Category: سکھر

میرپور ماتھیلو (نامہ نگار مشتاق علی لغاری) ڈی آئی جی سکھر کیپٹن (ر) فیصل عبداللہ چاچڑ کے احکامات پر ایس ایس پی گھوٹکی ڈاکٹر سمیع اللہ سومرو اور رینجرز کے ونگ کمانڈر کی نگرانی میں شر گینگز اور ماچھی گینگز کے اغواء کاروں/ڈاکوؤں کے خلاف پولیس اور رینجرز کا مشترکہ آپریشن جاری ہے۔

آج رمضان المبارک کے مہینے میں بھی سب ڈویژن رونتی کے تھانہ شہید دین محمد لغاری کی حدود میں شر گینگ، یاسین ماچھی گینگ، کمال ماچھی گینگ اور دیگر گینگز کے خلاف پولیس اور رینجرز کا مشترکہ آپریشن جاری ہے۔ پولیس اور رینجرز اور اغواء کاروں کے درمیان شدید فائرنگ کا تبادلہ ہوا۔

پولیس کو ڈاکوؤں/اغواء کاروں کے ٹھکانوں سے ہتھیار اور بھاری تعداد میں گولیاں بھی برآمد ہوئی ہیں۔ پولیس اور رینجرز کی جانب سے شر گینگز اور ماچھی گینگ کا گھیرا تنگ کر کے جدید ٹیکنالوجی کو بروئے کار لاتے ہوئے 20 سے زائد شر گینگ، ماچھی گینگ بشمول یاسین ماچھی، کمال ماچھی سمیت دیگر کے ٹھکانوں کو مسمار کر دیا گیا۔

پولیس اور رینجرز کی جانب سے کچہ ایریا میں ڈاکوؤں/اغواء کاروں کے ٹھکانوں کا گھیرا تنگ کر کے سخت سرچ آپریشن کیا جا رہا ہے۔ یہ آپریشن علاقے میں ضلع کشمور سمیت دیگر اضلاع کے مغویان کی بازیابی تک جاری رہے گا۔

میرپور ماتھیلو ،باغی ٹی وی(نامہ نگارمشتاق لغاری) سی پیک روڈ پر حادثہ، مظفرگڑھ کا نوجوان جاں بحق، میاں بیوی زخمی

تفصیل کے مطابق گھوٹکی میں سی پیک روڈ پر پیش آنے والے حادثے میں پنجاب کے ضلع مظفرگڑھ سے تعلق رکھنے والا نوجوان جاں بحق ہوگیا، جبکہ ایک مرد اور خاتون زخمی ہوئے۔

ریسکیو ذرائع کے مطابق حادثہ کشمور کی حدود میں پیش آیا، زخمیوں کو ابتدائی طبی امداد کے بعد تعلقہ اسپتال گھوٹکی سے رحیم یار خان منتقل کر دیا گیا۔

میرپور ماتھیلو ،باغی ٹی وی(نامہ نگارمشتاق لغاری) ڈی آئی جی سکھر کیپٹن (ر) فیصل عبداللہ چاچڑ کے احکامات پر گھوٹکی کے کچہ علاقے میں شر گینگز کے اغواء کاروں اور ڈاکوؤں کے خلاف پولیس اور رینجرز کا مشترکہ آپریشن جاری ہے۔ ایس ایس پی گھوٹکی ڈاکٹر سمیع اللہ سومرو اور رینجرز کے ونگ کمانڈر کی قیادت میں آپریشن گزشتہ 3 سے 4 ہفتوں سے جاری ہے، جس میں شر گینگز کے خلاف گھیرا مزید تنگ کر دیا گیا ہے۔

تازہ کارروائی میں پولیس اور رینجرز کا سب ڈویژن رونتی کے تھانہ شہید دین محمد لغاری کی حدود میں موریو سونانی شر اور چاندی سونانی شر گینگز کے خلاف بڑا آپریشن جاری ہے۔ دونوں اطراف سے شدید فائرنگ کا تبادلہ ہو رہا ہے، جبکہ پولیس نے جدید ٹیکنالوجی کا استعمال کرتے ہوئے چاندی شر، موریو شر، حفیظ شر، گلی شر، سائینداد شر، شبو شر، قائم شر اور احمدو شر کے 15 سے زائد ٹھکانوں کو مسمار کر دیا ہے۔

تقریباً دو ہفتے قبل ان ہی گینگز کے اغواء کاروں نے موٹر وے پر حملہ کر کے ٹرک ڈرائیوروں کو اغواء کرنے کی کوشش کی تھی، جسے پولیس اور رینجرز نے بروقت کارروائی کرکے ناکام بنا دیا۔ اس کے بعد سے مسلسل ٹارگٹڈ آپریشن جاری ہے، جس میں متعدد اغواء کار زخمی ہو چکے ہیں اور کئی ڈاکو پولیس کے خوف سے خود کو حکام کے حوالے کر رہے ہیں۔

پولیس اور رینجرز نے کچہ کے تمام داخلی و خارجی راستوں کو سیل کر کے سخت چیکنگ شروع کر دی ہے۔ آج کے آپریشن میں ایس ایس پی گھوٹکی ڈاکٹر سمیع اللہ سومرو، رینجرز کے ونگ کمانڈر، اے ایس پی میرپور ماتھیلو، ڈی ایس پی اباوڑو، ڈی ایس پی رونتی، مختلف تھانوں کے ایس ایچ اوز، بھاری پولیس نفری اور رینجرز کے ساتھ بکتر بند گاڑیاں بھی حصہ لے رہی ہیں۔

امن و امان کی بحالی تک آپریشن جاری رہے گا۔

میرپورماتھیلو،باغی ٹی وی (نامہ نگارمشتاق لغاری)گھوٹکی بائی پاس پر ایک خوفناک حادثہ پیش آیا ہے جہاں ایک تیز رفتار ٹریلر نے ایک کار کو ٹکر مار دی جس کے نتیجے میں چار افراد زخمی ہو گئے۔

عینی شاہدین کے مطابق، کار سڑک پر جا رہی تھی کہ اچانک ایک ٹریلر بے قابو ہو کر اس سے ٹکرا گیا۔ حادثہ اتنا شدید تھا کہ کار کو شدید نقصان پہنچا اور اس میں سوار افراد زخمی ہو گئے۔

زخمیوں کو فوری طور پر ہسپتال منتقل کر دیا گیا ہے۔ پولیس نے واقعے کی تحقیقات شروع کر دی ہیں اور ٹریلر ڈرائیور کی تلاش جاری ہے۔

مقامی لوگوں کا کہنا ہے کہ گھوٹکی بائی پاس پر اکثر حادثات ہوتے رہتے ہیں جس کی وجہ سے قیمتی جانیں ضائع ہو رہی ہیں۔ انہوں نے مطالبہ کیا ہے کہ انتظامیہ کو اس مسئلے کا نوٹس لینا چاہیے اور حفاظتی اقدامات کرنے چاہئیں۔

میرپور ماتھیلو ،باغی ٹی وی(نامہ نگارمشتاق لغاری) گھوٹکی پولیس کی فوری اور مؤثر کارروائی کے نتیجے میں لاپتہ ہونے والا کمسن بچہ بحفاظت والدین کے حوالے کر دیا گیا۔ ایس ایس پی گھوٹکی ڈاکٹر سمیع اللہ سومرو کی خصوصی ہدایت پر پولیس نے فوری تلاش شروع کی اور قانونی کارروائی مکمل کرنے کے بعد بچے کو والدین سے ملایا۔

تفصیلات کے مطابق میرپور ماتھیلو کے علاقے سومرو کالونی کے رہائشی حافظ اظہر سعید کھوکھر نے تھانہ میرپور ماتھیلو میں اطلاع دی کہ ان کا 5 سے 6 سالہ بیٹا محمد عمر گھر سے نکلنے کے بعد لاپتہ ہو گیا ہے اور کافی تلاش کے باوجود نہیں مل رہا۔ اس اطلاع پر میرپور ماتھیلو پولیس نے فوری کارروائی کرتے ہوئے جہانگیر بیس کنٹرول اور ضلع کے دیگر تھانوں کو اطلاع دی۔

واقعے کی سنگینی کے پیش نظر ایس ایس پی گھوٹکی ڈاکٹر سمیع اللہ سومرو نے بچے کو جلد از جلد تلاش کرنے کا حکم دیا، جس پر ایس ایچ او میرپور ماتھیلو لیاقت علی لاشاری نے اپنی ٹیم کے ہمراہ بھرپور کوششوں کے بعد بچے کو بحفاظت بازیاب کرلیا۔ قانونی کارروائی مکمل ہونے کے بعد بچہ والدین کے سپرد کر دیا گیا، جس پر اہلخانہ نے پولیس کا شکریہ ادا کیا۔

ایس ایس پی گھوٹکی نے کامیاب کارروائی پر ایس ایچ او میرپور ماتھیلو اور ان کی ٹیم کو شاباشی دی اور کہا کہ عوام کی خدمت اور حفاظت پولیس کی اولین ترجیح ہے۔

میرپور ماتھیلو ،باغی ٹی وی(نامہ نگارمشتاق لغاری) گھوٹکی پولیس نے بروقت اور مؤثر کارروائی کرتے ہوئے ساتویں جماعت کے مغوی طالبعلم زاہد حسین چاچڑ کو بحفاظت بازیاب کروا لیا۔ ورثاء نے بچے کی بحفاظت واپسی پر پولیس کا شکریہ ادا کیا۔

تفصیلات کے مطابق زاہد حسین ولد ترس محمد چاچڑ کو 30 جنوری 2025 کو تھانہ اباوڑو کی حدود گوٹھ خمیسو چاچڑ سے نامعلوم افراد نے اغوا کر لیا تھا۔ ایس ایس پی گھوٹکی ڈاکٹر سمیع اللّٰہ سومرو نے بچے کی بازیابی کے لیے ڈی ایس پی اباوڑو عبدالقادر سومرو کی سربراہی میں خصوصی ٹیم تشکیل دی۔

آج صبح خفیہ اطلاع پر پولیس ٹیم نے رینی کینال کے قریب گوٹھ کیھر رند میں کامیاب کارروائی کرتے ہوئے مغوی بچے کو بازیاب کروا لیا۔ پولیس ٹیم میں ایس ایچ او کھمبڑا امام دین چانڈیو، ایس ایچ او اباوڑو محمد رمضان ملاح، ایس ایچ او ریتی امجد اقبال مغل، اور انچارج چوکی کموں شہید شاہد حسین کلہوڑو شامل تھے۔

پولیس نے قانونی کارروائی مکمل کرکے بچے کو ورثاء کے حوالے کر دیا۔ ایس ایس پی گھوٹکی ڈاکٹر سمیع اللّٰہ سومرو نے پولیس پارٹی کو شاباش دیتے ہوئے کامیاب کارروائی پر تعریفی اسناد دینے کا اعلان کیا۔

میرپور ماتھیلو،باغی ٹی وی (نامہ نگار مشتاق لغاری) گھوٹکی پولیس کا مجرموں کے خلاف کریک ڈاؤن، خطرناک گینگ گرفتار

تفصیل کے مطابق میرپور ماتھیلو اور ڈہرکی میں پولیس کی بڑی کارروائی کے دوران نیشنل ہائی وے اور لنک روڈز پر عوام کے لیے خوف کی علامت بننے والا خطرناک گینگ قانون کی گرفت میں آ گیا۔

گھوٹکی پولیس کی یہ کارروائی ڈاکٹر سمیع اللہ سومرو کی قیادت میں عمل میں آئی، جس میں اے ایس پی میرپور ماتھیلو محمد علی اعوان، ڈی ایس پی اوباڑو عبدالقادر سومرو، ایس ایچ او میرپور ماتھیلو عبدالرزاق انصاری، ایس ایچ او ڈھرکی سید قلب عباس شاہ، اور سی آئی اے پولیس گھوٹکی نے جدید ٹیکنالوجی کی مدد سے حصہ لیا۔

پولیس نے مختلف مقدمات میں مطلوب چار ملزمان کو گرفتار کر لیا، جن میں شامل ہیں:
نثار احمد ولد عبدالفتح چنہ،عامر ولد غلام عباس کورئی،نویر احمد ولد نظیر احمد ملک،نادر علی ولد محمد سومر نصیرانی (سکنہ لیبر کالونی میرپور ماتھیلو)

یہ ملزمان درج ذیل مقدمات میں پولیس کو مطلوب تھے: 🔹 10/2025 – دفعہ 393، 394 ت پ ،🔹40/2025– دفعہ 457، 380 ت پ
🔹 41/2025 – دفعہ 457، 380 ت پ .🔹 ،43/2025 – دفعہ 392 ت پ 🔹 16/2025 – دفعہ 457، 380 ت پ

پولیس نے ملزمان کے قبضے سے چوری شدہ موٹر سائیکل، تین سولر پلیٹیں اور دو سائیکلیں برآمد کر لی ہیں۔

پولیس حکام کا کہنا ہے کہ جرائم کے خاتمے کے لیے مزید کارروائیاں جاری رہیں گی اور عوام کے جان و مال کے تحفظ کو یقینی بنایا جائے گا۔