Category: شوبز

انگلینڈ میں گزشتہ برس مقابلہ حسن جیتنے والی 24 سالہ مس انگلینڈ بھاشا مکھرجی نے کورونا وائرس کے مریضوں کا علاج کرنے کے لیے واپس ڈاکٹری کا پیشہ اختیار کرلیا

باغی ٹی وی : انگلینڈ میں گزشتہ برس مقابلہ حسن جیتنے والی 24 سالہ مس انگلینڈ بھاشا مکھرجی نے کورونا وائرس کے مریضوں کا علاج کرنے کے لیے واپس ڈاکٹری کا پیشہ اختیار کرلیا انگلینڈ کے شہر ڈربی میں رہائش پذیر بھاشا نے بوسٹن کے ایک اسپتال میں جونیئر ڈاکٹر کی حیثیت سے اپنی نوکری کا آغاز کیا تھا اور اب وہ ایک پروفیشنل ڈاکٹر ہیں انہوں نے دو مختلف میڈیکل ڈگری حاصل کی ہیں جن میں میڈیکل سائنس اور سرجری اینڈ میڈیسن شامل ہیں علاوہ ازیں بھاشا مکھرجی نے سانس کی بیماریوں سے متعلق خصوصی کورس بھی کر رکھا ہے
https://www.instagram.com/p/B-Hr4eXnaOZ/?igshid=18lewipsb98vw
ڈاکٹری کے پیشے کو چھوڑ کر مقابلہ حسن میں حصہ لینے والی بھارتی نژاد برطانوی بھاشا مکر جی نے دسمبر 2019 میں مس انگلینڈ کا اعزاز حاصل کیا تھا جس کے وہ فلاحی اداروں کے ساتھ منسلک ہو گئیں تاہم اب کورونا وبا کے بڑھتے ہوئے کورونا کے مریضوں کے پیش نظر انہوں نے واپس اپنا پیشہ اختیار کرنے کا فیصلہ کیا ہے

غیر ملکی نشریاتی ادارے سی این این سے بات کرتے ہوئے بھاشا مکھرجی نے بتایا کہ انہوں نے 24 مارچ کو اپنے سابق ساتھی ڈاکٹرز سے رابطہ کیا اور وہاں کی صورتحال سے متعلق معلومات حاصل کیں جنہوں نے انہیں بتایا گیا کہ وہ انتہائی دباؤ اور مشکل حالات میں کام کر رہے ہیں
https://www.instagram.com/p/B8OZtiDnJXy/?utm_source=ig_embed
بھاشا مکھرجی کا کہنا تھا کہ انہوں نے ساتھی ڈاکٹرز سے بات کرنے کے بعد اپنے پرانے ہسپتال کی انتظامیہ سے بات کی اور انہیں بتایا کہ وہ واپس آکر بطور ڈاکٹر خدمات سر انجام دینا چاہتی ہیں،کیوںکہ بطور ایک ڈاکٹر ان کی ذمہ داری ہے کہ وہ مشکل وقت میں اپنے ملک کے لوگوں کی خدمت کریں جس پر سابق ہسپتال انتظامیہ نےانکے فیصلے کا خیرمقدم کرتے ہوئے واپس اپنا چارج سنبھالنے کی ذمہ داری دے دی

جسکے بعد مس انگلینڈ برطانوی ہائی کمیشن کی مدد سے براستہ جرمنی لندن پہنچیں اور اس وقت وہ 2 ہفتوں کا قرنطینہ کی مدت پوری کر رہی ہیں اور جلد ہی وہ بطور ڈاکٹر انگلینڈ کے ایک ہسپتال میں خدمات سر انجام دیں گی

کرونا وائرس نے دنیا ہی بدل کررکھ دی ،اقراء عزیزاوریاسرحسین نے گھرمیں درزیوں کا کام شروع کردیا

پاکستانی معروف گلوکار سلمان احمد کا کہنا ہے کہ نیو یارک کی صورتحال بدترین ہے لواحقین مرنے والوں کی آکری رسومات ادا کرنےاور جنازوں میں شرکت کرنے سے احتیاط برت رہے ہیں اتنی قبریں ہیں کہ قبر نکالنے کی باری نہیں آ رہی چار چار دن سے لوگ انتظار کر رہے ہیں

باغی ٹی وی : سماجی رابطے کی ویب سائٹ ٹوئٹر پر گلوکار سلمان احمد کی جانب سے ایک منٹ اور 5 سیکنڈ پر مشتمل ویڈیو شئیر کی گئی ہے جس میں ویڈیو بنانے والے نے برہمی اور افسوس کا ملے جُلے ردعمل کا اظہار کرتے ہوئے بتایا ہے کہ کورونا کے خوف کے باعث لواحقین جنازے میں شرکت سے احتیاط برت رہے ہیں

To God we belong & to God we shall return. pic.twitter.com/WpZEb4N6Ar

— Salman Ahmad (@sufisal) April 6, 2020

ویڈیو بنانے والا کہہ رہا ہے کہ ایک بیٹا نیویارک میں رہتے ہوئے بھی اپنے باپ کے جنازے پر شرکت کرنے نہیں آیا

انہوں نے بتایا کہ یہاں تین جنازے پڑھائے گئے جس میں لواحقین نے یہ کہتے ہوئے شرکت کرنے سے انکار کیا کہ آپ لوگ ہمیں ویڈیو بنا کر بھیج دیں

ویڈیو میں بتایا گیا ہے کہ اتنی قبریں ہیں کہ قبر نکالنے کی باری نہیں آ رہی چار چار دن سے لوگ انتظار کر رہے ہیں

سلمان احمد نے ویڈیو شئیر کرتے ہوئے لکھا کہ ہم خدا کے ہیں اور خدا کی طرف ہی لوٹنا ہے

سلمان احمد کا اپنے سوشل میڈیا پیغام میں کہنا ہے کہ نیویارک میں قیامت خیز مناظر دیکھنے میں آرہے ہیں انہوں نے بتایا کہ یہاں کی سڑکیں سنسان اور اسپتالوں میں ہر طرف لاشیں ہی لاشیں ہیں

پاکستان کے نامور مصنف اور میزبان انور مقصود کا کہنا ہے کہ میں ٹی وی چینلز سے درخواست کرتا ہوں کہ اس وقت اس قسم کے اشتہارات نشر نہ کیے جائیں پاکستان میں اس وقت بہت سے افراد ایسے ہیں جن کے گھروں میں کھانے کے لیے کچھ بھی موجود نہیں

باغی ٹی وی : پاکستان کے نامور مصنف اور میزبان انور مقصود نجی ٹی وی چینل ڈان کو دیے ایک انٹرویو میں دنیا بھر میں پھیلی وبا کورونا کے حوالے سے بات کی

اپنے انٹر ویو میں انور مقصود کا کہنا تھا کہ مجھے آج کل ٹی وی پر کھانے پکانے کے تیل کے اشتہارات دیکھ کر بہت افسوس ہوتا ہے ان اشتہارات میں لوگ بہترین پکوان تیار کرتے نظر آتے ہیں میں ٹی وی چینلز سے درخواست کرتا ہوں کہ اس وقت اس قسم کے اشتہارات نشر نہ کیے جائیں پاکستان میں اس وقت بہت سے افراد ایسے ہیں جن کے گھروں میں کھانے کے لیے کچھ بھی موجود نہیں

انور مقصود نے کہا کہ میں نے اپنی زندگی میں جنگیں اور سیاسی انتشار بھی دیکھا تاہم موجودہ وقت کو سب سے بدترین قرار دیتے ہوئے
ان کا کہنا تھا کہ میں نے اس سے بدترین وقت نہیں دیکھا پوری دنیا صرف ایک چھینک اور کھانسی کے ڈر سے گھروں میں محصور ہیں

انور مقصود نے کہا کہ لیکن ہمیں سمجھنا چاہیے پوری دنیا میں ہی لاک ڈاؤن نافذ ہے عبادت گاہیں بند کی جارہی ہیں تو پھر مساجد کیسے بند نہیں ہوں گی؟ ہمارے گھروں کے دروازے کیسے بند نہیں ہوں گے؟ اگر ہم ابھی خیال کرلیں گے تو سب کچھ جلد دوبارہ کھل جائے گا

جب ان سے لاک ڈاؤن کے باعث مقامی سینما اور ٹی وی کے متاثر ہونے پر بات کی گئی کہ ٹی وی سینما بند ہو گئے ہیں لاک ڈاؤن کے باعث شوٹنگز منسوخ ہو گئیں ہیں تو انہوں نے اس پر نہایت مزاحیہ انداز میں ردعمل دیتے ہوئے کہا کہ کہ ٹی وی اور سینما کا بند ہونا یقیناً بہترین ہے لاک ڈاؤن کے باعث نئی پروڈکشن نہیں ہوگی میرے خیال میں یہی ہے جو ہمارے ٹی وی اور سنیما کے لئے بہترین ہے ان کے لئے ، واقعی ، جوانی پھر نہیں آنی

نور مقصود قرنطینیہ کا وقت کس طرح گزار رہے ہیں؟ اس سوال کا جواب دیتے ہوئے انہوں نے بتایا کہ میں اپنی صحت کا خیال رکھ رہا ہوں پینٹنگ کررہا ہوں اور نئے نئے پکوان بنانا سیکھ رہا ہوں

کیا آپ موجودہ دور کے حالات کے بارے میں نہیں لکھ رہے؟ اس سوال پر انور مقصود نے کہا کہ شاید میں ، ایک بار یہ سب ختم ہوجانے کے بعد کچھ لکھوں ، ایک بار جب میں ان اوقات پر غور کرنے کے قابل ہوجاؤں ابھی فی الحال ، اگرچہ ، میں نہیں لکھنا چاہتا

انہوں نے کہاکہ اس مشکل وقت میں لوگ خدا کی طرف رجوع کررہے ہیں اسکے باوجود ، گروسری اسٹوروں میں ذخیرہ اندوزی اور ضرورت سے زیادہ مال چارج کرنے سے بنیادی انسانیت کی تردید ہوتی ہے یہاں تک کہ اگر میں اسکے بارے میں کچھ مزاحیہ لکھنے کی کوشش کر بھی لوں تو شاید اسے پڑھ کر ہنسی نہیں آئے گی

انور مقصود نے کہا یقیناً ان پریشان کن اوقات میں ، لطیفے اور لطیفے ریمارکس آسان نہیں ہوتے ہیں چاہے آپ انور مقصود ہی کیوں نہ ہوں

نیک عمل کی تشہیر کرنے کوسستی شہرت قرار دینا صحیح نہیں، سلمان ثاقب شیخ عرف مانی

کیا پاکستان کی میوزک، سینما انڈسٹری اور آئی ایس پی آر ناکام ہو گئے؟

بالی وڈ معروف فلم اسٹار ہریتھیک روشن نے لاک ڈاؤن کے دوران اپنے بیٹے کو شطرنج کھیلنےکے کچھ اُصول بتادئیے

باغی ٹی وی : گزشتہ روز بالی وڈ فلم اسٹار ہریتھیک روشن نے انسٹاگرام پر ایک تصویر شیئر کی جس میں اداکار کا بیٹا شطرنج کھیل رہا ہے ہریتھیک روشن نے اپنی اس پوسٹ کے کیپشن میں ترتیب سے شطرنج میں کامیابی کے کچھ اُصول بتائے
https://www.instagram.com/p/B-pEYnLHWNf/?utm_source=ig_embed
بالی ووڈ اداکار نے لکھا کہ سب سے پہلے ہمیں اپنی پوری توجہ کھیل پر دینی ہے اُس کے بعد اپنا ایک مقصد بنانا ہے اور پھر میں جو اُصول بتارہا ہوں ان پر عمل کرنا ہے سب سے آگے بڑھنے کے لیے کچھ منصوبے بنایئے

ہر چال کے لیے تیار رہیں

آپ کو اپنے مقصد میں کامیاب ہونے کے لیے کچھ قربانیاں بھی دینی پڑسکتی ہیں اوریہ ٹھیک ہیں

آپ کے ہر اقدام سے آپ کو فائدہ اور نقصان ہوگا

غلطیاں کرنے سے شطرنج کے کھلاڑیوں کی جانیں بھی جاسکتی ہیں

آپ اپنے مقاصد دورہی سے بنائیں

بہت قریب سے مت بڑھو

اپنی اور اپنے خاندان کی حفاظت کریں

کھیل کے دوران گھبرانا نہیں ہے

یہ صرف ایک کھیل نہیں ہے بلکہ اس سے زندگی گُزارنے کا طریقہ معلوم ہوتا ہے

اور کھیل شروع کرنے سے پہلے اپنے ہاتھوں کو لازمی دھوئیں

بھارتی اداکار نے آخر میں لکھا کہ میرے خیال میں ہماری زندگی میں ہر قسم کی جنگوں کے لئے اصول ایک جیسے ہی رہتے ہیں

اُنہوں نے لکھا کہ آیئے یہ جیتیں

پاکستان شوبز انڈسٹری کی اداکارہ میرا جی نے ایک ویڈیو شیئرکی جس میں انہوں نے کہا کہ ہم بچوں سے بھی بہت کچھ سیکھ سکتے ہیں

باغی ٹی وی : پاکستان شوبز انڈسٹری کی معروف سینئیر اداکارہ میرا جی نے سماجی رابطے کی ویب سائٹ انسٹا گرام پر ایک ویڈیو شئیر کی جس میں وہ ٹریمپولین پر بچوں کے ساتھ اچھل کود رہی ہیں ویڈیو کے کیپشن میں انہوں سوالیہ انداز اپناتے ہوئے لکھا کہ کون کہتا ہے کہ ہم بچوں سے کچھ نہیں سیکھ سکتے؟
https://www.instagram.com/p/B-m38UQj9tm/?igshid=im9yjh1kdory
اداکارہ نے لکھا کہ ایک انتہائی فکر انگیز سبق جو مجھے کورونا نے سکھایا وہ یہ ہے کہ بچے مستقبل کے معمار ہیں ہم ان سے بہت کچھ سیکھ سکتے ہیں جیسا کہ میں نے 6 سالہ عالیہ سے شکست کھانے کے بعد بہت کچھ سیکھا

اداکارہ نے نئی دنیا کا خیر مقدم کرتے ہوئے لکھا کہ وہ خود ساختہ تنہائی میں معیاری کام کرکے اپنے اہل خانہ کے ساتھ ایک بہترین وقت گزار رہی ہیں

میرا جی نے لکھا کہ ہم نے اپنے گھر کے پچھلے حصے کو جم بنایا ہوا ہے جس کی ہم خود صفائی کرتے ہیں

سنئیر اداکارہ نے لکھا کہ مثبت اہداف صحت مند رویوں کے ساتھ میں بچوں کے ساتھ کھیلنا سیکھ رہی ہوں اور میں زندہ رہنے کا طریقہ سیکھ رہی ہوں

اسلام کی خاطر شوبز کو خیر باد کہہ دینے والے پاکستانی اداکار فیروز خان کی بہن پاکستانی گلوکارہ دُعا ملک نے کُن فیکون پر مشتمل اپنی پینٹنگ کی تصویر سوشل میڈیا پر شیئر کردی

باغی ٹی وی : پاکستان شوبز انڈسٹری کی معروف گلوکارہ دُعا ملک نےسوشل میڈیا ویب سائٹ انسٹاگرام پر اپنی ایک تصویر شیئر کی دُعا ملک کی جانب سے شیئر کی جانے والی تصویر میں اُنہوں نے اپنے ہاتھ میں ایک پینٹنگ پکڑی ہوئی ہے جس پر قرآنی لفظ ’کُن فیکون‘ لکھا ہے اور یہ خطاطی دعا ملک نے خود بنائی ہے
https://www.instagram.com/p/B-p2DjdDecX/?utm_source=ig_embed
انہوں نے اپنی اس پوسٹ کے کیپشن میں لکھا کہ اس کے صرف الفاظ ہیں جو ہم بغیر کسی خوف کے جج کئے پینٹ کر سکتے ہیں وہ کُن کہتا ہے اور کائنات تخلیق ہوجاتی ہے ہمارے ان چھوٹے چھوٹے مسائل کی کیا حیثیت ہے؟

واضح رہے کہ گذشتہ ماہ دُعا ملک نے اپنےایک انٹرویو میں کہا تھا کہ وہ اپنی آنے والی زندگی کو اسلام کی راہ میں وقف کرنا چاہتی ہیں اور انہیں امید ہے کہ بھائی فیروز خان اور ان کے اعلان کے بعد بہت جلد ان کی بہن اداکارہ حمائمہ ملک بھی ایسا ہی اعلان کریں گی

بالی ووڈ کے مشہور اداکار ارشد وارثی کا کورونا کے حوالے سے جھوٹی اور بے بنیاد خبریں پھیلانے پر برہمی کا اظہا ر کرتے ہوئے کہنا ہے کہ بھارت میں بیوقوفی کی بیماری خطرناک حد تک بڑھ رہی ہے جسے روکنا مشکل ہو گیا ہے بے وقوفوں کے علاج سے متعلق بھی کچھ ڈھونڈنے کی ضرورت ہے

باغی ٹی وی : گذشتی روز سماجی رابطے کی ویب سائٹ ٹویٹر پر بھارتی اداکار ارشد وارثی نے موجودہ حالات سے متعلق لکھا کہ یقین ہے ماضی میں پھیلنے والی وبا اور بیماریوں کے علاج کی طرح کورونا وائرس کا علاج بھی ڈھونڈ لیا جائے گا تاہم بھارت میں اس وقت بیوقوفی علاج بھی ڈھونڈنے کی ضرورت ہے یہ بیماری ہمارے ملک میں کنٹرول سے باہر ہو گئی ہے

Just like previous pandemics, I am sure we will find the cure for Corona, what we need to do is find a cure for stupidity, it is out of control in our country.

— Arshad Warsi (@ArshadWarsi) April 6, 2020

اپنے ایک اور ٹویٹ میں انہوں نے بھارت میں شہریوں سے غلط اور جھوٹی خبروں کو نہ پھیلانے کی بھی درخواست کی اور کہا کہ ہمارے سائبر ڈیپارٹمنٹ کی اس حوالے سے مدد کریں

It’s my humble request to please stop spreading fake news & help our cyber department. 🙏🏼 https://t.co/B4rI27SZuV

— Arshad Warsi (@ArshadWarsi) April 6, 2020

اداکار نے مزید کہا کہ اپنے لئے اپنی فیملی کے لئے اور اپنے اردگرد لوگوں کی حفاظت کے لئے باہر نہ نکلیں گھروں میں رہیں

For yourself, for your family & for the safety of fellow Indians, DO NOT STEP OUT, PLEASE STAY HOME 🙏🏼

— Arshad Warsi (@ArshadWarsi) April 7, 2020

بھارتی معورف گلوکارہ کنیکا کپور نے کورونا کو شکست دے دی

باغی ٹی وی : بھارتی معروف گلوکارہ کنیکا کپور میں گزشتہ ماہ کورونا وائرس کی تشخیص ہوئی تھی جس کے بعد انہیں علاج کے لیے لکھنؤ کے ہسپتال میں داخل کیا گیا تھا علاج کے بعد دوبارہ ان کا کورونا کا ٹیسٹ کیا گیا جس کے نتائج منفی آگئے جس کے بعد گلوکارہ کو ہسپتال سے گھر بھیج دیا گیا بھارتی میڈیا رپورٹس کے مطابق ڈاکٹدز کا کہنا تھا کہ گلوکارہ اس وقت گھر جا سکتی ہیں جب ان کے ٹیسٹ منفی آ جائیں

رپورٹس کے مطابق اس حوالے سے ہسپتال میں گلوکارہ کے دو بار کورونا ٹیسٹ کیے گئے پہلے ٹیسٹ کے منفی نتائج ہفتے کو سامنے آئے جس کے بعد ان کا دوبارہ ٹیسٹ کیا گیا اور خوش قسمتی سے اس کے تنائج بھی منفی آئے کنیکا کپور اب تک 6 بار کورونا کا ٹیسٹ کروا چکی ہیں جن میں سے چار کے نتائج مثبت آئے تھے جبکہ اب دو کے تنائج منفی آئے ہیں

خیال رہے کہ کنیکا کپور میں کورونا کی تشخیص گزشتہ ماہ اس وقت ہوئی جب وہ برطانیہ سے ممبئی واپس آئیں انہوں نے خود انسٹاگرام پر ایک پوسٹ کے ذریعے اعلان کیا تھا کہ ان میں کورونا وائرس کی تشخیص ہوئی ہے بھارتی گلوکارہ پر سفری تاریخ خفیہ رکھنے کا الزام بھی لگایا گیا تھا جبکہ کورونا کی تشخیص سے قبل کئی تقریبات کا حصہ بننے کے باعث بھی انہیں شدید تنقید کا سامنا کرنا پڑا اور اس لاپرواہی پر گلوکارہ کنیکا کپور کے خلاف 3 ایف آئی آر بھی درج کروائی گئیں تھیں

پاکستان شوبز انڈسٹری کی معروف اداکارہ مایا علی نے کچھ عرصے کے لیے سوشل میڈیا سے دوری اختیار کرلی ہے

باغی ٹی وی :پاکستان شوبز انڈسٹری کی معروف اداکارہ مایا علی نے کچھ عرصے کے لیے سوشل میڈیا سے دوری اختیار کرلی ہے جس کااعلان اداکارہ نے سوشل میڈیا پر کیا گز شتہ روز معروف اداکارہ مایا علی نے انسٹاگرام پر اپنی ایک تصویر شیئرجس کے کیپشن میں انہوں نے لکھا کہ سب کو میرا سلام اُمید کرتی ہوں کہ آپ سب بالکل ٹھیک ہوں گے اور قرنطینہ میں بہترین وقت گُزاررہے ہوں گے
https://www.instagram.com/p/B-o1XMonUhe/?utm_source=ig_embed
مایا علی نے لکھا کہ میں جانتی ہوں کہ ہر ایک شخص کورونا کے اس مشکل معاملات سے اپنے طریقے سے نمٹ رہا ہے لیکن جیسا کہ میں پہلے بھی یہ بات کہہ چکی ہوں کہ ہمیں ہمیشہ ایک امید رہتی ہے اور ابھی بھی یہ ہی امید ہے کہ انشااللہ تعالی یہ وقت بھی گزر ہی جائے گا

اداکارہ نے لکھا کہ میں کچھ دن کے لیے سوشل میڈیا سے ایک چھوٹا سا وقفہ لینے جارہی ہوں اس مشکل گھڑی سے ہر ایک شخص اپنے طریقے سے نمٹنے کی کوشش کررہا ہے سب کو دیکھتے ہوئے میں نے بھی سوچا کہ اندرونی امن تلاش کرنے اور میرا اپنے پورے نظام کو دوبارہ بہتر طریقے سے ترتیب دینے کا یہ بہترین وقت ہے

انہوں نے لکھا کہ میں اللہ تعالی کے تمام احسانات کی شکر گزار ہوں مایا علی نے کہا کہ بعض اوقات ایسا ہوتا ہےکہ ہم اللہ تعالی کی دی ہوئی نعمتوں کے بارے میں سوچتے اور گنتے ہیں

مایا علی نے لکھا کہ میری ٹیم اسی طرح راشن کی تقسیم کرتے رہے گی اور میں ہر اُس شخص کی مشکور ہوں جس نے اس نیک کام میں ہمارے ساتھ تعاون کیا

اُنہوں نے لکھاکہ یہ کام اُس وقت تک ختم نہیں ہونا چاہیے جب تک کہ سب کچھ پہلے جیسا نہ ہوجائے مایا علی نے اپنے مداحوں سے محبت کا اظہار کرتے ہوئے لکھا کہ اپنے لیے اور اپنے پیاروں کے لیے محفوظ رہیں اور آپ سے جلد ہی بات ہوگی

اگر وقت پہلے جیسا نہیں رہا تو انشاءاللہ ایسا بھی نہیں رہے گا مایا علی