بھارتی سُپر اسٹار سنجے دت ، فلم ساز مہیش بھٹ اورعالیہ بھٹ کی ’سڑک 2‘ فلم کو شائقین نےخوفناک اور بدترین قرار دے دیا ہے-
باغی ٹی وی :مہیش بھٹ کی ڈرائریکشن میں بنائی گئی سنجے دت اور عالیہ بھٹ کی فلم ’سڑک 2‘ کے ٹریلر کو رواں ماہ 12 اگست کو ہی ریلیز کیا گیا تھا اور اس نے دیکھتے ہی دیکھتے ناکامی کا نیا ریکارڈ اپنے نام کرلیا تھا-
بھارتی اخبار انڈیا ٹوڈے کے مطابق 15 اگست تک ’سڑک 2‘ کے ٹریلر کی ویڈیو بھارت میں ناپسند کی جانے والی یوٹیوب کی پہلی ویڈیو بن گئی تھی-
رپورٹ کے مطابق عالیہ بھٹ، ادیتیہ رائے کپور، سنجے دت اور پوجا بھٹ کی کاسٹ پر مبنی فلم کےٹریلر کی ویڈیو یوٹیوب پر ناپسند کی جانے والی دنیا کی تیسری بڑی ویڈیو بھی بن گئی۔
’سڑک 2‘ سے آگے صرف دو ہی ویڈیوز ایسی ہیں جنہیں یوٹیوب پر سب سے زیادہ ناپسند کیا گیا ہے مذکورہ دو ویڈیوز میں دوسرے نمبر پر کینیڈ ین پاپ اسٹار جسٹن بیبر کے گانے بے بی کی ویڈیو ہے جسے 2010 میں ریلیز کیا گیا تھا تاہم 18 اگست تک ’سڑک 2‘ نے جسٹن بیبر کے گانے کا ریکارڈ بھی توڑ دیا تھا-
جسٹن بیبر کی ویڈیو نے گزشتہ ایک دہائی 18 اگست تک یوٹیوب پر ایک کروڑ 10 لاکھ ڈس لائیک حاصل کیے تاہم سڑک 2 کے ٹریلر کی ویڈیو محض 7 دنوں میں ہی 18 اگست تک یوٹیوب پر ایک کروڑ 10 لاکھ ڈس لائیک حاصل کر کے گلوکار کے گانے سے آگے نکل گئی تھی-
جسٹن بیبر کے گانے اور ’سڑک 2‘ کے ٹریلر سے آگے یوٹیوب کی 2018 میں جاری کی گئی اپنی روائنڈ ویڈیو ہے، جسے 18 اگست تک ایک کروڑ 80 لاکھ بار ناپسند کیا جا چکاتھا-اس طرح سڑک 2 دنیا بھر میں ناپسند کی جانے والی دوسری ویڈیو بن گئی ہے تاہم اب فلم شائقین نے مذکورہ فلم کو خوفناک بھی قرار دیا ہے-
یہ فلم 1991 میں ریلیز کی گئی مہیش بھٹ کی فلم ‘سڑک’ کا سیکوئل ہے اور 30 سال بعد بننے والی دوسری فلم میں سنجے دت اور پوجا بھٹ کو بھی شامل کیا گیا ہے۔ پرانی فلم میں سنجے دت اور پوجا بھٹ نے مرکزی کردار ادا کیے تھے اور اس فلم کو بہت سراہا گیا تھا اور خیال کیا جا رہا تھا کہ ‘سڑک 2’ کو بھی پسند کیا جائے گا۔
مگر بد قسمتی سے ’سڑک 2‘ کو ایک ایسے وقت میں ریلیز کرنے کا فیصلہ کیا گیا جب کہ بولی وڈ میں اقربا پروری پر سخت بحث جاری ہے۔سوشانت سنگھ کی خودکشی کے بعد کئی افراد اور فلمی شخصیات نے ان کی موت کا ذمہ دار بالی وڈ انڈسٹری کی مایہ ناز شخصیات کو قرار دیا تھا اور ایسی شخصیات میں فلم ساز مہیش بھٹ بھی شامل تھے۔
مہیش بھٹ، کرن جوہر اور سنجے لیلا بھنسالی جیسے فلم سازوں پر الزامات لگائے گئے کہ وہ سوشانت سنگھ جیسے باصلاحیت اداکاروں کو نظر انداز کرکے اپنے ہی بچوں کو فلموں میں چانس دیتے ہیں-
اور سڑک 2 میں بھی مہیش بھٹ نے اپنی بڑی بیٹی پوجا بھٹ سمیت چھوٹی بیٹی عالیہ بھٹ کو پیش کیا جب کہ سنجے دت اور ادیتیہ رائے کپور جیسے فلمی خاندان سے تعلق رکھنے والے اداکاروں کو کاسٹ کیا۔
یوٹیوب پر سب سے زیادہ ناپسند کی جانے والی ویڈیو کا بدترین مفرد ریکارڈ اپنے نام کرنے والی فلم ‘سڑک 2’ کو 28 اگست کو ویب اسٹریمنگ ویب سائٹ پر ریلیز کیا گیا اور اسے دیکھنے والے کئی افراد نے ایک بار پھر فلم پر غصہ نکالا۔
بھارتی اخبار انڈین ایکسپریس نے فلم کے حوالے سے اپنے تبصرے میں ‘سڑک 2’ کو بدترین اور بھیانک قرار دیا اور اسے 30 سال قبل والی فلم کے مقابلے انتہائی گھٹیا قرار دیا۔
تبصرے میں لکھا گیا کہ دیکھنے والے افراد حیران رہ گئے کہ سڑک 2 کومہیش بھٹ نے بنایا ہے اور ساتھ ہی اس امید کا اظہار کیا گیا کہ مذکورہ فلم کے بعد انہیں توقع ہے کہ عالیہ بھٹ کو کسی اچھی فلم میں کام کرنے کا موقع ملے گا۔
اسی طرح ٹائمز آف انڈیا نے بھی ‘سڑک 2’ کے تبصرے میں فلم کو پرانی فلم کے مقابلے انتہائی بیکار قرار دیا جبکہ دیگر بھارتی اخبارات اور شوبز ویب سائٹس میں شائع ہونے والے فلمی تبصروں میں بھی فلم پر تنقید کی گئی جب کہ ٹوئٹر پر بھی صارفین نے مہیش اور عالیہ بھٹ کوبیکار فلم بنانے پر خوب تنقید کا نشانہ بنایا۔
کئی افراد نے فلم کی کہانی، کاسٹ اور مناظر کو بھی بدترین اور بیکار قرار دیا جب کہ فلم کو حقیقت سے دور بھی قرار دیا۔
https://twitter.com/GarimaC244/status/1299355592654426112?s=20
کسی نے فلم کی ریٹنگ انتہائی کم ہونے پر عالیہ بھٹ کے ساتھ ہمدردی کا اظہار بھی کیا۔
کچھ افراد نے ادیتیہ رائے کپور کے لیے ہمدری کا اظہار کیاکہ اس بیچارے کا کیا قصور اسے علم نہیں تھا کہ مہیش بھٹ کی فلم میں کام کرنے سے اس کے ساتھ ایسا ہوگا؟
https://twitter.com/1yudhishthir/status/1299383193930350593?s=20
