شوبز سے عراضی طور پر کنارہ کشی اختیار کرنے والے اداکار فیروز خان نے جنسی ہراسانی اور دیگر معاشرتی دباؤ کا سامنا کرنے والی خواتین کی مدد کے لیے انفرادی سطح پر پہلا پورٹل بنانے کا اعلان کیا ہے۔

باغی ٹی وی :چند روز قبل لاہورموٹروے پر خاتون کے ساتھ پیش آنے والے اجتماعی زیادتی کے خوفناک واقعے اوراس سے قبل کراچی میں 5 سال کی بچی کے ساتھ زیادتی کے بعد اسے جلا کرقتل کرنے سمیت ملک میں دیگر ہونے والے پے در پے واقعات نے عوام کو بوکھلا کر رکھ دیا ہے جہاں لوگ اور معروف شخصیات غم وغصے کا اظہار کر رہی ہیں وہیں شوبز سے تعلق رکھنے والے افراد بھی اس ظلم پر مسلسل آواز اٹھا رہے ہیں اور ملزمان کو کڑی سزا دینے اور سر عام پھانسی دینے کا مطالبہ کر رہے ہیں-

خواتین کے تحفظ اور معاشرے سے ان غلیظ جرائم کو ختم کرنے کے لیے ہر شخص اپنا کردار ادا کرنے کو تیار نظر آتا ہے چند روز پہلے شوبز فنکارون نے سماجی کارکنوں کے ساتھ مل کر اسی حوالے سے کراچی پریش کلب کے باہر پُرامن احتجاج بھی کیا تھا اور ان مسائل کے حل کے لئے اپنی رائے کا اظہار بھی کیا تھا-

تاہم اب فیروز خان بھی ان واقعات پر دکھ کا اظہار کرتے ہوئے عملی طور پر خواتین کی مدد کرنے میدان میں آگئے ہیں انہوں نے سماجی رابطے کی ویب سائٹ انسٹاگرام پر خواتین کے تحفظ کے لیے ایک پورٹل بنانے کا اعلان کیا ہے جس پر ہراسانی کا شکار ہونے والی خاتون مدد طلب کرسکتی ہیں۔ یہ انفرادی سطح پر پہلی بار بنایا گیا پورٹل ہوگا۔
https://www.instagram.com/p/CFJzky3Boml/?igshid=1d0xd56hqszi5
فیروز خان نے ہراسانی یا ظلم کا شکار ہونے والی خواتین کو یہ پیغام بھی دیا کہ وہ مضبوط رہیں اور مجرموں سے کبھی خوفزدہ نہ ہوں، بہادری سے اپنے حقوق اور انصاف کے لئے ڈٹ جائیں مذکورہ پورٹل پر رابطہ کریں ہم آپ کے پیغامات کا فوری جواب دیں گے اور ہر لڑکی کو انصاف دلائیں گے۔
https://www.instagram.com/p/CFH-e_zAWg-/?utm_source=ig_embed

پاکستان شوبز انڈسٹری کی معروف اداکارہ ارمینہ خان کا کہنا ہے کہ وہ ترک ڈرامہ ارطغرل غازی کے فنکار جاوید جیتن گُنیر سے ملاقات کیوں کریں؟ وہ ان کے رشتہ دار تو نہیں ہیں؟

باغی ٹی وی : شہرہ آفاق تُرک سیریز ارطغرل غازی میں دوآن ایلپ کا کردار ادا کرنے والے جاوید جیتن گُنیر اس وقت اسلام آباد میں موجود ہیں۔اسلام آباد پہنچنے کے بعد جاوید جیتن گُنیر نے مداحوں کو انسٹاگرام پر پاکستان پہنچنے کی اطلاع دی تھی۔

تُرک اداکار کے پاکستان پہنچنے کے بعد ارمینہ خان سے سوشل میڈیا صارف نے جاوید جیتن گُنیر سے ملاقات کرنے کا سوال پوچھا۔

ارمینہ خان نے جواب میں اسے ترک اداکار کا مداح قرار دیتے ہوئے کہا کہ ہم ان کو پاکستان میں خوش آمدید کہتے ہیں اور امید ہے کہ وہ اپنے مداحوں کے ساتھ اپنا اچھا وقت گزاریں۔

انہوں نے مزید کہا کہ میں ان سے ملاقات کیوں کروں؟ وہ میرے رشتہ دار تو نہیں ہیں؟ بیگانی شادی میں عبداللہ دیوانہ؟

اس پر ایک صارف نے ارمینہ خان کو یاسر حسین سے تشبیہ دی تو ان کا کہنا تھا کہ واقعی؟ اگر آپ مجھے دوسرے اداکار کے نسبت میری بے عزتی کر رہے ہیں تو اس کا مطلب ہے کہ آپ نے میری کبھی عزت ہی نہیں کی۔

ارمینہ خان نے کہا کہ جا کر اپنا کام کرو آئندہ مجھے مت دھمکانا میں یہاں اپنے مداحوں کے لیے ہوں آپ جیسے بے عزت اور موسمی لوگوں لیے نہیں ہوں۔

“ارطغرل غازی” کا سپاہی روشان پاکستان پہنچ گیا،مداحوں کا بھرپوراستقبال ،اب ارطغرل…

بھارتی اداکارہ کنگنا رناوت سماج وادی پارٹی کی رکن پارلیمنٹ اور لیجنڈری اداکار امیتابھ بچن کی اہلیہ جیا بچن کو اپنے خلاف بیان دینے پر برہمی کا اظہار کیا۔

بھارتی میڈیا کی رپورٹ کے مطابق رکن پارلیمنٹ جیا بچن نے راجیا سبھا میں کنگنا رناوت کے خلاف بیان دیا تھا کنگنا رناوت فلم انڈسٹری میں اقرباپروری کے خلاف آواز بلند کرنے والوں میں شامل ہیں جبکہ انہوں نے اس انڈسٹری کو ’گٹر‘ سے تشبیہ دی تھی۔

اسی بیان سے متعلق راجیا سبھا میں خطاب کرتے ہوئے جیا بچن نے کہا تھا کہ شوبز انڈسٹری کے کچھ لوگوں کو سوشل میڈیا پر مار پڑ رہی ہے ایسے لوگ جنھوں نے اس انڈسٹری سے نام بنایا وہ اسے ہی گٹر کہہ رہے ہیں۔

کنگنا رناوت کے بیان کو مسترد کرتے ہوئے جیا بچن کا کہنا تھا کہ میرا ایسے بیان سے مکمل اختلاف ہے مجھے امید ہے کہ حکومت ایسے لوگوں کو بتائے گی کہ وہ اس طرح کی زبان استعمال نہ کریں۔

جیا بچن کے اس بیان پر رد عمل دیتے ہوئے کنگنا رناوت نے سماجی رابطے کی ویب سائٹ ٹوئٹر پر اپنے ٹوئٹ میں جیا بچن کو مخطاب کرتے ہوئے لکھا کہ جیا جی! کیا آپ اس وقت بھی ایسا ہی بیان دیتیں جب میری جگہ پر آپ کی بیٹی شویتا کو مارا پیٹا جاتا گھسیٹا جاتا اور اس کی بے حرمتی کی جاتی؟

Jaya ji would you say the same thing if in my place it was your daughter Shweta beaten, drugged and molested as a teenage, would you say the same thing if Abhieshek complained about bullying and harassment constantly and found hanging one day? Show compassion for us also 🙏 https://t.co/gazngMu2bA

— Kangana Ranaut (@KanganaTeam) September 15, 2020

کنگنا نے لکھا کہ کیا آپ تب بھی یہی کہتیں اگر ابھیشیک مسلسل اپنے خلاف غنڈہ گردی اور ہراساں کرنے کی شکایت کرتے رہتے اور ایک دن خود کو پھانسی لگائے ہوئے ملتے؟

اپنے پیغام کے اختتام پر کنگنا رناوت نے لکھا کہ آپ ہمارے کے لیے بھی ہمدردی کا اظہار کریں-

رواں ماہ پیمرا نے مقبول ڈرامہ سیریل ’’ جلن ‘‘ پر پابندی عائد کردی تھی تاہم ، حالیہ اطلاعات کے مطابق ، اب دوبارہ سے ہر بدھ کی شام آٹھ بجکر دس منٹ پر اے آر وائی ڈیجیٹل پر آن لائن نشر ہوگا۔

باغی ٹی وی : راوں ماہ سماجی و مذہبی اقدار کے منافی مواد نشر کرنے پر پیمرا نے ڈرامہ سیریل جلن کی نشریات پر فوری پابندی لگائی تھی۔

پیمرا نے کہا تھا کہ ڈرامے کے مواد سے متعلق چینل انتظامیہ کو بارہا خبردار کیا گیا تھا کہ ڈرامےکے مواد کا جائزہ لیں اور اسکرپٹ کو پاکستانی اقدار کے مطابق بنائیں بصورت دیگر کارروائی کی جائے گی۔

پیمرا کی اے آر وائی ڈیجیٹل کے ڈرامہ سیریل "جلن" پر پابندی عائد pic.twitter.com/97tA7q4okB

— Report PEMRA (@reportpemra) September 10, 2020

تاہم ڈرامہ سیریل کے اسکرپٹ میں کوئی تبدیلی نہیں کی گئی ، آخرکار پیمرا نے اس ڈرامے کو نشر کرنے پر پابندی عائد کردی۔

اس ڈرامہ کے اسکرپٹ میں سب سے زیادہ اعترض منال خان اور عماد عرفانی کے کرداروں پر ہے کیونکہ وہ ہمارے معاشرتی اور مذہبی معیار کے خلاف ہیں۔

نوٹس میں چینل کو ملنے والی سابقہ وارننگز کا ذکر کیا گیا تھا ، اس کے باوجود ، ڈرامہ ٹیم نے کوئی کارروائی نہیں کی۔

تاہم اب تازہ ترین اطلاعات کے مطابق ، سندھ ہائی کورٹ نے پیمرا کی جانب سے ڈرامہ سیریل جلن پرلگائی گئی پابندی ختم کر دی ہے کیونکہ عدالت نے دعوی کیا ہے کہ پیمرا کو کسی بھی نشریاتی مواد پر پابندی لگانے کا حق نہیں ہے۔

عدالت نے واضح کیا کہ پیمرا صرف ایک ریگولیٹری باڈی کی حیثیت سے کام کرتا ہے جس کے بارے میں سمجھا جاتا ہے کہ وہ کسی ڈرامے کے کونٹینٹ پر اعتراض کر سکتا ہے ، لہذا ، وہ اس پر پابندی نہیں لگا سکتا۔

مزید برآں ، ڈرامے کی ٹیم پیمرا کے ساتھ اسکرپٹ کے بارے میں بات چیت کر رہی تھی اور دونوں ہی معاملات سمجھوتہ کے مقام پر پہنچ گئے تھے اور ڈرامہ ٹیم اقساط میں سے قابل اعتراض مواد کو ختم کرنے پر راضی ہوگئی تھی۔

Sindh High Court to the rescue … the next episode of #Jalan will air tomorrow as SHC suspends PEMRA’s ban on the play.

This was bound to happen because #PEMRA is supposed to regulate, not ban a drama. Congratulations @fahadmustafa26 @aabis_raza @Jerjees @asfand316 and team!

— Omair Alavi عمیر علوی (@omair78) September 15, 2020

مزید اس کی تصدیق سماجی رابطے کی ویب سائٹ ٹویٹر پر جرن؛ست عمیر عمر نے اپنے ٹوئٹ میں کی انہوں نے ڈرامہ ٹیم کو مبارکباد دیتے ہوئے لکھا کہ سندھ ہائی کورٹ نے ڈرامہ سیریل جلن سے پابندی ہٹا دی ہے لہذا ڈرامہ ہر بدھ کی شام 8 بجکر 10 منٹ پر نشر کیا جائے گا-

واضح رہے کہ اس سے قبل 4 ستمبر کو پیمرا نے ‘سماجی اور مذہبی اقدار’ کے منافی مواد نشر کرنے پر ڈراما سیریل ‘عشقیہ’ اور ‘پیار کے صدقے’ کے نشر مکرر پر پابندی عائد کردی تھی۔پیمرا نے دونوں ڈراموں کی نہ صرف اے آر وائے ڈیجیٹل، ہم ٹی وی بلکہ اور اے آر وائے زندگی اور ہم ستارے پر بھی نشر مکرر پر پابندی لگائی تھی۔

دوسری جانب پاکستان الیکٹرانک میڈیا ریگولیٹری اتھارٹی ( پیمرا) نے نامناسب مواد نشر کرنے پر پروگرام ‘ٹک ٹاک شو’ پر بھی مکمل پابندی عائد کر دی ہے اس حوالے سے جاری پریس ریلیز میں پیمرا نے کہا کہ بول انٹرٹینمنٹ کے پروگرام میں نشر کیے جانے والے مواد پر ناظرین کی جانب سے پاکستان سٹیزن پورٹل اور پیمرا کے سوشل میڈیا اکاؤنٹس پر شکایات موصول ہورہی تھیں۔پیمرا نے کہا کہ چینل کو پروگرام ٹک ٹاک شو میں انتہائی نامناسب، بیہودہ، فحش اور بھارتی موسیقی پر مبنی ویڈیوز/ مواد نشر کرنے پر اظہارِ وجوہ کا نوٹس جاری کیا گیا تھا۔

پریس ریلیز میں کہا گیا کہ نوٹس میں چینل کو خبردار کیا گیا تھا کہ پروگرام میں نشر کیے جانے والے مواد کا جائزہ لیں اور پروگرام کو پاکستانی اقدار کے مطابق ترتیب دیں بصورتِ دیگر اس حوالے سے پیمرا آرڈیننس کے تحت کارروائی کی جائے گی۔

تاہم پیمرا کی تنبیہ کے باوجود بول انٹرٹینمنٹ نے پروگرام میں نامناسب ٹک ٹاک ویڈیوز نشر کرنا جاری رکھا جس کے باعث پیمرا آرڈیننس کے سیکشن 27 کے تحت ٹک ٹاک شو نشر کرنے پر پابندی عائد کردی۔

پاکستان اسلامی ریاست:اخلاقی،سماجی اورمذہبی اقدارکے منافی ڈرامے اب نہیں چلیں گے : پیمرا نے بول ٹی وی کےپروگرام ‘ٹک ٹاک شو’ پر بھی پابندی لگادی

غیر اخلاقی مواد دکھانے والے ڈراموں پر پابندی لگانے پر عتیقہ اوڈھو کی پیمرا پر شدید تنقید

آج کے ڈرامے افئیرز، طلاق اور شادی جیسے موضوعات سے باہر ہی نہیں نکل رہے، بشرٰی…

پاکستانی ڈرامے مقدس رشتوں کی پامالی کے زمہ دار !!! جلن ڈرامے میں اخلاقی اقدار کو بری طرح سے پامال کیا جائے گا تحریر: غنی محمود قصوری

جیسے ٹریکٹر پر لگی ٹیپ کا ڈرائیور کو کوئی فائدہ نہیں ویسے ہی پی ٹی آئی کی آفیشل…

وہ ڈرامے جنہوں نے فنکاروں کو نئی پہچان اور شہرت دی

واہیات ڈرامے ٹویٹر پر ٹرینڈنگ میں کیوں؟

کیا پاکستانی ڈرامہ ’محبت تجھے الوداع‘ بالی وڈ فلم کی کاپی ہے؟

ابھی ایک ڈرامے کا ٹیزر دیکھا ، بہنوئی سے محبت جیسے قابلِ اعتراض موضوع پر بنایا گیا اور انکو اعتراض ارطغرل پر ہے، جنید سلیم

انتہائی کم عمر لڑکی کی بولڈ فلم پر حمزہ علی عباسی نیٹ فلیکس پر برہم ،سبسکرپشن کینسل کرنے کی دھمکی دے دی

ترکی کا نیٹ فلیکس کو کم عمر لڑکی کی بولڈ فلم ریلیز نہ کرنے کا حکم

پیمرا کا تمام ٹی وی چینلز، میڈیا ہاؤسز اور پروڈکشن ہاؤسز کو ڈراموں میں نشر ہونے والے مواد کا جائزہ لینے کا حکم

پاکستان شوبز انڈسٹری کے سینئر اداکار نعمان اعجاز کا کہنا ہے کہ بدترین لوگ وہ ہیں جو ہمیشہ دوسروں کے عیبوں کو تلاش کرتے ہیں-

باغی ٹی وی :سماجی رابطے کی ویب سائٹ انسٹاگرام پر نعمان اعجاز نے ایک معنی خیز پوسٹ شیئر کی جس میں اُنہوں نے امام علیؓ کا ایک مشہور قول شیئر کیا۔
https://www.instagram.com/p/CFHsvcKB_Pf/
نعمان اعجاز کی جانب سے شیئر کیا گیا قول کچھ یوں ہے:

بدترین لوگ وہ ہیں جو دوسروں کے عیبوں کو تلاش کرتے ہیں لیکن اپنے عیبوں سے ناواقف رہتے ہیں-(امام علی ؓ )

حضرت علی ؓ کا قول شیئر کرتے ہوئے نعمان اعجاز نے لکھا کہ خاموش رہنے کا ہمیشہ یہ مطلب نہیں ہوتا ہے کہ آپ کے پاس کچھ کہنے کو نہیں ہے۔

نعمان اعجاز نے لکھا کہ ’اس کا مطلب یہ بھی ہوسکتا ہے کہ الفاظ ہمیشہ ضروری نہیں ہوتے ہیں۔

واضح رہے کہ اس سے قبل گزشتہ روز نعمان اعجاز نے انسٹاگرام پر اپنی ایک تصویر شئیرکی تھی جس کے ساتھ انہوں نے بڑی عمر کی کی مضحکہ خیز بات مداحوں کو بتائی تھی-

انہوں کہا تھا کہ بڑی عمر کی یہی بات مضحکہ خیز ہے کہ آپ کی نظر تو کمزور ہوجاتی ہے لیکن لوگوں سے حاصل کئے تجربات کی بدولت آپ کی دیکھنے کی صلاحیت قدرے بہتر ہوجاتی ہے۔

خیال رہے کہ گزشتہ روز سے سوشل میڈیا پر نعمان اعجاز کا عفت عمر کے شو میں شرکت کا ایک ویڈیو کلپ وائرل ہو رہا ہے جس میں وہ شادی شدہ ہونے کے باوجود دوسری خواتین کے ساتھ اپنے معاشقے کے بارے میں بات کر رہے ہیں-

اس کلپ کے وائرل ہونے کے بعد سامنے آنے والی تنقید کے بارے میں برطانوی نشریاتی ادارے سے بات کرتے ہوئے نعمان اعجاز کا کہنا تھا کہ وہ اس معاملے کو بڑھاوا نہیں دینا چاہتے۔

انہوں نے کہا کہ لوگوں کو گالیاں نکالنے دیں اور اپنے ذہنوں کو گندا کرنے اور کڑھنے دیں۔ یہ پاکستانیوں کی عادت ہے ان کو اپنی زندگیوں میں کوئی دلچسپی نہیں ہے اور کوئی اپنے گریبان میں نہیں جھانک رہا بس دوسرے پر انگلی اٹھانے کی عادت ہے۔

ان کا کہنا تھا کہ لوگوں کو جو کہنا ہے کہنے دیں میری ذات کو اس سے کوئی فرق نہیں پڑتا میں جانتا ہوں اور میرا رب جانتا ہے مجھے کسی انسان کو وضاحت دینے کی کوئی ضرورت نہیں ہے۔

پاکستان ٹوئٹر پینل پر می ٹو مہم ٹاپ ٹرینڈ کیوں؟

نعمان اعجاز کے نزدیک بڑی عمر کی مضحکہ خیز بات کیا ہے؟

نعمان اعجاز نے مداحوں کو اپنی طاقت کا راز بتا دیا

عتیقہ اوڈھو نعمان اعجاز کی حمایت میں سامنے آ گئیں

پاکستان شوبز انڈسٹری کے معروف اداکار حمزہ علی عباسی کی بہن فضیلہ عباسی نے بھتیجے مصطفی عباسی کو دل کی دھڑکن قرار دے دیا۔

باغی ٹی وی :سوشل میڈیا پر فضیلہ عباسی نے حمزہ علی عباسی کے بیٹے محمد مصطفیٰ عباسی کے ہمراہ اپنی تصویر شیئر کی جس میں وہ اسے گود میں اٹھائے ہوئے ہیں۔

تصویر شیئر کرتے ہوئے انہوں نے لکھا کہ میرا بھتیجا محمد مصطفی عباسی میرے دل کی دھڑکن ہے۔
https://www.instagram.com/p/CDbAdR3AWAT/?igshid=1qesbyydvn5ld
اس سے قبل بھی ڈاکٹر فضیلہ عباسی نے بھی مصطفیٰ کو اٹھائے مختلف ویڈیوز شیئر کیں ویڈیوز میں دیکھا جا سکتا ہے کہ وہ بھتیجے کے ساتھ بہت خوش نظر آ رہی ہیں جس سے ظاہر ہوتا ہے کہ وہ مصطفیٰ کے ساتھ وقت گزارنے میں خوشی محسوس کرتی ہیں۔
https://www.instagram.com/p/CDZvotsjDlk/?igshid=d9n7oou71d3k
واضح رہے کہ معروف اداکار حمزہ علی عباسی اور اداکارہ نیمل خاور گزشتہ سال 25 اگست کو رشتہ ازدواج میں منسلک ہوئے تے، شوبز انڈسٹری سے کنارہ کشی اختیار کرنے والی جوڑی حمزہ علی عباسی اور نیمل خاور عباسی کے ہاں رواں ماہ 30 جولائی کو بیٹے کی پیدائش ہوئی تھی۔
https://www.instagram.com/p/CEVb3gOg26y/?igshid=ms6qukgpxvih

حمزہ علی عباسی نے سوشل میڈیا پر مداحوں کے ساتھ بیٹے کی تصویر شئیر کر دی