بھارت میں کو رونا وائرس کے باعث جاری لاک ڈاؤن کے دوران امیتابھ بچن اور آیوشمان کھرانہ کی نئی فلم ‘گلابو ستابو’ سنیما گھروں کے بجائے اب آن لائن اسٹریمنگ پلیٹ فارم پر ریلیز ہو رہی ہے۔ اس فلم کے ساتھ ساتھ کچھ اور فلمیں ہیں، جو اب انہیں پلیٹ فارمز پر ریلیز ہونے والی ہیں۔ ایسے میں سنیما گھروں کے سامنے آن لائن اسٹریمنگ پلیٹ فارمز نے نیامسئلہ کھڑا کر دیا ہے۔ کو رونا وائرس کے پیش نظر پورے بھارت میں 25 مارچ سے لاک ڈاؤن نافذکیا گیا تھا اور اب اس میں مسلسل چوتھی باراضافہ کرتے ہوئے اسے31 مئی تک بڑھا دیا گیا ہے.لاک ڈاؤن نافذ کرنے سے ہفتہ دس دن پہلے ہی وائرس سے تحفظ کی کوششوں کے
تحت لوگوں کو ایک جگہ جمع ہونے سے روکنے کے لیے مختلف ریاستوں میں دفعہ 144 نافذ کر دیا گیا تھا۔ ساتھ ہی احتیاط کے تحت مختلف ریاستوں میں سنیما گھراورملٹی پلیکس بھی بند کردیےگئے تھے۔ اس طرح سنیما گھر اور ملٹی پلیکس کو بند ہوئے تقریباً تین مہینے سے کچھ زیادہ وقت گزر چکا ہے۔ لاک ڈاؤن کی وجہ سے دوسرے کاروبار کی طرح دنیا کی دوسری بڑی فلم انڈسٹری بھی بری طرح متاثر ہے۔اسی دوران انڈسٹری سے ایک خبر آئی کہ امیتابھ بچن اور آیوشمان کھرانہ کی ایکٹنگ سے سجی اور شوجیت سرکار کی ہدایت میں بنی فلم ‘گلابو ستابو’ سنیما گھروں کےبجائے اب آن لائن اسٹریمنگ پلیٹ فارم امیزان پرائم پر ریلیز ہو رہی ہے۔اس خبر نے ایک بار پھریہ سوال اٹھا دیا ہے کہ ملٹی پلیکس کی وجہ سے جس طرح سنگل اسکرین سنیما گھر لگ بھگ ختم ہو گئے، کیا نیٹ فلیکس، امیزان پرائم، ڈزنی ہاٹ اسٹار جیسے آن لائن اسٹریمنگ پلیٹ فارم آنے کی وجہ سے کچھ ویسا ہی مستقبل اس کا ہونے والا ہے؟ گزشتہ چار مئی کو ہی دی ملٹی پلیکس ایسوسی ایشن آف انڈیا(ایم اے آئی)نے اسٹوڈیو پارٹنر، پروڈیوسر، اداکاروں اور فلم انڈسٹری میں اپنی خدمات دینے والے دوسرے لوگوں سے اپیل کی تھی کہ وہ اپنی فلموں کی ریلیزکو روک کر رکھیں اور ایک بار جب سنیما گھر کھل جائیں تو وہیں ریلیز کریں۔ تنظیم کی یہ اپیل ان قیاس آرائیوں کے بعد آئی تھی، جس میں کہا جا رہا تھا کہ اکشے کمار کی فلم ‘لکشمی بامب’ سمیت کچھ فلموں کو سیدھے ڈیجیٹل پلیٹ فارم پر ریلیز کرنے کی تیاری کی جا رہی ہے۔ گلابو ستابو کے ڈیجیٹل ریلیز کے اعلان پربھارت کے سب سے بڑے آئی ناکس اور پی وی آر جیسے ملٹی پلیکس چین نے بھی مایوسی کا اظہار کیا ہے۔آئی ناکس کی جانب سے کہا گیا ہے کہ سنیما اوراس کو بنانے والے ہمیشہ باہمی منافع کی خاطر کام کرتے ہیں. ایک بیان میں آئی ناکس نے کہا ہے کہ اس مشکل وقت میں ایک دوسرے کے شیئر ہولڈرز میں سے ایک کے ذریعے اس طرح کا قدم اٹھانا پریشان کن ہے۔بالخصوص اس وقت جب ایک دوسرے کے ساتھ کندھے سے کندھا ملاکر کھڑے ہونے کی ضرورت ہے۔ پی وی آر پکچرز کے سی ای او کمل گیان چندانی نے کہا ہے ہماری اپیل کے بعد بھی فلم کے پروڈیوسرزکی طرف سے فلم گلابو ستابو کو ڈیجیٹل ریلیز کئے جانے کے فیصلے سے ہمیں بے حد مایوسی ہوئی ہے۔
یہ پہلی بارنہیں ہے کہ کوئی فلم براہ راست امیزان یا نیٹ فلکس پر ریلیز ہو رہی ہے۔ اس سے پہلے رشی کپور کی فلم ‘راجما چاول’ اور ‘مرد کو درد نہیں ہوتا’ جیسی لو بجٹ فلمیں سیدھے آن لائن پلیٹ فارم پر ریلیز ہوئی ہیں۔گلابو ستابو بڑی فلم ہے۔ کہا جارہا تھا کہ لاک ڈاؤن کے بعد اس فلم کی ریلیز سے سنیما گھروں کو نئی جان مل سکتی تھی۔ انڈین ایکسپریس سے بات چیت کرتے ہوئے فلم ایکزبٹر اکشے راٹھی نے کہا کہ گلابو ستابو کی اسٹار کاسٹ بڑے پردے پر جادو جگا دیتی۔ وہ کہتے ہیں، ‘فلم میں امیتابھ بچن اورآیوشمان کھرانہ ایک ساتھ آ رہے ہیں۔ یہ فلم باکس آفس پر 100 کروڑ روپے کی حد پار کر لیتی۔ راٹھی نے کہا یہ صحیح ہے کہ کوئی بھی فلم اس کے پروڈیوسر کے بیٹے کی طرح ہوتی ہے اور اس کو اختیار ہوتا ہے کہ وہ اس کو جہاں مرضی ریلیز کر دے، لیکن یہ ایک مثال ہے، جس کا بڑے پردے پر سنیما دکھانے کی روایت منفی اثرمرتب ہوگا۔ واضح رہے کہ اچانک لاک ڈاؤن کی وجہ سے جہاں عرفان خان کی آخری فلم ‘انگریزی میڈیم’ اور ‘باغی 3’ کا کاروبار بری طرح متاثر ہوا تھا، جس کے بعد انہیں فوراً آن لائن اسٹریمنگ پلیٹ فارمز پر ریلیز کر دیا گیا۔اس لیگ میں ‘گلابو ستابو’ اکیلی فلم نہیں ہے۔ ودیا بالن کی فلم ‘شکنتلا دیوی: ہیومن کمپیوٹر’، ساؤتھ انڈین اداکارہ جیوتیکا کی فلم ‘پونمگل وندھل’، تمل فلم ‘پینگئن’، کنڑ فلم ‘آل’ اور ‘فرینچ بریانی’، ملیالم فلم ‘سوفیم سجاتیم’ بھی امیزان پرائم پر ریلیز ہونے والی ہیں۔
Category: شوبز
-
سنیما گھروں کے لئے آن لائن اسٹریمنگ پلیٹ فارمز، ایک نیامسئلہ
-
ارطغرل کے اسلام پر سوال اٹھانے والے پنجاب یونیورسٹی کے پروفیسر کی تحقیق کا جواب ، شاہ رخ خان
ارطغرل کے اسلام پر سوال اٹھانے والے پنجاب یونیورسٹی کے پروفیسر کی تحقیق کا جواب ، شاہ رخ خان
جب کبھی اسلام پر حملہ مقصود ہو تو اسلامی شخصیات کو متنازع بنانے کی کوشش کی جاتی ہے۔ اب وہ روافض کے صحابہ پر الزامات ہو، یا کسی بھی اسلامی تاریخی شخصیت کے کردار پر اتھامات جیسے محمد بن قسم کا حال ہی کا واقعہ۔
ہمیشہ اس شخص کو کہ جسکی اسلام کے بارے مین بہت سی خدمات رہی ہو اس پر مختلف اعتراضات کر کے مسلمانوں میں انتشار پھیلایا جاتا ہے۔
حال ہی میں ترکی سے نشر ہونے والے ایک ڈرامے کی مرکزی کردار سلطان ارطغرل بن سلیمان شاہ کے اسلام کو مشکوک بنانے کی کوشش کی گئی ہے۔ اور دراصل یہ کاروائی پہلی مرتبہ نہیں ہوئی بلکہ اس سے پہلے بھی کچھ غیر مسلموں کی جانگ سے ایسی کوششیں کی گئی ہے۔
اس میں سب سے زیادہ نام پنجاب یونیورسٹی کے شعبہ تاریخ کے ایک پروفیسر کا سامنے آرہا ہے جنکا ایک کالم اسوت انٹرنیٹ پر گردش کر رہا ہے، موصوف نے کچھ مسشرقین اور ایک برصغیری کے مورخ ڈاکٹر محمد عزیر کی دو جلدوں پر مشتمل ’دولتِ عثمانیہ‘کی کتاب کو اپنے مدعی کا مرجع و ماخذ بنایا ہے۔
کیا ارطغرل مسلمان تھا ؟ پروفیسر ڈاکٹر فراز انجم شعبہ تاریخ پنجاب یونیورسٹی کی تحقیق
اب آئیے قدیم مسلمان مورخ کی جانب:
دمشق کے ثقہ عالم ِدین، قاضی اور مورخ شیخ احمد بن یوسف قرمانی رحمہ اللہ، جنکی وفات: 1019 ھجری بمطابق 1610 عیسیوی میں ہوئی، چنانچہ وہ اپنی کتاب:
اخبار الدول و آثار الاول فی التاریخ: ج 3، ص 6،7 پر سلیمان شاہ کا ذکر کرتے ہیں کہ کس طرح انہوں نے سلطان علاء الدین سے مل کر تاتاری اور دیگر کفار کے خلاف لڑائی کی اور انکی وفات کے بعد انکے بیٹے ارطغرل نے اسی طرح سلطان علاء الدین کے ساتھ مل کر کفار کے خلاف جہاد کیا اور کئی علاقے فتح کیئے یہاں تک اللہ کے راستے میںلڑتے ہوئے ہی وفات پائی۔ جب سلطان کو انکی وفات کا علم ہوا تو سلطان علاء الدین نے افسوس کا اظھار کیا اور انکے بیٹے عثمان کو انکی جائے گا مقرر کیا۔عربی الفاظ نیچے دیئے گئے اسکرین شاٹ میں دیکھیں، یہاں احمد قربانی ارطغرل کو کفار کے خلاف جہاد کرنے والا، مال ِ غنیمت حاصل کرنے والا، اور اللہ کے راستے میں لڑتے ہوئے دنیا سے رخصت ہونے والا کہہ رہے ہیں جو انکے نزدیک ارطغل کے نا صرگ مسلمان ہونے کی دلیل ہے بلکہ ایک نیک صالح مجاھد ہونے کی بھی دلیل ہے۔
اسی طرح معروف مصری مورخ محمد بن محمد بن أبى السرور البكرى (المتوفی: 1650 ع) اپنی کتاب منح الرحامنیة فی الدولة العثمانیة میں لکھتے ہیں کہ سلیمان شاہ کے چار بیٹے تھے جن میں سے دو نے عجم کا رخ کرلیا اور دو سلطان علاء الدین کے پاس آکر ان سے اجازت مانگ کر انکے علاقے مین رہنے گے، نیز انکی اجازت سے کفار کے خلاف جہاد کرنے میں مصروف ہوگئے یہاں تک کہ اسی مصروفیت کے ساتھ دنیا سے رخصت ہوگئے۔انہوں نے بھی ارطغرل کے لیئے جہاد اور کفار کے خلاد جنگوں کے الفاظ استعمال کیئے ہیں انکی کتاب کے مخطوطے کا عکس نشانات کے ساتھ پوسٹ میں ملاحظہ کیجیئے۔
اسی طرح ایک تونسی مورخ حسین خوجة اپنی کتاب بشائر اهل الايمان بفتوحات ال عثمان نے بھی اپنی کتاب میں ارطغرل کا ایسا ہی تذکرہ کیا ہے۔ انکی وفات: 1145 ھجری میں ہوئی۔
جس سے ثابت ہوا کہ ارطغرل رحمہ اللہ کو مسلمان مورخین نے جنکا تعلق بھی مختلف علاقوں سے تھا، انہوں نے ارطغرل کو اللہ کے راستے میں جہاد کرنے والا نیک مسلمان بتایا ہے۔ نیز کچھ قرائن جیسے:
اپنے بیٹے کا نام عثمان رکھنا، مسلمانوں کے ساتھ مل کر مسلسل تاتاریوں سے اور صلیبی کفار سے لڑکر مختلف علاقہ جات آزاد کروانا، انلے بیٹے کا خلافت قائم کرنا اور اپنی باپ کو خراج ِ تحسین پیش کرتے ہوئے اپنی سلطنت کے سکوں پر انکی تصویر نقش کروانا۔ آج تک غازی ارطغرل کے نام سے معروف ہیں اور انکا مقبرہ بھی معروف ہے۔یہ سب ثابت کرتا ہے ہے کہ ارطغرل ایک عظیم مجاھد تھے، جنکے بیٹے نے ان سے متاثر ہوکر باقاعدہ اسلامی سلطنت کا قیام کیا اور اپنے والد کو یاد رکھنے کے لیئے انکا ذکر تمام کرنسی پر عام کردیا۔ نیز تواتر سے مختلف اسلامی ادیب اور مورخین کے ہاں ارطغرل کو ایک نیک مرد مجاھد کے نام سے ہی یاد کیا جاتا را ہے۔ علامہ اقبال کے دور کے بعض اردو مضامین جن میں ارطغرل رحمہ اللہ کا تذکرہ ہے اس میں بھی انہیں ذکر ِ کیر سے ہی یاد کیا گیا ہے۔
ارطغرل کے مسلمان نا ہونے کا شوشہ سب سے پہلے ایک امریکی جرنلسٹ
Herbert Adams Gibbons نے اپنی کتاب foundation of the Ottoman empire میں چھوڑا پھر اسکو تقویت Cambridge History of Turkey نامی کتاب میں دی گئی جسکی طباعت غالبا 2006 میں ہوئی ہے۔اور برصغیر کے ایک مسلمان مورخ ڈاکٹر محمد عزیر صاحب رحمہ اللہ نے اپنی کتاب دولت ِ عثمانیہ میں اس طرح کا خدشہ ظاھر کیا ہے۔ یہ کتاب تقریاب 1358 ھجری بمطابق 1939 عیسوی میں لکھی گئی اور افسوس کے ساتھ اس میں بھی امریکی جرنلسٹ Herbert Adams Gibbons کے پراپیگنڈے کو دہرایہ گیا اور تحقیق سے کام نا لیا گیا۔ یاد رہے Herbert Adams Gibbons ایک متعصب مصنف ثابت ہوا جس نے سلطنت عثامنیہ پر بہت سے الزامات بھی گائے ہے اور اپنی حسد کا اظھار کیا ہے جسکی مختلف اوقات میں اھل ترک کی جانب سی کی جاتی رہی ہیں۔ جبکہ قدیم مسلمان مورخین جنکی تاریخ ان سے تقریبا ڈیرھ دو صدیاں قبل کی لکھی گئی ہیں، انہوں نے ارطغرل کو مجاھد ِ اسلام کے طور سے درج کیا ہے۔
اگر آپ لبرل نہیں ہے لیکن پھر بھی آپ کی ارطغرل ڈرامے کی مقبلویت صرف اسا لیئے برداشت نہین ہورہی کہ آپ سعودیہ کی محبت میں حد سے زیادہ بڑھ جاتے ہیں تو یاد رکھے کہ کسی بھی مسلمان کو کافر ثابت کرنا آپ کی عاقبت برباد کرسکا ہے نیز آپ کی طیب اردگان سے لڑائی میں دولت ِ عثمانیہ کا کوئی قصور نہیں بلکہ وہ تو مسلمانوں کی مشترکہ میراث اور اسلامی تاریخ کا ایک خوبصورت باب ہے۔
ارطغرل غازی کی مقبولیت، وائس آف پاکستان نے آن لائن تقریری مقابلے کا اعلان کردیا
ارطغرل غازی سیریز میں یہ چار چیزیں نہ سیکھیں تو کچھ نہیں سیکھا
ہم پاکستان سے محبت کرتے ہیں یہ ہمارا دوست اور بھائی ملک ہے تُرک اداکار
-
عظمی تشدد کیس ، تعلق رشتہ داری ذاتی جبکہ قانون پبلک چیز ہے، زمہ داروں کو سزا دی جائے، اداکارہ ارمینا خان
پاکستان شوبز انڈسٹری کی معروف اداکارہ ارمینہ خان نے اداکارہ و ماڈل عظمی خان اور اس کی بہن کو ہراساں کرنے پر افسوس کرتے ہوئے اس واقعے کی شدید مذمت کی-
باغی ٹی وی : سماجی رابطے کی ویب سائٹ ٹویٹر پر اداکارہ ارمینہ خان نے اس اداکارہ و ماڈل عظمی خان اور اس کی بہن پر تشدد کرنے کے واقعے کی مذمت کرتے ہوئے لکھا کہ تعلقات نجی ہیں لیکن قانون عوامی ہے۔ جہاں اس حد کو عبور کیا جاتا ہے جب قانونی رٹ کے بغیر مسلح افراد نے نجی رہائش گاہ پر حملہ کیا اور نہتے شہریوں پر تشدد کیا۔ یہ پورے افسوسناک واقعے کے سب سے زیادہ اہم پہلو سے ہے۔
https://twitter.com/ArmeenaRK/status/1265669332895481856
اس سے قبل سماجی رابطے کی ویب سائٹ ٹویٹر پر ٹویٹ کرتے ہوئے اقرارالحسن کا کہنا تھا کہ پھر کہوں گا کہ #کرنل_کی_بیوی ہو یا # ٹھیکیدار _ کی_بیٹی، ائیر لائن کے اعلٰی افسر ہوں یا اسکولوں میں گدھے بندھے ہونے کے ذمے دار سیاستدان (چاہے سندھ ہو یاکے پی کے، بلوچستان اورپنجاب) جب تک سب کوقانون کےمطابق یا سخت قانون بنا کر نشانِ عبرت نہیں بنایا جاتا، قوم ٹرینڈ ہی بناتی رہےگیپھر کہوں گا کہ #کرنل_کی_بیوی ہو یا #ٹھیکیدار_کی_بیٹی، ائیر لائن کے اعلٰی افسر ہوں یا اسکولوں میں گدھےبندھے ہونے کے ذمے دار سیاستدان (چاہے سندھ ہو یاکےپی کے، بلوچستان اورپنجاب) جب تک سب کوقانون کےمطابق یا سخت قانون بنا کر نشانِ عبرت نہیں بنایا جاتا، قوم ٹرینڈ ہی بناتی رہےگی
— Iqrar ul Hassan Syed (@iqrarulhassan) May 27, 2020
واضح رہے کہ ملک ریاض کی بیٹی کی جانب سے اداکاراؤں پر تشدد اور پٹرول چھڑکنے کے واقعہ کے بعد سوشل میڈیا پر ٹرینڈ چلایا گیا اس سے قبل کرنل کی بیوی کی جانب سے پولیس اہلکاروں کے ساتھ بد تمیزی کی ویڈیو وائرل ہونے پر بھی کرنل کی بیوی کا ٹرینڈ چلایا گیا تھامٹی کا تیل نہیں شراب تھی، عظمی تشدد کیس کہانی کا دوسرا رخ سامنے آ گیا
-
ارطغرل غازی تُرکی کی طرف سے پاکستان کے لئے تحفہ ہے ڈاکٹر شہباز گل
وزیراعظم کے معاون خصوصی برائے سیاسی روابط ڈاکٹر شہباز گل نے دعوی کیا ہے کہ پاکستان ٹیلی وژن (پی ٹی وی) پر نشر ہونے والے ترکی کے معروف ڈرامے ‘ارطغرل غازی ‘ کو پیسوں سے نہیں خریدا گیا بلکہ ترکی نے بطور تحفہ دیا ہے-
باغی ٹی وی :وزیراعظم کے معاون خصوصی برائے سیاسی روابط ڈاکٹر شہباز گل نے اپنی ایک ٹوئٹ میں انگریزی اخبار کو دیے گئے اداکارہ ثانیہ سعید کے انٹرویو کی تصویر اپنے ٹویٹر اکاؤنٹ پر شیئر کرتے ہوئے دعوی کیا کہ پی ٹی وی نے ترک ڈرامے کو خریدا نہیں بلکہ ترکی نے ڈرامے کو تحفے کے طور پر پاکستان کو دیا
ثانیہ جی پی ٹی وی نے اسے خریدا نہیں۔ برادر ملک ترکی کی طرف سے یہ تحفہ پاکستان کے لئیے۔آپ بھی پہلے کی طرح پھر اچھا کام کریں انشاللہ وہ بھی ائیر ہوگا۔بات کرنے سے پہلے تحقیق ضروری ہے۔ آرٹ اور کلچر کے لوگوں کے دل کھلے ہونے چاہئیے۔ یہاں بھارت کہ مواد کی بہتات تھی شکر ہے بہتر مواد آیا pic.twitter.com/lC5sjPuoUN
— Dr. Shahbaz GiLL (@SHABAZGIL) May 27, 2020
ڈاکٹر شہباز گل نے اپنے ٹویٹ میں کہا کہ ثانیہ جی پی ٹی وی نے اسے خریدا نہیں۔ برادر ملک ترکی کی طرف سے یہ تحفہ پاکستان کے لئیے۔شہباز گل نے اداکارہ ثانیہ سعید کو کہا کہ آپ بھی پہلے کی طرح پھر اچھا کام کریں انشاللہ وہ بھی ائیر ہوگا۔
انہوں نے مزید کہا کہ بات کرنے سے پہلے تحقیق ضروری ہے۔ آرٹ اور کلچر کے لوگوں کے دل کھلے ہونے چاہئیے۔ یہاں بھارت کے مواد کی بہتات تھی شکر ہے بہتر مواد آیا
ارطغرل غازی کی مقبولیت، وائس آف پاکستان نے آن لائن تقریری مقابلے کا اعلان کردیا
ارطغرل غازی سیریز میں یہ چار چیزیں نہ سیکھیں تو کچھ نہیں سیکھا
-
دپیکا میرے لیے ایک بہترین رہنما اور ایک مضبوط ستون ہے رنویر سنگھ
بھارتی نامور اداکارہ رنوہر سنگھ نے اپنی کامیابیوں کا سہرہ اپنی اہلیہ بالی وڈ اداکارہ دیپیکا پڈوکون کے سر باندھ دیا
باغی ٹی وی : بھارتی اداکار رنویر سنگھ نے اپنی کامیابیوں کا سہرا ان کے سر باندھتے ہوئے کہا کہ اگر وہ میرے ساتھ نہ ہوتی تو میں زندگی میں کچھ حاصل نہ کر پاتا، ہار جاتا۔
عالمی وبا کورونا وائرس کے پیش نظر دنیا بھر میں لاک ڈاؤن جاری ہے فنکار گھروں میں بیٹھے سوشل میڈیا کے ذریعے اپنے مداحوں سے رابطے میں ہیں، ان کے فیس بُک، انسٹاگرام اور ٹوئٹر پر لائیو سیشن کے ذریعے انٹرویوز بھی جاری ہیں۔
رنویر سنگھ نے گزشتہ دنوں ایک انسٹا گرام لائیو چیٹ میں شرکت کی، اس دوران رنویر سنگھ نے دپیکا سے متعلق بات کرتے ہوئے کہا کہ وہ ایک فلمی ہیرو ہونے کے ناطے اس پریشر کو اکیلے بر داشت نہیں کر سکتے تھے۔
لائیو چیٹ کے دوران رنویر سنگھ سے سوال کیا گیا کہ اگر آپ کی زندگی میں دپیکا نہ ہوتی تو زندگی کا حاصل کیا تھا، جواب میں رنویر سنگھ کا کہنا تھا کہ ’ہم دونوں کے کرداروں میں سے دپیکا کا زیادہ مضبوط اور اہم کردار ہے، بطور شوہر وہ اپنا کردار نبھانے کے لیے کو ششیں کرتے رہتے ہیں
اداکار نے کہا کہ دپیکا نے اپنے کیریئر میں مجھ سے زیادہ اتار چڑھاؤ دیکھ رکھے ہیں، دپیکا میرے لیے ایک بہترین رہنما اور ایک مضبوط ستون ہے، وہ مجھے میرے مرکز پر توجہ مبذول کرائے رکھنے میں مدد کرتی ہے، اگر دپیکا میری زندگی میں نہ ہوتی تو شاید میں نے کچھ حاصل نہ کیا ہوتا۔
انہوں نے کہا کہ مجھے دپیکا سے ملے ہوئے 10 سال ہو گئے ہیں، میں اپنے کیریئر کے شروع ہونے کے 3 سال بعد دپیکا سے ملا اور باقی 7 سال اُس کے ساتھ گزارے ہیں، میں نے بغیر کسی نقصان کے دپیکا کے ساتھ مؤثر انداز میں اپنی محنت کے نتائج حاصل کئے ہیں۔
واضح رہے کہ جوڑی کی نئی آنے والی فلم کو رواں سال 10 اپریل کو ریلیز کیا جانا تھا جبکہ عالمی وبا کورونا وائرس کی وجہ سے فلم کی ریلیز ملتوی کر دی گئی تھی-
کورونا وائرس : وینس فلم فیسٹیول کا آغاز اپنے شیڈول کے مطابق ہوگا
-
طیارہ حادثے میں جاں بحق ہونے والی ادکارہ و ماڈل زارا عابد کی پہلی شارٹ فلم ریلیز
کراچی میں 22 مئی جمعۃ الوداع کو حادثے کا شکار ہونے والا پی آئی اے کا طیارہ پی کے 8303 میں جاں بحق ہونے والی معروف ماڈل زارا عابد کی پہلی شارٹ فلم یوٹیوب پر ریلیز ہوگئی۔
باغی ٹی وی:حادثے کا شکار ہونے والا پی آئی اے کا طیارہ پی کے 8303 میں جاں بحق ہونے والی معروف ماڈل زارا عابد کی پہلی شارٹ فلم ’سکہ‘ یوٹیوب پر ریلیز ہوگئی یہ فلم زارا عابد کی زندگی کی پہلی اور آخری فلم ثابت ہوئی۔
فلم میں سکے کے دو پہلو دکھائے گئے ہیں جس میں زارا کو دو ایسی خواتین کے روپ میں دکھایا جو بالکل الگ زندگی گزار رہی ہیں تاہم ان کی خواہشات ایک سی ہیں اس فلم کی ہدایات احمد صارم نے دی ہیں
نجی ٹی وی چینل کو انٹرویو دیتے ہوئے ہدایت کار احمد صارم کا کہنا تھا کہ انہوں نے گزشتہ سال اس فلم کی کہانی تحریر کی، اس وقت ان کی عمر 16 برس کی تھی اوروہ صحافت سے فلم سازی کی جانب کیریئر موڑنا چاہتے تھے ، اس وقت انہوں نے زارا سے رابطہ کیا جنہوں نے اس فلم میں کام کرنے کی حامی دی-
احمد صارم نے مزید بتایا کہ وہ اس سے قبل انہیں نہیں جانتے تھے، لیکن انہوں نے اسکرپٹ پڑھ کر اس میں کام کرنے کا فیصلہ کیا، خود ہی اداکارہ نے زارا اور کھادی برانڈز سے اپنے ملبوسات کا انتظام کیا اور اسلام آباد سے کراچی اس فلم کی شوٹنگ کے لیے پہنچ گئیں۔
احمد صارم کے یوٹیوب چینل کا نام ’قصہ نگری‘ ہے اور اس چینل کی پہلی ویڈیو ’سکہ‘ ہے جس میں زارا عابد نے کام کیا۔
یاد رہے کہ کراچی میں حادثے کا شکار ہونے والے طیارے میں 99 افراد سوار تھے جن میں 2 مسافر زبیر اور ظفر مسعود حادثے میں معجزاتی طور پر بچ گئے جبکہ 97 افراد جاں بحق ہو گئے تھے-
واضح رہے کہ زارا عابد نے رواں سال انہوں نے ہم اسٹائل ایوارڈز میں بہترین فیمیل ماڈل کا ایوارڈ اپنے نام کیا تھا۔اور بہت جلد عظیم سجاد کی فلم چوہدری سے بڑی اسکرین پر بھی ڈیبیو کرنے والی تھیں۔
-
عاصم اظہر کا پہلا بالی وڈ گانا ‘ہمراہ’ ریلیز
پاکستان شوز انڈسٹری کے معروف گلوکار و موسیقار عاصم اظہر کا پہلا بالی وڈ گانا ‘ہمراہ’ ریلیز کردیا گیا۔
باغی ٹی وی : پاکستان شوز انڈسٹری کے معروف گلوکار و موسیقار عاصم اظہر کا پہلا بالی وڈ گانا ‘ہمراہ’ ریلیز کردیا گیا۔ پاکستان اور بھارت کے درمیان گذشتہ سال میں اس وقت ثقافتی سرگرمیاں معطل ہوگئی تھیں جب بھارت نے مقبوضہ کشمیر کی خصوصی حیثیت کا خاتمہ کردیا تھا۔
اگست 2019 کے بعد جہاں بھارت میں پاکستانی گلوکاروں اور فنکاروں کے کام پر پابندی عائد کردی گئی تھی، وہیں پاکستان میں بھی بھارتی فلموں اور گانوں کی ریلیز پر پابندی عائد کردی گئی تھی۔
https://www.instagram.com/p/CApxzfilPEj/?igshid=1pgepkkpenjvg
لمبے عرصے کی پابندی کے بعد اب عاصم اظہر کے بالی وڈ گانے کو ریلیز کر دیا گیا ہے جس کا اعلان عاصم اظہر نے انسٹا گرام پر کیا انہوں نے لکھا کہ ہمراہ ریلیز ہو گیا ہےتاہم اب لمبے عرصے کی پابندی کے بعد اب عاصم اظہر کے بالی وڈ گانے کو ریلیز کر دیا گیا ہے اور اس کو دونوں ممالک کے ثقافتی تعاقات کو بہتری کی جانب دیکھا جا رہا ہے
عاصم اظہر کا گانا ‘ہمراہ’ بالی وڈ کی آنے والی فلم ‘ملنگ’ میں شامل ہیں اور اس گانے کو اداکارہ دیشا پٹنانی اور ادیتی رائے کپور پر فلمایا گیا ہے۔
گانے کو 27 مئی کو جاری کیا گیا اور گانے کو مداحوں نے کافی پسند کیا اور ابتدائی 23 گھنٹوں میں 445,820(40 لاکھ پینتالیس ہزار آٹھ سو بیس ) بار دیکھا جا چکا ہے ‘ہمراہ’ گانے میں جہاں عاصم اظہر نے آواز کا جادو جگایا ہے، وہیں انہوں نے اس گانے کی موسیقی بھی ترتیب دی ہے
https://www.instagram.com/p/CAnc5NZF0GE/?igshid=otrara3w67lh
عاصم اظہر نے مداحوں کو سوشل میڈیا پر خوشخبری دیتے ہوئے گانے کا ٹیزر جاری کیا تھا اور ایک دن قبل ہی بتایا تھا کہ ان کا گانا 27 مئی کو ریلیز کیا جائے گا۔عاصم اظہر کا یہ پہلا با لی وڈ گانا ہے لیکن ان سے قبل متعدد پاکستانی گلوکار و موسیقار جن میں استاد نصرت فتح علی خان، راحت فتح علی خان، عاطف اسلم اور علی ظفر نمایاں ہیں، جنہیں بالی وڈ میں کافی پذیرائی ملی اور ان کے متعدد گانے بالی وڈ فلموں میں شامل کیے جا چکے ہیں
-
حمائمہ ملک کو کیسا دولہا چاہیئے؟
پاکستان شوبز انڈسٹری کی معروف اداکارہ حمائمہ ملک نے بتا دیا کہ انہیں کیسا دولہا چاہیئے
باغی ٹی وی : پاکستان شوبز انڈسٹری کی معروف اداکارہ حمائمہ ملک نے اپنے شوہر کے حوالے سے واضح کرتےہوئے بتایا کہ دولہا خوبصورت ہو، لمبا ، پیسے والا ہو اور اس کی آنکھیں نیلی ہوں
ایک انٹرویو کے دوران حمائمہ ملک سے ان کی شادی کے حوالے سے پوچھے گئے سوال کے جواب میں حمائمہ نے کہا کہ اُن کا ابھی شادی کرنے کا کوئی ارادہ نہیں لیکن جب بھی وہ شادی کریں گی سب کو ضرور بتائیں گی۔
اداکارہ نے کہا کہ وہ اپنی شادی میں سب کو مدعو کریں گی اور ان کی شادی میں سب کو کھلی دعوت ہوگی کہ وہ آئیں اور ڈانس بھی کریں۔
اداکارہ نے یہ تمام باتیں تو مذاق میں کیں اور کہا کہ جس سے وہ شادی کریں گی وہ خوبصورت ہو، لمبا ، پیسے والا ہو اور اس کی آنکھیں نیلی ہوں لیکن ساتھ ہی سنجیدگی اختیار کرتے ہوئے بتایا کہ وہ ایک ایسے شخص سے شادی کریں گی جو ان کے ماضی اور کیرئیر کو لے کر ذہنی اور جذباتی طور پر اُن کی حوصلہ افزائی ، سپورٹ اور عزت کرے۔
واضح رہے کہ حمائمہ ملک گزشتہ کچھ عرصے سے ڈراموں اور فلموں سے دور ہیں۔
خیال رہے کہ حمائمہ ملک نے 2010 میں اداکار شمعون عباسی سے شادی کی تھی لیکن یہ شادی صرف 2 سال ہی چل سکی تھی اور اس بعد انہوں نے 2012 میں اپنے راستے الگ کرلیے تھے۔
اگر دفتر کے کاغذ سائن کرنے سے پہلے پڑھے جاتے ہیں تو نکاح نامہ پڑھنا بھی ممنوع نہیں ہونا چاہیے
-
بائیس سالہ بھارتی ایکٹریس کی روڈ ایکسیڈینٹ میں موت
بھارتی معروف اداکارہ میبیانہ مائیکل منگل کی شام ایک سڑک حادثے میں انتقال کر گئیں
باغی ٹی وی : کنیڈا ٹی وی کی معروف 22 سالہ اداکارہ میبیانا مائیکل ، ان کی شہرت میں مقبول رئیلٹی شو ‘پیائٹ ہوڈگیر ہالی لائف سیزن 4’ جیتنے کے بعد مزید اضافہ ہوا ، منگل کی شام ایک سڑک حادثے میں انتقال کر گئیں۔ حادثہ مبینہ طور پر میبیانا اپنے آبائی شہر میڈیکیری جاتے ہوئے پیش آیا ۔
میبیانا کے اچانک انتقال کی تصدیق ، ‘پیئٹی ہڈوگیر ہالی زندگی’ کے میزبان ، اکول بالاجی نے سماجی رابطے کی ویب سائٹ ٹویٹر پر کی
Shock to hear the sudden demise of one of my favourite contestant and winner of phhl 4 ..mebina,soo young and full of life,can't digest the fact..my prayers for her family to get over the tragedy🙏🙏 pic.twitter.com/KuB0UdsWnz
— Akul Balaji (@AkulBalaji) May 27, 2020
انہوں نے اپنے ٹویٹر اکاؤنٹ پر پی ایچ ایل سیزن 4 کے فائنل کے دوران جیتنے والے لمحے سے ایک ساتھ ان کی تصویر شئیر کی اور اداکارہ کے اچانک انتقال پر اظہار تعزیت کرتے ہوئے لکھا کہ میری ایک پسندیدہ امیدوار اور پی ایچ ایل 4 کی فاتح کے اچانک انتقال کی خبر سن کر شدید حیرت کا سامنا ہوا۔ بہت ہی کم عمر اور زندگی سے بھر پورانہوں نے لکھا کہ اس حقیقت کو ہضم نہیں کرسکتے۔میری دعائیں اس حادثے کا شکار ہونے والی مینیانہ مائیکل کے خاندان کے ساتھ ہیں
بالی وڈ اداکار عرفان خان آئی سی یو میں زیر علاج،کرونا وائرس یا کوئی اوروجہ اہم خبرآگئی
-
چینی فوج کے مقابلے میں ان کمانڈرز کو بھیجا جائے، سوشل میڈیا صارفین کا مطالبہ
پانچ‘ چھ مئی کو بھارتی اور چینی افواج کی لداخ میں جھڑپیں ہوئیں۔ میڈیا رپورٹس کے مطابق چینی افوا ج لدّاخ میں پانچ مختلف مقامات پر آٹھ سے دس کلومیٹر اپنی سابقہ پوزیشن سے آگے بڑھیں۔ انہوں نے سینکڑوں بھارتی فوجیوں کو ماراپیٹا اورکچھ دیر تک گرفتار کیے رکھا۔ ایک سو بھارتی فوجی زخمی ہوئے۔ چند دنوں کے وقفہ سے لداخ کے ساتھ ساتھ سکّم میں بھی دونوں ملکوں کی افواج میں جھڑپیں ہوئیں
باغی ٹی وی : چین اوربھارت کے درمیان سرحدی کشیدگی مسلسل بڑھتی جارہی ہے پانچ اور چھ چینی فوج نے لداخ اور سکم کی سرحد پر آپریش کے دوران متعدد بھارتی فوجی گرفتار کئے جبکہ اکثر بھارتی فوجیوں نے بھاگ کر اپنی جان بچائی بھارت کی اس پسپائی اور شکست پر سماجی رابطے کی ویب سائٹ ٹویٹر پر صارفین نے خوب تنقید اور مزاح کا نشانہ بنایا جبکہ پاکستان ٹویٹر پر لداخ آپریشن ٹاپ ٹرینڈ پر بھی رہا
صارفین نے سوشل میڈیا پر بھارتی اداکاروں کی آرمی کے کرداروں میں تصاویر سوشل میڈیا ہر شئیر کرتے ہوئے مطالبہ کیا اور خوب مذاق کا نشانہ بناتے ہوئے کہا کہ چینی فوج کے مقابلے کے لئے ان کمانڈوز کو بھیجا جائے
https://twitter.com/MHanzalaTayab/status/1265165202951200769?s=19
بلاگر اور ویلاگر ایم حنظلہ نے بھارتی اداکاروں کا آرمی گیٹ اپ میں شاہ رخ ،اکشے کمار، اجے دیوگن اور جان ابراہم کی تصویروں کا ایک کولاج شئیر کیا اور لکھا کہ چین ہندوستانی سرزمین پر قبضہ کرنے کے بعد اب بھارت لداخ میں مسلح افواج کی تعیناتی کر رہا ہے۔ ہندوستانی فوج کے یہ اعلی 4 ناقابل شکست کمانڈر فوجیوں کی قیادت کریں گے۔ جئے ہند!Hamain bhool gaye!!! pic.twitter.com/fpj07umWwg
— WorldPakx (@inception0000) May 26, 2020
باذل علی نامی صورف نے سیف علی خان اور کترینہ کیف کی پاکستان کے خالف بنائی جانے والی فلم میں لی گئی ایک تصویر شئیر کتے ہوئے لکھا کہ ہمیں بھول گئےhttps://twitter.com/ZariaKhanPTI/status/1265166621137567747?s=20
زاریہ خان نامی صارف نے ابھے نندن کی پاک آرمی کی قید میں لی گئی ایک تصویر شئیر کرتے ہوئے لکھا کہ اگر وہ چاروں لیڈ کریں گے تو اس ہیرو کا کیا ہوگا-
ye veer chakra winner hai ye air attacks ko lead kre ga. lets see china walay isko kia pilate ab
— Bilal Saeed (@BilalS2728) May 26, 2020
بلال نامی صارف نے ابھے نندن کو لکھا کہ یہ ویر چکرا ونر ہے یہ ائیر فورس جکو لیڈ کرے گا اب دیکھنا یہ ہے کہ چین والے اسے کیا پلاتے ہیں
https://twitter.com/Abubaka00836296/status/1265221413520257026?s=20
ابوبکر نصیروی نامی صارف نے لداخ پر چینی فوج کے قابض ہونے کے بعد بھارتی آرمی شکست تسلیم کرکے چینی فوج سے واپس جانے کی درخواست کرتے ہوئے بینرز کی تصویر شئیر کی اور مذاق کا نشانہ بناتے ہوئے لکھا کہ مہربانی کر کے واپس چلے جاؤMe chahti shahrukh khan lead kree
Pupppp..pupp pakistan kehta hua aw 😭
— Maria Maalik (@MariaMalik782) May 26, 2020
ماریہ ملک نامی صارف نے لکھا کہ میں چاہتی ہوں شاہ رخ خان لیڈ کرے پپ پپ پاکستان کہتا ہواواضح رہے کہ چند روز قبل لداخ میں چین نے بھارت کو ناکوں چنے چبوا تے ہوئے، متعدد فوجی گرفتار کئے، اکثر نے بھاگ کر جان بچائی گذشتہ روز اس وقت لداخ اور سکم کی سرحد پر چینی فوج کی نقل و حرکت سے بھارت کے ہاتھ پاؤں پھول گئے۔جب چینی فوج نے ان پر اچانک حملہ کیا اور کچھ بھارتی فوجیوں کو گرفتارکرلیاتھا جبکہ بڑی تعداد میں بھارتی فوجیوں نے بھاگ کرجان بچائی تھی
لداخ میں چین نے بھارت کو ناکوں چنے چبوا دے، متعدد فوجی گرفتار، اکثر نے بھاگ کر جان بچائی