باغی ٹی وی: شیخوپورہ (محمد طلال سے)شیخوپورہ میں ڈاکوؤں کی طرف سے ڈی پی او شیخوپورہ کو سلامیاں دینے کا سلسلہ نہ رک سکا ڈی پی او اور ماتحت بے بس نظر آنے لگے باغی ٹی وی کی رپورٹ کے مطابق تھانہ فیکٹری ایریا کی حدود میں دن دیہاڑے لاہور سے شیخوپورہ آتے ہوئے دو بھائیوں کو ڈاکوؤں نے لوٹ لیا مزاحمت پر فائرنگ کر کے اصغر نامی نوجوان کو شدید زخمی کر دیا۔ڈاکو موقع سے فرار ۔تاجر اور شہری بڑھتی ہوئی وارداتوں پر سراپا احتجاج ۔
Category: شیخوپورہ
طارق محمود باجوہ ایک عوامی لیڈر
طارق محمود باجوہ ایک عوامی لیڈر
باغی ٹی وی : صفدر آباد (رانا شہباز نثار) سابقہ MPA طارق محمود باجوہ جو کہ پچھلے دور میں صفدر آباد ،سانگلہ ہل،شاہکوٹ اور ضلع ننکانہ صاحب کے مضبوط سیاسی لیڈر لیڈر ثابت حہوئے جو کہ دو مرتبہ ایک دفعہ ن لیگ کے نشان پر اور ایک دفعہ خرگوش کے نشان پر ایم پی اے منتخب ہوئے اور اپنے تمام شہروں جن میں صفدر آباد،سانگہ ہل، شاہکوٹ سے چیئرمین میونسپل کمیٹی اور ضلعی چیئرمین ننکانہ صاحب بھی اپنے منتخب کروائے اور 2018 کے الیکشن میں NA118 سے آزاد حیثیت سے الیکشن میں حصہ لیا اور ن لیگ کے امیدوار برجیس طاہر کے71891ووٹ کے مقابلے میں 68995 ووٹ حاصل کئے جبکہ پاکستان تحریک انصاف کی مقبولیت کے باوجود پی ٹی آئی کے امیدوار 66994 ووٹ لے سکے۔ طارق محمود باجوہ صاحب نے رواں ماہ ہی پی ٹی آئی میں شمولیت اختیار کی جن کی شمولیت نے علاقائی سیاست کا رخ ہی تبدیل کر دیا اور جہاں پر طارق محمود باجوہ کی شمولیت سے ضلع ننکانہ صاحب میں پی ٹی آئی کی پوزیشن مضبوط ہوئی ساتھ ہی حلقہ میں پی ٹی آئی کے ٹکٹ پر مقابلہ بھی شروع ہو گیا اور پی ٹی آئی پارٹی بھی تقسیم ہو گئی تھی لیکن طارق محمود باجوہ صاحب نے کہا ہے کہ پارٹی جوائن کرنے کا مطلب پارٹی کے فیصلے پر سر جھکانا ہے ٹکٹ نہ ملی تو انتخابات میں حصہ نہیں لوں گا، پی ٹی آئی کے تمام دھڑوں کو دعوت دیتا ہوں کہ آئیں سب مل کر عمران خان کے ہاتھ مضبوط کریں، آپسی اختلاف کا کوئی فائدہ نہیں، وہ سانگلہ ہل میں اپنے ڈیرے پر صحافیوں کے اعزاز میں دیئے گئے عشائیہ کے موقع پر گفتگو کر رہے تھے.
میں یہاں پر بتاتا چلوں کہ طارق باجوہ اپنے حلقہ کی عوام کی خدمت میں کوئی کسر نہیں چھوڑتے اور ان کو ملنے کے لیے کسی ٹاؤٹ یا ٹائم لینے کی کوئی ضرورت نہیں پڑتی ان عام آدمی بھی ڈائریکٹ جا کر مل لیتا ہے اور اپنا کام کروا لیتا ہے اور شاید اسی وجہ سے حلقہ کی عوام نے 2018 کے الیکشن میں آزاد حیثیت سے بھاری اکثریت میں ووٹ دے کر ثابت کر دیا کہ باجوہ صاحب کو کسی پارٹی کی کوئی ضرورت نہیں بلکہ پارٹیوں کو باجوہ صاحب کی ضرورت ہے اور پی ٹی آئی میں شمولیت سے ننکانہ صاحب سے پی ٹی آئی کی جیت یقینی ہو گئی ہے اور جہاں تک پارٹی ٹکٹ کے لئے اختلافات کی فضاء پیدا ہو رہی تھی تو باجوہ صاحب کے ٹکٹ کے حوالے سے اس بیان پر پارٹی میں اختلاف بھی ختم ہو جائیں گے۔
مریدکے ،عوام ڈاکوؤں کے حوالے،سرکل آفیسرکی جھوٹی پریس کانفرنس
مریدکے میں ڈاکوؤں نے اودھم مچا رکھا ہے 6 ماہ میں پولیس 15 کے ریکارڈ میں ہزاروں وارداتوں نے کارکردگی کا پول کھول دیا.
شیخوپورہ تحصیل مریدکے (محمد طلال سے)مریدکے سرکل میں ڈاکوؤں نے اودھم مچا رکھا ہے 6 ماہ میں پولیس 15 کے ریکارڈ میں ہزاروں وارداتوں نے کارکردگی کا پول کھول دیا نان سٹاپ ڈکیتیوں سے لوگ لاکھوں روپے نقدی موبائل فونز اور مال مسروقہ سے ہاتھ دھو بیٹھے لیکن سرکل آفیسرحکام بالا کی آنکھوں میں دھول جھونکنے کے لیے پریس کانفرنس کے ذریعہ گمراہ کررہا ہے شہریوں اور تاجروں کی دہائیاں کہ ہمارے شہر کو نان سٹاپ ڈکیتیوں چوریوں سٹریٹ کرائمز اور نوسربازیوں سے محفوظ رکھنے کے لیے خیام خیالی سے ہٹ کرعملی طور پر کام کیا جائے
باغی ٹی وی – تفصیلات کے مطابق سرکل مریدکے کو ڈاکوؤں نے اپنے لیے فیورٹ بنالیا گذشتہ چند دنوں سے نارنگ منڈی مین جی ٹی روڈ شیخوپورہ روڈ مین بازار مریدکے راوی ریان منوں آباد داوکے حدوکے کینال پارک جی ٹی روڈ و دیگر علاقوں میں نان سٹاپ ڈکیتیوں نے شہریوں میں خوف وہراس پیدا کردیا امین نامی شخص سے ڈاکوؤں نے بھرے بازار میں کنپٹی پر پسٹل رکھ کرستر ہزار نقدی و موبائل فون آئس کریم والی گاڑی کے ڈرائیور سے تیس ہزار نقدی و موبائل فونز بنک سے لاکھوں روپے رقم نکلوانے والے مینیجر کو دن دیہاڑے لوٹ لیا لیکن سرکل آفیسر نے افسران بالا کی آنکھوں میں دھول جھونکنے اور نان سٹاپ ڈکیتیوں چوری و رہزنی کی وارداتوں کو چھپانے کے لیے کئی ماہ قبل گرفتارملزمان کی رپورٹ پریس کانفرنس میں شئیر کی جس سے شہریوں تاجروں اور لٹنے والے معززین علاقہ میں شدید غم وغصہ پایا گیا ذرائع سے معلوم ہوا ہے کہ چھوٹے موٹے چوروں کو پکڑ کر تھانوں میں ٹارچر کر کے رشوت لے کر ریکوری کے نام پر لاکھوں روپے ڈال کر جیل بھیج دیاجاتا ہے اور افسران بالاسے داد وصول کی جاتی ہے سرکل مریدکے میں 6 ماہ میں پولیس 15 کی ہزاروں کالز وارداتوں کا ریکارڈ کارکردگی پر سوالیہ نشان ہے انجمن حقوق شہریاں تاجر تنظیموں اورمعززین علاقہ نے آئی جی پنجاب آر پی و شیخوپورہ ریجن ڈی پی او شیخوپورہ سے گمراہ کن حقائق پر مبنی رپورٹس پیش کرنےپر کاروائی اور تحصیل مریدکے میں نان سٹاپ ڈکیتیوں سے پیدا ہونے والی فضا کو پرامن بنانے اور ڈاکوؤں کے صفایا کے لیے بہترین صلاحیتوں کا حامل آفیسر تعینات کرنے کا مطالبہ کردیا ہے
دہشت کی علامت ڈکیت گینگ دیہاتیوں کے ہتھے چڑھ گیا
دہشت کی علامت ڈکیت گینگ دیہاتیوں کے ہتھے چڑھ گیا،چھترول کے بعد پولیس کے حوالے
باغی ٹی وی :صفدرآباد (نامہ نگار) دہشت کی علامت ڈکیت گینگ دیہاتیوں کے ہتھے چڑھ گیا،خوب چھترول کے بعد پولیس کے حوالے،چوری ڈکیتی کی سینکڑوں وارداتوں میں مطلوب بین الاضلاعی ڈکیت گینگ گرفتار،تھانہ صدر فاروق آباد کے علاقہ ہرچند،ایشرکے،بندوکے،جاتری،مانانوالہ روڈ،اجنیانوالہ،پڈیانوالہ میں دن دیہاڑے چوری ڈکیتی کی درجنوں وارداتوں میں ملوث دہشت اور خوف کی علامت ڈکیت گینگ دیہاتیوں کے ہتھے چڑھ گیا گاؤں کے لوگ کئی دنوں اس گینگ کے ہاتھو ں پریشان تھے یہ ڈکیت گینگ دن دیہاڑے ڈکیتیاں کرتا اور رات گئے چوریاں کرتا تھا اور علاقہ میں خوف کی علامت بن چکا تھا گاؤں کے لوگوں نے متعدد بار ہا تھانہ صدر پولیس کو مطلع کیا۔ گاؤں ہرچند کے لوگوں نے صبح سویرے مقامی قبرستان کے قریب گھات لگائے ان ڈاکوؤں کو اس وقت پکڑ لیا جب ڈاکو محنت مزدوری کرنے شہر جانے والے لوگوں کو لوٹنے کی تیاری کر رہے تھے گاؤں کے لوگوں کو دیکھ کر ڈاکو ؤں نے اندھا دھند فائرنگ شروع کر دی لیکن بہت زیادہ تعداد میں دیہاتیوں کو دیکھ کر بالاآخر ڈاکوؤں کو ہتھیار ڈالنے پڑے،مقامی لوگوں نے پہلے تو چوروں ڈاکوؤں کی خوب چھترول کی اور بعد ازاں تھانہ صدر فاروق آباد پولیس کے حوالہ کر دیاشہریوں نے ڈی پی او شیخوپورہ سے مطالبہ کیا ہے کہ ان ڈکیتوں کے خلاف بھر پور کاروائی کرکے مال مسروقہ برآمد کروایا جائے ۔
سید وارث شاہ کے 224 ویں سالانہ عرس کی تقریبات
باغی ٹی وی: شیخوپورہ (محمد طلال سے)پیر سید وارث شاہ کے 224 ویں سالانہ عرس کے سلسلہ میں ضلعی انتظامیہ کی جانب سے 24 ستمبر کو تعطیل کا اعلان کیا گیا ہے اور اس سلسلہ میں نوٹیفکیشن بھی جاری کردیا گیا ہے۔سالانہ عرس کی 3 روزہ تقریبات کا آغاز 23 ستمبر کو جنڈیالہ شیر خان میں ہو گا اور تقریبات 25 ستمبر تک جاری رہیں گی۔
گھریلو ناچاقی ہیڈ کانسٹیبل نے خود کو فائر مار کر خود کشی کرلی ہے ۔
گھریلو ناچاقی ہیڈ کانسٹیبل نے خود کو فائر مار کر خود کشی کرلی ہے ۔
باغی ٹی وی ( صفدرآباد) ہیڈ کانسٹیبل محمد الیاس حال تعینات پنجاب کانسٹیبلری ہیڈکوارٹر فاروق آباد نے اپنے گھر گاؤں ٹبی ہمبو گھریلو ناچاقی کی وجہ سے خود کو فائر مار کر خود کشی کرلی ہے ۔ایس ایچ او تھانہ بھکھی شہباز نجمی نے بتایا ہے کہ محمد الیاس ہیڈ کانسٹیبل جائے تعیناتی PC ہیڈ کوارٹر فاروق آباد شیخو پورہ میں ڈیوٹی سر انجام دے رہا تھا جس نے گھریلو ناچاکی کی وجہ سے خود کو کنپٹی پر دائیں سائیڈ پر بذریعہ پسٹل فائز مار کر خودکشی کر لی ہے جس کے دو بچے ہیں بڑی بیٹی 5سال اور چھوٹا بیٹا ڈیڑھ سال کا ہے۔ پانچ بھائی ہیں دو بھائی الیاس اور مظفر علی اکٹھے رہتے ہیں تین بھائی علیحدہ رہتے ہیں ، CRO اور PFSA کی ٹیمیں موقعہ پر بلائی گئی ہیں مزید کاروائی جاری ہے ۔
تمام فوڈ پوائنٹس پر حفظان صحت کے اصولوں کے مطابق ایس او پیز پر عمل درآمد یقینی بنایا جائے- میاں محمد جمیل
باغی ٹی وی: شیخوپورہ (محمد طلال سے) ڈپٹی کمشنر رانا شکیل اسلم کی ہدایت پر اسسٹنٹ کمشنر شیخوپورہ میاں محمد جمیل نے ڈپٹی ڈائریکٹر پنجاب فوڈ اتھارٹی شیخوپورہ اور انکی ٹیم کے ہمراہ شہر کے مختلف ریسٹورنٹس اور فاسٹ فوڈ پوائنٹس پر کھانے کے معیار اور صفائی ستھرائی کے انتظامات کا جائزہ لیا۔ ڈپٹی ڈائریکٹر پنجاب فوڈ اتھارٹی نے غیر معیاری خوراک ، کچن اور سیٹنگ ہال میں صفائی ستھرائی کے ناقص انتظامات پر کاروائی کرتے ہوئے معروف فاسٹ فوڈ پوائنٹ اے ایف سی کو سیل کر دیا
جبکہ راحت بیکرز میں صفائی ستھرائی کے ناقص انتظامات اور غیر معیاری پانی موجود ہونے پر کاروائی کرتے ہوئے 50 ہزار روپے جرمانہ عائد کر دیا گیا ہے۔ اس موقع پر اسسٹنٹ کمشنر میاں محمد جمیل اور ڈپٹی ڈائریکٹر پنجاب فوڈ اتھارٹی شیخوپورہ کا کہنا تھا کہ ڈپٹی کمشنر رانا شکیل اسلم کی ہدایت کے مطابق شہر کے تمام فوڈ پوائنٹس پر حفظان صحت کے اصولوں کے مطابق ایس او پیز پر عمل درآمد یقینی بنایا جا رہا ہے ۔ غیر معیاری فوڈ تیار کرنے اور فروخت کرنے والوں کے خلاف سخت کارروائی عمل میں لائی جائے گی۔
عوام جرائم پیشہ عناصر کے خلاف پولیس کے ساتھ تعاون کریں -عبدالحنان
اے ایس پی مریدکے سرکل کی سربراہی میں امن و امان کی صورتحال پر اجلاس، تاجر رہنماؤں، میڈیا نمائندوں کی خصوصی شرکت
باغی ٹی وی: شیخوپورہ تحصیل مریدکے(محمد طلال سے) اے ایس پی سرکل مریدکے عبدالحنان نے گزشتہ روز تاجر رہنماؤں اور میڈیا نمائندوں سے خصوصی ملاقات کی۔ اس موقع پر امن وامان کی صورتحال، مقامی پولیس کی کارکردگی اور عوام کے ساتھ تعلقات و شکایات کا جائزہ لیا گیا۔ تحصیل کمپلیکس میں ہوئی ملاقات کے دوران افسرِ اعلیٰ نے جہاں پولیس کارکردگی، متعدد ڈکیت گروہوں اور قتل کی وارداتوں کے ملزمان کی گرفتاریوں کو نمایاں کیا وہیں پر شرکاء اجلاس نے شہر میں ڈکیتی کی بڑھتی ہوئی وارداتوں پر کھل کے بات کی اور تھانہ سٹی کے اہلکاروں و تفتیش کاروں کی مبینہ کرپشن، ایف آئی آرز کے اندراج میں تاخیر اور عوام سے بدسلوکی کے واقعات کو اجاگر کیا۔ اے ایس پی کا کہنا تھا کہ ہم نے محدود وسائل کے باوجود مریدکے میں پولیس نفری، ناکہ پوائنٹ بڑھائے نیز گشت میں بھی اضافہ کیا گیا ہے۔ انہوں نے بتایا کہ صدر پولیس نے پچھلے کچھ عرصہ کے دوران دس لاکھ جبکہ سٹی پولیس نے 14 لاکھ کی لوٹی گئی رقم عوام کو واپس کی، سٹی پولیس نے چار گینگ، صدر نے پانچ ڈکیت گینگ پکڑے۔ سرکل پولیس نے 9 قتل بھی ٹریس کیے۔ اجلاس میں تاجر نمائندے بھی بعض پولیس اہکاروں کے شاکی نکلے۔ عبدالحنان نے ان شکایات پر فوری کارروائی کی یقین دہانی کرائی اور عوام سے اپیل کی کہ جرائم پیشہ عناصر کے خلاف پولیس کے ساتھ تعاون کریں تاکہ قانون نافذ کرنے والے ادارے مضبوط ہوں۔ اس موقع پر ایس ایچ او تھانہ سٹی مریدکے شاہ زمان، ایس ایچ او صدر ولی حسن پاشا، ایس ایچ او تھانہ نارنگ سجاد اکبر، انجمن تاجران کے قائدین قاضی نعیم خاور، نثار چیمہ، ملک اعظم، خرم مدیال، رانا احسان سمیت دیگر عہدیدار موجود تھے۔
شیخوپورہ جرائم پیشہ عناصر کیلئے جنت بن گیا،چوریاں ، ڈکیتیاں معمول ،پولیس خاموش تماشائی بن گئی
شیخوپورہ بھکھی، چوروں نے ڈکیتی،راہزنی کے بعد ٹرانسفارمر چوری کرنا شروع کردئیے،ایک ہفتہ میں چار ٹرانسفارمر چوری
باغی ٹی وی -شیخوپورہ(محمد طلال سے)نواں کوٹ،بھکھی اور دیگر علاقوں سے ٹرانسفارمر چوری معمول بن گیا پولیس اور واپڈا حکام چکرا کر رہ گئے ایک ہفتے میں 4 مختلف مقامات سے ٹرانسفارمر چوری ہونے پر علاقہ مکین،کسان،کاشتکار سراپا احتجاج بن گے ایک طرف لوڈشیڈنگ کا عذاب تودوسری طرف ٹرانسفارمرز کی چوری نے زندگیاں عذاب بنادی ہیں ”باغی ٹی وی“ کے مطابق تھانہ بھکھی کے علاقے میں ڈکیتی،راہزنی کی وارداتوں میں اضافہ کے ساتھ ہی چوروں نے اپناطریقہ کار بدل لیا ہے اور بجلی کے ٹرانسفارمر چوری کرنے پر توجہ مرکوز کرلی روزانہ کسی نا کسی علاقے سے ٹرانسفارمر چوری کر کے علاقے کو تین سے چار روز کے لیے تاریکیوں کی نظر کردیا جاتے ہیں کسان اور گھریلوں صارفین سراپا احتجاج ہیں،متاثرہ علاقوں کے مکینوں نے سلمان نذیر، خدیجہ بی بی،سلمی اویس،مظفر تنویر، خوشنود ولائت، علی احمد، ذوالفقار دولا سمیت دیگرنے شبے کا اظہار کرتے ہوئے کہا کہ ٹرانسفارمر واپڈا اہلکاروں کی ملی بھگت سے ہی چوری ہو سکتے ہیں،کیونکہ ٹرانسفارمر کوئی بگل میں چھپا کر لے جانے والی چیز نہیں اس کو اتارنے کے لیے کرین کی ضرورت ہوتی ہے جبکہ مینداروں کا کہنا تھا کہ واپڈا والے 4/5روز اس کے متبادل ٹرانسفارمر نصب کرنے میں لگا دیتے ہیں اس اثنا میں فصل کو شدید نقصان ہوتا ہے پولیس کا گشت بھی نہ ہونا اس بات کی دلیل ہے کہ ٹرانسفارمر اتارنے میں وقت درکار ہوتا ہے اگر پولیس گشت ہوتو اس طرح آبادیوں سے ٹرانسفارمر چوری نہ ہوں،علاقہ مکینوں نے اعلی حکام سے مطالبہ کیا ہے کہ ٹرانسفارمر چوروں کو پکڑ کر کیفر کردار تک پہنچایا جائے اور پولیس،واپڈا ہلکاران کی غفلت،لاپرواہی اور مجرمانہ تساہل پر ان کیخلاف کارروائی بھی عمل میں لائی جائے۔
دوسری جانب شیخوپورہ تھانہ اے ڈویژن،علاقہ غیر بن گیا،مکینوں کا دن کا سکون راتوں کا چین غارت،14 سالہ اوباشوں کی ہوس کا شکار،پولیس کی کارکردگی پر سوالیہ نشان بن گئی،تھانہ اے ڈویژن کے مصروف ترین ترین علاقوں میں ڈکیتی،چوری،راہزنی کی وارداتوں میں تشویشناک حد تک اضافہ سے علاقہ مکین خوف وہراس میں زندگیاں گزارنے پر مجبور پولیس گشت نہ ہونے اور ایس ایچ او اے ڈویژن کی کمزور گرفت کی بناء پر گھنگ روڈ،اسٹیڈیم پارک، ارائیانوالہ روڈ،جناح پارک،مسلم گنج سمیت دیگر علاقوں میں نان سٹاپ وارداتوں پر علاقہ مکین سراپا احتجاج بن گئے۔علاقہ مکین موٹر سائیکلوں،لاکھوں روپے کے زیورات، لاکھوں کے موبائل فونز،قیمتی پارچات سے محروم ہوگئے تھانہ اے ڈویژن کے علاقہ اسٹیڈیم کے قریب تین مسلح ڈاکوؤں نے اپنے بھائی تیمارداری کرکے آنے والے محمد ابوبکر،شکیل احمد اوراہل خانہ سے نقدی،موبائل فون،زیورات اور دیگر سامان چھین لیا جبکہ خاتون نے جب ڈاکوؤں سے کہاکہ میرے پاس بس زیورات کے علاوہ کچھ نہیں ہے تو ڈاکومشتعل ہوگئے اور انہوں نے خاتون کے ساتھ مردوں پر پسٹل کے بٹ مار کر انہیں زخمی کردیااور فرار ہوگئے۔اسی تھانہ کے علاقہ طارق روڈ،بھکھی روڈ چوک میں قائم عزیز فارمیسی میں داخل ہوکر ڈاکوؤں نے وقاص عزیز سے 82ہزار روپے نقدی،موبائل فون ودیگرسامان چھین لیا جبکہ موبائل سم واپس مانگنے پر اس پر تھپڑوں کی بارش کردی اور گالیاں دیتے ہوئے فرار ہوگئے۔ کھوکھرٹاؤن میں دربار کھڑانوالہ کے قریب ڈاکوؤں نے خاتون کشور بی بی کا پرس چھین لیا جس میں 35 ہزار روپے نقدی اور موبائل فون تھا۔اسی تھانہ کے علاقہ موبائل مارکیٹ کے باہر سے چورو رضا کی موٹرسائیکل چوری کرکے فرار ہوگئے۔اسی تھانہ کے علاقہ ڈی ایچ کیوہسپتال سے چوروں نے مریض کی تیماری داری کیلئے آنیوالے محمد وسیم کی موٹرسائیکل چوری کرلی۔
اسی تھانہ کے علاقہ ڈیرہ مٹھیایاں سے تین مسلح ڈاکوؤں نے فرازا سے نقدی اور موبائل فون چھین لیا۔اسی تھانہ کے علاقہ محلہ علی پارک سے نوسرباز محمدعرفان سے نقدی لیکر رفو چکر ہوگئے۔اسی تھانہ کے علاقہ گھنگ روڈ گلی نمبر9 سے مسلح ڈاکوؤں نے اختر ایڈووکیٹ کے گھر داخل ہوکر وہاں سے نقدی،موبائل فون،زیورات ودیگر سامان چھین کر فرار ہوگئے پولیس مصروف تفتیش ہے . دریں اثنا محلہ ارائیانوالہ گلی ملک یونس میں دواوباشوں نے 14 سالہ طیب کو بوتل میں نشہ آور چیز پلاکرزیادتی کا نشانہ بناڈالا بتایا گیا ہے کہ طیب اپنے گھر کے باہر کھڑا تھا کہ محسن مغل اور اسامہ نے اسے ورغلا،پھسلا کر فیصل آباد روڈ کے قریب مکان میں لیجاکر بوتل میں نشہ آور چیز ملاکراس سے زیادتی کا نشانہ بناڈالا پولیس نے طیب کے والد کی درخواست پر مقدمہ درج تو کرلیا تاہم کسی بھی ملزم کو گرفتارکرنے سے گریزاں ہے۔
شیخوپورہ: 10 افراد قادیانیت چھوڑکر دائرہ اسلام میں داخل
باغی ٹی وی . شیخوپورہ(محمد طلال سے) جنڈیالہ روڈشیخوپورہ کی رہائشی فیملی کے 10 افراد جن میں بھائی محمد الیاس، منیر احمد،محمد عاطف،مبارز احمد اوراہل خانہ شامل ہیں نے قادیانیت کو چھوڑ کر دائرہ اسلام میں داخل ہوگئے، مذکورہ خاندان نے جامع مسجد کرنالیانوالی میں عالمی مجلس تحفظ ختم نبوت شیخوپورہ کے علماء کرام کے روبرو آنحضور ﷺ کو ّآخری نبی مانتے ہوئے کلمہ توحید پڑھ کر مرزائیت سے تائب ہوگئے، اس موقع پر عالمی مجلس تحفظ ختم نبوت شیخوپورہ کے وفد جس میں مولانا ابوبکر، مولانا امتیاز کشمیری،مولانا خرم شہزاد،قاری محمد یونس،چوہدری محمد شفقت علی، پروفیسر طاہر ڈار، بھائی محمد، بھائی راشد شاہ اور دیگر ساتھیوں انہیں مبارکباد دی اور انہیں پھولوں کے ہار پہنانے کے علاوہ کلمہ طیبہ کا ورد کرتے رہے اس موقع پر گفتگو کرتے ہوئے مرزائیت سے تائب ہونے والے بھائی محمدالیاس ودیگرنے کہاکہ آنحضور ﷺ اللہ تعالیٰ کے آخری نبی ہیں اور اسلام حق وسچ کا دین ہے اپنی ماضی کی زندگی کو بھول کر آنحضور ﷺ کی تعلیمات کو اپنا اوڑھنا بچھاؤنا بناکر زندگی گزرانے کی کوشش کریں گے، اللہ تعالیٰ ہماری ماضی کی غلطیوں کو معاففرمائے اور آئندہ دین اسلام کے مطابق زندگیاں گزارنے کی توفیق دے انہوں نے کہاکہ مرزائیت آہستہ آہستہ دم توڑ رہا ہے اور ہم اس پر لعنت بھیجتے ہوئے آپ ﷺ کی تعلیمات کوعام کرنے کیلئے کام کریں گے انہوں نے کہاکہ وہ دن دور نہیں جب ہر طرف اسلام کا بول بالا ہوگا اور قادیانیت صفہ ہستی سے مٹ جائیگی۔اس موقع پر گفتگو کرتے ہوئے مولانا شفقت علی نے کہاکہ عقیدہ تحفظ ختم نبوت ہی اصل اسلام ہے قادیانیت سے تائب ہونے والے محمد الیاس سے جب ملاقات ہوئی تو ان میں جو سکون اور راحت دیکھا اس سے واضح ہوگیا ہے کہ اسلام حق ہے باقی سب باطل ہے آخر میں ملک کی سلامتی،ترقی،خوشحالی کیساتھ ساتھ مرزائیت کے خاتمہ کیلئے خصوصی دعابھی کی گئی۔
