Category: سیالکوٹ

سیالکوٹ(باغی ٹی وی ،بیوروچیف شاہدریاض) وزیر اعلیٰ پنجاب مریم نواز شریف کی ہدایات پر ڈپٹی کمشنر سیالکوٹ محمد ذوالقرنین لنگڑیال کی زیر نگرانی ریسٹ ہاؤس پٹواریاں کے ہال میں ریونیو عوامی خدمت سروسز کورٹ کا انعقاد کیا گیا۔ اجلاس میں اسسٹنٹ کمشنر انعم بابر، تحصیلدار، نائب تحصیلدار اور دیگر ریونیو افسران شریک ہوئے۔

ڈپٹی کمشنر نے محکمہ مال کے حکام کو ہدایت دی کہ ہر ماہ کے پہلے دو ورکنگ ڈیز میں چاروں تحصیل ہیڈکوارٹرز پر ریونیو عوامی خدمت کورٹ کا انعقاد کیا جائے، تاکہ شہریوں کی شکایات کا فوری حل ممکن بنایا جا سکے۔ انہوں نے واضح کیا کہ شکایات کی رجسٹریشن کے بعد ان کے حل کے اقدامات سینیئر ممبر بورڈ آف ریونیو کو رپورٹ کیے جائیں گے۔

اجلاس کے دوران ڈپٹی کمشنر نے سائلین کے مسائل سنے اور فوری حل کے احکامات صادر کیے۔ عوامی ریونیو کورٹ کے انعقاد کا مقصد محکمہ مال سے متعلق مسائل کا فوری اور شفاف حل فراہم کرنا ہے۔

ڈسکہ (نامہ نگار ملک عمران) جسٹس لاہور ہائیکورٹ فاروق حیدر نے ڈسکہ کے نیو جوڈیشل کمپلیکس کا دورہ کیا اور ججز لائبریری اور ریکارڈ روم کا افتتاح کیا۔ اس موقع پر سکیورٹی کے غیر معمولی انتظامات کیے گئے تھے، جبکہ ان کا پرتپاک استقبال کیا گیا۔

تقریب میں سیالکوٹ کے سیشن جج ندیم طاہر سید اور ایڈیشنل سیشن ججز سمیت مقامی وکلاء نے شرکت کی۔ جسٹس فاروق حیدر نے وکلاء سے ملاقات کے دوران ان کے مسائل غور سے سنے اور ان کے حل کی یقین دہانی کرائی۔

افتتاحی تقریب کے بعد جسٹس فاروق حیدر نے نیو جوڈیشل کمپلیکس میں شجرکاری مہم کے تحت ایک پودا بھی لگایا، جسے ماحول کے تحفظ کی علامت قرار دیا گیا۔

ان کی آمد پر وکلاء برادری نے خوشی کا اظہار کرتے ہوئے جوڈیشل کمپلیکس کے قیام کو انصاف کی فراہمی میں اہم سنگ میل قرار دیا۔

سیالکوٹ (باغی ٹی وی، بیوروچیف شاہد ریاض) ڈپٹی کمشنر سیالکوٹ، محمد ذوالقرنین لنگڑیال نے تعلیمی اداروں کو ہدایت دی ہے کہ بچوں کی رسمی تعلیم کے ساتھ فنون لطیفہ، تحقیق، اور کھیلوں کی سرگرمیوں پر خصوصی توجہ دی جائے۔ ان کا کہنا تھا کہ یہ اقدامات بچوں کی صلاحیتوں میں بہتری، شخصیت نکھار، اور اعتماد میں اضافے کا باعث بنیں گے۔

ڈپٹی کمشنر نے گورنمنٹ ہائی سیکنڈری اسکول فار اسپیشل پرسنز اور سنٹر آف ایکسیلنس لیڈی اینڈریسن گرلز ہائیر سیکنڈری اسکول کا دورہ کیا۔ سنٹر آف ایکسیلنس کی لائبریری کا جائزہ لیتے ہوئے انہوں نے پرنسپل کو ہدایت کی کہ طالبات میں کتب بینی کے رجحان کو فروغ دینے کے لیے ٹائم ٹیبل میں لائبریری کا وقت شامل کیا جائے۔

انہوں نے اسپیشل ایجوکیشن کے گورنمنٹ ہائی سیکنڈری اسکول، نیکاپورہ کا بھی دورہ کیا، جہاں سماعت سے محروم بچوں کی تدریس کا جائزہ لیا اور بچوں کے ساتھ سوال و جواب کے ذریعے تدریسی معیار کو جانچا۔

اس موقع پر انہوں نے خواجہ صفدر روڈ سمیت دیگر گرین بیلٹس کا معائنہ کیا اور پی ایچ اے حکام کو صفائی، گھاس کی کٹائی، اور دیگر انتظامات بہتر بنانے کی ہدایات جاری کیں۔

سیالکوٹ (بیوروچیف شاہدریاض) محال مگراء میں جامعہ مسجد رحمت اللعالمین کی شاندار افتتاحی تقریب منعقد ہوئی، جس میں سپرنٹنڈنٹ ڈسٹرکٹ جیل سیالکوٹ ملک بابر علی، پیر سید عون رضا شاہ، حافظ سعید انچارج سیکیورٹی، چوہدری اکرم شہباز (ایس ایچ او تھانہ صدر سیالکوٹ)، اور حافظ محمد اصغر چیمہ (چیئرمین امن کمیٹی سیالکوٹ) سمیت علاقہ کی معزز شخصیات نے شرکت کی۔

تقریب کے دوران چوہدری قیصر واہلہ اور ان کے بھائی چوہدری منصور کی خدمات کو سراہا گیا، جنہوں نے اس عظیم الشان مسجد کی تعمیر میں نمایاں کردار ادا کیا۔ چوہدری قیصر واہلہ نے تمام مہمانوں اور شرکاء کا شکریہ ادا کیا اور مسجد کی تعمیر کو علاقے کے لیے ایک نعمت قرار دیا۔

ڈسکہ (نامہ نگار ملک عمران) ڈپٹی کمشنر سیالکوٹ محمد ذوالقرنین لنگڑیال نے کہا ہے کہ ڈسکہ سٹی میں سیوریج سسٹم کی اپ گریڈیشن کے منصوبے پر تیزی سے کام جاری ہے۔ پنجاب سٹیز ڈویلپمنٹ پروگرام کے تحت 77 کروڑ روپے کی لاگت سے بارش کے پانی کے نکاس کے لیے ڈرین کی تعمیر کا 45 فیصد کام مکمل ہوچکا ہے، جو فروری 2025 تک مکمل ہوگا۔

انہوں نے ترقیاتی منصوبوں کا معائنہ کرتے ہوئے معیار اور مقررہ مدت میں تکمیل یقینی بنانے کی ہدایت کی۔ ان کے ہمراہ اسسٹنٹ کمشنر ماہم مشتاق، سی او ایم سی الفت شہزاد، اور ایکسین سروسز موجود تھے۔

ڈپٹی کمشنر نے تحصیل ہیڈکوارٹر ہسپتال ڈسکہ کا دورہ کرکے طبی سہولیات اور ادویات کی دستیابی کا جائزہ لیا۔ علاوہ ازیں، انہوں نے قائداعظم ڈویژنل پبلک سکول جیسروالہ کا دورہ کرکے تعلیمی سرگرمیوں اور زیر تعمیر بلاکس کی پراگریس کا بھی معائنہ کیا۔

سیالکوٹ (باغی ٹی وی بیوروچیف شاہد ریاض سے) جماعت اسلامی حلقہ وسطی پنجاب کے قائم مقام امیر ڈاکٹر ذکر اللہ مجاہد نے ضلع سیالکوٹ کی صوبائی نشستوں کے لئے تنظیمی زونز کے امراء کا تقرر کر دیا ہے۔ یہ تقرر ارکان جماعت اسلامی ضلع سیالکوٹ سے استصواب اور امیر جماعت اسلامی ضلع سیالکوٹ چوہدری امتیاز احمد بریار کی سفارش پر کیا گیا ہے۔

سیشن 2024-2026 کے لئے مقرر ہونے والے امراء زونز درج ذیل ہیں:
زون پی پی 44: حافظ محمد اکرم،زون پی پی 45: محمد یونس شیراز،زون پی پی 46: ملک منیر حسین،زون پی پی 47: سید مشہود الحق شاہ،زون پی پی 48: ماسٹر خادم حسین،زون پی پی 49: محمد ارشد خان سلہری،زون پی پی 50: محمد ندیم انور،زون پی پی 51: عامر صدیق چیمہ ایڈووکیٹ،زون پی پی 52: چوہدری اشتیاق احمد چیمہ،زون پی پی 53: انصر فاروق بھٹی شامل ہیں

نئے امراء زونز کو تنظیمی امور کے حوالے سے مکمل اعتماد حاصل ہے اور ان کی تقرری جماعت اسلامی کی تنظیمی ترقی کے لئے اہم قدم ہے۔