‏جمیعت علمائے اسلام کی جانب سے پشاور کے کور کمانڈر آفس کے سامنے دھرنے کی دھمکی کے بعد نیب نے مولانا فضل الرحمان کی نیب طلبی کا نوٹس واپس لے لیا-

باغی ٹی وی : اطلاعات کے مطابق نیب نے مولانافضل الرحمن کو طلب کرنے کا نوٹس بھیجا تھا جس پر ‏جمیعت علمائے اسلام کی جانب سے پشاور کے کور کمانڈر آفس کے سامنے دھرنے کی دھمکی دی گئی تھی-

اب خبریں سامنے آئیں ہیں کہ جمیعت علمائے اسلام کی جانب سے پشاور کے کور کمانڈر آفس کے سامنے دھرنے کی دھمکی دیئے جانے کے بعد نیب خیبر پختونخوا نے اپنا فیصلہ تبدیل کرتے ہوئے مولانا فضل الرحمن کی طلبی کا نوٹس واپس لے لیا ہے-

جبکہ دوسری جانب یہ بھی خبریں گردش میں ہیں کہ مولانا فضل الرحمان کےخلاف انوسٹی گیشن جاری ہے-

نیب خیبرپختونخوا ذرائع کا کہنا ہے کہ مولانا فضل الرحمان کےخلاف انوسٹی گیشن جاری ہےمولانا فضل الرحمان کو نوٹس جاری ہوگا،طلبی کی تاریخ کا تعین نہیں ہوا-

نیب خیبرپختونخوا ذرائع کا مزید یہ بھی کہا کہ نوٹس واپس لینے کی خبروں میں کوئی صداقت نہیں-

پاکستان کے عالمی شہرت یافتہ گلوکار و اداکار علی ظفر کےخلاف سوشل میڈیا پر مہم چلانے کے الزام میں میشا شفیع اور عفت عمر سمیت 9 افراد کے خلاف ایف آئی آر درج کر لی گئی ہے۔

باغی ٹی وی :پاکستان کے عالمی شہرت یافتہ گلوکار و اداکار علی ظفر کےخلاف سوشل میڈیا پر مہم چلانے کے الزام میں 9 افراد کے خلاف ایف آئی آر درج کر لی گئی ہے- جن میں میشا شفیع ، عفت عمر ،لینہ غنی،حسیم الزمان ، عفت عمر، حمنہ رضا، ماہم جاوید، علی گل پیر، فریحہ ایوب اور سید فیضان رضا شامل ہیں-

Meesha Shafi, Iffat Omar booked for defamation against Ali Zafar#BaaghiTV #FIA @AliZafarsays #MeeshaShafi pic.twitter.com/eeRthuOx4l

— Baaghi TV باغی ٹی وی (@BaaghiTV) September 29, 2020

علی ظفر کے جمع کرائے گئے شواہد کے مطابق یہ الزامات انہیں ایک ملٹی نیشنل کے بہت بڑے کنٹریکٹ سے نکلوانے کے لئے لگائے گئے-

علی ظفر نے اپنی گواہی میں بتایا کہ میشا شفیع کی جانب سے ان کو یہ دھمکی دی گئی تھی کہ اگر وہ اس کانٹریکٹ سے پیچھے نہ ہٹے تو وہ ان پر جنسی ہراسانی کا الزام عائد کر دیں گی-

اس دھمکی میں نہ آنے پر میشا شفیع نے علی ظفر کے خلاف 19 اپریل 2018 کو ٹوئٹر پر اپنے ساتھیوں سمیت الزامات کی بوچھاڑ کر دی اور ان کو اس پروگرام سے خارج کروادیا-

علی ظفر نے کہا کہ ان کے خلاف یہ مہم می ٹو کے بینر تلے لانج کی گئی جس میں میشا شفیع اور ان کی وکیل نے اپنے ساتھیوں کی مدد لی اور میڈیا پر ان کی کردار کشی کرنے کے لئے بہت سے جعلی اکاؤنٹس بنائے گئے-

میشا شفیع کے ساتھیوں میں نمایاں طور ہر ان کی کالج کی دوست لینہ غنی ان کی والدہ کی دوست عفت عمر اور میشا شفیع کی وکیل نگہت داد سے جڑے ہوئے کئی بلاگرز اور جعلی اکاؤنٹس بھی شامل تھے ان میں سب سے نمایاں اکاؤنٹ نیہا سہگل 1 رہا جو میشا شفیع کے لگائے گئے الزام سے تقریباً پچاس دن پہلے ہی بنا دیا گیا تھا-

اس اکاؤنٹ کے ذریعے علی ظفر اور انکی فیملی کے خلاف نازیبا الفاظ اور تصاویر شائع کی گئیں اور ان کے خلاف ایک سال میں 3000 سے زائد ٹوئٹس شائع کیں-

اس اکاؤنٹس کے پہلے چھ فالوورز میں میشا شفیع کی نگہت داد ان کی والدی صبا حمید خالہ بشری حمید دوست لینہ غنی اور حسیم الزمان شامل ہیں اس کے علاوہ ٹوئٹر فیس بک اور انسٹا گرام پر متعدد جعلی اکاؤنٹس کے ذریعے علی ظفر کو ایک لمبے عرصے تک سائبر پلنگ اور ہراسمنٹ کا نشانہ بنایا گیا-

جبکہ ان میں سے کئی اکاؤنٹس ان کی ایف آئی اے کمپلین کے بعد اچانک ڈیلیٹ کر دیئے گئے-

وفاقی تحقیقاتی ایجنسی (ایف آئی اے) کے سائبر کرائم ونگ نے اڑھائی سال کی اندرونی تحقیقات کے بعد ایف آئی آر درج کی۔

ایف آئی اے حکام کا کہنا ہے کہ ایف آئی اے کی جانب سے ان ملزمان کو دفاع کے3 سے زائد مواقع دئیے گئے تھے –

خیال رہے کہ علی ظفر نے سوشل میڈیا پر اپنے اوپر تنقید کرنے والوں کے خلاف ایف آئی اے سے رابطہ کیا تھاعلی ظفر کی طرف سے ایف آئی اے سائبرکرائمز ونگ کو دی گئی درخواست میں کہا گیا کہ سوشل میڈیا پر مہم میں نازیبا زبان استعمال کی گئی۔ایف آئی اے سائبر کرائمز ونگ نے علی ظفر کی درخواست پر کارروائی شروع کردی تھی-

یاد رہے کہ اس سے قبل علی ظفر میشا شفیع کے خلاف کیا گیا ہائی کورٹ میں کیس جیت چکے ہیں-

مس شرلاک سے عالمی شہرت حاصل کرنے والی ایوارڈ یافتہ جاپانی اداکارہ یوکو ٹیکوچی اپنے گھر میں مردہ حالت میں پائی گئی ہیں۔

باغی ٹی وی :بین الاقوامی خبر رساں ادارے کے مطابق جاپان کی عالمی شہرت یافتہ اداکارہ نے مبینہ طور پر خودکشی کرلی ہے۔ اداکارہ کے شوہر رات گئے گھر پہنچے تو یوکو ٹیکوچی کو مردہ حالت میں پایا اداکارہ کو فوری طور پر اسپتال لے جایا گیا جہاں ان کی موت کی تصدیق کردی گئی۔

40 سالہ اداکارہ یوکو ٹیکوچی کے شوہر کا تعلق بھی شوبز انڈسٹری سے ہے اور وہ دو بچوں کی ماں ہیں۔ پولیس نے خدشہ ظاہر کیا ہے کہ اداکارہ نے خودکشی کی ہے تاہم حتمی طور پر فرانزک لیب اور پوسٹ مارٹم رپورٹ آنے کے بعد ہی کہا جاسکتا ہے۔

یوکو ٹیکوچی جاپان کی مقبول ترین اور ایوارڈ یافتہ اداکارہ تھیں جنہوں نے ایک ہارر فلم میں اپنی عمدہ اداکاری سے شہرت کی بلندی کو چھوا تھا اور ہالی وڈ نے بھی اس فلم کا ری میک بنایا تھا۔ یوکو ٹیکوچی نے 2004 سے 2007 مسلسل تین بار بہترین اداکارہ کا اعزاز بھی حاصل کیا تھا۔

یوکو ٹیکوچی جاپان کی ایک نامور اداکارہ تھیں ان کی اچانک موت نے مداحوں کو حیرت میں مبتلا کردیا ہےجاپانی مداحوں کی جانب سے ان کی موت پر گہرے دکھ اور رنج کا اظہار کیا جارہا ہے ۔

یہ بات ابھی تصدیق طلب ہے کہ اداکارہ یوکو ٹیکوچی کی موت خودکشی سے ہوئی تاہم رواں برس جاپان میں دو بظاہر کامیاب اداکاروں اور ایک ریسلر نے اپنے ہاتھوں سے اپنی زندگیوں کا خاتمہ کیاجاپان حکومت نے خودکشی کے بڑھتے ہوئے رجحان کا نوٹس لیتے ہوئے ڈپریشن میں مبتلا افراد کی مدد کا اعلان کیا ہے-

سابق کپتان وسیم اکرم کی اہلیہ و سماجی کارکن شنیرا نے سوشل میڈیا پر والدین کے لیے معنی خیز پیغام جاری کیا ہے۔

باغی ٹی وی : شنیرا اکرم اکثر و بیشتر سوشل میڈیا پر مداحوں اور والدین کے لئے معنی خیز پیغام شئیر کرتی رہتی ہیں جنہیں صارفین کی جانب سے خوب سراہا جاتا ہےتاہم اب پھر شنیرا اکرم نے سماجی رابطے کی ویب سائٹ انسٹاگرام پر والدین کے لیے ایک اہم پیغام جاری کیا ہے۔

شنیرا نے انسٹاگرام پر بچوں سے متعلق قول شیئر کیا جس میں لکھا تھا کہ جب والدین اپنے بچوں پر تنقید کرتے رہتے ہیں تو وہ والدین سے محبت کرنا نہیں چھوڑتے بلکہ وہ خود سے محبت کرنا چھوڑ دیتے ہیں۔
https://www.instagram.com/p/CFqxfyAMmfr/?utm_source=ig_embed
انسٹاگرام پر قول شیئر کرتے ہوئے شنیرا نے کیپشن میں لکھا کہ جب ہم والدین بنتے ہیں تو ہم آج کے لیے جینا چھوڑ دیتے ہیں اور آنے والے کل میں کسی اور کے لیے جیتے ہیں۔

شنیرا کی معنی خیز پوسٹ پر صارفین کی جانب سے خوب سراہا جا رہا ہے-

Educating your child on diet & nutrition early in their life is just as important than any other subject! By including Food science,human development, nutrition & sport at school we can actually start to get excited about the possibility of eradicating many diseases like diabetes

— Shaniera Akram (@iamShaniera) August 9, 2020

اُنہوں نے لکھا تھا کہ اگر اسکولوں میں بچوں کو ابتداء میں ہی فوڈ سائنس، ہیومن ڈیولپمنٹ، غذائیت اور کھیلوں سے متعلق آگاہی تعلیم دی جائے تو ہم پُرجوش انداز میں ذیابطیس جیسی متعدد بیماریوں کا خاتمہ کرسکتے ہیں۔

شنیرا اکرم بھی کے الیکٹرک کی غیر اعلانیہ لوڈ شیڈنگ سے تنگ آ گئیں

عورت کو عزت اور مقام دینا چاہیے جس کی وہ حقدار ہے اعجاز اسلم

شنیرا اکرم اور شہزاد رائے نے سرعام پھانسی کی مخالفت کر دی

شنیر ا اکرم کا پاکستان کی نوجوان نسل کے نام معنی خیز پیغام

پاکستان میوزک انڈسٹری کے نامور گلوکار و سماجی کارکن شہزاد رائے وزیر ثقافت و سیاحت سندھ سید سردار علی شاہ کے مشکور ہیں-

باغی ٹی وی : سماجی رابطے کی ویب سائٹ ٹوئٹر پر شہزاد رائے نے اپنی ایک تصویر شیئر کی جس میں گلوکار صوبہ سندھ کی تاریخی کینجھرجھیل کے کنارے بیٹھے ہیں-

شہزاد رائے کی جانب سے شیئر کی جانے والی تصویر ’بلیک اینڈ وائٹ‘ ہے جبکہ تصویر میں دیکھا جاسکتا ہے کہ تصویر رات کے وقت لی گئی۔

I am at keenjhar jheel. The tree behind me is more than 600 years. So so beautiful. Thank you so much @sardarshah1 for doing such great work in restoring and promoting such sites. pic.twitter.com/KgklaESWQ0

— Shehzad Roy (@ShehzadRoy) September 27, 2020

ٹوئٹر پر تصویر شیئر کرتے ہوئے شہزاد رائے نے اپنے مداحوں کو بتایا کہ تصویر میں وہ کینجھر جھیل پر موجود ہیں جبکہ تصویر میں نظر آنے والا درخت 600 سال پُرانا ہے۔

شہزادرائے نے اپنے ٹوئٹ میں وزیر ثقافت و سیاحت سندھ سید سردار علی شاہ کو مخاطب کرتے ہوئے لکھا کہ میں آپ کا شُکر گُزار ہوں کہ آپ ایسی تاریخی جگہوں کی بحالی کے لیے عظیم کام کر رہے ہیں۔

گلوکار کے اس ٹوئٹ کو صارفین کی جانب سے خوب پسند کیا جارہا ہے جبکہ تفریحی مقامات کے بہتر ماحول اور بحالی کے لیے سندھ حکومت کا شکریہ ادا بھی کر رہے ہیں۔

واضح رہے کہ کینجھر جھیل جو کلری جھیل بھی کہلاتی ہے کراچی سے 122 کلو میٹر کی مسافت پر واقع پاکستان میں میٹھے پانی کی دوسری بڑی جھیل ہے یہ کراچی اور ٹھٹھہ کے اضلاع کو فراہمی آب کا اہم ذریعہ ہے۔

13,468 ایکڑ پر محیط یہ جھیل ناصرف مقامی و مہاجر پرندوں کا مسکن ہے بلکہ اس کے عین وسط میں صوبہ سندھ کی مشہور رومانوی لوک داستان نوری جام تماچی کے کرداروں کا مزار بھی ہے جو لوگوں کے لیے دلچسپی کا باعث ہے-

علی ظفر نے صارفین سے آن لائن سوشل میڈیا عدالتوں کے بارے میں رائے مانگ لی

ترک سیریز ارطغرل غازی کے مزید دو کردار پاکستانی برانڈ کے ایمبیسڈر بن گئے