رواں ماہ 14 جون کو خود کشی کرنے والے 34 سالہ بھارتی اداکار کی موت کے بعد سے سوشل میڈیا پر بالی وڈ اقرباپروری پر ایک طوفان برپا ہے جو کہ کم ہونے کی بجائے مسلسل بڑھ رہا ہے بھارتی عوام اور متعدد معروف شخصیات سوشانت سنگھ کی موت کا ذمہ داربالی وڈ کی کچھ نامور شخصیات کو ٹھہرا رہے ہیں تاہم ان حالات کو دیکھتے ہوئے آنجہانی بھارتی لیجنڈری اداکار عرفان خان کے بیٹے بابیل خان نے عوام کی جانب سے بالی وڈ کو سوشانت سنگھ کی موت کی وجہ ٹھہرانے کو انتہائی فضول حرکت قرار دے دیا ہے۔
باغی ٹی وی : رواں ماہ 14 جون کو خودکشی کرنے والے بالی ووڈ اداکار سوشانت سنگھ کی موت کے بعد سے بھارتی عوام میں شدید غم وغصہ پایا جارہا ہے اور وہ اس موت کی وجہ بالی وڈ کی کچھ نامور شخصیات کو ٹھہراتے ہوئے نظر آرہے ہیں۔
ایسے میں بھارتی لیجنڈری اداکار عرفان خان کے بڑے بیٹے بابیل خان نے سوشل میڈیا پر ایک پیغام جاری کیا ہے۔
https://www.instagram.com/p/CBxyY3-gEAR/
سوشل میڈیا ویب سائٹ انسٹاگرام پر بابیل خان نے اپنے والد عرفان خان اور اداکار سوشانت سنگھ کی تصویر شئیر کرتے ہوئے لکھا کہ ہم نے اس سال انتہائی دو مخلص انسانوں کو کھو دیا ہے اور اور ہمارے روحانی سفر میں اخلاص کلیدی حیثیت رکھتا ہے جس طرح سے سوشانت اس دُنیا سے رخصت ہوا ہے تو ہمارے لیے ایک بہت بڑا صدمہ ہے۔
بابیل خان نے لکھا کہ ہم فطری طور پر سوشانت سنگھ کی موت کے بعد الزام تراشی پر اُتر آئے ہیں جوکہ ایک انتہائی فضول کام ہے کیونکہ اس سے صرف امن ہی خراب ہوگا اور اس واقعے کی آڑ میں ایک کھیل کھیلا جارہا ہے جو جھوٹ کا لمحہ فکریہ عکاس ہے۔
اُنہوں نے بھارتی عوام سے گزارش کرتے ہوئے لکھا کہ ’براہ مہربانی بدقسمتی سے ہونے والے اس واقعےکے لیے کسی کو بھی قصور وار مت ٹھہرائیں زندگی ایک گھومتے ہوئے اسپین کی طرح ہے جسے کوئی نہیں سمجھ سکتا ہے۔
بابیل نے لکھا کہ میں آپ سے گزارش کرتا ہوں کہ اس ناقابل یقین حد تک بدقسمتی سے ہونے والے واقعے کے لئے کسی کو قصوروار نہ ٹھہرائیں براہ مہربانی اس واقعے کی چھان بین کرنا بند کریں کیونکہ اس سے سوشانت کے پیاروں کو کافی نقصان کا سامنا کرنا پڑ رہا ہے وہ تکلیف میں ہیں اُنہوں نے اپنے پیارے کو کھویا ہے۔
اُنہوں نے لکھا کہ
ہمیں تو ان لیجنڈز کو یاد کرنا چاہیے کہ کیسے ا نہوں نے اپنی زندگی گزاری اور کیسے کامیابیاں اپنے نام کیں
بابیل نے مزید لکھا کہ سوشانت کی موت کو بہانے کے طور پر استعمال کرنے کے بجائے سچائی کے ساتھ کھڑے ہوں اگر آپ واقع بالی وڈ اقربا پروری کے خلاف اپنی آواز بلند کرنا چاہتے ہیں تو ضرور کریں لیکن سوشانت کی موت کا استعمال نہ کریں۔
واضح رہے کہ رواں ماہ 14 جون اتوار کے روز سوشانت سنگھ راجپوت نے گلے میں پھانسی کا پھندہ ڈال کر خودکشی کی تھی اور اس واقعے کی تحقیقات کے دوران اس بات کا انکشاف ہوا تھا کہ اداکار ڈپریشن کے مریض تھے۔
بالی وڈ انڈسٹری میں تخلیقی صلاحیتوں کو وہ لوگ کنٹرول کررہے ہیں جنہیں تخلیق کا مطلب بھی نہیں پتہ یا پھر وہ خدا بننے کی کوشش کرررہے ہیں عدنان سمیع خان
کیا سوشانت سنگھ سچا پیار نہ مل پانے کی وجہ سے شدید ذہنی تناؤ کا شکار تھے؟
