Category: شوبز

پاکستان کے سابق اداکار حمزہ علی عباسی کا کہنا ہے کہ میں پہلے بہت زیادہ بے باک تھا لیکن جب سے ﷲ تعالی کے نزدیک ہوا ہوں بولنے سے پہلے لاکھ بار سوچتا ہوں

باغی ٹی وی : پاکستان کے سا بق اداکار حمزہ علی عباسی کا کہنا ہے کہ میں پہلے بہت زیادہ بے باک تھا لیکن جب سے ﷲ تعالی کے نزدیک ہوا ہوں بولنے سے پہلے لاکھ بار سوچتا ہوں سماجی رابطے کی ویب سائٹ ٹویٹر پر ا پنی ٹویٹ میں حمزہ علی عباسی نے لکھا کہ پہلے میں بہت بےباک تھا، اونچی آواز میں بات کرتا تھا، لیکن جب سے اللہ سے قریب ہوا یہ سب کچھ ختم ہوگیا

I use to be very outspoken, very loud. As i get close to Allah, all of that has vanished. Now I tremble & think a million times before i say something publicly for every word i write, i know ill be held accountable by the king of all kings, my creator, my God, my Allah.

— Hamza Ali Abbasi (@iamhamzaabbasi) April 28, 2020

نہوں نے لکھا کہ اب میں کانپتا ہوں اور کچھ بھی بولنے یا لکھنے سے قبل لاکھوں دفعہ سوچتا ہوں، جانتا ہوں مجھےتمام بادشاہوں کا بادشاہ کے سامنے جوابدہ ہونا ہے، میرا مالک، میرا خدا، میرا اللہ‘

واضح رہے کہ حمزہ علی عباسی مداحوں کے لیے سوشل میڈیا پر پوسٹ شیئر کرتے نظر آتے ہیں جن کے ذریعے وہ مداحوں کو اسلامی تعلیمات کی جانب راغب کرسکیں

رواں سال حمزہ علی عباسی نے ٹوئٹر پر مداحوں کو واضح کیا تھا کہ انہوں نے اداکاری چھوڑی نہیں بلکہ صرف دوری اختیار کی ہے اور ایک طویل بریک لیا ہےتاکہ میں اپنے دین کے لیے وقت نکال سکوں

معروف شخصیات مولانا طارق جمیل کے دفاع کے لئے میدان میں آ گئیں

فنکاروں کا مولانا طارق جمیل کے ساتھ یکجہتی کا اظہار

پاکستان شوبز انڈسٹری کے اداکار و گلوکار محسن عباس حیدر کی آنے والی نئی فلم ’ونس اپان اے ٹائم اِن کراچی‘ کا پہلا پوسٹر سامنے آگیا

باغی ٹی وی : پاکستان شوبز انڈسٹری کے اداکار و گلوکار محسن عباس حیدر کی آنے والی نئی فلم ’ونس اپان اے ٹائم اِن کراچی‘ کا پہلا پوسٹر سامنے آگیا فلم کے ہدایت کار علی سجاد شاہ نے سماجی رابطے کی ویب سائٹ انسٹاگرام پر فلم کا پوسٹر جاری کیا ہے
https://www.instagram.com/p/B_cxc8IjyTU/?igshid=3p5279gub9d0
جبکہ ایک دوسری انسٹا گرام پوسٹ میں ہدایت کار علی سجاد شاہ نے اعلان کیا کہ فلم ’ونس اپان اے ٹائم اِن کراچی‘ کا آفیشل ٹیزر رواں ماہ 30 اپریل کو ریلیز کیا جائے گا
https://www.instagram.com/p/B_fcFYhDcCT/?igshid=1o2r7p00408gr

اداکار و گلوکار محسن عباس حیدر اس فلم میں ناصر نامی شخص کا کردار ادا کررہے ہیں ، اداکار کے مطابق فلم میں رومانس، کامیڈی اوربھرپور میوزک کے ساتھ ساتھ سنجیدہ ایکشن بھی دیکھنے کوملے گا

ہارون رشید نے ایک دہائی بعد اپنی پہلی سولو میوزک ویڈیو جاری کر دی

عائزہ خان کا شوبز چھوڑنے کے حوالے سے اہم انکشاف

پاکستان شوبز انڈسٹری کی معروف اداکارہ اور تمغہ امتیاز مہوش حیات نے پولیس کے لیے ایک ویڈیو پیغام جاری کیا ہے

باغی ٹی وی : پاکستان شوبز انڈسٹری کی معروف اداکارہ اور تمغہ امتیاز مہوش حیات نے سماجی رابطے کی ویب سائٹ ٹویٹر پرپولیس کے لیے ایک ویڈیو پیغام جاری کیا ہے جس میں اداکارہ نے پولیس کوخراج تحسین پیش کرتے ہوئے کہا کہ ان کا یہ پیغام خاص طور پر ہماری پولیس فورسز کے لئے ہے جو اس وقت کوویڈ 19 کے خلاف جنگ میں فرنٹ لائن پر موجود ہیں اور ہم لوگوں کو محفوظ رکھنے کے لئے خود کی زندگیوں کو خطروں میں ڈال کر اپنی ڈیوٹی کو اس مشکل وقت میں ایمانداری سے اور پورے دل سے نبھا رہے ہیں

I have immense respect for all those serving on the front line protecting us in these difficult times. The police are doing a sterling job and we should appreciate all the hard work they are doing. #COVID19Pakistan #PakistanZindabad 🇵🇰 https://t.co/GMIXWGuY6o

— Mehwish Hayat TI (@MehwishHayat) April 26, 2020

مہوش حیات نے کہا کہ کورونا وائرس کے خلاف جنگ میں پولیس کے کردار پر ہم انہیں سلیوٹ پیش کرتے ہیں اور کہا کہ آپکی کوششوں کو اور محنت کو سلام آپکو سلام ویڈیو کے اختتام میں اداکارہ نے پاکستان زندہ باد بھی کہا

ویڈیو کے کیپشن میں مہوش حیات نے لکھا کہ میں کورونا وبا کے ان مشکل وقتوں میں ہماری حفاظت کرنے والے فرنٹ لائن پر اپنی خدمات سرانجام دینے والوں کی بے حد عزت کرتی ہوں

انہوں نے لکھا کہ پولیس ایمانداری اور پورے دل سے عمدہ کام کر رہی ہے اور ہمیں ان کی تمام تر محنت کی تعریف کرنی چاہئے

اداکارہ نے PakistanZindabad Flag of Pakistan # اورCOVID19Pakistan# بھی استعمال کئے

پاکستان شوبز انڈسٹری کے معروف اداکاراحد رضا میرکے مطابق ان کی اہلیہ اوراداکارہ سجل علی بہترین اداکارہ ہیں

باغی ٹی وی : پاکستان شوبز انڈسٹری کے معروف اداکاراحد رضا میرکے مطابق ان کی اہلیہ اوراداکارہ سجل علی بہترین اداکارہ ہیں پاکستان شوبز انڈسٹری کی نامور ادا کارہ سجل علی کے شوہر اور اداکاراحد رضا میران دنوں کینیڈا میں اپنی فیملی کے ساتھ ہیں
https://www.instagram.com/p/B_fWMu2lbgh/?igshid=1fnez5vdiiqy7
اداکارسے ایک انٹرویوکے دوران ان سے بہترین پاکستانی اداکارکے بارے میں پوچھا گیا تو انہوں نے بہترین اداکار کے لئے اپنے والد آصف رضا میرکا نام لیا پھر انہوں نے کہا کہ انہیں اداکار فواد خان اورحمزہ علی عباسی کی اداکاری بھی پسند ہے

احد سے بہترین پاکستانی اداکارہ کے بارے میں پوچھا گیا تو انہوں نے کہا کہ سجل علی ان کی نظرمیں بہترین اداکارہ ہیں
https://www.instagram.com/p/B_crlTclVuu/?igshid=wq05j05zbp0
انٹرویوکے دوران اداکارسے سجل علی کی طرح بات کرنے کوکہا توانہوں نے اپنی اہلیہ کی نقل اتاری جس کو مداحوں نے خوب پسند کیا اور لطف اندوز ہوئے جب کہ کچھ نے کہا کہ یہ سجل ایسے نہیں بولتی ہی

واضح رہے کہ احد اور سجل گذشتہ ماہ مارچ میں شادی کے بندھن میں بندھے تھے ان کی شادی کی تقریب ابوظہبی کے خوبصورت ضیا نورائی جزیرے پر ہوئی تھی جہاں دونوں کے گھروالوں اورقریبی افراد نے شرکت کی تھی

سجل علی اور احد رضا میر رشتہ ازدواج میں منسلک ہو گئے

سجل علی اور احد رضا میر کو ساتھی فنکاروں کی جانب سے مبارکباد کے پیغامات

احد رضا میر کے ساتھ شادی کے بندھن میں بندھنے کے بعد سجل علی نے انسٹاگرام پر اپنا نام تبدیل کر لیا

پاکستانی معروف فلم ساز شہزاد حمید احمد کی دستاویزی فلموں وائٹر شیڈز آف ٹیرر اور کاٹ اِن دا کراس فائر نے نیویارک فیسٹول 2020 میں دو ایورڈز اپنے نام کر لئے

باغی ٹی وی : نیو یارک فیسٹیول 2020 میں پاکستانی فلم ساز شہزاد حمید احمد اپنی دستاویزی فلموں کے لئے دو ایوارڈز اپنے نام کرنے میں کامیاب رہے ان کی دستاویزی فلموں کو ہیومن رائٹس اور ہیومن کنسرن کی کیٹیگری میں ایوارڈ سے نوازا گیا

نیویارک فیسٹول 2020 کے ہیومین رائٹس کی کیٹیگری میں شہزاد حمید احمد کی جنگ زدہ افغانستان کے مسائل پر مبنی دستاویزی فلم کاٹ اِن دا کراس فائر کانسی ایوارڈ جیتنے میں کامیاب رہی

ہیومن کنسرن کی کیٹیگری میں فلم ساز کی نسل پرستی اور دہشت گردی کی داستان پر مبنی دستاویزی فلم وائٹر شیڈز آف ٹیرر نےسلور ایوارڈ حاصل کیا فلم ساز نے اس فلم میں نسل پرستی اور دہشت گردی کو دکھانے کے لیے معلومات کی غرض سے ناروے، آسٹریلیا اور نیوزی لینڈ کا سفر کیا

شہزاد حمید نے کئی بین الاقوامی ایوارڈ اپنے نام کیے ہیں، جن میں اسپین کے بادشاہ کی طرف سے 2014 میں نوازا گیا ’انٹرنیشنل کوآپریشن ایوارڈ‘ بھی شامل ہے

دستاویزی فلموں کے اعتراف میں فلمساز نیویارک کے چار فیسٹیولز ایوارڈزاپنے نام کر چکے ہیں

2016 میں انہوں نے اپنی ڈاکیومنٹری ’فلائٹ آف دی فیلکنز‘ کے لیے گولڈ میڈل حاصل کیا تھا اس ڈاکیومنٹری کو کمیونٹی پورٹریٹس کی کیٹیگری میں نامزد کیا گیا تھا

2017 میں شہزاد حمید نے قصور لوسٹ چلڈرن نامی ڈاکیومنٹری کے لیے ہیومن کنسرن کیٹیگری میں سلور ایوارڈ حاصل کیا تھا

معروف شخصیات مذہبی سکالر اور عالم دین مولانا طارق جمیل کی حمایت میں میدان میں آگئیں

باغی ٹی وی : معروف عالم دین اور مذہبی سکالر مولانا طارق جمیل کی حمایت کرتے ہوئے ان کے ساتھ یکجہتی کا اظہار کر دی سماجی رباطے کی ویب سائٹ ٹویٹر پر عمران عباس نے مولانا طارق جمیل کے ساتھ اپنی تصویر شئیر کی اور کہا کہ مولانا طارق جمیل ہم آپ سے پیار کرتے ہیں

We love you Maulana Tariq Jameel Sahab! You don't owe any apology or clarifications to those who misinterpreted your message. May Allah be with you.https://t.co/8WfKkKVA3U pic.twitter.com/oYlIgfdkno

— Imran Abbas (@ImranAbbas) April 26, 2020

اداکار نے کہا کہ آپ کو ان لوگوں سے معافی مانگنے یا انہیں وضاحت دینے کی ضرورت نہیں جو آپ کے پیغام کو غلط انداز میں پیش کررہے ہیں اللہ آپ کا ساتھ دے

دل بہت افسردہ ہے اسلامی جمہوریہ میں عالمِ دین کیخلاف 3 دن سے صرف اسلیے پروگرام کیے جا رہے ہیں کہ اس نے بےحیائی جھوٹ، چوری،ذخیرہ اندوزی سے منع کیا اللہ کا پیغام لوگوں تک پہنچایا

بکاو اینکرز باز آجائیں کہیں عوام کا غم و غصہ اس حد تک نا بڑھ جائے کہ انکو دیکھتے جوتیاں مارنے لگ جائیں

— VEENA MALIK (@iVeenaKhan) April 26, 2020

اداکارہ وینا ملک نے کہا کہ دل بہت افسردہ ہے اسلامی جمہوریہ میں عالمِ دین کیخلاف 3 دن سے صرف اس لیے پروگرام کیے جا رہے ہیں کہ اس نے بےحیائی جھوٹ، چوری،ذخیرہ اندوزی سے منع کیا اللہ کا پیغام لوگوں تک پہنچایا

وینا ملک نے میڈیا کو خبردار کرتے ہوئے کہا کہ بکاؤ اینکرز باز آجائیں کہیں عوام کا غم و غصہ اس حد تک نا بڑھ جائے کہ انکو دیکھتے جوتیاں مارنے لگ جائیں

مولانا طارق جمیل مجھے آپ کے رنج والم کااحساس ہےاللہ تعالی آپ کے درجات مزید بلند فرمائیں کیونکہ آپکے رنج وغم کا باعث جارحانہ میڈیا بناادنا میڈیا کارکن کی حیثیت سے میں آپ سے دست بستہ معافی کا خواہ ہوں بھائی انصار عباسی بہن مہر بخاری وجسمین منظور وغیرہ بھی آپکے ساتھ اعلانیہ کھڑے ہیں

— Kamran Khan (@AajKamranKhan) April 26, 2020

جرنلسٹ اور اینکر کامران خان نے کہا کہ مولانا طارق جمیل مجھے آپ کے رنج والم کااحساس ہےاللہ تعالی آپ کے درجات مزید بلند فرمائیں کیونکہ آپکے رنج وغم کا باعث جارحانہ میڈیا بنا

کامران خان نے مولانا طارق جمیل سے معافی مانگتے ہوئے کہا کہ ادنی میڈیا کارکن کی حیثیت سے میں آپ سے دست بستہ معافی کا خواہ ہوں بھائی انصار عباسی بہن مہر بخاری وجیسمن منظور وغیرہ بھی آپکے ساتھ اعلانیہ کھڑے ہیں

Thank you Kamran sb. We totally stand by #MaulanaTariqJameel and you being the senior most journalist apologising has increased your respect I would like to apologise to #MulanaTariqJameel for this ridiculous and unacceptable behaviour of the media https://t.co/Ni5DhawZIV

— Jasmeen Manzoor (@jasmeenmanzoor) April 26, 2020

کامران خان کی اس ٹویٹ پر جرنلسٹ جیسمن منظور نے بھی ٹویٹ کی اور کہا کہ شکریہ کامران صاحب ہم مکمل طور پر مولانا طارق جمیل کے ساتھ کھڑے ہیں اور آپ سینئر ترین صحافی ہوتے ہوئے معافی مانگنے سے آپ کی عزت میں اضافہ ہوا ہے

جیسمن منظور نے لکھا کہ میں میڈیا کے جارحانہ اور ناقابل برداشت رویے پر مولانا طارق جمیل سے معافی مانگتی ہوں

مولانا طارق جمیل صاحب

میں کبھی مصلحتوں کو نہیں مانتا لیکن آپ کی مصلحت کو دل کی گہرائی سے سلام پیش کرتا
ہوں
آپ نے سچ کہا اور ہم سچ کا پہرہ دیں گے

— Khalil Ur Rehman Qamar (@KrqOfficial) April 27, 2020

معروف مصنف خلیل الرحمن قمر بھی مولانا طارق جمیل کے حق میں بیان دیتے ہوئے کہا کہ مولانا طارق جمیل صاحب میں کبھی مصلحتوں کو نہیں مانتا لیکن آپ کی مصلحت کو دل کی گہرائی سے سلام پیش کرتا ہوں آپ نے سچ کہا اور ہم سچ کا پہرہ دیں گے

Don't judge what you don't Understand PLEASE! #MulanaTariqJameel is a real man of deen. As I also said in my YouTube video, I'd want to say it again once and for all 'Barray milay talqeen karnay waalay insan honay k bawajood Khuda k faislay sunanay waalay' #MolanaTariq_OurPride

— Saba Qamar (@s_qamarzaman) April 26, 2020

نامور اداکارہ صبا قمر نے کہا کہ آپ جس چیز کو نہیں سمجھتے اس پر فیصلہ نہ کریں! مولانا طارق جمیل دین کے ایک سچے آدمی ہیں جیسا کہ میں نے اپنی یوٹیوب ویڈیو میں بھی کہا تھا ، میں ایک بار پھرسب کو یہ کہنا چاہتی ہوں کہ بڑے ملے تلقین کرنے والے انسان ہونے کے باوجو خدا کے فیصلے سنانے والے- اداکارہ نے MolanaTariq_OurPride# اورMulanaTariqJameel # بھی استعمال کئے

اس سے قبل حمزہ علی عباسی ، گلوکار امانت علی،دعا ملک،حمائمہ ملک اور فیروز خان نے بھی سوشل میڈیا پر مولانا طارق کے ساتھ اظہار یکجہتی کا اعلان کیا تھا

واضح رہے کہ واضح رہے کہ حال ہی میں وزیر اعظم عمران خان کی احساس ٹیلی تھون کی لائیو نشریات میں پاکستان سمیت پوری دنیا سے لوگ شریک ہوئے اور دل کھول کر عطیات دئیے جمعرات کو وزیراعظم ہاؤس میں کورونا ریلیف فنڈ کے حوالہ سے ملکی تاریخ کی سب سے بڑی احساس ٹیلی تھون میں وزیراعظم عمران خان بھی موجود تھے ملک کے مختلف چینلز سے وابستہ اینکرز بھی ٹیلی تھون میں شریک تھے

نشریات کے اختتام پر معروف مذہبی سکالر مولانا طارق جمیل نے عوام سے اس وبا سے احتیاط برتنے اور خدا کے حضور توبہ کرنے کی تلقین کی مولانا طارق جمیل نے دعا سے قبل خطاب بھی کیا جس میں ایک بیان میں مولانا طارق جمیل نے اپنے بیان میں کہا کہ میڈیا پر جھوٹ بولا جاتا ہے ہم جھوٹی قوم ہیں ہم اس جھوٹ کے ساتھ اللہ کی بارگاہ میں کوئی مقام نہیں لے سکتے

22 کروڑ عوام میں کتنے لوگ سچے ہیں.؟. مولانا طارق جمیل نے ایک مثال دیتے ہوئے کہا کہ ایک بار مجھ سے ایک چینل کے مالک نے نصیحت مانگی میں نے کہا اپنے چینل سے جھوٹ ختم کردو۔تو اس نے کہا کہ چینل ختم ہو سکتا ہے جھوٹ ختم نہیں ہو سکتا۔صرف پاکستان ہی نہیں پوری دنیا کا میڈیا جھوٹا ہے۔سب سے زیادہ جھوٹ میڈیا پر بولا جاتا ہے مولانا کے اس بیان پر تمام اینکرز سیخ پا تھے دو تین دن سے سوشل میڈیا پر اس بات پر بحث جاری تھی تو میڈیا کے اس سخت ری ایکشن اور اینکر حامد میر کے مطالبے پرمولاناطارق جمیل دودن قبل محمد مالک کے پروگرام میں آئے اور انہوں نے آتے ہی کہا میں میڈیا سے اپنی اس بات پر معافی مانگتا ہوں

جس کے بعد اب تک یہ معاملہ سوشل میڈیا اور میڈیا پر زیربحث بنا ہوا ہے

فنکاروں کا مولانا طارق جمیل کے ساتھ یکجہتی کا اظہار

مولانا طارق جمیل نے ’میڈیا‘ سے متعلق دئیے گئے بیان پر معافی مانگ لی

مولانا طارق جمیل نے کوئی غلط بات نہیں کی، رحمت ہی رحمت رمضان ٹرانسمیشن میں مبشر لقمان نے مزید کیا کہا؟

پاکستان شوبز انڈسٹری کی معروف اداکارہ حرا مانی اور اُن کے شوہر اداکار سلمان شیخ عرف مانی نے سوشل میڈیا پر اپنے ایک ویڈیو پیغام کے ذریعے پاک بحریہ کا شکریہ ادا کیا اور سلام پیش کیا

باغی ٹی وی: پاکستان شوبز انڈسٹری کی معروف اداکارہ حرا مانی اور اُن کے شوہر اداکار سلمان شیخ عرف مانی نے سوشل میڈیا پر اپنے ایک ویڈیو پیغام کے ذریعے پاک بحریہ کا شکریہ ادا کیا ہے سوشل میڈیا ویب سائٹ انسٹاگرام پر اداکارہ حرا مانی نے ایک ویڈیو شیئر کی جس میں اُن کے ہمراہ اُن کے شہورمانی بھی موجود ہیں
https://www.instagram.com/tv/B_flG_DnJMY/?igshid=tq83yujkhlql
ویڈیو پیغام میں مانی نے کہا کہ آج ہم اُس جگہ موجود ہیں جہاں ہم اُن راشن بیگز کو تیار کرتے ہیں جو ہم مستحق لوگوں میں تقسیم کرتے ہیں

اداکار مانی نے کہا کہ رمضان المبارک کا مہینہ شروع ہوگیا اور ہم یہ نیک کام گزشتہ 30 ،31 دنوں سے کر رہے ہیں اور ہم یہ نیک کام بڑی خوشنودی سے آپ کی مدد سے اور آپ کے پیار و محبت سے کر رہے ہیں

اداکارہ حرا نے کہا کہ ہم پاک بحریہ کے بہت زیادہ شکر گُزار ہیں کیونکہ انہوں نے اس نیک راہ میں ہمارے ساتھ تعاون کیا اور ہمارا کام دیکھتے ہوئے ہمارے ساتھ رابطہ کیا ہمیں بہت ساری چینی بھیجی تاکہ ہم یہ چینی راشن بیگز میں ڈال کر مستحق لوگوں تک پہنچا سکیں

اداکارہ نے کہا کہ پاک بحریہ نے ہمیں چینی دے کر ہمارے ساتھ بہت بڑا تعاون کیا ہے جس کے لیے میں پاک بحریہ کو سلام پیش کرتی ہوں اور میرا بہت سارا پیار پاک بحریہ کے لیے

مانی نے کہا کہ پاک بحریہ ہمیشہ سے ہماری سرحدوں کی حفاظت کرتی آئی ہے اور اس مرتبہ پاک بحریہ نے ایک نیک کام میں اپنا حصہ بھی ڈالا ہے اور یہ اب تک کی سب سے بڑی شراکت داری ہے جس کے لیے میں اُن کا تہہ دل سے شکر گُزار ہوں

حرا مانی کی اس پوسٹ پر اداکار علی کاظمی نے جوڑے کے اس عمل کو سراہتے ہوئے نیک خواہشات کا اظہار کیا اور لکھا کہ بہت اعلی اللہ آپ دونوں کو اور نعمتوں سے نوازے سبحان اللہ

علی کاظمی نے لکھا کہ خاص طور پر اس مشکل کے اس وقت میں اور رحمتوں والے مہینے میں آپ دونوں بہت مدد کر ہے ہیں جب لوگوں کی اس کی شدید ضرورت ہے

معروف مذہبی سکالر عامر لیاقت کی اہلیہ سیدہ طوبی عامر نے بھی حرا مانی کے اس عمل کو سراہتے ہوئے تعریف کی

واضح رہے کہ حرا مانی اور اُن کے شوہر سلمان شیخ کورونا وائرس کی اس وبا میں مستحق افراد کی مدد کرنے کے لیے گزشتہ ایک ماہ سے راشن تقسیم کررہے ہیں اور اس نیک کام میں اُن کے ساتھ دیگر صاحب استطاعت بھی تعاون کر رہے ہیں اور اب پاک بحریہ کا تعاون بھی شامل ہے

نیک عمل کی تشہیر کرنے کوسستی شہرت قرار دینا صحیح نہیں، سلمان ثاقب شیخ عرف مانی

حرا مانی نے مستحق افراد میں راشن تقسیم کرنا شروع کر دیا

تصویریں دکھاوے اور اپنا نام بنانے کے لئے نہیں بنائیں ،حرا مانی

بالی وڈ اداکار عرفان خان کی والدہ سعیدہ بیگم 95 برس کی عمر میں انتقال کرگئیں، بیرون ملک ہونے کے باعث ادکار والدہ کی آخری رسومات میں شرکت نہیں کرسکے

باغی ٹی وی : بھارتی میڈیا رپورٹس کے مطابق عرفان خان کی والدہ سعیدہ بیگم طویل عرصے سے علیل تھیں، ہفتے کے روز انہیں طبعیت میں اچانک خرابی کے باعث اسپتال کے انتہائی نگہداشت وارڈ میں منتقل کیا گیا جہاں وہ جانبر نہ ہو سکیں اور بھارتی شہر جےپور انتقال کرگئیں عرفان خان ملک سے باہر تھے اور بھارت میں نافذ لاک ڈاؤن کی وجہ سے وہ اپنی والدہ کے جنازے میں شریک نہیں کر سکے
https://www.instagram.com/p/B_aj3InHV8_/?igshid=1oyag6kcg6hl6
اداکار کی والدہ کے انتقال کا اعلان فیشن فوٹو گرافر وائرل بھیانی نے اپنی ایک انسٹا گرام پوسٹ میں کیا انہوں نے لکھا کہ عرفان خان اپنی والدی سعیدہ بیگم کی آخری رسومات میں شریک نہیں ہو سکے وہ 95 برس کی عمر میں انتقال کر گئیں ہیں

سعیدہ بیگم بھارتی ریاست راجستھان کے شہر جے پور کی بینیوال کانٹا کرشنا کالونی میں رہائش پذیر تھیں سعیدہ بیگم ٹونک کے نواب خاندان سے تعلق رکھتی تھیں

کورونا کے ممکنہ پھیلاؤ کے پیش نظر بھارت میں جاری لاک ڈاؤن کے باعث عرفان خان کی والدہ کے جنازے میں فیملی کے چند لوگوں کو ہی شرکت کی اجازت دی گئی دوسری جانب رپورٹس میں یہ دعوی بھی کیا گیا کہ اداکار ویڈیو کانفرنس کے ذریعے اپنی والدہ کی آخری رسومات کا حصہ بنے

واضح رہے کہ عرفان خان کو مارچ 2018 میں نیورو اینڈو کرائن کا مرض لاحق ہوگیا تھا اور وہ علاج کے لیے بھارت سے برطانیہ منتقل ہوگئے تھے

خیال رہے کہ کورونا وائرس کے باعث بھارت میں سخت لاک ڈاؤن نافذ ہے اور تمام ملکی اور بین الاقوامی پروازیں معطل کردی گئی ہیں

بالی وڈ کی معروف اداکارہ سونالی باندرے کا کہنا ہے کہ ورونا وائرس کے باعث دنیا بھر میں لگے لاک ڈاؤن سے لوگ بےحد متاثر نظر آرہے ہیں تاہم انہیں اس سے کوئی خاص فرق نہیں پڑ رہا کیوں کہ اپنی بیماری کے دوران بھی وہ گھر میں ہی سارا وقت گزارا کرتی تھیں

باغی ٹی وی : اداکارہ سونالی باندرے نے 2018 میں انکشاف کیا تھا کہ انہیں خطرناک کینسر کا عارضہ لاحق ہے جس کے بعد علاج کرانے وہ امریکا منتقل ہوگئیں تھی اداکارہ کینسر سے صحتیاب ہونے کے بعد گذشتہ سال دسمبر میں بھارت واپس آئیں سونالی اس دوران بھی اپنی بیماری کے باعث گھر میں محصور ہوگئیں تھی اور اب کورونا وائرس کے باعث نافذ لاک ڈاؤن کی وجہ سے بھی وہ اپنے گھر میں محصور ہیں

بھارتی خبررساں ادارے رپورٹ کے مطابق سونالی باندرے کا مزید کہنا تھا کہ میری طبیعت اب پہلے سے بہت بہتر ہے، لاک ڈاؤن سے مجھے کوئی خاص فرق نہیں پڑ رہا کیوں کہ پطچھلے دوسال اپنی بیماری کے دوران بھی میں ایک طرح سے قرنطینہ میں ہی تھی، بس جو بات بہت زیادہ محسوس ہوتی ہے وہ یہ کہ اس دوران مجھ سے خاندان کے افراد اور دوست ملنے آیا کرتے تھے

اداکارہ نے کہا کہ سب سے بڑھ کر مجھے اس وقت اپنے والدین کی یاد آ رہی ہے کیونکہ میں واقعتاً ان سے نہیں مل سکتی لیکن اس کے علاوہ ، ہمارے پاس شکر کرنے کے لئے بہت کچھ ہے میں ہمیشہ اپنی نعمتوں کا شکر ادا کرتی ہوں

انہوں نے کہا کہ میرے والدین عمر کے اس حصے میں جہاں انہیں اس وبا سے زیادہ خطرہ ہے وہ زیادہ سفر نہیں کر سکتے اپنی جگہ پر ہی مقیم ہیں جیسے ہی لاک ڈاؤن ختم ہوگا سب سے پہلے انہیں جا کر ملیں گی

اداکارہ نے کہا آپ کو اپنی صحت کا خیال رکھنے کے لئے صحت مند خوراک لینی پڑتی ہے کچھ ایسی چیزیں جن پر میں عمل کرتی ہوں کچھ ایسی ایک دو چیزیں جس سے لگتا ہے مدد ملی ہے انہوں نے کہا جب آپ کیمو تھراپی کے عمل سے گزرتے ہیں تو آپ کا امیون سسٹم کمزور ہو جاتا ہے

اداکارہ نے کہا میں بغیر اینٹی بائیوٹکس کے اپنا سارا علاج کررہی ہوں چھوٹی چھوٹی چیزیں ہیں جو میں استعمال کر رہی ہوں جیسے آملہ ہلدی ادرک کچھ کچے پھل اور سبزیاں وغیرہ تاکہ صحت مند رہ سکوں اداکارہ نے بتایا کہ روازنہ صبح اٹھ کر گرین جوس استعمال کرتی ہوں اور پھر گرم پانی کا استعمال کرتی ہوں

اداکارہ نے یہ بھی بتایا کہ انہیں کورونا وائرس کے باعث اپنا اور بھی زیادہ خیال رکھنا پڑ رہا ہے، کیوں کہ کینسر میں مبتلا ہونے کے بعد ان کی قوت مدافعت بھی کافی متاثر ہوئی

واضح رہے کہ سونالی باندرے نے 4 جولائی 2018 کو اپنی سوشل میڈیا پوسٹ کے ذریعے انکشاف کیا تھا کہ انہیں ہائی گریڈ کینسر لاحق ہوگیا سونالی باندرے نے علاج کی غرض سے اپنے سر کے بال بھی کٹوائے تھے اور بالوں کو کٹوانے کے دوران وہ روتی ہوئی بھی نظر آئی تھیں

سرجری مکمل ہو گئی ہے اب صحت یاب ہو رہی ہوں نادیہ جمیل

کرونا وائرس یا کوئی اور وجہ : بھارت کی خوبصورت اداکارہ کا سرمونڈ دیا گیا ،مداح حیران وپریشان