Category: شوبز

اداکار نعمان اعجاز ہمیشہ نپی تلی بات کرتے ہیں ، وہ آج کل لاہور میں اپنے نئے ڈرامہ سیریل راز کی شوٹنگ میں‌مصروف ہیں. اس ڈرامے میں ان کا بیٹا زاویار نعمان ، صاحبہ ، عمران اسلم ،صدف بھٹی ، نور ظفر و دیگر شامل ہے. نعمان اعجاز زاویار کے والد بنے ہوئے ہیں.کہا‌جا‌رہا‌ہے‌کہ‌اس‌ڈرامے کا نام تبدیل کیا جائے گا کیونکہ اس نام کا ڈرامہ پہلے ہی بن چکا ہے جو کہ آن ائیر ہونے کے لئے تیار ہے. ڈرامے کو لاہور سے دور بیدیاں روڈ‌پر شوٹ کیا جا رہا ہے. آج کل نعمان اعجاز ، صاحبہ ، عمران اسلم اور صدف بھٹی کے سینز چل رہے ہیں. یہ ڈرامہ نعمان اعجاز کی خود کی پروڈکشن ہے. یہ ایک فیملی ڈرامہ ہے جس میں پیار محبت نفرت دونوں طرح‌کے جذبات کو دکھایا جا رہا ہے. انہوں نے چند سوالوں کا جواب دیتے ہوئے کہا کہ میں بہت ہی سادی طبیعت کا مالک ہوں .انہو‌ں نے یہ بھی کہا کہ مجھے سیاست میں بالکل بھی دلچپسی

نہیں ہے ، تمام سیاستدان خود غرض ہیں کوئی بھی سراہنے کےلئے لائق نہیں ہے سب ہی واجب القتل ہیں. انہوں نے کہا کہ مجھے سچ بولنے کی بیماری ہے اور سچ ہمارے ہاں زرا کم ہی سنا جاتا ہے یاد رہے کہ نعمان اعجاز کے بیٹے زاویار کو خاصی تنقید کا سامنا رہتا ہے ، ان کو کہا جاتا ہے کہ وہ باپ کی وجہ سے پراجیکٹس ھاصل کرتے ہیں تاہم ان کا ماننا ہے کہ ایسا نہیں‌ہے.‌

اداکار عمران اسلم جو کہ بہت ہی عمدہ ایکٹنگ کرتے ہیں انہوں‌نے بہت سارے ڈراموں میں جہاں بہت سارے پازیٹیو اور ہیرو کے کردار کئے وہیں نیگیٹیو کریکٹر بھی کئے. ان کو ہیرو اور نیگیٹیو ہر طرح‌کے کرداروں میں بے حد سراہا گیا لیکن ان پر ہمیشہ ہی یہ الزام لگتا آیا ہے کہ یہ شاہ رخ‌خان کی کاپی کرتے ہیں. اس ھوالے سے اپنے حالیہ انٹرویو میں انہوں نے کہا کہ میں نے کبھی شاہ رخ خآن کو کاپی نہیں‌کیا میرا کام کرنے کا اپنا انداز ہے اور ان کا اپنا ایک انداز ہے وہ انڈیا کے نہیں‌ بلکہ دنیا کے سب سے بڑے اداکار ہیں‌. اگر مجھے اور میری اداکاری کو لوگ ان کے ساتھ ملاتے ہیں تو یہ میرے لئے اعزاز کی بات ہے . عمران اسلم نے کہا کہ میرا ایک ڈرامہ زی زندگی پر جب چلا تو بھارت کے ایک اخبار نے لکھا تھا

کہ یہ پاکستان کا شاہ رخ خان ہے جو کہ میرے لئے آنر کی بات ہے . عمران اسلم نے کہا کہ میں زیادہ سوشل نہیں‌ہوں اپنے کام سے کام رکھتا ہوں اورہمیشہ کام کے بعد فیملی کے پاس ہوتا ہوں. کراچی سے لاہور حال ہی میں‌شفٹ‌ہوا ہوں. مجھے بہت سارے اداکاروں کی اداکاری پسند ہے لیکن نعمان اعجاز میرے پسندیدہ فنکار ہیں . ان سے بہت کچھ سیکھنے کو ملتا ہے مجھے کچھ نہ سمجھ آرہی ہو تو بے شرم ہو کر اپنے سینئر کا جونئیر سے پوچھ لیا کرتا ہوں کہ یہ کردار یا ڈائیلاگ کیسے نبھانا ہے .

اداکارہ سائرہ یوسف اور شہروز سبزواری دونوں کے درمیان طلاق ہو چکی ہے لیکن اس کے باوجود یہ دونوں ایک دوسرے کے ساتھ ملتے بھی ہیں اور دونوں نے ایک دوسرے کے ساتھ فلم بھی کی ہے.ان دونوں کی فلم بے بی لیشز ریلیز ہونے جا رہی ہے اس ھوالے سے دونوں فلم کی پرموشنز میں مصروف ہیں . دونوں نے حال ہی میں انٹرویو دیا ہے اس میں انہوں نے کہا ہے کہ ہم نے اپنی بیٹی کی خاطر ایک دوسرے کے ساتھ اچھا تعلق رکھا ہوا ہے. سائرہ نے کہا کہ لوگ ہم سے ہمارے پرانے رشتے کے بارے میں اکثر سوال کرتے ہیں‌جو کہ عجیب لگتا ہے. ہم اپنی زندگیوں میں آگے بڑھ چکے ہیں‌. ہماری بیٹی نورے ہمارے لئے بہت اہم ہے. شہروز سبزواری نے کہا کہ میری بڑی بیٹی کے اپنی چھوٹی بہن کے ساتھ بہترین

تعلقات ہیں وہ اس کو بہت پیار کرتی ہے. دونوں نے کہا کہ جب ہمیں بے بی لیشز آفر ہوئی تھی تو ہم نے یہی سوچا کہ ایک قدم آگے بڑھنا چاہیے اور اس فلم میں‌ہم دونو‌ں ہی تو نہیں بہت سارے لوگ ہیں لہذا ہم نے فلم کر لی . سائرہ نے کہا کہ میری بیٹی میرے لئے اہم ہے اس لئے مجھے لگتا ہے کہ جب کوئی انسان آپ کے لئے اہم ہو تو آپ کو اپنے مسائل چھوٹے لگنے لگتے ہیں. میری بیٹی کو باپ کی ضرورت ہے اس راہ میں ، میں رکاوٹ نہیں‌بننا چاہتی .

جیسا کہ سب جانتے ہیں‌کہ مولا جٹ 80 کی دہائی کی کامیاب ترین فلم ہے، چالیس سال کے بعد اس فلم کو دوبارہ دا لیجنڈ‌ آف مولا جٹ کی صورت میں بنایا گیا . دا لیجنڈ‌آف مولا جٹ کے بعد اب سن آف مولا جٹ بنائی جا رہی ہے . اس فلم کو ناصر ادیب نے لکھا ہے کہ جب کہ حیدر سلطان اس میں مولا جٹ کا کردار ادا کریں گے. حیدر سلطان نے اپنے ایک حالیہ انٹرویو میں کہا ہے کہ میرے والد کے بعد میرا ہی بنتا تھا کہ میں ان کے کام کو آگے لیکر چلتا لیکن مجھ سے ایک غلطی ہوئی کہ میں ایسا نہ کر سکا اور امریکہ جاتا آتا رہا لیکن اب میں‌مسلسل چھ سال سے پاکستان میں ہوں اور مسلسل کام کررہا ہوں‌اب میں جو فلمیں بنا رہا ہوں وہ عوام پسند کررہی ہے . فلمی صنعت کی بحالی کے لئے سر توڑ‌کوشش کر رہا ہوں. حیدر

سلطان نے مزید یہ بھی کہا کہ میں نے لیجنڈ آف مولا جٹ سے پہلے سن آف مولا جٹ لکھوائی تھی ، لیکن بعض وجوہات کی بناء پر تاخیر کا شکار ہو گئی.ہم بہت جلد اس فلم کی شوٹنگ کریں گے . فلم کے ڈائریکٹر اور باقی کاسٹ‌کو فائنل کیا جانا ہے اور پھر کام شروع ہو جائیگا . مجھے امید ہے کہ سب آف مولا جٹ کو عوام کا اچھا ریسپانس ملے گا . حیدر سلطان نے کہا کہ میرے والد کی کاپی بہت سارے لوگوں نے کی لیکن عوام نے ہر کسی کو رد کر دیا .

اداکارہ صاحبہ جنہوں نے شادی کے بعد شوبز کو خیرباد کہہ دیا تھا دوبارہ سے پھر وہ ڈراموں میں نظر آرہی ہیں. حال ہی میں وہ لاہور میں نعمان اعجاز کے ساتھ ڈرامے کی شوٹنگ کررہی ہیں. اس میں وہ زاوریار نعمان کی والدہ کا کردار نبھا رہی ہیں. اس موقع پر ان سے خصوصی گفتگو کی گئی ، انہوں نے کہا کہ ایسے کردار آفر ہوتے ہیں جن میں‌جان نہیں‌ ہوتی جس کی وجہ سے میں‌کم کم سکرین پر دکھائی دیتی ہوں . انہوں نے کہا کہ جان ریمبو کی فلم منی بیگ گارنٹی ریلیز ہونے جا رہی ہے. ریمبو بھی اسی لئے کم کم دکھائی دیتے ہیں کیونکہ ان کو کوئی ایسا کردار آفر نہیں ہوتا جس کو سن کو وہ فورا حامی بھر لیں. انہوں نے کہا کہ ہم ایک یوٹیوب چینل چلا رہے ہیں وہ چینل شعیب اختر کے کہنے پر شروع کیا ،میں اور ریمبو دونوں

ایک شو کرتے تھے وہاں وہ تشریف لائے انہوں نے کہا کہ چینل کیوں نہیں شروع کرتے وہیں بیٹھے بیٹھے چینل بنا لیا اور اس پر جب تھوڑا بہت کام کیا ریسپانس ملا تو ہمارا حوصلہ بڑھا اور ہم نے مزید کام کیا اور اچھا لگا. صاھبہ نے کہا کہ آج کل جو کام ہو رہا ہے وہ روایتی ہے ایک ہی جیسے کردار اور کہانیاں ہوتی ہیں ایسے میں منفرد کردارملنا خاصا مشکل ہوتا ہے.

کراچی ،سندھ ہائیکورٹ اداکارہ رابعہ اقبال عرف کبریٰ خان کی درخواست کی سماعت ہوئی

کبری خان کے خلاف مہم چلانے والے سوشل میڈیا اکائونٹس سے متعلق ایف آئی اے نے رپورٹ پیش کردی ، ایف آئی اے کی جانب سے رپورٹ میں کہا گیا ہے کہ کبری خان کی درخواست پر کارروائی شروع کر دی ہے ،کبری خان کے خلاف مہم چلانے والے تمام اکائونٹس بلاک کرنے کیلئے پی ٹی اے کو معاملہ بھیج دیا گیا ،یوٹیوب ، ٹویٹر ، انسٹا گرام سمیت دیگر اکائونٹس بلاک کرنے کیلئے کہہ دیا گیا ہے ،

کبریٰ خان کی جانب سے دائر درخواست میں کہا گیا ہے کہ یو ٹیوبرنے میڈیا انڈسٹری کی چار اداکاراؤں کے خلاف جھوٹے الزامات لگا کر ان کی تذلیل کی ،جھوٹے اور من گھڑت الزامات سے میری اور دیگر اداکارائوں کی عزت اور وقار کو مجروح کیا گیا ،عدالت نے پاکستان ٹیلی کمیونیکیشن اتھارنی کو نوٹس جاری کرتے 26 جنوری تک جواب طلب کرلیا

خیال رہے کہ گزشتہ دنوں میجر (ر) عادل راجا کے نازیبا الزامات پر پاکستانی اداکارہ کبریٰ خان نے شدید ردعمل کا اظہار کرتے ہوئے مقدمہ دائر کرنے کا عندیہ دیا تھا۔ حال ہی میں عادل راجا نے سوشل میڈیا پر جاری وی لاگ میں پاکستان کی ٹاپ ماڈلز اور اداکاراؤں پر سنگین الزامات عائد کیے تھےاور ذرائع کے حوالے سے دعویٰ کیا تھا کہ ایک ادارے کے پاس ان ماڈلز اور اداکاراؤں کی نازیبا ویڈیوز بھی موجود ہیں۔

عادل راجا نے اپنے وی لاگ میں اداکاراؤں کا نام لینے کے بجائے ان کے ناموں کے ابتدائی حروف بتائے تھے جن میں M H. – M K. – A K- S A شامل تھے۔ اداکارہ کبریٰ خان نے انسٹااسٹوری شیئر کی جس میں درج تھا کہ ’میں شروع میں خاموش رہی کیوں کہ ایک فیک ویڈیو میرے وجود کو نہیں مٹاسکتی لیکن بس اب بہت ہوگیا ہے، آپ کو لگتا ہے کہ کوئی بھی شخص مجھ پر بیٹھے بٹھائے انگلیاں اٹھائے گا اور میں چپ بیٹھوں گی تو آپ کی سوچ ہے لہٰذا مسٹر عادل راجا جب آپ کسی انسان پر الزام لگائیں تو پہلے آپ کے پاس ثبوت ہونا چاہیے‘۔

مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب

 کبریٰ خان کا کہنا ہے کہ اقربا پروری چلتی آ رہی ہے اور اس پر بحث کرنا فضول ہے۔

کبریٰ خان نے لندن میں موجود اپنے گھر میں بچپن کی یاد میں جھولا جھولتے ایک سوشل میڈیا پر مداحوں کے ساتھ ویڈیو شیئر کی 

پاک فوج کے حاضرسروس افسر نے پاک فوج کے ریٹائرڈ افسر کے خلاف برطانیہ میں ہتک عزت کا مقدمہ دائر کردیا 

 عادل راجہ نے اداکارائوں کے خلاف اخلاق سے گرا بیان دیکر اپنا آپ ظاہر کر دیا ہ

کبریٰ خان نے اپنی اسٹوری میں مزید لکھا کہ ’آپ کے پاس ثبوت سامنے لانے کیلئے صرف 3 دن ہیں جس کیلئے آپ نے حق اور سچ کا دعویٰ کیا ہے، اگر تم نے ایسا نہیں کیا تو اپنا بیان واپس لو اور عوام کے سامنے معافی مانگو ورنہ میں تمہارےخلاف مقدمہ کروں گی اور میں صرف پاکستانی ہی نہیں برطانوی شہری بھی ہوں لہٰذا میں وہاں بھی تمہارے پیچھے پہنچ جاؤں گی کیوں کہ میں سچ پر ہوں، میں حق پر ہوں اور میں کسی کے باپ سے بھی نہیں ڈرتی‘۔