پاکستان فلم انڈسٹری کے نامور اداکار شان شاہد نے سوشل میڈیا پر پاکستانی وزیراعظم عمران خان کے لئے تعریفی پیغام جاری کیا ہے-

باغی ٹی وی : شان شاہد اکثرو بیشتر سوشل میڈیا پر وزیراعظم عمران خان کے لیے تعریفی پیغامات جاری کرتے رہتے ہیں تام اب بھی انہوں نے سوشل میڈیا ویب سائٹ ٹوئٹر پر دو تصویریں شیئر کیں جن میں سے ایک تصویر عمران خان کی ہے جبکہ دوسری تصویر میں ’پاکستان زندہ باد‘ لکھا ہوا ہے۔

#pakistanfirst loyalty to a party is not patriotism but loyalty to Pakistan is always first @ImranKhanPTI your loyalty to this country and this nation deserves respect. We #stand with you to fight against all mafias who are working against Pakistan.♥️🙏🏼🇵🇰💯. pic.twitter.com/DXRohjA4bV

— Shaan Shahid (@mshaanshahid) October 4, 2020

ٹوئٹر پر تصویر شیئر کرتے ہوئے شان شاہد نے لکھا کہ ہمارے لیے کسی بھی سیاسی جماعت سے وفاداری اول نہیں بلکہ ہمارے لیے پاکستان سے وفاداری اور حب الوطنی اولین ترجیح ہے۔

شان شاہد نے اپنے ٹوئٹ میں عمران خان کو مخاطب کرتے ہوئے لکھا کہ اس ملک (پاکستان) اور اس کی قوم کے ساتھ آپ کی وفاداری قابل احترام ہے۔

اداکار نے لکھا کہ ہم آپ کے ساتھ اُن تمام مافیا کے خلاف لڑنے کے لیے کھڑے ہیں جو پاکستان کے خلاف کام کر رہے ہیں۔

یاد رہے کہ اس سے قبل بھی شان شاہد نے ٹوئٹر پر عمران خان کے لیے تعریفی پیغام جاری کیا تھا جس میں اُن کا کہنا تھا کہ عمران خان کی ایک بات اُنہیں بہت پسند ہے اور وہ یہ ہے کہ وزیراعظم صاحب یاروں کے یار نہیں ہیں بلکہ صرف پاکستان کے یار ہیں۔

وزیراعظم عمران خان یاروں کے یار نہیں ہیں بلکہ صرف پاکستان کے یار ہیں شان شاہد

بالی وڈ آنجہانی اداکار سوشانت سنگھ راجپوت کی موت سے متعلق منشیات کے معاملے میں بالی وڈ اداکارہ د پیکا پڈوکون سے تفتیش کرنے والے نارکوٹکس کنٹرول بیورو (این سی بی) کے ڈپٹی ڈائریکٹر عالمی وبا کورونا وائرس کا شکار ہوگئے۔

باغی ٹی وی : این سی بی کے ڈپٹی ڈائریکٹر کے پی ایس ملہوترا سوشانت خودکشی کے معاملے پر تفتیشی ٹیم کی سربراہی کر رہے ہیں۔ بھارتی خبر رساں ادارے انڈیا ٹی وی کی رپورٹ کے مطابق نارکوٹکس کنٹرول بیورو (این سی بی) میں ڈپٹی ڈائریکٹر کے پی ایس ملہوترا کا کوویڈ 19 کا ٹیسٹ پوزیٹیو آیا ہے اور وہ اداکار سوشانت سنگھ راجپوت کی موت کے معاملے میں منشیات کے زاویے کی تحقیقات کر رہے ہیں-

دہلی میں تعینات کے پی ایس ملہوترا سوشانت کی موت سے متعلق تحقیقات کے باعث ممبئی میں موجود ہیں وہ بالی وڈ کی مشہور شخصیات سے پوچھ گچھ کرنے میں پیش پیش رہے۔

این سی بی کے سینئر افسر نے ملہوترا کے کورونا وائرس ٹیسٹ کے مثبت آ جانے کی تصدیق کی اور بتایا کہ کورونا وائرس میں مبتلا ہونے کے بعد کے پی ایس ملہوترا نے قرنطینہ اختیار کرلیا ہے لیکن ان کے قرنطینہ میں چلے جانے سے تفتیش متاثر نہیں ہوگی۔

پاکستان شوبز انڈسٹری کے نامور اور مقبول ترین اداکار عدنان صدیقی نے عمران خان کی نوجوانوں کیلئے تجویز کردہ کتاب ’محبت کے چالیس اصول‘ پڑھنے کا فیصلہ کرلیا۔

باغی ٹی وی : پاکستانی اداکار عدنان صدیقی نے سماجی رابطے کی ویب سائٹ ٹوئٹر پر اپنے ٹوئٹ میں کتاب کی تصویر شیئر کرتے ہوئے لکھا کہ اب میری اگلے پڑھنے کی فہرست میں محبت کے چالیس اصول سب سے پہلے شامل ہے طویل مدت سے یہ کتاب میرے بُک شیلف پر رکھی ہوئی تھی تاہم اب اسے پڑھنے کی ایک اچھی وجہ مل گئی ہے۔

On my list for next read ‘The 40 Rules of Love.’ Thank you for the recommendation @ImranKhanPTI . Great reason to finally pick it up from my bookshelf where it’s been lying for months! Hope it inspires me as much! #bibliophile #goodreads pic.twitter.com/FPDAHSphow

— Adnan Siddiqui (@adnanactor) October 4, 2020

انہوں نے عمران خان کا اس کتاب کو نوجوانوں کے لیے تجویز کرنے پر شکریہ ادا کرتے ہوئے لکھا کہ وہ یہ کتاب اب جلد پڑھنے کا ارادہ رکھتے ہیں۔

انہوں نے لکھا کہ امید کرتا ہوں کہ یہ کتاب انہیں متاثر کرنے میں کامیاب رہے گی۔

واضح رہے کہ وزیراعظم عمران خان نے نوجوانوں کو کتاب ’محبت کے چالیس اصول‘ پڑھنے کا مشورہ دیا ہے وزیر اعظم نے نوجوانوں کو مشورہ دیتے ہوئےکہا کہ اس اکتوبر میں اپنے نوجوانوں سے کہتا ہوں کہ وہ تُرک مصنفہ ایلف شفق کی ’محبت کے چالیس اصول‘ پڑھیں جو عشق حقیقی پر ایک بہت ہی پراثر کتاب ہے۔

وزیراعظم عمران خان نے کہا کہ اس میں صوفی ازم، مولانا محمد جلال الدین رومی اور ان کے مرشد شمس تبریزی پر گفتگو کی گئی ہے میں نے کتاب چند سال قبل پڑھی تھی اور اس سے بہت زیادہ متاثر ہوا تھا۔

واضح رہے کہ ایلف شفق ترکی اور انگریزی کی مشہور ناول نگار ہیں۔ انہوں نے اپنے اس ناول میں 8 سو سال قدیم رومی و شمس کی محبت کو نہایت دلچسپ انداز میں اکیسویں صدی کے ایک کردار کے ذریعے تحریر کیا ہے۔ اس کتاب کا 2017 میں اردو ترجمہ بھی ہوچکا ہے۔

وزیر اعظم عمران خان کا نوجوانوں کو ایلف شفق کی کتاب ’محبت کے چالیس اصول‘ پڑھنے کا مشورہ

ارطغرل غازی کو پاکستان میں سب سے زیادہ کیوں دیکھا جاتا ہے وزیر اعظم عمران خان نے…

ارطغرل غازی صرف یہ ثابت کرنے کے لئے پاکستان لایا تھا کہ فحاشی کے بغیر بھی ریٹنگ آ سکتی ہے وزیراعظم…

پاکستان میوزک انڈسٹری کے نوجوان گلوکار امانت علی کے ہاں دوسری بیٹی کی پیدائش ہوئی ہے۔

باغی ٹی وی : 2017 میں فیشن ڈیزائنر سارہ منظور سے شادی کرنے والے 32 سالہ نوجوان گلوکار امانت علی خان نے سماجی رابطے کی ویب سائٹ انسٹاگرام پر نوزائیدہ بیٹی کے ہاتھ کی تصویر شیئر کرتے ہوئے مداحوں کے ساتھ یہ خوشخبری شیئر کی۔
https://www.instagram.com/p/CF2EHtZjo6p/?utm_source=ig_embed
بیٹی کے ہاتھ کی تصویر شئیر کرتے ہوئے انہوں نے اپنی پوسٹ میں لکھا کہ فیملی میں نیا اضافہ، الحمد اللہ۔

گلوکار کی اس پوسٹ کے بعد مداحوں نے نوزائیدہ بچی کے لئے نیک تمناؤں کا اظہار کیا اور بیٹی کی پیدائش کی مبارکباد دی

خیال رہے کہ گلوکار امانت علی اور فیشن ڈیزائنر سارہ منظور کا نکاح بادشاہی مسجد میں ہوا تھا گلوکار کا نکاح بادشاہی مسجد کے خطیب مولانا عبدالخبیر آزاد نے پڑھایا تھا جس میں ان کے قریبی رشتہ داروں نے شرکت کی گلوکار امانت علی کو بھارت میں گلوکاری کا مقابلہ جیتنے کے بعد شہرت ملی تھی۔

گلوکار ، نغمہ نگار اور اداکار ، امانت علی ایک میوزیکل فیملی میں پرورش پائی۔ ان کے والد نزاکت علی نے غزل اور لوک گائیکی میں اپنے علم اور مہارت کو پیش کیا امانت علی نے 6 سال کی عمر سے ہی گائیکی کی تربیت حاصل کی-

رواں سال شادی کے بندھن میں بندھنے والی شوبز انڈسٹری کی مقبول ترین جوڑی سارہ خان اور فلک شبیر کی ٹک ٹاک ویڈیو نے سوشل میڈیا پر وائرل ہوتے ہی دھوم مچا دی ہے۔

باغی ٹی وی : سماجی رابطے کی ویب سائٹ انسٹاگرام پر فلک شبیر نے اپنی ایک ٹک ٹاک ویڈیو اپلوڈ کی ہے جس میں گلوکار کے ہمراہ اُن کی اہلیہ و اداکارہ سارہ خان بھی موجود ہیں۔
https://www.instagram.com/p/CF65-I4FW7V/?utm_source=ig_embed
فلک شبیر کی جانب سے انسٹاگرام پر پوسٹ کی جانے والی ویڈیو ’سلو مو ٹک ٹاک ‘ ہے یعنی ویڈیو میں وہ آہستہ آہستہ اپنی اہلیہ کے ساتھ چلتے آرہے ہیں مذکورہ ٹک ٹاک ویڈیو مشہور بھارتی گانے ’میں پھر بھی تم کو چاہوں گی‘ پر بنائی گئی ہے۔

گلوکار نے ویڈیو شیئر کرتے ہوئے کیپشن میں اظہار محبت کرنے والا ایموجی بناتے ہوئے سارہ خان کو مینشن کیا۔

فلک شبیر کی انسٹاگرام پر یہ ٹک ٹاک ویڈیو کو اب تک 3 لاکھ 32 ہزار سے زائد صارفین لائک کرچکے ہیں جبکہ مداحوں کی جانب سے دونوں کے لیے نیک تمناؤں کا اظہار بھی کیا جارہا ہے۔

واضح رہے کہ رواں سال 17 جولائی کو اداکارہ سارہ خان اور نامور گلوکار فلک شبیر رشتۂ ازدواج میں منسلک ہوئے تھے اور سوشل میڈیا صارفین کی جانب سے شوبز انڈسٹری کی اس جوڑی کو 2020 کی بہترین جوڑی قرار دیا گیا تھا۔

پاکستان شوبز انڈسٹری کی نامور اور مقبول ترین اداکارہ عائشہ عمر نے انسٹاگرام پر اپنی ایک تصویر شیئر کی جس پرسوشل میڈیا صارفین نے اداکارہ کو شدید تنقید کا نشانہ بنایا ہے-

باغی ٹی وی : اداکارہ عائشہ عمر اکثر اپنے لباس اور بیانات کی وجہ سے خبروں کی زینت بنی رہتی ہیں تاہم اب بھی اداکارہ نے سماجی رابطے کی ویب سائٹ انسٹا گرام پر ایک متنازع تصویر کی ہے جس میں وہ ایمرالڈ اور سلور رنگ کی ساڑھی زیب تن کیے نظر آرہی ہیں-
https://www.instagram.com/p/CF9M1NtjgSM/?igshid=1behlgepmbt54
تصویر شئیر کرتے ہوئے اداکارہ نے لکھا کہ زمرد کا مطلب حقیقی پیار ہے-

عائشہ عمر کی اس تصویر پر سوشل میڈیا صارفین نے اداکارہ کو آڑے ہاتھوں لے لیا۔


بعض صارفین نے تنقید کا نشانہ بناتے ہوئے اداکارہ کو اللہ کا خوف دلایا جبکہ ایک صارف نے برہمی کا اظہار کرتے ہوئے کہا کہ ایسے لباس پر مکمل پابندی عائد ہونی چاہئے جو ہماری ثقافت حصہ نہیں یہ لوگ اس طرح کے لباس زین تن کرکے میڈیا پر اسلامی جمہوریہ پاکستان کی نمائندگی کررہے ہیں۔

ایک صارف نے لباس پر شدید الفاظ میں تنقید کرتے ہوئے کہا کہ ہمارا ملک پاکستان اسلامی ملک ہے آسٹریلیا، امریکا یا لندن نہیں، کوئی شرم نہیں کوئی لحاظ نہیں یہ لوگ نجانے خود کو کیا سمجھنے لگ گئے ہیں آخر ایک دن سب کو مٹی میں ہی جانا ہے، کیا فائدہ ایسے فیشن کا جو آخرت خراب کردے-

ایک صارف نے کہا کہ ماشاءاللہ نام اتنا پاکیزہ اور کام دیکھو ان کے صارف نے لکھا کہ مسلمان ہونے کے ناطے مہربانی کر کے اپنی ڈریسنگ کا خیال رکھا کریں آپ میں اور غیر مسلم میں کوئی فرق نہیں لگ رہا –

ایک صارف نے لکھا کہ خوبصورتی کا یہ مطلب نہیں کہ آپ خود کو عیاں کریں لیکن عائشہ عمر ہمیشہ ایسا لباس ضرور پہننے کی کوشش کرتی ہیں جس سے جسم نمایاں ہو اسے خوبصورتی نہیں کہتے۔

ایک صارف نے لکھا کہ شرمناک ! یقین نہیں آتا کہ آپ مسلمان ہیں-

ایک صارف نے دکھی انداز میں لکھا کہ ہمارا معاشرہ کدھر جا رہا ہے اتنی بے غیرتی تو انڈیا میں بھی نہیں جتنا ان لوگوں نے پاکستان میں لگائی ہوئی ہے-

ایک صارف نے برہمی کا اظہار کرتے ہوئے لکھا کہ ایسی عورتیں پھر بولتی ہیں کہ ہم پاکستان میں خود کو محفوظ نہیں سمجھتے-
https://www.instagram.com/p/CF9OtzRD7ro/?igshid=omh1vqbckdm8
صارفین کی تنقید کے جواب میں عائشہ عمر نے اپنی ایک اور اسی ساڑھی میں ملبوس ایک اور تصویر شئیر کی اور کیپشن میں رومن فلاسفر کا قول لکھا کہ "جو کچھ بھی کرتا ہے یا کہتا ہے ، مجھے لازمی طور پر زمرد ہی رہنا چاہئے اور اپنا ہی رنگ رکھنا چاہئے۔” – مارکس اوریلیس۔ اسٹوک فلاسفر۔ رومن شہنشاہ۔

واضح رہے کہ اس سے قبل پاکستان شوبز انڈسٹری کی معروف ماڈل و اداکارہ منال خان کی برانڈ کے لئے کئے گئے فوٹوشوٹ کی ایک ویڈیو وائرل ہونے کے بعد صارفین کی جانب سے شدید تنقید کا نشانہ بنایاگیا-ویڈیو میں منال خال اور ماڈل حسین لہری کسی برانڈ کے فوٹوشوٹ کے لیے موجود ہیں اور منال خان سیٹ پر لیٹی ہوئی ہیں۔ لوگوں نے ان کے لیٹنے کے انداز پر کافی تنقید کی۔

فوٹوشوٹ کی ویڈیو وائرل ہونے کے بعد منال خان پرسوشل میڈیا صارفین کی شدید تنقید

پاکستانی وزیراعظم عمران خان کا کہنا ہے کہ شہرہ آفاق تُرک سیریز ارطغرل غازی صرف یہ ثابت کرنے کے لئے پاکستان لایا تھا کہ فحاشی کے بغیر بھی ریٹنگ آ سکتی ہے-

باغی ٹی وی : وزیر اعظم عمران‌ خان نجی ٹی وی چینل کو یا گیا ایک انٹر ویو وائرل سوشل میڈیا پر وائرل ہو رہا ہے جس میں انہوں نے ارطغرل کو پاکستان میں لانے کی وجہ بیان کی ہے-
https://www.instagram.com/p/CF6etrhB9_Z/?igshid=kkq8hvxay5ft
سماجی رابطے کی ویب سائت انسٹاگرام پر عمران خان وائرل ویڈیو میں کہہ رہے ہیں کہ ہندوستان میں جو تبدیلی آئی انہوں نے ہالی ؤڈ کی کاپی کی ہالی وڈ کی فحاشی بالی وڈ میں گئی جس سے ہندوستان میں بہت نقصان ہوا ہندوستان میں ریپ کیسز کی تعداد بڑھی-

انہوں نے کہا کہ ہندوستان کی 40 یا 20 سال پہلے کی فلمیں دیکھ لیں اور آج کی فلمیں دیکھ لیں زمین آسمان کا فرق ہےآپ ایک معاشرے کے اندر جب اس طرح کی فحاشی کر دیتے ہیں تو اس کا بُرا نتیجہ ہونا ہوتا ہے-

وزیرا اعظم عمران خان نے کہا کہ ہمیں بالی وڈ کا کونٹینٹ نہیں کاپی کرنا چاہیئے ہمیں اپنی پاکستانیت پروموٹ کرنی چاہیئے ہمارا ایک مختلف کلچر ہے ہمارا دین ہمیں ایک مختلف راستہ دکھاتا ہے تو مجھے کہا گیا کہ اس طرح ہماری کوئی فلمیں اورٹی وی سیریلز نہیں دیکھے گا-

عمران خان نے کہا کہ ارطغرل ڈرامہ میں نے ترک صدر طیب اردوان سے کہہ کر پی ٹی وی کے لئے منگوایا انہوں نے بھی ترکی میں اس لئے لے کر وہاں بھی یہ مسلئہ آرہا تھا میں نے یہ ثابت کرنا ہے کہ اس ڈرامے کو پوری دنیا دیکھتی ہے ہائی ریٹنگ ہے اس کی اس میں تو کوئی فحاشی نہیں ہے-

وزیراعظم کا کہنا تھا کہ پوائنٹ میرا کہنے کا یہ ہے کہ ہمیں معاشرے میں اپنا ڈائریکشن بدلنا پڑے گا یہ کئی چیزیں جو میڈیا کے اوپر ہم سمجھتے ہیں کہ جدیدیت ہے یہ ہمارے معاشرے کے لئے ٹھیک نہیں ہیں –