Category: راولپنڈی

راولپنڈی: قبرستان میں لڑکی کی قبر کھودنے والے شخص کو رنگے ہاتھوں گرفتار کرلیا گیا۔

باغی ٹی وی :واقعہ تھانہ چونترہ کی حدود میں پیش آیا،پولیس کے مطابق ملزم یاسین بخاری کے قبضے سے آدھے انسانی دھڑ کا مٹی کا پتلا ،7 تعویز اور لوہے کی تار سے بندھی 7 کیلیں وغیرہ برآمد ہوئی ہیں۔ پولیس نے رنگے ہاتھوں گرفتار کرکے جائے تدفین پر مداخلت کرنے کے جرم میں تعزیرات پاکستان کی دفعہ 297 کے تحت سب انسپکٹر اسلم پرویز کی مدعیت میں مقدمہ درج کرلیا ۔

مدعی مقدمہ کے مطابق ڈیوٹی پر موجود تھاکہ مرزا سلیمان نے بتایاکہ بیٹی فوت ہوئی جس کی تدفین چونترہ کے مقامی قبرستان میں کی، کچھ ہی دیر بعد پتا چلا کہ ایک شخص بیٹی کی قبر ایک سائیڈ سےکھود کر بے حرمتی کررہا ہے، جس پر پولیس ٹیم نے چھاپا مارا تو قبرستان میں مرزا سلیمان کی بیٹی کی قبر کے پاس ایک شخص بیٹھا قبر کی مٹی کھودتے ہوئے پایا گیا، جسے فوراً قابو کرلیا گیا۔

واشنگٹن، یوکرین کو سیکیورٹی گارنٹیز فراہم نہیں کرے گا،ٹرمپ

مقدمے کے متن کے مطابق گرفتار شخص نے اپنا نام یاسین بخاری اور خود کوادھوال کا رہائشی بتایا، جس کی تلاشی لی گئی تو اس کے ہاتھ میں پکڑے شاپنگ بیگ میں سے مٹی کا بنا ہوا انسانی جسم نما پتلا ،7 تعویز ،7 کیلیں جو لوہے کی تاروں سے بندھی ہوئی تھیں اور ایک چھوٹی کرنڈی برآمد ہوئیں ۔

موٹر وے پر تیزرفتاری پر جرمانے کیساتھ گاڑی بند ،ڈرائیور پر مقدمہ درج کیا جائے گا

ملزم نے بتایا کہ مٹی کا انسانی جسم کا پتلا ،تعویز اور کیلیں وغیرہ کالے جادو کے لیے اس قبر میں دفنا رہا ہوں ملزم نے ابتدائی طور پر مؤقف دیا کہ بیوی طویل عرصے سے بستر پر ہے، علاج کے لیے کچھ نہ چھوڑا، ایک بابا نے بتایاکہ قبرستان میں کچھ دبا ہوا ہے وہ نکالو گے تو سب ٹھیک ہو جائے گا، اس موقع پر کھدائی کرتے وقت پتلا وغیرہ ہاتھ میں پکڑے اور شاپنگ بیگ سے دیگر اشیا برآمد ہونے کے سوالات پر ملزم خاطر خواہ جواب نہیں دے پایا۔

امریکا:ائیر پورٹ پر دو طیارے حادثے سے بال بال بچ گئے

پولیس کے مطابق ملزم نے جائے تدفین پر مداخلت بے جا کرکے جرم کا ارتکاب کیا، جس پر اسے گرفتار کرکے مقدمہ درج کرلیا گیا ہے،بعد ازاں پولیس نے ملزم کو عدالت پیش کیا تو دفعات قابل ضمانت ہونے پر عدالت نے ملزم کی ضمانت منظور کرلی۔

راولپنڈی: قومی کرکٹ ٹیم کے عبوری ہیڈ کوچ عاقب جاوید نے کہا ہےکہ کھلاڑی افسردہ ہیں، جب ٹیم توقعات کےمطابق نہیں کھیلتی تو سب سےزیادہ دکھ کھلاڑیوں کو ہوتا ہے۔

باغی ٹی وی : راولپنڈی میں پریس کانفرنس کرتے ہوئے عاقب جاوید نے کہا کہ بھارتی ٹیم بہت تجربہ کار تھی اور 240 رنز کا دفاع کرنا ہو تو وکٹیں لینا ہوتیں، اٹیک کرنا ہوتا ہے اور بھارت کے خلاف صرف پلاننگ نہیں ہوتی،ہر میچ کےلیے ہوتی ہے،اگر پاکستان 300 کے قریب اسکور بنا لیتا تو اچھا مقابلہ ہو سکتا تھا۔ جب اچھا ٹوٹل نہ ہو تو بولرز کو زیادہ اٹیکنگ جانا پڑتا ہے، بڑے میچز میں امپیکٹ پلیئرز کا ہونا ضروری ہوتا ہے، صائم ایوب اور فخر زمان کی عدم موجودگی سے فرق پڑا۔ سفیان مستقیم اور عرفان نیازی کا ون ڈے کے حوالے سے ایکسپوژر نہیں تھا۔

صحافی کی جانب سے ٹیم سلیکشن پر مطمئن ہونے کے سوال پر ہیڈ کوچ نے جواب دیا کہ مطمئن کبھی نہیں ہوسکتے مگر یہ جو ہماری ٹیم تھی یہی بیسٹ اور ممکنہ ٹیم تھی جس نے ایک میچ کھیلا ہم کہہ رہے ہیں وہ ہوتا تو پاکستان میچ جیت جاتا، ایک بھی ایسا کھلاڑی نہیں ہے جو بغیر پرفارمنس ٹیم میں آیا ہو، ٹیم کو بنانے میں ہماری سوچ تھی کہ بہترین ٹیم بنائیں۔

عاقب جاوید نے کہا کہ ون ڈے میں سات بیٹرز اور چار بولرز کا کمبی نیشن کھلایا جاتا ہے، اور چونکہ صائم ایوب بیٹنگ کے ساتھ کچھ اوورز بھی کروا سکتے تھے، اسی لیے ان کی جگہ خوشدل شاہ کو ٹیم میں شامل کیا گیاانہوں نے بابر اعظم اور شاہین آفریدی کو ٹیم کے سب سے تجربہ کار کھلاڑی قرار دیا اور کہا کہ پاکستان نے اپنی بہترین دستیاب ٹیم میدان میں اتاری تھی۔ انہوں نے سعود شکیل کی کارکردگی کو سراہتے ہوئے کہا کہ انہوں نے اپنی جگہ محنت سے بنائی۔

انہوں نے کھلاڑیوں کی جانب سے کارکردگی نہ ہونے کا اعتراف کرتے ہوئے کہا کہ یہ حقیقت ہے کہ ہماری پرفارمنس نہیں آرہی ہے، بہتری تو لانی ہے، اس پروسیس کو کوئی روک نہیں سکتاسلیکشن کمیٹی کا کام بہترین کھلاڑی کھلانا ہے، اب وہی کریں گے آگے جو اس ٹیم کے لیے بہتر ہے مگر ایسا تو نہیں ہوسکتا جو ہار گئے ان کو بدل دیں اور انڈر 19 ٹیم کو لائیں، ہم اپنی کوشش میں لگے رہیں گے، اب ہم خود کو ٹیم کو کل کے میچ کیلئے تیار کریں گے۔

راولپنڈی: پاکستان تحریک انصاف کے بانی چیئرمین اور سابق وزیراعظم عمران خان نے آئی سی سی چیمپئنز ٹرافی میں ناقص کارکردگی پر شدید غم و غصے کا اظہار کیا-

باغی ٹی وی: بانی پی ٹی آئی سے ملاقات کے بعد علیمہ خان نے میڈیا سے گفتگو کرتے ہوئے بتایا کہ بانی پی ٹی آئی کو آج سب سے زیادہ غصہ کر کٹ پر تھا، بانی نے پاکستان کا میچ دیکھا ہے پی ٹی وی پر، میچ ہارنے کی وجہ سے بانی نے سارا غصہ آج کرکٹ پر اتارا میچ ہارنے پر ان کو بڑا دکھ تھا، بانی نے کیا جب سفارشی لوگوں کو بٹھایا جائے گا تو کرکٹ تباہ ہوگی، بانی نے کہا محسن نقوی کو پہلے چیف منسٹر لگایا اس نے ظلم کیا۔

انہوں نے کہا کہ بانی نے کہا محسن نقوی کو وزیر داخلہ لگایا اس نے ظلم کیا، بانی نے کہا محسن نقوی کو جس عہدے پر لگایا اس نے بیڑا غرق کیا، بانی نے کہا پاکستان میں اتنے عہدے کسی کے پاس نہیں جتنے محسن نقوی کے پاس ہیں بانی نے کہا اتنی بڑی کارکردگی پر عزت دار آدمی مستعفی ہوجاتا ہے لیکن محسن نقوی مستعفی نہیں ہوگا، بانی نے کہا محسن نقوی سے پوچھا جائے اسکو کرکٹ کا کیا تجربہ ہے۔

علیمہ خان نے کہا کہ عمران خان نے کہا ہے میرے متعلق صرف پارٹی کے عہدیدار بات کریں، ڈسٹریکشن کے لئے خبر نکالی گئی لوگوں نے کہ بانی بے ہوش کر گر پڑے، بانی اس بات پر ہنسے ہیں ان کی صحت بلکل ٹھیک ہے شکر ہے بانی کی ہفتہ والے دن اپنے بچوں سے بات ہوئی تھی، ہم نے بچوں سے بات کی تو ہمیں تسلی ہوئی بانی ٹھیک ہیں، قاسم خان سوری ملک سے باہر ہے ان کو کیا پتا، ذرائع سے خبریں چلانا اور بالمشافہ ملاقات میں بہت فرق ہوتا ہے۔

راولپنڈی کے اڈیالہ جیل میں قید بانی پی ٹی آئی اور ان کی اہلیہ بشریٰ بی بی کے اخراجات میں اضافہ ہوگیا ہے۔

میڈیا رپورٹس کے مطابق ذرائع کا کہنا ہے کہ دونوں کے دونوں کے کھانے اور دیگر ضروریات کے اخراجات ماہانہ 7 لاکھ روپے تک پہنچ گئے ہیں۔بانی پی ٹی آئی کا جیل میں ماہانہ خرچ 4 سے 5 لاکھ روپے تھا جب کہ اہلیہ بشریٰ بی بی کے جیل میں آنے سے اخراجات میں 2 لاکھ روپے کا اضافہ ہوا، عمران خان کا خاندان کھانے سمیت دیگر اخراجات برداشت کررہا ہے۔ذرائع نے مزید تفصیلات بتاتے ہوئے کہا کہ سابق وزیراعظم ناشتہ، دوپہر اور رات کھانے کا منیو خود سیٹ کرتے ہیں جب کہ عمران خان اور بشری بی بی کا کھانا الگ کچن میں مشقتی تیار کرتے ہیں۔

بانی پی ٹی آئی ناشتے میں فریش جوسز اور پھل کھانا پسند کرتے ہیں جب کہ دن میں 3 مرتبہ کافی پیتے ہیں اور تیاری کے بعد کھانا نیوٹریشنٹس چیک کرتے ہیں۔اس کے علاوہ، عمران خان پنک سالمن جب کہ دیسی مرغ کی یخنی کا بھی استعمال کرتے ہیں۔ذرائع نے بتایا کہ جیل میں بانی پی ٹی آئی اور بشری بی بی کا مینوئل اکاونٹ ہے، اکاونٹ میں رقم عمران خان کی فیملی جمع کراتی ہے جب کہ اکاونٹ میں پیسے کم ہونے پر فیملی کو آگاہ کریا جاتا ہے۔

جماعت اسلامی کا رمضان کے بعد ملک گیر احتجاجی تحریک کا اعلان

جے یو آئی سندھ کا نئی کینالوں کیخلاف25 فروری کو مظاہروں کا اعلان

وفاقی وزیر احسن اقبال نے سندھ میں جاری وفاقی منصوبے گنوا دیے

نیا پاکستان سرٹیفکیٹس پر منافع کی شرح میں کمی ہو گئی

مولانا فضل الرحمان قطر پہنچ گئے ، حماس رہنماؤں سے ملاقات

کراچی: پی آئی اے کی لاہور سے دبئی کی پرواز سے پرندہ ٹکرانے سے انجن کے بلیڈز تبدیل کرنے پر لاکھوں روپے اخراجات آئے۔

باغی ٹی وی : ائیر پورٹ ذرائع کے مطابق مطابق پی آئی اے کی لاہور سے دبئی کی پرواز سے پرندہ ٹکرانے کے معاملے کی تحقیقات کی گئی پی کے203 پرواز کے طیارے سے پرندہ ٹکرانے سے نقصان کی تفصیلات سامنے آگئیں ، ذرائع نے بتایا کہ پرندہ ٹکرانے سے انجن کے 8 بلیڈز کو شدید نقصان ہوا، انجن کے بلیڈز تبدیل کرنے پر لاکھوں روپے اخراجات آئےانجینئرنگ ٹیم نے انجن کو بورواسکوپک معائنہ کرکے نقصان کا اندازہ لگایا جبکہ ملک بھر کے ایئرپورٹس پر تاحال برڈ ریپلنٹ سسٹم نصب نہیں کیا گیا۔

واضح رہے چند روز قبل دبئی جانے والا پی آئی اے کا طیارہ بڑے حادثے سے بال بال بچ گیا تھا، طیارے میں 150 سے زائد مسافر سوار تھے۔ ذرائع کا کہنا تھا کہ انسپکشن سے طیارے کے انجن کو پہنچنے والے نقصان کا اندازہ لگایا جائے گا۔

ہمیں بھارت کے خلاف میچ میں جیت کے لیے پر امید رہنا چاہیے،وہاب ریاض

امریکا نے 5 ارب ڈالرز امداد جاری کردی،پاکستان کیلئے 397 ملین ڈالرز

پاک بھارت ٹاکرا:بابر اعظم پریکٹس سیشن سے غائب،کرکٹر میچ کیلئے ان فٹ؟

راولپنڈی میں سکیورٹی آپریشن کے دوران کمانڈر سمیت 16 افغان باشندے گرفتار کرلیے گئے۔

باغی ٹی وی کے مطابق تھانہ مورگاہ کے علاقے میں رات گئے پولیس اور قانون نافذ کرنے والے اداروں کی جانب سے سرچ آپریشن کیا گیا، جس میں اہم افغان کمانڈر عبدالمالک کو گرفتار کرلیا گیا۔ذرائع کے مطابق آپریشن کے دوران مزید 16 افغان باشندے بھی گرفتار کرلیے گئے، جو غیر قانونی طور پر رہائش پذیر تھے۔ گرفتار کمانڈر عبدالمالک،اشرف غنی کے دورِ حکومت میں بطور کمانڈر افغانستان کام کرتا رہا اور اشرف غنی کے دورِ حکومت کے بعد عبدالمالک افغانستان سے غائب ہو گیا تھا۔

افغان کمانڈر عبدالمالک سمیت گرفتار کیے گئے تمام افغان باشندوں کو حاجی کیمپ منتقل کر دیا گیا ہے۔ گرفتار افراد کے پاس پاکستان میں قیام سے متعلق کوئی دستاویزات موجود نہیں تھیں ۔ تمام گرفتار افراد کو افغانستان ڈی پورٹ کیا جائے گا۔

بھارت کیخلاف میچ،ٹیم پوری طرح تیار ہے، سرپرائز ملے گا، محسن نقوی

سندھ میں میٹرک کے امتحانات رمضان کے بعد لینے کا فیصلہ

ملی ادبی پنچائیت کی ست رنگی شعری نشست.تحریر:ریاض احمد احسان

11 سالہ بچی سےزیادتی کرنے کی کوشش ناکام، ملزم گرفتار

راولپنڈی: اڈیالہ جیل راولپنڈی کے حکام نے پاکستان تحریک انصاف (پی ٹی آئی) کے بانی چیئرمین عمران خان کی ان کے بیٹوں سے بات کرادی۔

باغی ٹی وی: سابق وزیراعظم عمران خان کی ان کے بیٹوں سے ٹیلی فون پر بات کرادی گئی، اڈیالہ جیل حکام نے جیل مینوئل کے تحت ٹیلی فون پربات کرائی، بات کرانے کے لیے وکیل فیصل چوہدری نے اڈیالہ جیل میں جاکر ٹیلی فونک گفتگو کے حوالے سے رابطے کیے تھے بانی پی ٹی آئی عمران خان کی اپنے بیٹوں سے بات کروانے کی اطلاع جیل حکام نے دی۔

جیل انتظامیہ نے بتایا کہ بانی پی ٹی آئی عمران خان نے اپنے بیٹوں قاسم اور سلیمان سے واٹس ایپ پر بات چیت کی، سابق وزیراعظم نے بچوں کی خیریت دریافت کی۔

راولپنڈی: مریم اورنگزیب نے کہا ہے کہ ہم سے فتنے اور فساد کا بیانیہ نہیں بنتا، ہماری سیاست کارکردگی کی سیاست ہے،ہم دن رات کام کررہے ہیں گالی، فتنہ اور فساد کا جواب نہیں دیں گے۔

باغی ٹی وی: راولپنڈی میں ستھرا پنجاب پروگرام کے افتتاح کے موقع پر خطاب میں سینیئر وزیر پنجاب مریم اورنگزیب نے کہا کہ ہم سے فتنے اور فساد کا بیانیہ نہیں بنتا، ہماری سیاست کارکردگی کی سیاست ہے نوجوانوں کو سمجھنا ہوگا جو سڑکیں اور اسپتال بناتے ہیں ترقی دیتے ہیں ووٹ ان کا حق ہے2018 میں جو مینڈیٹ چھینا گیا وہ 2024 میں واپس مل گیا ہم سے گالی گلوچ اور 9 مئی کا سوال نہ پوچھیں ہم سے معیشت کی ترقی، بجلی کی لوڈشیڈنگ ختم کرنے اور موٹر وے کا پوچھیں۔

چیمپئنز ٹرافی: پاک بھارت میچ کے دوران بارش کا امکان

انہوں نے مزید کہا کہ شہباز شریف نے ایم ڈی آئی ایم ایف سے بات کرکے ملک کو ڈیفالٹ سے بچایا آج مہنگائی کم ترین سطح پر آگئی ہے اسٹاک ایکسچینج بلندیوں کو چھو رہا ہے ایکسپورٹ بڑھ رہی ہے آج وزیراعلی پنجاب مریم نواز کے کاموں پر دوسرے صوبوں سے لوگ چڑھائی کررہے ہیں پنجاب میں ایک ہزار بچوں کو اسکالرشپس مل رہی ہیں پانچ لاکھ گھر بھی ملیں گے، پانچ لاکھ افراد کو گھر میں دوا ئی مل چکی ہے کینسر اسپتال زیرتعمیر ہے جس میں ایک ہزار افراد کا علاج ہوسکے گا۔</strong وزیراعلی پنجاب پروگرام کے تحت 700 سٹرکیں جون 2025 تک مکمل ہوں گی، ہر گھر میں حفاظتی انجیکشن اور لیڈی ہیلتھ انسپکٹر کا پروگرام شروع کیا جارہا ہے –

جیابچن نے حجابی خواتین کے حقوق کی حمایت میں آواز بلند کر دی