Category: شوبز

اداکارہ ماورا حسین ان دنوں سعودی عرب میں ہیں وہاں وہ عمرہ کی ادائیگی کے لئے گئی ہیں. ماورا حسین نے چند ہفتے پہلے ایک انٹرویو کے دوران اس خواہش کا اظہار کیا تھا اور کہا تھا کہ میری بہت خواہش ہے کہ مجھے خدا عمرہ کے لئے بلاوا دے . انہوں نے کہا کہ تھا کہ مجھے جیسے ہی بلاوا آیا میں بھاگی جائوں گی. تو خدا نے ان کی خواہش پوری کر دی ہے اور وہ عمرہ کرنے چلی گئی ہیں . عمرہ کی ادائیگی کے لئے وہ اپنے والدین کے ساتھ ہیں، ماورا حسین نے اپنی تصاویر سوشل میڈیا پر شئیر کی ہیں جس میں وہ اللہ کے گھر کھڑی ہیں. ان کی ان تصاویر کو ان کی بہن عروہ حسین نے شئیر کرکے مبارکباد دی ہے. ماورا کو ان کے مداح بھی عمرہ کی ادائیگی کے لئے مبارکباد دے رہے ہیں.

یاد رہے کہ ماورا حسین آج کل شوبز انڈسٹری سے دور ہیں ان کا کہنا ہے کہ ایک طرح کا کام ہو رہا ہے جس کی وجہ سے وہ کام سے دوری اختیار کئے ہوئے ہیں. ماورا حسین کہتی ہیں کہ ویسے بھی میں تعلیم مکمل کررہی ہوں میرے پاس وقت بھی نہیں‌ہے اداکاری کرنے کا.

بالی وڈ اداکارہ گوہر خان جنہوں نے معروف میوزیشن اسماعیل دربار کے بیٹے زید دربار کے ساتھ شادی کی وہ اب ماں بننے والی ہیں. گوہر خان نے یہ خوشخبری اپنے مداحوں کے ساتھ سوشل میڈیا پر شئیر کی . انہوں نے ایک وڈیو لگا کر اپنے مداحوں کو بتایا کہ ان کے گھر ننھے مہمان کی آمد ہونے والی ہے. گوہر خان اس موقع پر کافی خوش دکھائی دیں. گوہر خان نے جیسے ہی یہ خبر سوشل میڈیا پر شئیر کی تو ان کے چاہنے والوں کے ساتھ ساتھ انڈسٹری کے دوستوں نے ان کو مبارکبادیں دینا شروع کر دیں.یاد رہے کہ گوہر خان نے اپنے سے دس سال چھوٹے لڑکے سے

شادی کی. گوہر خان اس سے پہلے معروف فلم میکر کرن جوہر کے ساتھ منگنی کے رشتے میں رہ چکی ہیں ان کے ساتھ ان کی منگنی نامعلوم وجوہات کی بناء پر ٹوٹ گئی تھی. گوہر خان نے بگ باس میں بھی شرکت کی اور انہوں نے اس شو کو جیتا بھی. گوہر خان آئٹم سانگز کے ساتھ ساتھ ماڈلنگ بھی کرتی ہیں. گوہر ایک بڑی فین فانولنگ رکھتی ہیں. انہوں نے شوبز میں‌بہت زیادہ کام تو نہیں‌کیا لیکن وہ سٹارز والی شہرت ضرور انجوائے کرتی ہیں.

بالی وڈ اداکار فیضان انصاری جو کہ پاکستانی لڑکی عائشہ کے عشق میں گرفتار ہیں ، کی محبت میں‌پاکستان آنے کے خواہشمند ہیں. انہوں‌نے ویزے کے لئے ایپلائی بھی کیا لیکن پاکستانی ایمبسی نے ان کا ویزہ ریجیکٹ کر دیا ہے. فیضان اس بات پر کافی رنجیدہ ہیں ان کا کہنا ہے کہ عائشہ نے محض چند دنوں میں‌کروڑوں کما لئے ہیں میں جانتا ہوں‌حق مہر پندراں‌لاکھ کیا پچیس لاکھ بھی دے سکتا ہوں. لیکن میں عائشہ کو پا کر ہی رہوں گا. پاکستانی ایمبیسی نے اگر مجھے ویزہ نہیں دیا تو اس کا مطلب یہ نہیں ہے کہ میں پیچھے ہٹ جائوں گا. میں عائشہ کی محبت میں گرفتار ہوں اور اسکو پا کر رہوں گا. پاکستان کو اب میں بتا کر رہوں گا کہ انہوں نے ویزہ ریجیکٹ کیسے کیا. فیضان

انصاری نے کہا کہ ہندوستان کی تاریخ میں بلکہ پوری دنیا میں کسی نے وہ کچھ نہیں کیا ہو گا جو میں‌اگلے کچھ دنوں میں‌کرنے جا رہا ہوں. پوری دنیا کی مجھے حمایت حاصل ہے میں سب کا بہت زیادہ شکر گزار ہوں . لوگوں کے پیار نے مجھے اعتماد دیا ہے اور میں اب عائشہ کو پا کر رہوں گا ، آپ سب میرے ساتھ جڑے رہیے میں اپنے اگلے سٹیپ کا اعلان کرنے والا ہوں ایسا اعلان نہ کسی نے کیا نہ ایسا قدم کسی نے اٹھایا ہو گا.

نیٹ فلیکس پر ثانیہ مرزا اور شعیب ملک کے پروگرام میں حال ہی میں اداکار فہد مصطفی نے شرکت کی ہے. اس میں انہوں نے کی ہیں کچھ دل کی باتیں . انہوں نے کہا کہ میں نے اُس وقت ہوسٹنگ شروع کی جب کوئی نہیں کرتا تھا اور کہا جاتا تھا کہ اگر ہوسٹنگ شروع کر لی تو اداکاری کا کیرئیر متاثر ہو گا. مجھے پیسوں کی ضرورت تھی کیونکہ میں جو کام کررہا تھا اس میں زیادہ پیسے نہیں ملتے تھے اسلئے میں نے اپنے کیرئیر میں اس وقت رسک لے لیا اور ہوسٹنگ شروع کر دی. انہوں نے کہا کہ پیسہ سب کی ضرورت ہوتی ہے اورمیری بھی ضرورت تھی اور ہے ، میں نے جو بھی مقام حاصل کیا ہے بہت محنت کے ساتھ حاصل کیا ہے. پیسے کمانے کےلئے مجھے جتنی بھی

محنت کرے میں کرلوں گا.جو بھی کرنا پڑا کر لوں گا. انہوں نے کہا کہ کبھی بھی مشکلات سے گھبرانا نہیں چاہیے اور رسک لینے سے بھی نہیں ڈرنا چاہیے کبھی کبھی رسک آپکا کیرئیر اور زندگی دونوں ہی بدل دیتے ہیں. انہوں نے کہا کہ میں نے فلمیں ہوسٹنگ کے بعد شروع کی تھیں اور میری فلمیں سپر ہٹ ہوئیں اور میری ہوسٹنگ نے مجھے بہت سہارا دیا کیونکہ ہوسٹنگ میری پہچان بن چکی تھی جب میں فلموں میں آیا. یاد رہے کہ فہد مصطفی نے ٹی وی ڈراموں میں بھی کام کیا ، فلموں اور ہوسٹنگ میں تو سب جانتے ہیں کہ ان کا کوئی ثانی نہیں.

پاکستان کے دو نامور قوال کے درمیان بیس سال کے بعد صلح ہو گئی ہے، زرائع سے معلوم ہوا ہے کہ بیس سال پہلے کسی معاملے پر دونوں کے درمیان اختلافات ہوئے تھے انہی اختلافات کی بناء پر ان دونوں نے ایک دوسرے سے رابطے منقطع کرنے کے ساتھ کام بھی بند کر دیاتھا، لیکن ان دونوں کے مداحوں کے لئے خوشخبری ہے کہ مستقبل میں اب یہ دونوں ساتھ کام کرتے نظر آئیں گے.تفصیلات کے مطابق پاکستان کا معروف قوال گھرانہ 20سال بعد اکٹھا ہوگیا۔ استاد راحت فتح علی خان اور استاد شیر میانداد خان قوال کی 20 سال بعد حال ہی میں تاریخی ملاقات ہوئی ہے۔استاد شیر میانداد قوال نے استاد راحت فتح علی خان قوال کی رہائش گاہ پر ان سے ملاقات کی۔راحت فتح علی خان نے شیر میانداد کا گرمجوشی سے استقبال کیا۔ استاد شیر

میانداد نے استاد راحت فتح علی خان کو ان کی سالگرہ کی مبارکباد دی اور آج کے بعد رابطے قائم رکھنے کے عزم کا اظہار کیا۔استاد راحت فتح علی خان نے شیر میانداد قوال کا دل سے شکریہ ادا کیا۔ شیر میانداد قوال نے کہا کہ میری اپنے بھائی راحت فتح علی خان سے 20سال کے لمبے عرصے بعد ملاقات ہوئی ہے۔ہم اپنے اپنے کام میں اتنے مصروف ہوگئے تھے کہ ملاقات ہی نہیں ہوتی تھی آج دل خوش ہوگیا۔انہوں نے کہا کہ ان سے ملاقات نہ بھی ہو پھر بھی دل ان کے پاس ہی رہتا ہے انہی کو یاد کرتا ہے. جبکہ راحت فتح علیخان نے کہا کہ شیر میانداد کے ساتھ ایک پرانا تعلق ہے ہمیشہ ملاقات کرکے ایکٹھے وقت گزار کے اچھا لگتا ہے.

استار نواز استاد رئیس خاں(مرحوم) کی اہلیہ معروف گلوکارہ بلقیس خانم انتقال کر گئیں ہیں ، کراچی میں رہائش پذیر گلوکارہ نے ریڈیو ، ٹی وی اور فلموں‌کے لئے یادگار گیت گائے. انہوں نے "کچھ دن تو بسو میری آنکھوں میں” ,وہ تو خوشبو ہے ہواؤں میں بکھر جائے گا”اور”انوکھا لاڈلا”جیسے بے شمار مقبول گیت گائے. بلقیس خانم کا شوبز حلقوں میں ایک بڑا نام تھا ان کی گائیکی نئے آنے والوں کے لئے مشعل راہ ہے. بلقیس خانم کے شوہر معروف ستار نواز استاد رئیس خان جن کا کلاسیکی موسیقی کا ایک بڑا نام تھا وہ طویل علالت کے بعد 78 برس کی عمر میں کراچی میں وفات پا گئے تھے۔استاد رئیس خان انڈیا کے شہر اندور میں 1939 میں موسیقاروں کے خاندان میں پیدا ہوئے

جہاں انھوں نے موسیقی کے ابتدائی تعلیم اپنے نانا استاد عنایت علی خان سے حاصل کی۔ مغلوں کے دور سے قائم میوتی گھرانے سے تعلق رکھنے والے استاد رئیس خان کو ‘استاد’ کا خطاب 15 برس کی عمر میں ملا اور 1955 میں انھوں نے انٹرنیشنل یوتھ فیسٹیول میں انڈیا کی 16 برس کی عمر می نمائندگی بھی کی۔انہی کی طرح بلقیس خانم نے بھی اپنا ایک مقام بنایا، ان کی گائیکی کا انداز منفرد اور دوسروں سے کافی الگ تھا.

ہر دور میں پاکستانی ڈراموں کو بے حد مقبولیت حاصل رہی ہے. جب سے ٹی وی پاکستان میں آیا ہے ہمارے ہاں بننے والے ڈرامے ہر دور میں ہر نسل نے بے حد پسند کئے. گو کہ پرائیویٹ چینلز کی بھرمار کی وجہ سے اب بہت زیادہ ڈرامہ بن رہا ہے اور ڈرامہ پہلے جیسا نہیں رہا ، وقت بدلنے کے ساتھ ڈرامہ بننے کے تقاضے بھی تبدیل ہوئے. آج ہمارا جتنا بھی تبدیل ہو چکا ہے لیکن مسلسل شائقین کی توجہ اپنی طرف مرکوز کئے ہوئے ہیں. سال 2022 میں ہر چینل پر متعدد ڈرامے چلے لیکن ہم یہاں پر آٹھ ڈراموں کا زکر کریں گے جنہوں نے عوام میں مقبولیت حاصل کی .

فراڈ ، بدذات ، وہ پاگل سی، دل آویز ، کیسی تیری خود غرضی، سنگ ماہ اور میرے ہمسفر ایسے ڈرامے ہیں جن کو بہت زیادہ دیکھا گیا. ڈرامہ سیریل فراڈ‌ میں صبا قمر، میکال ذولفقار اور احسن خان کافی عرصے کے بعد نظر آئے . صبا قمر کی اداکاری کو بے حد سراہا گیا. دوسری طرف کسی تیری خود غرضی میں پہلی بار درفشاں اور دانش تیمور ایک ساتھ دکھائی دئیے دونوں کی جوڑی کو کافی مقبولیت ملی . ڈرامہ سیریل میرے ہمسفر میں فرحان سعید اور ہانیہ عامر کی جوڑی کو بھی کافی پسند کیا گیا،. اس سال کی یہ سب سے زیادہ مقبول ٹی وی جوڑی رہی .