Category: سرگودھا

سرگودھا(باغی ٹی وی رپورٹ)3 مئی صحافت کے عالمی دن کے موقع پر پروفیشنل یونین آف جرنلسٹ سرگودھا ڈویژن کے زیر اہتمام ریلی نکالی گئی جس میں صحافیوں کی بڑی تعداد نے شرکت کی، اس موقع پر ریلی کے شرکاء نے بینرز اٹھا رکھے تھے، اس موقع پر صحافیوں کے حقوق کے حوالے سے نعرے بازی کی گئی ،

ریلی سے خطاب کرتے ہوئے چیئرمین پروفیشنل یونین اف جرنلسٹ ملک اصغر ۔ایم ایس ڈاکٹر مشتاق بشیر ۔صدر عمران گورائیہ ۔سئنیر نائب صدر شیخ زاہد مقبول ، جنرل سیکرٹری پروفیشنل یونین آف جرنلسٹ ملک فضل جنجوعہ، پریس کلب کے سابق صدر عبدالحنان چوہدری ،سابق جنرل سیکرٹری پریس کلب سئنیر صحافی شاہین فاروقی ، سئنیر صحافی اسجد چوہدری ، سئنیر صحافی ثاقب الماس ، شاہنواز جالپ سیکرٹری اطلاعات پروفیشنل یونین علی رضا ، پاکستان میڈیکل ایسوسی ایشن کے صدر ڈاکٹر سکندر حیات وڑائچ ، ایڈیشنل ایم ایس ڈاکٹر نئیر عباس،ملک رضوان گل ،محمد ظہیر خان ،کاشف اکرم اعوان،رانا رشد ،کاشف دیوانہ ،ے صحافیوں کو خراج تحسین پیش کیا۔

انہوں نے گفتگو کرتے ہوئے کہا کہ آزادی صحافت کا آج عالمی دن ہے تاہم یہ دن پاکستان میں آزادی صحافت پر سوالیہ نشان ہے، پاکستان میں آمریت ہو یا جمہوریت، آزادی صحافت ہر دور میں خواب ہی رہی ہے، گزشتہ 3 دہائیوں کے دوران صحافی 70 سے زائد دہشتگرد حملوں کی زد میں آئے جبکہ 170 کے قریب فرض کی ادائیگی کے دوران مختلف واقعات میں جان سے چلے گئے ہیں۔

پاکستان میں دباؤ دھونس اور دھمکیاں جھیلتے صحافی ہر لمحہ جان لیوا خطرات میں ہی گھرے نہیں رہتے ہیں بلکہ اکثر مار بھی دیئے جاتے ہیں، ان ہی وجوہات کی بنا پر پاکستان صحافت کیلئے خطرناک ترین ممالک کی فہرست میں شامل ہے۔

انہوں نے کہا کہ اظہار کی آزادی جمہوریت کی بنیاد، شہری حقوق کا تحفظ اور معاشرے میں سچائی کی پکار ہے۔ ملک کے بااثر طبقوں کی طرف سے صحافیوں کو نشانہ بنایا جا رہا ہے، صحافیوں کو متحد ہو کر چلنے کی ضرورت ہے، انہوں نے مطالبہ کیا کہ صحافتی ادارے اور حکومت صحافیوں کو ان کے جائز حقوق دیں۔

سرگودھا،باغی ٹی وی(ملک شاہ نواز جالپ سے)یونین آف جرنلسٹ دستور کے زیر اہتمام ضلع سرگودھا کے صحافیوں کے اعزاز میں یونین آفس میں عید ملن پارٹی کا اہتمام کیا گیا، جس میں ضلع سرگودھا اور تحصیلوں کے صحافیوں نے کثیر تعداد میں شرکت کی۔

اس موقع پر صدر یونین آف جرنلسٹ ذوالفقار ہاشمی اور دیگر صحافیوں نے اپنے خطاب میں کہا کہ آپس میں اتحاد و اتفاق قائم کر کے ہی صحا فیوں کے مسائل حل کرائے جا سکتے ہیں، صحافیوں میں موجود کالی بھیڑیں بدنامی کا باعث ہیں ان کا سد باب ہونا چاہئے، ہمیں مل کر تمام جونیئر اور سینئر صحافیوں کے مسائل کے حل اور ان کی بہتری کے لیے کام کرنا چاہیے۔

انہوں نے مزید کہا کہ سرگودھا یونین آف جرنلسٹ صحافیوں کی فلاح و بہبود کیلئے ہر ممکن کوشش کرے گی ،صدر ذوالفقار ہاشمی کا کہنا تھا کہ جلد ہی یونین کے آفس میں صحافیوں کیلئے تربیتی ورکشاپ کا انعقاد کیاجائے گا،جس میں ضلع بھر کے تمام صحافیوں کے مدعو کیاجائے گا

ضلع سرگودھا کے کسی بھی ورکر صحافی کو مسائل درپیش ہوں تو سرگودھا یونین آف جرنلسٹ دستور کے آفس آسکتا ہے، ان کے جائز حقوق کے لئے ہم ان کے ساتھ کھڑے ہوں گے۔

اس موقع پر سینئر نائب صدر خالد محمود بھٹی، نائب صدور ملک جاوید، رانا رشید، جنرل سیکرٹری زوار کاظمی، صفیان وحید،حنیف ضیاء،امجد پرویز، محمد بلال،ضیاء الدین لالی، قمر جاوید، محمد عاصم، عبدالحنان چوہدری، سیف خان، رائے حسن محمود ڈھڈی،ظہور شاہد، رانا محمد اقبال،ملک اعجاز،مرزا اسلم بیگ، رانا اسلم،اکرام آزاد،جی حسنین شاہ،رانا طاہر مسعود، ذوالفقار کمبوہ،رانا اشرف،ملک فضل جنجوعہ،محمد عمر،رانا اسلم فاروقی،مرزا فیصل جاوید، راجہ امتیازاحمد، سید مجاہد بخاری،شاہ نواز جالپ، تصور ملیانہ، ہدایت اللہ ہاشمی،سیف اللہ ہاشمی، اشعر نوید اشعر،ملک امان اللہ چھینہ،ملک نواز اعوان، آصف جوئیہ، عمران علی و دیگر نے خطاب کرتے ہوئے کہا کہ تنظیم کی بہتری کیلئے ہم اپنی ہر طرح کی خدمات سرانجام دیں گے۔

سرگودھا،باغی ٹی وی ( ادریس نواز چدھڑ سے ) کمشنر سرگودہا ڈویژن محمد اجمل بھٹی کی زیر صدارت منعقدہ ڈویژنل ڈویلپمنٹ ورکنگ پارٹی کے اجلاس میں ضلع سرگودہا کی 8 مختلف سڑکوں کی تعمیر ومرمت کے تخمینہ جات میں ردوبدل کی منظوری دے دی ۔

اجلاس میں ڈپٹی کمشنر شعیب علی اور ڈائریکٹر ڈویلپمنٹ کے علاؤہ تعمیراتی محکموں کے افسران نے شرکت کی۔

اجلاس میں جن سکیموں کی منظوری دی گئی ان میں تعمیر ومرمت سٹرک گجرات روڈ سے آبادی شیر محمد والا ، اللہ بخش والا براستہ آبادی عطا آباد کل لمبائی ساڈھے تین کلومیٹر ، تعمیر ومرمت سٹرک سردار پور روڈ سے چک نمبر 15 شمالی ڈرین کے ساتھ لمبائی تقریباً ساڈھے تین کلومیٹر ،

تعمیر ومرمت سٹرک پرانا بھلوال سے چک نمبر 10 شمالی براستہ چک نمبر 11 شمالی ،چک نمبر 10 شمالی راجباہ مٹھہ لک کل لمبائی پانچ کلومیٹر ، تعمیر ومرمت سٹرک پرانا سٹلائٹ ٹائون بلاک نمبر اے، بی ،سی اور ڈی لمبائی تقریباً اڑھائی کلومیٹر ،

تعمیر ومرمت سٹرک میاں دا بنہ روڈ سے کلس شریف براستہ چک سیدا لمبائی 7 کلومیٹر ، تعمیر ومرمت سٹرک شاہدرہ سے دھیوال براستہ کوٹ موسی لمبائی 7 کلومیٹر اور تعمیر ومرمت سٹرک چک نمبر 104 شمالی سے کوٹ امیر لمبائی 4.70 کلومیٹر شامل ہیں۔

سرگودھا،باغی ٹی وی ( ادریس نواز چدھڑ سے ) ملک کا سب سے بڑا مسئلہ مہنگائی اور بےروزگاری ہے، عالمی طاقتیں ہماری ایٹمی پاور اور جغرافیائی حالات کی وجہ سے ہمارے خلاف سازش کررہی ہیں تاکہ ملک سیاسی ، معاشی طور پر عدم استحکام کا شکارے۔

ان خیالات کا اظہار سابق وزیراعظم معائنہ کمیشن کے سربراہ سابق ضلعی ناظم،سابق سفیر ملک امجد علی نون نے سرگودھا پریس کلب میں صحافیوں سے بات چیت کرتے ہوئے کیا انھوں نے اس موقع پر سینئر جرنلسٹ ملک محمد اصغر کو بیٹی کی شادی کی مبارکباد دی اور نیک تمناؤں کا اظہار کیا۔

امجد علی نون نے کہا حکمرانوں کی نااہلی کی وجہ سے عوام آئی ایم ایف کے چنگل میں پھنسے ہوئے ہیں اور حکمران طبقہ اپنے غیر ضروری اخراجات کم کرنے کو تیار نہیں ہے اور سارا بوجھ غریب عوام اٹھا رہے ہیں۔

انہوں نے کہا میں سیاست سے دور ہوں اور ملک میں جو کچھ ہورہا ہے سب دیکھ رہے ہیں، میں نے اپنے دور میں ضلع سرگودھا کی ترقی اور عوام کی خوشحالی کے لئے اجتماعی منصوبوں پر کام کیا جس کے بہترین ثمرات سامنے ہیں۔

امجد علی نون کو پریس کلب آمد پر جنرل سیکرٹری راناساجد اقبال ،صدر پروفیشنل یونین آف جرنلسٹ محمد عمران گورائیہ ، جنرل سیکرٹر ملک فضل حسین جنجوعہ ،نائب صدر پریس کلب شیخ عثمان، سیکرٹری اطلاعات راؤعابد مجید، ایگزیکٹو ممبر تصور ملیانہ ،محمد ظہیر خان ، ملک شامیر ، ملک وسیم ، سلیم قادری، چوہدری سجاد اکرم ، صلاح الدین ندیم ،مجاہد رضا بخاری اور دیگر نے خوش آمدید کہا۔

سرگودھا،باغی ٹی وی ( ادریس نواز چدھڑ سے ) کمشنر سرگودہا ڈویژن محمد اجمل بھٹی کی زیر صدارت اجلاس میں پرائس کنٹرول مجسٹریٹس کی کارکردگی ، انٹرمیڈیٹ کے شروع ہونے والے امتحانات کے انتظامات اور ٹرانسپورٹ کے مقرر کردہ کرایوں پر عمل درآمد کا جائزہ لیا گیا۔

اجلاس میں ڈپٹی کمشنر شعیب علی ، ڈائریکٹر کالجز ، ڈائریکٹر سکولز ایجوکیشن ، سیکرٹری و کنٹرولر بورڈ کے علاؤہ خوشاب ، میانوالی اور بھکر کے ڈپٹی کمشنروں سمیت دیگر افسران نے ویڈیو لنک کے زریعے شرکت کی ۔ اجلاس میں کمشنر نے چاروں اضلاع کے پرائس کنٹرول مجسٹریٹس کی انفرادی کارکردگی کا تفصیلی جائزہ لیتے ہوئے ناقص کارکردگی کے حامل مجسٹریٹس کی سرزنش کرتے ہوئے ہدایت کی کہ صرف مخصوص علاقوں میں انسپکشن ہی نہ کی جائے بلکہ دور دراز کے علاقوں میں بھی مانیٹرنگ یقینی بنائی جائے۔

انہوں نے کہا سستی روٹی کی مقررہ قیمت کے ساتھ وزن کو بھی چیک کیا جائے۔ انہوں نے ڈپٹی کمشنروں کو ناقص ٹکے حامل مجسٹریٹس کی ٹریننگ کروانے کی بھی ہدایت کی۔ انہوں نے مزید کہا کہ ہر پرائس مجسٹریٹ کا روزانہ کی انسپکشن کا ٹارگٹ مقرر کیا جائے ۔

مجسٹریٹ کے ایکشن کا مثبت اثر معاشرے میں نظر آنا چاہیے ۔ کمشنر نے کہا کہ دالوں سمیت دیگر بنیادی اشیاء خوردونوش کی طلب و رسد پر بھی گہری نظر رکھی جائے۔ پرائس ایکٹ کی بار بار خلاف ورزی کرنے والے تاجروں و دوکانداروں کے خلاف بلاتقریق ایف آئی آرز درج کروا کر انہیں پابند سلاسل کیا جائے۔

اجلاس میں آج 19 اپریل سے شروع ہونے والے انٹرمیڈیٹ کے امتحان کے انتظامات اور بوٹی مافیا کو نتھ ڈالنے کیلیۓ اقدامات کا تفصیلی جائزہ لیا گیا۔ کمشنر نے کہا کہ امتحانات کا شفاف انداز میں انعقاد ہم سب کی زمہ داری ہے ۔

ڈپٹی کمشنر اور اسسٹنٹ کمشنر روزانہ کی بنیاد پر ہر سنٹر کا بار بار معائینہ کریں ۔ امیدوار کو ہر سنٹر پر پر سکون ماحول اور فول پروف سکیورٹی کو یقینی بنایا جائے ۔ انہوں نے کہا کہ بوٹی مافیا کے خلاف بلاتقریق کاروائی کی جائے ۔

اجلاس میں کمشنر نے چاروں ڈپٹی کمشنروں کو غیر ملکیوں کی فول پروف سکیورٹی کو یقینی بنانے اور ٹرانسپورٹوں کی جانب سے مقررہ کردہ کرایوں کی وصولی کو یقینی بنانے کے لیے سیکرٹری آر ٹی ایز کو متحرک کرنے کی ہدایت بھی کی۔