتا ہے۔اس پر میں نے تحریک التوا دی۔مریم نواز سمیت کوئی بھی مسلم لیگ نے کا بندہ بھارت کے خلاف بات نہیں کرتا۔رحمان ملک جیسا بندہ کہہ سکتا ہے کہ پاکستانی دہشتگردی میں را کا ہاتھ ہے۔پاکستانی اداروں کو کمزور کرنے کی کوشش کی جا رہی ہے۔نۓ ٹیکس سسسٹم کے بارے میں وفاقی وزیر کا کہنا تھا کہ ہمارا ٹیکس کلچر نہیں کوئی بھی بندہ ٹیکس دینے کو تیار نہیں۔یہ میرا شعبہ نہیں اس پر زیادہ بات نہیں کرونگا۔اس پر وزیراعظم نے بھی بات کی۔جو پچاس لاکھ سے زیادہ کی ٹرانزیکشن ہو وہ شناختی کارڈ کے زریعے ہونی چاہیے۔بہت چیزیں قابل اصلاح بھی ہیں۔اس کے پیچھے بھی سیاست ہے پیسہ باہر پہنچانے کی کوشش کی گئی۔پاکستان کی تاریخ میں پہلی دفعہ آرمی کے جرنل کا احتساب ہوا اسکا کورٹ مارشل ہوا۔انکا مزید کہنا تھا کہ جوڈیشری اپنے ایشوز خود دیکھ رہی ہے کچھ وکلاء کے ایمان خرید کر میڈیا پر لانے کی کوشش کی گئی۔کوئی بھی احتساب سے بالا تر نہیں ہو نا چاہیے۔

چودھری نثار کی ایک بار پھر تحریک انصاف میں شمولیت کی باز گشت

سینٹ کے بارے میں وفاقی وزیر کا کہنا تھا کہ اپوزیشن چیرمین سینٹ کے خلاف عدم اعتماد لارہے ہیں وجہ وہ سسٹم کو ڈی سٹیببلائز کرنا ہے ۔کلبھوشن کا معاملہ بین الاقوامی فورم پر ہے اس فیصلے کے بعد ہی بات ہو گی۔ایک شخص پکڑا گیا اور وہ تسلیم کر رہا ہے کہ بلوچستان میں دہشت گردی میں ملوث ہیں۔ایک شخص پکڑا جاتا ہے سب تسلیم کرتا ہے اور لیگی دور میں اپوزیشن کو اس پر بات نہیں کی جاتی۔

ن لیگ والےمجھے ٹرول کرنے کی زحمت نہ کریں، ماروی میمن نے ایسا کیوں کہا؟

ایوی ایشن ڈویژن ر سوال کے جواب میں وفاقی وزیر کا کہنا تھا کہ کل ائرپورٹ پر ایک تفتیش کا آغاز کیا جو اسلام آباد ائیر پورٹ پر کرپشن کی انکوائری کی جا رہی ہے۔پہلے اسکی کاسٹ اڑتیس ارب تھی اور اب ایک سو پانچ ارب روپے ہو چکی ہے۔اور اگر مزید باریکی سے۔ دیکھا جائے تو یہ ایک سو پچیس ارب پر چلا جاتا ہے ،چار گھنٹے ائرپورٹ پر رہا مجھ تک کوئی ایشو نہیں پہنچ سکا

محمد اویس