Baaghi TV

Category: شوبز

  • گلوکارہ ٹیلر سوئفٹ کی جانب سے کیٹی پیری کی بیٹی کو دئیے گئے تحفے کے سوشل میڈیا پر چرچے

    گلوکارہ ٹیلر سوئفٹ کی جانب سے کیٹی پیری کی بیٹی کو دئیے گئے تحفے کے سوشل میڈیا پر چرچے

    معروف امریکی گلوکارہ ٹیلر سوئفٹ نے امریکی پاپ اسٹار کیٹی پیری اورلینڈو بلوم کی بیٹی ڈیسی ڈوو بلوم کو ہاتھ سے تیار کیا ایک خوبصورت کمبل تحفے میں بھیج دیا۔

    باغی ٹی وی : سماجی رابطے کی ویب سائٹ انسٹاگرام پر کیٹی پیری نے ایک خوبصورت اور نرم و ملائم بچوں کے کمبل کی تصویر شیئر کی جو گلوکارہ ٹیلرسوئفٹ کی جانب سے اُن کی ننھی بیٹی ڈیسی ڈوو بلوم کے لیے بھیجا گیا ہے۔

    ٹیلر سوئفٹ کی جانب سے بھیجے گئے تحفے پر ہاتھ کی کڑھائی سے ’بےبی بلوم‘ لکھا گیا ہے جبکہ اُس کے ساتھ ہی ایک پھول بھی بنایا گیا ہے۔

    امریکی گلوکارہ نے اس خوبصورت تحفے کے ساتھ کیٹی پیری اور اُن کی بیٹی کے لیے محبت بھرا پیغام بھی بھیجا۔
    https://www.instagram.com/p/CFG0-c3hU04/
    تحفے کی تصاویر انسٹاگرام پر شیئر کرتے ہوئے کیٹی پیری نے لکھا کہ مس ڈیسی نے ٹیلر سوئفٹ کے اس خوبصورت تحفے کو اپنے ہاتھوں میں لیا اور مجھے اُمید ہے کہ جب تک وہ بڑ ی نہیں ہوجاتیں تب تک یہ تحفہ استعمال کرتی رہیں گی۔

    خیال رہے کہ کیٹی پیری نے 2010 میں برطانوی اداکار رسل ایڈورڈ کے ساتھ شادی کی تھی اور دو سال بعد ہی ان دونوں میں علیحدگی ہوگئی تھی جبکہ گلوکارہ 2016 سے اداکار اورلینڈو بلوم کے ساتھ تعلقات میں ہیں۔

    دونوں نے فروری 2019 میں منگنی کی تھی تاہم تاحال دونوں نے شادی نہیں کی کیٹی پیری کی جانب سے امید سے ہونے کی تصدیق کے بعد بھی ان کی جلد شادی کی چہ مگوئیاں ہوئیں تاہم بعد ازاں خبریں سامنے آئیں کہ کورونا کی وبا کے باعث دونوں نے شادی کا ارادہ فی الحال ملتوی کردیا۔

    لیکن گزشتہ ماہ ہی اس جوڑے کا ہاں بیٹی کی پیدائش ہوئی ہے جس کا نام ’ڈیسی ڈوو بلوم‘ ہے تاہم اب خیال ظاہر کیا جار ہا ہے کہ دونوں جلد شادی کرلیں گے تو دونوں کی یہ دوسری شادی ہوگی، دونوں کی پہلی شادیاں طلاق پر ختم ہوئی تھیں۔

    امریکی پاپ اسٹار کیٹی پیری کے ہاں بیٹی کی پیدائش

  • مایا علی کے نئے برائیڈل شوٹ کی تصاویر سوشل میڈیا پر وائرل

    مایا علی کے نئے برائیڈل شوٹ کی تصاویر سوشل میڈیا پر وائرل

    پاکستانی شوبز انڈسٹری کی مقبول ترین اداکارہ مایا علی کے نئے برائیڈل شوٹ کی تصاویرخوب وائرل ہو رہی ہیں ۔

    باغی ٹی وی : اداکارہ مایا علی اکثر و بیشتر اپنی خوبصورت تصاویر اور مداحوں کے لئے معنی خیز پیغامات سوشل میڈیا پر شیئر کرتی رہتی ہیں جنہیں اُن کے مداحوں کی جانب سے خوب پسند کیا جاتا ہے ۔

    مایا علی نے سماجی رابطے کی ویب سائٹ انسٹاگرام پر اپنے نئے برائیڈل شوٹ کی تصاویر شئیر کیں ہیں جن میں مایا علی بے حد حسین لگ رہی ہیں اداکارہ کی تصاویر نے وائرل ہوتے ہی دھوم مچا دی ہے-
    https://www.instagram.com/p/CFMdh3pnFUd/
    مایا علی کی جانب سے شیئر کی گئی تصویر کے کیپشن میں ایک نہایت خوبصورت شعر لکھتے ہوئے کہنا ہے کہ ’ اوّل اوّل کی دوستی ہے ابھی ۔۔۔ اک غزل ہے کہ ہو رہی ہے ابھی ۔
    https://www.instagram.com/p/CFMrbpUHNkk/
    https://www.instagram.com/p/CFMRKVJnHIr/
    مایا علی کی تصاویر اور اور شعر پر جہاں اُن کے مداحوں کی جانب سے تعریفیں کی جا رہی ہیں وہیں شوبز شخصیات کی جانب سے بھی خوب سراہا جا رہا ہے-

    ماڈل فریال مخدوم کے حالیہ فوٹو شوٹ کی خوبصورت تصاویر اور ویڈیو وائرل

    اداکارہ عائزہ خان کے حالیہ فوٹو شوٹ کی دلکش تصاویر کی سوشل میڈیا پر دھوم

    ماڈل فریال مخدوم کے حالیہ برائیڈل فوٹو شوٹ کی خوبصورت تصاویر اور ویڈیو وائرل

     

  • کُھلے عام منشیات کا استعمال کرنے پر بھارتی پروڈیوسرکرن جوہر سمیت دیگر اداکاروں کے خلاف مقدمہ درج

    کُھلے عام منشیات کا استعمال کرنے پر بھارتی پروڈیوسرکرن جوہر سمیت دیگر اداکاروں کے خلاف مقدمہ درج

    نارکوٹکس کنٹرول بیورو (این سی بی) نے تقریب میں کُھلے عام منشیات کا استعمال کرنے پر بالی وڈ کے مقبول ترین پروڈیوسر کرن جوہر سمیت دیگر اداکاروں کے خلاف مقدمہ درج کرلیا ہے۔

    باغی ٹی وی : بھارتی میڈیا کی رپورٹ کے مطابق دہلی کے سابق ایم ایل اے منجندر سنگھ سرسا نے کرن جوہر سمیت ان بھارتی اداکاروں کے خلاف نارکوٹکس کنٹرول بیورو (این سی بی) کے پاس ایف آئی آر درج کرائی ہے جنہوں نے گذشتہ سال 2019 میں کرن جوہر کی میزبانی میں ایک تقریب میں شرکت کی تھی اور اُس تقریب میں کُھلے عام منشیات کا استعمال کیا گیا تھا۔

    بھارتی میڈیا کے مطابق اس تقریب میں کرن جوہر کے قریبی ساتھیوں نے شرکت کی تھی جن میں دپیکاپڈوکون، رنبیر کپور، وکی کوشل، ارجن کپور، ملائیکہ اروڑا، شاہد کپور اور فلمساز ایان مکرجی سمیت کئی مشہور شخصیات شامل تھیں۔

    دہلی کے سابق ایم ایل اے منجندر سنگھ سرسا نے زور دیا کہ اس معاملے کی جانچ پڑتال کی جائے کیونکہ اس کے نتیجے میں اداکار سوشانت سنگھ راجپوت کے خودکشی کیس میں مزید انکشافات بھی ظاہر ہوسکتے ہیں۔

    بھارتی میڈیا کو بیان دیتے ہوئے سابق ایم ایل اے نے کہا کہ تقریب کی وائرل ہونے والی ویڈیو کے بارے میں انہوں نے گزشتہ سال ممبئی پولیس کو شکایت درج کروائی تھی لیکن انہوں نے اس کی تحقیقات کے لیے کوئی سخت کارروائی نہیں کی۔


    سابق ایم ایل اے نے ٹوئٹر پر کرن جوہر سمیت دیگر اداکاروں کے خلاف درج ایف آئی آر کی تصاویر بھی شیئر کیں-

    واضح رہے کہ منجندر سنگھ سرسا نے سال 2019 میں اپنے ٹوئٹر اکاؤنٹ پر اُس منشیات تقریب کی ویڈیو بھی شیئر کی تھی جس کی میزبانی کرن جوہر نے کی تھی۔

    کنگنا رناوت کے خلاف بیان کے بعد بچن خاندان کی سیکیورٹی بڑھا دی گئی

    آئی ایس آئی ستر سالوں میں جو کچھ نہیں کرسکی ، کنگنا رناوت نے سات ہفتوں میں کر دیا

  • صدف کنول اپنے اوپر تنقید کرنے والوں پر برہم

    صدف کنول اپنے اوپر تنقید کرنے والوں پر برہم

    پاکستان شوبز انڈسٹری کی معروف اداکارہ و ماڈل صدف کنول نے اپنے اوپر تنقید کرنے والوں کو آڑے ہاتھوں لیتے ہوئے سختی سے جواب دیا-

    باغی ٹی وی : رواں سال معروف اداکار شہروز سبزواری سے شادی کرنے والی ماڈل صدف کنول کی ایک ویڈیو سوشل میڈیا پر زیرگردش ہے جس میں وہ س

    وشل میڈیا صارفین کے تنقید بھرے تبصروں پر شدید ردّ عمل کا اظہار کر رہی ہیں۔
    https://www.instagram.com/p/CFM68PmlEUf/?igshid=12rcx5ly51i2j
    وائرل ہونے والی ویڈیو میں صدف کنول نے کہا کہ جو لوگ میرا یہ پیغام سُن رہے ہیں وہ اپنی حد میں رہیں، خوش رہیں، بہت پیارے رہیں اور کسی کی بُرائیاں نہ کریں اور انسان کے بچے بن کر رہیں-

    صدف کنول نے اُن سے نفرت کرنے والوں سے کہا کہ وہ منفی پیغامات بھیجنا بند کریں۔

    واضح رہے کہ رواں سال شہروز سبزواری کی ماڈل صدف کنول سے دوسری شادی کے بعد سے دونوں کو سوشل میڈیا پر بےحد تنقید کا نشانہ بنایا گیا تھا جبکہ صارفین نے صدف کنول کو سائرہ اور شہروز کی طلاق کی وجہ بھی قرار دیا تھا۔

    اداکارہ و ماڈل صدف کنول کی ہمشکل کی ویڈیو سوشل میڈیا پر وائرل

    صدف کنول نے شہروز سبزواری کی سالگرہ یاد گار بنا دی

    سائرہ یوسف کو طلاق، صدف کنول سے نکاح کرنے پر شہروز سبزواری دونوں پر تنقید جاری

    صدف کنول سے صدف سبزواری تک کا سفر

    شہروز ، سائرہ اور صدف کے بیچ اصل کہانی کیا ہے، پڑھیے اس خبر میں

    بہروز سبزواری نے سائرہ اور شہروز کی طلاق کی تردید کر دی

    شہروز سبزواری کے ساتھ کوئی تعلق نہیں صدف کنول نے افواہوں کی تردید کر دی

  • امریکی پاپ گلوکارہ میڈونا اپنی زندگی پر بننے والی فلم کی ہدایات خود دیں گے

    امریکی پاپ گلوکارہ میڈونا اپنی زندگی پر بننے والی فلم کی ہدایات خود دیں گے

    امریکی پاپ گلوکارہ ،لکھاری و ہدایت کار 62 سالہ میڈونا اپنی زندگی پر بننے والی فلم کی ہدایات خود ہی دیں گی-

    باغی ٹی وی : خبر رساں ادارے اے پی نے اپنی رپورٹ میں بتایا کہ یونیورسل پکچر نے 15 ستمبر کو اعلان کیا کہ پروڈکشن ہاؤس جلد ہی میڈونا کی زندگی پر بننے والی فلم پر کام کا آغاز کردے گا۔

    رپورٹ میں تصدیق کی گئی کہ گلوکارہ و ہدایت کارہ میڈونا خود ہی اپنی زندگی پر بننے والی فلم کی ہدایات دیں گی اور فلم ان کی موسیقی کی زندگی پر مبنی ہوگی ساتھ ہی وہ مذکورہ فلم کی شریک لکھاری بھی ہوں گی اور وہ ایوارڈ یافتہ لکھاری ڈیابلو کوڈی کا ساتھ دیں گی۔

    میڈونا کی زندگی پر بنائی جانے والی فلم کا نام تاحال نہیں رکھا گیا جب کہ فلم کو ایمی پاسکل پروڈیوس کریں گے جو 1992 میں میڈونا کی ’فلم اے لیگ آف دیئر آن‘ بھی پروڈیوس کر چکے ہیں ۔

    جبکہ اس حوالے سے میڈونا کا کہنا ہے کہ وہ اپنی زندگی پر مبنی فلم کو خود ہی لکھیں گی اور اس کی ہدایت بھی دیں گی۔

    ان کا کہنا تھا کہ وہ زندگی میں بطور ایک گلوکارہ، موسیقار اور ڈانسر اس دنیا میں آگے بڑھنے کی اپنی کوششوں کے ناقابل یقین سفر کو خود لوگوں تک پہنچانا چاہتی ہیں۔

    اپنے بیان میں میڈونا نے کہا کہ اس فلم کے توسط سے بھی ان کی توجہ کا مرکز موسیقی ہی ہوگی کیونکہ موسیقی مجھے آگے بڑھاتی رہی اور فن نے مجھے زندہ رکھا۔

    انھوں نے کہا کہ بہت ساری ان سنی اور متاثرکن کہانیاں موجود ہیں لیکن مجھ سے بہتر انداز میں انھیں کون بیان کرسکتا ہے تاہم یہ ضروری ہے کہ میری زندگی کے نشیب و فراز میری اپنی آواز اور اپنے نظریے سے شیئر ہوں۔

    واضح رہے کہ امریکی گلوکارہ کے پچیس سالہ فنی کیرئیر میں دو کروڑ سے زائد میوزک البم دنیا بھر میں فروخت ہوچکے ہیں اس کے علاوہ میڈونا بیس سے زائد فلموں میں اداکاری کے جوہر بھی دکھا چکی ہیں-

    گنیز بک آف ورلڈ ریکا رڈز میں میڈونا کو موسیقی کی تاریخ کی مقبول ترین خاتون گلوکارہ قرار دیا گیا جبکہ ریکارڈنگ انڈسٹری ایسوسی ایشن آف امریکہ نے میڈونا کو بیسویں صدی کی مقبول ترین گلوکارہ قرار دیا۔

    میڈونا بیک وقت ڈانسر، سنگر، پروڈیوسر، ڈائریکٹر، فیشن ڈیزائنر، مصنفہ اور اداکارہ بھی ہیں

    امریکی پاپ سٹار میڈونا 62 سال کی ہوگئیں

    شہزادہ ہیری اور میگھن مارکل نے نیٹ فلیکس سے معاہدہ شاہی خاندان پر دباؤ بڑھانے کے…

    اشتیاق احمد کی جاسوسی ناول سیریز انسپکٹر جمشید جلد ویب سیریز کے طور پر سامنے آئے…

    لیڈی سائنس فکشن فلم ’ونڈر وومن 1984‘ ایک بار پھر تاخیر کا شکار

  • آئی ایس آئی ستر سالوں میں جو کچھ نہیں کرسکی ، کنگنا رناوت نے سات ہفتوں میں کر دیا

    آئی ایس آئی ستر سالوں میں جو کچھ نہیں کرسکی ، کنگنا رناوت نے سات ہفتوں میں کر دیا

    پاکستان انٹیلیجنس آئی ایس آئی ستر سالوں میں جو کچھ نہیں کرسکی ، بالی وڈ اداکارہ کنگنا رناوت نے سات ہفتوں میں کر دکھایا ہے-

    باغی ٹی وی : بالی وڈ انڈسٹری میں ہندو اداکاروں کے ساتھ ساتھ مسلم اداکاروں ، مصنفین ، پروڈیوسروں اور ہدایت کاروں نے بھی کامیبیاں سمیٹیں اور شہرت کی بلندیاں حاصل کیں-

    لیکن مودی کی آمد کے بعد ہندوتوا ذہنیت نے ملک اور سیاسی نظام کے ساتھ ساتھ شوبز انڈسٹری کو بری طرح متاثر کیا ہے۔ تنگ اور متعصبانہ آر ایس ایس کی ذہنیت رکھنے والے اب اس صنعت پر بھی حاوی نظر آتے ہیں۔

    ان میں ایک فلمی اداکارہ کنگنا رناوت جیسی خاتون بھی ہیں جن کی متنازع اورخراب ذہنیت نے انڈسٹری کو بہت متاثر کیا ہے جس کی وجہ سے کنگنا کو اسکینڈل گرل کے نام سے بھی جانا جاتا ہے

    بھارتی صحافی آر کے بجاج نے ایک مضمون میں لکھا ہے کہ کنگنا رناوت نے 7 ہفتوں میں وہ کیا جو پاکستانی آئی ایس آئی 70 سالوں میں نہیں کرسکا۔

    اس سلسلے میں کنگنا اور اس کی ٹرول فوج نے بہت نقصان کیا ہے۔ مسٹر آر کے نے کہا کہ یہ متنازع اداکارہ ایک خاص مقصد کے لئے ایک ایسے اثاثے (بالی وڈ انڈسٹری ) کو تباہ کررہی ہے جو 107 سالوں سے بڑی مشکل سے تعمیر کیا گیا تھا۔

    بالی وڈ کی ‘ملکہ’ کنگنا رناوت کو کبھی ہریتھیک روشن پر الزام تراشی کرتے دیکھا جا تا ہے اور کبھی ہدایتکار کرن جوہر کو بے نقاب کرنے کی دھمکیاں دیتی نظر آتی ہیں دراصل ، کچھ مہینے پہلے ، انہوں نے یہاں تک کہ اپنی پریس کانفرنس کے دوران ایک صحافی تک کو بھی آڑے ہاتھوں لیا تھا-

    یہاں تک کہ انہوں نے راج سبھا کی رکن پارلیمنٹ اور سئینئر اداکارہ جیا بچن کو بھی منہ توڑ جواب دینے سے پیچھے نہیں ہٹیں جنہوں نے راجیہ سبھا اجلاس میں انہیں نشانہ بنایا۔ وہ بالی وڈ انڈسٹری میں بھی ڈرگ مافیا کو بے نقاب کرنے کے لئے پُر عزم ہیں –

    یاد رہے کہ حال ہی میں بھارتی ریاست مہاراشٹر کے دارالحکومت ممبئی (بی ایم سی) نے بالی وڈ اسٹار اداکارہ کنگنا رناوت کے دفتر اور گھر کو تجاوزات کا اعلان کرکے توڑ دیا تھا۔

    اس سلسلے میں ، کنگنا رناوت نے ہندوستانی ریاست مہاراشٹر کے وزیر اعلی ، ادھے ٹھاکرے کو مخاطب کرتے ہوئے کہا تھا ، "میرے گھر کی طرح ایک دن آپ کی انا بھی ٹوٹے گی۔”

    انہوں نے ہدایتکار کرن جوہر اور ادھے ٹھاکرے کو بے نقاب کرنے کا اعلان بھی کیا تھا ، جس کے بعد ممبئی میں اداکارہ کے خلاف مقدمہ درج کیا گیا تھا۔

    بھارتی صحافی نے اجیت ڈول سے اپیل کی ہے کہ وہ اس معاملے میں اداکارہ کو قابو کریں ورنہ اس سے انڈسٹری کو مزید نقصان ہوگا۔

    جیا بچن کے بیان پر کنگنا رناوت کا شدید ردعمل

    کنگنا رناوت کے خلاف بیان کے بعد بچن خاندان کی سیکیورٹی بڑھا دی گئی

    کنگنا رناوت کو ادھو ٹھاکرے کے خلاف آواز بلند کرنا مہنگی پڑ گئی

    کنگنا رناوت نے ایودھیا اور کشمیر پر فلم بنانے کا اعلان کردیا

    میرا مکان توڑنے والے پاکستانی ہیں، کنگنا رناوت نے بھونڈا الزام لگا دیا

     

  • زندگی کی تخلیق کا تجربہ کرنے سے زیادہ حقیقی چیز کوئی نہیں ہے انوشکا شرما

    زندگی کی تخلیق کا تجربہ کرنے سے زیادہ حقیقی چیز کوئی نہیں ہے انوشکا شرما

    بالی وڈ کی معروف اداکارہ انوشکا شرما کو اپنی فیملی میں نئے ممبر کا بےصبری سے انتظار ہے-

    باغی ٹی وی : بالی وڈ کی مقبول اور با صلاحیت اداکارہ انوشکا شرما نے سوشل میڈیا ویب سائٹ انسٹاگرام پر اپنی ایک حالیہ تصویر شیئر کرتے ہوئے لکھا کہ زندگی کی تخلیق کا تجربہ کرنے سے زیادہ حقیقی چیز کوئی نہیں ہے۔
    https://www.instagram.com/p/CFEu4R_J7Oi/
    انوشکا نے لکھا کہ جب یہ ہی آپ کے اختیار میں نہیں ہے تو واقعتاً آپ کے اختیار میں کیا ہے؟

    انوشکا کی اس پوسٹ پر شوہر ویرات کوہلی نے کمنٹ کرتے ہوئے محبت کا اظہار کیا اور لکھا کہ میری کُل کائنات ایک فریم میں۔

    اداکارہ کی اس پوسٹ پر جہاں مداحوں نے نیک خواہشات کا اظہار کیا وہیں کرینہ کپور، جیکولین فرنینڈس ،زرین خان اور شلپا سیٹھی سمیت ساتھی فنکاروں کی بڑی تعداد نے بھی نیک خواہشات کا اظہار کیا۔


    خیال رہے کہ 2017 میں شادی کے بندھن میں بندھنے والے انوشکا اور ویرات کے ہاں ننھے مہمان کی آمد آئندہ برس جنوری میں متوقع ہے۔
    31 سالہ ویرات کوہلی اور 32 سالہ انوشکا شرما نے سوشل میڈیا اکاؤنٹس پر اپنے مداحوں کو یہ خوشخبری دی انوشکا شرما نے انسٹاگرام اور ٹوئٹر پر اپنی پوسٹس میں لکھا کہ اور پھر ہم 3 ہونے جارہے ہیں۔
    https://www.instagram.com/p/CEYZINOpd53/
    ویرات کوہلی اور انوشکا شرما کی جانب سے اس خبر کو شیئر کیے جانے پر اُن کے مداحوں نے خوشی کا اظہار کیا جبکہ کچھ انٹرنیٹ صارفین نے اپنے تبصروں میں کہا کہ چھوٹا ویرات کوہلی آنے والا ہے ۔

    فیملی میں نئے ممبر کے اضافے کا بے صبری سے انتظار ہے کرینہ کپور

    کرینہ کپور امید سے ہوگئیں :بھارتی میڈیا کا دعویٰ

  • اقرا عزیز نے اداکار نعمان اعجاز کو چلتا پھرتا اسکول قرار دیا

    اقرا عزیز نے اداکار نعمان اعجاز کو چلتا پھرتا اسکول قرار دیا

    پاکستان شوبز انڈسٹری کی معروف اداکارہ اقرا عزیز کا کہنا ہے کہ باصلاحیت اداکار نعمان اعجاز اپنے آپ میں ایک چلتا پھرتا سکول ہیں-

    باغی ٹی وی : سماجی رابطے کی ویب سائٹ انسٹاگرام پر اقرا عزیز نے سینئیر اداکار نعمان اعجاز کے ہمراہ لی گئی اپنی ایک تصویر پوسٹ کی یہ تصویر اُن کے نئے آنے والے ڈرامے ’رقیب سے ‘ کی ہے جو کہ ایک نجی ٹی وی چینل پر نشر کیا جائے گا۔
    https://www.instagram.com/p/CFNCZ2YnOyz/
    تصویر پوسٹ کرتے ہوئے اقرا عزیز نے نعمان اعجاز کو مخاطب کرتے ہوئے لکھا کہ سر میں بہت خوش قسمت ہوں کہ مجھے آپ کےساتھ کام کرنے کا موقع ملا اس دوران میں نے آپ سے بہت کچھ سیکھا اورآپ کے ساتھ ایک اچھا وقت گُزارا۔

    اقرا عزیز نے لکھا کہ آپ ہمارے ایک ایسے لیجنڈ ہیں جنہوں نے ہماری انڈسٹری کو 32 سال دیے لیکن اس کے باوجود بھی آپ میں بالکل غرور نہیں ہے بلکہ آپ تو خوش اخلاق شخصیت کے مالک ہیں۔

    اداکارہ نے نعمان اعجاز کےساتھ گُزرے وقت کو ایک بہترین خوشی قرار دیتے ہوئے کہا کہ ’آپ کے ساتھ گُزرا ہر لمحہ میرے لیے ایک قیمتی یاد ہے۔‘

    آخر میں اقرا عزیز نے اداکار کو اسکول قرار دیتے ہوئے لکھا کہ ’واقعی میں آپ ایک چلتے پھرتے اسکول ہیں۔‘

    واضح رہے کہ ڈرامہ ’رقیب سے‘ ایک نجی ٹی وی چینل پر نشر کیاجائے جس میں اقرا عزیز اور نعمان اعجاز کے ساتھ گلوکارہ حدیقہ کیانی بھی پہلی بار ڈراموں میں اداکاری کرتی نظر آئیں گی۔

    عالمی شہرت یافتہ گلوکارہ حدیقہ کیانی ٹیلی ویژن پر اداکاری کرنے کے لیے تیار

    بدترین لوگ وہ ہیں جو ہمیشہ دوسروں کے عیبوں کو تلاش کرتے ہیں نعمان اعجاز

    ہمارے پاس عورتوں کے ساتھ کھڑے ہونے والے اور اُن کی حفاظت کرنے والے مرد بھی موجود…

  • "چھوڑ گئے بالم مجھے ہائے اکیلا چھوڑ گئے”

    "چھوڑ گئے بالم مجھے ہائے اکیلا چھوڑ گئے”

    فلمی صنعت کی 1949 میں بننے والی مقبول ترین فلم برسات کے گانے "چھوڑ گئے بالم مجھے ہائے اکیلا چھوڑ گئے”سے اپنے فلمی سفر کا آغاز کرنے والے نغمہ نگار اقبال حسین المعروف حسرت جے پوری کی 21ویں برسی آج عقیدت و احترام کے ساتھ منائی جارہی ہے۔
    حسرت جے پوری 17 ستمبر 1999 کو 77 سال کی عمر میں ممبئی میں انتقال کرگئے تھے۔ 15 اپریل 1922 کو جے پور میں پیدا ہونے والے اقبال حسین عرف حسرت جے پوری کو شاعری ورثے میں ملی۔ ان کے نانا فدا حسین فدا مشہور شاعر تھے۔ لیکن شعرو شاعری کو اپنے ساتھ رکھنے کے لئے حسرت کو جو جدوجہد کرنی پڑی وہ سب کے لئے ممکن نہیں تھا۔ انہوں نے 20 سال کی عمر میں شاعری شروع کی۔ حسرت جے پوری نے اپنی فلمی زندگی کا آغاز فلم برسات کے دو گانوں سے شروع کیا۔جیا بے قرار ہے چھائی بہار ہے، آجا مورے بالما تیرا انتظار ہے، کی زبردست مقبولیت کے بعد انہوں نے کئی فلموں کے لئے گیت لکھے جو ان فلموں کی کامیابی کا باعث بنے۔ ایک انٹرویو میں انہوں نے بتایا تھا کہ انہیں اپنے ہمسائے کی ایک ہندو لڑکی رادھا سے محبت ہو گئی تو انہوں نے اس کا اظہار ایک خط لکھ کر کرنا چاہا۔ خط میں انہوں نے اپنے جذبات کا اظہار صرف ایک شعر کی شکل میں کیا۔ "یہ میرا پریم پتر پڑھ کر، کہ تم ناراض نہ ہونا”۔ تاہم اس لڑکی نے تواس خط کاجواب نہیں دیالیکن راج کپور نے یہی شعر 1964 کی فلم سنگم میں ایک گیت کی شکل میں لے لیا۔ فلموں میں جب بھی ٹائٹل گیتوں کا ذکر ہوتا ہے، نغمہ نگار حسرت جے پوری کا نام سر فہرست آجاتا ہے۔ ویسے تو حسرت جے پوری نے ہر طرح کے گیتوں میں طبع آزمائی کی لیکن فلموں کے ٹائٹل گیت لکھنے میں انہیں کمال کی مہارت حاصل تھی۔ فلموں کے سنہری دور میں ٹائٹل گیت لکھنا بڑی بات سمجھی جاتی تھی۔ فلم سازوں کوجب بھی ٹائٹل گیت کی ضرورت ہوتی تھی، سب سے پہلے حسرت جے پوری سے رابطہ کیا جاتا تھا۔ان کے تحریر کردہ ٹائٹل گیتوں نے کئی فلموں کوکامیاب بنانے میں اہم کردار ادا کیا تھا۔ 1966 میں انہیں فلم سورج کے گیت بہارو پھول برساو میرا محبوب آیا ہے، پر فلم فئیر ایوارڈ دیا گیا۔ حسرت جے پوری کے دو بیٹے اختر اور آصف ان دنوں ممبئی میں پراپرٹی کا کام کر رہے ہیں جب کہ ان کی بیٹی کشور رحیم یار خان میں گھریلو زندگی بسر کر رہی ہیں۔

  • کنگنا رناوت کے خلاف بیان کے بعد بچن خاندان کی سیکیورٹی بڑھا دی گئی

    کنگنا رناوت کے خلاف بیان کے بعد بچن خاندان کی سیکیورٹی بڑھا دی گئی

    سماج وادی پارٹی کی رکن پارلیمنٹ اور لیجنڈری اداکار امیتابھ بچن کی اہلیہ سمیت پورے بچن خاندان کی سیکیورٹی بڑھادی گئی۔

    باغی ٹی وی : بھارتی میڈیا رپورٹس کے مطابق کنگنا رناؤت کے خلاف دھواں دھار بیان دینے کے بعد سماج وادی پارٹی کی رکن پارلیمنٹ جیا بچن سمیت اہل خانہ کی سیکیورٹی بڑھا دی گئی ہے-

    بھاتتی میڈیا رپورٹس کے مطابق ریاست مہاراشٹرا نے کہا ہے کہ بچن خاندان کی سیکیورٹی جیا بچن کے راجیا سبھا میں بیان کے بعد بڑھائی گئی ہے۔

    کنگنا رناوت فلم انڈسٹری میں اقرباپروری کے خلاف آواز بلند کرنے والوں میں شامل ہیں جبکہ انہوں نے اس انڈسٹری کو ’گٹر‘ سے تشبیہ دی تھی۔


    اسی بیان سے متعلق راجیا سبھا میں خطاب کرتے ہوئے جیا بچن نے کہا تھا کہ شوبز انڈسٹری کے کچھ لوگوں کو سوشل میڈیا پر مار پڑ رہی ہے ایسے لوگ جنھوں نے اس انڈسٹری سے نام بنایا وہ اسے ہی گٹر کہہ رہے ہیں۔

    کنگنا رناوت کے بیان کو مسترد کرتے ہوئے جیا بچن کا کہنا تھا کہ میرا ایسے بیان سے مکمل اختلاف ہے مجھے امید ہے کہ حکومت ایسے لوگوں کو بتائے گی کہ وہ اس طرح کی زبان استعمال نہ کریں

    یا بچن کے اس بیان پر رد عمل دیتے ہوئے کنگنا رناوت نے سماجی رابطے کی ویب سائٹ ٹوئٹر پر اپنے ٹوئٹ میں جیا بچن کو مخاطب کرتے ہوئے لکھا کہ جیا جی! کیا آپ اس وقت بھی ایسا ہی بیان دیتیں جب میری جگہ پر آپ کی بیٹی شویتا کو مارا پیٹا جاتا گھسیٹا جاتا اور اس کی بے حرمتی کی جاتی؟

    کنگنا نے لکھا کہ کیا آپ تب بھی یہی کہتیں اگر ابھیشیک مسلسل اپنے خلاف غنڈہ گردی اور ہراساں کرنے کی شکایت کرتے رہتے اور ایک دن خود کو پھانسی لگائے ہوئے ملتے؟

    اپنے پیغام کے اختتام پر کنگنا رناوت نے لکھا کہ آپ ہمارے کے لیے بھی ہمدردی کا اظہار کریں-

    جیا بچن کے بیان کے بعد انھیں اور ان کے اہل خانہ کو سوشل میڈیا پر ہراساں کیا جانے لگا تاہم اب بھارتی میڈیا رپورٹس کے مطابق ممبئی میں اداکار امیتابھ بچن کے گھر جلسہ کی سیکیورٹی میں مزید اضافہ کردیا گیا ہے-

    ممبئی کے ایک وزیر کا کہنا تھا کہ راجیا سبھا میں جیا بچن کے بیان کےک بعد انھیں ملنے والی دھمکیوں کے باعث ان کے اہلِ خانہ کی سیکیورٹی بڑھائی گئی ہے اور سائبر سیل سوشل میڈیا پر ایسے لوگوں کا تعین کر رہا ہے جو بچن خاندان کو ہراساں کر رہے ہیں۔

    جیا بچن کے بیان پر کنگنا رناوت کا شدید ردعمل