Category: شوبز

ان دنوں ساجد خان بہت زیادہ خبروں میں ہیں‌کیونکہ وہ بگ باس 16 میں شریک ہیں. ان پر جنسی ہراسانی کے الزامات کی وجہ سے بگ باس کی انتظامیہ سے متاثرہ خواتین کا مطالبہ ہے کہ ساجد خان کو گھر سے باہر نکالا جائے لیکن بگ باس نے ابھی تک ایسا کوئی ایکشن نہیں‌لیا تاہم فرح خان جو کہ بالی وڈ کی معروف ڈائریکٹر ہیں انہوں نے اپنے بھائی کے اس معاملے پر ابھی تک زبان نہیں‌کھولی نہ ہی کوئی کمنٹ کیا ہے. فرح خان نے حال ہی میں ایک پروگرام میں شرکت کی اور وہاں اپنے بھائی ساجد خان کے معاملے پر تو بات نہیں کی لیکن یہ ضرور بتایا کہ ان کے حالات کیسے تھے ، انہوں نے کہا کہ ہم بہت غریب تھے ہمارے پاس رہنے کو گھر نہ تھا ، میں ساجد اور میری ماں چھ سال تک سٹور روم میں رہے.

فرح‌خان نے کہا کہ اس مقام کو ھاصل کرنے اور چھت بنانے کےلئے مجھے اور میرے بھائی کو بہت زیادہ محنت کرنی پڑی. ہمارے پاس کھانے کو بھی پورا پورا ہی ہوتا تھا ، بلکہ کبھی تو بھوکے ہی سونا پڑتا تھا. فرح‌ خان نے کہا کہ کچھ پانے کےلئے بہت کچھ کھونا پڑتا ہے ، ہم نے اپنی راتوں کی نیندیں کھوئیں دن رات محنت کی تب جا کر چھت میسر ہوئی. انہوں نے کہا میں اور میرا بھائی کبھی بھی اپنے سٹرگلنگ ڈیز کو نہیں بھولے.

خود کشی کرنے والی اداکارہ تنیشا کام نہیں‌کرنا چاہتی تھیں وہ دنیا گھومنا چاہتی تھیں وہ زندگی کو انجوائے کرنا چاہتی تھیں وہ چاہتی تھی شوٹنگ پر نہ جائے بلکہ گھر پر ریسٹ کرلے لیکن اس کی ماں ایسا نہیں چاہتی تھی. ایسا کہنا ہے اداکار شیزان خان کی بہنوں کا. انہوں نے ایک پریس کانفرنس کرکے کہا ہے کہ وہ بچی بہت اچھی تھی اسکی ماں اسکے ساتھ زبردستی کرتی تھی ، اس پریس کانفرنس میں شیزان خان کی والدہ نے کہا کہ ہم نے تنیشا کی والدہ سے کہا تھا کہ اسکو اکیلا نہ چھوڑیں یہاں‌ تک کہ شوٹنگ پر بھی اکیلا نہ جانے دیں لیکن انہوں نے ہماری ایک نہیں سنی. تنیشا کو

سو روپیہ بھی چاہیے ہوتا تھا وہ ترلے منتیں کرکے اپنی ماں سے منگواتی تھی ، وہ تنیشا کے ساتھ ایک لمبی بحث کرکے ساری انکوائری کرکے پھر کہیں جا کر اسکو سو یا پانچ سو روپیہ بھیجتی تھی. شیزان خان کی بہن نے کہا کہ ہماری تنیشا سے چھ مہینے کی ملاقات ہے ہم نے اسکو بہت خوش رکھا، اسکی زندگی ہوتی تو ہم اسکو مزید خوش رکھتے. شیزان خان کی بہنوں نے انکشاف کیا کہ تنیشا کی والدہ نے اسکا موبائل توڑ دیا تھا . ہماری ماں اسکو بہت پیار کرتی تھی ہر وقت اسکو پوچھتی تھی کہ کھانا کھایا یا نہیں‌لیکن تنیشا کی ماں اسکو زچ کرکے رکھتی تھی. تنیشا کی ماں چاہتی تھی کہ اسکی بیٹی کی شادی شیزان خان سے نہ ہو.

اداکارہ زارا نور عباس جو کہ اداکارہ اسماء عباس کی بیٹی ہیں اور اداکار اسد صدیقی کی اہلیہ ہیں انہوں نے حال ہی میں عمرہ کی سعادت حاصل کی ہے . اداکارہ نے اپنی اور اپنے شوہر کی عمرے کے دوران لی گئی تصویر سوشل میڈیا پر جاری کی ، جہاں بہت سارے لوگوں نے ان کو عمرے کی سعادت حاصل کرنے پر مبارکباد دی وہیں چند ایک نے عجیب و غریب باتیں‌کیں، ثمن نامی ایک صارف نے زارا کو لکھا کہ اداکارہ ہونے کا مطلب کیا ہے؟ پورا سال فحاشی پھیلائو ، آدھے کپڑے پہنو ، اپنا جسم دکھا کر لوگوں‌کو اپنی جانب متوجہ کرو اور پھر سال کے آخر میں عمرہ کرنے چلے جائو ، اس صارف کو زارا نور عباس نے جواب دیتے ہوئے کہا کہ ” میں چاہے جو بھی کروں میرا اللہ میری قبر ، آپ میری قبر میں گھسنے کی کوشش

کیوں کررہی ہیں؟‌بہت معذرت میری قبر میں‌آُپ کے لئے جگہ نہیں ہے پلیز اپنے بارے میں فکر کریں . یوں زارا نور عباس نے گھٹیا کمنٹ پر سنجیدگی سے جواب دیکر اپنے مداحوں کے دل جیت لئے. جبکہ ثمن نامی صارف کو دوسرے صارفین نے شدید تنقید کا نشانہ بنایا. یاد رہےکہ اس برس بہت ساری شوبز سلیبرٹیز نے عمرے کی سعادت حاصل کی .

سرمد سلطان کھوسٹ‌کی ڈائریکشن میں تیار ہونے والی فلم کملی اب ٹی وی پر بھی دیکھی جا سکے گی، فلم 7 جنوری کو ہم ٹی وی پر دکھائی جائیگی، یوں کملی جنہوں نے پہلے نہیں دیکھی تھی وہ اب اس فلم کو اپنے گھر بیٹھ کر ٹی وی پر دیکھ سکیں گے. یہ خبر یقینا مجموعی طور پر شائقین کے لئے ایک بڑی خوشخبری ہے. فلم کملی میں‌مرکزی کردار صبا قمر اور ثانیہ سعید نے ادا کئے تھے. صبا قمر نے ایک ایسی خاتون کا کردار ادا کیا تھا جس کا شوہر مر چکا ہے لیکن وہ نہیں‌جانتی اور سال ہا سال اسکے انتظار میں گزار دیتی ہے ، ثانیہ سعید نے صبا قمر کی بھابھی کا کردار ادا کیا ہے ، یہ کردار ایک اندھی خاتون کا ہے جو سخت مزاج کی ہے. فلم میں حمزہ خواجہ کو بھی متعارف کروایا گیا. سرمد سلطان کھوسٹ

نے اس فلم میں موجود تمام فنکاروں سے کمال انداز میں‌کام لیا. اداکارہ صبا قمر نے ثابت کیا کہ واقعتا وہ ایک بڑی اداکارہ ہیں اور اداکاری میں ان کا کوئی ثانی نہیں‌ہے. فلم کی موسیقی بہت خوبصورت ہے اس میں ریشماں کا ایک گیت شامل کیا گیا ہے جبکہ عاطف اسلم کا گیت بھی اس میں موجود ہے. کملی صبا قمر کے کیرئیر کی بہترین فلم ہے جو دیکھنے سے تعلق رکھتی ہے.

نوجوت سنگھ سدھو جن کے پوری دنیا میں پرستار پائے جاتے ہیں وہ کپل شرما کے شو میں بطور جج بھی فرائض انجام دے چکے ہیں. ان کا کرکٹ کا ایک لمبا اور کامیاب کیرئیر ہے ، سدھو کس کی کس بات سے ہیں بے حد متاثر. آئیے ہم آپکو بتاتے ہیں. سدھو کے ایک پرانے انٹرویو کا سوشل میڈیا پر کلپ وائرل ہو رہا ہے جس میں‌وہ کہتے ہوئے سنائی دے رہے ہیں، کہ میں شاہ رخ خان کو اُن وقتوں میں ملا جب وہ ڈرامہ سیریل فوجی میں‌کام کیا کرتے تھے ، ان کا ٹی وی پر کافی نام بن چکا تھا. اس ملاقات میں ، میں نے ان سے پوچھا کہ ٹی وی میں تو بہت نام بنا لیا اب اگلہ کیا پلان ہے تو اس نے کہا کہ بالی وڈ‌. میں اس کی بات سن کر حیران ہوا اور میں‌نے کہا کہ بالی وڈ ؟ ارے کیا بات کرتے ہو وہاں تو مقابلے کی ایک

بڑی فضا ہے بڑے بڑے نامور اور کامیاب لوگ بیٹھے ہیں جو تمہیں ایسے کھا جائیںگے کہ تمہیں پتہ بھی نہیں چلے گا ، تو شاہ رخ خان نے آگے سے ایک جواب دیا اس جواب کو میں‌ آج تک یاد رکھے ہوئے ہوں، انہوں نے کہا کہ میں کبھی کسی سے مقابلہ نہیں کرتا میرا مقابلہ مجھ سے ہے ، میں خود سے ہی اپنا مقابلہ کرتا ہوں ، میں کسی کی نہ ٹانگ کھینچتا ہوں نہ ہی خود کے ساتھ ایسا ہونے دیتا ہوں. تو یہ ہوتا ہے یقین جو شاہ رخ خان میں تھا.

معروف اداکارہ سونیا حسین جو کہ ایک بڑی فین فالونگ رکھتی ہیں انہوں‌ نے چھوٹی سکرین کے ساتھ بڑی سکرین پر بھی نام بنایا. ان کی گزشتہ برس فلم ٹچ بٹن ریلیز ہوئی ان کی اداکاری کو بے حد سراہا گیا. سونیا حسین کے کریڈٹ پر کئی یادگار ڈرامے ہیں انہوں نے ثابت کیا کہ بغیر سفارش کے آنے والے کہیں بہتر کام کر سکتے ہیں. انہوں نے اپنے حالیہ انٹرویو میں کہا ہے کہ انسان کو رشتوں کی اہمیت کا احساس رہنا چاہیے اسے پتہ ہونا چاہیے کہ اسنے کب کہاں کیا کہنا اور کرنا ہے. اگر کہیں سوری کہنا پڑے تو کہہ دینا چاہیے کہیں کچھ کرنا پڑے تو کرنا چاہیے اس سے پہلے کے پچھتانا پڑے. انہوں نے کہا کہ بعض‌ رشتے اسی لئے خرابی کی طرف چلے جاتے ہیں کیونکہ وقت پر احساس نہیں کیا جاتا کہ کہاں کیا کہہ کر

بات ختم کر دینی چاہیے تھی. اداکارہ سونیا حسین یہ باتیں کہتے ہوئے خاصی سنجیدہ دکھائی دے رہی تھیں.یاد رہے کہ کہا جاتا ہے کہ سونیا حسین کی شادی ہو کر ختم ہو چکی ہے ، تاہم سونیا نے کبھی اس شادی کا اقرار نہیں کیا وہ صرف یہ کہتی ہیں‌ کہ میں منگنی کے تعلق میں تھی. سونیا حسین کو ویسے تو تمام ہیروز کے ساتھ پسند کیاجاتا ہے لیکن اداکار زاہد احمد کے ساتھ انکی جوڑی کو کافی سراہا جاتا ہے.

جوائے لینڈ کے بعد اب پاکستان کی ایک اور فلم نے کانز فلمی میلے میں ایوارڈ جیت لیا ہے، فلم کا نام لوزنگ سائیڈ ہے اسے کانز فلم فیسیٹول میں بہترین فلم برائے انسانی حقوق کا ایوارڈ دیا گیا ہے۔ اس فلم کو جواد شریف نے ڈائریکٹ کیا ہے۔ اس فلم کی کہانی متنازعہ ہے جو کہ جبری مذہب کی تبدیلی پر بنائی گئی ہے۔ا س میں چار مختلف متاثرین کی جبری تبدیلی مذہب کی کہانیوں کا تذکرہ کیا گیا ہے۔جاوید شریف کے مطابق انسانی حقوق کی تنظیم کی سالانہ رپورٹ برائے 2021 کے مطابق صوبہ سندھ سے 27 جبری تبدیلی مذہب کے کیس رپورٹ ہوئے ہیں۔ یہ ہی وجہ ہے کہ انہیں اس موضوع پر دستاویزی فلم بنانے کا خیال آیا۔اس فلم کا مختصر سا ٹریلر جاری کیا گیا ہے اس میں حقیقی کم عمر لڑکیوں کو بھی دکھایا گیا ہے جنہیں اغوا کے بعد ان کا مبینہ طور پر مذہب تبدیل کرکے ان کی شادی مسلمان مرد حضرات سے کی گئی تھی۔ٹریلر میں ہندو مذہب سے تعلق رکھنے والے ایک عمر رسیدہ شخص بولتے دکھائی دیتے ہیں کہ بااثر مسلمان اپنی عیاشیوں کے لیے کمزور اقلیتی برادری کی کم سن لڑکیاں اٹھاکر زبردستی ان

کا مذہب تبدیل کرتے ہیں۔اس ٹریلر کو دیکھنے کے بعد پاکستان میں کچھ حلقے اسے ملک کے خلاف سازش قرار دے رہے ہیں۔
پاکستان کے صوبہ سندھ میں مذہب کی مبینہ جبری تبدیلی اور اقلیتی برادری کی خواتین و کم عمر لڑکیوں کے اغوا اور ان کے استحصال پر بنائی گئی دستاویزی اس فلم کوتاحال پاکستان میں ریلیز نہیں کیا گیا تاہم امکان ہے کہ اسے رواں سال کے وسط یا اختتام تک یوٹیوب پر ریلیز کردیا جائے گا۔یاد رہے کہ لوزنگ سائیڈ کوکانز فلم فیسیٹیول میں ’ہیومن رائٹس‘ کی کیٹیگری میں منتخب کیا گیا تھا اور اسے نومبر 2022 کی ’ہیومن رائٹس کیٹیگری‘ کی فلم قرار دیا گیا۔تاہم ڈائریکٹر جواد شریف کا کہنا ہے کہ انہیں یقین نہیں تھاکہ ان کی فلم ایوارڈ جیتے گی لیکن انہیں خوشی ہے کہ انکے کام کو بین الاقوامی سطح پر سراہا گیا۔

چند روز قبل ڈرامے کے سیٹ پر خودکشی کرنے والی اداکارہ تنیشا کی والدہ مسلسل ان کے بوائے فرینڈ شیزان خان پر الزامات لگا رہی ہیں، دوسری طرف تنیشا اور شیزان خان کی والدہ کی کال لیک ہوئی ہے جس میں تنیشا شیزان کی والدہ سے کہہ رہی ہیں کہ اماں آپ جانتی ہٰیں کہ میں آپ سے کتنا پیار کرتی ہوں آپ سے ہر بات شئیر کرتی ہوں، لیکن مجھے پتہ نہیں‌کیا ہو رہا ہے، بس میرا دل کرتا ہے کہ میں آپ کے ساتھ اپنے دل کی ہر بات شئیر کروں آپ کو ہر وہ بات بتائوں جو میں محسوس کرتی ہوں. اس کال سے پتہ چلتا ہے کہ تنیشا شیزان کی والدہ کو اماں اور ان کی بہنوں کو

آپی کہا کرتی تھیں ، دوسری طرف شیزان خان کی دونوں‌بہنوں اور وکیل نے پریس کانفرنس کرکے میڈیا کو بتایا کہ ہمارا تنیشا سے بہت اچھا تعلق تھا ہم سب کی آپس میں بہت زیادہ دوستی تھی ہماری آپس میں تقریبا ہر روز بات ہوتی تھی. ہمیں‌اس کے جانے کا بہت دکھ ہے ، لیکن جو الزامات ہمارے بھائی پر لگائے جا رہے ہیں وہ نہایت غلط اور بے بنیاد ہیں، میرے بھائی نے کسی دوسری لڑکی کے لئے تنیشا کو دھوکہ نہیں‌دیا. یاد رہے کہ تنیشا کی والدہ کا کہنا ہے کہ میری بیٹی کی موت کا ذمہ دار شیزان ہے لہذا اسکو سزا دی جائے.

اداکار فیروز خان کی شخصیت کسی کو آج تک سمجھ نہیں آسکی ، وہ اپنے مزاج کے مطابق بات کرتے ہیں ، بدتمیزی اور غصہ ان کا خاصا ہے. اداکار دوغلی شخصیت کا مالک ہے. فیروز نے نیوائیر سے قبل اپنے سوشل میڈیا اکائونٹ پر مولانا طارق جمیل کے ایک بیان کا کلپ جاری کیا جس میں وہ کہتے ہوئے نظر آرہے ہیں‌کہ نئے سال کی خوشی میں لڑکے اور لڑکیاں‌مل کر ڈانس کریں پارٹی کریں یہ مناسب نہیں ہے. فیروز خآن نے اپنے مداحوں سے کہا کہ مولانا طارق جمیل کے اس بیان کو جتنا ہو سکے شئیر کیجیے تاکہ نیو ائیر پر ایسی چیز نہ ہو. لیکن بعد میں فیروز خآن کی

نیو ائیر مناتے اور پارٹی میں ڈانس کرتے ہوئے کی وڈیوز سامنے آئیں جس کے بعد اداکار کی سوشل میڈیا صارفین کے ہاتھوں شامت آ گئی. سوشل میڈیا صارفین نے کہا کہ فیروز خآن دوغلی شخصیت کے مالک ہیں جو کام وہ خود نہیں‌کرنا چاہتے وہ اس سے دوسروں کو منع کر رہے تھے. فیروز خان کو شدید تنقید کا نشانہ بنایا جا رہا ہے لیکن انہوں نے کسی بھی صارف کی تنقید کا جواب نہیں دیا. یاد رہے کہ اپنی اہلیہ پر تشدد کے الزامات کے بعد فیروز کی پہلے ہی بہت زیادہ فین فالونگ کم ہو چکی ہے.

اس وقت بالی وڈ میں‌ جس جوڑی کی شادی کا سب سے زیادہ انتظار کیا جا رہا ہے وہ ہے کیارا ایڈوانی اور سدھارتھ ملہوترا، دونوں کی شادی اگلے ماہ راجھستان میں ہوگی اس شادی کی تیاریاں بھی جاری ہیں. تاہم ایک اور شادی ہے جو اسی ماں ہونے جا رہی ہے. جی ہاں‌نوے کی دہائی کے سپر سٹار سنیل شیٹی کی بیٹی اتھیا شیٹی کی شادی 22-23 جنوری کو انجام پائے گی . سنیل شیٹی کی بیٹی کا نام اتھیا شیٹی ہے انہوں نے 2015 میں بالی وڈ میں‌قدم رکھا ، اتھیا نے سلمان خان کی پرڈیوس کردہ فلم سے شروعات کی . اتھیا کو ابھی تک فلموں میں‌بہت زیادہ کامیابی نہیں‌ مل سکی ،تاہم ان کے والد سنیل شیٹی آج تک مقبول ہیں. اتھیا شیٹی کی 2018 میں ہندوستانی کرکٹر کے ایل راہول کے ساتھ

دوستی ہوئی تب سے دونوں ایک دوسرے کے ساتھ بہت زیادہ اور ہر جگہ دکھائی دیتے ہیں. ان دونوں کی گہری دوستی کو دیکھتے ہوئے کہا جا رہا تھا کہ دونوں‌بہت جلد شدی کر لیں گے ، تاہم اب یہ خبریں حقیقت میں‌بدلنے جا رہی ہیں اور دونوں اسی ماہ شادی کے بندھن میں بندھنے جا رہے ہیں. اطلاعات یہ ہیں‌کہ دونوں نے اپنی شادی کے جوڑے تیار کروا لئے ہیں اور شادی کی تمام تر تیاریاں تقریبا مکمل ہو چکی ہیں.