Category: سکھر

میرپور ماتھیلو،باغی ٹی وی(نامہ نگار مشتاق علی لغاری)نصراللہ گڈانی قتل کیس,سیکنڈ سول جج کی چھٹی ، سماعت کل کے لیے ملتوی،عدالت کی ہدایت کے باوجود پولیس مقدمے کے گواہوں اور ورثاء کو تحفظ فراہم نہیں کر رہی ۔ وکیل

تفصیل کے مطابق نصراللہ گڈانی قتل کیس کی سماعت کرنےوالےسیکنڈ سول جج چھٹی پر ہونے کی وجہ سے سماعت کل کے لیے ملتوی کردی گئی،نصراللہ گڈانی قتل کیس 164 کی سماعت سیکنڈ سول جج کی عدالت میں ہونی تھی جو آج نہ ہوسکی،

نصراللہ گڈانی قتل کیس کے وکیل صلاح الدین پنہور کاکہنا تھا کہ سیکنڈ سول جج چھٹی پر ہونے کی وجہ سے سماعت نہ ہو سکی،سیکشن 164 کی سماعت کل دوبارہ سیکنڈ سول جج کی عدالت میں کی جائی گی،

وکیل صلاح الدین پنہور کاکہنا تھا کہ نصراللہ گڈانی کے ورثاء کو سیکورٹی تھریٹ ہیں انہیں کیس سے دستبردار ہونے کے لیے ہراساں کیا جا رہا ہے،عدالت کی ہدایت کے باوجود پولیس مقدمے کے گواہوں اور ورثاء کو تحفظ فراہم نہیں کر رہی .

وکیل صلاح الدین پنہور کاکہنا تھا کہ پولیس نےتحفظ دینے کے بجائے گذشتہ روز نصراللہ گڈانی کے گاؤں پر چڑہائی کردی.

یاد رہے کہ میرپور ماتھیلو سے تعلق رکھنے والے صحافی نصراللہ گڈانی پر 21 مئی کو فائرنگ کی گئی تھی جس کے بعد انہیں علاج کے لیے کراچی منتقل کیا گیا جہاں وہ زخموں کی تاب نہ لاتے ہوئے دم توڑ گئے تھے۔

میرپورماتھیلو،باغی ٹی وی(نامہ نگارمشتاق علی لغاری)گھر پر قبضہ کرنیوالے ملزمان سے پولیس مل گئی ،انصاف نہ ملاتو خود سوزی کرلوں گا۔ظفر لغاری

تفصیل کے مطابق ضلع گھوٹکی کی تحصیل میرپور ماتھیلو جروار کے نواحی گائوں خدابخش لغاری میں غنڈہ گردی کا واقعہ رونما ہواہے جس میں غنڈہ ٹیکس اور بھتہ وصول کرنیوالے بدمعاش شہزادہ لغاری نے اپنے غنڈوں کے لشکرکے ذریعہ غازی لغاری اور عباس لغاری کے گھر میں پر ناجائز قبضہ کرلیا،مزاحمت اور جھگڑے کے دوران غازی لغاری کا قیمتی موبائل فون اورپچاس ہزار روپے نقدرقم محمد نواز اور عمران لغاری لے کر بھاگ گئے ، اس جھگڑے میں ایک بچہ شدید زخمی ہوگیا اور گھر کی عورتوں پر بھی تشددکیاگیا،

ظفرلغاری نے اپنے ویڈیوبیان میں کہا کہ اس واقعہ کی اطلاع مقامی پولیس تھانہ جروارکودی گئی،اطلاع کے باوجود پولیس نہ موقع پر پہنچی اور نہ ہی ملزمان کیخلاف کوئی قانونی کارروائی کی گئی ہے،پولیس نے ملزمان کوگرفتار کرنے یا ان کے خلاف کوئی کارروائی کرنے کی بجائے مجھے پکڑ لیا.

ظفر لغاری کا کہنا تھا کہ تھانہ جروار کی پولیس ملزمان سے ملی ہوئی ہے ،جس کی وجہ ان بااثرملزمان کیخلاف پولیس کارروائی کرنے سے گریزاں ہے ،اس نے ڈی آئی جی سکھر ایس ایس پی گھوٹکی سمیر نورسے انصاف کی فراہمی کامطالبہ کیا ہے ، ظفر لغاری مزید کہناتھاکہ اگرانصاف نہ ملاتو اپنے گھر والوں کے ساتھ پیٹرول ڈال کر خودسوزی کرلوں گا۔

گھوٹکی ،باغی ٹی وی (نامہ نگارمشتاق علی لغاری)سکھربیراج کا گیٹ گرگیا،ہرقسم کی ٹریفک کیلئے بند ،ایمرجنسی نافذ

سکھر بیراج کا گیٹ نمبر 47 مرمتی کام کے دوران گرگیا۔محکمہ ایری گیشن کے مطابق بیراج کے گیٹ نمبر 47 اور 43 کے پلرز کو نقصان پہنچا ہے۔
گیٹ گرنے کے بعد سکھر بیراج پر ایمرجنسی نافذ کرکے اسے ٹریفک کے لیے بند کردیا گیا ہے۔

حکام کے مطابق بیراج کے گیٹ نمبر 47 سے پانی اوور ٹاپ ہوکر ڈاؤن اسٹریم میں جانے لگا ہے۔

سکھر بیراج روڈ سیل کردیا گیا ہے عوام سے اپیل کی گئی ہے کہ آمد و رفت کے لیۓ متبادل راستہ اختیار کریں

ذرائع کا بتانا ہے کہ سکھر بیراج پر گیٹوں کے مرمتی کام میں ناقص مٹیریل کی وجہ سے گیٹ نمبر 47 پانی کا پریشر برداشت نہ کر سکا اور دھماکے سے گر گیا اورسکھر بیراج کا گیٹ نمبر 43 بھی بینڈ ہوگیا ہے

سکھر بیراج گیٹ نمبر 44 اور گیٹ نمبر 45، 46 کو بھی نقصان پہنچا ہے،سکھر بیراج پر ایمرجنسی نافذ کردی گئی ہے اور بیراج چھوٹی بڑی ٹریفک کیلئے بند کر دیا گیا ہے۔

میرپورماتھیلو،باغی ٹی وی (نامہ نگارمشتاق علی لغاری)صحافی نصراللہ گڈانی کے قتل کا مرکزی ملزم گرفتار
ایس ایس پی گھوٹکی سمیر نور نے کہا ہے کہ صحافی نصر اللّٰہ گڈانی کے قتل کا مرکزی ملزم کو علاقہ یارو لونڈ میں واقع گھر سے گرفتار کیا گیا ہے۔

انہوں نے کہا کہ گرفتار ملزم سے واردات میں استعمال کی گئی موٹرسائیکل، نقدی اور موبائل فون برآمد کرلیا گیا، گرفتارملزم سے تحقیقات جاری ہیں تاہم قتل کی وجہ ابھی معلوم نہیں ہوسکی۔

ان کا کہناتھاکہ نصراللہ گڈانی قتل کیس میں 2 مزید ملزمان مطلوب ہیں، ملزم عبداللہ اور سہولت کار برکت فرار ہیں جنہیں جلد گرفتار کرلیں گے۔

یاد رہے کہ 21 مئی کو صحافی نصر اللّٰہ گڈانی میرپور ماتھیلو میں فائرنگ سے زخمی ہوئے تھے جس کے بعد انھیں رحیم یار خان لے جایا گیا تھا تاہم طبعیت نہ سنبھلنے پر انھیں کراچی کے نجی اسپتال میں منتقل کیا گیا تھا اور 24 مئی کو کراچی میں دوران علاج و ہ دم توڑ گئے تھے۔

میرپورماتھیلو،باغی ٹی وی (نامہ نگارمشتاق لغاری)پولیس نے مقتول صحافی نصراللہ گڈانی قتل کیس کا ایک ملزم گرفتارکرلیا۔دوسری طرف شہید صحافی نصر اللہ گڈانی کے قاتلوں کی عدم گرفتاری کے خلاف احتجاج کیا گیا

میرپور ماتھیلو میں قاتلانہ حملے میں جاں بحق ہونے والے صحافی کے قتل کیس میں ملوث ایک ملزم کو پولیس نے یارو لوند کے علاقے سے گرفتار کیا۔ پولیس کے مطابق گرفتار ملزم سے صحافی کے قتل میں استعمال موٹرسائیکل بھی برآمد ہوئی جب کہ ملزم کو تفتیش کےلیے نامعلوم مقام پر منتقل کردیاگیاہے۔

پولیس حکام کا کہنا ہے کہ ملزم کے ساتھیوں کی گرفتاری کےلیے چھاپے مارے جارہے ہیں، جلد ہی نصراللہ گڈانی قتل کیس میں ملوث دیگرملزمان کو بھی گرفتار کرلیں گے۔

یاد رہے کہ میرپور ماتھیلو سے تعلق رکھنے والے صحافی نصراللہ گڈانی پر 21 مئی کو فائرنگ کی گئی تھی جس کے بعد انہیں علاج کے لیے کراچی منتقل کیا گیا جہاں وہ زخموں کی تاب نہ لاتے ہوئے دم توڑ گئے تھے۔

دوسری طرف شہید صحافی نصر اللہ گڈانی کے قاتلوں کی عدم گرفتاری کے خلاف احتجاج کیا گیا ، صحافیوں اور سول سوسائٹی اور شہریوں نے ایس ایس پی آفس کے سامنے قومی شاہراہ پر دھرنا دے دیا

دھرنا شہید نصر اللہ گڈانی کی والدہ بچوں اور شہید نصر اللہ گڈانی پریس کلب کے صدر کی قیادت میں دیا گیا ہے ، دھرنے کے باعث سندھ اور پنجاب کی طرف جانب والی ٹریفک مکمل معطل ہو گئی، مسافر سخت پریشان ، مسافر اور مال بردار گاڑیوں کی لمبی قطاریں لگ گئیں

مظاہرین کاکہناتھاکہ 16 دن ہو گئے ہیں ابھی تک حملہ آورا دہشتگرد گرفتار نہیں کیئے گئے ہیں، پولیس پر اعتماد نہیں ہے جے آئی ٹی بھی بے سود ثابت ہوئی اس لئے عدالتی کمیشن بنایا جائے ، قاتلوں اور سہولت کاروں کو فوری گرفتار کیا جائے

میرپور ماتھیلو،باغی ٹی وی(نامہ نگار مشتاق علی لغاری)ڈہرکی میں محکمہ خوراک کی جانب سے کسانوں کو باردانہ فراہم نہ کرنے اور گندم کے مراکز پر خریداری نہ کرنے پر ڈہرکی تعلقہ بار ایسوسی ایشن کے نائب صدر وکیل غلام رسول مہر کی جانب سے ہائی کورٹ سکھر میں درخواست دائر کردی گئی

سکھرہائی کورٹ بنچ نے درخواست پر ضلع گھوٹکی کے محکمہ فوڈ اتھارٹی کے انسپکٹر اکبر رہڑ اور ڈی ایف سی اختر بوذدار کے ساتھ تحصیل دار ڈہرکی اشرف کو بتاریخ 04/06/2024 کو عدالت عالیہ میں طلب کرلیا ہے

وکیل غلام رسول مہر نے مؤقف اختیارکیا کہ باردانہ کسانوں کے بجائے محکمہ فوڈ انسپکٹروں نے بیوپاریوں، وڈیروں اور زمینداروں کو فروخت کیا ،
کسانوں کو باردانہ فراہم نہ کرنے میں مبینہ کرپشن پر درخواست دائر کردی گئی ہے

وکیل غلام رسول مہر نے بتایا کہ جس پر عدالت عالیہ نے محکمہ خوراک اور تحصیل دار کو کورٹ میں تمام ڈاکومینٹس کے ساتھ کورٹ میں پیش ہونے کا حکم دے دیا ہے،