بالی وڈ اداکار شاہ رخ خان کی فلم پٹھان کا جب سے گانا ریلیز کیا گیا ہے تب سے شاہ رخ خان اور دیپیکا پڈوکون ہیں مشکل میں. لیکن لگتا ہے کہ کنگ خان نے اس تنقید کو سر پہ سوار نہیں کیا اس لئے انہوں نے اپنے مداحوں کے ساتھ ٹویٹر پر ایک چھوٹا سا سوال و جواب کا سیشن رکھا. شاہ رخ خان نے اپنے مداحوں کے سوالوں کے جوابات دئیے انہوں نے کہا کہ آپ سب میری فلم پٹھان ضرو دیکھنے آئیں. انہوں نے ایک مداح کے سوال کا جواب دیتے ہوئے کہا کہ میرے بچے میرے لئے سب کچھ ہیں میں ان سے بہت محبت کرتا ہوں. اور ایک اور مداح کےسوال کے جواب میں

انہوں نے کہا کہ آپ کی شادی پٹھان کی ریلیز کے دن ہے تو شادی کے بعد فلم دیکھ لیجیے گا. شاہ ر‌خ خان نے اس سیشن میں اپنے مداحوں کو قائل کرنے کی کوش کی کہ ان کی فلم پٹھان ایکشن مووی ضرور ہے لیکن مکمل طور پر وطن سے محبت کے جذبے سے بھری ہوئی ہے. شاہ رخ خان سوال و جواب کے اس سیشن میں مکمل طور پر مطمئن نظر آئے اور ایک پل کو بھی نہیں لگا کہ وہ بائیکاٹ ٹرینڈ سے پریشان ہیں یا ان کی فلم کے نام اور گانے میں پہنے گئے لباس پر ہونے والی تنقید سے پریشان ہیں.

فیفا ورلٍڈ کپ 2022 کا فائنل میچ دیکھنے کےلئے دنیا بھر سے سلیبرٹیز قطر پہنچیں. اس موقع پر پاکستان سلیبرٹیز بھی کسی سے پیچھے نہ رہیں اور انہوں نے بھی فیفا ورلڈ‌کپ کا فائنل میچ سٹیڈیم میں براہ راست بیٹھ کر دیکھا. اداکارہ مہوش حیات نے بھی یہ میچ دیکھا. اس دوران ان کی ملاقات بالی وڈ کے ایکٹر کارتک آریان کے ساتھ بھی ہوئی ،مہوش حیات نے ان کے ساتھ اپنی تصویر اور چھوٹی سی وڈیو بھی سوشل میڈیا پر جاری کی. مہوش اس موقع پر کافی خو دکھائی دیں لیکن کارتک آریان کے ساتھ ملاقات سے بھی زیادہ مہوش خوش نظر آئیں سابق برطانوی فٹ

بالر ڈیوڈ بیکم کے ساتھ سیلفی لیکر. انہوں‌نے ان کے ساتھ لی گئی اپنی سیلفی کو سوشل میڈیا پر شئیر کرکے اسکو سیلفی آف داائیر کا نام دیا . مہوش حیات سابق برطانوی فٹ بالر ڈیوڈ بیکم کے ساتھ سیلفی لیکر کافی خوش ہیں اور دوسری طرف ان کے پرستار بھی ان کی سیلفی ڈیوڈ‌بیکم کے ساتھ دیکھ کر کافی خوش ہیں. یاد رہے کہ مہوش حیات کے ساتھ فیفا ورلڈ کپ کا فائنل میچ دیکھنے سجل علی ، ہمایوں سعید ان کی اہلیہ ثمینہ ہمایوں بھی تھے. سب نے مل کر میچ دیکھا اور ارجنٹینیا کی جیت کا لطف اٹھایا.

ہالی وڈ‌ اداکار ٹام کروز جو کسی تعارف کا محتاج نہیں ہیں، ان کی مشن امپاسبل سیریز نے پوری دنیا میں شائقین کے دل جیت لئے. اس سیریز کی ساتویں فلم اگلے سال ریلیز ہونے جا رہی ہے. اور فلم کی شوٹنگ زورو شور سے جاری ہے. ٹام کروز کو ان کے مداح دیکھنے کےلئے کافی بے تاب ہیں. ان کی آمد باکس آفس پر ہمیشہ ایک نیا رنگ جماتی ہے. پوری دنیا میں ٹام کروز کے مداح‌پائے جاتے ہیں اور ان کی مشن امپاسبل سیریزنے تو شائقین کو اپنے سحر میں

جکڑ رکھا ہے. مشن امپاسبل سیریز میں ٕٹام کروز کے اسٹنٹس کو ان کے مداح کبھی نہیں بھولے.مشن امپاسبل سیریز کی ساتویں فلم کی شوٹنگ آج کل جاری ہے ، ٹام کروز نے شوٹنگ کے دوران ہی انوکھے انداز میں اپنے مداحوں‌کا شکریہ ادا کیا . ٹام کروز نے اپنے مداحوں کے لئے ایک سپیشل پیغام وڈیو کی صورت میں سوشل میڈیا پر جاری کیا انہوں نے اس وڈیو میں کہا کہ میں اس سال کا اختتام آپ سب کا شکریہ ادا کئے بغیر نہیں‌کرنا چاہتا ، یہ کہتے ہوئے انہوں نے طیار سے چھلانگ لگا دی ، ٹام کروز کے انوکھے انداز میں مداحوں کا شکریہ کرنے پران کے چاہنے والے خوش ہونے کے ساتھ ساتھ حیران بھی ہیں.

امبرہرڈ اور ان کے سابق شوہر جونی ڈیپ نے ایک دوسرے پر کیس کیا ، امبر ہرڈ کو عدالت میں ناکامی کا سامنا بھی کرنا پڑا جب فیصلہ ان کے خلاف آیا ، اور وہ جونی ڈیپ پر گھریلو تشدد کے لگائے گئے الزامات کو ثابت نہ کر سکیں. ورجینیا کی جس عدالت نے فیصلہ ان کے خلاف دیا اس نے اداکارہ کو جونی ڈیپ کو35 لاکھ ڈالر ادا کرنے کا حکم دیا تھا لیکن امبر ہرڈ کے وکیل نے عدالت سے کہا کہ وہ ہرجانے کی اتنی بڑی رقم ادا نہیں کر سکتیں اور اب امبر ہرڈ نے اپنا کیس واپس لیتے ہوئے تصفیے کا صلح کا فیصلہ کیا ہے. اس فیصلے کا اعلان انہوں نے اپنے انسٹاگرام اکائونٹ پر کیا، اس میں انہوں نے لکھا کہ میں اپنی اپیل واپس لے رہی ہوں اور کیس کا تصفیہ چاہتی ہوں

کیونکہ میں ایک اور ٹرائل کا سامنا نہیں کرنا چاہتی۔میری اس کیس میں‌بری طرح‌سے شہرت خراب ہوئی ہے میری ذاتی زندگی بے حد مشکلات کا شکار ہوئی ہے. انہوں نے کہا کہ عدالت کا فیصلہ آنے کے بعد میں‌پریشان ہوئی میں‌کیس نہیں‌کرنا چاہتی تھی لیکن اپنے دفاع میں‌سب کچھ کیا لیکن اب میں‌کیس واپس لیتے ہوئے صلح صفائی سے معاملے کو وائنڈ‌اپ کرنا چاہتی ہوں . یاد رہے کہ امبر ہرڈ نے جونی ڈیپ پر گھریلوتشدد کے الزامات لگائے جن کو وہ عدالت میں ثابت نہ کر سکیں.

سینئر اداکار شبیر جان جو کہ بہت کم انٹرویوز دیتے ہیں اور اگر انٹرویوز دیتے بھی ہیں تو اپنی ذاتی زندگی کے حوالے سے کوئی بھی بات نہیں کرتے لیکن حال ہی میں انہوں نے ایک انٹرویو دیا ہے جس میں انہوں نے بتایا ہےکہ وہ سعدیہ امام کے ساتھ کام کیوں نہیں‌کرتے. انہوں نے کہا کہ کبھی بھی ایسا نہیں ہوا کہ میں‌کسی اداکارہ کے ساتھ کام کرنے سے منع کروں لیکن میں سعدیہ امام کے ساتھ نہ کام کرنے کا فیصلہ کر چکا ہوں اور آئندہ بھی کبھی اس کے ساتھ کام نہیں کروں گا. تفصیلات بتاتے ہوئے شبیر جان نے کہا کہ میری اور سعدیہ امام کی ایک وقت میں بہت اچھی

دوستی تھی. ہم دونوں ایک ساتھ کام بھی کرتے تھے ہم ایک بار ایک جگہ شوٹ کررہے تھے میری بیوی بھی میرے ساتھ تھیں، ایک دن ایسا ہوا کہ سعدیہ امام ہمارے کمرے میں آئی اور اس نے مجھے میری بیوی کے سامنے بے دھڑک ہو کر گلے لگایا، اور میری بیوی کو گلے نہیں لگایا ، اس کے بعد میرا میری بیوی سے بہت جھگڑا ہوا کیونکہ وہ پہلے ہی شک کرتی تھی کہ میرا سعدیہ کے ساتھ کوئی چکر چل رہا ہے حالانکہ ایسا بالکل نہیں تھا. لیکن سعدیہ نے میرا گھر برباد کرنے میں‌کوئی کسر نہیں چھوڑی تھی. میں‌نے اس واقعہ کے بعد سعدیہ کے ساتھ دوستی ختم کرکے اس کے ساتھ کام نہ کرنے کا فیصلہ کیا.

دا لیجنڈ آف مولا جٹ میں ایک اہم کردار کرنے والے گوہر رشید نے کہا ہے کہ میں نے کام میں ورائٹی دیکر بھی دیکھ لیا ہے لیکن مجھے مختلف قسم کے کردار نہیں‌ مل رہے . ابھی تک مجھے اس قابل سمجھا ہی نہیں جا رہا کہ میں مختلف قسم کے کردار کر سکتا ہوں. مجھے آج بھی ایک ہی طرح کے کردار آفر ہوتے ہیں. پتہ نہیں‌یہ تصور کب چینج ہو گا کہ میں ہر طرح‌ کے کردار کر سکتا ہوں. انہوں نے کہا کہ تعلقات کی بناء پر انڈسٹری میں کام ملتا ہے جو کہ نہایت ہی افسوس کی بات ہے ایسا نہیں ہونا چاہیے ایکٹر کا کام اسکی صلاحیتیں دیکھی جانی چاہیں. گوہر رشید نے

کہا کہ ہماری انڈسٹری میں کوئی بھی ایسا نہیں ہے جو اپنی خامیوں پر نظر رکھے بس وہ جب بھی ناکام ہوتے ہیں تو الزام دوسرے پہ دھرتے ہیں اور بہت سارے ایسے لوگ ہیں جو کہتے ہیں کہ ہم پرجادو کروایا گیا ہے . گوہر رشید نے کہا کہ ایسی چیزیں میں نے خواتین میں‌زیادہ دیکھی ہیں. انہوں نے کہا کہ میں انتظار میں ہوں اس وقت کے کہ جب مجھے مختلف قسم کے کردار آفر ہوں گے نعمان اعجاز جیسے کردار کرنے کو ملیں گے. لیکن فی الحال میں جہاں تھا وہیں کھڑا ہوں اچھے کام کے انتظار میں ہوں .

کارتک آریان نوجوان نسل کے نمائندہ فنکار ہیں، بالی وڈ میں اس وقت ان کے نام کا ڈنکا بج رہا ہے. کارتک آریان بالی وڈ میں واحد وہ آرٹسٹ ہیں جن کی فلموں نے اس سال دھواں دار بزنس کیا. ان کی فلم بھول بھلیاں ٹو نے ریکارڈ توڑ بزنس کیا. اس وقت کارتک آریان بالی وڈ میں ہاٹ کیک بنے ہوئے ہیں ، وہ ہر پرڈیوسر اور ڈائریکٹر کی اولین چوائس ہیں. ویسے تو کارتک کو فلم انڈسٹری میں آئے کافی برس ہو چکے ہیں لیکن کامیابی ان کو اب جا کر ملی ہے اور ایسی کامیابی ملی ہے کہ جس پر کوئی بھی رشک کرے. کارتک آریان ان دِنوں‌قطر میں موجود ہیں وہاں‌وہ فیفا ورلڈ‌کپ دیکھنے کےلئے پہنچے ہوئے تھے اس دوران ان کی ملاقات پاکستانی اداکار ہمایوں سعید ، سجل علی اور

مہوز حیات کے ساتھ ہوئی ،سوشل میڈیا پر سرکولیٹ پونے والی تصویر میں دیکھا جا سکتا ہے کہ ہمایوں سعید ، سجل علی ،مہوش حیات ، ثمینہ ہمایوں اور ثناء شاہنواز کارتک آریان کے ساتھ کھڑے ہیں اور سب خاصے خوش دکھائی دے رہے ہیں. کارت کآریان کے چہرے پر خوشی نمایاں ہے. پاکستانی فنکاروں‌کی کارتک آریان کے ساتھ ملاقات کو سوشل میڈیا پر بہت کوریج مل رہی ہے ہر کوئی اس ملاقات اور سرکولیٹ ہونے والی تصویر کے بارے میں بات کررہا ہے.

وکی کوشل اور کترینہ کیف بی ٹاؤن کے سب سے پیارے خوبصورت میں سے ایک ہیں۔ دونوں نے 9 دسمبر 2021 کو راجستھان کے سوائی مادھو پور کے سکس سینس فورٹ بارواڑہ میں اپنے اہل خانہ اور قریبی دوستوں کی موجودگی میں شادی کی جو تین دن تک جاری رہی۔ جب سے اس جوڑے کی شادی ہوئی ہے دونوں سوشل میڈیا پر ایک دوسرے پر پیار جتانے کا کوئی بھی موقع ہاتھ سے نہیں جانے دیتے. فلم فیئر کے ساتھ اپنے ایک حالیہ انٹرویو میں کترینہ کیف کے شوہر وکی کوشل نے کہا کہ میں اپنی اہلیہ سے بہت محبت کرتا ہوں اور ان سے ملنے والے مشوروں کی بھی بہت قدر کرتا ہوں وہ اکثر مجھے زندگی کے بارے میں سمجھاتی ہیں ، اکثر مجھے ٹپس دیتی ہیں کہ میں نے کس طرح سے بچ بچا کر چلنا ہے کہ کسی کنٹرورسی میں نہ گھر جائوں، انہوں نے کہا کہ میری اہلیہ کترینہ

جو کہ بہت عقلمند اور مہربان ہے وہ مجھے اکثر کہتی ہیں کہ آپ اگر کچھ اچھا نہیں کہہ سکتے تو کچھ بھی نہ کہیں یہ بہتر ہے۔وکی نے کہا کہ ہماری شادی کو ایک سال بیت گیا ہے لیکن میں اہلیہ سے جتنی محبت کرتا ہوں اسکا کوئی تصور بھی نہیں کر سکتا . یاد رہے کہ وکی اپنی نئی فلم گووندا نام میرا، جس کی ہدایت کاری ششانک کھیتان نے کی ہے وہ حال ہی میں ریلیز ہوئی ہے وکی نے اس فلم کے لئے بہت زیادہ پرموشنز بھی کیں دیکھنا یہ ہے کہ فلم کیا رنگ جماتی ہے.

سدھارتھ ملہوترا اور کیارا ایڈوانی چھ برسوں سے ایک دوسرے کو ڈیٹ کررہے ہیں اور ان کی شادی کی خبریں تبہی سے زیر گردش ہیں . دو ماہ پہلے خبریں آئیں کہ دونوں شادی کے بندھن میں بندھ رہے ہیں اور جلد ہی شادی کرنے والے ہیں. اطلاعات ہیں‌ یہ بھی آئیں کہ دونوں نے شادی کا وینیو بھی فائنل کر لیا ہے اور چندی گڑھ میں شادی ہو گی .سدھارتھ ملہوترا آج کل اداکارہ رشمیکا مندنا کے ساتھ اپنی آنے والی اسپائی تھرلر فلم مشن مجنو کی تشہیر میں مصروف ہیں اس سلسلے میں وہ بھرپورپرموشنزکررہے ہیں.یہ فلم 20 جنوری 2023 کو نیٹ فلکس پرریلیز ہو رہی

ہے. پرموشنز کے دوران سدھارتھ ملہوترا سے کسی صحافی نے ان سے سوال کیا کہ کیارا کے ساتھ آپ کی شادی کی خبروں میں‌کتنی صداقت ہے اور شادی کب کررہے ہیں. اس سوال کے جواب میں اداکار نے مسکراتے ہوئے کہا "کہ میں اسی سال شادی کر رہا ہوں”. یاد رہے کہ سدھارتھ اور کیارا ایڈوانی اس وقت بالی وڈ کے سب سے زیادہ پسند کئے جانے والی جوڑی ہے . ان کی شادی کی خبریں اس وقت بالی وڈ‌کی سب سے زیادہ ڈسکس ہونے والی خبر ہے. کہا جا رہا ہے کہ دونوں کی شادی کی تیاریاں زوروں پر ہیں اور دونوں‌ کی فیملیاں اس ایونٹ کو یادگار بنانے کے لئے ہر ممکن کوشش کررہے ہیں.