Category: سرگودھا

سرگودھا ،باغی ٹی وی(نامہ نگار شاہنوازجالپ)ڈسٹرکٹ اینڈ سیشن جج اور ڈی پی او سرگودھا کی قیادت میں تفتیشی معیار کو بہتر بنانے اور تفتیش میں نئی اصطلاحات کے حوالہ سے آرٹس کونسل سرگودھا میں ایک روزہ ورکشاپ کا انعقاد

ورکشاپ میں ضلع بھر کے ایس ڈی پی اوز ایس ایچ اوز اور تفتیشی افسران نے شرکت کی ڈسٹرکٹ اینڈ سیشن جج محمد اکمل نے پولیس افسران کو مقدمات کے اندراج تفتیش میں خامیوں کو دور کرنے اور تفتیشی معیار کو بہتر بنانے کے حوالے سے طریقہ کار واضح کیا ورکشاپ میں تفتیشی پیچیدگیوں اصلاحات اور ترجیحات سے تفتیشی افسران کو آگاہ کیا

پولیس افسران کی طرف سے ان موضوعات پر سوالات بھی کئے گئے جن کےانہوں نے تفصیلی جوابات بھی دئیے

اس موقعہ پر ڈی پی او سرگودھا اسد اعجاز ملہی نے کہا ورکشاپ کا مقصد تفتیشی افسران کی رہنمائی کرنا ہے انصاف کی فراہمی کا براہِ راست تعلق معیاری تفتیش سے منسلک ہے تفتیش کے معیار کو بہتر بنانے کیلئے آئندہ بھی ورکشاپ کا انعقاد کیا جائے گا

ورکشاپ میں ڈپٹی ڈسٹرکٹ پبلک پراسیکیوٹر صبغت اللہ ٫ڈسٹرکٹ پروبیشن آفیسر کاشف مظفر ٫ڈسڑکٹ سوشل ویلفیئر آفیسر رانا نوید اور ڈی ایس پی لیگل قاسم حیات رانجھا نے افسران کو لیکچر دئیے

خوشاب،باغی ٹی وی ( ادریس نواز چدھڑ سے ) تھانہ قائدآباد کی حدود اوکھلی موہلہ میں نوجوان کے قتل کا معاملہ ۔ دوہفتے گزر جانے کے باوجود بھی پولیس ملزمان گرفتار نہ کر سکی ۔ آر پی او سرگودھا اور وزیراعلی پنجاب سے فوری نوٹس کا مطالبہ

تفصیلات کے مطابق تھانہ قائدآباد کے علاقہ اوکھلی موہلہ میں دوہفتے قبل کھگلی کے رہائشی رئیس شلولی نامی نوجوان کو قتل کر دیا گیا ۔ تھانہ قائدآباد پولیس نے دو نامزد ملزمان کیخلاف مقدمہ درج کیا ۔ دوہفتے گزر جانے کے باوجود بھی تھانہ قائدآباد پولیس ملزمان کو گرفتار نہ کر سکی ۔ جو متعلقہ ایس ایچ او کی کارکردگی کا منہ بولتا ثبوت ہے۔

ملزمان کی گرفتاری میں ٹال مٹول بارے متاثرین نے ڈی پی او خوشاب کو بھی آگاہ کیا ، جس کے باوجود بھی پولیس ملزمان گرفتار کرنے سے قاصر ہے ۔

ذرائع کے مطابق متاثرین کو آئے روز تھانہ کے چکر لگوا کر زبانی تسلیاں دی جا رہی ہیں جبکہ ایس ایچ او تھانہ قائدآباد ملزمان کو گرفتار کرنے میں ٹال مٹول سے کام لے رہا ہے ۔ متاثرین کا کہنا ہے کہ ہمارے نوجوان بچے کو قتل ہوئے 13 دن گزر گئے ۔ لیکن پولیس ملزمان کو گرفتار نہیں کر پا رہی ۔ ہم انصاف کی تلاش میں دربدر گھومنے پر مجبور ہو چکے ھیں ۔

ذرائع نے یہ انکشاف کیا ہےکہ علاقہ کی بااثر شخصیات ملزمان کی پشت پناہی میں مصروف عمل ہیں ۔ جس کی وجہ سے پولیس سستی کا مظاہرہ کر رہی ہے ۔ میڈیا و سوشل میڈیا پر ہائیلائیٹ ہونے کے بعد بھی ایس ایچ او تھانہ قائدآباد ریڈ کر کے ملزمان کو گرفتار کرنے کی بجائے متاثرین سے وڈیو بیان حاصل کر کے افسران کو خوش کرنے کی کوششوں میں مصروف عمل ہے ۔

ایس ایچ او ملزمان کو گرفتار کرنے کی بجائے متاثرین کو ہی خاموش کروا رہا ہے ۔ ملزمان کو گرفتار نہ کرنا اور متاثرین کو خاموش کروانے کی ہر کوشش کرنا ایس ایچ او کی اعلی کارکردگی ہے۔ متاثرین نے ڈی پی او خوشاب توقیر محمد نعیم , آر پی او سرگودھا شارق کمال صدیقی اور آئی جی پنجاب ڈاکٹر عثمان انور سے فوری نوٹس لیتے ہوئے ملزمان کو گرفتار کرنے اور انصاف فراہم کرنے کا مطالبہ کر دیا ۔

سرگودھا،باغی ٹی وی (سٹی رپورٹرایدریس نواز چدھڑ کی رپورٹ)بھینس کی زبان کاٹنے والاظالم شخص گرفتار،سرگودھا میں لوڈر رکشے سے چارہ کھانے پر رکشے کے مالک نے بھینس کی زبان کاٹ دی۔

پولیس کے مطابق یہ واقعہ گزشتہ روز شاہ پور سٹی کے نواحی گاؤں میں پیش آیا جہاں بلال نامی شخص نے بے زبان جانور کی زبان ہی کاٹ ڈالی۔

پولیس نے واقعے کی تفصیلات بتائی کہ بلال اپنے لوڈر رکشے میں چارہ رکھ رہا تھا کہ اسی دوران ایک بھینس آئی اور اس نے لوڈر رکشے سے چارہ کھانا شروع کردیا، غصے کے مارے رکشے کے مالک نے بھینس کو پکڑا اور چارہ کاٹنے والی درانتی سے اس کی زبان ہی کاٹ ڈالی۔

پولیس کے مطابق بھینس کے مالک کی درخواست پر ملزم کے خلاف مقدمہ درج کرکے اسے گرفتار کر لیا گیا ہے اور ڈی پی او سرگودھا نے معاملے کی تحقیقات کا حکم دیتے ہوئے رپورٹ طلب کر لی۔

دوسری جانب محکمہ لائیو اسٹاک سے بھی بھینس کا طبی معائنہ کروایا گیا جس نے بھینس کی زبان کاٹے جانے کی تصدیق کی۔

سرگودھا،باغی ٹی وی ( سٹی رپورٹرادریس نواز چدھڑ سے ) ڈی پی او ڈاکٹر اسد اعجاز ملہی کی ہدایت پر 08 محرم الحرام کے جلوسوں و مجالس کا سیکیورٹی پلان جاری

ترجمان سرگودھا پولیس کے مطابق ضلع بھر میں 08 محرم الحرام کو 78 جلوس برآمد ہوں گے ۔ جن میں سے 10 جلوس کیٹگری اے، 13 کیٹگری بی اور 55 کیٹگری سی کے ہیں ۔ اسی طرح 08 محرم الحرام کو ضلع بھر میں 244 مجالس کا انعقاد کیا جائے گا ۔

08 محرم الحرام کے جلوسوں و مجالس پر فول پروف سیکیورٹی کیلئے سرگودھا پولیس کی 2 ہزار سے زائد نفری تعینات کی گئی ہے ۔ جلوس و مجالس کے داخلی وخارجی راستوں پر واک تھروگیٹس نصب کئےگئے ہیں۔ جلوس میں شامل ہونے والے افراد کی تلاشی بذریعہ میٹل ڈیٹکٹر کی جائے گی ۔

جلوس کی نگرانی کیلیئے خصوصی طور پر سی سی ٹی وی کیمرے لگائے گئے ہیں ۔ پولیس موبائل کیم کے ذریعے جلوس کی لائیو مانیٹرنگ کی جائے گی ۔

شہر میں ٹریفک کی روانی کو یقینی بنانے کیلیئے متبادل ٹریفک پلان بھی ترتیب دیا گیا ہے ۔ جبکہ ڈی پی او سرگودھا کا کہنا تھا کہ امن و امان کی فضا کو برقرار رکھنے کیلئے سرگودھا پولیس ہر لمحہ کوشاں ہے،تمام مذہبی اجتماعات کو بلاتفریق فول پروف سیکیورٹی انتظامات فراہم کرنا سرگودھا پولیس کی اولین ترجیح ہے ۔

سرگودھا ،باغی ٹی وی( سٹی رپورٹرادریس نواز چدھڑ سے ) تھانہ جھال چکیاں پولیس نے منشیات فروشی کی چین توڑ دی ۔ تین منشیات فروش گرفتار ، ڈی پی او کی جانب سے ایس ایچ او عارف چیمہ اور انکی ٹیم کو شاباش , تعریفی سرٹیفیکیٹ و نقد انعام کا اعلان

تفصیلات کے مطابق ڈی پی او سرگودھا کی ہدایت پر ایس ایچ او تھانہ جھال چکیاں عارف حسین چیمہ نے سب انسپکٹرز اللہ دتہ , محمد کاشف و دیگر پولیس ٹیم کے ہمراہ منشیات فروشوں کیخلاف کارروائی کرتے ہوئے ملزم وارث مسعود کو منشیات فروشی کے مقدمہ میں گرفتار کیا جس نے بتلایا کہ وہ محمد زبیر سے منشیات خریدتا ہے ملزم زبیر کو بھی منشیات فروشی کرتے رنگ ہاتھوں گرفتار کیا گیا ۔ جس نے انکشاف کیا کہ وہ عثمان سے منشیات خرید کر لاتا ہے ۔ تھانہ جھال چکیاں پولیس نے ملزم عثمان کو بھی منشیات فروشی کرتے رنگ ہاتھوں گرفتار کر لیا۔

گرفتار ملزمان سے چرس 4 کلو 170 گرام برآمد کر لی گئی ، جن پر منشیات فروشی کی دفعات کے تحت الگ الگ مقدمات درج کر لیئے گئے ہیں ۔

گرفتار ملزمان سے مزید انکشافات کی توقع کی جا رہی ہے جبکہ بہترین کارروائی کرنے پر ڈی پی او سرگودھا نے ایس ایچ او تھانہ جھال چکیاں عارف حسین چیمہ اور انکی ٹیم کو شاباش دی اور نقد انعام و تعریفی سرٹیفیکیٹ دینے کا اعلان کیا ۔

سرگودھا ،باغی ٹی وی( ادریس نواز چدھڑ سے ) ضلعی رابط کمیٹی کا اجلاس ممبر صوبائی اسمبلی و کنوینر سردار عاصم شیر میکن کی زیر صدارت ڈپٹی کمشنر دفتر کے کانفرنس روم میں منعقد ہوا ۔

اجلاس میں ممبر قومی اسمبلی ذوالفقار علی بھٹی ، ایم پی ایز رانا منور غوث اور میاں اکرام اللہ کے علاوہ بیرسٹر شاہ نواز رانجھا ، یاسر سندھو اور اختر بلوچ کے علاؤہ ڈپٹی کمشنر کیپٹن ریٹائرڈ اورنگزیب حیدر خان ،ایس پی ہیڈ کوارٹر ضیاء اللہ سمیت ضلعی محکموں کے سربراہان نے شرکت کی۔

اجلاس میں ضلع بھر میں لاء اینڈ آرڈر کی مجموعی صورتحال ، پنجاب کے بجٹ میں سرگودہا ضلع کے ترقیاتی منصوبوں کے لیے مختص فنڈز اور جاری منصوبوں پر اب تک کی پیش رفت بارے تفصیلات پیش کیں گئیں۔

اجلاس میں پی ایچ اے کو مالی طور پر مستحکم بنانے کے لیے فنڈز کی فراہمی اور شہر کو خوبصورت بنانے کے نئے منصوبوں پر بھی غور کیا گیا۔

اجلاس میں دیہی علاقوں میں ٹھیکری پہرہ کا نظام وضع کرنے سمیت سیکورٹی کے دیگر امور کو بھی زیر بحث لایا گیا۔

اجلاس میں شرکت مختلف محکموں کے افسران کے اپنے اپنے ادارے کی کارکردگی بارے بریفیگ بھی دی۔

سرگودھا ،باغی ٹی وی( ادریس نواز چدھڑ سے ) ڈی پی او ڈاکٹر اسد اعجاز ملہی کی جانب سے تھانہ جھال چکیاں میں کھلی کچہری کا انعقاد کیا گیا

انسپکٹر جنرل آف پولیس پنجاب ڈاکٹر عثمان انور اور ریجنل پولیس آفیسر سرگودھا شارق کمال صدیقی کی ہدایت پر عوام اور پولیس کے درمیان فاصلوں کو کم کرنے عوام کے مسائل ان کی دہلیز پر حل کرنے کیلیئے ڈی پی او سرگودھا ڈاکٹر اسد اعجاز ملہی نے تھانہ جھال چکیاں میں کھلی کچہری کا انعقاد کیا،جس میں عوام کی کثیر تعداد نے شرکت کی ۔

اس موقع پر ایس ڈی پی او صدر سرکل جاوید اقبال بھی موجود تھے ، ڈی پی او نے آنے والے تمام شہریوں کے مسائل فرداً فرداً سنے اور ان کے فوری حل کیلئے احکامات جاری کئے ۔ انہوں نے کہا کہ عوام سے براہ راست رابطہ ایک پرامن معاشرے کے قیام کیلئے ضروری ہے ۔ اسی سلسلہ میں تمام تھانوں میں جا کر کھلی کچہری کا انعقاد کیا جا رہا ہے ۔ جبکہ اس کے علاوہ ڈی پی او افس میں بھی روزانہ کی بنیاد پر کھلی کچہری کا سلسلہ جاری ہے ۔

عوام کو چاہیئے کہ وہ کوئی بھی مسئلہ پیش آنے کی صورت میں بلا جھجک اپنے متعلقہ افسران کو آگاہ کریں تاکہ ان کو میرٹ پر حل کیا جا سکے ،اس موقع پر میڈیا نمائندگان بھی موجود تھے ۔

ڈی پی او نے ایس ایچ او تھانہ جھال چکیاں انسپکٹر عارف حسین چیمہ اور تمام تفتیشی افسران کو ہدایت دیتے ہوئے کہا کہ تمام درخواستوں پر میرٹ کی بنیاد پر تفتیش کی جائے اور ان کی حساسیت کے پیش نظر فوری حل کیا جائے ۔ انہوں نے تمام درخواستوں پر فوری عمل درآمد کر کے رپورٹ پیش کرنے کی ہدایت بھی کی ۔