Baaghi TV

Category: سائنس و ٹیکنالوجی

  • واٹس ایپ کے مالک مارک زکر برگ خود کونسی ایپ استعمال کرتے ہیں؟ تفصیلات سامنے آ گئیں

    واٹس ایپ کے مالک مارک زکر برگ خود کونسی ایپ استعمال کرتے ہیں؟ تفصیلات سامنے آ گئیں

    ایک سیکیورٹی محقق ڈیو والکر نے دعویٰ کیا ہے کہ مارک زکربرگ فیس بک کی زیرملکیت واٹس ایپ کی مخالف میسجنگ ایپ سگنل کا استعمال کرتے ہیں۔

    باغی ٹی وی : حال ہی میں میڈیا رپورٹس میں یہ دعویٰ سامنے آیا تھا کہ 50 کروڑ سے زیادہ فیس بک صارفین کا ذاتی ڈیٹا ایک ہیکنگ فورم پر دستیاب ہےاس وقت یہ بھی انکشاف کیا گیا تھا کہ فیس بک کے بانی مارک زکربرگ کی ذاتی تفصیلات بھی اس ڈیٹا میں شامل ہے۔

    یہ ڈیٹا 2019 میں ایک سیکیورٹی خامی کے نتیجے میں ہیکرز کے ہاتھ لگا تھا اور اب ایک سیکیورٹی محقق ڈیو والکر نے دعویٰ کیا ہے کہ مارک زکربرگ فیس بک کی زیرملکیت واٹس ایپ کی مخالف میسجنگ ایپ سگنل کا استعمال کرتے ہیں۔


    ٹوئٹ میں ڈیوڈ واکر کا کہنا تھا کہ مارک زکر برگ بھی اپنی پرائیویسی کا خیال رکھتے ہیں اس لیے وہ اینڈ ٹو اینڈ انکرپشن والی ایپ استعمال کرتے ہیں جو کہ فیس بک کی ملکیت نہیں ہے۔

    ڈیو والکر نے یہ دعویٰ ڈیوڈ واکر نے ٹوئٹ میں مارک زکر برگ کے سگنل ایپ کے اکاؤنٹ کا اسکرین شاٹ بھی پوسٹ کیا ہے۔

    ڈیو والکر نے یہ بھی بتایا کہ مارک زکربرگ کا مبینہ اکاؤنٹ 5 اپریل سے بند ہے۔

    انہوں نے یہ بھی عندیہ دیا کہ مارک زکربرگ بظاہر ٹیلی گرام پر نہیں تاہم اس میسجنگ ایپ میں صارف کو یہ سہولت فراہم کی گئی ہے کہ وہاں فون نمبر سے صارف کو تلاش نہ کیا جاسکے۔

    قیاس آرائیاں کی جارہی ہیں کہ یہ ممکن ہے کہ فیس بک کے بانی کی جانب سے سگنل کو اس لیے استعمال کیا جاتا ہو تاکہ وہ مخالف ایپ کو چیک کرسکیں گےیہ بھی امکان ہے کہ مارک زکربرگ کی جانب سے واٹس ایپ کی مخالف ایپ کا استعمال اس کے محفوظ ہونے کی وجہ سے کیا جاتا ہو۔

    یہ بتانے کی ضرورت نہیں کہ سگنل کے ڈیٹا کے تحفظ کو اولین ترجیح دی جاتی ہے اور اسی کو مدنظر رکھتے ہوئے سیکیورٹی، فیچرز اور دیگر پہلوؤں کو ڈیزائن کیا گیا۔

    دوسری جانب سگنل ایپ کی جانب سے بھی اپنے آفیشل اکاؤنٹ پر مارک زکر برگ کے سگنل ایپ استمعال کرنے کی خبر ٹوئٹ کی گئی ہے۔https://twitter.com/signalapp/status/1379284279163686913?s=20
    سگنل کی جانب سے ٹوئٹ میں کہا گیا واٹس ایپ کے ٹرمز آف سروس قبول کرنے کی 15 مئی کی ڈیڈلائن قریب آگی ہے، تو مارک زکربرگ مثال قائم کرنے میں سبقت لے گئے ہیں۔

    یاد ہےکہ اس ٹوئٹ میں واٹس ایپ کی نئی پرائیویسی پالیسی کا حوالہ دیا گیا ہے جس کا اطلاق پہلے فروری میں ہونا تھا مگر صارفین کے شدید ردعمل کے بعد اسے 15 مئی تک ملتوی کردیا گیا۔

    دوسری جانب اینڈرائیڈ اتھارٹی کی جانب سے رابطہ کرنے پر فیس بک کے ایک نمائندے نے اس پر بات کرنے سے انکار کردیا۔

    خیال رہے کہ حالیہ دنوں میں جب واٹس ایپ نے اپنی پرائیویسی پالیسی میں تبدیلی کی تو ایسے میں اسے سگنل ایپ کی جانب سے سخت مقابلے کا سامنا ہے اور دنیا بھر میں بڑی تعداد میں سگنل کو ڈاؤنلوڈ کیا جارہا ہے۔

    فیس بک کے بانی سمیت 50 کروڑ صارفین کی تفصیلات آن لائن لیک

  • اوپو نے اے سیریز کے 2 نئے اسمارٹ فونز متعارف کرا دیئے

    اوپو نے اے سیریز کے 2 نئے اسمارٹ فونز متعارف کرا دیئے

    سمارٹ فونز کمپنی اوپو نے 2 نئے اسمارٹ فونز اے 74 فور جی اور اے 74 فائیو جی متعارف کرادیئے ہیں۔

    باغی ٹی وی : اوپو اے 74(4 جی) کو فلپائن اور کمبوڈیا جبکہ اے 74(5 جی) کو تھائی لینڈ میں متعارف کرایا گیا۔

    اوپو اے 74 میں اینڈرائیڈ 11 آپریٹنگ سسٹم کا امتزاج کلر او ایس 11.1 سے کیا گیا ہے۔

    فوٹو بشکریہ اوپو
    اے 74 فور جی میں 6.43 انچ کا امولیڈ ڈسپلے دیا گیا ہے جبکہ فنگرپرنٹ سنسر اسکرین کے اندر نصب ہے۔

    فوٹو بشکریہ اوپو
    اس فون میں اسنیپ ڈراگون 662 پراسیسر دیا گیا ہے جس کے ساتھ 6 جی بی ریم اور 128 جی بی اسٹوریج دی گئی ہے جبکہ 5000 ایم اے ایچ بیٹری کے ساتھ 33 واٹ فاسٹ چارجنگ سپورٹ دی گئی ہے۔

    فوٹو بشکریہ اوپو
    اے 74 فور جی میں بیک پر 3 کیمروں کا سیٹ اپ موجود ہے جس میں مین کیمرا 48 میگا پکسل کا ہے جس کے ساتھ 2 میگا پکسل میکرو اور 2 میگا پکسل ڈیپتھ کیمرے دیئے گئے ہیں فون کے فرنٹ رپ 16 میگا پکسل سیلفی کیمرا پنچ ہول ڈیزائن میں چھپا ہوا ہے۔

    فوٹو بشکریہ اوپو
    دوسری جانب 5 جی ورژن میں اسنیپ ڈراگون 480 پراسیسر موجود ہے جس کے ساتھ 6 جی بی ریم اور 128 جی بی اسٹوریج موجود ہے۔

    5 جی کا ڈسپلے سائز بھی 4 جی ورژن جتنا ہی ہے تاہم اس میں ریفریش ریٹ 90 ہرٹز ہے، تاہم فنگرپرنٹ اسکینر ڈسپلے کے اندر نصب کرنے کی بجائے سائیڈ پر رکھا گیا ہے۔

    فوٹو بشکریہ اوپو
    5 جی ماڈل میں بھی 5000 ایم اے ایچ بیٹری دی گئی ہے جس کے ساتھ صرف 18 واٹ فاسٹ چارجنگ سپورٹ دی گئی ہے۔

    کمپنی کے مطابق یہ بیٹری لگ بھگ 18 گھنٹے مسلسل یوٹیوب ویڈیوز دیکھنے یا 10 گھنٹے گیمز کھیلنے کی سہولت فراہم کرتی ہے۔

    اے 74 فائیو جی کے بیک پر 4 کیمروں کا سیٹ اپ موجود ہے جس میں 3 کیمرے تو 4 جی ماڈل جیسے ہی ہیں تاہم ایک 8 میگا پکسل الٹرا وائیڈ اینگل کیمرا اضافی ہے۔

    فوٹو بشکریہ اوپو
    اوپو اے 74 فورجی کی قیمت 255 ڈالرز (39 ہزار پاکستانی روپے سے زائد) جبکہ اے 74 فائیو جی کی قیمت 285 ڈالرز (43 ہزار پاکستانی روپے سے زائد) رکھی گئی ہے۔

  • ٹوئٹر کی ایک نئے اور حیرت انگیز فیچر کی آزمائش

    ٹوئٹر کی ایک نئے اور حیرت انگیز فیچر کی آزمائش

    سماجی رابطے کی معروف ترین ویب سائٹ ٹوئٹر نے اپنی ایپ میں ایک نئے اور حیرت انگیز فیچر کو شامل کرنے کا اعلان کیا ہے-

    باغی ٹی وی : تفصیلات کے مطابق ٹوئٹر کے اس نئےفیچر کے ذریعے صارفین اپنی ٹائم لائن پر یوٹیوب ویڈیوز دیکھ سکیں گے یعنی نیا فیچر آنے کے بعد ، یوٹیوب ویڈیوز دیکھنے کے لیے صارفین کو الگ سے یوٹیوب ایپ پر ری ڈائریکٹ نہیں کرنا پڑے گا –

    کمپنی کا اس فیچر کے حوالے سے خیال ہے کہ اس سے صارفین کے لیے ٹوئٹر پر ویڈیو دیکھنا بہت آسان ہوگا۔

    ٹوئٹر کے اس نئے فیچر کا تجربہ ابھی امریکا ، جاپان ، کینیڈا اور سعودی عرب میں کیا جارہا ہے۔

    ٹویٹر کے ایک ترجمان نے کہا ہے کہ ہم چار ہفتوں کے لیے نئے فیچر کی جانچ کریں گے اور نتائج کی بنیاد پر اس کو لانچ کیا جائے گا۔

    واضح رہے کہ ٹوئٹر نےگزشتہ دنوں بھی دو نئے فیچرز کا اعلان کیا تھا جو ابھی جانچ کے مرحلے میں ہیں اعلان کیا گیا تھا کہ ٹوئٹر اگلے چند ہفتوں کے دوران دو فیچرز کی آزمائش کرنے جارہا ہے جس کے بعد ٹوئٹر ٹائم لائن پر تصویروں کا آدھے کے بجائے مکمل ویو نظر آئے گا اس فیچر تک رسائی کے بعد صارفین ٹوئٹر ٹائم لائن پر تصویروں کا مکمل ویو دیکھ سکیں گے۔

    جبکہ صارفین ہائی کوالٹی کی تصاویر یعنی 4k امیج کو بھی ٹوئٹر پر اپ لوڈ کرسکیں گے جب کہ اس فیچر تک رسائی بھی اینڈرائیڈ اور آئی او ایس صارفین کے لیے ہی ہوگی۔

    ٹوئٹر نے صارفین کو بڑی خوشخبری سنا دی

  • خبردار! آپ کا واٹس ایپ اکاؤنٹ چوری ہو سکتا ہے ، واٹس ایپ کے ٹیکنیکل گروپ ویب بیٹا انفو کی ٹوئٹ

    خبردار! آپ کا واٹس ایپ اکاؤنٹ چوری ہو سکتا ہے ، واٹس ایپ کے ٹیکنیکل گروپ ویب بیٹا انفو کی ٹوئٹ

    دنیا بھر میں مقبول میسیجنگ ایپ واٹس ایپ نے صارفین کو اکاؤنٹ چوری ہونے سے متعلق خبردار کردیا ہے ۔

    باغی ٹی وی : واٹس ایپ پر نظر رکھنے والی ویب بیٹا انفو نے اپنی ٹوئٹ میں واٹس ایپ صارفین کو اکاؤنٹ چوری ہونے سے متعلق خبردار کیا ہے ۔

    ویب بیٹا انفو نے اپنے ٹوئٹ میں بتایا کہ صارفین کو واٹس ایپ کی جانب سے کچھ ایسے پیغامات موصول ہوئے ہیں جن میں انہیں تصدیق کے لیے ایک مخصوص کوڈ بھیجنا ہوتا ہے ۔


    ویب بیٹا انفو نے بتایا کہ اس کوشش کے دوران صارف کو ایک پیغام موصول ہوتا ہے جس میں کہا جاتا ہے کہ واٹس ایپ کی جانب سے بھیجے گئے کوڈ کے ذریعے ثابت کیجیے یا پھر آپ کا اکاؤنٹ کل غیر فعال کردیا جائے گا۔

    تاہم واٹس ایپ کا کہنا ہے کہ وہ ایسا کوئی میسیج صارفین کو نہیں بھیج رہا اس لیے برائے مہربانی صارفین اپنے اکاؤنٹ کو محفوظ بنانے کے لیے ‘ٹو اسٹیپ ویری فکیشن’ کے فیچر کو فعال کریں۔


    ویب بیٹا نے اپنی ایک اور ٹوئٹ میں بتایا کہ واٹس ایسا کوئی کوڈ‌یا میسج نہیں بھیجتا تاہمخبرادار 6 ہندسوں کا کوڈ طلب کرنے والے اکاؤنٹس کو بلاک اور رپورٹ کریں۔

    ٹوئٹ میں مزید کہا گیا کہ واٹس ایپ اور واٹس ایپ سپورٹ کی جانب سے آپ سے کبھی بھی 6 ہندسوں کوڈ طلب نہیں کیا جائے گا۔

  • لانچ سے قبل ہی رئیل می وی 13 کے نئے فیچرز کی تفصیلات لیک ہوگئیں

    لانچ سے قبل ہی رئیل می وی 13 کے نئے فیچرز کی تفصیلات لیک ہوگئیں

    چین میں 31 مارچ کو رئیل می کا جی ٹی نیو باضابطہ طور پر پیش کیا جائے گا تاہم 31 مارچ سے قبل ہی رئیل می کے مِڈ رینج اسمارٹ وی 13 فائیو جی کے فیچرز کی تفصیلات لیک ہوگئی ہیں۔

    باغی ٹی وی : ویب سائٹ 92 موبائل کی رپورٹ کے مطابق وی 13 کی یہ تفصیلات مبینہ طور پر چینی سوشل نیٹ ورکنگ سائٹ ویبو پر شیئر کی گئی ایک ٹیزر تصویر کے ذریعے لیک کی گئیں جسے بعدازاں ٹوئٹر پر کچھ صارفین کی جانب سے شیئر کیا گیا تھا۔


    رپورٹ کے مطابق رئیل می وی 13 فائیو جی کا آفیشل پوسٹر گزشتہ ہفتے سامنے آیا تھا جس میں اس نئے اسمارٹ کی مختلف تفصیلات سامنے آئی تھیں۔

    یہ اسمارٹ فون 90 ہرٹز ڈسپلے، 5000 ایم ایے ایچ بیٹری، 256 جی بی اسٹوریج سے لیس ہوگا اور اس میں فائیو جی سپورٹ سسٹم بھی شامل ہوگا جو کہ اس کے نام سے ہی ظاہر ہے۔

    رپورٹ کے مطابق وی 13 فائیو جی کی اسکرین 6.52 انچ ہوگی اور 48 میگا پکسل ٹرپل کیمرا سسٹم موجود ہوگااس کے ساتھ ہی رئیل می کے اس مِڈ رینج فون کی 5000 ایم اے ایچ بیٹری کی سپورٹ کے لیے 18 واٹ فاسٹ چارجر بھی دستیاب ہوگا وی 13 میں رئیل میں یو آئی 2.0 اور اینڈرائیڈ 11 سسٹم موجود ہوں گے۔

    پوسٹر میں وی 13 کے کچھ ڈیزائن کی تفصیلات کی تصدیق بھی کی گئی تھی جیسا کہ پنچ ہول فرنٹ کیمرا، تین لینزز سے لیس چوکور شکل کا مرکزی کیمرا اور ایک سائیڈ پر موجود فنگر پرنٹ سینسر شامل ہیں۔

    رئیل می وی 13 فائیو جی سیاہ اور نیلے رنگوں میں دستیاب ہوگا اب رئیل می کی جو تصاویر لیک ہوئی ہیں وہ آفیشل پوسٹر سے ملتی جلتی ہیں-

    خیال رہے کہ چین میں 31 مارچ کو رئیل می کا جی ٹی نیو باضابطہ طور پر پیش کیا جائے گا اور اسی روز رئیل می کی دیگر نئی ڈیوائسز بھی متعارف کی جائیں گی۔

  • آب و ہوا میں تبدیلی اورہرجگہ منفی اثرات کی وجہ سےویسٹرن مونارک تتلیاں ناپید ہونے کے قریب

    آب و ہوا میں تبدیلی اورہرجگہ منفی اثرات کی وجہ سےویسٹرن مونارک تتلیاں ناپید ہونے کے قریب

    ایریزونا: پچھلی چند دہائیوں کے دوران حالیہ کئی مطالعات میں کیڑوں میں بڑے پیمانے پر کمی آئی ہےجن میں ویسٹرن بٹرفلائی بھی شامل ہیں-

    باغی ٹی وی : ویسٹرن بٹر فلائی ایک زمانے میں مشہور تتلیاں ہوا کرتی تھیں اور گزشتہ 40 سال سے اب تک ہرسال ان کی تعداد میں 1.6 فیصد کم ہورہی ہے اس حوالے سے بین الاقوامی سائنسی جریدے سائنس میں شائع ایک رپورٹ کے مطابق 450 مختلف اقسام کی تتلیوں کا سروے کیا گیا ہے جس سے معلوم ہوا ہے کہ 1980 سے اب تک ویسٹرن مونارک تتلیوں کی آبادی 99.9 کم ہوچکی ہے۔

    ’ چند برس قبل مونارک تتلیوں کی آبادی لاکھوں میں تھیں اور اب ان کی کل تعداد 2000 نوٹ کی گئی ہیں،‘ تحقیق میں شامل سائنسداں کیٹی پروڈِک نے کہا جو جامعہ ایریزونا سے تعلق رکھتی ہیں۔

    ان کے خیال میں ویسٹرن مونارک تتلیاں اب معدومیت کے قریب جاپہنچی ہیں۔ اس کے علاوہ کیبج وائٹ اور دیگر اقسام کی تتلیاں بھی تیزی سے ختم ہورہی ہیں کیونکہ ان کا قدرتی گھر (مسکن) تباہ ہورہا ہے اس کے علاوہ دور تک نقل مکانی کرنے والی ویسٹ کوسٹ لیڈی تتلیاں بھی غائب ہوتی جارہی ہیں۔

    اس تحقیق میں عام شوقین افراد، ماہرین اور تتلیوں سے وابستہ سائنسدانوں نے مغربی امریکا سے جمع کردہ 40 سالہ ڈیٹا پیش کیا ہے اس میں موسمیاتی تبدیلیوں اور تتلیوں کے قدرتی مسکن اور زمین کو بھی شامل کیا گیا ہے تاہم اس میں مغربی یورپ کے گنجان آبادیوں میں تتلیوں کا احوال بھی شامل ہے لیکن آب و ہوا میں تبدیلی ہر جگہ منفی اثرات کی وجہ بن رہی ہے اور تتلیوں کی اقسام معمولی گرمی سے بھی شدید متاثر ہورہی ہیں۔

    تحقیق میں کہا گیا ہے کہ موسمِ بہار سمیت پورے سال موسمی حدت بڑھ رہی ہے یہ تتلی جیسے حساس جاندار پر دباؤ ڈال رہا ہے ان کی نشوونما متاثر ہوتی ہے اورہائبرنیشن کا عمل بھی متاثر ہورہا ہے پھر موسمیاتی تبدیلیوں سے ان کی خوراک اور پودے بھی کم ہوتے جارہے ہیں اسی وجہ سے تتلیوں کی کئی اقسام نقل مکانی پر بھی مجبور ہیں مثلاً سویلوٹیل بٹرفلائی اپنے اصل مسکن سے 325 کلومیٹر دور جاچکی ہے-

  • ٹوئٹر کے بانی کی پہلی ٹوئٹ پاکستانی 45 کروڑ روپےکی زائد رقم کے عوض نیلام

    ٹوئٹر کے بانی کی پہلی ٹوئٹ پاکستانی 45 کروڑ روپےکی زائد رقم کے عوض نیلام

    مائکرو بلاگنگ ویب سائٹ ٹوئٹر کے بانی جیک ڈورسی کی پہلی ٹوئٹ تقریبا 3 کروڑ امریکی ڈالر اور پاکستانی 45 کروڑ روپے سے زائد میں فروخت کردی گئی۔

    باغی ٹی وی : ٹوئٹر کے بانی جیک ڈورسی کی اب سے 15 برس سے قبل کی گئی پہلی ٹوئٹ کو ایک ملائیشین نژاد ایرانی کاروباری شخص نے پاکستانی 45 کروڑ روپےکی زائد رقم کے عوض خرید لیا۔

    خبر رساں ادارے رائٹرز کی رپورٹ کے مطابق جیک ڈورسی کی جانب سے 22 مارچ 2006 کو کی جانے والی پہلی ٹوئٹ کو 2 کروڑ 90 لاکھ امریکی ڈالر سے زائد رقم میں نیلام کردیا گیا۔

    ٹوئٹر کے بانی کی پہلی ٹوئٹ کو آن لائن فروخت کیا گیا اور ٹوئٹ کی فروخت سے حاصل ہونے والی رقم بٹ کوائن کے طرز کی کریپٹو کرنسی میں وصول کی گئی جو پاکستانی 45 کروڑ روپے سے زائد پیسے بنتے ہیں۔

    جیک ڈورسی نے اپنی پہلی ٹوئٹ میں صرف یہ بتایا تھا کہ ’میں نے اپنا ٹوئٹر اکاؤنٹ بنالیا جیک ڈورسی کی اسی ٹوئٹ کو ڈیڑھ لاکھ قریب بار ری ٹوئٹ کیا گیا ہے جبکہ حال ہی میں کئی افراد نے ان کی مذکورہ ٹوئٹ پر کمنٹس کرکے انہیں اس کی خریداری کے لیے رقم کی پیش کش بھی کی تھی۔

    جیک ڈورسی کی ٹوئٹ کو فروخت کرنے سے حاصل ہونے والی رقم براعظم افریقہ سمیت دیگر خطوں کے غریب ممالک کے افراد میں فلاحی کاموں میں خرچ کی جائے گی۔

    خیال رہے کہ ’ٹوئٹر‘ کا آغاز 21 مارچ 2006 کو ہوا تھا اور جیک ڈورسی نے پہلی ٹوئٹ 22 مارچ کو کی تھی اس وقت ٹوئٹر کو دنیا بھر کے 50 کروڑ تک افراد استعمال کرتے ہیں، اس پلیٹ فارم کی سالانہ کمائی تقریبا 65 ارب امریکی ڈالر ہوتی ہے۔

    ٹوئٹر کو زیادہ تر سیاستدان، سماجی رہنما اور انسانی حقوق پر کام کرنے والے افراد استعمال کرتے ہیں، یہ پلیٹ فارم زیادہ تر حالات حاضرہ اور دنیا کو درپیش مسائل اور ان کے حل کے لیے استعمال ہوتا ہے جبکہ وہاں پر شروع ہونے والے ٹرینڈز دنیا میں بہت کچھ کرا سکتے ہیں۔

    ٹوئٹر کے زیادہ تر صارفین کی عمریں 35 سے 65 سال کے درمیان ہیں اور جبکہ اندازے کے مطابق ٹوئٹر پر خواتین کے صرف 35 فیصد اکاؤنٹس ہیں اور مرد حضرات کے اکاؤنٹس کی تعداد 65 فیصد تک ہے۔

    ٹوئٹر کی صارفین کیلئے دو نئے فیچرز کی آزمائش

    ٹوئٹر نے صارفین کو بڑی خوشخبری سنا دی

  • خلائی کاٹھ کباڑ کو تلف کرنے والا مقناطیسی بردار سیٹلائٹ

    خلائی کاٹھ کباڑ کو تلف کرنے والا مقناطیسی بردار سیٹلائٹ

    گزشتہ 70 برس سے خلا میں جانے والے راکٹ، ناکارہ سیٹلائٹ اور دیگرخلائی حادثات سے جو خلائی کاٹھ کباڑ جمع ہوچکا ہے اسے تلف کرنے کے لیے جاپان نے ایک سیٹلائٹ بنایا ہے جو 20 مارچ کو یعنی آج خلا میں بھیجا جائے گا۔

    باغی ٹی وی : ایکسپریس کی رپورٹ کے مطابق ایسٹرواسکیل کمپنی کے سیٹلائٹ کا نام ’ اینڈ آف لائف سروسز(ایلسا ڈی)‘ رکھا گیا ہے حقیقت میں یہ سیٹلایٹ دو حصوں میں تقسیم ہے یعنی ایک چھوٹا سیٹلائٹ ہے اور ایک بڑا سیٹلائٹ جسے ’چیزر‘ کہا گیا ہے۔

    چھوٹے سیٹلائٹ میں ایک مقناطیسی پلیٹ لگی ہے جس کے ذریعے وہ بڑے سیٹلائٹ سے الگ ہوسکتا ہے اور جڑ سکتا ہے لیکن پہلے سیٹلائٹ جوڑے کو کئی ٹیسٹ سے گزارا جائے گا۔

    رپورٹ کے مطابق پہلے مدار میں رہتے ہوئے چھوٹا سیٹلائٹ الگ ہوگا اور بڑا سیٹلائٹ اسے دوبارہ پکڑے گا۔ دوسرے ٹیسٹ میں بڑا سیٹلائٹ چھوٹے کو راہ سے دور ہٹائے گا اور اس کی حرکت کو نوٹ کرتے ہوئے اس کا پیچھا کرکے اسے دوبارہ جوڑے گا۔ ان دونوں کی کامیابی کی صورت میں اب چھوٹا سیٹلائٹ کئی سو میٹر دور جائے گا اور بڑا سیٹلائٹ اسے تلاش کرکے اس سے دوبارہ جڑے گا۔ یہ سارے ٹیسٹ کسی بھی قسم کی انسانی مداخلت کے بغیرخود کار انداز میں ہوں گے۔

    ایسٹرواسکیل کمپنی کے مطابق اس سے قبل ایسا خلائی تجربہ نہیں کیا گیا ہے تجربے کے خاتمے پر دونوں سیٹلائٹ زمین کا رخ کریں گے۔ خلا سے فضا میں پہنچیں گے اور اس کی رگڑ اور حدت سے جل کر راکھ ہوجائیں گے۔

    فوٹو بشکریہ ایکسپریس
    اگلے مرحلے میں یہی سیٹلائٹ خلا میں بھیجا جائے گا اور اپنے تجربات کی روشنی میں ناکارہ سیٹلائٹ یا خلائی کوڑے کے بڑے ٹکڑے کو چپکا کر بڑے سیٹلائٹ تک دھکیلے گا۔ اس طرح ایک وقت میں ایک ناکارہ سیٹلائٹ کو مدار سے نکال کر زمین پر دھکیلا جائے گا۔ اگرچہ یہ محنت طلب اور صبرآزما کام ہے لیکن خلائی کچرے کو صاف کرنے کا اس سے بہتر کوئی اور راستہ دکھائی نہیں دے رہا۔

    پھر بعض ممالک خود چاہتے ہیں کہ ان کا ناکارہ یا مدت پوری کرنے والا سیٹلائٹ کسی طرح مدار بدر کردیا جائے انہی ممالک کے اخراجات سے یہ کمپنی آگے کام کرے گی اور خلائی کچرے کو ٹھکانے لگائے گی۔

    واضح رہے کہ مدار میں گردش کرتا ہوا کوڑا کرکٹ نہ صرف مزید خلائی مشن کے لیے ایک رکاوٹ بن چکا ہے بلکہ اس کی زد میں آنے والا خلائی اسٹیشن بھی کسی حادثے کا شکار ہوسکتا ہے۔ خلائی کچرے کے لاکھوں کروڑوں ٹکڑے مدار میں بہت تیزی سے سفر کرتے ہیں اور وہ باہر موجود خلانورد کو بھی نقصان پہنچاسکتے ہیں۔

  • پنجاب حکومت ڈیجیٹل پنجاب کی جانب گامزن

    پنجاب حکومت ڈیجیٹل پنجاب کی جانب گامزن

    شیخوپورہ ( )ڈپٹی کمشنر شیخوپورہ محمد اصغر جوئیہ نے کہا کہ وزیراعظم پاکستان عمران خان کے ویژن اور وزیراعلیٰ پنجاب سردار عثمان بزدار کی قیادت میں بورڈ آف ریونیو پنجاب کی جانب سے عوام کو گھر کی دہلیز پر اراضی ریکارڈ کی فراہمی جاری ہے۔ عوام کو گھر کی دہلیز پر اراضی ریکارڈ کی بلا دشواری فراہمی نظام میں جدت کی جانب اہم پیش رفت ہے ۔ڈپٹی کمشنر نے کہا کہ صوبہ پنجاب وزیراعلیٰ پنجاب سردار عثمان بزدار کی قیادت میں حالات حاضرہ کے تقاضوں کے عین مطابق ڈیجیٹل پنجاب کی جانب تیزی سے گامزن ہے ،پنجاب کو ڈ یجیٹل تقاضوں سے ہم آہنگ کرنے کا مقصد صدیوں پرانے فرسودہ نظام سے نجات حاصل کرناہے ۔انہوں نے کہا کہ وزیراعلیٰ پنجاب عثمان بزدار کی قیادت میں حکومت عوام کی سہولت کے لئے انقلابی اصلاحات لے کرآئی ہے جس کے تحت دیہی آبادی کو اراضی کی فرد اور انتقال کی سہولت دیہات کی سطح پر فراہمی کےلئے 107دیہی مراکز مال قائم کئے گئے ہیں اور یکم جون 2021تک 200سے زائد مراکز مال قائم کئے جا چکے ہوں گے جبکہ 20موبائل اراضی ریکارڈ سنٹر ز بھی کام کر رہے ہیں۔ ڈپٹی کمشنر نے کہا کہ با آسانی جائیداد کی رجسٹریشن کروانے کے لئے 9ون ونڈو پراپرٹی رجسٹریشن سنٹرز قائم کئے جا چکے ہیں۔ ڈپٹی کمشنر نے کہا کہ حکومت کی موثر پالیسیوں کے باعث14ؒٓلاکھ ایکڑسے زائد سرکاری اراضی کو واگزار کرایا جا چکا ہے جس کی مالیت 425ارب سے زائد ہے۔ 425ارب روپے کی سرکاری اراضی کو واگزار کرانا حکومتی کارکردگی کا منہ بولتا ثبوت ہے۔ ڈی سی نے کہا کہ حکومت عوامی مسائل کے فوری حل کے لئے ہرمہینے کی یکم تاریخ کو ریونیو عوامی خدمت کچہری کا انعقاد کرتی ہے جس میں اب تک 40ہزار شکایات موصول ہوئیں جن میں سے 39ہزار شکایات کا ازالہ کیا جا چکا ہے۔ ڈپٹی کمشنر محمد اصغر جوئیہ نے کہا کہ ای سٹام کا اجراءپنجاب حکومت اور بورڈ آف ریونیو کا قابل تقلید اقدام ہے انہوں نے کہا کہ خواتین ،معذوراور بزرگ شہریوں کے لئے خدمات کی فراہمی اور ریکارڈ کے لئے آن لائن فرد کے اجراءکی سہولت بھی فراہم کی جا چکی ہے،اراضی ریکارڈ کی فراہمی کے لئے 4ممالک کے سفارتخانوں میں اور سیز اراضی ریکارڈ سنٹرز کا قیام بھی عمل میں لایا جا چکا ہے جو کہ سفارتی سطح پر بڑی کامیابی ہے ۔ ڈپٹی کمشنر نے کہا کہ وزیراعلیٰ پنجاب نے ذاتی کاوشوں سے لمبڑ داری سسٹم کی تجدیدکرواتے ہوئے 38ہزار لمبڑ داروں کو کارڈز کا اجراءاور ان کے لئے گرانٹس بحال کروائی ہیں۔

  • واٹس ایپ نے بیک ایپ چیٹس کی حفاظت کے لئے نیا فیچرپیش کر دیا

    واٹس ایپ نے بیک ایپ چیٹس کی حفاظت کے لئے نیا فیچرپیش کر دیا

    دنیا بھر میں مقبول میسجنگ ایپ واٹس ایپ اپنے کلاؤڈ بیک اپ کی حفاظت کے لیے ایک نئے فیچر پر کام کر رہا ہے جسے ’پاس ورڈ پروٹیکشن‘ کا نام دیا گیا ہے جس سے بیک اپ چیٹس محفوظ ہوجائیں گی۔

    باغی ٹی وی :واٹس ایپ دنیا کی مقبول ترین میسیجنگ ایپلی کیشن ہے جس کے ماہانہ صارفین کی تعداد 2 ارب سے زیادہ ہے، فیس بک کی زیر ملکیت اس ایپ میں صارفین کے لیے مسلسل نت نئے فیچرز سامنے آتے رہتے ہیں، جو عام صارفین تک پہنچنے سے قبل بیٹا ٹیسٹرز کو دستیاب ہوتے ہیں-

    اگرچہ واٹس ایپ چیٹس پیغام بھینجنے اور وصول کرنے والے کے درمیان خفیہ ہوتی ہیں کوئی اور اسے نہیں دیکھ سکتا تاہم یہ تحفظ گوگل ڈرائیو اور آئی کلاؤڈ پر محفوظ آن لائن بیک اپ میں نہیں ہوتا۔

    تاہم اس ضرورت کو دیکھتے ہوئے اب واٹس ایپ اپنے کلاؤڈ بیک اپ کی حفاظت کے لیے ایک نئے فیچر پر کام کر رہا ہے جسے ’پاس ورڈ پروٹیکشن‘ کا نام دیا گیا ہے جس سے بیک اپ چیٹس محفوظ ہوجائیں گی یہ سہولت اینڈرائیڈ اور آئی او ایس کے صارفین کے لیے دستیاب ہوگی-

    اس حوالے سے واٹس ایپ پر نظر رکھنے والی ویب سائٹ انفو بیٹا کا ٹوئٹر پر کہنا ہے کہ اپنے آئکلائڈ ڈرائیو بیک اپ تک غیر مجاز رسائی کو روکنے کے لئے اب صارفین ایسا پاس ورڈ ترتیب دے سکتے ہیں جو مستقبل کے بیک اپ کو محفوظ کرنے کے لئے استعمال ہوگا اور جب بھی صارف بیک اپ چیٹس کو بحال کرے گا تو اسے پاس ورڈ کی ضرورت ہوگی۔


    جب بھی کوئی بیک اپ چیٹ تک رسائی کی کوشش کرے گا تو واٹس ایپ فوری طور پر فون نمبر کے ذریعے تصدیق لیے بغیر رسائی نہیں دے گا تاہم صارف کے لئے ضروری ہوگا کہ وہ اپنا پاس ورڈ یاد رکھے کیوںکہ پاس ورڈ بھولنے کی صورت میں بازیافت کی سہولت میسر نہیں اور ایسا بیک اپ چیٹس کو محفوظ بنانے کے لیے کیا گیا ہے۔

    اس سے قبل بیک اپ کی حفاظت کلاؤڈ سروس فراہم کرنے والوں کی ذمہ داری ہوتی ہے جو ماضی میں صرف قانون نافذ کرنے والے اداروں کے پاس جائز سرچ وارنٹ کے ساتھ قابل رسائی بناتے رہے ہیں تاہم پاس ورڈ پروٹیکشن کے بعد ایسا کرنا بھی ممکن نہیں ہوسکے گا۔

    واٹس ایپ کا صارفین کے لئے نیا فیچرمتعارف

    واٹس ایپ کی ویڈیوز شئیرکرتے ہوئےغیر ضروری آوازوں کو میوٹ کرنے سے صارفین کی متعلق آگاہی

    واٹس ایپ صارفین ماہانہ کتنے میسجز اور کالز کرتے ہیں ڈیٹا جاری

    واٹس ایپ کا فیس بک طرز کا ’سائن آؤٹ‘ فیچر متعارف کروانے کا فیصلہ

    واٹس ایپ کا صارفین کو نئی پرائیویسی پالیسی پر نظر ثانی کا موقع

    ایک فون میں دو واٹس ایپ اکاؤنٹس استعمال کرنے کا طریقہ

    واٹس ایپ نے براؤزر اور ڈیسک ٹاپ پر آڈیو اور ویڈیو کال کا فیچر متعارف کروادیا

    ڈیسک ٹاپ ورژن: موبائل انٹر نیٹ کے بغیرکمپیوٹر کی مدد سے واٹس ایپ کال کرنے کا طریقہ