حال ہی میں ایوارڈ یافتہ فرانسیسی فلم ’کیوٹیز‘ کا مختصر ٹریلر جاری کرتے ہوئے ’نیٹ فلیکس‘ نے فلم کو رواں ماہ 9 ستمبر کو ریلیز کرنے کا اعلان کیا ہے-

باغی ٹی وی : نیٹ فلیکس نے فرانسیسی فلم ’کیوٹیز‘ کا ٹریلر ریلیز کرتے ہوئے فلم کو رواں ماہ 9 ستمبر کو ریلیز کرنے کا اعلان کیا ہے فلم کے ٹریلر میں ہی انتہائی کم عمر لڑکیوں کو بولڈ انداز میں دیکھا جا سکتا ہے جس پر دنیا بھر کے افراد نے نیٹ فلیکس پر شدید برہمی کا اظہار کرتے ہوئے مطالبہ کیا گیا کہ وہ ’کیوٹیز‘ کو ریلیز نہ کرے۔

11 سال کی مسلم لڑکی کو فلم میں انتہائی بولڈ اور جنسی رجحانات کی جانب راغب دکھانے والی اس فلم کے ٹریلر پر ہی لوگوں نے اعتراض کیا اور مذکورہ فلم کے خلاف چینج آرگنائزیشن پلیٹ فارم پر نوید وردک کی جانب سے آن لائن پٹیشن بنائی گئی جس میں نیٹ فلیکس سے مذکورہ فلم کو ریلیز نہ کرنے کا مطالبہ کیا گیا۔

اسی مہم کی حمایت کرتے ہوئے پاکستانی اداکار حمزہ علی عباسی نے بھی اپنی ٹوئٹ میں نیٹ فلیکس سے مطالبہ کیا کہ وہ مذکورہ فلم کی ریلیز کینسل کرے دوسری صورت میں وہ نیٹ فلیکس کی سبسکرپشن کینسل کردیں گے۔

Its horrifying to see a show in the mainstream blatantly sexualising 11 yr old kids. If this show is still there by next month..i am canceling my Netflix subscription and so should you.

Netflix: Cancel CUTIES on Netflix! – Sign the Petition! https://t.co/sk5eYbYRCX via @Change

— Hamza Ali Abbasi (@iamhamzaabbasi) August 31, 2020

حمزہ علی عباسی کی طرح دنیا بھر کے دیگر افراد نے بھی نیٹ فلیکس کو دھمکی دی کہ وہ ’کیوٹیز‘ کی ریلیز کینسل کرے دوسری صورت میں وہ اسٹریمنگ ویب سائٹ کی سبسکرپشن کینسل کردیں گے۔

کیوٹیز پر تنقید کے بعد چند دن قبل نیٹ فلیکس نے اپنی ایک ٹوئٹ میں وضاحت کی تھی کہ انہوں نے مذکورہ فلم سے متنازع تصاویر کو ہٹا دیا ہے اور یہ کہ فلم میں دکھائے جانے والے مناظر اسٹریمنگ ویب سائٹ کی پالیسی کو بیان نہیں کرتے۔

تاہم اس کے باوجود لوگوں کی جانب سے باوجود نیٹ فلیکس سے مطالبہ کیا جا رہا ہے کہ وہ ’کیوٹیز‘ کی ریلیز کینسل کرے لیکن ابھی تک اسٹریمنگ ویب سائٹ نے فلم کی ریلیز کینسل کرنے سے متعلق کوئی بیان سامنے نہیں آیا-

واضح ر ہے کہ ’کیوٹیز‘ کی کہانی افریقی ملک سینیگال کے پناہ گزین مسلمان خاندان اور اس گھر کی جوان ہوتی 11 سالہ بچی کے بلوغت کو پہنچنے والے رجحانات کے گرد گھومتی ہے جس میں 11 سالہ بچی کے والد دوسری شادی بھی کرتے ہیں جب کہ ان کے گھر میں مسائل بھی رہتے ہیں۔

فلم میں دکھایا گیا ہے کہ کس طرح 11 سالہ بچی اپنے آبائی مذہب اور انٹرنیٹ دور کے ٹرینڈز کے درمیان الجھ کر بے راہ روی کا شکار بن جاتی ہے اور اپنی عمر دیگر فرانسیسی بچیوں کے آزاد ماحول، تنگ لباس اور ان کی جانب سے بولڈ ڈانس کرنے سے متاثر ہوکر ان کے راستے پر چل پڑتی ہے اور پھر انتہائی کم عمری میں ہی وہ اپنی ہم عمر لڑکیوں کے ساتھ فحش حرکتیں کرنے لگتی ہے اور مسلمان بچی کی بولڈ اور فحش حرکتوں کو ان سے عمر میں بڑے لڑکے موبائل پر ریکارڈ کرکے سوشل میڈیا پر وائرل کردیتے ہیں۔

رواں برس 9 مارچ کو باضابطہ طور پر شاہی حیثیت سے علیحدگی اختیار کرنے والے برطانوی شہزادے ہیری اور ان کی اہلیہ میگھن مارکل نے اسٹریمنگ ویب سائٹ نیٹ فلیکس کے ساتھ دستاویزی فلمیں اور شوز بنانے کا معاہدہ کرلیا۔

باغی ٹی وی : خبر رساں ادارے اے پی نے اپنی رپورٹ میں بتایا کہ 2 ستمبر بدھ کے روزکو نیٹ فلیکس کی جانب سے جاری کردہ بیان میں تصدیق کی گئی کہ برطانوی شاہی خاندان سے علیحدگی سے چھ ماہ بعد ، شہزادہ ہیری اور اس کی اہلیہ میگھن نے ، اسٹریمر کے لئے ویب سیریز ، دستاویزی فلموں اور بچوں کے پروگراموں کی تیاری کے لئے ایک معاہدہ کیا ہے۔

بیان کے مطابق نیٹ فلیکس اور شاہی جوڑے کے درمیان متعدد منصوبے پروڈیوس کرنے کا کئی سال کا معاہدہ طے پا گیا ہے، تاہم بیان میں معاہدے کی مدت اور دیگر شرائط نہیں بتائی گئیں۔

اے پی کے مطابق دونوں ، جو حال ہی میں کیلیفورنیا کے سانتا باربرا منتقل ہوئے ہیں نیٹ فلیکس کے لیے ان کہانیوں اور ان امور پر توجہ مرکوز کرنے کا ارادہ رکھتے ہیں جو متنوع آوازوں اور دیگر امور کو اپنے دل سے قریب رکھتے ہیں علاوہ ازیں جوڑے کا زیادہ فوکس خواتین، بچوں، نیچر، جانوروں اور ماحول سے متعلق مواد پر دستاویزی فلمیں، ڈرامے اور شوز بنانے پر رہے گا۔

نیٹ فلیکس ساتھ مواد پروڈیوس کرنے کا معاہدے طے پانے کے ساتھ ہی میگھن مارکل نے اس بات کی بھی وضاحت کی کہ فوری طور پر ان کا اداکاری میں واپس آنے کا کوئی ارادہ نہیں۔

شاہی جوڑے کو نیٹ فلیکس کی دستاویزی فلموں میں دیکھے جانے کے بعد چہ مگوئیاں تھیں کہ شاید دونوں اداکاری بھی کرتے دکھائی دیں، تاہم اب تک دونوں کی جانب سے اداکاری میں آنے کی وضاحت نہیں کی گئی۔

شہزادہ ہیری اور میگھن مارکل کی جانب سے نیٹ فلیکس کے ساتھ مواد پروڈیوس کرنے کا معاہدہ ایک ایسے وقت میں ہوا ہے جب کہ حال ہی میں خبر سامنے آئی تھی کہ دونوں جلد ہی ممکنہ طور پر ہالی وڈ کے متعدد پروڈکشن ہاؤسز کے لیے فلمیں بناتے دکھائی دیں گے اور خبریں تھیں کہ اس حوالے سے رواں برس جون سے لے کر اب تک متعدد ہا لی وڈ پروڈکشن ہاؤسز اور پروڈیوسرز سے ملاقاتیں کی ہیں شاہی جوڑے نے این بی سی یونیورسل اور ڈزنی پروڈکشن ہاؤس کے چیئرمین سمیت دیگر بڑے پروڈکشن ہاؤسز کے اعلیٰ عہدیداروں سے ملاقاتیں کیں-

تاہم میگھن مارکل کے قریبی ذرائع نے بتایا تھا کہ اگرچہ شاہی جوڑا اداکاری میں کوئی دلچسپی نہیں رکھتا شاہی جوڑا ممکنہ طور پر بڑے پروڈکشن ہاؤسز کے ساتھ منصوبوں کو مشترکہ طور پر پروڈیوس کر سکتا ہے-

دوسری جانب شاہی جوڑے سے ملاقاتوں کے حوالے سے این بی سی یونیورسل اور ڈزنی کے ترجمان نے کوئی بھی مؤقف دینے سے انکار کردیا جب کہ میگھن مارکل اور شہزادہ ہیری کے ترجمان نے بھی مذکورہ معاملے پر کوئی بھی مؤقف دینے سے معذرت کی تھی تشاہی جوڑے نے اہم اب اسٹریمنگ ویب سائٹ نیٹ فلیکس کے ساتھ دستاویزی فلمیں اور شوز بنانے کا معاہدہ کرلیا۔

واضح رہے کہ خیال رہے کہ میگھن مارکل اور شہزادہ ہیری نے مئی 2018 میں شادی کی تھی اور ان کے ہاں اگلے ہی سال بیٹے کے پیدائش ہوئی بیٹے کی پیدائش کے چند ماہ بعد ہی دونوں نے شاہی حیثیت چھوڑنے کا اعلان کیا تھا اور رواں برس 9 مارچ کو انہوں نے باضابطہ طور پر شاہی حیثیت سے علیحدگی اختیار کی تھی شاہی حیثیت چھوڑنے کے بعد ابتدائی طور پر وہ کینیڈا منتقل ہوگئے تھے تاہم بعد ازاں وہ امریکا منتقل ہوگئے اور اس وقت دونوں نیویارک میں رہائش پذیر ہیں-

شہزادہ ہیری اور میگھن مارکل ہالی وڈ پروڈکشن میں کام کرنے جا رہے ہیں؟

ممبئی: بالی وڈ انڈسٹری کی مقبول و معروف فنکار جوڑی کاجول اور اجے دیوگن نے بچوں کی خاطرعلیحدگی کا فیصلہ کرلیا کاجول اپنی بیٹی نیاسا کے ساتھ سنگاپورجبکہ اجے دیوگن بھارت میں اپنے بیٹے کے ساتھ رہیں گے۔

باغی ٹی وی : بھارتی میڈیا رپورٹس کے مطابق عالمی وبا کورونا وائرس کے خوف کی وجہ اداکارہ کاجول اپنی بیٹی نیاسا کو اکیلے سنگاپور نہیں بھیجنا چاہتیں اس لیے انہوں نے خود بھی نیاسا کے ساتھ سنگاپور جانے کا فیصلہ کیا ہے۔

بھارتی اداکار اجے دیوگن اور اداکارہ کاجول کی بیٹی نیاسا سنگاپور میں پڑھتی ہےاور وہیں مقیم ہے کورونا وائرس کی وجہ نیاسا کے والدین کو اُن کی فکر ہے کہ وہ وہاں اکیلے کیسے رہے گی البتہ وہ آج کل بھارت آئی ہوئی ہے۔

ذرائع کے مطابق نیاسا سنگاپور کے ’یونائیٹیڈ ورلڈ کالج آف ساؤتھ ایسٹ ایشیا‘ میں پڑھائی کر رہی ہیں۔ سال 2018 میں اجے دیوگن نے سنگاپور میں ایک اپارٹمنٹ بھی خریدا تھا تاکہ نیاسا کو رہنے میں کوئی پریشانی نہ ہو کاجول اسی فلیٹ میں جاکر بیٹی کے ساتھ رہیں گی کیونکہ وہ نہیں چاہتے کہ اُن کی بیٹی کی پڑھائی پر کوئی اثر پڑے –

دوسری جانب اجے دیوگن اپنے بیٹے یُگ کے ساتھ ممبئی میں ہی رہیں گے میڈیا رپورٹس کے مطابق اجے دیوگن کام میں مصروفیت کے باعث سنگاپور نہیں جارہے اور بھارت میں ہی رہیں گے۔

واضح رہے کہ ایک دن میں کورونا کے سب سے زیادہ کیسز، بھارت نے نیا عالمی ریکارڈ بنا ڈالا ہے بھارت میں ایک دن میں ریکارڈ تیراسی ہزار سے زیادہ کیسز رپورٹ ہوئے، جو دنيا کے کسی بھی ملک ميں ايک دن ميں رپورٹ کيے جانے والے سب سے زيادہ کيسز ہيں جبکہ چوبیس گھنٹے میں ایک ہزار سے زیادہ اموات ہوئیں بھارت میں کورونا وائر س سے متاثرین کی تعداد 38 لاکھ سے تجاوز کرگئی جبکہ 67 ہزار سے زیادہ افراد لقمہ اجل بن چکے ہیں۔

کرونا وائرس نے دو بھائی ہی چھین لیئے :دلیپ کمار کے دوسرے بھائی بھی کورونا وائرس سے انتقال کرگئے

ایک دن میں کورونا کے سب سے زیادہ کیسز، بھارت نے نیا عالمی ریکارڈ بنا ڈالا،کرونا کے سامنے بھارت بے بس

ہالی وڈ اداکار اور سابق ریسلر ڈیوائن جونسن دی راک نے انکشاف کیا ہے کہ وہ اہلیہ اور دو بچیوں سمیت کورونا وائرس کا شکار ہوگئے تھے-

باغی ٹی وی : ڈیوائن جونسن نے گزشتہ روز سماجی رابطے کی ویب سائٹ انسٹاگرام پر ایک ویڈیو اپلوڈ کی اپنے ویڈیو پیغام میں انہوں نے بتایا کہ وہ اپنی فیملی سمیت کووڈ 19 میں مبتلا ہیں۔ 48 سالہ اداکار نے بتایا کہ ان کی اہلیہ 35 سالہ لورین، 4 سالہ بیٹی جیسمین اور2 سالہ چھوٹی بیٹی ٹیانا تقریباً 2 یا ڈھائی ہفتے قبل اس وائرس کا شکار ہوئے تھے۔

ڈیوائن جو نسن کے مطابق ان میں یہ وائرس ایک بہت ہی قریبی دوست سے منتقل ہوا تھا۔ تاہم اب وہ اور ان کی فیملی کورونا سے صحت یاب ہوگئے ہیں اور صحت مند ہیں۔
https://www.instagram.com/p/CEppiNRlpvs/
دی راک نے بتایا کہ یہ بہت مشکل اور چیلنجنگ وقت ہے جو ہمیں ایک خاندان کی حیثیت سے برداشت کرنا پڑا۔ ہماری دونوں بیٹیوں میں ابتدائی طور پر کورونا کی کچھ علامات ظاہر ہوئی تھیں انہیں گلے کی سوزش کا سامنا کرنا پڑا لیکن اب وہ ٹھیک ہیں۔ مجھے آپ کو بتاتے ہوئے خوشی محسوس ہورہی ہے کہ خدا کا شکر ہے ہم سب صحت مند ہیں۔

ڈیوائن جونسن نے لوگوں کو فیس ماسک پہننے اورکورونا کے دوران احتیاطی تدابیر اختیار کرنے پر زور دیا تاکہ یہ وائرس مزید نہ پھیلے اور اپنے پیاروں کی حفاظت کرنے کی درخواست کی۔

انہوں نے مزید کہا کہ گھر میں زیادہ لوگوں کی بھیڑ جمع نہ کریں اور نہ ہی اس جگہ پر جائیں جہاں زیادہ تعداد میں لوگ جمع ہوں مثبت رہیں اور اپنے آس پاس موجود لوگوں کا خیال رکھیں۔

واضح رہے کہ ڈیوائن جونسن سے قبل بھی متعدد ہا لی وڈ اداکار کورونا کا شکار ہوچکے تھے تاہم زیادہ تر اداکار صحت یاب ہوچکے ہیں۔
https://www.instagram.com/p/CD9fgx_lNOZ/
https://www.instagram.com/p/B1V5m7WFfUy/?utm_source=ig_embed

عالمی وبا کورونا وائرس کے باعث امریکہ میں بھی بند سینما ہالز کھل گئے

عالمگیر وبا کورونا کے باوجود دنیا کے قدیم ترین اورمقبول ترین وینس فلم فیسٹول کا آغاز کردیا گیا۔

باغی ٹی وی : اٹلی کے شہر وینس میں منعقد ہونے والے فلم فیسٹول کی انتظامیہ نے رواں سال پہلے ہی واضح کردیا تھا کہ وبا کے باوجود میلے کو مقررہ وقت پر منعقد کیا جائے گا۔

بعد ازاں انتظامیہ نے میلے کی حتمی تاریخوں کا اعلان کرتے ہوئے بتایا تھا کہ اس بار میلہ 2 سے 12 ستمبر تک جاری رہے گا عام طور پر وینس فلم فیسٹول 2 ہفتوں تک جاری رہتا ہے، تاہم اس بار اسے 10 دن تک محدود رکھا گیا ہے۔

میلے کے پہلے دن 2 ستمبر کو 8 فلموں کی نمائش کی جائے گی، جس میں سخت احتیاطی تدابیر کے ساتھ لوگوں کو شرکت کی اجازت ہوگی اسی طرح میلے کے دوسرے دن 14 فلموں کی نمائش ہوگی اور مجموعی طور پر 12 ستمبر تک 5 درجن فلموں کی نمائش کی جائے گی-

خیال رہے کہ وینس فلم فیسٹیول یورپ میں رواں سال منعقد ہونے والا پہلا فلمی میلا ہے جو کورونا کی وبا کے باوجود منعقد ہو رہا ہےاس سے قبل امریکہ میں کچھ فلمی میلے ہوئے تھے اور وہاں سینما بھی کھول دئیے گئے ہیں۔

اگرچہ یورپ کے بھی متعدد ممالک میں سینما کھول دئیے گئے ہیں لیکن ’وینس‘ کے علاوہ تاحال وہاں دوسرے فلم فیسٹیول کا انعقاد نہیں کیا گیا-

سعودی عرب میں مزید 20 سینما گھروں کے قیام کا فیصلہ

عالمی وبا کورونا وائرس کے باعث امریکہ میں بھی بند سینما ہالز کھل گئے