Category: سرگودھا

سرگودھا( ) عدالت عالیہ لاہور ہائیکورٹ کے جسٹس ملک شہزاد احمد خان نے سرگودھا کے دیہی علاقوں میں پاک فوج اور سرکاری اداروں کے آفیسر بن کر لوگوں سے رقمیں ہتھیانے والے گینگ کے دو ملزمان خرم شہزاد اور مشتاق کاظمی کی عبوری ضمانت کی درخواست خارج کر دی۔ ملزمان تھانہ بھاگٹانوالہ کے اے ایس آئی کو جھانسہ دے کر احاطہ عدالت سے فرار ہو گئے، 27 جنوبی کے رہائشی محمد امین کی درخواست پر ملزمان خرم شہزاد، مشتاق کاظمی اور اس کے ساتھی کیخلاف تھانہ بھاگٹانوالہ میں فوجداری کی دفعات کے تحت مقدمہ درج ہوا تھا، ملزمان خرم شہزاد اور مشتاق کاظمی کی عبوری درخواست ضمانت ایڈیشنل ڈسٹرکٹ اینڈ سیشن جج ہمایوں سعید نے خارج کی تو ملزمان نے عدالت عالیہ لاہور ہائیکورٹ سے عبوری ضمانت کروا لی، عدالت میں مدعی محمد امین کے وکیل شاہد نذیر خان اور ملزمان کے وکیل میاں فیض علی نے عدالت میں دلائل دیئے، عدالت کے فاضل جج نے مدعی کے وکیل کے دلائل سے اتفاق کرتے ہوئے دونوں ملزمان کی درخواست قبل از وقت گرفتاری خارج کر دی، مگر ملزمان تھانہ بھاگٹانوالہ کے اے ایس آئی سبحان کو چکمہ دے کر عدالت سے فرار ہو گئے، ایڈیشنل سیشن جج کی عدالت سے بھی ملزمان پولیس کے اے ایس آئی کو چکمہ دے کر فرار ہو گئے تھے۔یاد رہے کہ خرم شہزاد اور اس کے ساتھیوں کیخلاف فراڈ دھوکہ دہی کے قبل ازیں بھی مقدمات درج ہیں، جبکہ مشتاق کاظمی کیخلاف تھانہ سیٹلائٹ ٹاﺅن میں چیک ڈس آنر کا مقدمہ بھی درج ہے۔ ذرائع کے مطابق حساس ادارے بھی خرم شہزاد کے خلاف تحقیقات میں مصروف ہیں۔

سرگودھا (ادریس نواز سے) تھانہ فیکٹری ایریا پولیس کی منشیات فروشوں کیخلاف کارواٸ ۔ گرفتار ملزم سے 1100 گرام چرس برآمد ۔
تفصیلات کے مطابق :
ڈسٹرکٹ پولیس آفیسر عمارہ اطہر کی ہدایت پر منشیات فروشوں کیخلاف کارواٸ کرتے ہوۓ ایس ایچ او تھانہ فیکٹری ایریا عمارہ اکرم نے سب انسپکٹر مصدق حسین پر مشتمل ٹیم کے ہمراہ ڈیرہ ساٸیں جمال ریڈ کر کے بدنام زمانہ منشیات فروش محبوب احمد ولد منظور احمد سکنہ ڈیرہ ساٸیں جمال کو منشیات فروخت کرتے ہوۓ رنگے ہاتھوں گرفتار کر کے اسکے قبضہ سے 1100 گرام چرس برآمد کر لی ۔ اور ملزم کیخلاف مقدمہ درج کر لیا ۔

سرگودہا ۔ کمشنر سرگودہا ڈاکٹر فرح مسعود نے چاروں اضلاع کے ڈپٹی کمشنروں کو ہدایت کی ہے کہ وہ انسداد کرونا وائرس کے ٹھوس اور وسیع انتظامات کے ساتھ ساتھ انسداد ڈینگی اور پولیو مہم بھی جاری رکھیں۔تمام تحصیلوں کے اسسٹنٹ کمشنروں کی کارکردگی اور توجہ پرائس کنٹرول‘صفائی ستھرائی اور فروٹ وویجیٹیبل منڈیوں کی طرف سے منتشر ہو چکی ہے جس سے میونسپل سروسز کمزوراور ناقص ہونے کے خدشات ہیں۔تمام ڈپٹی کمشنر اپنے اسسٹنٹ کمشنروں اور ریونیو عملہ کو متحرک او رفعال رکھیں اور ان کی سرگرمیوں اور کارکردگی کا بھی ادراک کریں تاکہ اس عالمی تشویش کے ساتھ ساتھ دیگر بنیادی مسائل انبار کی شکل نہ ڈھال لیں۔ان خیالات کا اظہار انہوں نے ڈویژن بھر کے اضلاع کی انتظامی کارکردگی کاجا ئزہ لینے کے لئے منعقدہ اجلاس کی صدارت کرتے ہوئے کیا۔ اجلاس میں ایڈیشنل کمشنر شہباز نقوی‘ ڈپٹی کمشنر سرگودہا عبداللہ نیئر شیخ‘ڈائریکٹر ہیلتھ سروسز رانا عبداللہ‘ ایڈیشنل ڈپٹی کمشنر ریونیو میثم عباس‘اے ڈی سی جی بلال فیروز جوئیہ‘ سی ای او ہیلتھ سرگودہا ڈاکٹر رائے سمیع اللہ‘ اسسٹنٹ کمشنر زاہد خان‘ڈسٹرکٹ آفیسر انڈسٹریز کاشف لطیف ودیگر متعلقہ افسران کے علاوہ تینوں اضلاع کے ڈپٹی کمشنر اور ہیلتھ افسران بھی موجو دتھے۔ کمشنر نے آوارہ کتوں کو انتہائی مہلک قرار دیتے ہوئے ان کی سو فیصد تلفی کو یقینی بنانے کی ہدایت کی جبکہ پولیو کو سماج وملک دشمن بیماری گردانتے ہوئے بالخصوص میانوالی میں انسداد پولیو مہم کو مزید تیز کرنے کی ہدایت کی۔انہوں نے مزید کہاکہ ڈینگی کیلئے موسم خوشگوار ہونے کے ناطے ہاٹ سپاٹس پر توجہ مرکوز کی جائے او رانسداد ڈینگی ٹیموں کی سرگرمیوں کو روزانہ کی بنیاد پر سسٹم پر اپ لوڈ کیا جائے۔انہوں نے تمام اضلاع کے ہیلتھ افسران کی معمول کی رپورٹس اعلیٰ حکام کو بھجوانے میں غفلت کو آڑے ہاتھوں لیا او رواضح کیا کہ مستقبل میں اس کوتاہی پر سخت سرزنش او رکارروائی کی جائیگی۔ انہوں نے مزید واضح کی کہ ڈائریکٹر ہیلتھ سروسز کرونا سمیت دیگر مہمات کیلئے فوکل پرسن مقرر کئے گئے ہیں ان کو تمام معلومات بروقت فراہم کی جائیں تاکہ صحت کے درپیش مسائل کو حل کرنے میں مدد مل سکے۔انہوں نے پرائس مجسٹریٹس کو متحرک او رفعال رکھنے کے ساتھ ساتھ مارکیٹوںکو باقاعدگی سے چیک کرنے کی ہدایت کی جبکہ فروٹ وویجیٹیبل منڈیوں میں صحت وصفائی کو بہتر بنانے پر زور دیا۔اجلاس میں کرونا وائرس کے وبائی شکل اختیار کرنے کے ابتدائی ودیگر انتظامات کو مستحکم بنانے‘ نجی شعبہ کے ڈاکٹروں او رطبی عملہ کو بھی تربیت دینے کے علاوہ ان کے انفراسٹرکچر کو استعمال کرنے پر بھی نظر رکھنے کی ہدایت کی۔ اجلاس میں چاروں اضلاع کے ڈپٹی کمشنروں او رہیلتھ اتھارٹی کے افسران نے کرونا کے انتظامات کی تفصیلات سے آگاہ کیا۔

گورنر پنجاب چوہدری محمد سرور سے چئیرمین وزیر اعلیٰ پنجاب و ترجمان حکومت پنجاب اور صوبائی وزیر لیبر انصر مجید نیازی کی ملاقات۔
دونوں صاحبان نے گورنر پنجاب سے اپنے اپنے حلقوں کے لئے مزید واٹر فلٹریشن پلانٹس لگانے اور بند فلٹریشن پلانٹس کو چلانے کی درخواست کی
جس کو فوری طور پر منظور کرتے ہوئے ہر یونین کونسل کو ایک ایک فلٹریشن لگانے کا وعدہ کیا اور ضلع سرگودھا میں بند بارہ فلٹریشن پلانٹس کو جلد از جلد چلانے کے احکامات بھی جاری کر دیے

اس کے علاوہ پنجاب کے عوامی مسائل اور کرونا وائرس سے نمٹنے کی حکمت عملی سمیت دیگر امور پر گفتگو۔

‎