سرگودھا۔ 23 اگست (اے پی پی) جرنلسٹ ویلفیئر کونسل کا تعزیتی اجلاس زیر صدارت ممتاز عارف منعقد ہوا جس میں پروفیسر ڈاکٹر ہارون الرشید تبسم کی ہمشیرہ کی وفات پر افسوس کا اظہار کیا گیا۔ اجلاس میں امجد پرویز‘ اشرف قریشی‘ رانا محمد اشرف‘ عبدالوہاب چوہدری‘ آفاق احمد گوندل‘ محمد بلال مون‘ عبدالصمد شاہین‘ اے آر سلیم‘ رانا افضل حنیف‘ طارق اعوان‘ ملک عبدالجبار‘مجاہد رضا بخاری‘ ملک عرفان حیدر‘ رانا ندیم‘ حافظ عبدالخالق نے شرکت کی۔ اجلاس میں مرحومہ کے لئے فاتحہ خوانی کی گئی اور دعا کی گئی کہ اللہ تعالی مرحومہ کے درجات بلند فرمائے اور لواحقین کو صبر جمیل عطا فرمائے۔
Category: سرگودھا
سینٹری ورکرز کی بھرتی کیلئے وزارت بلدیات سے استدعاء
سرگودھا۔ 23اگست (نمائندہ باغی ٹی وی) شہر بھر میں صفائی کا نظام بہتر بنانے کے لئے میونسپل کارپوریشن سرگودھا میں 200 سے زیادہ سینٹری ورکرز بھرتی کرنے کے لئے وزارت بلدیات کو استدعاء کی گئی ہے۔ بلدیہ ذرائع کے مطابق میونسپل کارپوریشن سرگودھا میں سینٹری ورکرز کی بھرتیاں گزشتہ 10 سال سے نہیں کی گئیں اس دوران کئی سینٹری ورکرز اپنی مدت ملازمت پوری کرنے کے بعد ریٹائرڈ ہوچکے ہیں جبکہ کئی سینٹری ورکرز وفات پاچکے ہیں ان کی جگہ نئی بھرتیاں نہ ہوسکیں جبکہ مزید 30 سے زائد سینٹری ورکرز اپنی ملازمت مدت پوری کرنے کے نزدیک ہیں جن کے بدلے اگر بھرتیاں نہ ہوئیں تو شہر میں صفائی کی صورتحال ابتر ہوگی جس کو بہتر بنانے کے لئے 2 سو سے زیادہ سینٹری ورکرز بھرتی کرنے کی استدعا کی گئی ہے۔
جعلی چالان کاٹنے والا پولیس اہلکار گرفتار
سرگودھا(نمائندہ باغی ٹی وی) ڈی ایس پی ٹریفک کا کامیاب چھاپہ تفصیلات کے مطابق جعلی چالان بک کے ذریعے چالان کاٹتے شہریوں سے پیسے بٹورنے والا ٹریفک پولیس اہلکار پکڑا گیا اے ایس آئی ریاست کو ڈی ایس پی ٹریفک شیخ کاشف نے جعلی چالان کاٹتے رنگے ہاتھو پکڑ کر فیکٹری ایریا پولیس کے حوالے کر دیا
پولیس نے مقدمہ درج کرتے ہوئے اے ایس آئی ریاست کو حوالات میں بند کر دیا، پولیس ذرائع
ڈی پی او حسن مشتاق سکھیرا نے جعلسازی کرنے والے اے ایس آئی کو معطل کرنے کے احکامات جاری کر دیئے
سرگودہا سمیت ملک بھر میں یوم دفاع پاکستان جوش و خروش سے منایا جائے گا
سرگودھا سمیت ملک بھر میں یوم دفاع پاکستان ملی جوش و جذبہ سے منانے کیلئے ہدایات جاری
سرگودھا۔ 23 اگست (اے پی پی) سرگودھا سمیت ملک بھر میں یوم دفاع پاکستان ملی جوش و جذبہ سے منانے کے لئے حکومت پنجاب نے تمام ضلعی انتظامیہ کو ہدایات جاری کردی ہیں۔ سرگودھا‘ سیالکوٹ اور لاہور میں یوم دفاع پاکستان کے حوالہ سے خصوصی تقریبات کا اہتمام کیا جائے گا۔ اور ان تینوں شہروں میں 6 ستمبر کے حوالہ سے ہلال استقلال لہرانے کی تقریبات منعقد ہوں گی جس میں سول و فوجی افسران کثیر تعداد میں شرکت کرینگے۔ اس سلسلہ میں میونسپل کارپوریشن سرگودھا نے یوم دفاع پاکستان کے حوالہ سے تقریب کو حتمی شکل دینا شروع کردی ہے۔
نا معلوم افراد کی پولیس اہلکاروں پر فائرنگ
سرگودھا(نمائندہ باغی ٹی وی) نامعلوم افراد کی پولیس اہلکاروں پر فائرنگ تفصیلات کے مطابق نامعلوم ملزمان فائرنگ کے بعد فرار ھونے میں کامیاب واقعہ گزشتہ روز پیش آیا
محافظ اسکواڈ پولیس اربن ایریا کے اہلکاروں کو زخمی حالت میں ھسپتال منتقل کر دیا گیا
محافظ اسکواڈ کے اہلکار فیصل اور حسنین ڈیوٹی پر تھے کہ نامعلوم موٹر سائیکل سواروں کو روکنے پر فائرنگ کر دی ڈی پی او مشتاق سکھیرا زخمیوں کی عیادت کرنے ھسپتال پہنچ گئے
نامعلوم ملزمان کو ٹریس کر کے گرفتاری عمل میں لائی جائے گی۔ ڈی پی او سرگودہا پولیس اہلکاروں کی عیادت کیلیے سول ہسپتال پہنچ گئے آر پی او سرگودہا بھی ہمراہ تھے
دریائے جہلم چوک پر ایک اور خونی خادثہ خاتون جاں بحق
ساہی وال/ سرگودہا(نمائندہ باغی ٹی وی) شاہ پور روڈ دریائے جہلم چوک پر ایک اور خونی حادثہ تفصیلات کے مطابق موٹر سائیکل اور ٹرک کے درمیان تصادم میں 50 سالہ عورت جاں بحق ایک شخص شدید زخمی ہو گیا
موٹر سائیکل سوار عورت شریفاں بی بی موقع پر ہی جاں بحق ہو گئی
ریسکیو ذرائع کے مطابق زخمی ارشد کو طبی امداد کے لیے تحصیل ہیڈ کوارٹر ہسپتال منتقل کر دیا گیا جبکہ پولیس ذرائع کے مطابق ٹرک ڈرائیور کو حراست میں لے کر تھانے منتقل کر دیا گیاسالانہ انتخابات سرگودہا چیمبر آف کامرس اینڈ انڈسٹری
سرگودھا(نمائندہ باغی ٹی وی) سرگودھا چیمبر آف کامرس اینڈ انڈسٹری کے سالانہ انتخابات کے خلاف بزنس الائنس گروپ کی طرف سے لگائے جانے والے6کے 6اعتراضات مسترد، بزنس الائنس کوقانونی تقاضے پورے نہ کرنے پر برہمی کا اظہار، الیکشن کمیشن پر اْٹھائے جانے والے اعتراضات مسترد کرتے ہوئے کہا ہے کہ ایگزیکٹو باڈی ہی انتخابات کروانے اور الیکشن کمیشن بنانے کا اختیار رکھتی ہے، ذرائع کے مطابق سرگودھا چیمبر آف کامرس کے سالانہ انتخابات 2019-20پر بزنس الائنس گروپ نے DGTO اسلام آباد رافع بشیر شاہ کو 6درخواستیں دی تھی جس میں اْنہوں نے الیکشن کمیشن کے ساتھ ساتھ مختلف اعتراضات اْٹھائے تھے جس کی سماعت کے بعد DGTOنے لگائے جانے والے تمام اعتراضات کو یکسر مسترد کر تے ہوئے بزنس الائنس گروپ پر برہمی کا اظہار کرتے ہوئے کہا کہ کسی بھی شکایت کے لئے قانون کے مطابق فورم استعمال کیا جائے۔ جس کے لئے قانون کے مطابق درخواستیں دی جانی ہوتی ہیں مفروضوں پر شکایات یا الزامات نہیں لگائے جاتے۔ کسی بھی شکایت کا ثبوت فراہم کرنا قانونی تقاضہ ہوتا ہے مگر آپ کی جانب سے لگائے جانے والے 6کے 6اعتراضات مفروضوں پر مبنی ہیں۔ DGTOنے یہ بھی کہا کہ چیمبر کے الیکشن کے لئے ایگزیکٹو باڈی کے پاس ہی اختیار ہوتا ہے کہ وہ الیکشن کروانے کے لئے الیکشن کمیشن بنائے۔ سرگودھا چیمبر آف کامرس اینڈ انڈسٹری کے سالانہ انتخابات 2019-20، 17ستمبر کو کارپوریٹ کلاس جبکہ 18ستمبر کو ایسوسی ایٹ کلاس کی پولنگ منعقد ہو گی۔ جس کے لئے 21اگست سے کاغذاتِ نامزدگی کا سلسلہ شروع ہو گا۔ جس کے لئے سرگودھا چیمبر نے شفقت علی چیمہ کو چیئرمین، خلیق احمد خان کو سیکرٹری الیکشن کمیشن، نصیر احمد خان اور رانا محمد کاشف کو ممبران الیکشن کمیشن بنایا ہے۔
آرمی چیف کی مدت ملازمت میں توسیع احسن اقدام ہے،صدر انجمن تاجران سرگودہا
جنرل قمر جاوید باجوہ کومزید3سال کیلئے آرمی چیف مقرر کرنے کا فیصلہ ملک کو دفاعی لحاظ سے مضبوط بنانے کیلئے بہترین اقدام ہے، صدر انجمن تاجران سرگودھا شفیق الرحمن
سرگودھا21اگست(اے پی پی) چیف آف آرمی سٹاف جنرل قمر جاوید باجوہ کومزید3سال کے لئے آرمی چیف مقرر کرنے کا فیصلہ ملک کو دفاعی لحاظ سے مضبوط بنانے کیلئے بہترین اقدام ہے، خطے کی موجودہ صورتحال پر جنرل قمر جاوید باجوہ کی جو نظر ہے اس سے ملکی دفاع کو مزید مضبوط بنانے میں مدد ملے گی۔ ان خیالات کا اظہار صدر انجمن تاجران سرگودھا و ایگزیکٹو ممبر سرگودھا چیمبر آف کامرس اینڈ انڈسٹری شفیق الرحمن نے کیا۔ انہوں نے کہا کہ حکومت کی جانب سے یہ فیصلہ خطے میں جاری امن کوششوں کے تسلسل کو مد نظر رکھتے ہوئے کیا گیا ہے جسے قوم نے سراہا ہے۔ شفیق الرحمن نے کہا کہ پاک فوج اور حکومت کے ساتھ ساتھ عوام اور تمام سیاسی جماعتیں مسئلہ کشمیر پر ایک پیج پر متحد ہیں جو خوش آئند ہے۔ شفیق الرحمن نے کہا کہ ہمیں امید ہے کہ جنرل قمر جاوید باجوہ ملکی استحکام کیلئے اپنا کلیدی کردار ادا کریں گے، پاک فوج پر پوری قوم کو فخر ہے اور امید ہے کہ جنرل قمر جاوید باجوہ کے ہوتے ہوئے بھارت جنگ کی غلطی نہیں کرے گا۔
نواحی علاقے 125جنوبی میں کرکٹ میچ پر جواء کی اطلاع پر پولیس کا چھاپہ
سرگودھا۔ 21اگست (اے پی پی) سرگودہا کے نواحی چک نمبر125جنوبی میں کرکٹ میچ پر جواء کی اطلاع پر پولیس کا چھاپہ،کھلاڑیوں اورشرکاء کی دوڑیں لگ گئیں۔پولیس نے 6افراد کو گرفتارکرلیا اورداؤپر لگی ہزاروں روپے کی رقوم بھی برآمد کر لی گئیں۔پولیس ذرائع کے مطابق اطلاع ملی ہے کہ کرکٹ میچ میں جواء کھیلا جا رہا ہے جس پر پولیس نے ریڈ کیا تو کھلاڑی اور شرکاء کی دوڑیں لگ گئیں، تاہم پولیس نے عامر، شہزاد، انور، ظہیر، شاہ علی،نبیل کو حراست میں لے کر 13ہزار روپے جو کہ داؤ پر لگے ہوئے تھے برآمد کر لئے اور ملزمان کے خلاف قمار بازی ایکٹ کے تحت مقدمہ درج کر لیا۔
کشمیری اور پاکستانی عوام وزیر اعظم عمران خان پر فخر محسوس کررہے ہیں، چودھری منیب سلطا ن چیمہ
سرگودھا۔21اگست(اے پی پی) اکستان تحریک انصاف کے رہنمارکن صوبائی اسمبلی چودھری منیب سلطا ن چیمہ نے کہا ہے کہ مقبوضہ کشمیر میں بھارتی مظالم کو عالمی سطح پر جس طرح موجودہ حکومت نے سفارت کاری کے ذریعے اجاگر کیا ہے وہ قابل تحسین ہے اور یہ بات ثابت ہوگئی ہے کہ بھارت پر کشمیر کا قبضہ غیر قانونی ہے اور مقبوضہ کشمیر کے لوگ بھی بھارت سے نجات چاہتے ہیں، وزیراعظم عمران خان نے جس طرح کشمیریوں کی وکالت کی ہے اس پر کشمیری اور پاکستانی عوام وزیر اعظم پر فخر محسوس کررہے ہیں۔ ان خیالات کا اظہار چودھری منیب سلطا ن چیمہ نے صحافیوں سے گفتگو کرتے ہوئے کیا۔ انہوں نے کہا کہ 50 سال بعد اقوام متحدہ میں کشمیر کے مسئلہ پر اجلاس کا ہونا حکومت کی بہترین سفارتکاری کا نتیجہ ہے سابقہ حکومتوں نے اس مسئلے پر آج تک کچھ نہ کیا جس کی وجہ سے بھارت کشمیر پر قبضہ کرنے میں کامیاب رہا اب دنیا نے اس مسئلے کو سنجیدگی سے لیا ہے اور امید ہے کہ مسئلہ کشمیر موجودہ حکومت کے دور میں حل ہوگا۔انہوں نے کہا کہ اس وقت کشمیر میں بھارتی فوج جو مظالم ڈھا رہی ہے وقت کا تقاضا ہے کہ پوری دنیا اس ظلم سے بھارت کو روکے وگرنہ اگر اس مسئلے پر جنگ ہوئی تو اس کا خمیازہ بھارت اور پاکستان ہی نہیں پوری دنیا بھگتے گی۔
