Category: شوبز

پاکستان شوبز انڈسٹری کی معروف ماڈل و اداکارہ منال خان کی برانڈ کے لئے کئے گئے فوٹوشوٹ کی ایک ویڈیو وائرل ہونے کے بعد صارفین کی جانب سے شدید تنقید کا نشانہ بنایا جا رہا ہے-

باغی ٹی وی : منال خان کا شمار پاکستان شوبز انڈسٹری کی نہ صرف مقبول اداکاراؤں اور ماڈلز میں ہوتا ہے بلکہ وہ سوشل میڈیا پر بھی کافی متحرک رہتی ہیں۔ ان دنوں منال خان کے دو ڈرامے ’جلن‘ اور ’نند‘ لوگوں میں کافی پسند کیے جارہے ہیں اور لوگ ان کی اداکاری کی تعریف بھی کررہے ہیں۔
https://www.instagram.com/p/CFoyPbpAlyZ/?igshid=zaa9vw6rfdyk
تاہم حال ہی میں بورجان شوز برانڈ کے لئے کئے گئے ایک فوٹوشوٹ کے سیٹ سے ان کی ایک ویڈیو وائرل ہوگئی جس میں ان کا لیٹنے کا انداز لوگوں کو ایک آنکھ نہیں بھایا اور لوگوں نے ان کو شدید تنقید کا نشانہ بنایا-

ویڈیو میں منال خال اور ماڈل حسین لہری کسی برانڈ کے فوٹوشوٹ کے لیے موجود ہیں اور منال خان سیٹ پر لیٹی ہوئی ہیں۔ لوگ ان کے لیٹنے کے انداز پر کافی تنقید کررہے ہیں۔ ایک صارف نے کہا کہ ہماری پاکستانی انڈسٹری بالی وڈ کی جانب جا رہی ہے کچھ صارفین نے کہا کہ منال خان ان کی پسندیدہ ایکٹریس ہیں لیکن ان کی اس ویڈیو نے انہیں مایوس کیا ہے-

کچھ صارفین نے منال خان کی اس ویڈیو پر ایمن خان کی تعریف کی اور کہا کہ ایمن نے کبھی ایسے شوٹس نہیں کروائے جبکہ ایک صارف نے ماہرہ خان کا نام لیتے ہوئے کہا کہ وہ شوبز انڈسٹری کی صف اول کی اداکارہ ہیں لیکن آج تک انہوں نے بھی اس طرح کا شوٹ نہیں کروایا منال آپ کس کو فالو کر رہی ہیں اور پھر آپ اور یاسر حسین کہتے ہیں کہ ارطغرل غازی کوکیوں پروموٹ کیا جا رہا ہے-

ایک صارف نے کہا کہ صرف یہ دونوں بہنیں ہی اچھی تھیں لیکن اب منال نے تو ساری حدیں ہی پار کر دی ہیں- جبکہ صارفین نے تو بورجان شوز برانڈ کا ہی بائیکاٹ کرنے کا مطالبہ کر دیا-

https://www.instagram.com/p/CFozDL2AYKt/?igshid=1xc0k37mblbr

وزیراعظم عمران خان نے نوجوانوں کو کتاب ’محبت کے چالیس اصول‘ پڑھنے کا مشورہ دیا ہے۔

باغی ٹی وی : وزیر اعظم عمران خان نے سماجی رابطے کی ویب سائٹ انسٹاگرام پرکتاب محبت کے چالیس اصولوں کی تصویر پر مبنی ایک پوسٹ شئیر کی-
https://www.instagram.com/p/CF4c8MlHcof/
شیئر کی گئی پوسٹ میں وزیر اعظم نے نوجوانوں کو مشورہ دیتے ہوئے لکھا کہ اس اکتوبر میں اپنے نوجوانوں سے کہتا ہوں کہ وہ ایلف شفق کی ’محبت کے چالیس اصول‘ پڑھیں جو عشق حقیقی پر ایک بہت ہی پراثر کتاب ہے۔

وزیراعظم عمران خان نے لکھا کہ اس میں صوفی ازم، مولانا محمد جلال الدین رومی اور ان کے مرشد شمس تبریزی پر گفتگو کی گئی ہے میں نے کتاب چند سال قبل پڑھی تھی اور اس سے بہت زیادہ متاثر ہوا تھا۔

واضح رپے کہ ایلف شفق ترکی اور انگریزی کی مشہور ناول نگار ہیں۔ انہوں نے اپنے اس ناول میں رومی و شمس کی محبت کو نہایت دلچسپ انداز میں اکیسویں صدی کے ایک کردار کے ذریعے تحریر کیا ہے۔ اس کتاب کا 2017 میں اردو ترجمہ بھی ہوچکا ہے۔

علاوہ ازیں عمران خان نے اپنی ایک انسٹاگرام پوسٹ میں دنیا بھر کے نوجوانوں کو زندگی گزارنے کے حوالے سے ایک معنی خیز پیغام دیا-
انسٹاگرام پر وزیراعظم عمران خان نے اپنی ایک تصویر شئیر کی تصویر دیکھ کر لگ رہا ہے جیسے وہ واک کر رہے ہیں-
https://www.instagram.com/p/CF6rf_tHwog/
تصویر شئیر کرتے ہوئے عمران خان نے لکھا کہ دنیا بھر کے نوجوانوں کے لئے میرا پیغام: زندگی کبھی بھی ایک سیدھی لکیر میں نہیں ، زندگی سائیکل میں گذرتی ہے۔ جہاں ایک ختم ہوجاتا ہے اس پر انحصار ہوتا ہے کہ کس طرح ایک اعلی اور نچلے پوائنٹس کے ساتھ نقل و حرکت کرتا ہے۔

عمران خان نے لکھا کہ وہ جو کامیاب ہوتے ہیں وہ کبھی بھی برے وقت سے مایوسی کا شکار نہیں ہوتے اس کے بجائے تجزیہ کرتے ہیں اور اپنی غلطیوں سے سبق لیتے ہیں اور اسی وجہ سے وہ مضبوط تر ہوتے ہیں۔ اور جب اونچائی پر ہوتے ہیں تو وہ کبھی بھی کامیابی سے دور نہیں ہوتے ہیں اس کے بجائے ناگزیر شروع ہونے سے پہلے اس رفتار کو طول دینے کے لئے سخت محنت کرتے ہیں۔

پاکستان ٹی وی انڈسٹری کی اُبھرتی ہوئی اداکارہ علیزے شاہ کی نئی ٹک ٹاک ویڈیوز سوشل میڈیا پر وائرل ہوگئیں جنہیں صارفین کی جانب سے خوب سراہا جا رہا ہے-

باغی ٹی وی :پاکستان شوبز انڈسٹری کی ابھرتی ہوئی خوبرو اور نوجوان اداکارہ علیزے شاہ نے سوشل میڈیا ویب سائٹ انسٹاگرام اسٹوری اپنی نئی ٹک ٹاک ویڈیو شیئر کی جس میں وہ ایک بھارتی فلم کے ڈائیلاگ پر اداکاری کرتی نظر آرہی ہیں۔

انسٹاگرام اسٹوری میں شیئر کی جانے والی ٹک ٹاک ویڈیو میں علیزے شاہ ایک ایسا کردار نبھا رہی ہیں جو ’قوت گویائی‘ سے محروم ہے۔

دوسری جانب سوشل میڈیا ویب سائٹ انسٹاگرام پر اداکارہ کی ایک اور ٹک ٹاک ویڈیو بھی وائرل ہورہی ہے جو علیزے شاہ نے اپنی پالتو بلّی کے ہمراہ بنائی ہے-
https://www.instagram.com/p/CF4cRwLl1JO/?igshid=6ekxseg7ekoj
واضح رہےکہ گزشتہ دنوں سے سوشل میڈیا پر یہ خبر گردش کر رہی تھی کہ مبینہ طور پر علیزے شاہ اور اداکار نعمان سمیع نے راہیں جدا کر لی ہیں کیونکہ دونوں نے ہی انسٹاگرام پر ایک دوسرے کوان فالو کر دیا تھا-

نعمان سمیع اور علیزے شاہ حال ہی میں نشر ہونے والے ڈرامے میرا دل میرا دشمن میں اکھٹے کام کرتے دکھائی دئیے تھے علیزے شاہ نہ صرف اداکاری بلکہ ماڈلنگ بھی کرتی ہیں ’عہد وفا‘ میں علیزے کی اداکاری کو خوب پذیرائی ملی ڈرامہ سیریل ’ عشق تماشا‘ میں بہترین اداکاری کرنے پر انہیں ایوارڈ بھی دیا گیا تھا-

وزیراعظم عمران خان کا کہنا ہے کہ مسلمانوں کی اسلامی فتوحات پر مبنی شہرہ آفاق تُرک سیریز ’ارطغرل غازی‘ کو دُنیا بھر میں سب سے زیادہ اس لیے دیکھا جاتا ہے کہ اس میں کوئی فحاش مواد شامل نہیں ہے۔

باغی ٹی وی :سماجی رابطے کی ویب سائٹ ٹوئٹر پر پاکستان تحریک انصاف کے تصدیق شدہ اکاؤنٹ پر ٹوئٹ کرتے ہوئے وزیراعظم عمران خان نے لکھا کہ میں نے ہماری انڈسٹری کو مغرب اور بالی وڈ کے مواد کو نقل کرکے ٹی وی چینلز پر نشر کرنے سے منع کیا تھا لیکن اُنہوں نے کہا کہ عوام یہی دیکھنا چاہتی ہے۔

I warned against copying the West & Bollywood alike but people said this is what the public wants to watch. Etrugul is also 1 of the most widely watched series, it doesn’t have any obscenity.#PMIKatSamaa

— PTI (@PTIofficial) October 1, 2020

وزیراعظم عمران خان نے دُنیا بھر میں مقبول ترین ترکش سیریز کی تعریف کرتے ہوئے لکھا کہ ارطغرل غازی بھی دُنیا بھر کی طرح پاکستان میں سب سے زیادہ دیکھی جانے والی سیریز میں سے ایک ہے اور اس میں کوئی فحاش مواد بھی نہیں ہے۔

واضح رہے کہ وزیر اعظم عمران خان کی ہدایت پر سرکاری ٹی وی چینل پر اُردو زبان میں نشر کی جانے والی ترک سیریز ’ارطغرل غازی‘ کو پاکستان میں خوب مقبولیت مل رہی ہے اورنہ صرف اس سیریز بلکہ اس کے کرداروں نے پاکستانیوں کو اپنے سحر میں جکڑا ہوا ہے۔

جو مقبولیت دنیا بھر میں ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے کو ملی اس کی مثال نہیں ملتی۔ اسے دنیا کے کم و بیش ساٹھ ( 60 ) ممالک میں ڈب کر کے دکھایا گیا ہے-

ارطغرل کی دنیا بھر میں کامیابی کا ندازہ اس بات سے لگایا جا سکتا ہے کہ اسے دنیا کے ایک سو چھالیس ( 146 ) ممالک سے نہ صرف ناظرین کی توجہ حاصل کی بلکہ وہاں ڈراموں کی دنیا کا بے تاج بادشاہ بھی قرار پایا۔

یہ وہ ڈرامہ ہے جس نے مسلمانوں کو ان کے حقیقی ہیروز سے متعارف کرایا ہے۔ یہ وہ ڈرامہ ہے جس کے بارے میں رجب طیب اردگان نے کہا ”جب تک شیر اپنی تاریخ خود نہیں لکھیں گے ان کے شکاری ہی ہیرو ٹھہریں گے“ اور ”ہم اسلامی تاریخ اس طرح لکھیں گے جس طرح وہ تھی“ اور جب یہ اسلامی تاریخ ارطغرل نامی ڈرامے کے ذریعے دنیا کی دکھائی تو لوگ اسلام قبول کرنے لگے۔ یہ وہی ڈرامہ ہے جس نے اغیار کی ان کوششوں پر پانی پھیر دیا جو اسلام کے سنہری ماضی کو داغدار کرنے میں صرف کی گئی تھیں۔

یورپ، مڈل ایسٹ، افریقہ اور یورپ سے 700 ملین ناظرین کو اپنے سحر میں گرفتار کرنے والا ڈراما غازی ارطغرل آذربائیجان، ترکمانستان، قازقستان، ازبکستان، البانیہ، پولینڈ، سربیا، بوسنیا، ہزروگوینا، ہنگری اور یونان اور پاکستان میں ریکارڈ توڑنے کے بعد اب آذر بائیجان کے سرکاری ٹیلی وژن اے زیڈ ٹی وی پر بھی نشر کیا جائے گا-

خلافت عثمانیہ کے قیام سے قبل کے ترک خطے اور اسلامی دنیا کے حالات پر بنائی گئی یہ ٹی وی سیریز مسلم دنیا اور بالخصوص پاکستان میں مقبولیت کے اگلے پچھلے ریکارڈ توڑ چکی ہے۔

’’ارطغرل غازی‘‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

واضح رہے کہ دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے-