Category: شوبز

بعض اوقات انسان نے سوچا ہی نہیں ہوتا کہ ان کا آنے والا کل ایسا ہو گاکہ اس پر دنیا رشک کریگی. ہماری شوبز انڈسٹری میں بہت سارے ایسے فنکار ہیں جنہوں نے کبھی سوچا بھی نہ تھا کہ وہ ایک دن اتنے امیر اور شہرت رکھتے ہوں گے دنیا ان کے پیچھے ہو گی. ایسے ہی ایک سٹار ہیں کیفی خلیل جنہوں نے غربت میں آنکھ کھولی اور اس کے بعد چھوٹی عمر میں ہی ان کے والد انتقال کر گئے . کیفی خلیل نہیں‌جانتے تھے کہ ان کا ایک گانا ان کو کہاں سے کہان‌پہنچا دے گا . کیفی خلیل کی زندگی کوک سٹوڈیو کی س آفر نے بدل دی جو انہیں پہلی بار ہوئی . کیفی خلیل

نے کوک سٹوڈیو 14 میں کناکاری گایا تو وہ راتوں رات شہرت کی بلندیوں پر پہنچ گئے آج ان کا نام ملک اور ملک سے باہر ہر جگہ مقبول ہے. حال ہی میں ان کا گیت کہانی سنو آئمہ بیگ نے گایا ہے اور کیفی خلیل اس گانے کی ایک بار پھر سے کامیابی پر بہت خوش ہیں. کیفی خلیل لیاری کراچی میں رہتے ہیں. تنگ گلیوں میں ان کا گھر ہے جس کو انہوں نے آج تک نہیں چھوڑا. کیفی پڑھے لکھے نہیں ہیں انہوں نے موسیقی پر ہی توجہ دی یہاں تک کہ انہوں نے جب پہلی مرتبہ موبائل لیا تو انہیں میسج کرنا نہیں آتا تھا انہوں نے اپنے دوستوں سے میسج کرنا سیکھا .

اداکار سونیا حسین جو اپنی خوبصورتی اور بے مثال اداکاری کی وجہ سے کافی خبروں میں رہتی ہیں انہوں نے حال ہی میں ایک فوٹو شوٹ کیا ہے. اس فوٹو شوٹ میں وہ بولڈ ساڑھیاں زیب تن کرکے کھڑی ہیں. فوٹو شوٹ کی تصاویر کافی خوبصورت ہیں اور سونیا حسین کافی خوبصورت بھی لگ رہی ہیں. انہوں نے جیسے ہی سوشل میڈیا پر اپنے اس شوٹ کی تصاویر شئیر کیں تو جہاں ان کے بہت سارے مداحوں نے انکی تعریف کی تو وہیں ان کو آڑھے ہاتھوں لیا گیا . ان کی بولڈ ساڑھیوں کے انداز پر شدید تنقید کی گئی اور کہا گیا کہ کیا ہماری اداکارائوں کو اس قسم کے

ملبوسات زیب تن کرنا زیب دیتا ہے. تاہم سونیا حسین نے اپنے ناقدین کو کسی قسم کا جواب دینے سے احتراز کیا. یاد رہے کہ سونیا حسین کی حال ہی میں فلم ٹچ بٹن ریلیز ہوئی اس میں ان کو فیروز خان کے مقابلے میں دیکھا گیا سونیا کی اداکاری تو بہت زیادہ سراہی گئی لیکن فلم باکس آفس پر خاص بزنس نہ کر سکی . دراصل فلم ریلیز سے قبل ہی کافی تنازعات کا شکار تھی جس کی وجہ سے اس کی مکمل کاسٹ نے تشہیر بھی مناسب انداز میں اور جم کر نہ کی .

بالی وڈ‌ اداکارہ کیارا اڈیوانی جو اس وقت بالی وڈ میں بہت زیادہ مانگ رکھتی ہیں ان کی سپر ہٹ فلموں اور سدھارتھ ملہوترا کے ساتھ آن اور آف سکرین جوڑی کی وجہ سے خبروں میں‌رہتی ہیں. کیارا ایڈوانی نے حال ہی میں ایک انٹرویو میں بتایا ہے کپ ان کے والدین بالکل نہیں چاہتے تھے کہ میں فلموں میں آئوں . خصوصی طور پر میرے والد چاہتے تھے میں کسی اور شعبے میں جائوں اور نام پیدا کروں . انہوں نے کہا کہ یہ قدرتی امر ہے کہ والدین چاہتے ہیں کہ ان کے بچے وہ کیرئیر اپنائیں جن میں ان کو آگے بڑھنے کے ساتھ نام بنانے کا موقع ملے. میرے والدین میری اس

خواہش سے بھی بے خبر تھے کہ میں فلموں میں آنا چاہتی ہوں کیونکہ میں نے ان سے کبھی بھی اس خواہش کا اظہار نہیں‌کیا تھا. کیارا نے کہا کہ جب میں‌فلموں میں‌آئی اور میرے والدین نے دیکھاکہ نہ صرف میں محنت سے کام کررہی ہوں بلکہ نام بھی پیدا کررہی ہوں تو انہوں نے بھی پھر میری ھوصلہ افزائی کی . یاد رہے کہ کیارا ایڈوانی چند ہفتوں میں اداکار سدھارتھ ملہوترا کے ساتھ شادی رچانے والی ہیں .

سائرہ یوسف اور شہروز دونوں‌ کے درمیان طلاق ہو چکی ہے لیکن اب ان کا ایک ساتھ پراجیکٹ ریلیز ہو رہا ہے. جی ہاں دونوں نے بےبی لیشس فلم میں کام کیا ہے اور اس فلم کا اب ٹیزر بھی ریلیز ہوا ہےٹیزر کو دیکھ کر اندازہ لگایا جا سکتا ہےکہ جیسے یہ دونوں اس میں میاں بیوی کا کردار ادا کریں گے. دوسری طرف سائرہ اور شہروز دونوں اس پراجیکٹ‌کو لیکر کافی خوش ہیں دونوں نے اپنے اپنے سوشل میڈیا اکائونٹس پر ٹیزر شئیر کرتے ہوئے خوشی

کااظہار کیا ہے دونوں کا کہنا ہے کہ ان کی یہ فلم روٹین سے ہٹ کر ہے اور شائقین اسے ضرور پسند کریں گے. یاد رہے کہ سائرہ اور شہروز دونوں کی ایک بیٹی بھی ہے اور دونوں میں طلاق ہو چکی طلاق کے فورا بعد ہی شہروز سبزواری نے ماڈل صدف کنول سے شادی رچائی. اب صدف کنول بھی شہروز کی بیٹی کی ماں بن چکی ہیں. صدف اور شہروز نے ایک ساتھ حال ہی میں ہم برائیڈل کٹیور ویک میں ریمپ پر واک کی ہے، اس موقع پر صدف کا کہنا تھا کہ میں نے چار سال کے بعد ریمپ پر واک کی ہے بہت اچھا لگا ہے اور اپنے مداحوں کی شکر گزار ہوں کہ وہ مجھے ہر بار اچھا ریسپانس دیتے ہیں .

اداکار فیروز خان کیا سابقہ اہلیہ علیزے سلطان نے حال ہی میں اپنی چند تصاویر سوشل میڈیا پر شئیر کی ہیں جن میں ان کو ماڈلنگ کرتے ہوئے دیکھا جا سکتا ہے. تصاویر میں وہ کافی خوبصورت لگ رہی ہیں اور ایسا لگ رہا ہے کہ انہوں نے کسی برینڈ کے لئے ماڈلنگ کی ہے. علیزے نے اپنی تصاویر کو متعلقہ برینڈ کے ساتھ ٹیگ بھی کیا ہے. ان کی ان تصاویر کے بعد سوشل میڈیا پر تبصرے کئے جا رہے ہیں کہ شاید انہوں نے ماڈلنگ شروع کر دی ہے . تاہم علیزے سلطان نے ماڈلنگ کی دنیا میں باقاعدہ قدم رکھنے کا اعلان تو نہیں‌کیا لیکن ان تصاویر کو دیکھ کرکہا جا سکتا ہےکہ علیزے شاید مستقبل میں ماڈلنگ کرنے کا ارادہ رکھتی ہیں.

یاد رہے کہ علیزے سلطان اور فیروز خان کی رواں برس طلاق ہوئی ہے ان کے دو بچے ہیں جن کی حوالگی کا کیس فی الحال عدالت میں چل رہا ہے. عدالت نے بچوں کے اخراجات کے ھوالے عدالت نے فیروز خان کو حکم دیا ہے کہ وہ 80 ہزار روپے ماہانہ ادا کریں گے اور پیسے ہر ماہ 14 تاریخ کو دئیے جانا لازمی ہو گا . فیروز خان کے ناقدین نے عدالت کے اس فیصلے کو بہت سراہا ہے کہا ہے کہ فیروز خان کو بطور باپ اپنی ذمہ داریاں نبھانی چاہیں.

علی ظفر جو کہ سوشل میڈیا پر کافی متحرک رہتے ہیں وہ اپنی ٹویٹس کے زریعے لوگوں میں‌ بیداری پھیلانے کا کام کرتے ہیں. علی ظفر بہت زیادہ سیاسی ٹویٹس نہیں‌ کرتے وہ اپنی رائے ضرور ہر معاملے پر دیتے ہیں لیکن مناسب انداز میں. علی ظفر نے حال ہی میں ایک ٹویٹ کی ہے اور اس میں لکھا ہے کہ ہر کوئی ملک کے نمبر ون مسئلے کو نظر انداز کررہا ہے. علی ظفر نے کہا کہ کسی کو ملک کے مسائل کی فکر نہیں ہے.

انہوں نے یہ لکھتے ہوئے ساتھ ہی آبادی کو کنٹرول کرنے کو ہیش ٹیگ کے ساتھ لکھا. یعنی علی ظفر سمجھتے ہیں‌کہ آبادی کا بڑھنا ملک کا نمبر ون مسئلہ ہے جسے سیاستدانوں سمیت ہر کوئی نظر انداز کررہا ہے اور اس پر بات نہیں کر رہا . علی ظفر کی اس پوسٹ پر بہت سارے سوشل میڈیا صارفین نے اپنے اپنے انداز میں‌ تبصرہ کیا.

یاد رہے کہ علی ظفر نہ صرف ملک کے نمبر ون گلوکار ہیں بلکہ انہوں نے ڈراموں اور فلموں میں بھی اداکاری کے جوہر دکھائے ہیں. انہوں نے بالی وڈ میں کترینہ کیف جیسی اداکارائوں کے ساتھ کام کرکے داد وصول کی. علی ظفر کو بالی وڈ میں ان کی بہترین اداکاری کی وجہ سے عزت کی نگاہ سے دیکھا جاتا ہے.

 علی ظفر نے گزشتہ روز اپنا نیا گانا ’ہم مزدور‘ ریلیز کردیا

میشا شفیع نے قانون کو مذاق سمجھا ہوا ہے،عدالت کا اظہار برہمی

میشا شفیع کی درخواست جرمانے کے ساتھ مسترد

اداکار آغا علی کی اہلیہ حنا الطاف نے حال ہی میں ایک انٹرویو میں لڑکیوں کے والدین کو دیا ہے ایک بہت ہی قیمتی مشورہ انہوں نے کہا کہ یہ مت سوچیں کہ لڑکی عمر زیادہ ہو گئی تو شادی نہیں‌ہو گی بلکہ یہ سوچیں کہ ان کو بااخیتار بنانے کےلئے کیا کیا کرنا ہے. انہوں نے کہا کہ ہمارے ہاں عجیب ہی رواج ہے کہ اٹھاراں انیس سال کی لڑکی شادی ہوجائے تو ہوجائے اس سے اوپر ہوجائے تو کہا جاتا ہےکہ لڑکی کی عمر بہت زیادہ ہو گئی ہے اس لئے اسکی شادی نہیں‌ہو سکتی . والدین کو بچیوں کی شادی کے لئے بہت پاپڑ بیلنے پڑتے ہیں. حنا نے کہا کہ لڑکی کو بااختیار

بنائیں اپنے پائوں پر کھڑا کریں اور نکل آئیں اس سوچ کہ سے اٹھاراں انیس سال کی لڑکی کی فورا شادی کر دینی ہے. لڑکی کو شادی کے لئے بالکل بھی دبائو میں نہ لائیں. یوں حنا الطاف نے والدین کو متحرک کیا کہ وہ کم عمر لڑکی پر شادی کا دبائو ڈالنے کی بجائے اس کو اپنے پائوں پر کھڑا کریں . یاد رہے کہ حنا الطاف نے بھی آغا علی کے ساتھ کم عمر میں ہی محبت کی شادی کی دونوں ایک دوسرے کے ساتھ کافی خوش ہیں. آغا علی کا کہنا کہ حنا جتنی اچھی اداکارہ ہیں اس سے بھی اچھی بیوی ہیں.

آئمہ بیگ جن کی گلوکاری کوخاصا پسند کیا جاتا ہے وہ بھی دوسرں کی طرح میڈم نور جہاں کے فن کی دیوانی ہیں. انہوں نے نور جہاں کی 22 ویں برسی کے موقع پر کہا ہے کہ میڈیم نور جہاں کی گائیکی سے ہم جیسے کیا ہم سے بعد میں آنے والے بھی یہاں تک کہ رہتی دنیا تک لوگ سیکھتے رہیں گے. ان کی گائیکی ہم سب کے لئے مشعل راہ ہے. آئمہ بیگ نے کہا کہ نور جہاں کے گائے ہوئے گیت کا کور کرتے ہوئے بھی ڈر لگتا ہے بلکہ اس خیال سے بھی ڈر لگتا ہے. کیونکہ دل میں‌احساس رہتا ہے کہ کہیں‌کوئی غلطی نہ ہوجائے. آئمہ بیگ نے کہا کہ ان کا انداز سب سے

الگ تھا وہ جیسا میک اپ کرتی تھیں‌جیسے ملبوسات زیب تن کرتی تھیں‌ وہ سب اتنا خوب صورت تھا کہ دیکھ کر دل خوش ہوجاتا تھا. آئمہ بیگ نے کہا کہ مجھے نور جہاں‌کے بہت سارے گانے پسند ہیں اور اکثر گنگناتی بھی رہتی ہوں لیکن ان کا ایک گیت مجھے بہت اچھا لگتا ہے ” میں‌ تے میرا دلبر جانی بلیاں تے پریم کہانی ” . یہ گیت جتنی بار سنو اتنی باراچھا لگتا ہے. آئمہ بیگ نے کہا کہ نور جہاں ہمارے ملک کی شان ہیں ہماری موسیقی کی جان ہیں .

سینئر اداکارہ سنگیتا بیگم نے ملکہ ترنم نور جہاں کی 22 ویں برسی کے موقع پر ایک انٹرویو دیا ہے اس میں انہوں نے کہا ہے کہ میڈم نور جہاں کے ساتھ میرا بہت سارا وقت گزرا. انہوں نے دو بار مجھے اپنی بہو بنانے کی کوشش کی ، پہلے وہ اچھو کا رشتہ لیکر آئیں میں نے کہا کہ نہیں‌اچھو تو میرا بھائی ہے پھر وہ اکبر کے لئے مجھے بہو بنانا چاہتی تھیں لیکن ایسا نہ ہو سکا. وہ اکثر میرے گھر میں‌آجاتی تھیں اور کہا کرتی تھیں کہ روٹیاں بنائو. میں گول گول چھوٹی چھوٹی روٹیاں بناتی تھی ، روٹیاں‌پھولتیں تو میڈم بہت خوش ہوتیں. ان کا ہئیر سٹائل ان کا ساڑھی پہننے کا انداز مجھے بہت پسند تھا. ایک سوال کے جواب میں سنگیتا بیگم نے کہاکہ میڈم نور جہاں کی نقل اس دنیا میں کوئی بھی نہیں‌کر سکتا.

سنگیتا بیگم نے کہا کہ میڈم کے بہت سارے گیت مجھ پہ پکچرائز ہوئے ان کی اچھی عادت یہ تھی کہ وہ گانے سے پہلے پوچھ لیا کرتی تھیں کہ کس ہیروئین پر پکچرائز ہو رہا ہے، جس ہیروئین پر ان کا گانا پکچرائز ہوتا تو ایسا لگتا کہ اسی کی آواز ہے. جس دن ان کا انتقال ہوا تو میں بہت روئی مجھے ایسا لگا کہ جیسے میری ماں کا انتقال ہو گیا ہے.