Category: شوبز

شاہ رخ خان کی فلم پٹھان کا جب سے ٹیزر ریلیز ہوا ہے یہ تنازعات میں ہی گھری ہوئی نظر آتی ہے. حال ہی میں فلم کا گانا بے شرم رنگ جو کہ دیپیکا پڈوکون پر فلمایا گیا ہے ریلیز کیا گیا ہے گانے کے مناظر بولڈ ہونے کی وجہ سے اس پر خاصی تنقید کی جا رہی ہے ، دیپیکا اس میں مختصر لباس میں نظر آرہی ہیں. سوشل میڈیا صارفین بھی جہاں تنقید کرتے ہوئے نظر آرہے ہیں وہیں بھارت کی ریاست مدھیا پردیش کے وزیر داخلہ نے ’پٹھان‘ کا نیا گانا سامنے آنے کے بعد اس میں اداکارہ دیپیکا پڈوکون کے کپڑوں پر اعتراض کرتے ہوئے کہا ہے کہ نہ صرف فلم کا نام تبدیل

کیا جائے بلکہ اس میں پہنے گئے کپڑوں کو بھی ٹھیک کریں اور گانے کے کچھ مناظر کو بھی تبدیل کیا جائے. مدھیا پردیش کے وزیر داخلہ کا مزید کہنا ہے کہ اگر ایسا نہ کیا گیا تو ہم مدھیا پردیش میں فلم کی ریلیز کے بارے میں سوچیں گے. یاد رہے کہ فلم پٹھان اگلے برس ریلیز ہونے جا رہی ہے لیکن اب دیکھنا یہ ہے کہ مدھیا پردیش کے وزیر کے اعتراضات کے بعد شاہ رخ خان اور ان کی ٹیم ان اعتراضات سے نمٹنے کے لئے کیا حکمت عملی اپناتے ہیں.

بالی وڈ کی خوبصورت جوڑی وکی کوشل اور کترینہ کیف کو بہت زیادہ پسند کیا جاتا ہے ، اس جوڑے نے گزشتہ سال راجستھان کے سوائی مادھو پور میں سکس سینس فورٹ بارواڑہ میں شادی کی۔ وکی فی الحال اپنی آنے والی فلم گووندا نام میرا کی ریلیز کی تیاری کر رہے ہیں، اس سلسلے میں بھرپور پروموشنز بھی کررہے ہیں اس فلم میں ان کے ساتھ بھومی پیڈنیکر اور کیارا اڈوانی نظر آئیں گی. وکی کوشل نے حال ہی میں اپنے انٹرویو میں انکشاف کیا ہے کہ انکی اہلیہ کترینہ نے تھوڑی بہت پنجابی زبان سیکھ لی ہے اور وہ تھوڑی تھوڑی پنجابی بولنا شروع ہو گئی ہیں. انہوں‌نے کہا کہ وہ روانی میں شاید پنجابی کے جملے نہیں بول سکتیں لیکن کچھ پنجابی کے الفاظ ضرور روانی میں بولنے لگ گئی ہیں. وکی کوشل نے یہ بھی

بتایا کہ ان کا پسندیدہ پنجابی لفظ کونسا ہے تو انہوں‌نے کہا کہ ”ہاں جی ‘ ان کا پسندیدہ لفظ ہے۔ انہوں نے ساتھ ہی یہ بھی کہا کہ اگر زندگی اچھی گزارنی ہے تو ہاں جی کا استعمال ضرور کرنا چاہیے اور ہاں جی لفظ کا استعمال زندگی کو بہت زیادہ آسان اور اچھا بنا دیتا ہے. یاد رہے کہ وکی اور کترینہ کا شمار ان سلیبرٹیز میں‌ہوتا ہے جو باکس آفس کے علاوہ سوشل میڈپا پر بہت زیادہ مقبول ہے.

راحت فتح علیخان جو کہ ایک انٹرنیشنل گلوکار ہیں ان کے مداح ان کے نئے گیتوں کے لئے منتظررہتے ہیں . راحت کا شمار ان گلوکاروں میں ہوتا ہے جن کے بغیر بالی وڈ کی فلموں کے میوزک کے رنگ پھیکے دکھائی دیتے ہیں . سلمان خان ہوں یا شاہ رخ خان و دیگر بڑے نامور موسیقار ہر کوئی ان کی آواز کا دیوانہ ہے ان کی گائیکی کا دیوانہ ہے. انہوں نے آج تک جو بھی گایا ہے وہ اپنی مثال آپ ہے ،راحت پاکستان کی دنیا بھر میں خوبصورت انداز میں‌نمائندگی کرتے ہیں.ان کے مداحوں کے لئے خوشخبری ہے کہ حال ہی میں ان کے نئے گیت چال کا ٹیزر جاری کیا گیا ہے . راحت فتح علی خان کے اس گانے میں بین الاقوامی ماڈلز جلوہ آفروز ہو رہے ہیں اور ایسا پہلی بار ہو رہا ہے کہ راحت کے کسی گیت میں انٹرنیشنل ماڈلز

شامل ہو رہے ہیں . گانے کو لکھا kirick نے ہے جبکہ اس گانے کی ویڈیو کو Ricky MK نے ڈائریکٹ کیا ہے۔ گانے کی ویڈیو کو مراکش کے مقامات پرعکسبند کیا گیا ہے۔”چال “ راحت فتح علی خان کا ”سولو“ گانا ہو گا۔راحت فتح علی خان طویل عرسے بعد ” سولو “ گانا گا رہے ہیں۔ یاد رہے کہ راحت فتح علیخان کا شمار ان گلوکاروں میں‌ہوتا ہے جن کےیوٹیوب پر ریکارڈ‌گانے سنے جاتے ہیں.

سوشل میڈیا کے اس دور میں کون کب کتنا مشہور ہوجائے کسی کو کچھ نہیں‌پتہ ہوتا، اب عائشہ عرف مانو کو ہی دیکھ لیں کہ ان کو کیا پتہ تھا کہ اپنی سہیلی کی شادی پر کرنے والا ان کا ڈانس اس قدر مشہور ہوجائیگا کہ ڈانسنگ کوئین مادھو ڈکشٹ اور خوبصورت حسینہ کترینہ کیف بھی ان کے ڈانس سٹیپس فالوں کریں گی. عائشہ عرف مانو کو ان کی ایک ڈانس وڈیو نے راتوں رات سٹار بنا دیا ہے. ان کو بے شمار ایکٹنگ اور ماڈلنگ کی آفرز آنے لگی ہیں . اب اطلاعات یہ ہیں کہ عائشہ عرف مانو نے اب باقاعدہ طور پر ماڈلنگ شروع کر دی ہے. میرا دل یہ پکارے آجا پر ڈانس کرنے والی یہ لڑکی اب برینڈز کے شوٹ میں‌دکھائی دیں گی، عائشہ نے ماڈلنگ کی پہلی اسائنمنٹ بھی کر لی ہے. یاد رہے کہ لتا منگیشکر کا گیت میرا دل

یہ پکارے آجا پر عائشہ نے ڈانس کیا یہ وڈیو اس قدر وائرل ہوئی ہےکہ بالی وڈ‌کی نامور شخصیات اس پر ڈانس کررہی ہیں. پاکستان ہو یا انڈیا ہر جگہ اس گانے کا بخار چڑھا دکھائی دے رہا ہے. لیکن اس سارے سلسلے میں عائشہ ایک سلیبرٹی ضرور بن گئی ہیں اور ان کو اب ایک سلیبرٹی کے طور پر ہی دیکھا جا رہا ہے ان کے بارے میں کہا جا رہا ہے کہ وہ اب انٹرویوز دینے کے پیسے مانگنے لگی ہیں .

پاکستانی ماڈل ایمل خان بھی چل پڑے ہیں بالی وڈ اداکار رنویر سنگھ کے نقش قدم پر. اس سال رنویر سنگھ نے ایک انٹرنیشنل میگزین کےلئے کروایا عریاں فوٹو ،اس فوٹو شوٹ پر ان کو کافی زیادہ تنقید کا سامنا کرنا پڑا . حال ہی میں پاکستانی ماڈل ایمل خان نے بھی اسی قسم کا شوٹ کروایا ہے. اور ایمل خان کی تصاویر انٹرنیٹ پر وائرل ہونے کے بعد ان کو ہے خاصی تنقید کا سامنا. ایمل خان کو سوشل میڈیا پر صارفین نے لیا ہے آڑھے ہاتھوں. تفصیلات کے مطابق ایمل خان کی برہنہ تصاویر مشہور فیشن ڈیزائنر اور فوٹو گرافر احسن خان نے اپنے سوشل میڈیا اکاونٹ پر شئیر کیں۔جن میں ایمل کو مکمل برہنہ دیکھا جا سکتا ہے۔سوشل میڈیا صارفین ایمل خان اور فوٹو گرافر احسن خان پر فحاشی پھیلانے کا الزام لگاتے

ہوئے ان پر سخت کاروائی کرنے کا کہہ رہے ہیں۔کئی سوشل میڈیا صارفین کا کہنا ہے کہ ان دونوں کے کام پر پابندی لگائی جائے اور ان دونوں پر ہرقسم کی پابندی لگائی جائے. انہوں نے جس قسم کا شوٹ کیا ہے اس کی اجازت ہمارا مذہب اور کلچر نہیں دیتا. یاد رہے کہ ایمل خان کا شمار پاکستان کے نمبر ون ماڈلز میں ہوتا ہے انہوں نے بڑے اور نامور برینڈ کے فوٹو شوٹ کئے ہیں لیکن اس قسم کا شوٹ پہلی بار کیا ہے . کئی سوشل میڈیا صارفین کا کہنا ہے کہ ایمل نے یہ سب مزید شہرت حاصل کرنے کےلئے جان بوجھ کر کیا ہے.

بالی کنگ شاہ رخ خان نے بیٹے آریان خان نے اداکاری کی طرف تو قدم نہیں رکھا پچھلے دنوں ان کے بارے میں ایک خبر آئی کہ وہ بطور رائٹر بالی وڈ میں قدم رکھ رہے ہیں. ان کے بارے میں جو حالیہ خبر سامنے آرہی ہے اس کے مطابق وہ بھارت میں واٹکا کا بزنس شروع کرنے جا رہے ہیں. کہا جا رہا ہے کہ آریان نے بھارت میں دنیا کی مقبول ترین شراب کا برانڈ کا متعارف کروا دیا ہے. ۔آریان نے انسٹاگرام پر تصویر پوسٹ کرتے ہوئے کیپشن میں لکھا کہ اس لگژری برانڈ کو متعارف کرانے میں 5 سال کا عرصہ لگا۔ آخر کار یہ DYAVOL حاضر ہے۔ آریان خان نے کہا کہ اس بزنس کو کرنے کےلئے میرے والدین نے میری بہت مدد کی اور پیسہ بھی دیا . انہوں نے یہ بھی کہا کہ میں اسی نام سے اپنے ملبوسات کا برینڈ بھی متعارف کروا رہا

ہوں جس میں شرٹس، جیکٹ، کورٹس اور ہوڈیز شامل ہوں گی۔یاد رہے کہ آریان خان پر گزشتہ برس کافی بھاری رہا وہ منشیات کیس میں پھنس گئے تھے جس میں سے وہ کسی حد تک نکل بھی چکے ہیں. آریان خان کہتے ہیں کہ وہ بہت کم سوتے ہیں اور زیادہ گھنٹے کام کرتے ہیں . انہوں نے کہا کہ مجھے کام کرنا اچھا لگتا ہے.

اداکارہ ایمان علی جن کی حال ہی میں فلم ٹچ بٹن ریلیز ہوئی اس میں ان کو ایک خوبصورت کردار میں دیکھا گیا ، ایمان علی فلم میں نہایت ہی خوبصورت دکھائی دیں ان کے ساتھ مرکزی کردار فرحان سعید نے ادا کیا . ایمان علی کے بارے میں مشہور ہے کہ ان کے جو دل میں آتا ہے وہ بول دیتی ہیں اور کوئی بھی بات دل میں نہیں رکھتیں. ایمان علی نے حال ہی میں عفت عمر کے ساتھ انٹرویو میں ایک انکشاف کیا ہے اس میں انہوں نے کہا ہے کہ بالی ووڈ فلم رئیس ماہرہ خان سے پہلے مجھے آفر ہوئی تھی،ایمان علی نے کہا کہ مجھے بالی وڈ سے ایک کال موصول ہوئی جس

میں کہا گیا کہ ہم آپ کو فلم رئیس میں شاہ رخ خان کے مقابل ہیروئن کا کردار آفر کرنا چاہتے ہیں ۔جس پر میں‌نے ان سے سکرپٹ مانگا تو اس کے بعد وہ مجھ سے رابطے میں نہیں آئے اور کافی عرصے کے بعد مجھے پتہ چلا کہ میری جگہ ماہرہ خان کو کاسٹ کر لیا گیا ہے. انہوں نے کہا کہ میں‌نے ہمیشہ اپنی مرضی کے مطابق کام کیا ہے سکرپٹ پڑھتی ہوں اگر نہ پسند آئے تو انکار کر دیتی ہوں. ہاں جو سکرپٹ نہیں دیتے ان کے ساتھ کام کرنا پسند نہیں کرتی چاہے وہ کتنی ہی بڑی آفر کیوں نہ ہو. میں کام اپنی ہی شرائط پر کرتی ہوں .

بالی وڈ حسینہ کترینہ کیف کی جب سے شادی ہوئی ہے ان کے ماں بننے کی خبریں گردش کرتی رہتی ہیں . کترینہ کیف کی چال ڈھال ان کے لباس پر ان کے مداح گہری نظر رکھے ہوئے ہیں . حال ہی میں ایک بار پھر سے کترینہ کیف کی ماں بننے کی خبریں گردش کررہی ہیں . تفصیلات کے مطابق سوشل میڈیا پر انڈین اداکارہ کترینہ کیف کی تصاویر اور ویڈیو ز وائرل ہو رہی ہیں۔ان کو دیکھ کر سوشل میڈیا صارفین یہ گمان کر رہے ہیں کہ کترینہ ماں بننے والی ہیں اور وہ بہت جلد اس حوالے سے اپنے مداحوں کو خوش خبری سنائیں گی ۔اب دیکھنا یہ ہے کہ ان افواہوں میں کوئی حقیقت ہے یا پھر پہلے کی طرح یہ بھی محض افواہیں ہی ثابت ہوں گی . کترینہ کیف اور وکی کوشل نے تاحال ایسی کسی خبر کی تصدیق یا تردید نہیں‌کی. لیکن ان کے مداح کوئی بھی

ایسی خبر سننے کے لئے بےتاب ہیں کہ ان کی پسندیدہ اداکارہ ماں بننے والی ہیں . یاد رہے کہ کترینہ کیف اور وکی کوشل کی شادی 2021 میں ہوئی دونوں نے محبت کی شادی کی اور ان کی شادی میں ان کے قریبی رشتہ دار اور دوست دکھائی دئیے. شادی کی تقریبات کو سلمان خان نے خود مانیٹر کیا. دونوں ایک دوسرے کے ساتھ کافی خوشگوار زندگی بسر کررہے ہیں.

کترینہ کیف بالی وڈ کی خوبصورت اور باصلاحیت اداکارہ مانی جاتی ہیں وہ جب سے بالی وڈ میں آئیں ان کا نام کئی ہیروز کے ساتھ جڑا، پہلے ان کا نام سلمان خان کے ساتھ نام جڑتا رہا اس کے بعد وہ وہ رنبیر کپور کے ساتھ دکھائی دیں ، لگ بھگ دو سال تک وہ رنبیر کپور کے ساتھ ایک الگ گھر میں رہتی رہیں پھر نامعلوم وجوہات کی بناء پر دونوں کے درمیان تعلقات کا خاتمہ ہو گیا .اس کے بعد کترینہ کیف کی دوستی اداکار وکی کوشل کے ساتھ ہوئی دونوں نے دوستی ہونے کے چند ہفتوں کے بعد ہی شادی کا اعلان کر دیا یوں گزشتہ دسمبر میں ان دونوں کی شادی ہو گئی . دونوں ایک دوسرے سے ٹوٹ کر محبت کرتے ہیں اور ایکدوسرے پر پیار جتانے کا کوئی بھی موقع ہاتھ سے نہیں جانے دیتے . حال ہی میں بھی ایسا ہوا ہے کہ

کترینہ کیف نے اپنے شوہر وکی کوشل پر سب کے سامنے پیار جتایا. یہ جوڑاحال ہی میں نائیکا فیمینا بیوتی ایوارڈز میں ایک دوسرے سے پیار سے گلے ملتے ہوئے دکھائی دیا۔سوشل میڈیا پر وائرل ہونے والی ویڈیو میں دیکھا جاسکتا ہے کہ کترینہ ایونٹ مین انٹری کرتی نظر آرہی ہیں جب کہ وکی باہر نکلتے ہوئے نظر آرہے ہیں۔ اپوزٹ ڈائریکشن میں جانے سے پہلے دونوں نے ایک دوسرے کو گلے لگایا ۔ ان دونوں کا ایک دوسرے پر پیار جتانے پر ان کے مداحوں کو پیار آگیا.

اداکار ببرک شاہ نے حال ہی میں ایک انٹرویو دیا ہے اس میں انہوں نے کہا ہے کہ میں نے ابھی تک دا لیجنڈ آف مولا جٹ نہیں دیکھی ، میرے حساب سے یہ فلم پرانی مولا جٹ کے پاس کو بھی نہیں ہے.، مصطفی قریشی اور سلطان راہی نے جو کام کیا وہ حمزہ اور فواد کہاں کر سکتے تھے . حمزہ اور فواد خان کے چہرے ہی ممی ڈیڈی ہیں انہوں نے کیا کرنا تھا. جب مجھے پتہ چلا تھا کہ مولاجٹ بنائی جا رہی ہے تومیں‌نے تو اسی وقت ہی کہہ دیا تھا کہ مولا جٹ کا مقابلہ کوئی فلم نہیں‌کر سکتی . میں‌نے دا لیجنڈ آف مولا جٹ کا صرف ٹریلر ہی دیکھا ہے اور میں‌نے بھانپ لیا کہ مصطفی قریشی اور سلطان راہی کی کیمسٹری کو کوئی بھی مات نہیں دے سکتا. ببرک شاہ نے کہا کہ دس سال میں دو فلمیں بنانے سے فلم انڈسٹری

نہیں چلتیں مہینے میں کچھ نہیں تو تین چار فلمیں ریلیز ہونی چاہیں تب جا کر فلمی صنعت کی بحالی ممکن ہو گی. آج کل جو فلمیں بن رہی ہیں ان کو جو بنانے والے ہیں وہ ہمیں کاسٹ نہیں‌کرتے اور ہمیں کوئی ضرورت بھی نہیں ہے کہ ہمیں‌وہ اپنی فلموں میں لیں ہم خود بھی کام کر سکتے ہیں لیکن سہولیات نہ ہو نے کی وجہ سے زرا رکے ہوئے ہیں. حکومت ساتھ دے تو انڈسٹری کو اس کے پائوں پر کھڑا کر سکتا ہوں.