پیمرا نے سماجی اور مذہبی اقدار کے مخالف مواد نشر کرنے پر نجی ٹی وی چینل اے آر وائے کے ڈرامے ،عشقیہ، اور ہم ٹی وی کے ڈرامے ،پیار کے صدقے ، کے نشر مکرر پر پیمرا آرڈیننس کے سیکشن 27 کے تحت پابندی عائد کردی۔

باغی ٹی وی: پیمرا نے نہ صرف اے آر وائے ڈیجیٹل، ہم ٹی وی بلکہ اور اے آر وائے زندگی اور ہم ستارے پر بھی نشر مکرر پر پابندی لگائی ہے۔

پریس ریلیز کے مطابق پیمرا نے اے آر وائے کو ڈرامہ سیریل ‘جلن’ کے خلاف موصول ہونے والی شکایات پر ڈرامے کے مواد کا جائزہ لینے کا بھی حکم دیا ساتھ ہی چینل کو خبردار کیا گیا کہ مذکورہ ڈرامے کے حوالے سے مزید شکایات موصول ہونے یا ڈرامے کے اسکرپٹ کو پاکستانی اقدار کے مطابق نہ بنایا گیا تو بصورت دیگر اس پر بھی پیمرا آرڈیننس کے سیکشن 27 کے تحت کارروائی کی جائے گی۔

پیمرا نے کہا کہ ناظرین کی جانب سے ڈراموں میں دکھائے جانے والے بالخصوص مرکزی خیال پر تنقید کی جارہی ہے اور ناظرین مقدس رشتوں کی پامالی سے متعلق مواد نشر کرنے پر شدید چینی اور پریشانی کا اظہار کر رہے ہیں-

پیمرا نے کہا کہ ناظرین پاکستان سٹیزن پورٹل اور پاکستان الیکٹرانک میڈیا ریگولیٹری اتھارٹی کے سوشل میڈیا اکاؤنٹس اور پیمرا کال سینٹر پر متعدد شکایات درج کرراہے ہیں۔

پریس ریلیز میں کہا گیا کہ پیمرا متعلقہ چینلز کو بارہا ان ڈراموں سے متعلق ناظرین کے تحفظات سے آگاہ کرچکا ہے اور پیمرا کی جانب سے ڈراموں میں نشر کیے جانے والے مواد کو معاشرتی، مذہبی، سماجی اور اخلاقی اقدار کے مطابق بنانے کی ہدایت کی گئی تھی ۔

پیمرا نے کہا کہ چینلز کی جانب سے ڈراموں کی اسکرپٹ میں بہتری نہ ہونے پر 18 اگست کو بھی ہدایت نامہ جاری کیا گیا تھا اور ڈراموں کا مواد پاکستان کے اقدار کے مطابق بنانے کی حتمی ہدایت کی تھی۔

پیمرا کی جانب سے تمام ٹی وی چینلز، میڈیا ہاؤسز اور پروڈکشن ہاؤسز کو ڈراموں میں نشر ہونے والے مواد کا جائزہ لینے کی ہدایت کی گئی ہے ساتھ ہی خبردار کیا گیا ہے کہ ڈرامے کی تیاری میں سرمایہ اور وقت صرف ہونے سے قطع نظر اگر اس کا مواد ملکی اقدار کے منافی اور ناظرین کی توقعات کے برعکس ہوا تو کسی وارننگ کے بغیر ڈرامے پر پابندی عائد کی جائے گی۔

علاوہ ازیں پیمرا نے تمام اسٹیک ہولڈرز سے فی الفور مستقبل میں بننے والے ڈراموں کے مواد پر نظرثانی کرنے کا بھی کہا ہے۔

پاکستانی ڈرامے مقدس رشتوں کی پامالی کے زمہ دار !!! جلن ڈرامے میں اخلاقی اقدار کو بری طرح سے پامال کیا جائے گا تحریر: غنی محمود قصوری

جیسے ٹریکٹر پر لگی ٹیپ کا ڈرائیور کو کوئی فائدہ نہیں ویسے ہی پی ٹی آئی کی آفیشل…

وہ ڈرامے جنہوں نے فنکاروں کو نئی پہچان اور شہرت دی

واہیات ڈرامے ٹویٹر پر ٹرینڈنگ میں کیوں؟

کیا پاکستانی ڈرامہ ’محبت تجھے الوداع‘ بالی وڈ فلم کی کاپی ہے؟

ابھی ایک ڈرامے کا ٹیزر دیکھا ، بہنوئی سے محبت جیسے قابلِ اعتراض موضوع پر بنایا گیا اور انکو اعتراض ارطغرل پر ہے، جنید سلیم

انتہائی کم عمر لڑکی کی بولڈ فلم پر حمزہ علی عباسی نیٹ فلیکس پر برہم ،سبسکرپشن کینسل کرنے کی دھمکی دے دی

ترکی کا نیٹ فلیکس کو کم عمر لڑکی کی بولڈ فلم ریلیز نہ کرنے کا حکم

حال ہی میں ایوارڈ یافتہ فرانسیسی فلم ’کیوٹیز‘ کا مختصر ٹریلر جاری کرتے ہوئے ’نیٹ فلیکس‘ نے فلم کو رواں ماہ 9 ستمبر کو ریلیز کرنے کا اعلان کیا ہے-

باغی ٹی وی : نیٹ فلیکس نے فرانسیسی فلم ’کیوٹیز‘ کا ٹریلر ریلیز کرتے ہوئے فلم کو رواں ماہ 9 ستمبر کو ریلیز کرنے کا اعلان کیا ہے فلم کے ٹریلر میں ہی انتہائی کم عمر لڑکیوں کو بولڈ انداز میں دیکھا جا سکتا ہے جس پر دنیا بھر کے افراد نے نیٹ فلیکس پر شدید برہمی کا اظہار کرتے ہوئے مطالبہ کیا گیا کہ وہ ’کیوٹیز‘ کو ریلیز نہ کرے۔

11 سال کی مسلم لڑکی کو فلم میں انتہائی بولڈ اور جنسی رجحانات کی جانب راغب دکھانے والی اس فلم کے ٹریلر پر ہی لوگوں نے اعتراض کیا اور مذکورہ فلم کے خلاف چینج آرگنائزیشن پلیٹ فارم پر نوید وردک کی جانب سے آن لائن پٹیشن بنائی گئی جس میں نیٹ فلیکس سے مذکورہ فلم کو ریلیز نہ کرنے کا مطالبہ کیا گیا۔

دوسری جانب اسی مہم کی حمایت کرتے ہوئے پاکستانی اداکار حمزہ علی عباسی نے بھی اپنی ٹوئٹ میں نیٹ فلیکس سے مطالبہ کیا تھا کہ وہ مذکورہ فلم کی ریلیز کینسل کرے دوسری صورت میں وہ نیٹ فلیکس کی سبسکرپشن کینسل کردیں گے-

کیوٹیز پر تنقید کے بعد چند دن قبل نیٹ فلیکس نے اپنی ایک ٹوئٹ میں وضاحت کی تھی کہ انہوں نے مذکورہ فلم سے متنازع تصاویر کو ہٹا دیا ہے اور یہ کہ فلم میں دکھائے جانے والے مناظر اسٹریمنگ ویب سائٹ کی پالیسی کو بیان نہیں کرتے۔

تاہم اس کے باوجود لوگوں کی جانب سے باوجود نیٹ فلیکس سے مطالبہ کیا جا رہا ہے کہ وہ ’کیوٹیز‘ کی ریلیز کینسل کرے لیکن ابھی تک اسٹریمنگ ویب سائٹ نے فلم کی ریلیز کینسل کرنے سے متعلق کوئی بیان سامنے نہیں آیا-

اور اب ترک حکومت کے فلم اور میڈیا ریگولیٹر ادارے نے نیٹ فلیکس کی فلم کو بچوں کے استصال پر مبنی فلم قرار دیتے ہوئے نیٹ فلیکس کو مذکورہ فلم کو ترکی میں ریلیز نہ کرنے کا کہا ہے۔

خبر رساں ادارے رائٹرز کے مطابق ترک حکومت کے ریڈیو اینڈ ٹیلی وژن ہائی کونسل (آر ٹی یو کے) کی جانب سے جاری بیان میں ’کیوٹیز‘ کو نامناسب فلم قرار دیتے ہوئے بتایا گیا کہ میڈیا ریگولیٹر ادارہ نیٹ فلیکس کو مذکورہ فلم ترکی میں بلاک کرنے کا حکم دے گا۔

رائٹرز نے ترک میڈیا کا حوالہ دیتے ہوئے بتایا کہ اگر نیٹ فلیکس نے ’کیوٹیز‘ کو اسلامی ملک میں بلاک نہیں کیا تو رجب طیب اردوان کی حکومت اسٹریمنگ ویب سائٹ کا عارضی طور پر لائسنس بھی منسوخ کرسکتی ہے۔

خیال رہے کہ ترک حکومت اور نیٹ فلیکس کے درمیان متنازع مواد پر مذکورہ فلم سے قبل بھی ایک ہم جنس پرست کردار کی فلم دکھانے پر تنازع ہوچکا ہے۔ نیٹ فلیکس نے رواں برس جولائی میں ہم جنس پرست مرد کے کردار پر مبنی فلم کو ریلیز کیا تھا، جس پر ترک حکومت نے برہمی کا اظہار کیا تھا ترک بکومت کے ان اقدامات سے ظاہر ہوتا ہے کہ بولڈ، متنازع، جنسی رجحانات اور مذہب میں ممنوع موضوعات پر مبنی مواد کو دکھانے کی مخالف ہے۔

ترکی میں 1.5 ملین سے زیادہ صارفین کے ساتھ دنیا کی سب سے بڑی اسٹریمنگ سروس ، نیٹ فلکس ، کی جانب سے ابھی تک کوےئ بیان سامنے نہیں آیا-

گزشتہ ماہ ترکی کی خاندانی وزارت نے درخواست کی تھی کہ بورڈ اس فلم کے اثرات کے خدشات کے بارے میں جائزہ لے ، یہ نوٹ کرتے ہوئے کہ یہ بچوں کی فلم کی طرح دکھائی دیتی ہے ، لیکن اس کی درجہ بندی 18+ ہے۔

واضح رہے کہ ’کیوٹیز‘ کی کہانی افریقی ملک سینیگال کے پناہ گزین مسلمان خاندان اور اس گھر کی جوان ہوتی 11 سالہ بچی کے بلوغت کو پہنچنے والے رجحانات کے گرد گھومتی ہے جس میں 11 سالہ بچی کے والد دوسری شادی بھی کرتے ہیں جب کہ ان کے گھر میں مسائل بھی رہتے ہیں۔

فلم میں دکھایا گیا ہے کہ کس طرح 11 سالہ بچی اپنے آبائی مذہب اور انٹرنیٹ دور کے ٹرینڈز کے درمیان الجھ کر بے راہ روی کا شکار بن جاتی ہے اور اپنی عمر دیگر فرانسیسی بچیوں کے آزاد ماحول، تنگ لباس اور ان کی جانب سے بولڈ ڈانس کرنے سے متاثر ہوکر ان کے راستے پر چل پڑتی ہے اور پھر انتہائی کم عمری میں ہی وہ اپنی ہم عمر لڑکیوں کے ساتھ فحش حرکتیں کرنے لگتی ہے اور مسلمان بچی کی بولڈ اور فحش حرکتوں کو ان سے عمر میں بڑے لڑکے موبائل پر ریکارڈ کرکے سوشل میڈیا پر وائرل کردیتے ہیں۔

پاک فوج کے شعبہ تعلقات عامہ (آئی ایس پی آر ) نے یومِ دفاع 2020 کے حوالے سے نغمہ ریلیز کردیا ہے-

باغی ٹی وی :آئی ایس پی آر نے چھ ستمبر یوم دفاع اور یوم شہداء کے حوالے سے نغمہ جاری کر دیا ہے جس میں پاکستان کے شہدا کو خراجِ عقیدت پیش کیا گیا ہے۔

آئی ایس پی آر کا نغمہ ہر گھڑی تیار کامران ہیں ہم سن 80 کی دہائی کے ایک پرانے نغمے کا ری میک ہے اس نغنے کو علی حمزہ، علی عظمت، علی نور اور عاصم اظہر نے گایا ہے۔

یوم دفاع اور یوم شہداء کے حوالے سے تیار کئے گئے 4 منٹ اور 14 سیکنڈ کی ویڈیو کے اس نغمے میں ہماری مسلح افواج کی خدمات اور اس کی عملی تیاریوں کو خراج تحسین پیش کیا ہے- میوزک ویڈیو میں دہشت گردی کے خلاف جنگ میں ایک قوم کی حیثیت سے پاکستان کی قربانیوں اور ہماری مسلح افواج کے جدید فوجی ڈھانچے کے طور پر ارتقاء کو دکھایا گیا ہے جو کہ کسی سے پیچھے نہیں ہے-

اس میں گلوکاروں کے اسٹائلائزڈ شاٹس بھی شامل ہیں جو محب وطن طور پر اپنے ہیروز کی حمایت کرتے ہیں اس ویڈیو معروف میوزک استاد ، علی حمزہ (نوری) نے اس گیت کو ڈائریکٹ کیا ہے اس گانے کو اصل میں سن 80 کی دہائی میں خالد وحید نے گایا تھا اور ظفر اللہ پوشنی نے لکھا تھا ۔ اور اب ریمیک میں اضافی دھنیں علی حیات رضوی نے لکھی ہیں۔

علی حمزہ نے اپنی منفرد تخلیقی صلاحیتوں کے ساتھ ، آرمی اسکول آف میوزک کے ملٹری بینڈ کے ذریعہ اپنی شاندار کارکردگی کے ساتھ جدید راک کی اپنی آمیزش کی پہلی ویڈیو تشکیل دی ہے-

A tribute to our martyrs, our heroes, on the eve of #Defence & Martyrs’ Day.#ہرگھڑی_تیارکامران_ہیں_ہم
#OurMartyrsOurHeroes https://t.co/psf6t1tR57

— DG ISPR (@OfficialDGISPR) September 5, 2020

دوسری جانب آئی ایس پی آر کے ڈائریکٹر جنرل (ڈی جی) میجر جنرل بابر افتخار نے آئی ایس پی آر کے آفیشل ٹویٹر اکاؤنٹ پر بھی یہ نغمہ شئیر کیا ہے انہوں نے نغمہ شئیر کرتے ہوئے لکھا کہ یوم دفاع اور یوم شہداء کے موقع پر ہمارے شہداء ، ہمارے ہیروز کو خراج تحسین۔

پاکستان شوبز انڈسٹری کے نامور اداکار احسن خان اور خوبرو اداکارہ نیلم منیر نئے ڈرامہ سیریل ‘قیامت’ میں ایک ساتھ جلوہ گر آئیں گے۔

باغی ٹی وی : دسمبر 2017 میں ریلیز ہونے والی پاکستان کی مزاح اور ایکشن سے بھرپور کامیڈی فلم چھپن چھپائی میں اداکاری کے جوہر دکھانے والے اداکار احسن خان اور نیلم منیر اب نئے ڈرامہ سیریل ‘قیامت’ میں اپنے مداحؤں کو ایک ساتھ نظر آئیں گے-

نجی ٹی وی چینل ڈان امیجز سے بات کرتے ہوئے احس خان نے بتایا کہ ڈرامے میں میرا کردار کوئی عام کردار نہیں ہے-

ڈان امیجز کی رپورٹ کے مطابق احسن خان کا کہنا تھا کہ وہ اپنے کاموں کے بارے میں کافی بلند معیار کا انتخاب کرنے والے انسان ہیں اور یہ تجرباتی زمرے میں آتا ہے۔

اداکار نے ڈرامہ سیریل قیامت کی کہانی کے بارے میں بتایا کہ یہ کوئی سادہ محبت کی کہانی نہیں ہے بلکہ اس ڈرامے میں میرے کردار کے قدرے منفی اور مختلف پہلو بھی ہیں۔ ڈرامے کا اسکرپٹ سوشل فیملی ڈرامی ہے جو جذبات سے بھرپور ہے کیونکہ وہاں بہت کچھ ہو رہا ہے۔

ڈرامے سے متعلق بتاتے ہوئے احسن خان نے کہا کہ اس ڈرامے میں کؤاتین کے مختلف مسائل جیسے پہلوؤں کو اجاگر کیا گیا ہے کہ خواتین کے خلاف جو بھی غلط ہو رہا ہے اس کے خلاف انہیں لازمی کھڑے ہونا چاہیے علاوہ ازیں اس ڈرامے میں دکھایا گیا ہے کہ کس طرح بچے والدین کی ترتیب میں کی جانے والی کوتاہیوں اور غلطیوں کو اپنی زندگی پر لاگو کرتے ہیں۔

اداکار احسن خان نے بتایا کہ نیلم منیر ان کی پسندیدہ اداکاراؤں میں سے ایک ہیں اور احسن خان نے مزید بتایا کہ قیامت ڈرامے کی یہ جوڑی ایک فلم ‘ چکر’ میں بھی ساتھ دکھائی دے گی جس کی پروڈکشن اکتوبر میں دوبارہ شروع ہوگی۔

سیونتھ اسکائی انٹرٹینمنٹ کے اس ڈرامے کو اسد قریشی اور عبداللہ قدوانی نے پروڈیوس کیا ہے جس کی ہدایات علی فیضان نےدیں جبکہ اس ڈرامے کو ثروت نذیر نے تحریر کیا ہے۔

مذکورہ ڈرامے میں احسن خان اور نیلم کے علاوہ عمار خان، ہارون، شبیر جان اور صبا فیصل بھی اہم کرداروں میں دکھائی دیں گے۔

پاکستان اور سعودی عرب ایک دوسرے کی فلمیں اور ڈرامے اردو اور عربی زبان میں ڈب کر کے…

پاکستان شوبز انڈسٹری کی معروف اور خوبرو اداکارہ عروہ حسین کا کہنا ہے کہ اگر اُن کے شوہر اداکار و گلوکار فرحان سعید دوسری شادی کرنا چاہیں گے تو وہ خاموش رہیں گی۔

باغہی ٹی وی :سوشل میڈیا سائٹ انسٹاگرام پر اداکارہ کا ایک شو میں شرکت کا ویڈیو کلپ وائرل ہو رہا ہے جس میں میزبان صنم بلوچ نے عروہ کہا کہ اہ ایک بڑا ہی خطرناک سوال عروہ سے پوچھنے جا رہی ہیں اس کا جواب سوچ سمجھ کر دیجئیے گا –
https://www.instagram.com/p/CEwNWgBhG0h/?igshid=3xmsf01nuyi9
اس کے ساتھ ہی صنم بلوچ نے عروہ سے سوال پوچھا کہ اگر انہیں پتہ چلے کہ فرحان سعید دوسری شادی کر رہے ہیں تو وہ شادی رکوانے کے لیے جائیں یا نہیں جائیں گی۔

صنم بلوچ کے اس سوال کے جواب میں عروہ حسین نے فوراً کہا نہیں –

عروہ حسین نے کہا کہ وہ فرحان سعید کی دوسری شادی تڑوانے نہیں جائیں گی اگر فرحان دوسری شادی کرنا چاہتے ہیں تو وہ اس معاملے پر خاموش رہیں گی-

واضح رہے کہ اداکار فرحان سعید اور عروفی حسین 16 دسمبر 2016 کو رشتہ ازدواج میں منسلک ہوئے تھے۔

پاکستان کے معروف ہدایت کار نبیل قریشی کی مختصر دورانیے کی میوزیکل ویڈیو کو ’میامی انٹرنیشنل فلم فیسٹیول‘ اور ’بچارسٹ فلم ایوارڈز‘ میں میوزک کیٹیگری کے لیے نامزد کیا گیا ہے۔

باغی ٹی وی :پاکستان میں غیرت کے نام پر قتل کے خلاف بنائی گئی مختصر دورانیے کی میوزیکل فلم ‘کی جانا’ کو میامی انٹرنیشنل فلم فیسٹیول میں میوزک کیٹیگری میں نامزد کیا گیا ہے۔

Nabeel Qureshi's music video 'Ki Jana' has been nominated in the music video category at the Miami Short Film Festival and Bucharest Film Awards ✨ Congratulations Nabeel 🤩 #KiJana #NabeelQureshi pic.twitter.com/I3EdtueDva

— Galaxy Lollywood (@galaxylollywood) September 4, 2020

سماجی رابطے کی ویب سائٹ انسٹا گرام پر گلیکسی لالی وڈ نامی انسٹاگرام اکاؤنٹ سے ہدایت کار نبیل قریشی کو مبارکباد دیتے ہوئے ایک پوسٹ سامنے آئی جس میں انہوں نے لکھا کہ نبیل قریشی کی میوزک ویڈیو ‘کی جانا’ کو میامی شارٹ فلم فیسٹیول اور بچارسٹ فلم ایوارڈز کے لئے میوزک ویڈیو کیٹیگری میں نامزد کیا گیا ہے –

نبیل قریشی کی ہدایتکاری میں بنی مذکورہ فلم ‘کی جانا’ کو بلوچستان میں فلمایا گیا تھا –

فلم ‘کی جانا’ کے میوزک کمپوزر اور گلوکار شانی ارشد، پروڈیوسر فضا علی ، ہدایتکار نبیل قریشی اور پروڈکشن فلم والا کی ہے جب کہ اس کے اداکاروں میں اداکارہ سونیا حسین، محسن عباس، شکیل حسین اور شہزاد ملک شامل ہیں۔

آج کے ڈرامے افئیرز، طلاق اور شادی جیسے موضوعات سے باہر ہی نہیں نکل رہے، بشرٰی…

شوبز دنیا کے قدیم ترین میلے وینس فلم فیسٹیول کا آغاز ہو گیا

پاکستان ڈرامہ انڈسٹری کی خوبرو اداکارہ سارہ خان اور ان کے شوہر پاکستان میوزک انڈسٹری کے معروف گلوکار فلک شبیر کی تصایور سوشل میڈیا پر وائرل ہو رہی ہیں جن پر جوڑی کو تنقید کا سامناہے-

باغی ٹی وی :عالمی وبا کورونا وائرس کے باعث لاک ڈاؤن کے دوران شادی کرنے والی پاکستان کی معروف فنکار جوڑی سارہ خان اور فلک شبیر آئے دن سوشل میڈیا پر اپنے فوٹوشوٹ اور نجی زندگی سے متعلق خوبصورت تصاویراور ویڈیوز اپنے مداحوں کے ساتھ شیئر کرتے رہتے ہیں اور مداحوں سے تعریفیں سمیٹیتے ہیں-

حال ہی میں نو بیاہتا جوڑی کی تصاویر سوشل میڈیا پر گردش کر رہی ہیں جس میں دیکھا جا سکتا ہے کہ وہ کسی ریسٹورنٹ میں ہیں جبکہ تصاویر میں سارہ خان کو فلک شیر کی گود میں بیٹھے ہوئے دیکھا جا سکتا ہے-

دونوں کو ان تصاویر پر لوگوں کی جانب سے تنقید کا نشانہ بنایا جا رہا ہے کہ ان دونوں کے عوامی جگہ پر اس اقدام نے مداحوں کو کافی مایوس کیا ہے-کیونکہ فنکار معاشرے کی عکاسی کرتا ہے اور ان کو عوام خاص طور پر نوجوان نسل فالو کرتی ہے لہذاان کو اس طرح کے اقدامات نہیں کرنے چاہیئں جو معاشرے میں خرابی پیدا کرنے کا باعث بنیں-

https://www.instagram.com/p/CEuXsxPlSyO/?igshid=mfa7exza5gd

پاکستان شوبز انڈسٹری کے نامور اداکار فیروز خان نے بالی وڈ اداکارہ کنگنا رناوت کو ایک بر پھر آڑے ہاتھوں لیتے ہوئے کہا کہ گر کنگنا رناوت پاکستان کے خلاف بولنا چھوڑدیں تو بالی وڈ میں کہیں نظر ہی نہ آئیں۔

باغی ٹی وی :بھارتی اداکارہ کنگنا رناوت اپنی فلموں سے زیادہ پاکستان مخالف بیانات ، متنازع اسکینڈلز اور انتہا پسندی کے لیے مشہور ہیں۔ کنگنا رناوت اکثر سوشل میڈیا پر پاکستان کے خلاف بولتی نظر آتی ہیں اور اب تو بھارتی اداکارہ کی تقریباً ہر ٹوئٹ پاکستان مخالف بیانات پر مبنی ہوتی ہے کنگنا رناوت اپنی ہر بات میں بلکہ بھارت کے ہر اندرونی معاملات میں پاکستان کے خلاف بولنا تو جیسےاپنا فرض سمجھتی ہیں-

یوں تو کنگنا رناوت کا اپنی انڈسٹری یعنی بالی وڈ میں کوئی خاص مقام نہیں ہے تاہم وہ شہرت حاصل کر نے کے لئے پاکستان کے خلاف بول کر خبروں میں رہتی ہیں- تام اب ایک بار پھر کنگنا رناوت نے بھارت کے اندرونی معاملات میں پاکستان کو بیچ میں لاکر اپنی سطحی سوچ کا ثبوت دیا ہے۔

کنگنا رناوت نے سماجی رابطے کی ویب سائٹ ٹویٹر پر حال ہی میں ایک ٹوئٹ میں ہندو انتہاپسند تنظیم شیو سینا کے لیڈر سنجے راوت کی جانب سے انہیں دی جانے والی دھمکی کے بارے میں بتاتے ہوئے کہا سنجے راوت نے انہیں کھلی دھمکی دی ہے کہ میں ممبئی نہ آؤں۔

– you’d be no where to be seen in Bollywood if you stop taking this precious name “PAKISTAN” in your tweets and other wise…. lol 😂 acha choro yeh batain …, chaie ? https://t.co/w4AzQdux7s

— Feroze Khan (@ferozekhaan) September 3, 2020

ساتھ ہی بھارتی اداکارہ نے بلاوجہ پاکستان کا نام لیتے ہوئے کہا کہ ممبئی کیوں پاکستان کے زیر انتظام کشمیر کی طرح محسوس ہورہا ہے؟

کنگنا رناوت کی اس ٹوئٹ کو ری ٹوئٹ کرتے ہوئے اداکار فیروز خان نے کنگنا رناوت کو کہا کہ اگر آپ اپنی ٹوئٹس میں یہ قیمتی نام ’پاکستان‘ لینا چھوڑ دیں تو بالی وڈ میں کہیں نظر نہ آئیں۔ اس کے ساتھ ہی انہوں نے ایک بار پھر کنگنا رناوت کو بھارتی پائلٹ ابھی نندن کا حوالہ دیتے ہوئے ان پر طنز کیا ’اچھا چھوڑو یہ بتائیں چائے؟-

واضح رہے کہ اس قبل جب فلم فیئر کے تصدیق شدہ اکاؤنٹ سے بھارتی اداکارہ کنگنا رناوت کی نئی فلم ’تیجاس‘ کا پوسٹر شیئر کیا گیا جس میں کنگنا بھارتی فضائیہ کی یونیفارم پہنے جیٹ طیارے کے پاس کھڑی ہیں تو فیروز خان نے انہیں طنزیہ انداز میں پاکستان میں چائے پینے کی دعوت دیتے ہوئے بھارت کے پائلٹ ابھی نندن کی یاد دلائی تھی-

فیروز خان کی بھارتی اداکارہ کنگنا رناوت کو پاکستان میں چائے کی دعوت

عامر خان کی ترک خاتون اول کے ساتھ ملاقات پر کنگنا رناوت کی اداکار کے سیکولرازم پر…

پاکستانی فنکاروں نے پاکستان مخالف بیان پرکنگنا رناوت کو آئینہ دکھا دیا