Category: راولپنڈی

بھاری تاوان کی خاطر ٹیکسلا سے اغواء ہونے والا 7 سالہ بچہ بازیاب ہو گیا ہے اور اغواء کار گرفتار کر لیا گیا ہے.

اغواء کاروں نے 12 جنوری 2021 کو بچے کو اغواء کرکے ایک کروڑ 85 لاکھ روپے تاوان طلب کیا تھا. سی پی او راولپنڈی نے ایس ایس پی انویسٹی گیشن محمد فیصل اور ایس پی پوٹھوہار سید علی کی سربراہی میں پولیس ٹیمیں تشکیل دیں ہیں جنھوں نے 9 روز کی مسلسل محنت سے اغواء کار کو جدید ٹیکنالوجی اور ہیومن انٹیلیجنس کی مدد سے گرفتار کیا ہے.

ایس پی پوٹوھار نے کہا کہ ملزم کے ساتھیوں اور سہولت کاروں کی گرفتاری کے لئے ریڈ کئے جا رہے ہیں ، اغواء کار نے بچے کو چیز دلانے کے بہانے اغواء کیا تھا.
انہوں نے کہا کہ بچے کی بازیابی پر سی پی او محمد احسن یونس رات گئے ٹیکسلا پہنچے ، بچے سے بات چیت کی اور اسے خود والدین کے حوالے کیا ہے، بچوں پر تشدد اور اغواء جیسے واقعات ناقابل برداشت ہیں، سنگین جرم کے ملزمان کڑی سزا کے مستحق ہیں.

سی پی او محمد احسن نے کہا کہ والدین کو ان کا پھول واپس دلانے پر ایس ایس پی انوسٹی گیشن ، ایس پی پوٹھوہار اور تمام ٹیم شاباشی کی مستحق ہے.
بچے کی بحفاظت بازیابی اور اغواء کار کی گرفتاری پر بچے کے والدین اور اہل علاقہ کنے راولپنڈی پولیس کو زبردست خراج تحسین کی پیشکش کی ہے.

گرفتار ملزمان سے ملکی اور غیر ملکی کرنسی، پولیس یونیفارمز، وائرلیس سیٹس انٹرنیشنل پاسپورٹ، رہائشی ویزے و پرمٹ ، جعلی نمبر پلیٹس ، وارداتوں میں استعمال ہونے والی گاڑی و موٹرسائیکل اور ایمونیشن برآمد ہوئے ہیں.

پولیس کے مطابق گرفتار ملزمان میں گینگ کا سرغنہ ابراہیم جبکہ ساتھی ملزمان میں محمد جاوید اور سکندر ابراہیم شامل ہیں. سی پی او محمد احسن یونس نے اوورسیز پاکستانیوں کے ساتھ ہونے والی وارداتوں پر نوٹس لیتے ہوئے ایس پی پوٹھوہار کو ملزمان کی گرفتاری کا خصوصی ٹاسک دیا تھا.
پولیس کے مطابق ایس پی پوٹھوہار کی زیر نگرانی ایس ایچ او کینٹ اور ان کی ٹیم نے جدید ٹیکنالوجی اور ہیومن انٹیلی جنس کو بروئے کار لاتے ہوئے گینگ کے ملزمان کو ٹریس کر کے گرفتار کیا ہے. گینگ کے ملزمان بیرون ملک سے آنے والے مسافروں کی ریکی کرتے، ان کا پیچھا کرتے اور ویران جگہ پر مسافروں کو لوٹ لیتے تھے.
ایس ایچ او کا کہنا تھا کہ ملزمان واردات کے دوران اپنے آپ کو پولیس آفیسر ظاہر کرنے کیلئے پولیس یونیفارم، ریوالونگ لائٹ اور وائر لیس سیٹ کا استعمال کرتے تھے. گینگ نوسر بازی کی وارداتوں میں بھی ملوث ہے جو بینکوں میں سادہ لوح شہریوں سے رقم گنتے وقت نوسربازی و دھوکے سے رقم نکال لیتے تھے.

پولیس کے مطابق ملزمان نے مختلف اضلاع میں وارداتیں کرنے کا اعتراف کیا ہے، مزید سنسنی خیز انکشافات متوقع ہیں. ملزمان نے تفتیش کے دوران ملائیشا ، دبئی ، انڈونیشیا، انگلینڈ ، مسقط اور دیگر یورپی ممالک میں اسی طرز کی وارداتیں کرنے کا بھی اعتراف کیا ہے. گینگ کے ملزمان مختلف زبانوں پر عبور رکھتے ہیں اور آئس و ہیروئن کا نشہ کرتے ہیں.

ایس پی پوٹھوہار سید علی کا کہنا ہے کہ
ملزمان کے دیگر سہولت کاروں کو بھی جلد گرفتار کیا جائے گا.

بین الاقوامی و بین الصوبائی ڈکیت گینگ کی گرفتاری پر سی پی او محمد احسن یونس نے ایس پی پوٹھوہار ، ایس ایچ او کینٹ اور پولیس ٹیم کو شاباشی دی ہے