Baaghi TV

Category: شوبز

  • رشی کپور میرے ساتھ فلم میں کام کرنے کے خواہشمند تھے اداکارہ میرا کا انکشاف

    رشی کپور میرے ساتھ فلم میں کام کرنے کے خواہشمند تھے اداکارہ میرا کا انکشاف

    پاکستان کی معروف اداکارہ میرا کا کہنا ہے کہ بالی وڈ اداکار رشی کپورمیرے ساتھ فلم میں کام کرنا چاہتے تھے

    باغی ٹی وی :پاکستان کی معروف اداکارہ میرا کا کہنا ہے کہ بالی وڈ اداکار رشی کپورمیرے ساتھ فلم میں کام کرنا چاہتے تھے اداکارہ میرا خبروں میں رہنے کا فن بخوبی جانتی ہیں اور اپنے متنازع بیانات کی وجہ سے خبروں کی زینت بنی رہتی ہیں تاہم اب اداکارہ میرا نے اپنی ایک ویڈیوپیغام میں کہا کہ 2005 میں فلم ’نظر‘ کی شوٹنگ کے دوران ممبئی میں ان کی ملاقات رشی کپورکے ساتھ ہوئی تھی وہ بہترین اداکار نہیں بلکہ بہترین انسان بھی تھے

    میرا نے کہا ایک باردبئی میں ملاقات کے دوران رشی کپورکے ساتھ بات چیت ہوئی تھی اوراسی دوران انہوں نے میرے ساتھ کام کرنے کی خواہش کا اظہارکیا تھا اورمیں بھی ہمیشہ ان کے ساتھ کام کرنا چاہتی تھی

    میرا کے مطابق رشی کپور نے ملاقات میں میری تعریف بھی کی تھی اورمیری ہمت بھی باندھی تھی اورانہوں نے مجھ سے یہ بھی کہا تھا کہ مجھے بڑے فنکاروں کے ساتھ کام کرنا چاہیئے

    اداکارہ نے کہا کہ انکی موت کی خبرسن کربہت زیادہ تکلیف ہوئی کیونکہ رشی کپورصدی کے ایک بڑے اداکارتھےاداکارہ نے مزید کہا کہ ان کے بات کرنے کے اندازسمیت وہ بہت ہمدرد تھے

    ’رشی کپور‘ ایک عہد تھا جس کا اختتام ہوگیا،رشی کپورخاندان کے سفرکی کہانی بڑی دلچسپ بڑی سہانی

    اداکارہ میرا رپورٹربن گئیں ،انگریزی زبان کی ایسی تیسی کردی

  • سشمیتا سین کی ’سورۃ العصر‘ تلاوت کرنے کی ویڈیو سوشل میڈیا پر وائرل

    سشمیتا سین کی ’سورۃ العصر‘ تلاوت کرنے کی ویڈیو سوشل میڈیا پر وائرل

    سابق مس یونیورس اور بالی وڈ کی معروف اداکارہ سشمیتا سین کی ’سورۃ العصر‘ کی تلاوت کرنے کی ویڈیو سوشل میڈیا پر وائرل

    باغی ٹی وی : سابق مس یونیورس اور بالی وڈ کی معروف اداکارہ سشمیتا سین کی ’سورۃ العصر‘ کی تلاوت کرنے کی ویڈیو سوشل میڈیا پر وائرل ہو گئی دنیا بھر میں کورونا کی وجہ سے جاری لاک ڈاؤن کی وجہ سے فنکار اپنے مداحوں کے ساتھ سوشل میڈیا پر لائیو سیشن کے ذریعے رابطے میں ہیں تاہم اب سشمیتا سین نے بھی انسٹاگرام پر اپنے مداحوں کے لیے ایک لائیو سیشن رکھا جس میں انہوں نے اپنے مداحوں کے دلچسپ سوالوں کے جواب دیئے
    https://www.instagram.com/p/B_onpBeBvGX/?igshid=p228f888t6r0
    اس لائیو سیشن کے دوران ان کے مسلمان مداحوں نے ان سے قرآن پاک کی ’سورۃ العصر‘ کی تلاوت کرنے کی خواہش کا اظہار کیا جس پر انہوں نے اپنے مسلمان مداحوں کی خواہش پوری کرتے ہوئے ’سورۃ العصر‘ کی تلاوت کر کے مداحوں کو خوشگوار حیرت میں مبتلا کر دیا انسٹاگرام پر لائیو چیٹ سیشن کے دوران سشمیتا سین کی بیٹیاں اور ان کے دوست بھی موجود تھے اور سشمیتا سین کی ایک بیٹی نے بھی اپنی والدہ کے ساتھ ’سورۃ العصر‘پڑھی

    اسی سیشن کے دوران ملتان کے ایک مداح نے سشمیتا سین سے سوال کیا کہ آپ پاکستان کب آئیں گی؟ اور کہا ہم آپ کا انتظار کررہے ہیں تو اداکارہ نے جلد ہی پاکستان آنے کا ارادہ ظاہر کرتے ہوئے کہا امید کرتی ہوں جلد آؤں گی سشمیتاسین نے مزید کہا کہ وہ تین بار کراچی آچکی ہیں اور تینوں بار انہیں بے حد محبت ملی تھی تاہم انہیں پاکستان آئے طویل عرصہ بیت چکا ہے

    واضح رہے یہ پہلی بار نہیں ہے جب سشمیتا سین نے سورہ العصر کی تلاوت کی ہو اس سے قبل بھی ایک تقریب میں اداکارہ سشمیتا نے قرآن پاک کی ’سورۃ العصر‘ کی تلاوت کرکے تقریب میں موجود تمام لوگوں کو حیران کردیا تھا جس کی ویڈیو سوشل میڈیا پر خوب وائرل ہو ئی تھی

    کورونا وائرس: لاک ڈاؤن سے کوئی فرق نہیں پڑا پچھلے دو سال سے قرنطینہ میں ہوں سونالی باندرے

  • عامر لیاقت نے سری دیوی اور عرفان خان کے انتقال پر نامناسب بیان پر معافی مانگ لی

    عامر لیاقت نے سری دیوی اور عرفان خان کے انتقال پر نامناسب بیان پر معافی مانگ لی

    پاکستان کے معروف مذہبی سکالر میزبان و سیاست دان عامر لیاقت نے سری دیوی اور عرفان خان کے بارے میں نامناسب بیان پر معافی مانگ لی

    باغی ٹی وی :پاکستان کے معروف مذہبی سکالر میزبان و سیاست دان عامر لیاقت نے سری دیوی اور عرفان خان کے بارے میں نامناسب بیان پر معافی مانگ لی گذ شتہ روز اپنے لائیو چیٹ شو جیوے پاکستان میں عامر لیاقت نے پاکستانی نامور اداکارعدنان صدیقی کو مدعو کیا اور اس دوران بالی وڈ کی آنجہانی اداکارہ سری دیوی اور مرحوم اداکارعرفان خان کے انتقال پر نامناسب مذاق کیا

    عامر لیاقت نے عدنان صدیقی سے مزاحیہ انداز میں کہا کہ وہ جس کے ساتھ کام کرتے ہیں وہ مر جاتا ہے سری دیوی کے ساتھ کام کیا وہ مر گئیں عرفان خان کے ساتھ کام کیا وہ مر گئے جبکہ اداکارائیں آپ کی بدولت زندہ ہیں بپاشا باسو اور رانی مکھر جی کیونکہ آپ نے ان کے ساتھ کام کرنے سے انکار کر دیا تھا

    عامر لیاقت کے اس مذاق پر انہیں سری دیوی اور عرفان خان کے انتقال کا بےحد افسوس ہے انہوں نے عامر لیاقت پر تنقید کرتے ہوئے کہا کہ کہا کہ یہ بات ان کے لیے مذاق ہوگی البتہ وہ ایسا نہیں سوچتے اور عرفان خان اور سری دیوی دونوں ہی ان کے بہت قریبی دوست تھے

    اس پروگرام کی یہ ویڈیو سوشل میڈیا پروائرل ہونے کے بعد صارفین کی طرف سے عامر لیاقت کو اس متنازع بیان کے باعث شدید تنقید کا نشانہ بنایا گیا علاوہ ازیں عدنان صدیقی نے بھی سوشل میڈیا پر اپنا ایک بیان جاری کیا جس میں انہوں نے کہا کہ انہیں عامر لیاقت کے شو کا حصہ بننے پر افسوس ہے اداکار نے سری دیوی اور عرفان خان کے اہلخانہ سمیت ان کے مداحوں سے بھی معافی مانگی

    تاہم اب عامر لیاقت نے اپنے اوپر ہونے والی تنقید کے حوالے سے ایک ویڈیو پیغام سماجی رابطے کی ویب سائٹ ٹویٹرپر جاری کیا جس میں انہوں نے عوام سے اپنے نامناسب مذاق پر معافی مانگ لی


    عامر لیاقت نے ویڈیو پیغام میں کہا کہ کل کے شو میں کچھ ایسی باتیں ہو گئی تھی جو سبقت لسانی سے ہو گئی تھیں سبقت لسانی کہتے ہیں جب آپ الفاظ پر قابو نہ رکھ پائیں۔ لائیو شو میں ایسا ہوتا ہے کوئی ایسی بڑی بات اس لحاظ سے نہیں تھی کہ میں اس پر فوری غور کرنا، لیکن بعد میں نے غور کیا تو اندازہ ہوا کہ واقعی یہ غلط بات کی انسانیت کو مدنظر رکھتے ہوئے ہمیں ایسی بات نہیں کرنی چاہیے تھی اس کئے میں معافی مانگتا ہوں

    عامر لیاقت نے کہا کہ پڑوسی ملک کے فنکار ہمارے لیے قابل احترام ہیں آگے ایک کلپ میں میں نے ان کی محبت اور پیار کا ذکر بھی کیا ہے لیکن وہ لوگوں کو نہیں دکھایا گیا کیوں کہ دکھایا ہمیشہ وہ زخم جاتا ہے جس پر مکھی بیٹھتی ہے

    انہوں نے کہا میں بہت معذرت چاہتا ہوں اور ایک بات آپ بھی یاد رکھیے گا کہ معافی مانگنے والا بڑا ہوتا ہے اگر کسی کو احساس ہوجائے تو دوسرے کو بھی چاہیے کہ وہ اسے سمجھے اور اسے اپنی غلطی کا اعتراف کرنے تک سپیس دے

    انہوں نے مزید کہا کہ یہ میرا ملک ہے یہ میرے لوگ ہیں اگر میرے وطن کے لوگوں کو کوئی تکلیف پہنچی تو میں معذرت کرتا ہوں مجھے امید ہے آپ اپنے عامر لیاقت کی معذرت قبول کریں گے اور مجھے معاف کریں گے اور کہا کہ میں اپنے شو میں بھی اس حوالے سے بات کرں گا

    انہوں نے ویڈیو شیئر کرتے ہوئے کیپشن میں بھی لکھا کہ میں معافی چاہتا ہوں

    عامر لیاقت کے شو کا حصہ بننے پر افسوس ہے عدنان صدیقی

    عرفان خان اور سری دیوی کے انتقال پر متضاد بیان پرعامر لیاقت کو شدید تنقید کا سامنا

  • عامر لیاقت کے شو کا حصہ بننے پر افسوس ہے عدنان صدیقی

    عامر لیاقت کے شو کا حصہ بننے پر افسوس ہے عدنان صدیقی

    پاکستان شوبز انڈسٹری کے معروف اداکار عدنان صدیقی نے سری دیوی عرفان خان کے اہلخانہ اور مداحوں سے معافی مانگ لی اور کہا کہ انہیں عامر لیاقت کے شو کا حصہ بننے پر افسوس ہے

    باغی ٹی وی : پاکستان شوبز انڈسٹری کے معروف اداکار عدنان صدیقی نے سماجی رابطے کی ویب سائٹ ٹویٹر پرایک بیان جاری کردیا جس میں انہوں نے کہا کہ انہیں عامر لیاقت کے شو کا حصہ بننے پر افسوس ہے


    سماجی رابطے کی ویب سائٹ ٹوئٹر پر اپنے ایک پیغام میں عدنان صدیقی نے لکھا کہ میں بیان نہیں کرسکتا کہ اس وقت میں کیسا محسوس کررہا ہوں لیکن میں اپنے دل کی بات ضرور بتاؤں گا گزشتہ روز مجھے لائیو چیٹ شو جیوے پاکستان میں دعوت دی گئی جہاں بدقسمتی سے ایک نامناسب واقعہ پیش آیا

    عدنان صدیقی نے لکھا کہ شو کے میزبان عامر لیاقت نے ایک نہایت حساس معاملے پر نامناسب بیان دیا وہ دونوں ہی عرفان خان اور سری دیوی میرے دل کے بےحد قریب ہیں بلکہ ایک انسان ہونے کی حیثیت سے عامر لیاقت کا یہ بیان نہایت غلط تھا

    عدنان صدیقی نے لکھا کہ اس دنیا سے گزر جانے والوں کے حوالے سے مذاق کرنا نہایت نامناسب ہے اس بیان سے صرف وہ اور میں ہی نہیں بلکہ ہمارا ملک غلط انداز میں پیش ہوا

    انہوں نےلکھا کہ میں سری دیوی اور عرفان خان کے گھر والوں اور ان کے مداحوں سے معافی مانگنا چاہتا ہوں اگر آپ ویڈیو میں مجھے دیکھیں تو آپ کو اندازہ ہوجائے گا کہ میں ان کی اس بات سے کتنا غیر مطمئن تھا مجھے افسوس ہے کہ میں اس شو پر گیا لیکن میں نے سبق سیکھا ہے اور میں خود سے وعدہ کرتا ہوں کہ آئندہ اس قسم کی نامناسب باتیں برداشت نہیں کروں گا

    عدنان صدیقی نے لکھا کہ وہ امید کررہے تھے کہ یہ ویڈیو سوشل میڈیا پر سامنے نہ آئے لیکن ایسا ممکن نہیں ہوا اور یہ وائرل ہوگئی

    عدنان صدیقی نے اپنے پیغام کے آخر میں معافی مانگی
    عدنان صدیقی کے اس پیغام کے بعد صارفین نے عدنان صدیقی کو کمنٹس میں کہا کہ آپ کو عامر لیاقت کا شو اسی وقت چھوڑ دینا چاہئے تھا بعض نے کہا کہ آپ کو اس کے شو مین جانا ہی نہیں چاہیئے تھا


    ایک صارف نے لکھا کہ عدنان صدیقی واقعی ایک مہذب گھرانے سے تعلق رکھتے ہیں، عامر لیاقت کے شو میں جانا انکے لیئے باعثِ شرمندگی بنا اور اُس پر انہوں نے اپنے چاہنے والوں سے معافی طلب کی

    https://twitter.com/Nida_e_gul/status/1256410210580733952?s=19
    کنول سعید نامی صارف نے لکھا کہ آپ سے اس طرح کا جاہلانہ مذاق کرنے کی وجہ کے پیچھے عامر لیاقت کا خلیل الرحمن قمر کے ساتھ بلا وجہ ماروی سرمد والے واقعے کا بغض ہے

    واضح رہے کہ عدنان صدیقی اور عرفان خان نے 2007 کی ہولی وڈ فلم ’اے مائٹی ہارٹ‘ میں اکٹھے کام کیا تھا جبکہ سری دیوی کے ساتھ عدنان صدیقی نے 2017 کی فلم ’موم‘ میں کام کیا

    عرفان خان کی موت پر عدنان صدیقی کا تعزیتی پیغام

    عرفان خان کے انتقال پر پاکستانی فنکاروں کا افسوس کا اظہار

  • عرفان خان اور سری دیوی کے انتقال پر متضاد بیان پرعامر لیاقت کو شدید تنقید کا سامنا

    عرفان خان اور سری دیوی کے انتقال پر متضاد بیان پرعامر لیاقت کو شدید تنقید کا سامنا

    مذہبی سکالر، میزبان اور سیاست دان عامر لیاقت اکثر و بیشتر ایسے بیانات دیتے ہیں جن کے باعث انہیں سوشل میڈیا پر شدید تنقید کا نشانہ بنایا گیا اور اب انہوں نے بالی وڈ اداکار عرفان خان اور سری دیوی کے انتقال کے حوالے سے بھی ان کا ایسا متضاد بیان سامنے آ گیا ہے جس کے باعث انہیں شدید تنقید کا سامنا کرنا پڑ رہا ہے

    باغی ٹی وی : بالی وڈ اداکار عرفان خان اور سری دیوی کے انتقال کے حوالے سے بھی ان کا ایسا متضاد بیان سامنے آ گیا ہے جس کے باعث انہیں شدید تنقید کا سامنا کرنا پڑ رہا ہے عامر لیاقت نے اپنے ٹی وی شو لائیو چیٹ شو جیوے پاکستان میں پاکستان کے معروف اداکار عدنان صدیقی کو مدعو کیا

    شو کے دوران عامر لیاقت نے عدنان صدیقی سے کہا کہ آپ کی وجہ سے دو انسان بچ گئے، ایک رانی مکھرجی اور دوسری بپاشا باسو، اس لیے کیوںکہ آپ نے فلم موم میں کام کیا تو سری دیوی کا انتقال ہوگیا آپ نے عرفان خان کے ساتھ کام کیا تو ان کا بھی انتقال ہوگیا


    میزبان عامر لیاقت نے کہا کہ آپ کو مردانی 2 میں کام کرنے کی آفر ہوئی لیکن آپ نے انکار کردیا ورنہ وہ بھی چلی جاتیں عدنان صدیقی نے فوراً کہا اللہ نہ کرے عامر لیاقت نے مزید کہا کہ جسم 2 میں کام کرنے کی آفر ہوئی آپ نے وہ بھی کرنے سے منع کردیا ان دونوں اداکاراؤں کی زندگی آپ کی بدولت ہے باہر آپ جس کے ساتھ بھی کام کرتے ہیں ان کا انتقال ہوجاتا ہے

    اس سب کے دوران عدنان صدیقی پریشان نظر آئے اور کہا کہ انہیں سری دیوی اور عرفان خان کے انتقال کا بےحد افسوس ہے انہوں نے عامر لیاقت پر تنقید کرتے ہوئے کہا کہ کہا کہ یہ بات ان کے لیے مذاق ہوگی البتہ وہ ایسا نہیں سوچتے اور عرفان خان اور سری دیوی دونوں ہی ان کے بہت قریبی دوست تھے

    اس پروگرام کی یہ ویڈیو سوشل میڈیا پروائرل ہونے کے بعد صارفین نے عامر لیاقت کو اس متنازع بیان کے باعث شدید تنقید کا نشانہ بنایا

    خرم صابر نامی صارف نے لکھا کہ یہ کیا چیز ہے نفسیاتی انسان

    حآرث آصف نامی صارف نے لکھا کہ اس کا ذہنی توازن ٹھیک نہیں یہ کہیں بجھی کچھ بھی بول جاتا ہے

    احسان وٹو نامی صارف نے لکھا کہ ہماری عدنان صدیقی صاحب سے پُر زوسر التجا ہے ایک بار وہ عامر لیاقت کے ساتھ بھی کام کریں

    جاوید چشتی نامی صارف نے کہا کہ اب عامر لیاقت عدنان صدیقی کے ساتھ بیٹھا ہے اللہ کرے کہ یہ روایت برقرار رہے

    جبکہ بعض صارفین عامر لیاقت کو جاہل انسان قرار دیا اور کہا یہ موت کو بھی مذاق بنایا جبکہ عدنان صدیقی قابل تعریف ہیں کہ انہوں نے عامر لیاقت کا منہ بند کرنے کی پوری کوشش کی

    کچھ صارفین نے اپنے ٹویٹر اکاؤنٹ پر مذکورہ ویڈیو شئیر کرتے ہوئے عامر لیاقت کو تنقید کا نشانہ بنایا


    حسن چوہدری نامی صارف نے لکھا کہ ہر ایک شخص کو شرم آنی چاہیئے جو اپنے پروگرامز میں عامر لیاقت کی خدمات حاصل کرتے ہیں اور ان کو شرم آنی چاہیے جو اس کو خوش کرتے ہیں سامعین میں موجود ہر ایک کو شرم آنی چاہیئے جو اس پر تالیاں بجاتے ہیں


    ہارون نامی صارف نے کہا کہ کیوں کوئی اس کے بارے میں بات نہیں کر رہا ہے؟ عامر لیاقت ذہنی طور پر غیر مستحکم ہے


    ایک صارف نے لکھا کہ کیوں اسے اب بھی ٹیلی ویژن پر جانے کی اجازت ہے


    صابر نامی ایک صارف نے لکھا کہ شیطان نے تو رمضان کے بعد آزاد ہو نا تھا


    نوال نامی صارف نے لکھا کہ یہ پاگل خانے ایڈمٹ کیوں نہیں ہے


    فیضان نجیب صارف نے لکھا کہ ہم ایسے لوگوں کو کیوں اور کیسے ٹی وی پر جانے کی اجازت دے رہے ہیں .. یہ کوئی مضحکہ خیز بات نہیں ہے! اور جو لوگ ا س میں مذاق تلاش کر رہے ہیں ان کو ایک نفسیاتی ماہر کی ضرورت ہے!


    ایک صارف نے پیمرا کو مخاطب کرتے ہوئے کہا کہ پیمرا عامر لیاقت پر پابندی لگائے

    واضح رہے کہ عدنان صدیقی اور عرفان خان نے 2007 کی ہولی وڈ فلم ’اے مائٹی ہارٹ‘ میں اکٹھے کام کیا تھا جبکہ سری دیوی کے ساتھ عدنان صدیقی نے 2017 کی فلم ’موم‘ میں کام کیا

    عرفان خان کی موت پر عدنان صدیقی کا تعزیتی پیغام

    عرفان خان کے انتقال پر پاکستانی فنکاروں کا افسوس کا اظہار

    ایک اور بھارتی اداکار رشی کپور چل بسے

  • "راجہ ریپسٹار” کا پہلا رمضان کلام "رحمت کا مہینہ” ریلیز

    "راجہ ریپسٹار” کا پہلا رمضان کلام "رحمت کا مہینہ” ریلیز

    پاکستان کے معروف گلوکار "راجہ ریپسٹار” کا پہلا رمضان کلام "رحمت کا مہینہ” ریلیز کر دیا گیا

    لاہور: باغی ٹی وی کے مطابق پاکستان کے معروف گلوکار "راجہ ریپسٹار” کا پہلہ رمضان کلام "رحمت کا مہینہ” ریلیز کر دیا گیا گلوکار نے اس کلام کے حوالے سے گفتگو میں بتایا کے وہ اس سے قبل صرف کشمیر کی تحریک آزادی، پاکستان کے دفاع اور معاشرتی مسائل پر اپنے ترانے ریلیز کرتے رہے ہیں پر اس رمضان انہوں نے ضرورت محسوس کی کہ ہمارے نوجوان نعت، کلام، حمد سے بہت دور جاتے جا رہے ہیں جس کی وجہ اس میں جدت نہ لانا ہے

    گلوکار نے کہا کہ اس لئے میں نے فیصلہ کیا کے میں ایک جدید طریقہ سے کلام پڑھوں جس میں رمضان کی برکتیں بیان کروں اور میں نے اپنے انداز میں "رحمت کا مہینہ” کلام لکھا پڑھا اور اب اسے ریلیز کر دیا گیا ہے

    راجہ ریپسٹار کے مطابق ان کے پڑھے گئے رمضان کلام پر نوجوانوں کا بہت اچھا ردعمل سامنے آ رہا ہے

    گلوکار نے مزید بتایا کے میں نے کلام میں کشمیر کے لئے دعا اور کورونا وائرس سے بچاو کے لئے اللہ کے حضور دعا بھی کی ہے، گلوکار کا کہنا تھا کہ امید کروں گا کے سب اس کلام کو سنیں گے اور اس کے ذریعے جو پیغام میں نے دیا ہے اسے سراہیں گے
    https://www.youtube.com/watch?v=4nx3JM6z56k&feature=youtu.be

    رمضان المبارک :علی ظفر کی آواز میں حمد سوشل میڈیا پر وائرل

  • ٹھیک ہے عرفان خان ہمیں چھوڑگئے لیکن غم کی اس گھڑی لاکھوں لوگ ہمارے ساتھ ہیں ،عرفان خان کی اہلیہ کے تاریخی الفاظ

    ٹھیک ہے عرفان خان ہمیں چھوڑگئے لیکن غم کی اس گھڑی لاکھوں لوگ ہمارے ساتھ ہیں ،عرفان خان کی اہلیہ کے تاریخی الفاظ

    ممبئی :ٹھیک ہے عرفان خان ہمیں چھوڑگئے لیکن غم کی اس گھڑی لاکھوں لوگ ہمارے ساتھ ہیں ،عرفان خان کی اہلیہ کے تاریخی الفاظ،اطلاعات کےمطابق بولی وڈ کے نامور اداکار عرفان خان کے اچانک انتقال کی خبر کے بعد دنیا بھر میں موجود ان کے مداحوں نے سوشل میڈیا پر اپنے دکھ کا اظہار کیا۔

    تمام پیغامات میں ایک پیغام سب سے زیادہ توجہ کا مرکز بن رہا ہے جو کسی اور کا نہیں بلکہ عرفان خان کی اہلیہ اور ان کے بیٹوں بابل اور ایان کی جانب سے سوشل میڈیا پر جاری کیا گیا۔عرفان خان کی فیملی نے یہ بیان ان کے ہی ٹوئٹر اکاؤنٹ پر جاری کیا۔

     

     

    بیاں میں اہلیہ ستاپا نے لکھا کہ ’میں کیسے فیملی کے حوالے سے اس بیان کو تحریر کروں جبکہ پوری دنیا عرفان کے انتقال کو ذاتی نقصان مان رہی ہے، میں کیسے خود کو اکیلا محسوس کرسکتی ہوں جب لاکھوں کی تعداد میں لوگ ہمارے ساتھ اس غم میں شریک ہیں‘۔

    ان کا کہنا تھا کہ ’میں سب کو یہ بتانا چاہتی ہوں کہ یہ نقصان نہیں، فائدہ ہے، یہ فائدہ اس لیے ہے کہ عرفان نے ہمیں بہت کچھ سکھادیا اور اب آخر کار ہم اس پر عمل بھی کریں گے، میں کوشش کروں گی کہ وہ کام بھی کرسکوں جن کے بارے میں لوگ نہیں جانتے‘۔

    انہوں نے کہا کہ ’ہمارے لیے بھی اس پر یقین کرنا مشکل ہے لیکن میں عرفان خان کے الفاظ میں اس کو جادوئی کہوں گی، چاہے وہ یہاں ہوں یا نا ہوں، عرفان خان ایسا ہی چاہتے تھے، انہیں کبھی ایک طرفہ حقیقت سے پیار نہیں تھا، مجھے عرفان سے صرف ایک اختلاف ہے کہ اس نے مجھے پوری زندگی کے لیے بگاڑ دیا تھا‘۔

    ان کا کہنا تھا کہ ’وہ سب کچھ اس پرفیکشن سے کرتے کہ اب مجھے اس کے علاوہ کچھ اور پسند نہیں آتا، ہماری زندگی اداکاری کی ماسٹر کلاس تھی، میں نے ڈاکٹرز کی رپورٹس کو بھی اسکرپٹس کی طرح پڑھا تاکہ عرفان اس میں بھی پرفیکٹ پرفارمنس دیں‘۔انہوں نے لکھا کہ اس سفر کے دوران ان کی ملاقات متعدد بہترین لوگوں سے ہوئی، جن میں ہسپتال کا عملہ شامل ہے جنہوں نے عرفان خان کا علاج کیا۔

    عرفان خان کی بیوہ کے مطابق وہ اپنے اس سفر کو الفاظ میں بیان نہیں کرسکتیں، انہوں نے لکھا کہ عرفان خان سے ان کا رشتہ صرف شادی کا نہیں بلکہ اتحاد کا تھا۔

    انہوں نے لکھا کہ ’میں نے اپنی چھوٹی سی فیملی کو ایک کشتی پر دیکھا جس میں میرے دونوں بیٹے اور عرفان سوار ہیں، اور عرفان راستہ سمجھانے میں ان کی رہنمائی کررہے ہیں لیکن زندگی سینما نہیں اور یہاں ری ٹیک نہیں ہوتے، کاش میرے بچے اپنے والد کے ساتھ ہی اس کشتی پر منزل تک پہنچ جاتے‘۔

    انہوں نے لکھا کہ ’میں اپنے بچوں سے پوچھتی ہوں کیا وہ اپنے والد کی ان باتوں کو یاد کرکے جمع کرسکتے ہیں جو انہوں نے سکھائی، تو ایان نے کہا کہ انہوں نے سکھایا کہ اپنے ذہن کو کنٹرول کرنا سیکھو نا کہ وہ تمہیں کنٹرول کرے‘۔بیان میں مزید لکھا کہ ’عرفان کے پسندیدہ پودے رات کی رانی کو ہم اس مقام پر لگاتے ہوئے افسردہ ہوگئے، جہاں سے وہ آخری سفر کی کامیابی کے لیے آگے بڑھے، وقت لگے گا لیکن یہ بڑھ کر اپنی خوشبو دور دور تک پھیلا دے گا‘۔

    خیال رہے کہ عرفان خان کی اہلیہ ستاپا سکدر نے نیشنل اسکول آف ڈراما سے تربیت حاصل کی، وہ بولی وڈ کی ڈائیلاگ لکھاری ہیں۔عرفان خان اور ستاپا کی شادی کو 24 سال ہوگئے تھے، دونوں نے 1995 میں شادی کی تھی۔عرفان خان کا انتقال 29 اپریل 2020 کو ممبئی میں ہوا، اداکار کو ممبئی کے ایک ہسپتال میں اس وقت داخل کروایا گیا جب ان کی طبیعت اچانک خراب ہوگئی تھی۔

    بھارتی میڈیا رپورٹ میں بتایا گیا کہ اداکار کو بڑی آنت کا انفیکشن ہوا تھا۔عرفان خان کو مارچ 2018 میں نیورو اینڈو کرائن کا مرض لاحق ہوگیا تھا اور وہ علاج کے لیے بھارت سے برطانیہ منتقل ہوگئے تھے۔اس وقت عرفان خان نے سوشل میڈیا پر بتایا تھا کہ وہ گزشتہ کئی روز سے طبیعت میں خرابی محسوس کر رہے تھے اور انہیں ابتدائی طور پر معلوم ہوا تھا کہ وہ کسی خطرناک یا موذی مرض میں مبتلا ہیں۔

    تاہم انہوں نے واضح کردیا تھا کہ ابھی مکمل طور پر اس بات کا علم نہیں ہوا تھا کہ انہیں کون سی بیماری لاحق ہے اور وہ کس اسٹیج پر پہنچ چکی ہے۔یاد رہے کہ 2019 میں وہ صحتیاب ہوکر بھارت واپس آئے تھے اور اس کے بعد ان کی فلم ’انگریزی میڈیم‘ بھی ریلیز ہوئی تھی جو کامیاب ثابت ہوئی تھی۔

  • ’رشی کپور‘ ایک عہد تھا جس کا اختتام ہوگیا،رشی کپورخاندان کے سفرکی کہانی بڑی دلچسپ بڑی سہانی

    ’رشی کپور‘ ایک عہد تھا جس کا اختتام ہوگیا،رشی کپورخاندان کے سفرکی کہانی بڑی دلچسپ بڑی سہانی

    ممبئی :’رشی کپور‘ ایک عہد تھا جس کا اختتام ہوگیا،رشی کپورخاندان کے سفرکی کہانی بڑی دلچسپ بڑی سہانی ،اطلاعات کےمطابق بولی وڈ کے لیجنڈری اداکار رشی کپور کے اچانک انتقال نے صرف شوبز میں ان کے ساتھیوں کو ہی نہیں بلکہ دنیا بھر میں موجود ان کے مداحوں کو حیران اور افسردہ کردیا۔

     

    رشی کپور کا تعلق بولی وڈ کے مشہور کپور خاندان سے تھا اور وہ اداکار، فلمساز اور ہدایتکار راج کپور کے منجھلے بیٹے تھے۔

     

    رشی کپور نے  اپنے زمانے کی مشہور ہیروئن نیتو سنگھ سے 1980 میں شادی کی تھی اور ان کے بیٹے رنبیر کپور بھی اس وقت بالی وڈ میں صفِ اول کے اداکار ہیں۔ رنبیر کے علاوہ رشی کپور کی ایک بیٹی ردھیما بھی ہیں۔

     

     

    رشی کپور نے بولی وڈ میں اپنے باقاعدہ کریئر کا آغاز سنہ 1973 میں فلم ’بوبی‘ سے کیا تھا جو ایک سپرہٹ فلم تھی۔ اس سے پہلے وہ اپنے خاندان کے فلمی بینر کے تحت بننے والی شری 420 اور میرا نام جوکر جیسی کامیاب فلموں میں بھی بطور چائلڈ ایکٹر کام کر چکے تھے۔

    بھارتی فلم انڈسٹری کے سینئر اداکار رشی کپورآج ممبئی میں چل بسے، اُن کی عمر67 سال تھی۔

     

    موذی مرض کینسر کو شکست دینے والے رشی کپور کو سانس کی تکلیف کے باعث گزشتہ روز طبعیت بگڑنے پر ممبئی کے ایچ این ریلائنس اسپتال منتقل کیا گیا تھا۔

    رشی کپور کے لواحقین میں اہلیہ اداکارہ نیتو سنگھ، بیٹا رنبیر کپور اور بیٹی ردھیما کپور شامل ہیں۔

    آنسو نہیں، مُسکراہٹ کے ساتھ رشی کپور کو یاد رکھیں گے، اہلِ خانہ

    رشی کپور کا تعلق بالی ووڈ کے مشہور کپور خاندان سے تھا، وہ ماضی کے معروف اداکار، ہدایت کار اور پروڈیوسر راج کپور کے دوسرے بیٹے تھے۔ان کے چار بہن بھائی رندھیر کپور، ریتو نندا، رما جین اور راجیو کپور ہیں۔

    1973 میں فلم ’بوبی‘ سے اپنے کیرئیر کا آغاز کرنے والے رشی کپور نے آخری بار عمران ہاشمی کے ساتھ فلم ’دی باڈی‘ میں کام کیا تھا۔

    ٹوئٹر پر فعال رہنے والے رشی کپور نے حال ہی میں سوشل میڈیا پر بالی ووڈ اداکارہ دیپکا پڈوکون کے ساتھ اپنی نئی فلم کا اعلان کیا تھا۔ یہ فلم ہالی ووڈ فلم ’’دی انٹرن‘‘ کا ہندی زبان میں ری میک تھی۔

    رشی کپور کی موت نے بھارتی فنکاروں کو غمزدہ کردیا

    اداکار رشی کپور نے 150 سے زائد بھارتی فلموں میں کام کیا تھا، اُن کی بہترین فلموں میں بوبی، چاندنی، امر اکبر انتھونی، لیلیٰ مجنوں، حنا، بول، یہ وعدہ رہا، ہم کسی سے کم نہیں، بدلتے رشتے، عجوبہ اور دیگر شامل ہیں۔

     

    ان کے کامیاب کیریئر سے اکٹھی کی گئی چند بہترین فلموں کی فہرست یہاں ترتیب دی گئی ہے:

     

    بوبی

     

    1973 میں ریلیز ہونے والی فلم ‘بوبی’ رشی کپور کی جوانی کی پہلی فلم تھی، اس فلم میں ڈمپل کپاڈیا نے بھی اہم کردار نبھایا تھا،

     

    https://youtu.be/eTPTU8lkNaQ

     

     

     

    یہ فلم اس حد تک کامیاب ہوئی کہ اس نے رشی اور ڈمپل کو راتوں رات اسٹار بنادیا۔ یہ دونوں ہی انڈسٹری میں نئے آئے تھے تاہم ان کی جوڑی کو خوب سراہا گیا۔

     

     

     

    اس فلم کی ہدایات راج کپور نے دی تھی، فلم کے گانے بھی کامیاب ثابت ہوئے تھے۔

    امر اکبر اینتھونی

    1977 میں ریلیز ہونے والی فلم امر اکبر اینتھونی صرف رشی کپور کی ہی نہیں بلکہ امیتابھ بچن اور ونود کھنہ کے کیریئر کی بھی کامیاب فلم ثابت ہوئی تھی۔

     

     

    اس کامیڈی فلم میں یہ تینوں اداکار بھائی بنے تھے، تاہم ان تینوں کا مذہب ایک دوسرے سے الگ تھا، اس فلم میں رشی کپور کے ساتھ ان کی اہلیہ نیتو سنگھ نے بھی کام کیا تھا۔

    رشی کپور کی اداکاری کو اس فلم میں خوب سراہا گیا، جبکہ یہ اپنے وقت کی کامیاب کامیڈی فلم بھی ثابت ہوئی۔

    یہ وعدہ رہا

    اس فلم میں رشی کپور نے راکھی، پونم دھیلون اور ٹینا منیم کے ساتھ کام کیا، یہ 1982 میں ریلیز ہوئی تھی۔

    https://youtu.be/hjfzFVw2Zjo

    فلم میں رشی کپور ایک امیر گھرانے سے تعلق رکھنے والے نوجوان بنے جسے ایک غریب لڑکی سے پیار ہوجاتا ہے اور وہ اسے پانے کے لیے ہر ممکن کوشش کرتے ہیں۔

    رشی کپور کو اپنے ان کرداروں کی وجہ سے اپنے دور کا بہترین رومانوی ہیرو مانا جاتا تھا۔

    ساگر

    فلم ساگر 1985 میں ریلیز ہوئی تھی، اس فلم میں بھی رشی کپور نے ڈمپل کپاڈیا کے ساتھ کام کیا، اس فلم کی کہانی ایک امیر نوجوان راج اور غریب گھرانے سے تعلق رکھنے والی مونا پر مبنی تھی جو ایک دوسرے کی محبت میں مبتلا ہوجاتے ہیں تاہم ان کے گھر والے اس رشتے کے خلاف ہوتے ہیں۔

     

    https://youtu.be/6luJEEbICsk

    اس فلم کو بھی رشی کپور کے کیریئر کی کامیاب فلم مانا جاتا ہے، اس فلم ان دونوں اداکاروں کے ساتھ کمل ہاسن نے بھی کام کیا۔

    نگینہ

    فلم نگینہ 1986 میں ریلیز ہوئی تھی جس میں رشی کپور نے آنجہانی اداکارہ سری دیوی کے ساتھ مرکزی کردار نبھایا۔

    ویسے تو اس پوری فلم کی کہانی صرف سری دیوی کے کردار کے گرد گھومتی نظر آئی، اس کے باوجود رشی کپور اپنے ٹیلنٹ سے ہائی لائٹ ہونے میں کامیاب رہے۔

    فلم میں سری دیوی نے ایک ناگن کا کردار نبھایا تھا جبکہ رشی کپور انہیں پسند کرنے والے نوجوان بنے تھے۔

    چاندنی

    1989 میں سامنے آنے والی فلم چاندنی میں بھی رشی کپور اور سری دیوی نے اکٹھے کام کیا تھا۔

    اس فلم میں رشی کپور نے ایک نوجوان لڑکے کا کردار نبھایا جو چاندنی (سری دیوی) کی محبت میں مبتلا ہوجاتا ہے، تاہم ایک حادثے میں معذور ہونے کے بعد وہ سری دیوی کے اچھے مستقبل کے لیے اسے ٹھکرا دیتا ہے۔

    رشی کپور نے اس مشکل کردار کو نہایت بخوبی سے نبھایا تھا۔

    بول رادھا بول

    فلم بول رادھا بول 1992 میں ریلیز ہوئی تھی، اس رومانوی تھرلر فلم میں رشی کپور کا ڈبل کردار تھا۔

    فلم میں رشی کپور نے ایک امیر آدمی کا کردار نبھایا، جس کی دولت پر ان کا ہمشکل قبضہ کرلیتا ہے۔

     

    فلم میں رشی کپور اور جوہی چاولا کی جوڑی کو بھی خوب سراہا گیا جبکہ یہ بات بھی واضح ہوگئی کہ رشی کپور رومانوی کرداروں کے ساتھ ساتھ منفی کردار بھی باخوبی نبھا سکتے ہیں۔

    اگنی پتھ

    2012 میں سامنے آنے والی فلم اگنی پتھ 1990 کی فلم اگنی پتھ کا ریمیک تھی جس میں امیتابھ بچن نے مرکزی کردار نبھایا تھا۔

    اس فلم میں رشی کپور نے منفی کردار نبھا کر سب کو اپنی اداکاری سے حیران کردیا تھا۔

    فلم میں ہریتھک روشن اور سنجے دت نے بھی مرکزی کردار نبھائے تھے۔

    دی ڈے

    فلم دی ڈے 2013 میں سامنے آئی جس میں رشی کپور نے ایک کینگسٹر کا کردار بخوبی نبھایا۔

    https://youtu.be/6tuls5bHhbE

    فلم میں عرفان خان اور رشی کپور دونوں کی اداکاری کو خوب سراہا گیا جبکہ یہ بھی رشی کے کیریئر کی بہترین فلموں میں سے ایک قرار پائی۔

    رشی کپور نے اس فلم کے ساتھ ایک بار پھر ثابت کیا کہ وہ رومانوی کرداروں کے ساتھ ساتھ منفی کردار ادا کرنے کے بھی ماہر ہیں۔

    کپور اینڈ سنز

    فلم کپور اینڈ سنز 2016 میں سامنے آئی جس میں رشی کپور نے فواد خان، سدھارتھ ملہوترا اور عالیہ بھٹ کے ساتھ کام کیا۔

     

    فلم میں رشی کپور نے نہایت بہترین انداز میں 90 سال کے بزرگ شخص کا کردار نبھایا جس کی خواہش تھی کہ اس کی فیملی اکٹھی ہوجائے اور وہ ایک فیملی فوٹو لے سکے۔

    اس فلم کی کہانی کو اور رشی کپور کی اداکاری کو مداحوں نے خوب سراہا۔

    102 ناٹ آؤٹ

    فلم 102 ناٹ آؤٹ 2018 میں سامنے آئی تھی جس میں رشی کپور نے 75 سالہ بیٹے جبکہ امیتابھ بچن نے 102 سال کے والد کا کردار نبھایا تھا۔

    اس کامیڈی ڈراما فلم میں دونوں لیجنڈری اداکاروں کی اداکاری کو بےحد پسند کیا گیا۔

    فلم کی ہدایات امیش شکلا نے دی تھی جس نے باکس آفس پر شاندار بزنس کیا۔

    ملک

    2018 میں سامنے آئی فلم ’ملک‘ میں رشی کپور نے ایک مسلم گھرانے سے تعلق رکھنے والے شخص کا کردار نبھایا جن پر غلط الزامات لگا کر انہیں دہشت گرد ثابت کرنے کی کوشش کی گئی، تاہم رشی کے کردار نے انہیں غلط ثابت کرنے کی ہر ممکن کوشش کی۔

     

     

     

    فلم میں رشی کپور کی اداکاری کو سب سے زیادہ سراہا گیا جبکہ تاپسی پنو نے بھی بہترین کام کیا۔

     

     

    https://youtu.be/eTPTU8lkNaQ

     

    کورٹ روم ڈراما پر مبنی یہ فلم بھی رشی کپور کے کیریئر کی بہترین فلموں میں سے ایک ہے۔

  • اداکارہ میرا رپورٹربن گئیں ،انگریزی زبان کی ایسی تیسی کردی

    اداکارہ میرا رپورٹربن گئیں ،انگریزی زبان کی ایسی تیسی کردی

    نیویارک :اداکارہ میرا رپورٹربن گئیں ،انگریزی زبان کی ایسی تیسی کردی ،اطلاعات کےمطابق پاکستان کی معروف اداکارہ اوردنیا میں انگریزی زبان کی نئی شکل متعارف کروانے والی میرا نے تو حد ہی کردی ہے ، نیویارک میں کورونا کی صورتحال پر میرا کی ‘مخصوص’ انگریزی میں رپورٹنگ کرکے انگریزوں کو بھی حیران کردیا

     

    https://www.instagram.com/p/B_jewnhDX1k/

    امریکا میں موجود پاکستانی فلم اسٹار اداکارہ میرا نیویارک میں کورونا کی صورتحال کے حوالے سے اپنی ‘مخصوص’ انگریزی میں رپورٹنگ کرنے لگیں۔لالی وڈ کی ڈرامہ کوئن میرا کی ایک اور ویڈیو سامنے آئی ہے جس میں ان کا کہنا ہے کہ وہ اس وقت نیویارک کے علاقے مین ہیٹن ٹائم اسکوائر میں موجود ہیں۔ اپنی مخصوص انگریزی میں میرا کا کہنا ہے کہ وہ آپ کو نیویارک کی تازہ صورتحال براہ راست بتارہی ہیں۔

    اداکارہ کا کہنا ہے کہ کورونا کے باعث اس وقت دنیا کا سب سے بڑا شہر سو رہا ہے، لہذا احتیاط کریں اور اپنے کمرے سے باہر نہ نکلیں۔ تاہم لوگوں کو کمروں میں رہنے کا مشورہ دینے والی میرا خود گھر سے باہر گھوم رہی ہیں۔

    یاد رہے کہ گذشتہ دنوں میرا نے وزیراعظم عمران خان سے ہاتھ جوڑ کر وطن واپسی کی اپیل کی تھی،ان کا کہنا تھا کہ ان کے پاس پیسے ختم ہو گئے ہیں،وہ ہوٹل کے کمرے میں قید ہو کر رہ گئی ہیں۔میراکاکہنا تھا کہ نیویارک قبرستان بنتا جا رہا ہے،،اور وہ نیویارک میں مرنا نہیں چاہتیں ، انہیں وطن واپس لانے کے لیے مدد فراہم کی جائے۔

  • رشی کپور کی موت پر پاکستانی فنکاروں کا افسوس کا اظہار

    رشی کپور کی موت پر پاکستانی فنکاروں کا افسوس کا اظہار

    الی وڈ لیجنڈری اداکار رشی کپور کی موت پر مداحوں اور بھارتی فنکاروں کے ساتھ پاکستانی فنکار بھی رنجیدہ ہیں انہوں سوشل میڈیا پر اداکار کی موت پر افسوس کا اظہار کیا

    باغی ٹی وی : رشی کپور تقریباً 2 سال کے عرصے سے کینسر سے جنگ لڑ رہے تھے اور انہیں گزشتہ روز سانس لینے میں تکلیف پر ہسپتال میں داخل کروایا گیا تھا جہاں وہ انتقال کر گئے

    اداکار کے انتقال کی خبر آنے کے بعد پاکستانی شوبز انڈسٹری سے تعلق رکھنے والی شخصیات سوشل میڈیا پر افسوس کا اظہار کیا
    https://www.instagram.com/p/B_mEIIZHPxL/?igshid=h0qx7zfbicj3
    اداکار عدنان صدیقی نے سماجی رابطے کی ویب سائٹ ٹویٹر پر لکھا کہ ایک اور بہت بڑا دھچکا! بالی وڈ کے دو لیجنڈز کو دو دن میں انتقال کرتے ہوئے دیکھ کر بہت دکھ ہوا رشی صاحب ، آپ کو ہمیشہ یاد رکھا جائے گا!
    https://www.instagram.com/p/B_mXUa7JU3_/?igshid=i1j07d4e1xbo
    جنت زبیر نے لیجنڈ اداکار رشی کپور اور عرفان خان کی تصویر انسٹا گرام پر شئیر کرتے ہوئے افسردگی کا اظہار کیا اور لکھا کہ الفاظ نہیں
    https://www.instagram.com/p/B_mDLCvl3TK/?igshid=1vu1ks330km0r
    اداکارہ سجل علی نے رشی کپور اور سری دیوی کی تصویر سوشل میڈیا پر شئیر کرتے ہوئے افسوس کا اظہار کیا اور لکھا کہ سکون میں رہیں
    https://www.instagram.com/p/B_mBx8GHgxF/?igshid=1wzxswhp6b0c5
    اداکار عمران عباس نے سری دیوی اور رشی کپور کی تصویر شئیر کرتے ہوئے افسوس کا اظہار کیا اور لکھا کہ تصدیق شدہ
    پردے بند ہم بالی وڈ دیکھتے ہوئے بڑے ہو گئے ، یہ مسکراہٹیں ، وہ واحد دلکش چہرہ ، یہ اداکار اور ہدایتکار ، یہ رنگ ، یہ رومانس کبھی واپس نہیں آئے گا .. ایک دور بہت ختم ہونے کے قریب ہے

    عدنان سمیع خان کے بیٹے اذان سمیع خان نے انسٹا گرام پر رشی کپور کی ایک تصویر شئیر کی اور پوسٹ کے کیپشن میں ایک طویل نوٹ لکھا
    https://www.instagram.com/p/B_mWL4HgXVE/?igshid=q2xh98kfjihh
    عدنان سمیع خان نے لکھا کہ اس سے پہلے کہ میں سنیما کے بارے میں کچھ جانتا ہوں آپ میری زندگی میں دور کے چچا کی طرح تھے۔ کوئی ایسا شخص جس نے وقتاً فوقتاً آپ سے ملاقات کی۔ پھر جب میں بڑا ہوا تو میں نے آپ کی فلمیں دیکھیں اور آپ کی بے حد ایماندارانہ ، طاقتور اور حیرت انگیز دلکش پرفارمنس کے بارے میں جانا فنکار بننے کے خواہشمند لئے ، آپ میرے آئیڈیل بن گئے ۔ پھر جیسے جیسے میں بڑا ہوا اور آپ کے ساتھ بات چیت گفتگو کرنا شروع کیا ، تو آپ میرے لئے ہمیشہ اتنے حوصلہ افزا اور معاون رہے۔ نوعمری کے زمانے میں میں میوزک بنانا چھوڑ دیتا تھا اور اماں کہتی تھیں کہ "چنٹو چچا نے فون کیا تھا اور پوچھ رہے تھے کہ آپ کی موسیقی کیسی چل رہی ہے” آپ نے ہمیشہ مجھے آگے بڑھنے کے لئے مجھے گائیڈ کیا ۔ آپ کچھ پیچیدہ اوقات میں میرے لئے کھڑے ہوئے اور میری تلاش کی جہاں آپ کو کبھی ضرورت نہیں تھی اور میں ہمیشہ آپ کا شکر گزار رہوں گا۔


    شان شاہد نے ٹویٹر پر لکھا کہ آپ تمام نسلوں کوہمیشہ یاد رہیں گے آپ اور آپ کی فلمیں کبھی نہیں بھولیں گی آپ کی فلم قرض میری پسندیدہ فلم ہے آپ اور آپ کی مسکراہٹ ہمیشہ یاد رہے گی


    سارہ لورین نے رشی کپور کی تصویر شئیر کرتے ہوئے افسردگی کا اظہار کیا اور لکھا کہ آپ کو یاد کریں گے


    ایک اور ٹویٹ میں سارہ لورین نے لکھا کہ آپ ہمارے دلوں میضں ہمیشہ زندہ رہیں گے


    صبا قمر نے رشی کپور اور نیتو سنگھ کی ایک ویڈیو ٹویٹر پر شئیر کرتے ہوئے لکھا کہ ایک اور دن ، ایک اور بڑا نقصان۔ الفاظ ابھی تک اس دلی دکھ کے اظہار کے لئے کافی نہیں ہیں جو مجھے ابھی محسوس ہورہا ہے۔ میں اس ویڈیو میں ان کے سنہرے الفاظ کو ہمیشہ کے لئے یاد کروں گی

    رشی کپور کی موت پر بالی وڈ فنکاروں کا اظہار افسوس