پاکستان شوبز انڈسٹری کی معروف اداکارہ و ماڈل نمرہ خان نے پاکستان شوبز انڈسٹری کی اُبھرتی ہوئی نوجوان اداکارہ یشما گل کو اپنی بیسٹ دوست قرار دیا ہے۔

باغی ٹی وی : سماجی رابطے کی ویب سائٹ انستاگرام پر اداکارہ نمرہ خان نے اپنی ایک ٹک ٹاک ویڈیو شئیر کی جس میں ان کے ساتھ اداکارہ یشماگل بھی ہیں نمرہ خان نے ویڈیو شیئر کرتے ہوئے یشما گل کو اپنی بہترین دوست بھی قرار دیا-
https://www.instagram.com/p/CGSN_8TgHhO/?igshid=mp6pk3qh63gk
نمرہ خان کی جانب سے شئیر کی گئی ویڈیو میں دیکھا جا سکتا ہے کہ نمرہ خان اور یشما گِل ٹک ٹاک بنانے کی کوشش کر رہی ہیں جبکہ ویڈیو کے کیپشن میں نمرہ خان نے زندگی میں دوستوں کی اہمیت بتاتے ہوئے لکھا کہ کبھی کبھار بہترین دوست کے ساتھ تفریح کرنا آپ کے لیے تھراپی ثابت ہوتی ہے۔

نمرہ خان نے اپنی پوسٹ میں یشما گِل کو ٹیگ بھی کیا ہے نمرہ خان کی پوسٹ کو مداحوں کی جانب سے کافی پسند کیا جا رہا ہے ایک مداح نے لکھا کہ دو خوبصورت لڑکیاں ایک فریم میں جس پر یشما گل نے ماشاءاللہ لکھا ایک صارف نے لکھا کہ آپ دونوں بالکل ایک جیسی دکھائی دے رہی ہیں جیسے جُڑواں ہوں صارف کےاس تبصرے پر نمرہ خان اور یشما گل دونوں نے تھینکس لکھا اور یشما گل نے نمرہ خان کو یشما گل نے مخاطب کرتے ہوئے لکھا کہ یہ کمنٹ چیک کرو-

مداحوں کے ساتھ ساتھ اداکارہ یشما گل نے بھی کمنٹ کرتے ہوئے لکھا کہ وہ اس ویڈیو کو اپنے انسٹا گرام اکاؤنٹ پر ری پوسٹ کر رہی ہیں ۔
یشما گل نے اپنے انسٹاگرام پر ویڈیو شئیر کرتے ہوئے لکھا کہ نمرہ خان ٹک ٹاک بنانے میں جتنی ماہر ہیں انہوں نے بھی ایک کو شش کی ہے مگر وہ اس کوشش میں ناکام ہو گئیں۔
https://www.instagram.com/p/CGSZkibjNqc/?igshid=18gva6traijwr
یشما گل نے لکھا کہ ٹک ٹاک بنانا اُن کے بس کی بات نہیں ہے مگر پھر بھی اُن کی یہ ویڈیو بہت مزاحیہ بنی ہے۔

یشما گل کی پوسٹ پر صارف نے دونوں اداکاراؤں جو بہنیں قرار دیا-

پاکستان کی باصلا حیت اور خوبرو اداکارہ حرا مانی نے سوشل میڈیا پر مداحوں کو بتایا کہ جب سیٹ پر اُنہیں اپنے بیٹے کی یاد آتی ہے تو وہ کیا کرتی ہیں۔

باغی ٹی وی : پاکستان ڈرامہ انڈسٹری کی باصلاحیت اور خوبرو اداکارہ و ماڈل حرا مانی سوشل میڈیا پر کافی متحرک رہتی ہیں اور آئے روز اپنی ویڈیوز اور تصاویر اپنے مداحوں کے ساتھ شیئر کرتی رہتی ہیں جن میں اکثر تصاویر اور ویڈیوز میں ان کے شوہر اور مزاحیہ اداکار و میزبان مانی بھی موجود ہوتے ہیں جنہیں مداحوں کی جانب سے خوب پسند کیا جاتا ہے-

حرا مانی نے سماجی رابطے کی ویب سائٹ انسٹاگرام پر چند تصاویر شیئر کی ہیں جن میں وہ بچوں والے منہ بنائے بیٹھی ہیں اور ایسے منہ بنا کے بیٹھے ہوئے وہ انتہائی خوبصورت اور کیوٹ نظر آ رہی ہیں۔
https://www.instagram.com/p/CGSUXuTHdhw/?utm_source=ig_embed
حرا مانی نے انسٹاگرام پر شیئر کرتے ہوئے مداحوں کو بتایا کہ وہ ایسے منہ کیوں بنا ئے ہوئے ہیں اداکارہ نےکیپشن میں بتایا کہ جب اُنہیں سیٹ پر اپنے بیٹے ابراہیم کی یاد آتی ہے تو وہ ایسی حرکتیں کرتی ہیں۔

اس سے قبل حرا مانی نے سوشل میڈیا پر مداحوں کے ساتھ اپنی تصویروں سے متعلق مسئلہ شیئر کیا تھا جو کہ صرف اداکارہ کا ہی نہیں بلکہ ہر لڑکی کا ہے اداکارہ نے انسٹاگرام پر اپنی دو تصاویر شئیر کرتے ہوئے مداحوں کو بتایا تھا کہ انہوں نے 10 تصاویر لی تھیں جس میں سے بس یہی دو اچھی آئی ہیں-

اداکارہ کے اس کیپشن پر عامر لیاقت کی بیوی سیدہ طوبیٰ عامر نے بھی کمنٹ کرتے ہوئے لکھا تھا کہ یہ ہماری زندگیوں کی کہانی ہے-

حرامانی کو تصاویر سے متعلق کیا مسائل درپیش ہیں؟

یمنیٰ زیدی کی سوشل میڈیا پر وائرل حالیہ تصاویر پر شہزاد شیخ کا دلچسپ ردعمل

خود کو پاکستان میں نہیں بلکہ بیرون ملک میں محفوظ محسوس کرتی ہوں کومل عزیز

پاکستان ڈرامہ انڈسٹری کی خوبصورت اور باصلاحیت ماڈل و اداکارہ عائزہ خان کو رنگ گورا کرنے والی کریم فائزہ بیوٹی کریم کی برانڈ ایمبیسیڈر بننے پر سوشل میڈیا صارفین کی جانب سے تنقید کا نشانہ بنایا گیا-

باغی ٹی وی : معروف اور بالاحیت اداکارہ عائزہ خان سوشل میڈیا پر متحرک رہتی ہیں اور آئے دن اپنے نت نئے فوٹو شوٹس کی تصاویر شئیر کرتی رہتی ہیں جن پر مداح خوب صدقے واری جاتے ہیں اور تعریفوں بھرے کمنٹس کرتے ہیں-

اداکارہ عائزہ خان نہ صرف اپنی بلکہ کبھی کبھار اپنے بچوں اور شوہر دانش تیمور کے ساتھ لی گئیں تصاویر بھی مداحوں کے ساتھ شئیر کرتی ہیں جنہیں مداحوں کی جانب سے خوب سراہا جاتا ہے-

ڈرامہ سیریل پیارے افضل سے شہرت حاصل کرنے والی اداکارہ نے نہ صرف اداکاری کے میدان میں کامیابیوں کے جھنڈے گاڑے ہیں بلکہ سوشل میڈیا پر بھی بے پناہ مقبولیت حاصل کی ہے انسٹاگرام پر اداکارہ کےفالوورزکی تعداد 7.3 ملین ہو گئی ہے اور اس طرح اداکارہ پاکستان میں انسٹاگرام پر سب سے زیادہ فالوورز حاصل کرنے والی اداکاراؤں میں دوسرے نمبر ہیں-
https://www.instagram.com/p/CF90R2th7B1/?igshid=1rxarmzbejt74
اداکارہ نے حال ہی میں اپنے ایک فوٹو شوٹ کی کچھ تصاویر اور ویڈیو اپنے انسٹاگرام اکاؤنٹ پرشئیر کیں ہیں جس مین انہوں نے بتایا کہ وہ رنگ گورا کرنے والی کریم فائزہ بیوٹی کریم کے لئے انہوں نے یہ فوٹو شوٹ کروایا ہے اور وہ مذکورہ برانڈ کی برانڈ ایمبیسیڈر بن گئی ہیں-
https://www.instagram.com/p/CF9y-H0hhaK/?igshid=roqtlqhes8p1
ان تصاویر ہر جہاں مداحوں نے اداکارہ کی خوبصورتی کی توریف کرتے ہوئے انہیں کوئین قرار دیا وہیں کچھ صارفین نے اداکارہ کو رنگ گورا کرنے والی کریم کی تشہیر کرنے ٔر تنقید کا نشانہ بھی بنایا-
https://www.instagram.com/p/CF9zRkfhGL9/?igshid=1i7w3zhj9l22v
https://www.instagram.com/p/CF9zkEeB-Wb/?igshid=1wexii74qkjwn
ایک صارف نے یہ کریم بالکل فلاپ ہے اور عائزہ خان نے اس کو پروموٹ کر کے ہمیں مایوس کیا ہے ایک صارف نے لکھا کہ دُکھ کا اظہار کرنے والی ایموجی کا استعمال کرتے ہوئے لکھا کہ ہمیں اپ سے یہ امید نہیں تھی اپ نے ہمیں مایوس کیا ہےایک صارف نے لکھا کہ آپ بہت خوبصورت ہے لیکن آپ نے اس کی تشہیر کا کیوں حصہ بنیں آپ نے اپنے مداحوں کو مایوس کیا ہے کیوں آپ نے یہ ایڈ کیوں کی-

ایک صارف نے لکھا کہ عائزہ فائزہ بیوٹی کریم آپ اپنے منہ کیا پاؤں پر بھی نہیں لگائیں گی تو جو پراڈکٹ آپ خود استعمال نہیں کر رہیں تو پھر عوام کو کیوں استعمال کرنے کا مشورہ دے رہی ہیں کیا صرف پیسوں کے لئے آپ تو پہلے سے ہی بہت امیر ہیں آپ کو ان فیک پراڈکٹس کی تشہیر کرنے کی ضرورت نہیں ہے-

ایک صارف نے لکھا کہ اس ٹوکسک پراڈ کٹ کی تشہیر کرنے سے پہلے آپ عوام کی اس کے بارے میں رائے دیکھ لیتیں-

واضح رہے کہ اس سے قبل اداکارہ و ماڈل آمنہ الیاس رنگ گورا کرنے والی کریم کی تشہیر کرنے والی اداکاراؤں پربرہم ہو ئیں تھیں انہوں نے اپنی ٹویٹ میں ساتھی اداکاراؤں پر برہمی کا اظہار کرتے ہوئے لکھا تھا کہ انڈسٹری سے وابستہ میری کچھ ساتھی اداکارائیں پیسوں کی خاطر ایک عرصے سے رنگ گورا کرنے والی کریم کی تشہیر کر رہی ہیں۔

نہوں نے کہا تھا کہ عوامی شخصیت ہونے کے ناطے ہمارا یہ کام ہے کہ ہم دوسرے کو اس کی خوبصورتی کا احساس کرائیں نہ کہ اسے شرمندہ کریں کہ وہ خوبصورت نہیں ساتھ ہی انہوں نے یہ بھی کہا کہ اس طرح کی فکر کو پروان چڑھانے والوں کو شرم آنی چاہے۔

دوسری جانب موسمیاتی تبدیلی کی وزیر مملکت زرتاج گل نے انکشاف کیا ہے کہ پاکستان میں رنگ گورا کرنے والی 59 میں سے 57 کریموں میں کینسر پیدا کرنے والے عناصر شامل ہیں۔

پرو پاکستا نی نیوز ویب سائٹ سے موصولہ اطلاعات کے مطابق وزارت کے ذریعہ کرائے گئے ایک سروے میں انکشاف ہوا ہے کہ 59 میں سے 57 کریم میں مرکری کی سطح 1pbm سے زیادہ ہے جو تشویش کی بات ہے۔

گل نے کہا کہ رنگت گورا کرنے والی مصنوعات کے تیار کنندگان کو مشورہ دیا گیا ہے کہ وہ سال 2020 کے آخر تک مصنوعات سے پارہ یعنی مرکری کی سطح کو 1pbm تک کم کرے-

زرتاج گُل نے بتایا کہ حکومت جلد کی مصنوعات میں پارے اور دیگر نقصان دہ مادوں کے استعمال کو کنٹرول کرنے کی کوشش کر رہی ہے۔ انہوں نے میڈیا پر بھی زور دیا کہ وہ رنگ گورا کرنے والی مصنوعات سے متعلق گمراہ کن اشتہاروں کی حوصلہ شکنی کریں۔

سماجی رابطے کی ویب سائٹ ٹوئٹر پر بھی اپنے ٹوئٹ میں زرتاج گُل نے بتایا کہ رنگ چٹا کرنے والی ہر وہ کریم جس میں پارے کی مقدار خطرناک شرح تک ہے، اس کے خلاف میری وزارت ایکشن لے رہی ہے، لائحہ عمل تیار کیا جا چکا ہے۔ ایسی ہر کریم کا غیر مناسب پرچار نہ صرف معاشرتی گراوٹ اور کم خود اعتمادی کا باعث ہے، بلکہ انسانی صحت کے لئے بھی انتہائی مضر ہے۔

حریم شاہ کا خوبصورتی سے متعلق خصوصی پیغام

آمنہ الیاس رنگ گورا کرنے والی کریموں کی تشہیر کرنے والی اداکاراؤں پر برہم

آمنہ الیاس کا گہری رنگت کے حوالے سے ایک اہم پیغام

سہانا خان کو رنگ پر تنقید کا سامنا ، سوشل میڈیا صارفین نے کالی چڑیل کہہ دیا

رنگ گورا کرنے والی 59 میں سے 57 کریموں میں کینسر پیدا کرنے والے عناصر شامل ہوتے ہیں زرتاج گُل

سانولی رنگت اور موٹاپا کوئی مذاق نہیں ہے آمنہ الیاس

آمنہ الیاس کا منہ پر آٹا لگا کر رنگ گورا کرنے والوں کے لئے خصوصی پیغام

پاکستان ٹی وی انڈسٹری کے ابھرتے ہوئے نوجوان اداکار نعمان سمیع نے اپنا انسٹاگرام اکاؤنٹ ڈیلیٹ کر دیا ہے –

باغی ٹی وی :نعمان سمیع نے اپنا انسٹاگرام اکاؤنٹ ڈیلیٹ کر دیا ہے اور اداکار مکمل طور پر انسٹاگرام سے غیر فعال ہیں جبکہ اداکار کے اس اقدام کے بعد سے مداحوں کی جانب سے تشویش کا اظہار کیا جارہا ہے اور سوشل میڈیا پر قیاس آرائیاں جاری ہیں کہ اداکار نے اداکارہ علیزے شاہ سے دوستی ختم ہوجانے پر یہ قدم اٹھایا۔
https://www.instagram.com/p/CGUCItwFZfr/?igshid=1wcsbhkc3mteq
اداکار کے اس طرح انسٹا گرام سے ڈی ایکٹیویٹ ہونے پر سوشل میڈیا صارفین اس کا الزام علیزے شاہ کو دیتے ہوئے تنقید کا نشانہ بنا رہے ہیں-

خیال رہے کہ اداکار کے انسٹاگرام پر 3 لاکھ 36 ہزار فا لوورز ہیں-

یاد رہے کہ گزشتہ ماہ سے اداکارہ علیزے شاہ اور نئے اداکار نعمان سمیع نے انسٹاگرام پر ایک دوسرے کو فالو کرنا ختم کردیا تھا دونوں نے ایک دوسرے کے ہمراہ شیئر کی گئیں تمام تصویریں اور ویڈیوز بھی ڈیلیٹ کر دیں جس سے صارفین کی جانب سے قیاس آرائیاں کی گئیں تھیں کہ دونوں فنکاروں نے راہیں جدا کر لی ہیں۔

علیزے اور نعمان کی قریبی دوستی کے چرچے زبان زد عام و خاص تھے دونوں ڈراموں کے علاوہ متعدد تقریبات میں بھی اکھٹے دکھائی دیتے تھے اور ایک دوسرے کے لئے سوشل میڈیا پر معنی خیز پیغامات بھی جاری کرتے تھے یہاں تک کہ علیزے شاہ نے نعمان سمیع سے اظہار محبت بھی کیا تھا اُنہوں نے اپنی پوسٹ میں لکھا کہ کیا تم چاند کی چاندنی میں میرے ساتھ رہو گے؟ علیزے شاہ کے ’پرپوزل‘ کے جواب میں نعمان سمیع نے فوری ہاں کردی تھی۔

جبکہ اکثر و بیشتر اداکارہ ایسی پوسٹس شئیر کرتی رہتی تھیں جن سے ان کے مداحوں کی جانب سے قیاس کیا جاتا تھا کہ دونوں کی دوستی جلد کسی دوسرے رشتے میں تبدیل ہوجائے گی۔

خیال رہے کہ دونوں اداکاروں نے حال ہی میں نشر ہونے والے ڈرامے میرا دل میرا دشمن میں اکھٹے کام کیا تھا-

علیزے شاہ اور نعمان سمیع نے راہیں جدا کر لیں؟

ایک کروڑ فالوورز رکھنے والی پاکستان کی نمبر ون ٹک ٹاک اسٹار جنت مرزا کا کہنا ہے کہ وہ جلد ہی پاکستان چھوڑ کر جاپان منتقل ہونے کا ارادہ رکھتی ہیں۔

باغی ٹی وی :جنت مرزا نے سوشل میڈیا پر ’سوال و جواب‘ کے وائرل ٹرینڈ میں حصہ لیتے ہوئے اپنی ایک انسٹاگرام پوسٹ میں مداحوں کو سوال کرنے کی دعوت دی، اس ٹرینڈ میں شامل ہوتے ہوئے جنت مرزا کے مداحوں نے اپنی پسندیدہ ٹک ٹاکر سے مختلف سوالات کئے جس کے انہوں نے دلچسپ جواب دئیے۔

ایک صارف نے جنت سے ٹک ٹاک کے بارے میں پوچھا کہ کیا یہ بین ہی رہے گا یا اس پر سے پابندی ہٹ جائے گی-

اس صارف کے جواب میں جنت مرزا نے کہا کہ یہ جلد ہی اس پر سے پابندی ہٹ جائے گے-

ایک صارف نے پوچھا کہ کیا آپ جاپان شفٹ ہو رہی ہیں جس پر ٹک ٹاکر نے ہاں میں جواب دیا-

ایک صارف نے پوچھا آپ کا کرش کون ہے جس پر جنت مرزا نے ہنسنے والا ایموجی بناتے ہوئے کیا بہت ہیں-

ایک صارف کے سوال کے جواب میں جنت نے بتایا کہ وہ تین بہنیں ہیں-

ایک صارف نے پوچھا آپ جاپان سے کب واپس آ رہی ہیں جس پر جنت مرزا نے بتایا کہ وہ نومبر میں واپس مُلک آئیں گی-

ایک صارف نے مشورہ دیتے ہوئے کہا کہ آپ عمر سے شادی کر لو بس پرفیکٹ کپل ہے اور کیمسٹری تو ماشاءاللہ دونوں کی بہت اچھی ہے-

جس پر جنت نے ہنستے ہوئے کہا کہ اللہ معاف کرے عمر سے شادی کرنے سے بہتر ہے خود کُشی نہ کر لوں-

جنت مرزا نے بتایا کہ ان کا پسندیدہ رنگ لائٹ گرین ہے-

ایک صارف نے پوچھا کہ آپ جاپان میں کیوں شفٹ ہونا چاہتی ہیں جس پر جنت مرزا نے کہا کہ کیونکہ پاکستان بہت پیارا اور اچھا ہے لیکن پاکستان کے لوگوں کی ذہنیت اچھی نہیں-

ایک صارف نے کہا کہ آپ کی فلم کا بہت انتظار ہے جس پر جنت مرزا نے کہا مجھے بھی بہت انتظار ہے-

ایک صارف نے کہا گھر میں کس سے زیادہ نزدیک ہیں ٹک ٹاکر نے کہا والد سے-

واضح رہے کہ پاکستان کے شہر فیصل آباد سے تعلق رکھنے والی جنت مرزا نے ملک کا نمبر ون ٹک ٹاک ماڈل ہونے کا اعزاز بھی اپنے نام کرلیا جنت مرزا ایک کروڑ فالوورز کے ساتھ پاکستان میں کسی بھی سوشل میڈیا پلیٹ فارم پر سب سے زیادہ فالوورز رکھنے والی ٹک ٹاک ماڈل بن گئی ہیں-

ٹک ٹاک اسٹار کا کہنا تھا کہ ’کبھی نہیں سوچا تھا کہ میں شوق شوق میں یہاں پہنچ جاؤں گی جب آپ کسی سے حسد نہیں کرتے تو صلہ مل ہی جاتا ہے۔

جنت مرزا نے ایک انٹرویو میں بتایا تھا کہ اُن کی پاکستانی معروف ہدایتکار سید نور کی ہدایات میں بننے والی فلم تکمیل کے آخری مراحل میں ہے جس میں صائمہ سمیت دیگر معروف فنکاروں نے کام کیا ہے-

ٹک ٹاک اسٹار نے کہا تھا کہ انہوں نے شوقیہ طور پر ٹک ٹاک ویڈیوز بنانا شروع کیں تاہم دیکھتے ہی دیکھتے اتنی مقبولیت حاصل ہوئی جس کے بعد سید نور صاحب اور صائمہ جی نے خود اُن سے رابطہ کیا اور فلم میں کام کرنے کی پیشکش کی۔

انہوں نے فلم میں کام کے متعلق بتایا کہ شروع میں والدین نے اجازت نہیں دی تاہم سید نور صاحب نے خود والد سے رابطہ کرکے درخواست کی کہ اُن کی فلم ایک فیملی فلم ہوگی اور شوٹنگ کا ماحول بھی اچھا ہوگا جس کے بعد والد صاحب کی اجازت سے فلم میں کام کرنا شروع کیا شوٹنگ کے دوران والدہ بھی ساتھ ہی ہوتی ہیں۔

یاد رہے کہ حال ہی میں جنت مرزا نے بلال سعید کے گانے ’شاعر‘ کی ویڈیو میں محمد علی جوش کے ساتھ میوزک ویڈیو میں ڈیبیو کیا تھا۔

بلال سعید اور ٹک ٹاک جنت مرزا کا گانا ریلیز

ٹک ٹاک سٹار جنت مرزا کے پہلے گانے نے دھوم مچا دی ، یوٹیوب ٹرینڈنگ میں ٹاپ پر

حاسدین میری تصویریں فوٹو شاپ کر کے مجھے بدنام کرنے کی کوشش کررہے ہیں جنت مرزا

جنت مرزا ایک کروڑ فالوورز رکھنے والی پہلی پاکستانی ٹک ٹاک اسٹار بن گئیں

ایک کروڑ فالوورز مکمل ہونے کی خوشی میں جاپان میں جنت مرزا اور اُن کی فیملی کے اعزاز میں خصوصی تقریب کا انعقاد

پاکستان میں ٹک ٹاک پر پابندی کے بعد جنت مرزا کا سوشل میڈیا پر دلچسپ ردعمل

جنت مرزا پی ٹی اے ( پاکستان ٹیلی کمیونی کیشن اتھارٹی) کی شکر گزار کیوں؟

جنت مرزا کا ٹک ٹاکرز کو اہم مشورہ

پاکستان ٹی وی انڈسٹری کے معروف اور نامور ماڈل و اداکار منیب بٹ کا کہنا ہے کہ میری ذاتی رائے ہے کہ پاکستانی عوام کی وجہ سے ہی انڈسٹری میں ’ارطغرل‘ جیسے ڈرامے نہیں بنتے کیوں کہ وہ جس چیز کو دیکھنا چاہتے ہیں چینلز مالکان وہی بنانے پر مجبور ہوتے ہیں۔

باغی ٹی وی :رواں سال اپریل سے وزیراعظم عمران‌ خآن کی ہدایت پر پاکستانی سرکاری ٹی وی پر شہرہ آفاق ترک ڈرامہ سیریل ’دیریلیش ارطغرل‘ کو اُردو میں ڈب کر کے ارطغرل غازی کے نام سے نشر کیا جا رہا ہے جس نے پاکستان مئں مقبولیت کے نئے ریکارڈ قائم کئے اور عوام نے اس ڈرامے کو دیوانوں کی حد تک پسند کیا جس کے بعد عوام ملک میں بھی ارطغرل جیسے تاریخی واسلامی واقعات پر مبنی ڈرامے بنائے جانے کے حق میں بولتے دکھائی دی۔ڈرامہ نہ صرف ّوام مین بے حد پسند کیا گیا بلکہ کئی معروف شخصیات اور شوبز ستارے بھی اس ڈرامے کے سحر میں مبتلا دکھائی دے رہے ہیں-

جن میں پاکستانی اداکار و ماڈل منیب بٹ بھی شامل ہیں-اس حوالے سے منیب بٹ سے ایک انٹرویو کے دوران کہا کہ پاکستان میں ارطغرل کی آمد کے بعد زیادہ تر لوگ پاکستانی انڈسٹری کے خلاف ہوگئے ہیں اور پاکستانی اداکاروں اور ڈراموں کو تنقید کا نشانہ بنارہے ہیں اس حوالے سے میری ذاتی رائے یہ ہے کہ ’ارطغرل‘ جیسے ڈرامے بہت کم بنتے ہیں۔

منیب بٹ نے کہا کہ میں خود اس ڈرامے کا بہت بڑا مداح ہوں مجھ سمیت میرے تمام گھر والے اس ڈرامے کو دیکھتے ہیں اور مجھے تو لگتا ہے کہ میرے گھر والوں نے میرا کوئی ڈرامہ اس طرح نہیں دیکھا جس طرح وہ سب ارطغرل دیکھ رہے ہوتے ہیں لیکن حققیت یہ ہے کہ اس ڈرامے کے بعد ایک لیول سیٹ ہوگیا ہے اور مداح اب تمام پاکستانی ڈراموں کو اسی پیمانے پر ناپ رہے ہیں۔

اداکار نے کہا کہ جس طرح کچھ عرصہ پہلے لوگوں پر ’میرے پاس تم ہو‘ جیسے ڈرامے کا بھوت سوار تھا اور اب ارطغرل آگیا جو اچھی بات ہے لیکن اس کا نقصان یہ ہوا کہ اس کے بعد ہماری انڈسٹری پر انگلیاں اٹھائی جارہی ہیں کہ ہم لوگ ایسے تاریخی اور اسلامی واقعات پر مبنی ڈرامے کیوں نہیں بنارہے ہیں۔

منیب بٹ نے مزید کہا کہ میں سمجھتا ہوں کہ لوگوں یہ بات سمجھانا بہت ضروری ہے کہ پاکستانی انڈسٹری پر جو تنقید ہورہی ہے اس میں صرف ہم قصوروار نہیں بلکہ عوام بھی اس میں برابر کے شریک ہیں کیوں کہ وہ جو چیز دیکھنا یا خریدنا چاہیں گے چینل مالکان وہی چیز دکھائیں گے اور ہمیں پتہ ہے لوگ کس قسم کا مواد دیکھنا چاہتے ہیں اس لیے ہمیں بھی وہی ڈرامے کرنے پڑتے ہیں اگر لوگ دیکھنا بند کردیں گے تو ایسے ڈرامے بننا بھی بند ہوجائیں گے۔

اداکار نے کہا کہ ہماری ٹی وی انڈسٹری میں جو چکربازی ہوتی ہے یعنی بہو کا کسی اور کے بہنوئی کے ساتھ چکر یا سسر کا بہو کے ساتھ چکر مجھے بھی پسند نہیں اور یہ دیکھنے میں بھی بہت عجیب لگتے ہیں جب کہ معاشرے میں بہت کچھ ہورہا ہوتا ہے لیکن لازمی نہیں کہ سب کچھ دکھایا جائے مگر عوام شاید دیکھنا ہی یہی چاہتے ہیں اس لیے ایسے ڈرامے مسلسل بنتے ہیں۔

ارطغرل غازی کو پاکستان میں سب سے زیادہ کیوں دیکھا جاتا ہے وزیر اعظم عمران خان نے…

ارطغرل غازی صرف یہ ثابت کرنے کے لئے پاکستان لایا تھا کہ فحاشی کے بغیر بھی ریٹنگ آ…

پاکستان شوبز انڈسٹری کی نامور ماڈل و اداکارہ آمنہ الیاس آج کل سانولے رنگ اورموٹی جسامت والے افراد کی حمایت میں سوشل میڈیا پر آواز بُلند کرتے دکھائی دے رہی ہیں اُن کا کہنا ہے کہ سانولے رنگ یا موٹاپے کو مذاق بنانا اب ختم ہوجانا چاہیے-

باغی ٹی وی : ماڈل آمنہ الیاس ایسے افراد جو اپنے سانولے رنگ اور موٹے جسم کو شرمندگی کا باعث سمجھتے ہیں، ہمیشہ اُن کے لیے آواز بلند کرتی نظر آئی ہیں، اُن کا کہنا ہے کہ سانولے رنگ یا موٹاپے کو مذاق بنانا اب ختم ہوجانا چاہیے۔

اس حوالے سے انہوں نے دسماجی رابطے کی ویب سائٹ انسٹاگرام پر ایک ویڈیو جاری کی ہے جس میں انہوں نے ایک منفرد انداز اپناتے ہوئے کم رنگ اور موٹے افراد کا مذاق اُڑانے والوں کے لیے حوصلہ افزا پیغام جاری کیا ہے۔
https://www.instagram.com/p/CGSFmssn0SD/?utm_source=ig_embed
انسٹاگرام پر شیئر کردہ ویڈیو میں اداکارہ کہہ رہی ہیں کہ سانولی رنگت اور موٹاپا کوئی مذاق نہیں ہے بلکہ یہ ایک بیماری ہے اور میری جنگ ہے اس بیماری کے ساتھ اور میں جب تک زندہ ہوں۔اتنی دیر میں کمرے کا دروازہ کھلتا ہے اور ایک خاتون آمنہ سے کہتی ہیں کہ ’آمنہ کوئی آیا ہے‘ جس پر وہ پوچھتی ہیں کہ ’کون آیا ہے امی؟

جواب میں خاتون کہتی ہیں کہ وہی کالا موٹا سا تیرا دوست۔

اس سے قبل بھی گہری رنگت اور گورر رنگ کرنے والی کریموں کے حوالے سے ہمیشہ آواز بلند کرنے والی اداکارہ آمنہ الیاس نے اس بار منفرد انداز اپناتے ہوئے مختلف کریموں کے استعمال سےرنگ گورا کرنے کی خواہش رکھنے والوں کو پیغام دیا تھا کہ وہ گہری رنگت کی وجہ سے احساس کمتری کا شکار نہ ہوں اور رنگ تبدیل کرنے کے بجائے خود کو پہچانیں۔

آمنہ الیاس نے ایک ویڈیو شیئر کی تھی جس میں وہ کہتی نظر آ رہی تھیں کہ میں آمنہ الیاس آپ میری کامیابی کی وجہ جاننا چاہتے ہیں؟ اس کے بعد انہوں نے اپنے منہ پر آٹا لگایا اور کہا کہ اب کریں گے میرے مداح میرا انتخاب، خدا کے لیے پہچانو خود کو۔

اس سے قبل اداکارہ آمنہ الیاس نے سماجی رابطے کی ویب سائٹ ٹوئٹر پر اپنی ٹویٹ میں ساتھی اداکاراؤں پر برہمی کا اظہار کرتے ہوئے لکھا تھا کہ انڈسٹری سے وابستہ میری کچھ ساتھی اداکارائیں پیسوں کی خاطر ایک عرصے سے رنگ گورا کرنے والی کریم کی تشہیر کر رہی ہیں-

انہوں نے کہا تھا کہ عوامی شخصیت ہونے کے ناطے ہمارا یہ کام ہے کہ ہم دوسرے کو اس کی خوبصورتی کا احساس کرائیں نہ کہ اسے شرمندہ کریں کہ وہ خوبصورت نہیں ساتھ ہی انہوں نے یہ بھی کہا تھا کہ اس طرح کی فکر کو پروان چڑھانے والوں کو شرم آنی چاہے۔

آمنہ الیاس نے اپنی ٹوئٹ میں ہیش ٹیگ اینڈ کلرازم یعنی رنگت کے فرق کا خاتمہ بھی استعمال کیا تھا-

اس سے قبل آمنہ الیاس نے سوشل میڈیا پر اپنی گہری رنگت کے حوالے سے ایک اہم پیغام جاری کیا تھا انہوں نے کہا تھا کہ میری گہری رنگت مجھے ناکام نہیں کرسکتی اور نہ ہی مجھے میرے کسی بھی مقصد میں گرا سکے گی-

آمنہ الیاس نے کہا تھا کہ میری جلد چاہے جیسی بھی ہو مجھے اس سے کوئی فرق نہیں پڑتا میں اپنے مقاصد کو حاصل کرنے کے لیے ہر ممکن کوشش کروں گی اور اُنہیں حاصل کرکے رہوں گی-

حریم شاہ کا خوبصورتی سے متعلق خصوصی پیغام

آمنہ الیاس رنگ گورا کرنے والی کریموں کی تشہیر کرنے والی اداکاراؤں پر برہم

آمنہ الیاس کا گہری رنگت کے حوالے سے ایک اہم پیغام

سہانا خان کو رنگ پر تنقید کا سامنا ، سوشل میڈیا صارفین نے کالی چڑیل کہہ دیا

رنگ گورا کرنے والی 59 میں سے 57 کریموں میں کینسر پیدا کرنے والے عناصر شامل ہوتے ہیں زرتاج گُل