Category: شوبز

سیف علی خان اور کرینہ کپور خان بالی وڈ کے سب سے خوبصورت جوڑوں میں سے ایک ہیں۔ جب بھی یہ دونوں ایک ساتھ کہیں جاتے ہیں تو ان کی تصاویر سوشل میڈیا پر وائرل ہوجاتی ہیں. دونوں‌ ہی ایک بڑی فین فالونگ رکھتے ہیں. حال ہی میں یہ دونوں جدہ، سعودی عرب میں بحیرہ احمر کے میلے میں ایک ساتھ نظر آئے . دونوں کافی خوبصورت لگ رہے تھے. پنڈال میں داخل ہونے سے پہلے میڈیا نے سیف سے بالی وڈ کی اداکارائوں کے بارے میں سوال کیا تو انہوں نے چند خواتین اداکاراؤں کا نام لیا اور کہا کہ یہ بہترین اداکارائیں ہیں لیکن حیرت انگیز بات یہ ہے

کہ وہ اپنی ہی اہلیہ کا نام لینا بھول گئے۔ اس دوران ساتھ کھڑی کرینہ کپور نے کہا کہ سیف اپنی بیوی کو بھول گئے ہو تو سیف علی خان ہنس پڑے اور کہا کہ یقینا میری خوبصورت بیوی بھی ہیں جن کا شمار بالی وڈ کی بہترین اداکارائوں میں ہوتا ہے. سیف علی خان نے اس موقع پر اپنی والدہ شرمیلا ٹیگور کے بارے میں بھی بات کی۔ انہوں نے کہا انہوں نے محض 16 سال کی عمر میں اداکاری شروع کی . اس موقع پر اداکارہ کرینہ کپور نے کہا کہ خوشی ہے کہ شوبز انڈسٹری میں خواتین کی ایک بڑی تعداد آرہی ہے.

سینئر بالی وڈ اداکار میناکشی ششادری اور جیکی شروف 1980 کی دہائی میں بالی وڈ کی دنیا کی خوبصورت جوڑیوں میں سے ایک تھے. انہوں نے متعدد فلموں‌میں کام کیا اور داد سمیٹی. جیکی اور میناکشی کی مشہور فلموں میں اللہ رکھا، ہیرو، اکیلا، میرا جواب، اور دہلیز کے نام قابل زکر ہیں‌. میناکشی نے حال ہی میں جیکی شروع کے ساتھ اپنے فلمی سفر شروع کرنے کے دور کو یاد کیا اور اپنی اور جیکی شروع کی تصویر سوشل میڈیا پر جاری کرکے لکھا ہیرو کی ہیروئین. میناکشی کی اس پوسٹ‌ پر سوشل میڈیا صارفین نے دلچپسپ تبصرے کرتے ہوئے دونوں کو ہی اپنا فیورٹ‌قرار دیا. میناکشی نے اپنے حالیہ انٹرویو میں یہ بھی کہا کہ وہ جلد ہی بالی وڈ میں واپسی کرنا

چاہتی ہیں۔ انہوں نے کہا کہ میں دوبارہ اداکاری کرنے کا ارادہ رکھتی ہوں کیونکہ مجھے ایسا لگتا ہےکہ جیسے کچھ ادھورا رہ گیا تھا. انہوں نے اس انٹرویو میں یہ بھی کہا کہ وہ ہر قسم کا کردار کر سکتی ہیں اس لئے جس قسم کابھی کردار ملے گا وہ کریں گی. یاد رہے کہ میناکشی ششادری اور جیکی شروف کی فلم ہیرو 1983 میں ریلیز ہوئی یہ ایک رومینٹک ایکشن فلم تھی جس کی ہدایت کاری سبھاش گھئی نے کی تھی۔ اس کی موسیقی لکشمی کانت پیارے لال نے ترتیب دی تھی اور یہ فلم سپر ہٹ ہوئی تو ساتھ ہی ان دونوں کی جوڑی بھی سپر ہٹ ہو گئی . دونوں راتوں رات ہی سٹار بن گئے.

اداکارہ مایا علی جو ایک بڑی تعداد میں فین فالونگ رکھتی ہیں انہوں نے حال ہی میں عمرے کی سعادت حاصل کی ہے ان سے چند دن قبل اداکار ہمایوں سعید انکی اہلیہ اور شہزاد نصیب نے عمرے کی سعادت حاصل کی جن کی تصاویر سوشل میڈیا پر کافی وائرل ہوئیں. مایا علی نے عمرے کی سعادت حاصل کرنے دوران اپنی کچھ تصاویر انسٹاگرام پر جاری کیں اور انہوں‌نے کیپشن لکھا کہ بے شک خدا کی ذات جس کو جب چاہیے عزت سے نوازے اور اپنے گھر بلا لے. انہوں نے خدا کے گھر میں خدا کی نعمتوں‌کا شکر ادا کرتے ہوئے کہا کہ مجھے جو کچھ دیا اس کے لئے الحمد اللہ . مایا علی نے کچھ تصاویر ایسی بھی شئیر کیں جن کے کیپشن میں انہوں نے لکھا کہ کیا روح پرور مناظر ہیں کہ جن کو میں اپنے لفظوں میں بھی بیان نہیں کر سکتی . میں بس خدا کی دی ہوئی نعمتوں‌کی شکر گزار

ہوں. یاد رہےکہ مایا علی آج کل شعیب منصور کی فلم کی شوٹنگ میں مصروف ہیں اس میں ان کے ساتھ بطور ہیرو عماد عرفانی کام کررہے ہیں. شعیب منصور کے ساتھ مایا علی اور عماد عرفانی پہلی بار کام کررہے ہیں. عماد عرفانی نامو ماڈل ہیں اور مایا علی ایک اسٹیبلش اداکارہ ہیں ان کی پہلی ہی فلم طیفا انٹربل نے ان کو فلموں‌کی سپر سٹار بنا دیا تھا .

اداکارہ ماہرہ خان جنہوں نے ہمایوں سعید کے ساتھ فلم بن روئے میں کام کیا تھا ان کی جوڑی کو اس فلم میں بہت سراہا گیا تھا آج بھی شائقین ان دونوں‌کو ایک ساتھ دیکھنا چاہتےہیں. اس ھوالے سے ماہرہ خان نے حال ہی میں ٹویٹر پر کسی صارف کے سوال کے جواب میں کہا ہےکہ مجھے بہت امید ہے کہ آپ سب مجھے اور ہمایوں سعید کو بہت جلد ایکساتھ دیکھیں گے. ماہرہ خان نے اپنے مداحوں کے ساتھ ٹویٹر پر آسک ماہرہ کا ایک سیشن رکھا جس میں ان کے مداحوں نے سوالات کئے اور انہوں‌نے جوابات دئیے. ایک صارف نے پوچھا کہ اگر آپ کے پاس چوائس ہو تو شاہ

رخ خان کے ساتھ کونسا سین دوبارہ کرنا چاہیں گی تو انہوں‌نے جواب میں شاہ رخ خان اور اپنی تصویر لگا دی اور کہا کہ ” یہ ” اس تصویر میں شاہ رخ خان ماہرہ خان کے چہرے کی طرف دیکھ رہے ہیں. ماہرہ خان نے اس سیشن سے قبل ایک ٹویٹ کیا تھا کہ بہت وقت ہو چلا مداحوں سے بات چیت نہیں ہوئی تو پھر رکھ لیتے ہیں ایک سیشن . یاد رہےکہ ماہرہ خان کی فلم دا لیجنڈ‌آف مولا جٹ اب پاکستان اور دنیا بھر کے دیگر ممالک سے کامیابیاں سمیٹنے کے بعد بھارت میں بھی ریلیز ہونے جا رہی ہے.

فوک گلوکار عطا اللہ عیسی خیلوی نے اپنے حالیہ انٹرویو میں کہا ہےکہ میں وہ والد نہیں ہوں جو بچوں پر اپنی مرضی مسلط کرے. میرے بچے اپنی مرضی کے پروفیشن میں گئے ہیں اور کام کررہے ہیں میں ان کی خوشی میں خوش ہوں. جب ہمارا دور تھا تو اس وقت شوبز میں آنے کو اچھا نہیں سمجھا جاتا تھا . اگر کوئی بچہ گانا گانے یا اداکاری کرنے کی خواہش کرتا تھا تو اس کو کٹھن مراحل سے گزرنا پڑتا تھا بلکہ خاندان ایسے بچے یا بچی کو چھوڑ‌دیا کرتے تھے جو اداکاری یا گلوکاری کے لئے گھر سے باہر نکلتے. عطا اللہ عیسی خیلوی نے کہاکہ میرے

ساتھ بھی ایسا ہی ہوا مجھے گلوکاری کا شوق تھا لیکن میرے گھر والے اس شوق کے سخت مخالف تھے لیکن میں نے اپنے شوق کی تکمیل کا ٹھان رکھا تھا. میں کام کے لئے کئی سال دھکے کھاتا رہا مجھے کوئی سننے کو تیار نہیں ہوتا تھا. میں لاہور آکر کئی بار رات کو بھوکا سویا لیکن اللہ نے جب عزت مقام مرتبہ دیا تو پھر سب تکلیفیں بھول گئیں. اللہ بہت بے نیاز ہے محنت اور لگن ہو تو وہ راستے آسان بنا دیتا ہے یقینا کامیابی حاصل کرنا آسان بات نہیں ہوتی لیکن لگن اور مسلسل محنت انسان کو کہاں سے کہاں پہنچا دیتی ہے.

اداکار سہیل احمد جنہوں نے سٹیج سے بے پناہ شہرت حاصل کی ان کی جوڑی ببو برال ، شوکی خاں امان اللہ کے ساتھ کافی ہٹ تھی. انہوں نے اپنے حالیہ انٹرویو میں کہا ہے کہ تھیٹر اب وہ تھیٹر نہیں رہا جو ایک وقت میں ہوتا تھا. انہوں نے کہا کہ ہم نے خود تھیٹر کی تباہی کی، غلیظ جگتیں غلیظ ڈانسز نے تھیٹر کی تباہی کرکے رکھ دی . میں چیختا رہا کہ تھیٹر تباہ ہو رہا ہے ہم تھیٹر کو کس طرف لیکر جا رہے ہیں لیکن میری کسی نے بھی نہ سنی . میں حکمرانوں سے ملا ، وزیر ثقافت کو کئی بار کئی حکومتوں‌کے دوران ملا لیکن میری بات کسی نے نہیں سنی اور

تھیٹر کو تباہی کے لئے چھوڑ دیا گیا. آج کیا ہورہا ہے تھیٹر پر ؟ شرم آتی ہے سن کر وہاں جو زبان استعمال ہوتی ہے. فیملیاں آج تھیٹر سے ناراض‌ ہیں وہ تھیٹر کی طرف جانے کو تیار نہیں ہیں. کبھی کسی نے سنا کہ پارلیمنٹ‌میں کلچر پر گفتگو ہوئی؟ نہیں کسی کو پرواہ ہی نہیں. وزیراطلاعات و نشریات کے ساتھ ایک دم چھلا لگا دیا جاتا ہے ، اطلاعات و نشریات تو اپنے لیڈر کے لئے ہوتی ہے ،کلچر اور عوام بھاڑ میں جائیں . مجھے افسوس ہے آج جو تھیٹر کی صورتحال ہے.

دا لیجنڈ آف مولا جٹ جب سے ریلیز ہوئی ہے کامیابیاں سمیٹ رہی ہے. اس فلم کے حوالے سے تازہ خبر یہ ہے کہ یہ فلم اب ہمسایہ ملک بھارت میں بھی ریلیز ہوگی .کہا جا رہا کہ اس فلم کو بھارت میں ریلیز کرنے کی تیاریاں مکمل کر لی گئی ہیں اور اسی مہینے کے آخری ہفتے میں فلم کو ریلیز کیا جائیگا. پاکستانی سپرہٹ فلم کو” زی اسٹوڈیوز” کے اشتراک سے ریلیز کیا جائے گا۔ جس کا حتمی اعلان جلد کیا جائیگا. اگر بھارت میں دا لیجنڈ‌آف مولا جٹ ریلیز ہوجاتی ہے کہ تو یہ ایک اور اعزاز ہو گا جو یہ فلم اپنے نام کریگی. اس فلم کی بھارت میں ریلیز دیگر پاکستانی فلموں‌کے لئے بھی خوش آئند ہو گا. دا لیجنڈ‌آف مولا جٹ نے پاکستان سمیت دنیا بھر کے دیگر ممالک سے اب تک دو سو کروڑ‌کما لیا

ہے اور کامیابی کا یہ سلسلہ تیزی سے جاری ہے. دوسری طرف بھارتی عوام بھی دا لیجنڈ‌آف مولا جٹ کو دیکھنے کےلئے بےتاب ہے. سوشل میڈیا پر اکثر بھارتی صارفین کی جانب سے یہ کہا جا رہا ہوتا ہے کہ دا لیجنڈ‌آف مولا جٹ کو ہمارے ملک میں بھی ریلیز کیا جائے. اس فلم کی ریلیز کے بعد یقینا پاکستانی اور بھارتی فنکاروں‌کا آپس میں کام کرنے کا راستہ بھی کھلے گا . یاد رہے کہ دا لیجنڈ‌آف مولا جٹ کو بھارتی معروف فلم میکر کرن جوہر دبئی کے سینما میں جا کر دیکھ چکے ہیں اور بلال لاشاری کو تعریفی فون کر چکے ہیں.

فلمسٹار دردانہ رحمن جن کا بیٹا ایک واقعہ میں سر میں گولی لگنے سے زخمی تھا، ایک ماہ سے ہسپتال میں زیرعلاج تھا گزشتہ روز انتقال کر گیا. اسکی نمازہ جنازہ گزشتہ روز ادا کر دی گئی نمازہ جنازہ میں شوبز انڈسٹری کی نامور شخصیات نے شرکت کی. جن میں اداکاراورنگزیب لغاری،الطاف حسین،نسیم حیدر شاہ،اچھی خان،جاوید رضا،ہمایوں صفدر،ذیڈ اے زلفی،بابو محمود،حامد رانا،عمران نواب،منور چاند،جاوید صادق،سہیل بخاری،،
خلیق احمد ،ٹھاکر لاہور ی ، جرار رضوی،طارق ساحلی و دیگر نے شرکت کی . سینئر اداکارہ کے غم میں شریک ہونے والی خواتین میں گلوکارہ میگھا،نرگس،عشرت چودھری،امروزیہ،صبا شاہین،نشو بیگم،سیمی،نادیہ علی،عائشہ جاوید،بینا سحر،شیبا بٹ و دیگر کا نام شامل ہے . دردانہ رحمان کے بیٹے کی رسم قل آج ان کی رہائش گاہ پر ہو گی. اداکارہ دردانہ

رحمان کا شمار پاکستان کی فلم انڈسٹری کی ان اداکارائوں میں ہوتا ہے جنہوں نہایت کم عرصے میں اپنا نام بنایا اور جنہوں نے کام کی باریکیوں کو سمجھ کر کیا اور شائقین کے ساتھ ساتھ ناقدین سے بھی داد سمیٹی. دردانہ رحمان ایک عرصہ سے شوبز انڈسٹری سے دور نظر آتی ہیں تاہم وہ شوبز کی تقریبات میں کبھی کبھی ضرور نظر آجاتی ہیں. اداکارہ دردانہ رحمان کے بیٹے کے انتقال پر ہر آنکھ اشکبار ہے اور شوبز انڈسٹری اداکارہ کے غم میں برابر کی شریک ہے.

خالد عباس ڈار جو کم کم ہی تقریبات کا حصہ بنتے ہیں انہوں‌نے حال ہی میں سید افضال احمد کے جنازے میں شرکت کی انہوں نے کہا کہ سید افضال احمد کام کا جنونی تھا اور کئی برس تک اس نے دن رات کام کیا. انہوں نے تماثیل میں جو پہلا ڈرامہ کیا وہ بھی میرے ساتھ کیا اور اپنی پہلی فلم بھی میرے ساتھ کی. انہوں‌نے انتہائی عروج دیکھا اور اس وقت انڈسٹری میں اپنا نام اور مقام بنایا جب سخت مقابلہ تھا ایک سے بڑھ کرایک آرٹسٹ موجودتھا. خالد عباس ڈار نےکہا کہ اتنا بڑا فنکار اور کس حالت میں دنیا سے گیا. انہوں نے کہا کہ مر تو وہ اسی دن گیا تھا جب اس کے

دماغ کا پہلا آپریشن ہوا تھا. بیس سال اس نے بہت تکلیف میں گزارے. خالد عباس نے کہا کہ سید افضال جیسا نہ کوئی تھا نہ ہے نہ ہوگا وہ اپنی مثال آپ تھا، نہایت پروفیشنل تھا یاروں کا یار تھا.میرے ساتھ اسکا تعلق ایسا تھا کہ جیسے ہم بھائی ہوں. آخری وقتوں میں ان سے ملنے سے اسلئے گھبراتا تھا کیونکہ انکی حالت دیکھ کر کئی کئی دن نیند نہیں آتی تھی سکون لٹ جاتا تھا لیکن دل سید افضال کی طرف سے رہتا پریشان ہی تھا. وہ آج شوبز انڈسٹری کو یتیم کر گیا ہے.

سیئنر اداکار حامد رانا نے سید افضال احمد کے جنازے میں شرکت کی اور اس موقع پر میڈیا سے گفتگو کرتے ہوئے کہا کہ سید افضال احمد نے بلاشبہ تھیٹر کے ڈرامےکو نئی جہتوں سے متعارف کروایا. انہوں نے جدید تھیٹر بنایا. تماثیل انکی دن رات کی کاوشوں کا نتیجہ تھا جسکو انہوں اپنا گھر گرا کر تعمیر کیاتھا. وہ بہترین انسان اور اداکار تھے. تماثیل کی کامیابی نے بہت سارے فنکاروں‌کے لئے رزق کے دروازے کھولے لیکن جب افضال احمد تماثیل کو اسلام آباد میں لیکر گئے تو میں نے ان سے کہا کہ یہ آپ غلط کرنے جا رہے ہیں آپ ایسا نہ کریں نقصان ہو گا وہی

ہوا سید افضال کا اسلام آباد میں تماثیل کا تجربہ ناکام ہو گیا اور ان کو بہت بڑا نقصان ہونے کے ساتھ دھچکا لگا اور بس یہیں سے ان کا زوال شروع ہوا. پھر وہ سنبھل نہ پائے. پریشان رہنے لگے ان کا ڈپریشن ان پر حاوی ہو گیا کرتے کرتے بات برین ہیمرج تک جا پہنچی اور بیس سال وہ وہیل چئیرپر رہے اور ایک ایسی زندگی گزاری جس کا سوچ کےبھی خوف آتا ہے. حامد رانا نے کہا کہ اسلام آباد میں تماثیل تھیٹر کا جو تجربہ ان کا ناکام ہوا اس چیز کو انہوں‌نے بے حد سر پہ سوار کیا.