Category: سیالکوٹ

سیالکوٹ(باغی ٹی وی بیوروچیف شاہدریاض) ڈپٹی کمشنر سیالکوٹ محمد ذوالقرنین کی زیر صدارت ڈسٹرکٹ کور امن کمیٹی کا اجلاس منعقد ہوا۔ اس اجلاس میں 28 صفر شہادت حضرت امام حسن علیہ السلام کے سلسلہ میں مرکزی امام بارگاہ اڈہ پسروریاں سیالکوٹ سے برآمد ہونے والے قدیمی جلوس کی سیکیورٹی اور انتظامی امور کا جائزہ لیا گیا۔

اجلاس میں کوآرڈینیٹر ضلعی امن کمیٹی حافظ اصغر علی چیمہ، مولانا ایوب ثاقب، مفتی کفایت اللہ شاکر اور دیگر متعلقہ افراد نے شرکت کی۔

ڈپٹی کمشنر نے بتایا کہ ضلعی انتظامیہ، پولیس اور میونسپل کارپوریشن نے جلوس کی سیکیورٹی کے لیے تمام انتظامات مکمل کر لیے ہیں۔ سی سی ٹی وی کیمروں سے نگرانی کی جائے گی اور اسٹریٹ لائٹس کو بیک اپ جنریٹرز پر آن رکھا جائے گا۔

اجلاس میں تمام مکاتب فکر کے نمائندوں نے امن و امان کو برقرار رکھنے کے سلسلہ میں ضلعی امن کمیٹی کے اراکین کی تعریف کی اور محرم الحرام کے دوران پولیس اور انتظامیہ کی جانب سے بہترین کوآرڈینیشن کے نتیجے میں محرم پروگرام کا پر امن انعقاد کو سراہا۔

اجلاس کے آخر میں ملک و قوم کی سلامتی اور استحکام کیلئے خصوصی دعا کی گئی۔

سیالکوٹ(باغی ٹی وی بیوروچیف شاہدریاض)نوازشریف ہاکی اسٹیڈیم کھنڈرات میں تبدیل،آسٹروٹرف چوری، سیڑھیاں ٹوٹی ہوئی،کھلاڑیوں کا مستقبل تاریک

تفصیل کے مطابق سیالکوٹ کا نواز شریف ہاکی اسٹیڈیم حکومت کی بدترین غفلت کا شکار ہو کر تباہی کے دہانے پر پہنچ گیا ہے۔ اسٹیڈیم کی زمین سے آسٹروٹرف غائب ہو چکی ہے جس کی وجہ سے کھلاڑیوں کے لیے کھیلنے کا کوئی موقع باقی نہیں رہا ہے۔

کروڑوں روپے کی لاگت سے تعمیر کیا گیا یہ اسٹیڈیم اب ایک مایوس کن منظر پیش کر رہا ہے۔ اسٹیڈیم کی سیڑھیاں کائی اور گندگی سے اٹی ہوئی ہیں اور ہر طرف چوہے ہی چوہے نظر آتے ہیں۔

نواز شریف ہاکی اسٹیڈیم جو کبھی پاکستان کے لیے کھیلوں میں کامیابی کا ذریعہ تھا، آج محروم اور نظر انداز ہے۔ حکومت پنجاب کی بے حسی کی وجہ سے کھیلوں کا مستقبل تاریک نظر آ رہا ہے اور نوجوان نسل مایوس ہو رہی ہے۔

نوجوانوں کاکہنا تھا کہ حکومت پنجاب کو فوری طور پر اسٹیڈیم کی بحالی کے لیے عملی اقدامات کرنے کی ضرورت ہے۔ انہوں نے کہا کہ اسٹیڈیم کی دوبارہ تعمیر کر کے نوجوانوں کو ایک بار پھر کھیلوں کے میدان میں آگے بڑھنے کا موقع فراہم کیا جا سکتا ہے۔

سیالکوٹ(باغی ٹی وی رپورٹ)سیالکوٹ کے نواحی قصبے کوٹ منڈیانوالہ کے گورنمنٹ ایلیمنٹری سکول میں آج روز ہیومین رائٹس آرگنائزیشن کے زیر اہتمام ایک پودے لگانے کا پروگرام منعقد ہوا۔ اس موقع پر اسسٹنٹ کمشنر سیالکوٹ انعم بابر نے بچوں کو پودے لگانے کی اہمیت سے آگاہ کیا۔

انہوں نے کہا کہ "پلانٹ فار پاکستان” ایک بہت اہم ماحولیاتی مہم ہے جس کا مقصد ملک میں درختوں کی تعداد میں اضافہ کرنا اور موسمیاتی تبدیلیوں کے اثرات کو کم کرنا ہے۔ انہوں نے بچوں سے کہا کہ وہ پودے لگائیں اور ان کی حفاظت کریں کیونکہ پودے ہمارے ماحول کو صاف ستھرا رکھنے میں اہم کردار ادا کرتے ہیں۔

اس موقع پر سکول کے طلبہ اور اساتذہ نے بھی بڑی تعداد میں شرکت کی اور اپنے ہاتھوں سے پودے لگائے۔ اسسٹنٹ کمشنر نے سکول کا معائنہ بھی کیا اور پرنسپل کو ہدایت کی کہ وہ سکول میں ایک بک کارنر لائبریری قائم کریں تاکہ بچے پڑھنے کی عادت ڈالیں۔

سیالکوٹ،باغی ٹی وی (سٹی رپورٹرمدثررتو) سیالکوٹ چیمبر آف کامرس اینڈ انڈسٹری کے سالانہ انتخابات 2026-2024 کے لیے انتخابی عمل میں ایک نیا موڑ آگیا ہے۔ اتحاد فاؤنڈر گروپ کے امیدواروں نے آج اپنی کاغذاتِ نامزدگی جمع کروادی ہیں۔

گروپ کے جنرل سیکرٹری میاں محمد خلیل، وقاص اکرم اعوان سابق سینئر نائب صدر، محمد اعجاز غوری اور میاں خرم نے سیکرٹری جنرل سیالکوٹ چیمبر آف کامرس اینڈ انڈسٹری طارق ملک کو کاغذاتِ نامزدگی جمع کروائے۔

اس موقع پر میاں محمد خلیل نے کہا کہ "ہم سیالکوٹ چیمبر کو ایک نئی سمت دینے کے لیے پرعزم ہیں۔ ہماری ٹیم میں تجربہ کار اور نوجوان کاروباری افراد شامل ہیں جو سیالکوٹ کی صنعت و تجارت کو فروغ دینے کے لیے پرعزم ہیں۔”

انہوں نے مزید کہا کہ ہم چیمبر کو ایک فعال اور نمائندہ ادارہ بنانا چاہتے ہیں جو تمام کاروباری افراد کی آواز بن سکے۔

سیالکوٹ (باغی ٹی وی،سٹی رپورٹر مدثر رتو): سیالکوٹ چیمبر آف کامرس اینڈ انڈسٹری کے صدر عبدالغفور ملک نے کہا ہے کہ ٹیکس بار ایسوسی ایشن سیالکوٹ چیمبر کا ایک اہم حصہ ہے۔ دونوں ادارے ہمیشہ سے ایک دوسرے کے ساتھ شانہ بشانہ کھڑے رہے ہیں۔

سیالکوٹ چیمبر کی ڈیپارٹمنٹل کمیٹی برائے ٹیکس بار کے اجلاس سے خطاب کرتے ہوئے عبدالغفور ملک نے ٹیکس بار کے تمام ممبران اور وکلاء کا شکریہ ادا کیا اور انہیں خراج تحسین پیش کیا۔ انہوں نے کہا کہ سیالکوٹ چیمبر ٹیکس بار کے ساتھ مل کر کام کرنے کے لیے ہمیشہ تیار ہے۔

اس موقع پر صدر ٹیکس بار محمد عاطف ملک نے سیالکوٹ چیمبر کا شکریہ ادا کیا اور کہا کہ وہ سیالکوٹ کی تاجر برادری کے ٹیکس مسائل کے حل کے لیے کوئی کسر اٹھا نہیں رہے ہیں۔

اجلاس میں سیالکوٹ چیمبر کے نائب صدر عامر مجید شیخ، چئیرمین سیالکوٹ چیمبر ڈیپارٹمنٹل کمیٹی برائے ٹیکس چودھری ذوالفقار حیات، محمد اعجاز غوری سمیت ٹیکس وکلاء کی کثیر تعداد نے شرکت کی۔

سیالکوٹ (باغی ٹی وی،بیوروچیف شاہد ریاض): آل پاکستان ریجنل نیوز پیپرز سوسائٹی (اے پی آر این ایس) کی پانچویں سالگرہ کے موقع پر روزنامہ سکالر نیوز کے دفتر میں ایک تقریب کا اہتمام کیا گیا۔ اس تقریب کی صدارت سابقہ ڈپٹی ارگنائزر پنجاب اور اے پی آر این ایس کے صدر غلام مرتضیٰ جٹ کی قیادت میں کی گئی۔

تقریب میں روزنامہ سکالر نیوز کے چیف ایڈیٹر محمد خرم میر نے کہا کہ وہ اے پی آر این ایس کی مرکزی قیادت کو مبارکباد دیتے ہیں اور اس تنظیم کے ساتھ کھڑے رہنے پر فخر محسوس کرتے ہیں۔ انہوں نے کہا کہ غلام مرتضیٰ جٹ کی انتھک محنت سے اے پی آر این ایس نے یہ مقام حاصل کیا ہے۔

اس موقع پر بڑی تعداد میں صحافیوں نے شرکت کی جس میں باغی ٹی وی کے بیورو چیف شاہد ریاض، پروفیشنل الیکٹرانک اینڈ پرنٹ میڈیا ایسوسی ایشن کے صدر سید عارف حسین شاہ، سینئر نائب صدر مہر مصطفی، سیکرٹری جنرل شیخ بلال حسین، نائب صدر رانا جاوید، ممبر محمد عرفان، سیکرٹری رانا ارشد علی تبسم، نائب صدر مدثر رتو، ممبر مجلس عاملہ محمد بلال، وحید شاہ، حسنین خان، خواجہ ایمان، عبدالرحمن، انجمن تاجران چوک اڈا پسروریاں کے صدر طفیل بٹ، بزم اقبال کے صدر ناصر شمیم خان لودھی، افغن بٹ اور اویس میر بھی شامل تھے۔