پاکستان کی سینئر اداکارہ سیمی راحیل نے نجی ٹی وی کے مارننگ شو کی میزبان اداکارہ ندا یاسرپر کراچی میں زیادتی کے بعد قتل ہونے والی 5 سالہ مروہ کے والدین کو پروگرام میں مدعو کرنے پر برہمی کا اظہار کیا ہے-

باغی ٹی وی : حال ہی میں نجی ٹی وی کے مارننگ شو کی میزبان اداکارہ ندا یاسر نے کراچی میں زیادتی کے بعد قتل ہونے والی 5 سالہ مروہ کے والدین کو پروگرام میں مدعو کرکے افسوسناک واقعے سے متعلق متعدد سوالات کیے جس پر سیمی راحیل نے اظہار برہمی کرتے ہوئے پیمرا سے شو کے خلاف نوٹس لینے کا مطالبہ کردیا ہے-

کراچی کے علاقے عیسٰی نگری میں 5 سالہ مروہ کو دو ملزمان نے زیادتی کا نشانہ بنایا اور لاش کچرا کنڈی میں پھینک دی تھی۔ اس دل سوز واقعے پر ہر دل دکھ سے بھرا ہوا ہے۔ ایسے میں ندا یاسر نے اپنے مارننگ شو میں مروہ کے والدین کو بلایا اور واقعے سے متعلق متعدد سوالات پوچھے۔

ندا یاسر نے اپنے پروگرام میں معروف سماجی کارکن صارم برنی اور ایک قانون دان کو بلایا۔ پروگرام کے دوران ندا یاسر نے واقعے سے متعلق والدین سے سوالات کئے جس پر برقع میں ملبوس مروہ کی دادی زار و قطار رونے لگیں اور ایک موقع پر خود ندا یاسر بھی اپنے جذبات پر قابو نہیں رکھ سکیں جس پر سوشل میڈیا صارفین نے برہمی کا اظہار کیا اور پیمرا سے شو کو بند کرنے کا مطالبہ کیا تھا تاہم اب اداکارہ سیمی راحیل نے بھی شو کے خلاف آواز اٹھائی ہے-

سماجی رابطے کی ویب سائٹ انسٹاگرام پر اپنی پوسٹ میں اداکارہ نے شو کی ایک تصوری شئیر کی اور کیپشن میں لکھا کہ ایک مارننگ شو میں زیادتی کے بعد قتل کی جانے والی پانچ سال کی بچی کے والدین کو فون کرنا !!! !!! ان سے تفصیل سے سوال کریں … اپنا درد دکھانا؟ آپ اس طرح کیسے کر سکتے ہیں آپ کتنے غیرانسانی اور بے حس ہوسکتے ہیں!؟
https://www.instagram.com/p/CFM0G_0hdy-/
انہوں نے برہمی کا اظہار کرتے ہوئے لکھا کہ آر پی حاصل کرنے کے لئے آپ اس طرح لوگوں کے درد کو کم کرتے ہیں ؟

اداکارہ نے لکھا کہ اس طرح کے قابل رحم سلوک پرچینل اور شو سے منسلک سب افراد کو شرم آنی چاہئے!

انہوں نے اپنی پوسٹ میں پیمرا کو چینل کی اس حرکت پر نوٹس لینے کا مطالبہ کیا اور افسوس کا اظہار کرتے ہوئے کہا کہ مجھے افسوس ہے کہ میں اس میڈیا کا حصہ ہوں-

زیادتی کے بعد قتل ہونے والی 5 سالہ مروہ کے والدین کو پروگرام میں مدعو کرنے پر صارفین ندا یاسر پر برہم

مروہ قتل کیس:شوبز فنکاروں کا ملک میں مجرموں کو سرعام پھانسی دینے کے قانون کا…

جنسی زیادتی میں ملوث افراد کو سرعام پھانسی دینی چاہئیے تاکہ انہیں دوسروں کے لیے مثال بنایا جاسکے اقرا عزیز

5 سالہ بچی کے قاتلوں کے لئے صرف پھانسی کی سزا کافی نہیں اُشنا شاہ

منیب بٹ ملکی حالات کے پیش نظر اپنی بیٹی امل کے لئے خوفزہ

ماہرہ خان کامن ویلتھ کی ٹیم کے ساتھ خواتین اور بچوں کے ساتھ ہونے والے جنسی ہراسانی…

پاکستان شوبز انڈسٹری کی سینئر اداکارہ سیمی راحیل نے اداکارہ عظمیٰ گیلانی کو شوبز انڈسٹری کی لیجنڈ قرار دیا ہے-

باغی ٹی وی :سینئیر اداکارہ سیمی راحیل نے سماجی رابطے کی ویب سائٹ انسٹاگرام پر ماضی میں عظمیٰ گیلانی کے ساتھ کئے گئے ایک ڈرامے کی تصویر شیئرکی-

تصویر شئیر کرتے ہوئے سیمی راحیل نے لکھا کہ یہ وہ بہترین وقت تھا جب اپنے پسندیدہ اور بہترین لوگوں کے ساتھ کام کرنے کا موقع ملا۔
https://www.instagram.com/p/CFK0TP5hToF/
سینئیر اداکارہ نے عظمیٰ گیلانی کی تعریف کرتے ہوئے لکھا کہ خاص طور پر عظمٰی گیلانی کے ساتھ کام کرتے ہوئے میں نے بہت کچھ سیکھا جو شوبز انڈسٹری کی بہت باصلاحیت اور لیجنڈ اداکارہ ہیں-

خیال رہے کہ دونوں سینئر اداکاراؤں نے پاکستان ٹیلی ویژن (پی ٹی وی ) پر نشر کئے گئے بانو قدسیہ کے ڈرامے ’کوئی تو ہو‘ میں ایک ساتھ اداکاری کے جوہر دکھائے تھے۔

اقرا عزیز نے اداکار نعمان اعجاز کو چلتا پھرتا اسکول قرار دیا

"چھوڑ گئے بالم مجھے ہائے اکیلا چھوڑ گئے”

پاکستان شوبز انڈسٹری کی معروف اداکارہ و سماجی کارکن نادیہ جمیل کا کہنا ہے کہ کوئی بھی کینسر اتنا مضبوط نہیں ہے کہ جو ان کی مسکراہٹوں میں موجود محبت کو روک سکے۔

باغی ٹی وی : سماجی کارکن و اداکارہ نادیہ جمیل نے سماجی رابطے کی ویب سائٹ انسٹاگرام پر ماضی کی ایک یادگار ویڈیو پوسٹ کی جس میں وہ بچوں کےساتھ کھیل رہی ہیں ویڈیو میں دیکھا جاسکتا ہے کہ بچے اداکارہ کے ساتھ کھیلتے ہوئے بہت خوش نظر آرہے ہیں۔
https://www.instagram.com/p/CFNrD3QhXHT/
نادیہ جمیل نے ویڈیو شئیر کرتے ہوئے کیپشن میں لکھا کہ یہ بچے میرا دل ہیں میری حوصلہ افزائی ہیں اور انہی سے مجھے ہمت ملتی ہیں۔

بریسٹ کینسر جیسے موذی مرض کو بہادری اورہمت سے شکست دینے والی اداکارہ نے لکھا کہ میں ہر دن ماضی کے ان خوبصورت دنوں کو یاد کرتی ہوں اور واپس ان دنوں میں جانے کی خواہش رکھتی ہوں جو میری پہچان ہیں جہاں سے میں تعلق رکھتی ہوں۔

اُنہوں نےلکھا کہ یہ وہ ہیں جو مجھے ہر طرح سے قبول کرتے ہیں اگر انہیں دل سے پیار دیا جاتا ہے تو وہ بھی جواب میں دل سے محبت دیتے ہیں اور یہ ننھے بچھ اس محبت کے مستحق ہیں-

نادیہ جمیل نے لکھا کہ میرا مقدر ان بچوں کے ساتھ اس کمرے میں ہے کوئی بیماری نہیں جو مجھے ان سے دور رکھ سکے-

سماجی کارکن نے بچوں کی مُسکراہٹ کو ایک بہترین علاج قرار دیتے ہوئے لکھا کہ اپنی زندگی کے مشکل ترین وقت میں ان بچوں کی خوبصورت مُسکراہٹیں میرے لیے ایک بہترین علاج ثابت ہوا ہے کوئی بھی کینسر اتنا مضبوط نہیں ہے کہ جو ان کی مسکراہٹوں میں موجود محبت کو روک سکے۔

اُنہوں نے مزید لکھا کہ ان بچوں کی وجہ سے مجھے تاریکی میں بھی روشنی ملتی ہے-

میں ایسا ملک چاہتی ہوں جس میں ہر عقیدے اور ہر صنف کا احترام کیا جائے اور ہر ایک کو انصاف ملے نادیہ جمیل

قومی کرکٹ کے سابق کپتان وسیم اکرم کی اہلیہ و سماجی کارکن شنیرا اکرم بھی کراچی میں جاری لوڈشیڈنگ سے تنگ آگئیں-

باغی ٹی وی : سماجی رابطے کی ویب سائٹ ٹوئٹر پر شنیرا اکرم نے اپنی ٹوئٹ میں کراچی میں جاری لوڈشیڈنگ کے سنگین مسئلے پر اپنے خیالات کا اظہار کرتے ہوئے سولر سسٹم سے فائدہ اٹھانے کا مشورہ دیا ہے –

شنیرا اکرم نے کراچی میں جاری اعلانیہ اور غیر اعلانیہ لوڈشیڈنگ سےتنگ آکر ٹوئٹ میں سولر سسٹم سے بجلی پیدا کرنے کا مشورہ دیتے ہوئے لکھا کہ کراچی شہر جہاں سارا سال سورج اپنی گرمی کی شدت سے آگ برساتا ہے وہاں میرے لیے یہ سمجھنا مشکل ہے کہ ہمارے پاس بجلی کےاتنے سنگین مسائل کیوں ہیں جبکہ ہم سورج کی مدد سے سولر انرجی بھی پیدا کرسکتے ہیں۔

For a city that has sun pretty much all year round it’s hard to understand why we have serious electricity problems and massive vitamin D deficiencies #Karachi #SolarEnergy #HarvestTheSun

— Shaniera Akram (@iamShaniera) September 17, 2020

وسیم اکرم کی اہلیہ نے وٹامن ڈی کی کمی کے شکار افراد کے لیے سوالیہ انداز میں لکھا کہ یہ سمجھنا بھی مشکل ہے کہ کراچی میں اتنی گرمی ہونے کے باجود بھی یہاں کے لوگ وٹامن ڈی کی کمی کا شکار کیوں ہیں۔

اُنہوں نے اپنے ٹوئٹ میں ہیش ٹیگ SolarEnergy ،Karachi اور HarvestTheSun بھی استعمال کیے۔

خیال رہے کہ اس سے قبل اداکار و میزبان فیصل قریشی نے سماجی رابطے کی ویب سائٹ ٹوئٹر پر کے الیکٹرک کو مخاطب کرتے ہوئے لکھا کہ بھئی جنریٹر یا ڈیزل والوں سے کوئی کانٹریکٹ ہی کرلو تاکہ ہمیں بجلی فراہم ہوسکے۔

واضح رہے کہ کے الیکٹرک کی بدولت کراچی کے مختلف علاقوں میں اعلانیہ اور غیر اعلانیہ لوڈشیڈنگ کا سلسلہ جاری ہے جس کے باعث شہری کافی پریشان ہیں۔

فیصل قریشی کے الیکٹرک کی غیر اعلانیہ لوڈ شیڈنگ سے تنگ آ گئے

فیصل قریشی کی مسلسل 7 دن بجلی کی عدم فراہمی پر کے الیکٹرک پر طنزیہ تنقید

اداکار فیصل قریشی مسلسل 5 دن سے بجلی کی عدم فراہمی پر کے الیکٹرک پر برہم

کراچی کے 95 فیصد علاقوں میں بجلی معمول پرآگئی،کے الیکٹرک کا دعویٰ

کراچی میں حالیہ بارشوں سے انفرا سٹرکچر تباہ ہوگیا

کراچی کےنکاسی کےنظام سے تو بہتر ہزاروں سال قبل موہنجوداڑواورہڑپہ کا نکاسی نظام…

شوبز انڈسٹری کو اسلام کی خاطر خیرباد کہنے والی رابی پیرزادہ کا کہنا ہے مجھے بہت ہنسی آتی ہے جب لوگ مجھے یہ دھمکی دیتے ہیں کہ اُن کے پاس میری کچھ ویڈیوز موجود ہیں۔

سوشل میڈیا سائٹ ٹوئٹر پر اپنے سلسلہ وار ٹوئٹس میں اداکارہ نے لکھا کہ مجھے بہت ہنسی آتی ہے جب لوگ مجھے یہ دھمکی دیتے ہیں کہ اُن کے پاس میری کچھ ویڈیوز موجود ہیں۔

رابی پیرزادہ نے لکھا کہ میں نے کشمیر کیلیے بولنا چھوڑا دعا نہیں،انُ کا انجام تو آپ نے دیکھنا ہی ہے انہوں نے دھمکی دینے والوں کو مخاطب کرتے ہوئے لکھا کہ مگر دھمکی والے بھائیوں اپنا انجام بھی دیکھنا میں نے شوبز،پیشہ تم جیسے منافقین کو امپریس کرنے کیلیے نہیں اللہ کیلیے چھوڑا ہے-

اپنے ایک اور ٹوئٹس میں رابی پیرزادہ نے لکھا کہ ویڈیو ‏نہ صرف رکھنے کی دھمکیاں دو بلکہ اپلوڈ بھی کرو، گناہ جاریا تو آج تک قابیل بھی بھگت رہا ہے –

انہوں نے لکھا کہ رابی آج بھی وہی ہے،صرف راستہ اللہ کا ہے۔کسی انسان کی الحمداللہ اتنی جرات نہیں میرے ایمان اور میری آواز کو روک سکے،کچھ شیطانوں سے میرا دین کا سفر برداشت نہیں، مگر جبار وقہار میرے ساتھ ہے-

رابی نے مزید لکھا کہ ‏آج یہ بات سچ ثابت ہوگئ جب ایک دوست نے کہا رابی اگر اللہ کیلیے شوبز چھوڑا تو لوگ ساری زندگی طعنے دیں گ- دین کے سفر میں ہماری منافقت سامنے آجاتی ہے، اگر شوبز میں رہو گی تو جلد بھول جائیں گے جیسا پہلے اور اب کچھ شوبز خواتین کے لیک ڈیٹا کے ساتھ ہوتا رہا ہے-

واضح رہے کہ گزشتہ برس رابی پیرزادہ کی سوشل میڈیا پر نہایت نازیبا ویڈیوز اور تصاویر لیک کر دی گئیں تھیں رابی پیرزادہ نے اپنی لیک ہونے والی ویڈیوز کے خلاف فیڈرل انویسٹی گیشن ایجنسی(ایف آئی اے) کے سائبر کرائم ونگ لاہور میں تحقیقات کی درخواست دائر کی تھی رابی پیرزادہ نے ویڈیوز لیک ہونے کے بعد شوبز چھوڑنے کا اعلان کیا تھا-

رابی پیرزادہ پسٹل لے کر لاہور سے گوجرانوالہ براستہ موٹروے سفر پر نکل پڑیں

پاکستان شوبز انڈسٹری کی سینئر اداکارہ اور اسکینڈل کوئین اداکارہ میرا تسلیم پرکوثر نامی خاتون نے دھوکے سے گھر اپنے نام کروانے کا مقدمہ درج کروایا ہے-

باغی ٹی وی : اطلاعات کے مطابق اداکارہ میرا پر تسلیم کوثر نامی خاتون نے الزام لگایا ہے کہ اداکارہ نے دھوکا دہی سے ان کا ایک کنال کا گھر اپنے نام کروایا۔

سول کورٹ میں ادکارہ میرا کے گھر کی دعوے دار خاتون کی درخواست پر سماعت ہوئی سول جج عدنان علی نے تسلیم کوثر نامی خاتون کی درخواست پر سماعت کی۔

دوران سماعت خاتون نے موقف اختیار کیا کہ عتیق الرحمٰن نے مجھے گھر کی تمام رقم ادا کی میرا نے دھوکا دہی سے 1 کنال کا گھر اپنے نام کروایا میرا اپنا گھر فروخت کرنا چاہتی ہیں۔

خاتون نے عدالت سے استدعا کرتے ہوئے کہا کہ عدالت اداکارہ میرا کو گھر فروخت کرنے سے روکنے کا حکم دے اور قانون کے مطابق گھر کے کاغذات عتیق الرحمٰن کے نام کرنے کا حکم دے۔

عدالت نے وکلاء کو حتمی بحث کے لیے آئندہ سماعت پر طلب کرتےہوئے سماعت 30 ستمبر تک ملتوی کردی۔

میرا فائرنگ کیس:باغی ٹی وی کی خبر پر پولیس نے مقدمہ درج کرلیا، ملزمان کی گرفتاری…

فیصل آباد میں فلمسٹار میرا جی کی پرفارمنس کے دوران فائرنگ

بچے کی حوالگی کیس میں عدالت نے محسن عباس حیدر کوآئندہ سماعت پر ہر صورت جواب جمع…