Category: شوبز

گلوکارہ آئمہ بیگ جن کا حال ہی میں گانا پیارا ہوا تھا ریلیز ہوا ہے اس گانے نے انٹرنیٹ پردھوم مچائی ہے . آئمہ کے اس گیت کو بہت زیادہ پسند کیا جا رہا ہے آئمہ سے قبل یہ گیت کیفی خلیل نے گایا تھا. آئمہ بیگ نے اپنے حالیہ انٹرویو میں کہا ہے کہ گلوکاری میری پہلی ترجیح ہے اور رہے گی . اداکاری کی آفرز مسلسل آرہی ہیں لیکن میری توجہ صرف اور صرف گلوکاری پر ہے. آئمہ بیگ نے اس انٹرویو میں کہا کہ مجھے بہت خوشی ہے کہ میرے گائے ہوئے گیت ملک کی نمبر ون ہیروئنز پر فلمائے گئے ہیں. مجھے ایسا محسوس ہوتا ہے کہ میری آواز ہر ہیروئین پر سوٹ کرتی ہے. انہوں نے مزید کہا کہ ہر ہیروئین بہت اچھا کام کررہی ہے لیکن کبری خان میری پسندیدہ ہیں . ان کی اداکاری ان کی شخصیت ہر لحاظ سے

بہت خوبصورت ہے. آئمہ بیگ کے مطابق وہ جب پریشان ہوتی ہیں تو اپنی بہن کومل کو مس کرتی ہیں اور اس وقت میں کومل کو اپنے ساتھ دیکھنا چاہتی ہیں، انہوں نے کہا کہ میری فیملی میرے لئے سب کچھ ہے میں انہی کی سپورٹ کی بدولت یہاں تک پہنچی ہوں. ایک سوال کے جواب میں انہوں نے کہا کہ ساحر علی بگا کے ساتھ گانا یقینا اعزاز کی بات ہے میں نے ان کے ساتھ کام کرکے بہت کچھ سیکھا ہے.

بالی وڈ کے اداکار ہرتیک روشن جو نہ صرف بہترین اداکاری کرتے ہیں بلکہ بہترین ڈانسر بھی ہیں . ہرتیک روشن ہر دلعزیز ہیں اپنی پہلی ہی فلم سے انہوں نے شائقین کے دل جیت لئے. ہرتیک روشن نے حال ہی میں ایک انٹرویو دیا ہےاس میں انہوں نے اپنے بچپن کو یاد کرتے ہوئے بتایا کہ میں سکول میں بہت زیادہ شرمیلا ہوا کرتا تھا زیادہ دوستیاں نہیں کرتا تھا کسی سے بات چیت نہ کرنے کے سبب میں سب سے الگ تھلگ رہتا تھا. سکول جانا شروع کیا تو وہاں اس مسئلے کی وجہ سے میں پریشان رہتا تھا اور گھر کب جائوں گا اس وقت کا انتظار کررہا ہوتا تھا. میں گھر جاتے ساتھ ہی رونا شروع کر دیتا تھا کیونکہ میرا سکول میں دل نہیں لگتا تھا. انہوں نے یہ بھی انکشاف کیا کہ مجھے ریڑھ کی ہڈی کے مسائل بچپن سے

ہی تھے اور ڈاکٹروں نے کہہ دیا تھا کہ یہ مسئلہ ایسا ہے کہ اس کے سبب ڈانس یا اداکاری کرنا آپ کے بس کی بات نہیں ہے اب ، اس چیز نے مجھے کئی سال تک تنگ کیا. لیکن میں جب بڑا ہوا تو پوری قوت کے ساتھ اس مسئلے کا مقابلہ کیا اور آپ دیکھ سکتے ہیں کہ میں نے ڈانس بھی کیا اور اداکاری بھی کی .

بالی وڈ کے کنگ شاہ رخ خان جو اپنی منفرد ادکاری اور انداز کے لئے بہت زیادہ مشہور ہیں. حال ہی میں شاہ رخ خان نے سعودی عرب میں منعقدہ ریڈ سی انٹرنینشل فلم فیسیٹیول میں شرکت کی .اس میں ان کو ایوارڈ سے نوازا گیا . اس فیسٹیول میں شرکت سے قبل شاہ رخ خان نے عمرے کی سعادت بھی حاصل کی ، عمرہ کرتے ہوئے شاہ رخ خان کی تصاویر انٹرنیٹ پر وائرل ہوئیں . شاید ان تصاویر کو دیکھ کر بھارتی میڈیا کافی تکلیف میں تھا . لہذا اس نے شاہ رخ کی وطن واپسی کے بعد، یہ کہنا شروع کر دیا ہے کہ شاہ رخ خان وطن واپس آتےہی وشنو دیوی مندر پہنچ گئے ہیں. شاید بھارتی میڈیا یہ تاثر دینا چاہ رہا ہے کہ اگر شاہ رخ خان نے عمرہ کیا تو وہ ہندو مذہب کو بھی مانتے ہیں، وہ صرف مسلمان ہی نہیں بلکہ ہندو

مذہب کی بھی نمائندگی کرتے ہیں. بھارتی میڈیا نے ایک وڈیو چلائی جس میں ایک شخص ہڈی پہنے ہوا ہے اس کے ساتھ گارڈز ہیں، یہ واضح نہیں ہے کہ یہ شاہ رخ خان ہی ہیں لیکن بھارتی میڈیا کا دعوی ہے کہ یہ شاہ رخ خان ہی ہیں . یوں بھارتی میڈیا کوئی بھی ایسا موقع ہاتھ سے نہیں جانے دینا کہ جس میں وہ اپنے تعصب کو ظاہر نہ کرے.

پاکستانی فلم دا لیجنڈ آف مولا جٹ کی کامیابی کے بعد ہندوستانیوں کا مطالبہ تھا کہ اسے بھارت میں بھی ریلیز کیا جائے، سوشل میڈیا پر یہ بحث جاری تھی کہ مہاراشٹر نونرمان سینا کے رہنما امیہ کھوپکر نے اعلان کر دیا کہ ان کی جماعت پاکستانی فلم کو کسی صورت بھی بھارت میں ریلیز نہیں ہونے دے گی اور انہوں نے یہاں تک کہہ دیا تھا کہ جس کو پاکستانی فلم دیکھنی ہے وہ بھارت چلا جائے. حال ہی میں بھارتی وزارت اطلاعات ونشریات نے پاکستانی ویب سائٹس، دوموبائل ایپلی کیشن4 سوشل میڈیا اکاؤنٹس سمیت ایک پاکستانی اسمارٹ ٹی وی ایپ کو بھارت میں بند کرنے کی ہدایات جاری کی ہیں۔پاکستانی اسمارٹ ٹی وی ایپ نے حال ہی میں ایک ویب سیریز’سیوک- دی کنفیشنز‘ ریلیز کی ہے جس کی چند

ہی اقساط نے بھارت سمیت دنیا کے کئی ممالک میں ہلچل مچائی ہے۔اس ویب سیریز میں شدت پسند تنظیموں کے مسلمانوں اورسکھوں پر کیے جانے والے مظالم اور اہم واقعات سے متعلق حقائق کو دکھانے کی کوشش کی گئی ہے۔بھارتی حکومت اس ویب سیریز کی چند ہی اقساط دیکھ کر آگ بگولا ہو گئی ہے جس کے بعد پاکستانی اسمارٹ ٹی وی ایپ پر پابندی لگانے کا فیصلہ کیا گیا ہے.سوشل میڈیا پر بھارتی حکومت کی جانب سے اس اقدام پر کافی تنقید کی جا رہی ہے.

گلوکارہ ایوابی جنہوں نے کوک اسٹوڈیو سیزن 14 کے بلوچی گانے ’کنا یاری‘ سے بے پناہ شہرت حاصل کی. دیکھتے ہی دیکھتے وہ نمبر ون گلورائوں کی فہرست میں شامل ہو گئیں. ان کے مداح ان کی زندگی سے جڑی ہر بات پر نظر رکھتے ہیں . حال ہی میں گلوکارہ نے انسٹاگرام اکائونٹ پر چند تصاویر اپلوڈ کیں اور کیپشن اس قسم کا دیا کہ جس سے محسوس ہوا کہ گلوکارہ نے منگنی کر لی ہے انہوں نے تصاویر میں اپنے منگیتر کو بھی مینشن کیا . تاہم انہوں‌نے زیادہ تفصیلات شئیر نہیں کیں . ایوابی نے پہلی بار حجاب کے بغیر اپنے چہرے کی تصویر بھی شیئر کی۔ایوا بی نے منگنی کی پوسٹ کرتے ہوئے کیپشن میں انگوٹھی کا ایموجی بھی استعمال کیا. گلوکارہ کے مداح یہ جاننا چاہتے ہیں کہ ایوابی نے کس

سے منگنی کی ہے. کہا جا رہا ہے کہ ایوا نے جس سے منگنی کی ہے اس کا تعلق شوبز سے نہیں ہے. یاد رہے کہ ایوا بی کے گانے ’کنا یاری‘ کو ملک بھر میں بہت پسند کیا گیا تھا اور وہ مذکورہ گانے کی وجہ سے عالمی سطح پر بھی مشہور ہوئی تھیں۔ایوا بی نے کیریئر کے آغاز میں ہی نہ صرف اپنے بلوچ ثقافتی لباس پہننا شروع کیا بلکہ انہوں نے مکمل حجاب کرنا بھی شروع کیا اور اسی وجہ سے ان کی مقبولیت میں اضافہ دیکھنے کو ملا۔ان کے ریپ گانے کو رواں برس ریلیز ہونے والی پہلی مسلم سپر ہیرو امریکی ویب سیریز ’مس مارول‘ میں بھی شامل کیا گیا تھا۔

دا لیجنڈ آف مولا جٹ میں چھوٹامگر اہم کردار کرنے والی صائمہ بلوچ آج شہرت کی بلندیوں پر پہنچ چکی ہیں. فلم کی ریلیز کے بعد وہ راتوں رات سٹار بن گئی ہیں . مولاجٹ کی ریلیز کے بعد ان کو متعدد پراجیکٹس آفر ہو چکے ہیں لیکن انہوں نے ابھی تک جو پراجیکٹ سائن کئے ہیں ان میں ابو علیحہ کی فلم سپر پنجابی اور سنگیتا کا ڈرامہ دو بوند پانی شامل ہے. سپر پنجابی میں صائمہ بلوچ بطور ہیروئین کام کررہی ہیں اور دو بوند پانی میں وہ ایک رقاصہ کا کردار کررہی ہیں. ان دونوں پراجیکٹس میں صائمہ بلوچ ایک الگ روپ میں دکھائی دیں گی. صائمہ بلوچ کہتی ہیں میں معیاری کام

کرنا چاہتی ہوں اور چاہتی ہوں کہ ایسا کام کروں جو لوگوں‌کو یاد رہے جائے. اب جیسے مولا جٹ میں میرا کردار چھوٹا سا تھا لیکن وہ اتنا اہم اور پاور فل تھا کہ لوگوں کو یاد رہ گیا. میرے مداح اب مجھ سے مزید اچھے کام کی توقع کررہے ہیں اس لئے میری کوشش ہے کہ ایسے پراجیکٹس سائن کروں جن میں میرے کردار چھوٹے ہی کیوں نہ لیکن پاور فل ہوں . یاد رہے کہ دا لیجنڈ‌آف مولاجٹ میں صائمہ بلوچ کے کردار کا نام رجو تھا انہوں نے اس کردار کو نہایت خوبصورتی سے نبھایا .

سینئر اداکار بہروز سبزواری اکثر ایسی بات کردیتے ہیں کہ جس سے ایک طوفان بپا ہو جاتا ہے حال ہی میں انہوں نے کہا ہے کہ مرد کی نظریں اور خواتین کے تنگ کپڑے ہیں مسائل کی جڑ ، انہوں نے کہا کہ عورتیں موٹر سائیکل پر تنگ کپڑے پہن کر بیٹھتی ہیں ان کا اس طرح‌سے موٹر سائیکل پر تنگ کپڑے پہن کر بیٹھنا مناسب نہیں ہے ان کو چاہیے کہ وہ جب بھی گھر سے نکلیں لباس مناسب پہنیں . ساتھ ہی ساتھ انہوں نے مردوں سے بھی کہا کہ وہ اپنی آنکھیں اپنے قابو میں رکھیں اور خواتین کو گھورنے سے باز رہیں. بنیادی طور پر بہروز سبزواری نے ان مسائل کے اثرات پر بات کی جو ہمارے معاشرے میں زیادہ پھیل رہے ہیں۔ انہوں نے مختلف قسم کے کپڑوں میں مردوں کی خواتین کو گھورنے کے معاملے پر

بھی بات کی۔بہروز سبزواری کے اس بیان کے بعد ان کو آڑھے ہاتھوں لیا جا رہا ہے ، سوشل میڈیا پر ایک نئی بحث چھڑ گئی ہے اور زیادہ تر لوگ سینئر اداکار کی سوچ کے خلاف بات کررہے ہیں جبکہ چند ایک ایسے بھی ہیں جو ان کی بات سے اتفاق کرتے ہوئے دکھائی دے رہیں . بہروز کی اس بات کو ناپسند کرنے والوں کا کہنا ہے کہ اداکار کو ایسی باتیں زیب نہیں دیتیں ہر کسی کو اپنی مرضی کے مطابق لباس پہننے کا حق ہے ان کا یہ بیان عورت کی آزادی کے خلاف ہے.

آیوشمان کھرانہ کا شمار بالی وڈ کے باصلاحیت اداکاروں میں ہوتا ہے۔ اپنے ہر پراجیکٹ کے ساتھ انہوں‌نے ثابت کیا کہ وہ ایک بہترین اداکار ہیں اور وہ کسی بھی ٹاپ کے ہیرو کو ٹکر دے سکتے ہیں. اداکار آخری بار اپنی حال ہی میں ریلیز ہونے والی فلم ایک ایکشن ہیرو میں نظر آئے تھے۔ ہم سب جانتے ہیں کہ آیوشمان شاہ رخ خان کےبہت بڑے پرستار ہیں اور انہوں نے یہ ثابت کرنے کا کوئی موقع ہاتھ سے کبھی بھی نہیں جانے دیا. حال ہی میں آیوشمان کھرانہ نے کھل کر کی تعریف شاہ رخ‌خان کی اور کہا کہ میں ان کا بہت بڑا مداح ہوں اور انہی کو دیکھ کر اداکاری شروع

کی . انہوں‌نے کہا کہ میں‌شاہ رخ‌خان کی ہر فلم دیکھتا تھا اور بار بار دیکھتا تھا.مجھے یاد ہے کہ میں‌نے ان کی فلم دل تو پاگل ہے بلیک میں دیکھی . میں‌ اس روز سائیکل پہ گھر سے آیا بلیک میں ٹکٹ خریدی اور ہائوس فل ہونے کی وجہ سے کھڑے ہو کر فلم دیکھی. میں آج بھی شاہ رخ خان کی ایکٹنگ کا دیوانہ ہوں. میں نے بچپن سارا شاہ رخ‌ خان کی فلمیں دیکھتے ہوئے گزارا ہے .وہ ایک بہترین اداکار ہیں میں نے انکی اداکاری سے ہمیشہ ہی بہت کچھ سیکھا ہے.