Category: سکھر

خیرپور(باغی ٹی وی ،مشتاق لغاری کی رپورٹ)زاہد علی گمبھیر کی صدارت پیپلز پارٹی ڈیجیٹل سکھر ڈویژن کی تعارفی میٹنگ

تفصیل کے مطابق پاکستان پیپلز پارٹی ڈیجیٹل سکھر ڈویژن کی اہم تعارفی میٹنگ جیلانی ہاؤس خیرپور میں منعقد ہوئی جس کی صدارت سکھر ڈویژن کے ہیڈ زاہد علی گمبھیر نے کی۔ اس میٹنگ میں پیپلز پارٹی ڈیجیٹل سکھر ڈویژن کے منتخب ہیڈز اور کوآرڈینیٹرز جن میں ضلع سکھر، گھوٹکی اور خیرپور کے نمائندگان شامل تھے نے شرکت کی۔

میٹنگ میں عطیق الرحمٰن پھلپوٹو، حنا شاہ جیلانی، سید پرویز علی شاہ جیلانی، فیروز احمد پھلپوٹو، رمیز احمد سومرو، میاں عبد الحفیظ انڈھڑ، عابد ٹانوری، وقار احمد بھیو، مونا شاہ، فیاض علی سومرو، رابیعہ عباسی، فتح علی رند، سبحان رند، فوزیہ ملاح، ارباب بلوچ، رابیل پروین پھلپوٹو اور یاسر رحمت سمیت دیگر اہم ذمے داران نے شرکت کی۔

زاھد علی گمبھیر نے اس شاندار اور کامیاب میٹنگ پر اظہار خیال کرتے ہوئے کہا کہ یہ پارٹی کے ڈیجیٹل پلیٹ فارم کو مزید مستحکم کرنے کے لیے ایک اہم قدم ہے۔ اس موقع پر ڈاکٹر نفیسہ شاہ کی سوشل میڈیا ٹیم کی جانب سے ڈیجیٹل میڈیا ڈسٹرکٹ خیرپور کی جانب سے زاھد علی گمبھیر کو شاندار کامیاب پروگرام پر مبارک باد پیش کی گئی۔

خیرپور (مشتاق علی لغاری کی رپورٹ) پیپلزپارٹی کے چیئرمین بلاول بھٹو زرداری کی سالگرہ کے موقع پر خیرپور میں منعقدہ ایک عظیم الشان جلسہ نے نئی تاریخ رقم کردی۔ جلسے میں ہزاروں جیالوں نے شرکت کی اور جلسہ گاہ "بلاول بھٹو زرداری وزیراعظم” کے نعروں سے گونج اٹھا۔ سابق ایم این اے و ضلعی صدر نواب علی وسان کی جانب سے منعقدہ اس تاریخی جلسے میں چیئرمین بلاول بھٹو کی سالگرہ کا کیک کاٹا گیا، جب کہ شاندار آتش بازی نے تقریب کو چار چاند لگا دیے۔

جلسہ میں صوبائی سیکرٹری اطلاعات عاجز دھامرہ کی شرکت کے ساتھ، نامور فنکاروں نے اپنے سریلے قومی گیتوں سے محفل کو مزید رنگین کر دیا۔ قدیمی اور تاریخی پھول باغ خیرپور عوام سے بھر گیا، جہاں جیالے بلاول بھٹو زرداری کی سالگرہ کی خوشی میں رقص کرتے رہے۔ پیپلزپارٹی کے جھنڈوں اور برقی قمقموں نے جلسہ گاہ کو خوبصورتی سے سجا دیا۔

نواب علی وسان اور عاجز دھامرہ نے جلسے سے خطاب کرتے ہوئے وفاق کو شدید تنقید کا نشانہ بنایا اور کہا کہ اگر سندھ کے ساتھ زیادتیاں بند نہ کی گئیں، تو عوامی عدالت میں جائیں گے۔ انہوں نے خبردار کیا کہ سندھ کے پانی یا حقوق پر ڈاکہ ڈالنے کی کوشش کی گئی تو "دمادم مست قلندر” ہوگا۔

عاجز دھامرہ نے مزید کہا کہ بلاول بھٹو زرداری کے وزارت خارجہ کے دور میں پاکستان کا عالمی امیج بہتر ہوا ہے اور ان کی قیادت اب ملک کے لئے ناگزیر بن چکی ہے۔ جلسے میں ہزاروں افراد کی شرکت اس بات کا ثبوت ہے کہ بلاول بھٹو زرداری کو وزیراعظم کے طور پر دیکھنے کی خواہش ملک بھر میں پائی جاتی ہے۔

انہوں نے 9 مئی کے واقعات اور عمران خان کی سیاست پر تنقید کرتے ہوئے کہا کہ تحریک انصاف کا باب ختم ہو چکا ہے اور اب پیپلزپارٹی ہی وہ جماعت ہے جو ملک کو درپیش مسائل سے نکالنے کی صلاحیت رکھتی ہے۔ آج کا جلسہ اس بات کا عملی ثبوت ہے کہ پیپلزپارٹی وفاق کی علامت ہے اور عوام کے مسائل حل کرنے کے لئے ہر ممکن جدوجہد کر رہی ہے۔

جلسہ سے انجمن تاجران کے صدر لالا غفار شیخ، علی شیر مکول، میڈم شازیہ شاہ، سردار زاہد پھلپھوٹہ، عبداللطیف شیخ، منیر حسین منگی اور دیگر نے بھی خطاب کیا۔

خیرپور(باغی ٹی وی نامہ نگار) پاکستان پیپلز پارٹی کے مرکزی رہنما اور سابق ایم این اے نواب علی وسان کو چیئرمین پاکستان پیپلز پارٹی بلاول بھٹو زرداری اور ادی فریال تالپور کی جانب سے خیرپور ضلع کا صدر منتخب کرنے پر خیرپور میں شاندار استقبال کیا گیا۔ نواب علی وسان خیرپور کی پہلی حدود کوٹ لالو سے وسان ہائوس خیرپور تک پہنچے تو ہزاروں جیالوں کا سونامی ان کا منتظر تھا۔

نواب علی وسان کا پچاس سے زائد مختلف مقامات پر استقبال کیا گیا، جہاں جیالوں نے انہیں پھول نچھاور کیے، سندھی ٹوپیاں، اجرکیں، پھولوں کی مالائیں اور بوسکی کے پٹکے پیش کیے۔ کوٹ لالو، پکا چانگ، کرونڈی، اکری چودگی، باغ بچرا، سوئی گیس، ننگریجا، جھنگو، کنب، عارف سولنگی، جسکانہ، کیریا مشین، کوٹ بنگلو، سوراھ چوک، درگاہ دیھ سوہو، لیاری، حسین آباد، مٹھڑی، جانی برڑا، شاہ لطیف یونیورسٹی چوک، مریم توب، چھتری چوک، نیشل بینک چوک اور دیگر مقامات پر بھی ہزاروں جیالوں اور جیالیوں نے نواب علی وسان کا والہانہ استقبال کیا۔

نواب علی وسان نے چیئرمین پاکستان پیپلز پارٹی بلاول بھٹو زرداری اور ادی فریال تالپور کا دل کی گہرائیوں سے شکریہ ادا کیا اور کارکناں سے خطاب کرتے ہوئے کہا کہ چیئرمین بلاول بھٹو زرداری اور ادی فریال تالپور نے جو ذمہ داری سونپی ہے، وہ اسے بھرپور طریقے سے نبھائیں گے۔ انہوں نے کہا کہ خیرپور ضلع میں کارکنان کے مسائل ترجیحی بنیادوں پر حل کریں گے اور انہیں روزگار کے ساتھ ساتھ تمام بنیادی سہولتیں فراہم کریں گے۔

نواب علی وسان نے مزید کہا کہ ضلع خیرپور کی عوام اکیلا محسوس نہ کریں، وہ ہمیشہ عوام کی خدمت کے لئے پیش پیش رہیں گے اور وسان ہائوس خیرپور کے دروازے عوام کی خدمت کے لئے چوبیس گھنٹے کھلے رہیں گے۔

میرپور ماتھیلو: جمیعت علماء اسلام (جے یو آئی) ضلع گھوٹکی کے امیر مولانا محمد اسحاق لغاری اور جنرل سیکرٹری مولانا محمد قاسم کھاوڑ نے تعلقہ ڈھرکی کے مجاہد ساتھی مولانا محمود مہر کے ہمراہ مولانا نثار احمد کلھوڑو کی والدہ کے انتقال پر گہرے دکھ اور افسوس کا اظہار کیا ہے۔

رہنماؤں نے مرحومہ کی مغفرت اور لواحقین کے لیے صبر جمیل کی دعا کی ہے۔ بعد ازاں، مولانا نثار احمد کو مسجد صدیق اکبر رضہ ماتھیلو چوک میں واپس ملنے پر مبارکباد پیش کی گئی۔

میرپورماتھیلو)باغی ٹی وی ،ںامہ نگارمشتاق لغاری): پیپلز پارٹی کے شعبہ خواتین کی مرکزی صدر و ایم پی اے فریال تالپور سے صوبائی وزراء اور ارکان اسمبلی نے ان کی رہائشگاہ زرداری ہاؤس کراچی میں ملاقات کی۔ اس موقع پر پی پی پی ایم این اے علی گوہر خان مہر اور ایم پی اے علی نواز خان مہر نے فریال تالپور کو عمرہ کی سعادت حاصل کرنے پر مبارکباد دی۔

ملاقات میں ضلع گھوٹکی کی سیاسی و تنظیمی صورتحال اور ترقیاتی اسکیموں کے حوالے سے تفصیلی مشاورت کی گئی۔ اس کے علاوہ، صوبائی وزراء شرجیل میمن، ناصر حسین شاہ، ضیاء الحسن لنجار اور ایم پی اے سہیل انور سیال نے بھی فریال تالپور سے ملاقات کی اور سندھ کے وزراء نے بھی عمرہ کی سعادت حاصل کرنے پر انہیں مبارکباد دی۔

ملاقات کے دوران سندھ سمیت ملک کی مجموعی سیاسی صورتحال اور تنظیمی امور پر تبادلہ خیال کیا گیا۔ فریال تالپور نے اس موقع پر کہا کہ پیپلز پارٹی کے وزراء اور ارکان اسمبلی کو یہ یقینی بنانا چاہیے کہ بارش متاثرہ علاقوں کو حکومتی امداد سے محروم نہ رکھا جائے۔ انہوں نے مزید کہا کہ پیپلز پارٹی کی قیادت اور جیالوں کا شعار عوامی خدمت اور جمہوریت کو مضبوط بنانا ہے۔

میرماتھیلو (نامہ نگارمشتاق علی لغاری): گھوٹکی میں سب انسپکٹر غلام مرتضیٰ جٹ نے پولیس ڈیپارٹمنٹ میں مدت ملازمت مکمل ہونے پر سب انسپکٹر ریٹائرہو گئے ہیں۔

ڈی ایس پی اباڑو حافظ عبدالقادر چاچڑ، ڈی ایس پی لیگل عطا محمد سومرو سمیت دیگر پولیس افسران اور جوانوں نے ایک تقریب میں رٹائر ہونے والے سب انسپکٹر کو سندھ کی روایتی اجرک، ٹوپی اور پھولوں کا ہار پہنا کر خراج تحسین پیش کیا۔

ڈی ایس پی اباڑو نے کہا کہ سب انسپکٹر غلام مرتضیٰ جٹ نےدوران ڈیوٹی محنت، ایمانداری اور حب الوطنی کا مظاہرہ کیا ہے۔ انہوں نے کہا کہ ریٹائر ہونے والے پولیس افسران اور اہلکاروں کے لیے ایس ایس پی آفس گھوٹکی کے دروازے ہمیشہ کے لیے کھلے ہیں۔

ڈی ایس پی لیگل عطا محمد سومرو نے بھی ریٹائر ہونے والے سب انسپکٹر کو مبارکباد دیتے ہوئے ان کی خدمات کو سراہا۔