Category: سیالکوٹ

سیالکوٹ،باغی ٹی وی( بیوروچیف شاہد ریاض سے )عالم اسلام بیدار نہ ہواتو جوظلم فلسطینیوں کیساتھ ہورہا ہے،اس کاسامنا کرنے کیلئے تیاررہیں،عجائب علی شاہ

ہیومین ویلفیئر آرگنائزیشن پاکستان کے زیر اہتمام فسلطینی مسلمانوں سے اظہارے یکجہتی کیلئے پاکستان زند باد ریلی نکالی گئی، ریلی میں سٹی صدر سید عجائب علی شاہ،مرکزی نائب صد ر علی رضاء شاہ،نائب صدر خلیل بٹ،جوائینٹ سیکرٹری میاں قاسم،سٹی نائب صدر محسن علی کے علاوہ دیگرعہدیدران وکارکنان کی بہت بڑی تعداد شریک ہوئی

ریلی کے شرکاء سے چیئر مینHWO شہزاد اکبر بٹ ایڈووکیٹ نے خطاب کرتے ہوئے کہا کہ اسرائیل نہتے فلسطینی مسلمانوں پر میزائیل،بم گر اکر ہزاروں بے گناہ شہید کرچکاہے ،ظلم کا سلسلہ رک ہی نہیں رہا ،معصوم بچے بھوک کی وجہ سے مر رہے ہیں، سینکڑوں مساجد شہید کردی گئی ہیں امریکہ اس گناہ میں برابر کا شریک ہے

ا سلامی ممالک کی فلسطینی مسلمانوں کے حق میں آواز نہ اٹھانے کی وجہ سے اسرائیل بے خو ف فلسطینی مسلمانوں کو لاوارث سمجھتے ہوئے ان کی نسل کشی کررہا ہے، دنیا کی تمام ہیومین رائٹس کی آرگنائزیشن اسرائیل کی دہشت گردی پر آنکھیں بند کیئے ہوئے ہیں

مسلمان ممالک کی بے حسی کی وجہ سے باطل قوتیں اسرائیل،برما،کشمیر میں مسلمانوں کا قتل عام کررہی ہیں HWO کے نوجوانوں اور تاجدار ختم نبوتﷺ کے غلاموں نے ایک عظیم الشان ورکنگ ڈے میں ریلی کا انعقاد کرکے ثابت کردیا کہ آقا ﷺ کے غلام بیدار ہیں اور وہ اپنے فلسطینی بہن بھائیوں کے ساتھ ہیں

انہوں نے کہا کہ جب تک عوام بیدار نہیں ہو نگیں ملک میں عملی طور پر انقلاب نہیں آسکتا ،پاکستان اسلام کا قلعہ ہے اور اس قلعہ کے مخافظوں پاک فوج کیخلاف پروپیگنڈا کرنے والے دشمن کے آلہ ہیں

ان کے ساتھ حکومت دہشت گردوں جیسا سلوک کرے، الحمد اللہ ہم نے فسلطینی مسلمانوں سے اظہارے یکجہتی اور دنیا کے سب سے بڑے دہشت گرد کیخلاف ریلی نکال کر آپ ﷺ کا امتی ہونے کا حق اداء کرنے کی کوشش کی ہے

سیالکوٹ،باغی ٹی وی( بیوروچیف شاید ریاض سے)سیوریج اور پینے کے صاف پانی کی فراہمی کے منصوبے ترجیحی بنیادوں پر مکمل کریں گے۔
ڈسکہ میں نکاسی آب کے مسائل کے حل کیلئے حکومت پنجاب اور ورلڈ بینک کے تعاون سے جامع منصوبے پر کام جاری ہے، صوبائی وزیر بلدیات پنجاب میاں ذیشان رفیق

تفصیل کے مطابق صوبائی وزیر بلدیات پنجاب میاں ذیشان رفیق نے کہا ہے کہ وزیر اعلی پنجاب مریم نواز شریف کے ویژن کے مطابق صاف ستھرا پنجاب مہم کو کامیاب بنایا جائے گا، قیادت کی جانب سے یہ اہم ذمہ داریاں مجھے ملی ہیں ان کو کماحقہ انجام دینے کیلئے کوئی کسر اٹھا نہ رکھوں گا۔

یہ بات انہوں نے آج صوبائی وزیر بلدیات پنجاب کی ذمہ داریاں سنبھالنے کے بعد اپنے حلقہ انتخاب ڈسکہ آمد پر اہلیان ڈسکہ کی جانب سے دیئے گئے استقبالیہ سے خطاب کرتے ہوئے کیا۔ رکن صوبائی اسمبلی چوہدری نوید اشرف، سابق ایم پی اے چودھری جمیل اشرف سمیت کثیر تعداد میں معززین علاقہ بھی کثیر تعداد میں موجود تھے۔

صوبائی وزیر بلدیات پنجاب میاں ذیشان رفیق نے کہا کہ میاں محمد نواز شریف سے وفاداری میرے لئے باعث اعزاز ہے، انہوں کہا کہ وزیر اعلی پنجاب مریم نواز شریف کے ویژن کے مطابق میونسپل سروسز کے معیار کو بہتر بنانے کیلئے انفراسٹریکچر کو امپروو کیا جائے گا اور صفائی ستھرائی ، سیوریج اور پینے کے صاف پانی کی معیاری سہولیات کی فراہمی کے منصوبے ترجیحی بنیادوں پر مکمل کریں گے۔

انہوں نے کہا کہ پرانے اور نئے ڈسکہ دونوں میں جامع ترقیاتی منصوبوں کو شروع کہا جائے گا۔ اور تمام ٹوٹ پھوٹ کا شکار روڈز کی تعمیر نو کی جائے گی اور پانچ سال حکومت کے آخر میں جب عوام کی خدمت میں حاضر ہونگا تو آپ کو بدلا ہوا ڈسکہ دیکر جاؤں گا۔

انہوں نے ڈسکہ میں ٹریفک کی روانی کیلئے انڈر پاسز اور فلائی اوورز تعمیر کئے جائیں گے۔ قبل ازیں صوبائی وزیر بلدیات پنجاب میاں ذیشان رفیق کی ڈسکہ آمد پر اہلیان ڈسکہ /حلقہ نے جگہ جگہ والہانہ استقبال کیاگیا۔ پھولوں کی پتیاں نچھاور کی گئی اور ڈھول کی تھاپ پر روائتی بھنگڑا کا رقص پیش کیا گیا۔

مسلم لیگی کارکنوں نے شیر آیا کے زبردست نعرہ بازی کی اور آتش بازی کا بھی شاندار مظاہرہ کیا گیا۔

صوبائی وزیر بلدیات پنجاب میاں ذیشان رفیق نے کہا ہے کہ ڈسکہ میں نکاسی آب کے مسائل کے حل کیلئے حکومت پنجاب اور ورلڈ بینک کے تعاون سے جامع منصوبے پر کام جاری ہے، 2025 تک ٹرنک سیور اور بارشی پانی کے نکاس کیلئے نالہ جات کی تعمیر مکمل کرلی جائے گی.

ان منصوبوں کی تکمیل سے ڈسکہ سٹی میں نکاسی آب کے مسائل کا ازالہ کیا جاسکے گا۔ یہ بات انہوں نے نواز شریف اسٹیڈیم میں ڈسکہ ڈویلپمنٹ ریویو لینے کے دوران کیا۔

ڈپٹی کمشنر سیالکوٹ محمد ذوالقرنین، رکن صوبائی اسمبلی چوہدری نوید اشرف، اسسٹنٹ کمشنر ڈسکہ انور علی کانجو بھی موجود تھے۔ صوبائی وزیر بلدیات پنجاب میاں ذیشان رفیق نے سی اینڈ ڈبلیو کے مقامی حکام کو ہدایت کی ڈسکہ نہر پر تعمیر پلوں کو آپس میں جوڑنے کیلئے ایک ہفتے کےاندر پرپوزل بنا دیں۔

انہوں نے کہا ڈسکہ کے داخلی روڈ پر سروس لائن کو ملا کھلا کیا جائے اور چوکوں کو ری ڈیزائن کرکے سنگنل فری بنائیں اور خوبصورت ہو ٹرن ڈیزائن کئے جائیں تاکہ ٹریفک کے بہاؤ میں روانی ہوسکے۔

انہوں نے کہا فوارہ چوک میں ٹریفک مینجمنٹ کیلئے فلائی اوورز تعمیر کیا جائے اور تجاوزات کو ختم کیا جائے۔ انہوں نے کہا کہ میونسپل کمیٹی تجاوزات کے خاتمہ کیلئے بھر پور مہم چلائیں۔ انہوں نے کہا کہ وزیر اعلی پنجاب مریم نواز شریف کے ویژن کے مطابق 31 مارچ تک ستھرا پنجاب مہم کے تحت شہروں اور دیہات میں ایک مرتبہ پوری طرح صفائی کو یقینی بنانے کیلئے لوکل گورنمنٹ کے تمام ادارے اپنا کردار ادا کریں۔

انہوں نے کہا کہ اس سلسلہ میں غفلت اور کوتاہی برداشت نہیں کی جائے گی اور زیرو ٹالرننس پالیسی اپنا ئی جائے گی۔ انہوں نے کہا کہ شہری علاقوں کے ساتھ ساتھ دیہات کو صاف کیا جائے۔ واٹر فلٹریشن پلانٹس کی بحالی سمیت سالڈ ویسٹ کو لفٹ کیا جائے۔ انہوں نے کہا کہ ضلع سیالکوٹ تمام دیہات صاف کرنے کیلئے یونین کونسلز اور ضلع کونسل ملکر کام کریں۔

انہوں نے کہا کہ کوڑا کلیکشن پوائنٹس کو لفٹ کریں۔ انہوں نے کہا کہ ویلج کمیٹیوں کا ایکٹیو کیا جائے اور کمیونٹی کو ملا کر صفائی مہم کو کامیاب بنائیں۔

سیالکوٹ،باغی ٹی وی (بیوروچیف شاہد ریاض سے)وزیر اعلی پنجاب مریم نواز کے احکامات پر جعلی غیرمعیاری اور نشہ آور ادویات بیچنے والے میڈیکل سٹورز اور فارمیسیز کے خلاف ڈرگ انسپکٹر تحصیل ڈسکہ ڈاکٹر شایان رضا کی جانب سے ایکشن لینے کا عندیہ اور ڈرگ ایکٹ پرسختی سے عمل کرانے کا عزم

گزشتہ روز تحصیل ڈسکہ کے میڈیکل سٹور فارمیسیز مالکان کے ساتھ منعقدہ میٹنگ میں اظہارخیال کرتے ہوئے ڈرگ انسکپٹر تحصیل ڈسکہ ڈاکٹر شایان رضا کا کہناتھاکہ غیرمعیاری ۔جعلی اور نشہ آور ادویات رکھنے والوں کیخلاف سخت ایکشن ہوگاجوبھی ملوث ہوگا اسکے خلاف سخت کارروائی عمل میں لائی جائے گی

انہوں نے کہا کہ وزیراعلی پنجاب مریم نواز کی جانب سے لوگوں کے علاج معالجہ کی بہترسہولیات کے لیے اٹھائے جانے والے اقدامات جن میں صفائی،ٹمپریچر ،بغیرورانٹی ،بغیرلائسنس ،غیرمعیاری،نشہ آور جعلی ادویات سٹور پر رکھنے اور بیچنے والوں کے خلاف من وعن عملدرآمد کرایا جائے گا سخت ترین ایکشن ہوگا

یہ بات میٹنگ میں دوران گفتگوتحصیل ڈسکہ سے آۓ ہوۓ میڈیکل سٹور اورفارمیسیز مالکان کی گئیں.

سیالکوٹ ،باغی ٹی وی( بیوروچیف شاہد ریاض سے)خواتین کی انفرادی شخصیت کو تسلیم کرنا معاشرے کی ذمہ داری ہے۔ خواتین کواپنے دائرے اور حدود میں رہتے ہوئے آگے بڑھنا چاہیے۔ بااختیار خواتین کے ذریعے ہی معاشرے کی ترقی ممکن ہے خواتین کے عالمی دن کے موقع پر اپوا کے زیر اہتمام تقریب کا انعقاد

قلم کاروں ‘ لکھاریوں‘صحافیوں ‘ادیبوں اور شاعروں کی نمائندہ جماعت آل پاکستان رائٹرزویلفیئر ایسوسی ایشن(اپووا)کے زیر اہتمام خواتین کے عالمی دن کے حوالے سے مقامی ہوٹل میں بانی اپووا ایم ایم علی کی زیر نگرانی اور خواتین ونگ کی صدر ثمینہ طاہر بٹ کی زیر صدارت اپووا خواتین کانفرنس کا اہتمام کیا گیا

جس میں معروف ڈرامہ رائٹر صائمہ اکرم چوہدری‘ سینئر اداکارہ میگھا جی‘معروف لکھاری نازیہ کامران کاشف ، اینکرپرسن ارم محمود‘ ماہا بخاری‘ اینکر پرسن ثنا آغا خان‘ ڈاکٹر انعم پری،معروف قانون دان سعدیہ ہماشیخ ،معروف براڈ کاسٹر ریحانہ عثمانی ، شاہین آپا سمیت پاکستان کے دور دراز اضلاع سے کثیر تعداد میں خواتین نے شرکت کی

اپووا خواتین کانفرنس میں فلسطینیوں سے اظہار یکجہتی کرتے ہوئے مسلم امہ کے حکمرانوں کی مجرمانہ خاموشی پر شدید الفاظ میں مزمت کی گئی

سیالکوٹ ،باغی ٹی وی( بیوروچیف شاہد ریاض سے) ڈپٹی کمشنر محمد ذوالقرنین کی زیر سر براہی ڈسٹرکٹ کوارڈینیشن کمیٹی سیالکوٹ کا اجلاس ڈی سی آفس کمیٹی روم میں منعقد ہوا۔ اراکین صوبائی اسمبلی محمد منشاء اللہ بٹ ، فیصل اکرام، نوید اشرف، طارق سبحانی، ارشد وڑائچ ، خرم ورک اور رانا فیاض نے اجلاس میں شرکت کی۔

اجلاس میں ضلع سیالکوٹ کی 16 مختلف روڈ کی تعمیر و مرمت کے منصوبوں بارے اراکین صوبائی اسمبلی کی مشاورت کی گئی۔ مجموعی طور پر مجوزہ 16 مختلف 226 کلومیٹر طویل روڈز کی تعمیر و مرمت کی پر 2 ارب 15 کروڑ 20 لاکھ روپے خرچ ہونگے۔ اراکین صوبائی اسمبلی نے کہا کہ ضلع سیالکوٹ کی بیشتر اہم روڈز ٹوٹ پھوٹ کا شکار ہیں اور کی ترجیحی بنیادوں پر تعمیر اولین ترجیح ہے تانکہ عوام الناس کو ذرائع آمد و رفت میں معیاری سہولیات میسر آسکیں۔

انہوں نے کہا کہ سڑکوں کی تعلیم میں معیار کو یقینی بنایا جائے تاکہ عرصہ دراز تک ان اسکیموں سے مستفید ہوسکیں۔ ڈپٹی کمشنر سیالکوٹ محمد ذوالقرنین نے حکومت پنجاب کی ہدایت پر اراکین قومی و صوبائی اسمبلی سے روڈ انفراسٹریکچر کو بہتر بنانے کی مجوزہ منصوبوں کی فہرست طلب کرتے ہوئے کہا کہ شاہرات کی تعمیر و مرمت کے منصوبے میں معیار کو یقینی بنانے کیلئے سی اینڈ ڈبلیو کے مقامی حکام اپنے فرائض منصبی پوری ایمانداری اور تندہی سے انجام دیں اس امر کو یقینی بنائیں کہ منصوبہ جات پائیدار ہوں۔

سیالکوٹ ،باغی ٹی وی( بیوروچیف شاہد ریاض سے)نگہبان رمضان پیکج کے تحت حقداروں کی دہلیز پر فراہمی شروع ہوچکی ہے،محمد ذوالقرنین

ڈپٹی کمشنر سیالکوٹ محمد ذوالقرنین نے کہا ہے کہ نگہبان رمضان پیکج کے تحت 1لاکھ 18ہزار 336گھرانوں میں راشن کی حقداروں کی دہلیز پر فراہمی شروع ہوچکی ہے چاروں تحصیلوں اسسٹنٹ کمشنر کی زیر نگرانی محکمہ ریونیو اور لوکل گورنمنٹ کا سٹاف ڈور ٹو ڈور راشن کی تقسیم کیلئے پوری طرح متحرک ہوچکا ہے ،

راشن بیگ کی تقسیم کیلئے فہرستوں میں شامل گھرانوں کی فزیکلی ویریفیکشن جاری ہے اور اب تک75فیصد سے زائد مستحقین کی ویری فیکشن مکمل ہوچکی ہے ۔

انہوں نے بتایا کہ وزیر اعلیٰ پنجاب مریم نواز شریف کے ہدایت کے مطابق اس پیکج میں شفافیت کو برقرار رکھنے کیلئے تمام راشن بیگز پر ایک بار کورڈ پرنٹ ہے جو مستحق کو ڈیلیو رکرتے وقت اس کے شناختی کارڈ کے ساتھ اسکین کیا جائے جس کی بدولت تقسیم کی آن لائن ڈیشن بورڈ پر رئیل ٹائم اسکورننگ کی جارہی ہے ۔

انہوں نے کہاکہ راشن پیکج میں شامل آٹا، چینی، گھی ، بیسن اور چاول کی کوالٹی کو یقینی بنانے کیلئے پنجاب فوڈ اتھارٹی کوالٹی کو یقینی بنارہا ہے ۔

ڈپٹی کمشنر نے اسسٹنٹ کمشنر سیالکوٹ غلام سرور کے ہمراہ راشن کی تقسیم کے عمل جائزہ لیا اور نگہبان رمضان پیکج کے اور مستحقین کی شناختی کارڈ اور بار کورڈ کو اسکین کرکے ڈیشن بورڈ پر اپ لوڈ ہونے تک پروسیجرزکا معائنہ کرتے ہوئے تقسیم کرنے والے محکمہ مال اور لوکل گورنمنٹ کے سٹاف کو ہدایت کی کہ وہ ایس او پیز کو فالو کریں اور شفاف طریقے سے راشن کی تقسیم کو یقینی بنائیں۔