پھلروان : سرگودھا گجرات روڈ پر سالم انٹرچینج کے قریب کیڑی ڈبہ اور ڈمپر میں تصادم ، ریسکیو ذرائع
پھلروان : حادثہ میں ایک ہی خاندان کے 10 افراد زخمی ، ریسکیو ذرائع
پھلروان : زخمی ابتدائی طبی امداد کیلئے رورل ہیلتھ سنٹر پھلروان منتقل ، ہسپتال ذرائع ۔
پھلروان : زخمیوں میں 5 خواتین 4 بچے اور بزگ شامل ہیں
بھیرہ میونسپل کمیٹی بھیرہ میں قومی خوشحالی سروے سیمینار کا انعقاد کیا گیا اس موقع پر مقررین نے کہا کہ ملک کے معاشی حالات سنوارنے میں قومی خوشحالی سروے سنگ میل کی حیثیت رکھتا ہے ، اس مقصد کے لیے وزیر اعظم نے 216ارب روپیہ مختص کیا ہے ،اس سروے پر ملکی ترقی کا دار و مدار ہے ، ، ان خیالات کا اظہار وزیر اعظم کے معاو ن خصوصی چودھری ندیم افضل چن ، پرنسپل گورنمنٹ ڈگری کالج سید علی باقر نقوی و دیگر نے کیا،ندیم افضل چن نے کہا کہ اس پروگرام کا مقصد ملک سے غربت ختم کر کے مستحق افراد کو اپنے پاؤں پر کھڑا کرنا ہے ،یہ سروے تمام عمر چلے گا اور یہ بینظیر انکم سپورٹ پروگرام کی جگہ لے گا،اس سے مستحق افراد کو خدمت کارڈ ، انصاف کارڈ ، صحت کارڈ اور دیگر سہولیات دی جائیں گی ، سید علی باقر نقوی و دیگر نے کہا کہ سروے ٹیموں کو درست معلومات فراہم کرنا ہمارا فرض ہے ،سروے غلط ہو گیا تو ا س سے بیرونی دنیا میں ملک کے وقار ہر حرف آئے گا ،سروے میں شامل ہونے کے لیے قومی شناختی کارڈ اور ب فارم ہونا لازمی ہے ۔
بھیرہ
سرگودھا میں موٹروے پر مسافر وین کو دل دہلا دینے والا حادثہ، حادثے میں جل کر 11 مسافر جاں بحق جبکہ 8 افراد زخمی ہو گئے، جاں بحق ہونے والوں میں صرف 3 افراد کی ہی شناخت ہو سکی،
لاہور سے راولپنڈی جانے والی مسافر کے بدنصیب مسافروں کو شاید اندازہ نہیں تھا کہ یہ ان کا آخری سفر ثابت ہوگا، لاہور سے روانہ ہونے کے بعد جیسے ہی وین بھیرہ انٹرچینج کے قریب پہنچی تو اس کا ٹائر پھٹا، گاڑی کنٹرول سے باہر ہو کر سائین بورڈ سے ٹکرائی جس کے بعد اس میں آگ بھڑک اٹھی، مسافروں میں سے کسی کو بھی وین سے باہر نکلنے کا راستہ نہ ملا اور گاڑی کے اندر ہی جھلس کر رہ گئے۔
واقعہ کی اطلاع ملنے پر موٹروے پولیس، پاک فوج کے ادارے ایف ڈبلیو او اور دیگر ادارے امدادی کاروائیوں کے لیے موقع پر پہنچے، گاڑی کو کاٹ کر زخمیوں اور جاں بحق ہونے والوں کو نکالا گیا اور ٹی ایچ کیو اسپتال بھیرہ منتقل کیا گیا، اسپتال ذرائع کے مطابق 2 خواتین سمیت 11 افراد کی نعشیں اسپتال منتقل کی گئیں جبکہ زخمی ہونے والے 6 افراد کو ابتدائی طبی امداد کے بعد برن یونٹ لاہور منتقل کر دیا گیا۔
ساٹ۔۔۔۔۔
ٹی ایچ کیو اسپتال ذرائع کے مطابق مرنے والوں میں سے صرف تین کی ہی شناخت ہو سکی تاہم باقی افراد کی شناخت کے لیے ڈی این اے ٹیسٹ کیا جائے گا،
بھیرہ۔۔۔بھیرہ بھلوال روڈ پر موٹر وے فلائی اوور کے ساتھ مسافر ویگن میں اچانک آگ بھڑک اٹھی۔
بھیرہ۔۔۔ویگن میں آگ لگنے سے گیارہ مسافر جاں بحق۔
بھیرہ۔۔۔جھلس کر جانبحق ھونے والے چار افراد کی لاشیں ٹی ایچ کیو ھسپتال بھیرہ پہنچا دی گیئں۔
بھیرہ۔۔۔جھلس کر جانبحق سات افراد کی لاشیں ویگن سے ابھی تک نکالی نہیں جاتی سکیں۔
بھیرہ۔۔۔جھلس جانے والے تین مردوں اور ایک بچے کو ٹی ایچ کیو ھسپتال بھیرہ پہنچا دیا گیا۔
بھیرہ۔۔۔حادثہ کا شکار ویگن بذریعہ موٹر وے لاھور سے اسلام آباد جارھی تھی۔
بھیرہ۔۔۔بدقسمت ویگن میں اٹھارہ مسافر سوار تھے۔
پی پی 72.این۔اے88۔احساس سروے پروگرام تحصیل بھیرہ کا افتتاح 31 جنوری کو ٹی۔ایم۔اے ہال میں حسن انعام پراچہ ترجمان حکومت پنجاب ڈویژنل چیئرمین وزیراعلی کمپلینٹ سیل سرگودہا.ترجمان وزیراعظم چوہدری ندیم افضل چن صاحب کریں گے۔
بھلوال ڈپٹی کمشنر کا بھلوال کا دورہ : ریسکیو 1122 کی عمارت ریسکیو کے حوالہ کرنے کی ہدایت ۔ پرانا بھلوال بائی پاس کی تعمیر کاجائزہ لیا ۔ تین کروڑ روپے کی لاگت ‘دو کروڑ خرچ ہوگئے بھکی تا دائیوال 17 کلو میٹر کارپٹ روڈ کا معائنہ ‘ 18 کروڑ روپے خرچ کئے جارہے ہیں ۔ عبداللہ نیئر شیخ کو بریفنگ ڈپٹی کمشنر عبداللہ نیئر شیخ نے اسسٹنٹ کمشنر بھلوال عثمان جلیس کے ہمراہ بھلوال ریسکیو 1122 کی عمارت پانچ فروری تک مکمل کر کے ریسکیو بھلوال کے سپرد کرنے کاحکم دیاہے تاکہ محکمہ بہتر خدمات کے معیار کو قائم کر سکے ۔انہوں نے آج بھلوال میں مصروف دن گزارااور ترقیاتی منصوبوں کا جائزہ لیا ۔انہوں نے محکمہ لوکل گورنمنٹ کے زیر انتظام پرانا بھلوال بائی پاس کی تعمیر کاجائزہ لیا ۔ جس پر مجموعی طو رپر تین کر وڑ 60 لاکھ روپے کی لاگت آئے گی ۔ اس سکیم پر اب تک دو کروڑ خرچ کئے جاچکے ہیں ۔ ڈپٹی کمشنر نے بھکی تا دائیوال 17کلو میٹر زیر تعمیر کارپٹ روڈ کا بھی جائزہ لیا ۔اس سڑک پر 18کروڑ روپے خرچ کئے جارہے ہیں جن میں سے اب تک پانچ کروڑ روپے جاری کئے جاچکے ہیں ۔انہوں نے ریسکیو 1122 بھلوال کی زیر تعمیر عمارت کابھی دورہ کیا انہوں نے عمارت میں استعمال کئے جانے والے میٹریل اور تعمیر کی کوالٹی او رپائیداری کا مشاہدہ کیا ۔
سرگودہا: تھانہ کوٹ مومن پولیس کی کاروائی، دوران سنیپ چیکنگ کار کے خفیہ خانوں سے چارکلو چرس وکلاشنکوف سمیت ناجائزاسلحہ برآمد
سرگودہا:ڈسٹرکٹ پولیس آفیسر عمارہ اطہر کی ہدایت پر ضلع کے داخلی وخارجی راستوں پر چیکنگ مزید سخت کرتے ہوئے ایس ایچ او تھانہ کوٹ مومن انسپکٹر قیصر عباس نے اسسٹنٹ سب انسپکٹر ز منظور احمد احسن اور وقار احمد پر مشتمل ٹیم کے ہمراہ پل چک نمبر20جنوبی دوران سنیپ چیکنگ کار نمبریGAA-45کو روکا۔ کار صادق ولد سلطان قوم فقیر سکنہ بدررانجھا اور شان علی ولد محمدامیر سکنہ سیال موڑ سوار تھے۔ کار کی تلاشی لینے پر خفیہ خانوں سے چرس4000گرام، ایک عدد کلاشنکوف،ایک عددپسٹل9ایم ایم اورایک عدد پسٹل30بور معہ50گولیاں برآمد ہوئیں جبکہ ملزم صاوق ولد سلطان کی تلاشی لینے پر منشیات کی رقم وٹک 60ہزار روپے بھی برآمد ہوئی۔ گرفتارملزمان کے خلاف منشیات فروشی وناجائزاسلحہ رکھنے کی دفعات کے تحت تھانہ کوٹ مومن میں مقدمہ درج کرلیا گیا ہے جبکہ منشیات فروشی میں استعمال ہونے والی کار نمبریGAA-45کو علیحدہ قبضہ پولیس میں لیکر تفتیش شروع کر دی گئی ہے۔
سرگودھا: ریجنل ڈائریکٹر اینٹی کرپشن کے حکم پر ڈپٹی ڈائریکٹر رضوان اشرف کا ٹی ایچ کیو ہسپتال بھیرہ پر چھاپہ
سرگودھا: ہسپتال کے مختلف وارڈز، لیبارٹری سمیت ادویات کا سٹاک اور ریکارڈ چیک کیا
سرگودھا: ٹی ایچ کیو بھیرہ کا کارنامہ، دل کی ایکسپائر ادویات مریضوں میں مفت تقسیم کرنے کا انکشاف
سرگودھا: حکومت کی طرف سے دی گئی کروڑوں روپے کی نئی کلر ڈویلپر مشین، ایم ایس اور عملہ کی ملی بھگت سے عرصہ دراز سے بند
سرگودھا: میڈیسن سٹور کے اندر دل کے امراض کی ایکسپائر ادویات موجود ہونے کا انکشاف
سرگودھا: اینٹی کرپشن ٹیم نے چھاپہ کے دوران ایکسپائری ادویات قبضہ میں لے لیں۔ ذرائع
سرگودھا: کروڑوں روپے مالیت کی بچوں کی نرسری لیڈی ڈاکٹر کی آرام گاہ بنی ہوئی تھی
سرگودھا: چھاپہ کے دوران گائناکالوجسٹ۔ بچوں کا ڈاکٹر موجود ہی نہیں تھا۔ ذرائع
سرگودہا(عمیر ضیاء)حلقہ این اے 91 سرگودھا میں بے ضابطگیوں’ٹمپرنگ اور ری الیکشن کے حوالہ سے سپریم کورٹ آف پاکستان میں تفصیلی سماعت ہوئی اور کیس کی سماعت کل دوبارہ مورخہ 29 جنوری 2020 بروز بدھ سپریم کورٹ کے بنچ نمبر 2 میں ہوگی۔
تفصیلات کے مطابق حلقہ این اے 91 میں 20 دیہات میں ری الیکشن کروا کے پاکستان تحریک انصاف کے عامر سلطان چیمہ نے ایم این اے کا نتخاب جیتا جو آئین پاکستان کے متصادم ہے اس حوالے سے پاکستان مسلم لیگ ن کے امیدوار ڈاکٹر ذوالفقار علی بھٹی نے سپریم کورٹ آف پاکستان میں اپیل دائر کر رکھی ہے جس کی آج سماعت ہوئی پچھلی سماعت میں الیکشن کمیشن نے اپنی غلطی تسلیم کرتے ہوئے اعتراف کیا کہ ری الیکشن آئین سے ہٹ کر کروایا گیا امید یہ کی جا رہی ہے کہ شاید اس کیس میں تحریک انصاف کے امیدوار عامر سلطان چیمہ کو ٹمپرنگ کے نتیجے میں سزا ہو جائے کیوں کہ ڈاکٹر ذوالفقار علی بھٹی نے سپریم کورٹ میں ٹمپرنگ ثابت کر دی ہے
سرگودہا: اشتہاری مجرمان کی گرفتاری کے لیے کاروائیوں میں تیزی لائی جائے۔ڈی پی او عمارہ اطہر
سرگودہا:اشتہاری مجرمان کی گرفتاری کیلئے تمام دستیاب وسائل بروئے کارلائے جائیں، ان کے شناختی کارڈ بلاک کروائیں۔ ان خیالات کا اظہار ڈسٹرکٹ پولیس آفیسر سرگودھا عمارہ اطہر نے ضلع بھر کے ایس ڈی پی اوزسے اشتہاری مجرمان کی گرفتاری سے متعلق جائزہ میٹنگ میں خطاب کرتے ہوئے کیا۔ انہوں نے مزید کہا کہ اشتہاری مجرمان کی گرفتاری کیلئے کاروائیاں تیز کریں ان کی جائیداد قرقی اور ان کو پناہ دینے والوں کے خلاف بمطابق قانون کاروائی کریں بیرون ملک مقیم مجرمان اشتہاریوں کے ریڈ وارنٹ حاصل کیے جائیں اور ہیڈمنی کے کیسز بروقت بھجوائے جائیں۔اس موقع پر ایس پی انوسٹی گیشن ملک امتیاز محمود بھی موجود تھے۔