Category: شوبز

معروف اداکارہ اقرا عزیز حسین نے کہا کہ مرحومہ والدہ کی ساڑھی پہن کریاسر حسین کو حیران کردینا چاہتی تھی

باغی ٹی وی کی رپورٹ کے مطابق معروف اداکارہ اقرا عزیز حسین نے کہا کہ مرحومہ والدہ کی ساڑھی پہن کریاسر حسین کو حیران کردینا چاہتی تھی
https://www.instagram.com/p/B8qUZgHHSKV/?igshid=11pxi35wle17v
اقرا نے اپنی ساس کی ساڑھی پہن کر سماجی رابطے کی ویب سائٹ انسٹا گرام پر تصویر شئیر کی جس میں ان کے ہمراہ ان کے شوہر یاسر حسین بھی ہیں اقرا عزیز حسین نے کیپشن میں لکھا کہ میں چاہتی تھی کہ میں یاسر کی والدہ کی ساڑھی پہن کر ان کو حیران کردوں

انہوں نے کہا کہ میرا خیال ہے میں یاسر کو خوش کرنے میں کامیاب ہوگئی علاوہ ازیں انہوں نے ڈیزائنر نومی انصاری کو شادی کے ڈنر کے لیے بھی شکریہ ادا کیا اور لکھا بہت شکریہ شادی کے اتنے لذیذ ترین ڈنر کے لئے

اقرا عزیز نے ایک اور یاسر حسین کے ہمراہ اپنی ایک تصویر شیئر کی جس میں یاسر ان کی طرف دیکھ کر کوئی بات کررہے ہیں اور ہنس رہی ہیں اقرا نے اس پوسٹ کے کیپشن میں ہیش ٹیگ خوشی لکھا
https://www.instagram.com/p/B8qWMs3HmaA/?igshid=1koe4ihvrvjal
اقرا نے اپنی اور یاسر کی ایک تصویر شیئر کی جس کے کیپشن میں انہوں نے اسٹرنگ بینڈ کے گانے دورکے بول لکھے

دیکھیں مجھے جب وہ آنکھیں ، میں کھو جاؤں ان آنکھوں کے رستے

میں اس کے دل میں سماؤں ، کچھ کہہ نہ پاؤں اس میں

کچھ سن نہ پاؤ، اس کے بنا میرا جیون ، جیسے کوئی سونا گاؤں
https://www.instagram.com/p/B8syEd9no-8/?igshid=lg4cdo03ia0o

اقرا نے انسٹا گرام سٹوری پر بھی ڈنر پر لی گئیں اپنی تصاویر شئیر کیں جس میں اقرا اور یاسر کے ساتھ معروف ڈیازائنر نومی انصاری بھی ہیں

دوسری جانب یاسر حسین نےانسٹاگرام پر اپنی اور اقرا کی ایک تصویر شیئر کی تھی اور کیپشن میں اقرا عزیز کو مخاطب کرتے ہوئے لکھا کہ آپ نے اپنی مرحومہ ساس کی ساڑھی پہن کر میرا دل جیت لیا اور یاسر نے اقرا سے محبت کا اظہار بھی کیا
https://www.instagram.com/p/B8qcKUzDyfA/?igshid=1mgh7woi9zj5
یاسر حسین نے ایک اور تصویر شئیر کی اور کیپشن مین لکھا کہ آپ کی بیوی خوش ہونی چاہیئے بس باقی سب ہاں سب جائیں بھاڑ میں
https://www.instagram.com/p/B8qHJfPjQQw/?igshid=wriqjtsthpds

بھارتی فلم اسٹار کرینہ کپور خان کے بالی وڈ کی میں 20 سال مکمل ہوگئے کرینہ کپور نے کہا میں عامر خان کا بہت احترام کرتی ہوں اور مجھے ان کے ساتھ کام کرنا اچھا لگتا ہے

سال 2000 میں فلم ریفیوجی سے بالی ووڈ میں اپنے فلمی کرئیر کا آغاز کرنے والی اداکارہ کرینہ کپور خان کے فلم انڈسٹری میں 20 سال مکمل ہوگئے ہیں

اس موقع پر بھارتی میڈیا کو دیئے گئے انٹر ویو میں کرینہ کپور نے خوشی کا اظہار کرتے ہوئے کہا کہ فلمی دنیا میں 20 سال پورے ہونے پر وہ بہت زیادہ خوش ہیں

انہوں نےکہا کہ میں چاہتی ہوں کہ میں ساری زندگی اپنا کام جاری رکھوں لیکن میرے لیے پوری زندگی اداکاری جاری رکھنا مشکل ہے کیونکہ لوگ کہتے ہیں کہ اداکاراؤں کے پاس خود غرض زندگی ہوتی ہے

بالی ووڈ میں میری دو دہائی گزری ہیں اور اسی دوران میری شادی ہوئی میں ایک بیٹے کی ماں بنی اور اس سب میں لوگوں نے مجھے پیار دیا مداحوں کا شکریہ ادا کرتے ہوئے اداکارہ نے کہا کہ میرے مداحوں نے ہمیشہ میرا ساتھ دیا اور میں آج جو کچھ بھی ہوں اپنے مداحوں کی وجہ سے ہوں اس پر میں ان کا جتنا شکر ادا کروں گی اتنا کم ہے

کرینہ کپور نے اپنے شوہر سیف علی خان کے حوالے سے کہا کہ میرے شوہر سیف علی خان کبھی مجھ سے یہ نہیں پوچھتے کہ کون سی فلم کر رہی ہو یا کون سی فلم نہیں کر رہی ہو وہ میرے ہر فیصلے میں میرا ساتھ دیتے ہیں

واضح رہے کہ کرینہ کپور ان دِنوں بھارتی فلم لال سنگھ چڈھا کی شوٹنگ میں مصروف ہیں اس فلم میں کرینہ کپور اور اداکار عامر خان مرکزی کردار ادا کریں گے

فلم کے حوالے سے کرینہ کپور کا کہنا تھا کہ کاش مجھے ہمیشہ اپنے ساتھی اداکار عامر خان کے ساتھ ہی کام کرنے کا موقع ملے میں عامر خان کا بہت احترام کرتی ہوں اور مجھے ان کے ساتھ کام کرنا اچھا لگتا ہے

آئے دن سوشل میڈیا پر ایسی طرح طرح کی انوکھی اور دلچسپ ویڈیوز وائرل ہوتی ہیں جنھیں دیکھ کر کوئی بھی حیران ہو کر داد دیئے بغیر نہیں رہ سکتا اور ایسی ویڈیوز لوگوں کو خوب محفوظ کرتیں ہیں

باغی ٹی وی کی رپورٹ کے مطابق گذشتہ روز سے سوشل میڈیا ویب سائٹ ٹوئٹر پر ایک ایسی ڈانس کی ویڈیو وائرل ہو رہی ہے جس نے ہر دیکھنے والے کو حیران کردیا ہے جسے لوگ سراہے بغیر نہیں رہ سکے اور داد دینے پر مجبور ہو گئے

سماجی رابطے کی ویب سائٹ ٹوئٹر پر پربھاسینی نامی صارف نے ایک ویڈیو شیئر کی جس میں چار لڑکوں پر مشتمل ایک گروپ بالی ووڈ کے گانے منہ کالا مقابلہ پر ڈانس کر رہے ہیں اور یہ ویڈیو دیکھتے ہی وائرل ہو گئی سوشل میڈیا پر اس ویڈیو کے وائرل ہونے کی وجہ ان لڑکوں کے ڈانس کی مہارت ہے جس نے ہر دیکھنے والے کو اس شش و پنج میں ڈال دیا ہے کہ آخر کس طرح یہ لوگ یہ رقص کر رہے ہیں
https://twitter.com/cinnabar_dust/status/1229088152473817093?s=19
پربھاسینی اپنی اس ویڈیو کے کیپشن میں لکھا ہے کہ مجھے یقین ہے کہ میں آپ سے شرط لگاتا ہوں آپ ا س ویڈیو کا آخری فریم دیکھنے کے لیے بار بار یہ ویڈیو دیکھیں گے

بھارتی اداکارہ شروتی سیٹھ نے اس ویڈیو کی تعریف کرتے ہوئے لکھا کیا کہ واہ بہت شاندار

Woahhhhh
Brilliant!!!! https://t.co/XWWtpxE0md

— Shruti Seth (@SethShruti) February 17, 2020

ایک ٹویٹر صارف ویویک اگنی ہوتری نے ویڈیو شئیر کرتے ہوئے کیپشن میں لکھا کہ انڈین نوجوان بہت زیادہ تخلیقی ہیں اس کا آخری فریم آپ بار بار دیکھنا چاہیں گے
https://twitter.com/vivekagnihotri/status/1229339117894488064?s=19
ایک صارف آتش نے لکھا ہے کہ میں نے اسے سمجھنے کے لیے تین بار دیکھا ہے

جبکہ ایک ٹویٹر صارف الطاف نے لکھا ہے کہ 41 سیکنڈ کی یہ ویڈیو بالی وڈ موویز سے زیادہ تخلیقی ہے

ایک صارف ڈاکٹر ہریش نے لکھا ہے کہ انہوں نے یہ ویڈیو پندرہ بار سے زیادہ دیکھی لیکن وہ اسے سمجھ نہیں پائے کہ سر کس کا ہے

ایک صارف نے لکھا ہے کہ میں نے اِس ویڈیو میں کی جانے والی آخری مہارت کو جاننے کے لیے 5 سے 6 بار یہ ویڈیو دیکھی ہے لیکن میں معلوم نہیں کر سکا

اللہ تعالی مارنے والی مما نہیں بناتے سوشل میڈیا پر وائرل ہونے والی ننھے شایان کی دلچسپ ویڈیو

بالی وڈ کی معروف اداکارہ سونم کپور نے بھارتی انتہا پسند تنظیم آر ایس ایس کے چیف موہن بھگوت کو ان کی جانب سے طلاق پر دئیے ایک بیان کی وجہ سے شدید تنقید کا نشانہ بناتے ہوئے آڑے ہاتھوں لیا

باغی ٹی وی کی رپورٹ کے مطابق بالی وڈ کی معروف اداکارہ سونم کپور نے بھارتی انتہا پسند تنظیم آر ایس ایس کے چیف موہن بھگوت کو ان کی جانب سے طلاق پر دئیے ایک بیان کی وجہ سے شدید تنقید کا نشانہ بناتے ہوئے آڑے ہاتھوں لیا اور اسے بیوقوف قرار دیا

سماجی رابطے کی ویب سائٹ ٹویٹر پر ہندوستان ٹائمز نے موہن بھگت کی تقریر کا کچھ حصہ ٹویٹ کیا جس میں موہن بھگت اپنے کارکنان سے خطاب کرتے ہوئے کہا کہ آج کل طلاق کے کیسز کی شرح میں بہت زیادہ اضافہ ہوگیا ہےلوگ معمولی باتوں پر لڑتے ہیں طلاق اب زیادہ تر ان خاندانوں میں ہورہی ہے جہاں لوگ زیادہ تعلیم یافتہ ہوجاتے ہیں تعلیم اور دولت لوگوں میں تکبر لاتی ہے اور اس ہی وجہ سے خاندان تباہ ہوجاتے ہیں

Which sane man speaks like this? Regressive foolish statements https://t.co/GJmxnGtNtv

— Sonam K Ahuja (@sonamakapoor) February 16, 2020

آر ایس ایس کے چیف کے مطابق بھارت میں ہندو معاشرے کے علاوہ کوئی اور آپشن نہیں اور ہندو معاشرے کے لوگوں کے پاس ایک فیملی کی طرح ساتھ رہنے کے علاوہ کوئی دوسرا انتخاب نہیں ہوسکتا

موہن بھگوت کو اس بات پر تنقید کا نشانہ بناتے ہوئے اداکارہ سونم کپور نے سماجی رابطے کی ویب سائٹ ٹوئٹ پر لکھا کہ کون سا عقلمند آدمی اس طرح کی بات کرتا ہے؟ انتہائی سخت بے وقوفانہ بیان ہے

سونم کپور کی اس ٹویٹ کے بعد انہیں صارفین کا ملا جلا ردعمل موصول ہوا کسی نے موہن بھگوت کو سپورٹ کرتے ہوئے سونم کو تنقید کا نشانہ بنایا تو کسی نے سونم کی بات پر اتفاق کرتے ہوئے موہن بھگوت کو آڑے ہاتھوں لیا

پاکستان شوبز انڈسٹری سے عارضی طور پر کنارہ کشی اختیار کر کے اسلام کے مطابق زندگی گزارنے کا ارادہ رکھنے والے حمزہ علی عباسی کی شادی گذشتہ برس نیمل خاور سے ہوئی تھی اب وہ ایک خوشگوار زندگی گزار رہے ہیں جس کا اظہار وہ اپنے سوشل میڈیا اکاؤنٹ پر کرتے رہتے ہیں

باغی ٹی وی کی رپورٹ کے مطابق سماجی رابطے کی ویب سائٹ انسٹا گرام پر حمزہ علی عباسی کی اہلیہ نیمل خاور نے اپنی چھوٹی بہن کی شادی کی تقریب کے دوران لی گئی تصاویر اپنے انسٹاگرام اسٹوری پر شیئر کیں

ان تصاویر کے کیپشن میں شکوہ کرتے ہوئے لکھا کہ اگر ان کے نکاح کے وقت حمزہ کے بال ہوتے اور وہ ایسے دکھتے جیسا کہ موجودہ تصویر میں دکھائی دے رہے ہیں ساتھ ہی غمگین ایمو جی کا بھی استعمال کیا

اس کیپشن سے ظاہر ہوتا ہے کہ وہ نکاح کے وقت حمزہ کے سر پر بال نہ ہونے کی وجہ سے تھوڑا دکھی تھیں

واضح رہے کگذشتہ برس جب حمزہ حج کی ادائیگی کر کے آئے تھے جس کے فوراً بعد ہی شادی کا آغاز ہوگیا تھا جس کی وجہ سے ان کے سر پر بال نہیں تھے حمزہ علی عباسی اور نیمل خاور کا نکاح 25 اگست کو اسلام آباد میں انتہائی سادگی سے ہوا تھا شادی کے بعد نیمل نے شوبز کو خیر با کہہ دیا تھا اس کے بعد حمزی نے بھی شوبز عارضی طور پر چھوڑ دی تھی تاہم حمزہ ابھی جیو کے ڈرامے الف میں قلب مومن کے کرادار میں مرکزی کردار ادا کر رہے ہیں خیال رہے اسی ڈرامے کی شوٹنگ کے دوران حمزہ نے روحانی راستہ اختیار کرنے کا فیصلہ کیا تھا

پاکستانی شوبز انڈسٹری کی معروف اداکارہ زارا نور عباس نے پرے ہٹ لو کی کامیا بی کے بعد ایک اور فلم سائن کر لی

باغی ٹی وی کی رپورٹ کے مطابق پاکستانی شوبز انڈسٹری کی معروف اداکارہ زارا نور عباس نے پرے ہٹ لو کی کامیا بی کے بعد ایک اور فلم سائن کر لی زارا نور عباس ہدایتکار فہیم برنی کی فلم میں اداکاری کے جو ہر دکھائیں گی اس حوالے سے زارا نو عباس کا کہنا تھا کہ اس فلم کا حصہ بننا اپنی خوش نصیبی سمجھتی ہوں

انہوں نے کہا کہمجھے ہمیشہ سے فہیم برنی کے ساتھ کام کرنا پسند ہے میں جانتی تھی کہ جب بھی وہ فلم بنائیں گے یقیناً بہترین ہوگی

ہدایت کارفہیم برنی کا فلم کے بارے بات کرتے ہوئےکہنا تھا کہ ہماری فلم کی کہانی محبت، خاندان، دوستی اور ہنسی مذاق کے گرد گھومتی ہے اس لیے ہم نے فلم کے لیے بہترین اور جوشیلے فنکاروں کے انتخاب کا فیصلہ کیا

فہیم برنی کا زارا کو دئیے جانے والے کردار کے حوالے سے کہنا تھا کہ زارا میں وہ ہر بات موجود ہے جو اس کردار کے لیے ضروری تھی ہمارا ارادہ ہے کہ فلم بینوں کو ایک ایسی فلم دیں جس سے وہ بہت زیادہ محظوظ ہوسکیں

فلم کی دیگر کاسٹ کے حوالے سے اب تک کوئی اور تفصیل سامنے نہیں آئی جبکہ یہ ہواضح ہے کہ اس فلم کی کہانی کھیل کے موضوع پر مبنی ہوگی

واضح رہے کہ زارا نور عباس فیہم برنی کے ساتھ پہلے بھی ڈرامہ دھڑکن میں کام کر چکی ہیں اور انہوں نے اپنے فنی کیریئر کا آغاز ڈرامہ سیریل دھڑکن سے ہی کیا تھا

خیال رہے کہ زارا نور عباس پرے ہٹ لو کے علاوہ چھلاوا نامی فلم میں بھی کام کرچکی ہیں جبکہ ہم ٹی وی پرحالیہ ڈرامے عہد وفا میں رانی نامی گاؤں کی لڑکی کا کردار نبھارہی ہیں

پاکستان شوبز انڈسٹری کی معروف اداکار و گلوگار علی ظفر نے گذشتہ روز وقوع پزیر ہونے والے ناخوشگوار واقعات کیماڑی میں پراسرار گیس کا اخراج اور کوئٹہ میں ہونے والے دھماکے کی پُر زور مذمت کرتے ہوئے افسوس کا اظہار کیا ہے

باغی ٹی وی کی رپورٹ کے مطابق اداکار و گلوگار علی ظفر نے گذشتہ روز وقوع پزیر ہونے والے ناخوشگوار واقعات کیماڑی میں پراسرار گیس کا اخراج اور کوئٹہ میں ہونے والے دھماکے کی پُر زور مذمت کرتے ہوئے افسوس کا اظہار کیا ہے

Heard reports of deaths in Karachi due to some gas related incident around the port area….pls stay safe wear masks and stay indoors and away from the affected area…thoughts and prayers with the deceased. May God help us all!

— Ali Zafar (@AliZafarsays) February 18, 2020

سماجی رابطے کی ویب سائٹ ٹوئٹر پر علی ظفر نے کراچی کے علاقے کیماڑی میں پر اسرار گیس پھیلنے کے نتیجے میں ہونے والی ہلاکتوں پر افسوس کا اظہار کرتے ہوئے کراچی کے لوگوں کو لکھا کہ مہربانی کر کےماسک پہنیں گھروں کے اندر رہیں اور متاثرہ علاقے سے دور رہیں اور جاں بحق ہونے والوں کے لیے دعا کرتے ہوئے علی ظفر نے لکھا کہ اللہ ہم سب کی مدد کرے

کوئٹہ میں ہونے والے دھماکے کے حوالے سے بھی ٹویٹ کرتے ہوئے علی ظفرنے لکھا کہ ہماری سرزمین پر پھٹنے والا کوئی بھی بم ہماری طرز زندگی پر ایک وار کی طرح ہے جبکہ ہماری ثقافت امن اور محبت کی نمائندگی کرتی ہے

Every bomb that explodes in our country is a stab at our way of life…at peace harmony and love that is what our culture represents….praying for the families in Quetta…so much destruction wonder when this will stop..wonder when will we heal. #QuettaBlast

— Ali Zafar (@AliZafarsays) February 18, 2020

انہوں نے لکھا کوئٹہ میں متاثرین خاندانوں کے لئے دعا گو ہیں انہوں نے کوئٹہ دھماکے سے متاثر ین خاندانوں کے لئے افسوس کا اظہار کرتے ہوئے سوال اٹھایا کہ آخر یہ تباہی کب ختم ہوگی؟ آخر کب ہمارے تمام زخم بھر جائیں گے؟

واضح رہے کہ گذشتہ روز کیماڑی میں پراسرار گیس کا اخراج ہونے سے 9 ہلا کتیں ہوئی ہیں جبکہ کوئٹہ کی اہم شاہراہ پر پریس کلب کے قریب دھماکے میں دو پولیس اہلکاروں اور ایک لیویز اہلکار سمیت 8 افراد جاں بحق جبکہ 20 زخمی ہوئے تھے

پاکستان فلم و ٹی وی انڈسٹری کی معروف اداکارہ حریم فاروق نے میک اپ کے بغیر اپنی چمکتی دمکتی جلد کا راز بتادیا

باغی ٹی وی کی رپورٹ کے مطابق پاکستان فلم و ٹی وی انڈسٹری کی معروف اداکارہ حریم فاروق نے مداحوں کو میک اپ کے بغیر اپنی چمکتی دمکتی جلد کا راز بتادیا
https://www.instagram.com/p/B8lmMhnFm7b/?igshid=k8o8vjinvdqm
سماجی رابطے کی ویب سائٹ انسٹاگرام پر حریم نے اپنی ایک تصویر شیئر کرتے ہوئے لکھا کہ مجھ سے پوچھا گیا کہ آپ کی چمکتی جلد کا کیا راز ہے؟میں نے جواب دیا کہ ڈھیر سارا پانی، صحت مند غذا، ورزش اور چہرے پر مسکراہٹ انہوں نے مزاحیہ انداز میں مزید لکھا کہ اس تصویر کے اچھے نتائج کے پیچھے اچھی لائٹنگ، عمدہ ماحول ایک بہترین کمپنی اور کیمرے کے پیچھے آپ کے ایک بہترین دوست کا موجود ہونا ہے

انہوں نے اپنے مداحوں سے ان ٹوٹکوں کو آزمانے کا بھی مشورہ دیت ہوئےاس سے حاصل ہونے والے نتائج کے بارے میں آگاہ کرنے کا بھی کہا

حریم فاروق پرچی، جانان، دوبارہ پھر سے، ہیر مان جا جیسی مشہور و معروف فلموں میں اپنی اداکاری کے جوہر دکھا چکی ہیں

پاکستان کی نامور گلوکارہ صنم ماروی نے شوہر حامد علی سے خلع لینے کے لیے رواں ماہ عدالت میں درخواست دائر کرتےہوئے موقف اختیار کیا تھا کہ ان کا شوہر ان پر تشدد کرتا ہے اور اب انہوں نے اپنا بیان بھی ریکارڈ کروا دیا

باغی ٹی وی کی رپورٹ کے مطابق پاکستان کی نامور گلوکارہ صنم ماروی نے شوہر حامد علی سے خلع لینے کے لیے رواں ماہ عدالت میں درخواست دائر کرتےہوئے موقف اختیار کیا تھا کہ ان کا شوہر ان پر تشدد کرتا ہے اور اب انہوں نے اپنا بیان بھی ریکارڈ کروا دیا انہوں نے کہا وہ 11 سال سے شوہر کا تشدد بچوں کی وجہ سے برداشت کر رہی ہیں اب وہ ان کے ساتھ مزید نہیں رہ سکتیں

جج ثناء افضل واہلہ کی عدالت میں دوران سماعت صنم ماروی نے اپنا بیان ریکارڈ کروایا اورشوبز انڈسٹری میں شادیاں ٹوٹنے کی بڑی وجہ بتاتے ہوئے کہا کہ جھوٹ گھرانوں کی تباہی کا بڑاسبب ہے گولیاں کھا کر مرنے سے بہتر ہے کہ علیحدگی اختیار کر لی جائے

صنم ماروی نےبتایاکہ حامد علی سے 2009 میں شادی ہوئی مگرکچھ عرصے بعدہی شوہر کا رویہ بدل گیا تھا

گلوکارہ صنم ماروی نے خلع کی درخواست دائر کردی

صنم ماروی نے اپنے شوہر پر الزام لگایا کہ کوئی کام نہیں کرتا جب بیوی کماتی ہے تو شوہر اور اس کی فیملی اس پر انحصار کرتے ہیں جس سے گھر خراب ہوتے ہیں

یاد رہے کہ صنم ماروی نےرواں 7 فروری کو اپنے شوہر حامد خان سے خلع کے لیے لاہور کی فیملی کورٹ میں درخواست دائر کی تھی

گلوکارہ نے اپنی درخواست میں الزام عائد کیا تھا کہ شوہر ان پر تشدد کرنے سمیت ان کے خلاف نازیبا زبان بھی استعمال کرتے ہیں اور وہ شوہر کے ایسے رویے کو برداشت کرکے تھک گئی ہیں انہوں نے کہا ان کے 3 بچے بھی ہیں جن کی وجہ سے گلوکارہ شوہر کا تشدد برداشت کرتی رہیں لیکن اب مزید وہ اپنے شوہر کے ساتھ نہیں رہ سکتیں

اس کے بعد حامد خان نے عدالت اپنا جواب جمع کروا دیا تھا حامد خان کا کہنا تھا کہ انہوں نے صنم ماروی سے کبھی بدتمیزی نہیں کی اور نہ ہی کبھی انہیں گالی دی ہے انہوں نے موقف اختیار کیا تھا کہ وہ بیوی اور بچوں کو باقاعدگی سے خرچ ادا کرتے ہیں

انہوں نے عدالت سے درخواست کی تھی کہ صنم ماروی کی خلع کی درخواست کو قبول نہ کیا جائے

واضح رہے کہ صنم ماروی کی یہ دوسری شادی ہے ان کے پہلے شوہر آفتاب احمد کو 2009 میں کراچی میں قتل کردیا گیا تھا