Category: شوبز

پاکستانی گلوکار عاطف اسلم کی آواز میں دی جانے والی اذان نے نہ صرف پاکستان اور دنیا بھر میں موجود مسلمان مداحوں پر بلکہ ان کے سرحد پار غیر مسلم پرستاروں پر بھی سحر طاری کردیا

باغی ٹی وی : کورونا وائرس سے نجات پانے اور اللہ تعالی سے اپنے گناہوں کی معافی مانگنے کے لئے کے لیے گذ شتہ کئی دنوں سے پاکستان میں مقررہ اوقات کے علاوہ بھی اذانیں دینے کا سلسلہ جاری ہے جس کے پیش نظر گلوکار عاطف اسلم نے بھی سوشل میڈیا پراپنی آواز میں دی گئی اذان کی ویڈیو شیئر کی عاطف اسلم کی خوبصورت آواز میں دی جانے والی اذان نے سننے والوں پرسحر کر دیا

عاطف اسلم کو سراہنے والوں میں صرف ان کے مسلمان مداح ہی شامل نہیں تھے بلکہ سرحد پار سے غیر مسلم مداحوں نے بھی عاطف اسلم کی آواز میں دی جانے والی اذان کو سنا اور اس کی بے حد تعریف کی یوٹیوب پر عاطف اسلم نے اذان کی ویڈیو کے ساتھ پیغام لکھا ’’اللہ سب سے بڑا ہے اور میں گواہی دیتا ہوں کہ اللہ کے سوا کوئی معبود نہیں اور محمدصلی اللہ علیہ وآلہ وسلم اللہ کے پیغمبر ہیں‘‘ یوٹیوب پر عاطف اسلم کی آواز میں اذان کو اب تک دنیا بھر سے لاکھوں لوگ سن چکے ہیں

تنوجا پروین نامی ایک غیر مسلم مداح نے لکھا ایک ہی خوبصورت لفظ ہے میرے پاس اس کے لئے ’’ماشا اللہ‘‘

پرا تیک ولاگز نامی مداح نے لکھا میرا تعلق بھارت سے ہے اور میں مسلم نہیں ہوں لیکن جس طرح عاطف اسلم نے اذان دی مجھے بہت اچھا لگا اگرچہ مجھے اذان کے الفاظ سمجھ نہیں آئے لیکن واقعتاً اس روحانی آواز نے دل کو چھو لیا پرا تیک نے لکھا کہ میں عاطف اسلم کا بہت بڑا مداح ہوں میں ہندو ہوں میرے گھر سے کچھ فاصلے پر مسجد ہے اور میں نے کئی بار اذان کی آواز سنی ہے لیکن اتنی روحانی آواز کبھی نہیں سنی

پراتیک نے مزید لکھا کہ بھگوان ہو یا اللہ کیا فرق پڑتا ہے انہین یاد کرنے کا طریقہ الگ ہے قرآن ہو یا گیتا بہت سے ایسے پارس ہیں جو ملتے ہیں بس مذہب کے نام پر فرق پڑ چکا ہے پراتیک نے عاطف اسلم کو مخطب کرتے ہوئے لکھا کہ برا نہیں ماننا…. بھگوان …اللہ آپکو لمبی عمر دے

ارجیت کا فین نامی صارف نے لکھا عاطف کی زندگی کا کام ایک طرف اور یہ اذان کی تلاوت ایک طرف، ماشااللہ

بنگلا دیش سے ایک صارف نے لکھا عاطف اسلم دنیا بھر میں سب سے زیادہ باصلاحیت مسلم گلوکار ہیں آپ کے لئے بہت سا پیار

ناز بٹ نامی صارف نے لکھا کہ یہ آواز بنی ہی اذان دینے کے لیے ہے ماشااللہ

دپیکا صندل نامی صارف نے لکھا میرا تعلق بھارت سے ہے اور مجھے اردو سمجھ نہیں آتی لیکن میں کہنا چاہتی ہوں جب کوئی گہرے دل سے خدا سے دعا کرتا ہے تو ایک سحر طاری ہوجاتا ہے بہت سا پیار

انکیت پراجاپتی نامی ایک غیر مسلم مداح نے تبصرہ کرتے ہوئے لکھا میں ہندو ہوں لیکن مجھے اسلام بہت پسند ہے اور میں اس مذہب میں داخل ہونا چاہتا ہوں انکیت کے اس تبصرے کو لوگوں کی بہت بڑی تعداد نے سراہا اور انہیں کھلے دماغ سے ترجمے کے ساتھ قرآن پڑھنے کے مشورے دئیے اور ایک صارف نے کہا کہ آپ مجھے اپنا واٹس ایپ نبمر دیں اسلام کو سیکھنے میں ہم آپ کی مدد کریں گے

ایک صارف نے لکھا کہ میں انڈین ہوں اور ہندو ہوں لیکن اس اذان نے میرے دل پر بہت گہرا اثر کیا ہے جس کی میں وضاحت نہیں کر سکتا بہت خاموشی جنت کی طرح کا احساس

ایک شوبھم کوشک نامی صارف نے عاطف اسلم کی تعریف کرتے ہوئے لکھا کہ جتنے سُندر اذان کے لفظ ہیں آج پہلی بار اتنی ہی سُندر آواز میں اذان سننے کا موقع ملا ماشاءاللہ

شینا ٹمبا نامی خاتون نے لکھا میں ہندو ہوں اور میرا تعلق بھارت سے ہے مجھے اذان کے لفظوں کا مطلب سمجھ نہیں آیا لیکن اذان سنتے ہوئے میرے رونگھٹے کھڑے ہوگئے سر آپ کی روحانی آواز جذبات سے بھرپور تھی جس نے میرے دل کو چھو لیا میری دعا ہے آپ کی دعائیں سنی جائیں اللہ آپ کو ہمیشہ خوش رکھے

عاطف اسلم کی آواز میں دی گئ اذان کی ویڈٰیو سوشل میڈیا پر وائرل

میرے ٹویٹ پر انڈیا پاکستان اس طرح جمع ہوا ہے جیسے یہ کبھی الگ تھے ہی نہیں

دنیا بھر میں تباہی مچانے والے کورونا وائرس نے ہر طرف خوف و ہراس پھیلا رکھا ہے اس وبائی مرض کے خطرے کے پیش نظر دنیا بھر میں عام شہری سیاستدان کھلاڑی اور شوبز شخصیات گھروں پر رہنے کو ترجیح دے رہے ہیں ساتھ ہی مشہور شخصیات عوام سے بھی گھروں میں رہنے کی درخواست کر رہے ہیں

باغی ٹی وی : دنیا بھر میں پھیلنے والے خطرناک کورونا وائرس کے خطرے کے پیش نظر عام شہری سیاستدان کھلاڑی اور شوبز شخصیات گھروں میں قرنطینہ اختیار کئے ہوئے ہیں اور معروف شخصیات سوشل میڈیا پر عوام کو بھی گھروں میں رہنے اور اس خطرناک وبا سے بچاؤ کی خفاظتی تدابیر اختیار کرنے کے پیغا مات دے رہے ہیں

Be Home n Be Safe @NirvanKhan15 #IndiaFightsCorona pic.twitter.com/3erbteJtz6

— Salman Khan (@BeingSalmanKhan) April 5, 2020

بالی وڈ کے سلطان سلمان خان نے سوشل میڈیا ویب سائٹ ٹویٹر پر ویڈیو پیغام جاری کیا جس میں ان کے ساتھ ان کے بھائی سہیل خان کے بیٹے نروان خان بھی ان کے ہمراہ ہیں اپنے ویڈیو پیغام میں سلمان خان نے کہا ہے کہ ہم تو ڈر گئے بھئی

انہوں نے کہا کہ میں نے اور سہیل خان کے بیٹے نروان خان نے اپنے اپنے والد کو تین ہفتے سے نہیں دیکھا وہ گھر پر اکیلے ہیں انہوں نے کہا کہ گھر میں رہیں محفوظ رہیں موجودہ صورتحال میں گھر میں رہنا ہی سب کے لئے بہتر ہے زیادہ بہادر نہ بنو ڈر کر رہو اداکار نے کہا کہ بڑی بہادری سے کہہ رہا ہوں کہ میں ڈر گیا ہوں

سلمان خان نے مزید کہا کہ جو ڈر گیا وہ مر گیا یہ ایک کہاوت ہے لیکن موجودہ صورتحال میں جو ڈر گیا سمجھو بچ گیا اور اس نے بہت سارے لوگوں کو بچایا بھی انہوں نے لوگوں سے گھروں میں رہنے کی اپیل بھی کی

معروف اداکار و میزبان سلمان شیخ عرف مانی نے اپنے ایک ویڈیو پیغام کے ذریعے ان تمام لوگوں کو جواب دے دیا جو راشن تقسیم کی تیاری کے دوران تصاویر اور ویڈیوز بنانے پر مانی اور انک اہلیہ معروف اداکارہ حرا پر تنقید کر رہے ہیں اداکار نے اپنے ویڈیو پیغام کے ذریعے اس بات پر زور دیا ہے کہ دوسروں کی مدد کرنا ایک اچھا کام ہے اور اچھے کام کو دکھا کر کرنا چاہئے تاکہ مزید لوگوں کو ترغیب ملے اور وہ بھی دوسروں کی مدد کے لیے آگے آئیں

باغی ٹی وی : گذ شتہ روز پاکستان شوبز انڈسٹری کے معروف اداکار اور میزبان سلمان ثآقب عرف مانی نے سوشل میڈٰا ویب سائٹ انسٹاگرام پر ایک ویڈیو شیئر کی جس میں اداکار راشن تقسیم کرنے کی تیاری کرتے ہوئے اُن تمام لوگوں کو جواب دے رہے ہیں جنہوں نے اُن پر راشن تقسیم کرنے کی تیاری کے دوران تصاویر اور ویڈیوز بنانے پر تنقید کی تھی
https://www.instagram.com/tv/B-pBCBDpmGY/?igshid=6x8h2oaet5yt
مانی نے اپنے ویڈیو پیغام میں راشن کی تفصیلات بتاتے ہوئے کہا کہ میرا نام مانی ہے اور یہاں اس وقت ہمارے پاس آٹے کی 500 بوریاں موجود ہیں جو کہ 1000 خاندانوں میں تقسیم کی جائیں گی

اداکار نے کہا کہ میں یہ سن کیوں بتا رہا ہوں مانی نے کہا میرے اس نیک کام کی تشہیر کرنے کی ایک وجہ ہے اُنہوں نے کہا کہ جب ہم بچوں کی کوئی سالگرہ کی تقریب کرتے کسی ڈیزائنر کا لباس پہنتے ہیں ہیں یا پھر بزنس کلاس میں سفر کرتے ہیں اور جب ہم ان سب کی تصاویر سوشل میڈیا پر شیئر کرتے ہیں تو سب تعریف کرتے ہیں اور آپ ہم سے پوچھتے ہیں کونسے ڈیزائنر کا ڈریس ہے ہم نے بھی بنوانا یا کہ کاش ہم بھی بزنس کلاس میں بیٹھ سکتے وغیرہ وغیرہ

مانی نے کہا کہ اور پھر سونے پر سہاگہ جیسے ہم اُن تمام چیزوں کی تصاویر سوشل میڈیا پر شیئر کرتے ہیں تو اسی طرح ہم اس نیک کام کی تشہیر بھی سوشل میڈیا پر کررہے ہیں تاکہ آپ لوگ بھی اس طرح کے نیک کام کر سکیں آپ ہمارے مداح ہیں اور ہمارے کاموں کو فالو کرتے ہیں

اداکار نے کہا کہ اس وقت ہمارا راشن تقسیم کرنے کا کام بہت تیز ہوگیا ہے کیونکہ آپ میں سے کچھ لوگ ہم پر تنقید کر رہے ہیں جس سے ہمارا حوصلہ مزید بڑھتا ہی جارہا ہے

مانی نے اپنےمداحوں کو اپنا وہ گودام دکھایا جو اُنہوں نے اپنے گھر کی چھت پر بنایا ہوا ہے اور جہاں راشن کی وہ تمام اشیاء موجود ہیں جو وہ مستحق لوگوں میں تقسیم کر رہے ہیں

نہوں نے کہا کہ ’جب ہم نے یہ کام شروع کیا تھا تو ہم اکیلے تھے اور اب ہمارے اس نیک کام میں دیگر لوگ اور کچھ برانڈز بھی جُڑتے جا رہے ہیں لیکن کچھ لوگ ایسے بھی ہیں جو ہم پر تنقید کر رہے ہیں انہوں نے برانڈزکا ساتھ دینے پرشکریہ ادا بھی کیا

اداکار نے تنقید کرنے والوں کے لیے قرآن پاک کی آیت کا بھی حوالہ دیا ،وہ لوگ جو (خیرات میں) اپنے سامان رات اور دن میں ، چھپ چھپ کر اور عوامی طور پر خرچ کرتے ہیں ، ان کا اجر اپنے پروردگار کے پاس ہے … القرآن ، 2: 274 ”

مانی نے کہا کہ جلنا نہیں ہے حسد نہیں کرنا بس کام کرنا ہے اگر حرا اور مانی کر سکتے ہیں تو پھر آپ کیوں نہیں کر سکتے

اداکار نے کہا یہاں میں یہ کہنا چاہوں گا کہ جو لوگ راشن تقسیم کرتے وقت تصاویر اور ویڈیوز بنوارہے ہیں وہ ایسا نہ کریں کیونکہ یہ غلط ہے لیکن ان کا عمل اچھا ہے

مانی نے ویڈیو کے کیپشن میں لکھا کہ نیک عمل کی تشہیر کرنے کو سستی شہرت قرار دینا بالکل بھی صحیح نہیں ہے انہوں نے کہا کہ حرا اور میں نے بہت چھوٹے پیمانے پر راشن تقسیم کرنے کا سلسلہ شروع کیا لیکن اب بہت سے لوگ ہمارے ساتھ جڑ گئے ہیں اور بہت بڑی تعداد میں چیزیں بھجوارہے ہیں تاکہ زیادہ سے زیادہ مستحقین تک راشن پہنچ سکے

مانی نے راشن کی تصاویر سوشل میڈیا پر شیئر کرنے کی وضاحت کرتے ہوئے کہا کہ ہم نے راشن کی تصاویر اس لئے سوشل میڈیا پر شیئر کیں تاکہ جو ضرورت مند ہیں وہ ہم سے رابطہ کریں یا پھر کوئی شخص اگر کسی ضرورت مند خاندان کو جانتا ہے تو وہ رابطہ کرکے یہ راشن اس تک پہنچانے میں ہماری مدد کرے اپنی پوسٹ کے آخر میں مانی نے اس عزم کا اظہار کیا کہ وہ لوگوں کی مدد کرنے کا اپنا مشن جاری رکھیں گے

اُنہوں نےمزید کہا کہ کب تک آپ لوگ انسٹاگرام فیس بُک پر ہمارے خلاف لکھتے رہیں گے آپ لوگ بھی آگے بڑھیں اور یہ نیک کام کریں

واضح رہے کہ گزشتہ کچھ دنوں سے کچھ نامور فنکار اور صارفین ان لوگوں پر تنقید کرتے نظر آرہے ہیں جو راشن تقسیم کرنے کے دوران اور راشن تقسیم کی تیاری کے دوران تصاویر اور ویڈیوز بنا رہے ہیں

خیال رہے کہ کورونا وائرس کے باعث ملک بھر میں جاری لاک ڈاؤن کی وجہ سے جہاں دیگر کاروبار زندگی متاثر ہورہا ہے اور یومیہ اجرت پر کام کرنے والے پریشان ہیں لہذا اس غریب اور مستحق طبقے کی مدد کے لیے متعدد فنکار آگے آئے اور مستحق افراد میں راشن تقسیم کرنے کا اعلان کیا ہے

تصویریں دکھاوے اور اپنا نام بنانے کے لئے نہیں بنائیں ،حرا مانی

حرا مانی نے مستحق افراد میں راشن تقسیم کرنا شروع کر دیا

اس مشکل وقت میں غریبوں کی مدد کرتے ہوئے ان کی عزت نفس سے نہ کھیلیں

مستحق لوگوں کی عزت و نفس مجروح کئے بغیر ان کی مدد کریں نیلم منیر

کورونا وائرس، لوگوں کی مدد کرتے وقت ویڈیو اور تصویر نہ بنائیں،فیصل قریشی

پاکستان ٹی ویانڈسٹری کے معروف اداکارہ ثنا جاوید نے اپنے بچپن کی تصویر سوشل میڈیا پر شیئر کرتے ہوئے اپنی والدہ کے لیے جذباتی پیغام لکھ دیا

باغی ٹی وی :جیو انٹرٹینمنٹ کے ڈرامے خانی سے شہرت حاصل کرنے والی پاکستان ٹی وی انڈسٹری کی معروف اداکارہ ثنا جاوید نے سوشل میڈیا ویب سائٹ انسٹاگرام پر اپنے بچپن کی ایک تصویر شیئر کی جس میں اداکارہ نے خوبصورت حیدرآبادی کرتا زیب تن کیا ہوا ہے

ثنا جاوید نے اپنی اس پوسٹ کے کیپشن میں لکھا کہ مائیں سب سے اچھی ہوتی ہیں وہ اپنی پوری محبت اور خلوص کے ساتھ اپنے بچوں کو تیار کرتی ہیں اُن کو خوبصورت لباس پہناتی ہیں اور پھر اُن کی تصویریں کھینچتی ہیں
https://www.instagram.com/p/B-j7O78ndFG/?utm_source=ig_embed
اداکارہ نے لکھا کہ میں نے اس تصویر میں میرا پسندیدہ روایتی حیدرآبادی (دکن) کُرتا پہنا ہوا ہے جو میری والدہ نے میرے لیے سلائی کیا تھا

ثنا جاوید نے لکھا کہ میں اپنی والدہ سے بہت محبت کرتی ہوں کیونکہ اپنی والدہ کی وجہ سے ہی میں اپنے بچپن کی سب سے اسٹائلسٹ بچی تھی

انہوں نے لکھا کہ میں اس تصویر میں تھوڑی غمزدہ ہوں کیونکہ مجھے اپنی والدہ کی گود میں رہنے کی عادت تھی اور یہ تصویر لینے کی وجہ سے میری والدہ نے مجھے اپنی گود سے اُتار کر نیچے کھڑا کر دیا تھا جس کی وجہ سے میں اُداس ہوگئی تھی

اداکارہ نے لکھا کہ آج بھی جب میں اپنے کام کی وجہ سے والدہ سے دور ہوتی ہوں تو اُن کی گود کو یاد کرکے اُداس ہوجاتی ہوں

ثنا جاوید نے لکھا کہ آئیے ہم بھی اپنی ماؤں کا اُسی طرح خیال رکھیں جیسے ہماری ماؤں نے بچپن میں ہمارا خیال رکھا تھا

ثنا جاوید نے مزید لکھا کہ ہماری مائیں لاکھوں کروڑوں سال صحت و تندرستی اور خوشی کے ساتھ زندگی گُزاریں

ثنا جاوید کی اس پوسٹ پر منیبہ مزاری نے گڑیا کہتے ہوئے تعریف کی جبکہ ثنا جاوید نے جوبی کمنٹس میں منیبہ مزاری کو میری پیاری لکھی

جبکہ اس پوسٹ پر عائزہ خان نے کمنٹ کرتے ہوئے لکھا کہ بہت پیاری لگ رہی ہو یہ تصویر مجھے میرے بچپن کی اُس تصویر کی یاد دلارہی ہے جس میں میں نے حیدرآبادی کُرتا پہنا تھا

ثنا جاوید نے عائزہ خان کے کمنٹ پر جوابی کمنٹ کرتے ہوئے لکھا کہ مجھے یقین ہے کہ آپ میری حیدرآبادی بہن ہیں

ایک صارف نے کمنٹ کرتے ہوئے لکھا کہ یہ کھڑا دوپٹہ نظامی نوابی خاندان کا روایتی دلہن لباس ہے

اس پر ثنا جاوید نے لکھا جی ہاں میں جانتی ہوں میرے ابو کا تعلق نواب خاندان سے ہے اور ہم حیدرآبادی ہیں

کرونا اورلاک ڈاون نے بڑوں بڑوں کی حقیقت سے پردہ اٹھادیا ،ذرا ماہرہ خان کو دیکھ لیں‌

پاکستان شوبز انڈسٹری کی معروف اداکارہ منشا پاشا نے اپنی ڈاکٹر بہن سمیت پوری دُنیا کے فرنٹ لائن پر کورونا کے خلاف جنگ لڑنے والےڈاکٹرز اور طبی عملے خدمات اور بہادری کو سراہتے ہوئے اُن کو خراج تحسین پیش کیا

باغی ٹی وی: گذ شتہ روز پاکستان شوبز انڈسٹری کی معروف اداکارہ منشا پاشا نے سماجی رابطے کی ویب سائٹ ایپ انسٹاگرام پر اپنی بہن ڈاکٹر حنا کے ساتھ لی گئی ایک تصویر شئیر کی

اداکارہ منشا پاشا نے اپنی اس پوسٹ کے کیپشن میں لکھا کہ اس وقت میری بہن برطانیہ میں ہےاور وہ ایک ڈاکٹر ہے اور یہی اور قابل تصوربات ہے
https://www.instagram.com/p/B-m_Vt1lEic/?igshid=1fjh7caxrtd7u
اداکارہ نے لکھا کہ میری دُعائیں میری بہن اور دُنیا بھر کے تمام ڈاکٹرز کے لیے ہیں

منشا پاشا نے ڈاکٹرز کو خراج تحسین پیش کرتے ہوئے اور اُن کی بہادر ی کی تعریف کرتے ہوئے لکھا کہ آپ لوگ جو کچھ بھی کررہے ہیں وہ واقعی میں حیرت انگیز اور بہادری کی مثال ہے

پاکستانی معروف گلوکار عاطف اسلم کا کہنا تھا کہ میری فین فالونگ پوری دنیا میں پھیلی ہوئی ہے میں خوش قسمت ہوں کہ دنیا بھر کے لوگ مجھے پسند کرتے ہیں میں بھی ان کی دل سے قدر کرتا ہوں کہ پرستاروں نے ہی مجھے یہاں تک پہنچایا

کراچی : ایک حالیہ انٹرویو میں عاطف اسلم سے سوال کیا گیا کہ موجودہ بحران اُن کے میوزک کیرئیر کو کس طرح نقصان پہنچا رہا ہے تو اس کا جواب دیتے ہوئے عاطف اسلم نے کہا کہ موجودہ صورتحال میں دنیا رک چکی ہے ہر کاروبار لاک ڈاؤن کا شکار ہے لوگ مساجد میں نماز نہیں پڑھ سکتے مسلمانوں کو مکہ مکرمہ اور مدینہ منورہ جانے کی پابندی ہے جو تمام مسلمانوں کے لیے سب سے مقدس شہر ہیں

انہوں نے کہا کہ ایسی صورتحال میں اگر مجھے کوئی فکر ہے تو وہ یومیہ اجرت لینے والوں کی ہے مجھے یہ پریشانی لاحق ہے کہ اگر لاک ڈاؤن کی مدت بڑھتی ہے تو ان کے لیے زندگی گزارنا مشکل ہوگا

عاطف اسلم نے فرنٹ لائن پر لڑنے والے تمام ڈاکٹرز کے لیے بھی پریشانی کااظہار کیا اور کہا کہ پاکستان سمیت دنیا بھر کے ڈاکٹرز خراج تحسین کے مستحق ہیں دنیا میں اپنے ملک کی بقا کو یقینی بنانے کے لیے ڈاکٹروں کا جذبہ قابلِ تحسین ہے

گلوکار کا مداحوں کے حوالے سے کہنا تھا کہ پرستار ہمیشہ ہی میرے حوالے سے تشویش میں رہتے ہیں وبائی مرض کے دنوں میں مجھے ہزاروں کی تعداد میں پیغامات موصول ہوئے جس میں خیریت دریافت کی گئی تھی اور پوچھا گیا تھا کہ کیا میں محفوظ مقام اور ملک میں ہی موجود ہوں

عاطف اسلم کا کہنا تھا کہ میری فین فالونگ پوری دنیا میں پھیلی ہوئی ہے میں خوش قسمت ہوں کہ دنیا بھر کے لوگ مجھے پسند کرتے ہیں، میں بھی ان کی دل سے قدر کرتا ہوں کہ پرستاروں نے ہی مجھے یہاں تک پہنچایا

بالی وڈ کے حوالے سے سوال کہ کیا بھارت میں پابندی عائد کئے جانے سے عاطف کی شہرت میں کمی اور منافع بخش ذریعہ آمدنی میں کوئی فرق پڑا ؟ اس کا جواب دیتے ہوئے عاطف اسلم کا کہنا تھا کہ بھارت میں پابندی سے ان کی شہرت کو کوئی نقصان نہیں پہنچا بلکہ شہرت میں مزید اضافہ ہوا کہ وہاں کے پرستاروں نے پابندی ہٹانے کا بھی مطالبہ کیا ساتھ ہی انہوں نے یہ بھی بتایا کہ جب اُن کا گانا فلم’نوٹ بُک‘ کے ساؤنڈ ٹریک سے ہٹادیا گیا تھا تو پرستاروں کی جانب سے شدید مزاحمت کی گئی تھی بھارت میں پابندی کے باجود وہاں کے مداحوں نے خوب پیار دیا جس کا ایک ثبوت بھارت کے ٹوئٹر ٹرینڈ پینل پر سرفہرست ٹرینڈ UnBanAtifAslam تھا

آمدنی کے حوالے سے پوچھے گئے سوال کے جواب میں عاطف اسلم کا کہنا تھا کہ جتنا آپ کو ملنا ہو مل کر رہتا ہے کوئی اسے چھین نہیں سکتا

عاطف اسلم نے بتایا کہ گزشتہ سال انہوں نے حج کی سعادت بھی حاصل کی اور یہ ان کا دوسرا حج تھا گلوکار نے کہا کہ میرے اندر اچانک سے کوئی تبدیلی نہیں آئی بلکہ میں ہمیشہ ہی دنیاوی لذتوں سے بھاگتا آیا ہوں، سکون کی تلاش میں حق کی کھوج لگانے کی کوشش کرتا ہوں

انہوں نے کہا کہ زندگی میں سب سے ضروری یہ ہے کہ شہرت عزت دولت سے اللہ نوازے تو ایسے وقت میں پاؤں زمین پر ہی رکھیں کیونکہ وقت ہمیشہ ایک سا نہیں رہتا انہوں نے کہا کہ کیا پتہ مستقبل میں میرے پاس کوئی کام نہ ہو اور ایسی صورت میں زندہ رہنے کے لیے حقیقت پر چلنا ہی واحد راستہ ہے

قرنطینہ کے دنوں کے بارے میں بتاتے ہوئے عاطف اسلم کا کہنا تھا کہ وہ آج کل فیملی کے ساتھ وقت گزارر ہے ہیں انہوں نے بتایا کہ وہ گزشتہ سالوں میں ایک مشین کی طرح کام کرتے رہے ہیں گھر میں بچوں کے ساتھ وقت گزار کر بہت اچھا لگ رہا ہے

دوسری جانب کوک سٹوڈ یو میں تاجدار حرم اور وہی خدا ہے کی ریکارڈ توڑ شہرت حاصل کرنے کے بعد حال ہی میں سامنے آنے والی عاطف اسلم کی آواز میں اذان نے بھی ان کے مداحوں کو اپنے سحر میں جکڑ لیا ہےمداح عاطف اسلم کے اس اقدام پر انہیں لیجنڈ قرار دے رہے ہیں

عاطف اسلم کی آواز میں دی گئ اذان کی ویڈٰیو سوشل میڈیا پر وائرل

کورونا وائرس کے حوالے سے عمران خان کے اقدامات قابل تحسین ہیں عاطف اسلم

کورونا وائرس کے باعث بھارت میں نافذ کیے گئے 3 ہفتوں کے لاک ڈاؤن کی وجہ سے وہاں کے مزدوروں اور مستحق افراد کی مدد کے لیے جہاں حکومت نے اعلان کیے ہیں وہیں بالی وڈ شخصیات نے بھی مزدوروں کی معاونت کا اعلان کر رکھا ہے

باغی ٹی وی : کورونا وائرس کے باعث بھارت میں نافذ کیے گئے 3 ہفتوں کے لاک ڈاؤن کی وجہ سے وہاں کے دیہاڑی دار مزدوروں کی مدد کے لیے جہاں حکومت نے اعلان کیے ہیں وہیں بالی وڈ شخصیات نے بھی مزدوروں کی معاونت کا اعلان کر رکھا ہے ان میں شاہ رخ خان بھی شامل ہیں بالی وڈ کنگ خان نے بھی جہاں فلم ملازمین کی مدد کے لیے امداد فراہم کی ہے وہیں انہوں نے بھارت کی مرکزی حکومت سمیت ریاست مہاراشٹر کی حکومت کی مدد کا بھی اعلان کر رکھا ہے

مرکزی اور ریاستی حکومت کے بعد اب شاہ رخ خان اور انکی اہلیہ گوری خان نے مہارا شٹر کے دارالحکومت ممبئی کی مقامی حکومت کو بھی مدد کی پیش کش کرتے ہوئے انہیں کورونا وائرس کے مریضوں کے لیے قرنطینہ سینٹر بنانے کے لیے اپنی 4 منزلہ عمارت دے دی

#StrongerTogether

We thank @iamsrk & @gaurikhan for offering their 4-storey personal office space to help expand our Quarantine capacity equipped with essentials for quarantined children, women & elderly.

Indeed a thoughtful & timely gesture!#AnythingForMumbai#NaToCorona https://t.co/4p9el14CvF

— माझी Mumbai, आपली BMC (@mybmc) April 4, 2020

بالی وڈ اداکار اور ان کی اہلیہ کی جانب سے انتظامیہ کو عمارت فراہم کرنے کے بعد مقامی انتظامیہ نے سماجی رابطے کی ویب سائٹ ٹویٹر پر اپنے ٹوئٹر اکاؤنٹ پر ان کا شکریہ ادا کیا اور بتایا کہ شاہ رخ خان اور گوری خان کی جا نب سے فراہم کی جانے والی 4 منزلہ عمارت میں بچوں، بزرگوں اور خواتین کے لیے قرنطینہ سینٹر قا ئم کیا جائے گا

When we say ‘mybmc’ then it’s with a sense of ownership and pride in all the efforts your teams are putting up to fight covid 19. We both are thankful that we could be a part of your attempts to help and care for Mumbaikars.
आमची Mumbai आमची BMC https://t.co/fm1aGpNylB

— Gauri Khan (@gaurikhan) April 4, 2020

مقامی انتظامیہ کی جانب سے شکریہ ادا کرنے پر شاہ رخ خان کی اہلیہ گوری خان نے بھی جوابی ٹویٹ میں انتظامیہ کا شکریہ ادا کرتے ہوئے کہا کہ ہم دونوں شکر گزار ہیں کہ ہم ممبئی کاروں کی مدد اور دیکھ بھال کے لئے آپ کی کوششوں کا حصہ بن سکتے ہیں اور ساتھ ہی کہا کہ وہ انتظامیہ کے ساتھ ہر قسم کا تعاون کرنے کے لیے تیار ہیں تاکہ ممبئی کے رہنے والوں کو مناسب سہولیات فراہم کی جائیں

بھارتی میڈیا رپورٹس کے مطابق شاہ رخ اور ان کی اہلیہ گوری خان اپنی 4 مختلف کمپنیوں سماجی تنظیم میر فاؤنڈیشن، کرکٹ ٹیم کولکتا نائٹ رائڈرز، ریڈ چلی انٹرٹینمینٹ اور ریڈ چلی وی ایف ایکس کے تحت مرکزی و ریا ستی حکومت سمیت شہری حکومت اور عام افراد کی مدد کر رہے ہیں

واضح رہے کہ اس سے قبل سلمان خان نے بھی بالی وڈ کے پچیس ہزار یومیہ اجرت کے ملازمین کی مالی امد اد کرنے کا اعلان کیا تھا سلمان خان اور شاہ رخ خان کے علاوہ اکشے کمار اور امیتابھ بچن سمیت دیگر کئی با لی وڈ شخصیات نے بھی کورونا وائرس سے نمٹنے کے لیے لاکھوں روپے امداد کا اعلان کیا ہے

بھارت میں لاک ڈاؤن، سلمان خان کا فلم انڈسٹری کے 25 ہزار مزدوروں کی مدد کا اعلان

معروف گلوکارشہزاد رائے نے اپنے ڈاکٹر مداح کی خواہش پوری کرتے ہوئے اُن کے لیے اپنا مشہور گانا آگ گایا جس کی ویڈیو اُنہوں نے سوشل میڈیا پر شیئر کردی

باغی ٹی وی : چند روز قبل معروف گلوکار شہزاد رائے نے اپنے مداحوں کے لیے اپنا 12 سال پرانا گانا ایک بار گایا تھا جس کی ویڈیو انہوں نے ٹوئٹر پر شیئر کی تھی؟

Ek baar keh do, tumhey pyaar hai na pic.twitter.com/0RgEcQl3Af

— Shehzad Roy (@ShehzadRoy) March 31, 2020

شہزاد رائے کے اس گانے کے بعد اُن کے ایک مداح ڈاکٹر کامران نے اُن سے فرمائش کرتے ہوئے ٹوئٹ کیا تھا کہ مہربانی کرکے گانا یہ جو آگ ہے، تیری یادوں میں جلا رہی میرا دل گالیجئے جس کے جواب میں گلوکار شہزاد رائے نے لکھا کہ اسے سر آپ کیا ڈاکٹر ہیں آپ جو کہیں گے گا دوں گا بلکہ ڈانس بھی کر دوں گا

Aray sir aap kya doctor hai? Aap jo kahaingay ga doon ga , balkay dance bhi kar doonga https://t.co/4sNZv4f7pD

— Shehzad Roy (@ShehzadRoy) March 31, 2020

شہزاد رائے نے اپنی اس ویڈیو میں گانا شروع کرنے سے پہلے کہا کہ ڈاکٹر کامران آپ نے ٹوئٹر پرفرمائش کی تھی کہ آگ آپ کا پسندیدہ گانا ہے اور میں یہ گانا آپ کے لیے گاؤں تو میں آپ کی فرمائش کو پورا کرتے ہوئے یہ گانا آپ کے لیے گا رہا ہوں

I feel so happy to sing Aag to fulfill a request by Dr kamran @dr_m_kamran who works at Children’s Hospital & Institute of Child Health,Lahore. You guys are literally saving the world. Here you go:”Yeh jo aag hai” from my living room. Watch full song here https://t.co/MAWYiRk8iz https://t.co/t0Ms8dhHHe pic.twitter.com/M8QSPyPodE

— Shehzad Roy (@ShehzadRoy) April 5, 2020

گلوکار نے یہ ویڈیو ٹوئٹر پر شیئر کرتے ہوئے لکھا کہ مجھے ڈاکٹر کامران جو جو چلڈرن ہاسپٹل اور انسٹی ٹیوٹ آف چلڈرن ہیلتھ ، لاہور میں کام کرتے ہیں ان کی یہ خواہش پوری کرنے کے لیے آگ گا کر بہت زیادہ خوشی ہوئی ہے

شہزاد رائے نے لکھا کہ آپ ہی وہ لوگ ہیں جو پوری دُنیا کو بچا رہے ہیں