پاکستان کے معروف اداکار احسن خان اور نامور اداکارہ اُشنا شاہ کا نیا ڈرامہ سیریل ’بندھے اک ڈور سے‘ آج رات 8 بجے جیو ٹی وی پر نشر کیا جائے گا۔

باغی ٹی وی : پاکستان کے معروف اداکار احسن خان اور نامور اداکارہ اُشنا شاہ کا نیا ڈرامہ سیریل ’بندھے اک ڈور سے‘ آج رات 8 بجے جیو ٹی وی پر نشر کیا جائے گا۔ ڈرامے کا پرومو جاری ہونے کے بعد سے ناظرین کو اس ڈرامے کا بے چینی سے انتظار تھا احسن خان اور اُشنا شاہ کی جوڑی کو ڈرامے کے پرومو میں بے حد پسند کیا گیا۔

احسن خان کا کہنا تھا کہ ہمارے نئے ڈرامے کے پرومو نے سوشل میڈیا پر دھوم مچادی ہے، ناظرین مذکورہ ڈرامے کو فائزہ افتخار نے لکھا ہے جبکہ اس کی ڈائریکشن علی فیضان نے دی ہے سیونتھ اسکائی کے عبداللہ کادوانی پروڈیوسر ہیں

احسن خان کا ڈرامے کے بارے میں کہنا تھا کہ ڈارمہ جمعرات پچیس جون کو جیو پر نشر کیا جائے گا انہوں نے کہا مہ بندھے ایک ڈور سے ویسے تو ہم سب جانتے ہیں ہم سب کی ڈور اوپر والے کے ہاتھ میں ہے اس نے ہمیں ایک ڈور میں باندھ کے بھیجا ہے کسی نہ کسی رشتے کے تحت کسی نہ کسی طریقے سے ہماری فیملیز ، آپس میں پیار محبت اور دوست احباب ، رشتے دار ،علاقے اور شہروں کے لوگ اور مُلک کے لوگ آپس میں ایم ہی ڈور سے بندھے ہوئے ہیں تو اس ڈور کبھی ٹوٹنی نہیں دینا چاہیے کیونکہ محبت کی ڈ ور بہت نازک ہوتی ہے میرا نیا ڈرامہ ’بندھے اک ڈور سے‘ آج سے شروع ہو رہا ہے۔

ڈرامے کے دیگر کاسٹ میں حنا الطاف، ثمینہ احمد نواز حسن، مدیحہ رضوی اور قوی خان بھی شامل ہیں، آج پہلی قسط جیو سے آن ایئر ہوگی۔
https://www.instagram.com/tv/CBOIp_qFBam/?igshid=klun34drbofu

پاکستان ٹیلی ویژن (پی ٹی وی) کا ماضی کا مقبول ترین ڈرامہ ’دھوپ کنارے‘ عربی زبان میں ڈب کرکے سعودی عرب میں نشر ہونے کے لئے تیار ہے-

باغی ٹی وی :پاکستان ٹیلی ویژن (پی ٹی وی) کا ماضی کا مقبول ترین ڈرامہ ’دھوپ کنارے‘ عربی زبان میں ڈب کرکے سعودی عرب میں نشر کیا جائے گا- بین الاقوامی میڈیا رپورٹ کے مطابق گذشتہ سال 2019 میں وزیر سائنس و ٹیکنالوجی فواد چوہدری کے سعودی دارالحکومت کے دورے کے بعد سے کچھ خبریں زیر گردش تھیں کہ پاکستان اور سعودی عرب کے مابین تعلقات مضبوط کرنے کے لیے پاکستانی ڈرامے عربی زبان میں ڈب کرکے سعودیہ عرب میں نشر کیے جائیں گے اور یہ فواد چوہدری کے دورے کے بعد اسلام آباد اور ریاض کے درمیان شروع کردہ ’کلچرل ایکسچینج پروگرام‘ کا ایک حصہ تھا۔

اس منصوبے کے تحت پاکستان کے تین مقبول ترین ڈراموں کی لسٹ ترتیب دی گئی تھی جن میں دھوپ کنارے، تنہائیاں اور آہٹ شامل تھے لیکن سرکاری ٹی وی چینل کے پاس کم بجٹ ہونے کی وجہ سے دو ڈراموں ’تنہائیاں اور آہٹ ‘ کی عربی ڈبنگ تاخیر کا شکار ہوگئی تاہم اس منصوبے کی نگراں ڈاکٹر لبنی فرح کے مطابق ڈرامہ’دھوپ کنارے‘ کی عربی زبان میں ڈبنگ مکمل ہوگئی ہے اور اب یہ ڈرامہ سعودی عرب میں نشر ہونے کے لیے تیار ہے-

وزیر اطلاعات شبلی فراز نے مزید تفصیلات سے انکار کرتے ہوئے عرب نیوز کو بتایا ، "اس منصوبے پر کام دوبارہ شروع ہوچکا ہے اور جلد ہی (تیار شدہ مصنوعات) کو سعودی عرب اور متحدہ عرب امارات کو اپنے ٹیلی ویژن چینلز کو (نشر کرنے) دیا جائے گا۔”

تاہم ، پی ٹی وی کے کنٹرولر بین الاقوامی امور ، محمد ادریس نے کہا کہ ابھی تک یہ واضح نہیں ہے کہ ان دونوں ڈراموں پر جب زیر التواء کام دوبارہ شروع ہوگا ، انہوں نے مزید کہا: "یہ مکمل طور پر ایک وزارت (انفارمیشن)کی حیثیت رکھتی ہے کہ وہ یہ ڈرامے کب اور کہاں بھیجتے ہیں۔”

پی ٹی وی کی سابقہ ​​بین الاقوامی امور کی سابقہ ​​ڈائریکٹر شازیہ سکندر نے کہا ، "یہ منصوبہ تین سال پہلے شروع کیا گیا تھا۔ باقی دو (تنہائیاں اور آہٹ) باقی فنڈز کی عدم فراہمی کی وجہ سے مکمل نہیں ہوسکے۔”

Pak Dramas Dubbing in Arabic resumes, to be shown in KSA
It follows former information minister Fawad Chaudhry’s visit to the Saudi capital last year wherein he had announced Islamabad’s plans to exports its television series to the Kingdom soon. https://t.co/CCV1rXSjmp

— Ch Fawad Hussain (@fawadchaudhry) June 24, 2020

دوسری جانب وزیر سائنس و ٹیکنالوجی فواد چوہدری نے بھی ٹویٹر پر اپنے ٹویٹ میں اس بات کا اعلان کیا کہ ڈرامہ ’دھوپ کنارے‘ عربی زبان میں ڈب کرکے سعودیہ عرب میں نشر ہونے کے لیے تیار ہے۔

واضح رہے کہ یہ پہلا پروجیکٹ ہے جس میں پی ٹی وی نے مقامی ٹی وی پروڈکشن کو سعودی ناظرین کے لئے ڈب کیا ہے ، اور سعودی ولی عہد شہزادہ محمد بن سلمان کے عہد کو جدید بنانے اور اپنے لوگوں کے لئے تفریح ​​کے نئے مواقع پیدا کرنے کے وژن کا نتیجہ ہے۔

جنسی زیادتی پر بننے والی پہلی پاکستانی فلم کب پیش کی جائے گی؟

پاکستان شوبز انڈسٹری کے معروف اداکار و گلوکار فرحان سعید کا پاکستان کی لیجنڈ اور عظیم شخصیات کو خراج تحسین پیش کیا ہے۔

باغی ٹی وی : سماجی رابطے کی ویب سائٹ انسٹا گرام پر اداکار نے اداکار قوی خان، صوفی گلوکارہ عابدہ پروین اور معروف کامیڈین عمر شریف کو ان کی خدمات کا اعتراف کرتے ہوئے خراج تحسین پیش کیا ہے۔
https://www.instagram.com/p/CBvW-Z9FOTv/
فرحان سعید نے انسٹا گرام پر ایک طویل کیپشن پر مشتمل پاسٹ شئیر کی لکھا کہ وہ پاکستان کے LivingLegends کی کاوشوں کو سراہنے کیلئے ایک عاجزانہ سی کوشش کررہے ہیں۔

نہوں نے لکھا کہ وہ لوگ جنہوں نے بے غرض ہمارے ملک کی خدمت کی ہے، ان سب کی بے مثال لگن کو خراج تحسین پیش کرنے کیلئے میرا ساتھ دیں اور ان لیجنڈز کا شکریہ ادا کریں۔
https://www.instagram.com/p/CBvaONhlw85/
فرحان سعید نے قوی خان کو خراج تحسین پیش کرتے ہوئے ایک یادگار تصویر شئیر کی اور لکھا کہ میں میں پہلا خراج تحسین قوی خان کو پیش کرتا ہوں جو 1952 کے بعد سے ملک کی خدمت کر رہے ہیں۔

گلوکار و اداکار نے لکھا کہ انہیں حال ہی میں ٹیلی ویژن اور فلم اسکرین دونوں پر ان کے ساتھ کام کرنے کا موقع ملا ہے جس نے بھی قوی صاحب کے ساتھ کام کیا ہے ان کو معلوم ہو گا کہ ان کا سلوک دوسرے کو احترام کرنے پر مجبور کردیتا ہے۔

انہوں نے لکھا کہ قوی خان اپنی ذات میں ایک ادارہ ہیں اور اپنے مثالی کام کے لئے انہیں حال ہی میں حکومت پاکستان نے پرائیڈ آف پرفارمنس سے بھی نوازا ہے۔

انہوں نے کہا قوی‌ خان نوجوان اداکاروں کو ہر اداکاری کے ساتھ آگے بڑھانے کی ترغیب دے کر ان کی حوصلہ افزائی کرتے ہیں-

فرحان سعید نے لکھا کہ قوی خان کا کہنا ہے کہ نیت میں سچائی اور محبت میں خلوص ہی محبت کا صدقہ ہے-

فرحان سعید نے عابدہ پروین کو بھی خراج تحسین پیش کیاعابدہ پروین کو خراج تحسین پیش کرتے ہوئے فرحان سعید نے لکھا کہ عالمی شہرت یافتہ عابدہ پروین کسی تعارف کی محتاج نہیں ان کا فن نہ صرف پاکستان بلکہ سرحد پار بھی قدر کی نگاہ سے دیکھا جاتا ہے-
https://www.instagram.com/p/CBx7OKRlHuL/
انہوں نے لکھا کہ عابدہ پروین کوعالمی سطح پر صوفی نوع کی ایک غیر حقیقی نمائندگی کے طور پر پہچانا جاتا ہے۔، ان کی ترتیب دی ہوئی روح پرور دھنیں سننے والوں کو ایک سحر میں مبتلا کر دیتی ہیں-

اداکار و گلوکار نے لکھا کہ وہ اپنی زندگی میں بہت کم موقعوں پر عابدہ پروین سے ملے ہیں لیکن جب بھی ان کی ملاقات ہوئی انہوں نے عابدہ پروین کی آنکھوں میں دوسروں کیلئے عاجزی اور احترام دیکھا ہے۔

فرحان نے لکھا کہ عابدہ جی بلاشبہ ہر پاکستانی کے لئے باعث فخر اور الہام ہیں دوسروں کو سیکھنے اور سکھانے کے لئے ان کی ہمیشہ کی خواہش ناقابل یقین ہے اور ہم سب کے لئے ایک سبق ہے۔ انہوں نے نسل در نسل آنے اور ان کے سفر کے لئے راہ ہموار کی۔ میں بھی ان کے بے مثال جذبے سے متاثر ہوں ان کا کام ہمیشہ ہی میرے لئے الہام اور ترغیب کا ایک اہم ذریعہ رہا ہے۔

فرحان سعید نے عابدہ پروین کے گائے ہوئے الفاظ لکھے کہ عابدہ جی نے یہ کہا کہ ڈھونڈو گے اگر ملکوں ملکوں،……ملنے کے نہیں نایاب ہیں ہم ” اور وہ بلا شبہ اس کی طرح ہے –

معروف کامیڈین عمر شریف کو خراج تحسین پیش کرتے ہوئے فرحان سعید نے لکھا کہ وہ ہمیشہ سے ہی عمر شریف کے بہت بڑے پرستار رہے ہیں آن اور آف سکرین دونوں پر-

فرحان سعید نے لکھا کہ ایک مطلق شو مین جس کے لئے کسی خاص جگہ یا سامعین ضروری نہیں ہے کہ وہ اپنے ہنر کی استعداد کو ظاہر کرے۔ وہ بلا شبہ آپ سے کہیں بھی اور ہر جگہ اس سے ملنے پر حیرت سے ہنستے ہیں۔ان کی شائستہ طبیعت اپنی بے پناہ صلاحیتوں سے بھی بالاتر ہے۔
https://www.instagram.com/p/CB0zrl2FA96/
فرحان سعید نے لکھا کہ میں ان کے ایک مشورے کو نہیں بھول سکتا: انہوں نے اپنے مداحوں کے بارے میں کہا تھا کہ "یہ لوگ ہیں ،تو ہم ہیں – انکو کبھی انکار نہیں کرنا”۔ اس کے بعد سے ان کی باتوں کو میں نے اپنی یاداشت میں محفوظ کر لیا۔

فرحان نے لکھا کہ وہ متعدد بار بھارت کا دورہ کرچکے ہیں اوراور اگر سرحد پار پاکستانی ثقافت اور ہنر کا ایک سفیر ہے تو ، یہ کوئی اور نہیں بلکہ عمر صاحب ہیں۔ ان کا طنز بلاشبہ حدود سے تجاوز کرتا ہےسرحد پار سے ان گنت مداحوں نے مجھ سے ان سے محبت ، احترام اور تعریف کے پیغامات پہنچانے کو کہا۔

گلوکار نے لکھا کہ پاکستان اور ان کی وراثت کے لئے ان کی خدمات بے مثال ہیں۔ اس کا شکریہ ادا کرنے کے لئے کسی بھی حد تک صرف شکریہ کافی نہیں ہوگا لیکن یہ ہم سب کی طرف سے ایک چھوٹی سی تعریف ہے۔

بت شکنی سے مندر کی تعمیر تک
تحریر فاطمہ ہاشمی

خبر ہے کہ اسلام آباد کے شہر میں حکومت پاکستان نے مندر کی بنیاد رکھوا دی ہے
اس پہ بہت سے لوگ اس پہ سوال اٹھا رہے ہیں لیکن برا ہو اس سیاسی فرقہ واریت کا جس نے حق کہنے سننے اور سمجھنے کی صلاحیت ہی سلب کر لی ہے اور بہت سے مذہبی لوگوں اس موقع پہ نیوٹرل ذہن دینے کی ناکام کوشش کر رہے ہیں اور اس کو وہ مذہبی رواداری اقلیتوں کے حقوق سے جوڑتے پاے جاتے ہیں
اب سوال یہ ہے کہ اقلیتوں کے حقوق ہیں کیا؟ اور یہ کون بتائے گا ؟ کیا اقلیتوں کے حقوق کے نام جو من مرضیاں چاہے کرتے جائیں یاں اس کا کوئی دائرہ کار ہے ہر مذہب و ملک نے اپنے اقلیتوں کے حقوق بیان کئیے لیکن اسلام نے اقلیتوں کے جائز حقوق کا بہت خیال رکھا ہے لیکن اسلام نے شرک کو بالکل حرام قرار دیا ہے اور اس کی تبلیغ پہ بھی پابندی عائد کی ہے اور اس کو ظلم عظیم بتایا ہے کہ اللہ سے شرک روا رکھا جائے جس اللہ نے کائنات کو پیدا کیا اس نے شرک کی اجاذت نہیں دی اگرچہ اسلام میں زبردستی نہیں لیکن شرک کا اڈا بنانا یا اسکا ساتھ دینا بھی جائز نہیں
مختلف ممالک پہ اسلامی فوجوں کی یلغار کے بعد وہاں لوگوں کی عبادت گاہوں کو بلاجواز مسمار نہیں کیا گیا لیکن اس کےباجود تاریخ اسلام میں مکہ میں بتوں کی تباہی سے ایران کے آتشکدے کے بجھنے اور محمود غزنوی کے بت شکن بننے کے واقعات موجود ہیں اسکے برعکس عیسائیوں اور یہودیوں کی عبادت گاہوں کو مکمل تحفظ دیا گیا مگر تعمیر تو ان کی بھی نہیں کی گئی حالانکہ وہاں اللہ کی عبادت ہوتی تھی جبکہ مندر تعمیر کرنا تو بالکل محال ہے
ہمارے جوشیلے لوگ تو انتہا درجے کے سوالات کرتے پائے گئے
کہ جناب یہ بتائیں اگر ہم ان کی عبادت گاہ تعمیر نا کریں تو وہ بھی حق رکھتے ہیں ہم پھر بابری مسجد کو کیوں روتے ہیں ؟ اس کا مطلب ہے کہ کفار کے ممالک میں اسلامی عبادت گاہیں بھی نا ہوں وغیرہ جیسے سوالات کرتے پائے گئے
بھائی اسلامی حکومت نے کسی ملک پہ ذور نہیں دیا کہ وہ مساجد تعمیر کروائے لہذا لوگ اپنی مدد کے تحت مساجد تعمیر کرتے ہیں
اسی طرح اسلامی حکومت پہ بالکل فرض نہیں کہ ان کی عبادت گاہوں کو تعمیر کرے اور شرک کے اڈے بنائے اور اس کفار کی مدد کرے
اب بتائیں اس کائنات کا سب بڑا ظلم جس کی تبلیغ کھلے عام کرنا اسلامی حکومت میں جائز نہیں ہے کجا کہ اسلامی حکومت خود اٹھ کر اس کے مراکز کھولنے لگے
اب یہ بتائیں کیا حق و باطل سچ و جھوٹ برابر ہیں ہمارے لوگ لاشعوری طور پہ مذہبی رواداری کے سبق سن سن کر اس کو برابر سمجھ بیٹھے ہیں
گر کفار مساجد بنائیں تو اس زمین پہ یہ اللہ کا حق ہے جس سے وہ دور جا چکے ہیں اور حق نہیں دے رہے تھے لیکن اگر ہم بت کدے بنائیں تو یہ ظلم عظیم جس کی ہماری شریعت قطعًا اجازت نہیں دیتی
یعنی عجیب بات اک بندہ جھوٹ سے سچ پہ آجائے تو کیا اب سچے کو بھی جھوٹا بننا چاہیے کہ جی روداری ہے برابری ہونی چاہیے دیکھئے ناجی آج اس نے سچ کو مانا ہے لہذا ہم بھی آج جھوٹ کی مدح سرائی کریں کفار نے تو حید کے لیے مسجد بنوا دی ہے لہذا ہم بھی شرک کے لیے مندر بنادیں
غلط و صحیح کیسے برابر ہو سکتے ہیں یہی وجہ ہے کہ اسلام میں کفار کے لیے اعلانیہ اپنے مذہب کی تبلیغ اور مزید مذہبی ادارے بنانا منع ہے
اب رہی حکومت پاکستان پاک لوگوں کا ملک اسلام آباد جہاں اسلام کو آباد ہونا تھا وہاں پہ مسجد و مدرسہ کو محض اس لیے حکومت گرا دیتی ہے کہ سرکاری ذمین ہے اور سرکار کی اجازت کے بنا کوئی مسجد نہیں بن سکتی اور بہت سے بزر جمہر اس بات کو اسلام سے ہی ثابت کرتے پائے گئے کہ مسجد نبویؐ کی ذمین خریدی گئی وغیرہ اس لیے یہ مسجد و مدرسہ ناجائز ہیں لہذتمام تر خطرات کو نظر انداذ کر کے فتنہ و فساد کا درواذہ کھولا گیا اور مسجد و مدرسہ جو آباد تھا اس کو شہید کیا گیا جس سے ملک میں انتشار پیدا ہوا اور خوارج کا فتنہ بھی بطور سزا ہم پہ مسلط ہوا
اب اسی اسلام آباد کو کیا سوجھی کہ وہ مندر اللہ کی بغاوت و نافرمانی اور ظلم عظیم کا سہرہ اپنے سر سجانے لگا اور بزر جمہر لوگ اور بصیرت سے عاری علم سے نا آشناء اس کو مذہبی رواداری کا اک عظیم کارنامہ گرداننے گا
اگرچہ اسلام آباد میں ہندووں کی اک بڑی تعداد بھی ہوتی تب بھی مندر تعمیر کرنا درست نا ہوتا کجا کہ جب وہاں محض چند لوگ ہوں اور سرکاری خزانے سے شرکے اڈوں کو کھولا جائے جبکہ مسجد میں بجلی کے بل میں ٹی وی کا ٹیکس لگا کر بھیجا جارہا ہو
درحقیقت بات یہ ہے کہ کفار کو خوش کیا جا رہا ہے پیچھے خود کو نیوٹرل روادار اور کفار کے لیے نہایت نرم گوشہ رکھنے والا ظاہر کرتے یہ اسلام آبادیے تجارتی و دیگر مقاصد رکھتے ہیں وہ جی ایف اے ٹی ایف ہے معیشت کا مسلہ ہے اسلام پسندوں پہ پابندی لگانا اور اور کفار کو خوش کرنے تمام حربے نہایت ہی بودے ہیں کیوں کہ اللہ نے پہلے ہی بتا دیا ہے کہ یہ یہود نصاری تمہارے دوست نہیں ہو سکتے اور تم انکو خوش کرنا چاہو تو یہ خوش نا ہوں گے حتیٰ کہ تم ان کے مذہب کو اختیار کر لو
نہیں جس قوم کو پروائے نشیمن ، تم ہو
بجلیاں جس میں ہوں آسودہ وہ خرمن ، تم ہو
بیچ کھاتے جو اسلاف کے مدفن ، تم ہو
ہونکے نام جو قبروں کی تجارت کر کے !
کیا نا بیچو گے جو مل جائیں صنم پتھر کے؟

وہ اپنے مطالبات بڑھاتے ہی جائیں گے وہن نے اس امت کو تباہ کر دیا ہے نبی ؐ نے پہلے ہی بتا دیا تھا کہ جب تم گائے کی دموں کو پکڑ لو گے کھیتی باڑی میں لگ جاو گے اور جہاد چھوڑ دو گے تو اللہ تم پہ ذلت مسلط کر دے گا اور تب تک نہیں اٹھائے گا جب جب تک تم اپنے دین (یعنی جہاد) کی طرف واپس نہیں پلٹتے عزتوں کا راستہ جہاد جبکہ ذلتوں کا راستہ معاش کے پیچھے لگ کر جہاد چھوڑنا حافظ سعید کو مجرم بنانا اور مندروں کو تعمیر کرنا ہے بت شکنوں کی اولاد آج بت فروش بنی درحقیقت اقبال نے خوب عکاسی کی
ہاتھ بے ذور ہیں الحاد سے دل خوگر ہیں
امتی باعث، رسوائی، پیغمبر ہیں !
بتائیں آج محمد عربیؐ جنہوں بتوں کو توڑا تھا اس مندر کی خبر سے خوش ہوتے
حقیقت ہے کہ الحاد نے بصیرت چھین لی ہے اور ہاتھوں میں ذور نہیں اور دل میں خوف ہے کہ معیشت کے بنا کیسے جنگ لڑیں گے جبکہ مومن ہو توبے تیغ بھی لڑتا ہے سپاہی
بقول اقبال
بت شکن اٹھ گئے باقی جو رہے بت گر ہیں
تھا ابراہیم پدر، . اور . پسر آذر ہیں !
اب دیکھیں ابراھیم علیہ اسلام بت شکن تھے لیکن آج ابراھیم کے روحانی فرذند پسر آذر ہیں یعنی معاملات الٹ چکے ہیں بت شکنوں کے وارث اب بت فروشی پہ آگئے
بادہ آشام نیا، بادہ نیا ، بت بھی نئے
حرم کعبہ نیا ، بت بھی نئے ، تم بھی نئے
#فاطمہ_ہاشمی
#ہاشمیات

پاکستان شوبز انڈسٹری کی معروف اداکارہ حرا مانی ڈراموں کی بعد اب انسٹا گرام پر بھی چھا گئیں-

باغی ٹی وی : انتہائی کم عرصے میں پاکستان شوبز انڈسٹری میں متعدد ڈراموں میں اپنی شاندار اداکاری سے اپنی الگ پہچان اور نام بنانے والی اداکارہ حرا مانی ڈراموں کے بعد اب انسٹاگرام پر بھی چھا گئیں ہیں سماجی رابطے کی ویب سائٹ انسٹاگرام پر 4 ملین یعنی 40 لاکھ فالوورز ہوگئے ہیں اور انسٹا گرام پر اس کامیابی کے بعد حرا مانی بھی اُن پاکستانی فنکاروں کی فہرست میں شامل ہوگئی ہیں جن کے انسٹاگرام فالوورز کی تعداد زیادہ ہے۔

اس حوالے سے حرا مانی نے اپنی انسٹاگرام اسٹوری میں ایک ویڈیو شیئر کی جس میں اُن کے ساتھی اداکار انسٹاگرام پر اُن کے 4 ملین فالوورز ہونے پر مبارکباد دینے کے ساتھ ساتھ اداکارہ کو تحائف بھی دیتے ہوئے نظر آ رہے ہیں۔

علاوہ ازیں حرا مانی نے انسٹاگرام پر اپنی کچھ تصاویر پوسٹ کیں جن میں اداکارہ سفید رنگ کے پرنٹڈ کپڑے پہنے ہوئے ہیں اور کسی سوچ میں گم نظر آرہی ہیں۔
https://www.instagram.com/p/CB1LAFmnm26/?igshid=i064cn0cniw3
تصاویر شئیرکرتے ہوئے حرا مانی نے لکھا کہ سوچو تو ذرا، دیکھو تو ذرا، یہ ہے حرا-

انہوں نے لکھا کہ کبھی کبھی کیپشن کی سمجھ نہیں آتی کچھ بھی کیا لکھوں-

واضح رہے کہ انسٹاگرام پر سب سے زیادہ فالوورز کے ساتھ اداکارہ ایمن خان سر فہرست ہیں جن کے اس وقت 6 اعشاریہ 5 ملین یعنی 65 لاکھ فالوورز ہیں۔

جبکہ دوسرے نمبر پر اداکارہ ماہرہ خان ہیں جن کے انسٹاگرام پر 6 اعشاریہ 2 ملین یعنی 62 لاکھ فالوورز ہیں اور تیسرے نمبر پر خبرو اور پُرکشش اداکارہ عائزہ خان ہیں جن کے انسٹاگرام پر 6 اعشاریہ ایک ملین یعنی 61 لاکھ فالوورز ہیں۔

معروف ٹی وی اداکارہ و میزبان عفت عمر نے بھی پاکستان شوبز انڈسٹری میں پائی جانے والی اقربا پروری کے خلاف آواز بلند کر دی۔

باغی ٹی وی : رواں ماہ 14 جون کو خودکشی کرنے والے 34 سالہ بھارتی اداکار سوشانت سنگھ کی موت کے بعد سے بھارت میں بالی وڈ اقربا پروری کے خلاف آواز اُٹھائی جارہی ہے جو کہ دن بہ دن کم ہونے کی بجائے بڑھتی جا رہی ہے اور نہ صرف بھارتی فنکار اور عوام اس کے خلاف بول رہے ہیں بلکہ پاکستانی فنکار بھی بالی وڈ کی کچھ نامور شخصیات کو سوشانت کی خودکشی کی وجہ قرار دیتے نظر آرہے ہیں۔

ایسے میں پاکستان کی معروف اداکارہ و میزبان عفت عمر نے بھی سوشل میڈیا پر ایک پیغام جاری کیا ہے جس میں اُنہوں نے پاکستان شوبز انڈسٹری میں پائی جانے والی اقربا پروری کے بارے میں بات کی ہے۔

Pakistani industry artists sharing news of coffee in Karan in hot water but darlings what about the #nepotism in your own backyard? Kabhi socha hay hamari industry me adakar kitne hayn?

— Iffat Omar Official (@OmarIffat) June 24, 2020

سماجی رابطے کی ویب سائٹ ٹوئٹر پر اپنے ٹویٹ میں عفت عمر نے لکھا کہ پاکستانی انڈسٹری کے فنکار بھارتی فلم ساز کرن جوہر کے ٹی وی شو ’کافی وِد کرن‘ کی خبریں تو سوشل میڈیا پر شیئر کر رہے ہیں اور ان کے خلاف بول بھی رہے ہیں لیکن آپ کی اپنی انڈسٹری میں ہونے والی اقربا پروری کے بارے میں آپ کا کیا خیال ہے؟

عفت نے لکھا کہ کبھی سوچا ہے ہماری انڈسٹری میں اداکار کتنے ہیں‌؟

واضح رہے کہ رواں ماہ 14جون کو گلے میں پھانسی کا پھندہ ڈال کر خودکشی کرنے والے بھارتی اداکار سوشانت سنگھ کی موت کے واقعے کے بعد سے بھارتی عوام کی جانب سے بالی ووڈ انڈسٹری اور دیگر نامور بھارتی شخصیات کو اداکار کی خودکشی کی وجہ قرار دیا جارہا ہے جن میں عالیہ بھٹ، کرن جوہر اور سلمان خان جیسے معروف بھارتی فنکار شامل ہیں۔

بالی وڈ اداکار سوشانت سنگھ راجپوت کی خودکشی کے حوالے سے ایک وکیل سدھیر کمار اوجھا نے بھارتی ریاست بہار کی ایک مقامی عدالت میں سلمان خان، پروڈیوسر اور ڈائریکٹر کرن جوہر ،ادیتیا چوپڑا، ساجد ناڈیانوالہ، سنجے لیلا بھنسالی، بھوشن کمار، ایکتا کپور اور ڈائریکٹر دنیشن کے خلاف مقدمہ درج کیا تھا اس نے دعوی کیا تھا کہ یہ افراد سوشانت کی فلموں کو ایک سازش کے تحت ریلیز نہیں ہونے دیتے تھے اور ان افراد کی وجہ سے سوشانت کو فلمی فنکشنز میں بھی مدعو تک نہیں کیا جاتا تھا جس وجہ سے سوشانت نے دلبرداشتہ ہو کر خودکشی کر لی تھی-

یاد رہے کہ کرن جوہر نے اپنے ایک شو میں جب عالیہ بھٹ سے سوشانت سنگھ کے حوالے سے سوال کیا تھا تو اداکارہ نے لاتعلقی کا اظہار کرتے ہوئے کہا تھا کہ کون سوشانت سنگھ، جس پر کرن جوہر اور عالیہ بھٹ نے سوشانت سنگھ پر گفتگو کرتے ہوئے قہقہہ لگانا شروع کردیئے تھے یہی وجہ ہے کہ بھارتی عوام میں اداکار کی خودکشی کے حوالے سے غم و غصہ پایا جارہا ہے۔

سلمان خان کا سوشل میڈیا پر سوشانت سنگھ کے لئے خصوصی پیغام جاری

سوشانت سنگھ کی موت کی ذامہ دار بالی وڈ انڈسٹری ہے بھارتی عوام

اداکارہ کنگنا رناوت نے سوشانت سنگھ کی افسوسناک موت کے حوالے سے فلم انڈسٹری کی جانب سے پھیلائے گئے پروپیگنڈے کو بے نقاب کردیا

سلمان خان اور کرن جوہر کی فلمیں ریلیز نہیں ہونے دیں گے صدر جن ادھیکار پارٹی پپو یادو

سوشانت سنگھ کی موت کے بعد عالیہ بھٹ اور کرن جوہر کو سوشل میڈیا پر بڑی ناکامی

بالی وڈ انڈسٹری میں تخلیقی صلاحیتوں کو وہ لوگ کنٹرول کررہے ہیں جنہیں تخلیق کا مطلب بھی نہیں پتہ یا پھر وہ خدا بننے کی کوشش کرررہے ہیں عدنان سمیع خان