Category: سرگودھا

گوجرانوالہ (باغی ٹی وی نامہ نگارمحمدرمضان نوشاہی)محکمہ ماحولیات میں بڑے پیمانے پر رشوت خوری کا انکشاف ہوا ہے۔ عوام کی شکایات کے بعد کمشنر گوجرانوالہ نے فوری کارروائی کرتے ہوئے محکمے کے عارضی انسپکٹر غلام رسول کو معطل کر دیا ہے۔

تفصیلات کے مطابق، غلام رسول کو تقریباً چار ماہ قبل انسپکٹر کا عارضی چارج دیا گیا تھا۔ اس نے اپنے عہدے کا ناجائز فائدہ اٹھاتے ہوئے فیکٹری مالکان سے بھاری رشوت وصول کی اور ان پر جھوٹے مقدمات درج کیے۔ اس کے ڈرائیور رانا سلیم بھی اس میں اس کا ساتھی تھا۔

فیکٹری مالکان اس بھتہ خوری سے تنگ آکر کمشنر گوجرانوالہ سے رجوع ہوئے۔ کمشنر نے فوری نوٹس لیتے ہوئے غلام رسول کو معطل کر دیا اور اس کے خلاف محکمانہ کارروائی کا حکم دے دیا۔

واضح رہے کہ غلام رسول کے خلاف محکمہ اینٹی کرپشن میں پہلے سے ہی رشوت طلب کرنے کی شکایت درج ہے۔

اس کارروائی پر کھیالی سرکل کے فیکٹری مالکان نے کمشنر گوجرانوالہ نوید حیدر شیرازی کا شکریہ ادا کیا اور کرپٹ ملازم کے خلاف سخت سے سخت کارروائی کا مطالبہ کیا۔

سرگودھا،باغی ٹی وی ( ادریس نواز چدھڑ سے ) تھانہ ساہیوال پولیس کی کارروائی،غیر قانونی اسلحہ رکھنے والے 5 ملزمان گرفتار

تفصیلات کے مطابق ڈی پی او سرگودھا ڈاکٹر اسد اعجاز ملہی کے احکامات پر تھانہ ساہیوال پولیس کا ایک اور کامیاب سرچ آپریشن، دوران سرچ آپریشن غیر قانونی اسلحہ رکھنے والے 05 ملزمان گرفتار ، گرفتار ملزمان میں ظل،صدام،اشرف، ابراہیم اور فرحان شامل ہیں ۔ گرفتار ملزمان کے قبضہ سے کلاشنکوف، 9mm پسٹل ، 02 پسٹل 30بور اور بھاری مقدار میں کارتوس و گولیاں برآمد

گرفتار ملزمان کے خلاف غیر قانونی اسلحہ رکھنے کی دفعات کے تحت الگ الگ مقدمات درج کر لیے گئے ہیں ۔ گرفتار ملزم صدام کو اشتہاری مجرم کو پناہ دینے کے جرم میں گرفتار کیا گیا ہے ۔

اس موقع پر ڈی پی او سرگودھا کا کہنا تھا کہ انسداد جرائم کے لیے ضلع بھر میں سرچ آپریشن کیئے جا رہے ہیں ، جرائم کی بیخ کنی کے لیئے سرگودھا پولیس ہر لمحہ کوشاں اور متحرک ہے ۔

جبکہ بہترین کارکردگی کا مظاہرہ کرنے پر ڈی پی او سرگودھا نے ایس ایچ او تھانہ ساہیوال انسپکٹر افضل اور انکی ٹیم کو شاباش دی ۔

سرگودھا ( ادریس نواز چدھڑ سے )ٹریفک پولیس روزانہ لاکھوں روپے کے ناجائز چالان کرکے غریب شہریوں کا جینامحال کردیا، شہریوں کا کہناہے کہ ٹریفک پولیس والے کبھی کسی امیر کو نہیں روکتے، انکا غصہ اور فرض صرف غریب کو چالان کر کے پورا ہوتا ہے،شہریوں کا ڈی پی او سرگودھا اور آئی جی پنجاب سے فوری نوٹس کا مطالبہ

تفصیلات کے مطابق ٹریفک پولیس سرگودھا روزانہ لاکھوں روپے کے چالان کرکے غریب شہریوں کا خون نچوڑنے میں مصروف عمل ھے ۔ شہری روٹی کے ایک ایک نوالہ کو ترس رہے ہیں اور ٹریفک پولیس نے نوری گیٹ، 47 اڈا، بس سٹینڈ اور جھال چکیاں سمیت شہر کے مختلف بازاروں میں ناکے لگا رکھے ہیں ۔

اہلکار سارا دن شہر کی سڑکیں بلاک کرکے غریب موٹر سائیکل سواروں کے چالان کرکے بھاری جرمانے اور لفٹر موٹر سائیکل اور گاڑیاں اٹھا کر لے جاتے ہیں اور فی موٹرسائیکل 2 ہزار روپے جرمانہ وصول کیا جاتا ہے ، شہر میں ظلم کی انتہا ہو گئی ہے ۔ ٹریفک پولیس کے اہلکارلفٹر کے ذریعے بازاروں اور مارکیٹوں سے چوروں کی طرح موٹر سائیکل اٹھا کر لے جاتے ہیں اور موٹر سائیکل کا مالک پریشان حال بھاگا پھرتا ہے

ٹریفک پولیس غریب کا خون نچوڑنے پر لگی ہے اور افسران نے خاموشی اختیار کر رکھی ہے ۔ شہر یوں کا کوئی پرسان حال نہیں ہے ۔ غریب لوگ جرمانہ ادا نہیں کر سکتے اور وہ رونے لگ جاتے ہیں ۔ جو رویہ ٹریفک پولیس نے اختیار کر رکھا ہے ،

روزانہ کی بنیاد پر غریب جو محنت مزدوری کر کے واپس گھر آ رہا ہوتا ہے اور اسے بھاری جرمانہ کر دیا جاتا ہے، جس کی وجہ سے مزدور طبقہ فاقہ کشی پر مجبور ہو چکا ہے

شہریوں کا کہناہے کہ ٹریفک پولیس والے کبھی کسی امیر کو نہیں روکتے، انکا غصہ اور فرض صرف غریب کو چالان کر کے پورا ہوتا ہے۔ جو ہمارے ساتھ ظلم ہے، شہریوں نے ڈی پی او سرگودھا ڈاکٹر اسد اعجاز ملہی اور آئی جی پنجاب ڈاکٹر عثمان انور سے فوری نوٹس لینے کا مطالبہ کیا ہے ۔

سرگودھا ( ادریس نواز چدھڑ سے ) ڈی ایس پی بھیرہ چوہدری فیاض احمد ہنجرا کی نگرانی میں تھانہ بھیرہ پولیس ان ایکشن ۔ ایک ماہ میں 1 کروڑ 50 لاکھ روپے مالیت کا سامان اور نقدی برآمد ۔

تفصیلات کے مطابق آئی جی پنجاب کے ویژن اور آر پی او سرگودھا شارق کمال صدیقی اور ڈی پی او سرگودھا ڈاکٹر اسد اعجاز ملہی کی ہدایت پر ڈی ایس پی بھیرہ چوہدری فیاض احمد ہنجرا کی نگرانی میں ایس ایچ او تھانہ بھیرہ حافظ نوید اکرم نے ایک ماہ کی تعیناتی کے دوران 1 کروڑ 50 لاکھ مالیت کا سامان اور نقدی برآمد کر کے اصل مالکان کو واپس کر دی ۔

عادل شہزاد ، ظہیر اور عدنان نامی ملزمان جوکہ سرعام ہوائی فائرنگ اور اقدام قتل میں ملوث تھے کو بروقت کارروائی کرتے ہوے گرفتار کیا گیا ۔

اقدام قتل میں 2023 کے مطلوب ملزمان کو گرفتار کیا گیا اس کے علاوہ مقدمات برخلاف مال میں مبلغ 59 لاکھ 80 ہزار روپے کے مال مویشی برآمد کیئے گئے ۔ موٹر وہیکل چوری میں کل مالیتی 43 لاکھ 10 ہزار روپے مالیت کے موٹر سائیکل و گاڑیاں برآمد کی گئیں ۔ 3 مقدمات راہزنی کے یکسو کرتے ہوئے ملزمان سے موٹر سائیکل اور نقدی کل مسروقہ تقریباً 5 لاکھ برآمد کیئے گئے ۔ اس کے علاوہ دو رکنی گینگ گرفتار کیا گیا ۔ جس سے تقریباً 50 لاکھ روپے مالیت سے زائد کا مال مسروقہ برآمد کیا گیا اور ملزمان کو جیل بند کروایا گیا ۔

اس کے علاوہ ناجائز اسلحہ ملزمان سے 2 رائفل 44 بور , 4 بندوق 12 بور , رپیٹر , 7 عدد پسٹل اسلحہ برآمد کر کے مقدمہ درج کیا گیا ۔ اشتہاری A کیٹگری کے دو ملزمان جبکہ B کیٹیگری کے 23 مجرمان اشتہاری گرفتار کیئے گئے ۔

اسی طرح گینگ ریپ کے مقدمہ نمبر 549/24 بجرم 375A تھانہ بھیرہ میں مطلوب ملزمان محمد آصف وغیرہ 2 کس کو بروقت کارروائی کرتے ہوئے گرفتار کر کے جیل بند کروایا گیا ۔

سرگودھا ،باغی ٹی وی(نامہ نگار شاہنوازجالپ)ڈسٹرکٹ اینڈ سیشن جج اور ڈی پی او سرگودھا کی قیادت میں تفتیشی معیار کو بہتر بنانے اور تفتیش میں نئی اصطلاحات کے حوالہ سے آرٹس کونسل سرگودھا میں ایک روزہ ورکشاپ کا انعقاد

ورکشاپ میں ضلع بھر کے ایس ڈی پی اوز ایس ایچ اوز اور تفتیشی افسران نے شرکت کی ڈسٹرکٹ اینڈ سیشن جج محمد اکمل نے پولیس افسران کو مقدمات کے اندراج تفتیش میں خامیوں کو دور کرنے اور تفتیشی معیار کو بہتر بنانے کے حوالے سے طریقہ کار واضح کیا ورکشاپ میں تفتیشی پیچیدگیوں اصلاحات اور ترجیحات سے تفتیشی افسران کو آگاہ کیا

پولیس افسران کی طرف سے ان موضوعات پر سوالات بھی کئے گئے جن کےانہوں نے تفصیلی جوابات بھی دئیے

اس موقعہ پر ڈی پی او سرگودھا اسد اعجاز ملہی نے کہا ورکشاپ کا مقصد تفتیشی افسران کی رہنمائی کرنا ہے انصاف کی فراہمی کا براہِ راست تعلق معیاری تفتیش سے منسلک ہے تفتیش کے معیار کو بہتر بنانے کیلئے آئندہ بھی ورکشاپ کا انعقاد کیا جائے گا

ورکشاپ میں ڈپٹی ڈسٹرکٹ پبلک پراسیکیوٹر صبغت اللہ ٫ڈسٹرکٹ پروبیشن آفیسر کاشف مظفر ٫ڈسڑکٹ سوشل ویلفیئر آفیسر رانا نوید اور ڈی ایس پی لیگل قاسم حیات رانجھا نے افسران کو لیکچر دئیے

خوشاب،باغی ٹی وی ( ادریس نواز چدھڑ سے ) تھانہ قائدآباد کی حدود اوکھلی موہلہ میں نوجوان کے قتل کا معاملہ ۔ دوہفتے گزر جانے کے باوجود بھی پولیس ملزمان گرفتار نہ کر سکی ۔ آر پی او سرگودھا اور وزیراعلی پنجاب سے فوری نوٹس کا مطالبہ

تفصیلات کے مطابق تھانہ قائدآباد کے علاقہ اوکھلی موہلہ میں دوہفتے قبل کھگلی کے رہائشی رئیس شلولی نامی نوجوان کو قتل کر دیا گیا ۔ تھانہ قائدآباد پولیس نے دو نامزد ملزمان کیخلاف مقدمہ درج کیا ۔ دوہفتے گزر جانے کے باوجود بھی تھانہ قائدآباد پولیس ملزمان کو گرفتار نہ کر سکی ۔ جو متعلقہ ایس ایچ او کی کارکردگی کا منہ بولتا ثبوت ہے۔

ملزمان کی گرفتاری میں ٹال مٹول بارے متاثرین نے ڈی پی او خوشاب کو بھی آگاہ کیا ، جس کے باوجود بھی پولیس ملزمان گرفتار کرنے سے قاصر ہے ۔

ذرائع کے مطابق متاثرین کو آئے روز تھانہ کے چکر لگوا کر زبانی تسلیاں دی جا رہی ہیں جبکہ ایس ایچ او تھانہ قائدآباد ملزمان کو گرفتار کرنے میں ٹال مٹول سے کام لے رہا ہے ۔ متاثرین کا کہنا ہے کہ ہمارے نوجوان بچے کو قتل ہوئے 13 دن گزر گئے ۔ لیکن پولیس ملزمان کو گرفتار نہیں کر پا رہی ۔ ہم انصاف کی تلاش میں دربدر گھومنے پر مجبور ہو چکے ھیں ۔

ذرائع نے یہ انکشاف کیا ہےکہ علاقہ کی بااثر شخصیات ملزمان کی پشت پناہی میں مصروف عمل ہیں ۔ جس کی وجہ سے پولیس سستی کا مظاہرہ کر رہی ہے ۔ میڈیا و سوشل میڈیا پر ہائیلائیٹ ہونے کے بعد بھی ایس ایچ او تھانہ قائدآباد ریڈ کر کے ملزمان کو گرفتار کرنے کی بجائے متاثرین سے وڈیو بیان حاصل کر کے افسران کو خوش کرنے کی کوششوں میں مصروف عمل ہے ۔

ایس ایچ او ملزمان کو گرفتار کرنے کی بجائے متاثرین کو ہی خاموش کروا رہا ہے ۔ ملزمان کو گرفتار نہ کرنا اور متاثرین کو خاموش کروانے کی ہر کوشش کرنا ایس ایچ او کی اعلی کارکردگی ہے۔ متاثرین نے ڈی پی او خوشاب توقیر محمد نعیم , آر پی او سرگودھا شارق کمال صدیقی اور آئی جی پنجاب ڈاکٹر عثمان انور سے فوری نوٹس لیتے ہوئے ملزمان کو گرفتار کرنے اور انصاف فراہم کرنے کا مطالبہ کر دیا ۔

سرگودھا،باغی ٹی وی (سٹی رپورٹرایدریس نواز چدھڑ کی رپورٹ)بھینس کی زبان کاٹنے والاظالم شخص گرفتار،سرگودھا میں لوڈر رکشے سے چارہ کھانے پر رکشے کے مالک نے بھینس کی زبان کاٹ دی۔

پولیس کے مطابق یہ واقعہ گزشتہ روز شاہ پور سٹی کے نواحی گاؤں میں پیش آیا جہاں بلال نامی شخص نے بے زبان جانور کی زبان ہی کاٹ ڈالی۔

پولیس نے واقعے کی تفصیلات بتائی کہ بلال اپنے لوڈر رکشے میں چارہ رکھ رہا تھا کہ اسی دوران ایک بھینس آئی اور اس نے لوڈر رکشے سے چارہ کھانا شروع کردیا، غصے کے مارے رکشے کے مالک نے بھینس کو پکڑا اور چارہ کاٹنے والی درانتی سے اس کی زبان ہی کاٹ ڈالی۔

پولیس کے مطابق بھینس کے مالک کی درخواست پر ملزم کے خلاف مقدمہ درج کرکے اسے گرفتار کر لیا گیا ہے اور ڈی پی او سرگودھا نے معاملے کی تحقیقات کا حکم دیتے ہوئے رپورٹ طلب کر لی۔

دوسری جانب محکمہ لائیو اسٹاک سے بھی بھینس کا طبی معائنہ کروایا گیا جس نے بھینس کی زبان کاٹے جانے کی تصدیق کی۔

سرگودھا،باغی ٹی وی ( سٹی رپورٹرادریس نواز چدھڑ سے ) ڈی پی او ڈاکٹر اسد اعجاز ملہی کی ہدایت پر 08 محرم الحرام کے جلوسوں و مجالس کا سیکیورٹی پلان جاری

ترجمان سرگودھا پولیس کے مطابق ضلع بھر میں 08 محرم الحرام کو 78 جلوس برآمد ہوں گے ۔ جن میں سے 10 جلوس کیٹگری اے، 13 کیٹگری بی اور 55 کیٹگری سی کے ہیں ۔ اسی طرح 08 محرم الحرام کو ضلع بھر میں 244 مجالس کا انعقاد کیا جائے گا ۔

08 محرم الحرام کے جلوسوں و مجالس پر فول پروف سیکیورٹی کیلئے سرگودھا پولیس کی 2 ہزار سے زائد نفری تعینات کی گئی ہے ۔ جلوس و مجالس کے داخلی وخارجی راستوں پر واک تھروگیٹس نصب کئےگئے ہیں۔ جلوس میں شامل ہونے والے افراد کی تلاشی بذریعہ میٹل ڈیٹکٹر کی جائے گی ۔

جلوس کی نگرانی کیلیئے خصوصی طور پر سی سی ٹی وی کیمرے لگائے گئے ہیں ۔ پولیس موبائل کیم کے ذریعے جلوس کی لائیو مانیٹرنگ کی جائے گی ۔

شہر میں ٹریفک کی روانی کو یقینی بنانے کیلیئے متبادل ٹریفک پلان بھی ترتیب دیا گیا ہے ۔ جبکہ ڈی پی او سرگودھا کا کہنا تھا کہ امن و امان کی فضا کو برقرار رکھنے کیلئے سرگودھا پولیس ہر لمحہ کوشاں ہے،تمام مذہبی اجتماعات کو بلاتفریق فول پروف سیکیورٹی انتظامات فراہم کرنا سرگودھا پولیس کی اولین ترجیح ہے ۔

سرگودھا ،باغی ٹی وی( سٹی رپورٹرادریس نواز چدھڑ سے ) تھانہ جھال چکیاں پولیس نے منشیات فروشی کی چین توڑ دی ۔ تین منشیات فروش گرفتار ، ڈی پی او کی جانب سے ایس ایچ او عارف چیمہ اور انکی ٹیم کو شاباش , تعریفی سرٹیفیکیٹ و نقد انعام کا اعلان

تفصیلات کے مطابق ڈی پی او سرگودھا کی ہدایت پر ایس ایچ او تھانہ جھال چکیاں عارف حسین چیمہ نے سب انسپکٹرز اللہ دتہ , محمد کاشف و دیگر پولیس ٹیم کے ہمراہ منشیات فروشوں کیخلاف کارروائی کرتے ہوئے ملزم وارث مسعود کو منشیات فروشی کے مقدمہ میں گرفتار کیا جس نے بتلایا کہ وہ محمد زبیر سے منشیات خریدتا ہے ملزم زبیر کو بھی منشیات فروشی کرتے رنگ ہاتھوں گرفتار کیا گیا ۔ جس نے انکشاف کیا کہ وہ عثمان سے منشیات خرید کر لاتا ہے ۔ تھانہ جھال چکیاں پولیس نے ملزم عثمان کو بھی منشیات فروشی کرتے رنگ ہاتھوں گرفتار کر لیا۔

گرفتار ملزمان سے چرس 4 کلو 170 گرام برآمد کر لی گئی ، جن پر منشیات فروشی کی دفعات کے تحت الگ الگ مقدمات درج کر لیئے گئے ہیں ۔

گرفتار ملزمان سے مزید انکشافات کی توقع کی جا رہی ہے جبکہ بہترین کارروائی کرنے پر ڈی پی او سرگودھا نے ایس ایچ او تھانہ جھال چکیاں عارف حسین چیمہ اور انکی ٹیم کو شاباش دی اور نقد انعام و تعریفی سرٹیفیکیٹ دینے کا اعلان کیا ۔