Category: شوبز

اداکار وکی کوشل جو کہ بالی وڈ اداکارہ کترینہ کیف کے شوہر ہیں ان دونوں کی شادی گزشتہ برس دسمبر میں ہوئی تھی ، اداکار نے حال ہی میں اپنی اہلیہ کو شادی کی سالگرہ کی مبارکباد دیتے ہوئے ان کے ساتھ اپنی پہلی ملاقات کو یاد کیا ہے . وکی بتاتے ہیں کہ ہم دونوں کی پہلی ملاقات ایک نجی پارٹی میں ہوئی جو مشہور فلمساز زویا اختر کی رہائش گاہ پر منعقد ہوئی تھی. ملاقات کے بعد کترینہ کیف نے ہلکی پھلکی بات چیت شروع کی ، اور کرتے کرتے دوستی ہوگئی اس کے بعد ہم دونوں نے ایک دوسرے کو ڈیٹ کرنا شروع کر دیا . انہوں نے کہا کہ کترینہ کیف کا میری زندگی میں آنا میری خوش قسمتی تھی . ہم دونوں کو بہت جلد محسوس ہو گیا کہ ہم ایک دوسرے کے لئے بنے ہیں لہذا ہم نے شادی کا فیصلہ کر

لیا . یاد رہے کہ کترینہ کیف کو آخری بار ہارر کامیڈی فلم فون بھوت میں دیکھا گیا تھا، اس فلم نے بہت زیادہ کامیابی تو حاصل نہیں کی لیکن شائقین نے کترینہ کیف کی اداکاری کو بے حد سراہا .کترینہ کے پاس اس وقت جی لے زرا، اور ٹائیگر 3 جیسی فلمیں ہیں دوسری طرف وکی کوشل اس وقت سوانحی ڈرامے سیم بہادر کی شوٹنگ میں مصروف ہیں۔ اس کے بعد وہ مزاحیہ تھرلر گووندا نام میرا میں نظر آئیں گے.

رنبیر کپور ہندوستانی سنیما کے سب سے زیادہ پسند کیے جانے والے اداکاروں میں سے ایک ہیں۔ اداکار نے حال ہی میں جدہ، سعودی عرب میں ریڈ سی انٹرنیشنل فلم فیسٹیول میں شرکت کی، وہاں انہوں نے اپنی فلم شمیشیرا کی ناکامی پر بات کی اسی تقریب میں انہوں نے کہا کہ سنجے لیلا بھنسالی کی فلم لو رنجن میری آخری رومینٹک کامیڈی فلم ہو گی اس کے بعد میں دوسری طرح کے کردار اور فلمیں کروں گا . انہوں نے کہا کہ میں‌جانتا ہوں کہ میں بوڑھا ہو رہا ہوں اس لئے مجھے اس طرح کی کردار اب نہیں‌کرنے چاہیں اور رومینٹک کامیڈی فلموں سے باہر آنا چاہیے . فلم لو رنجن میں‌میرے ساتھ شردھا کپور بھی مرکزی کردار ادا کررہی ہیں ہم دونوں کی ایک ساتھ یہ پہلی فلم ہے امید ہے کہ شائقین ہماری جوڑی کو

بہت پسند کریں گے. یاد رہے کہ رنبیر کپور نے اپنے کیریئر کے دوران متعدد رومانوی کامیڈیز میں کام کیا جن میں عجب پریم کی غضب کہانی، انجانا انجانی، بچنا اے حسینو، تماشا، اور جگا جاسوس جیسی فلموں کے نام شامل ہیں۔یاد رہے کہ شردھا کپور بھی بالی وڈ کی وہ اداکارہ ہیں جن کو بہت زیادہ پسند کیا جاتا ہے. اب دیکھنا یہ ہے کہ ان دونوں کی جوڑی کو شائقین شکرین پر کتنا پسند کرتے ہیں.

بالی وڈ کا بہت ہی خوبصورت دوست جوڑا اب اپنی دوستی کو شادی کے بندھن میں بدلنے جا رہا ہے ،. ان دونوں کی دوستی کافی مہینوں سے ہے ، ان کا ایک دوسرے کے ساتھ ہر جگہ جانا ایک دوسرے کے ساتھ وقت بتانا، یہ سب نوٹس ہو رہا تھا ، یہی وجہ ہے کہ ان کی شادی کی خبریں بھی گردش کررہیں تھیں. تاہم دونوں نے ایسی خبروں کی تصدیق یا تردید نہیں‌کی تھی لیکن کرن جوہر کے شو میں سدھارتھ ملہوترا نے سوالوں کے جواب دیتے دیتے اس بات کا اقرار کر ہی لیا . تازہ اطلاعات یہ ہیں کہ جوڑے نے شادی کا وینیو فائنل کر لیا ہے اور وینیو ہو گا چندی گڑھ میں .

پہلے ان دونوں نے اپنی شادی گوا میں کرنے کا ارادہ کیا تھا لیکن اب یہ بات سامنے آئی ہے کہ شادی چندی گڑھ میں کی جائیگی ،. دونوں کی فیملیز شادی کی تیاریوں میں مصروف ہے. کیارا اور سدھارتھ نے اپنی شادی کی فائنل ڈیٹ ابھی تک میڈیا کے ساتھ شئیر نہیں‌کی لیکن یہ خوبصورت جوڑا اور ان کی فیملی شادی کی تیاریوں میں مصروف ہیں . یاد رہے کہ کیارا اور سدھارتھ کی آن سکرین جوڑی کو بہت پسند کیا جاتا ہے. دونوں کے مداح ان کی شادی کی خبریں سن کر کافی خوش ہیں .

آج کل کی شادیوں میں کچھ نہ کچھ ایسا منفرد اور الگ ضرور کیا جاتا ہے کہ وہ نہ صرف یاد گار بن جائیں بلکہ ان کے بارے میں چرچہ بھی ہو. حال ہی میں ایک ایسی شادی ہوئی ہے جس میں دلہے نے دلہن کو ایک ایسا تحفہ دیدیا ہے کہ سب دیکھ کر رہ گئے ہیں حیران اور یہ شادی اس حوالے سے یادگار بھی بن گئی ہے. معروف یوٹیوبر اذلان شاہ نے حال ہی میں‌شادی کی ہے اور شادی کے موقع پر انہوں نے اپنی اہلیہ جو کہ سوشل میڈیا انفلیونسر ہیں ان کو گدھے کا تحفہ دیا ہے. ان دونوں کی گدھے کے ساتھ تصاویر وائرل ہو رہی ہیں اور لوگ طرح طرح کے دلچپسپ تبصرے بھی کررہے ہیں. یوٹیو بر اذلان شاہ اس حوالے سے کہتے ہیں کہ میری اہلیہ کو گدھے کے بچے پسند ہیں اس لئے میں نے ان کو یہ تحفہ شادی کے موقع

پر دیکر انہیں خوش کر دیا ہے. اذلان شاہ اور ان کی اہلیہ ڈاکٹر وریشہ جاوید خان کی گدھے کے ساتھ تصاویر کو دیکھ کر سوشل میڈیا صارفین نے دلہن کی پسند پر بھی حیرانی کا اظہار کیا اور اذلان شاہ کا اس موقع پر ایسا تحفے دینے پر بھی حیرانی کا اظہار کیا. زیادہ تر سوشل میڈیا صارفین تصاویر دیکھ کر حیرانگی کا ہی اظہار کررہے ہیں .

وشال ویرو دیوگن جو کہ اجے دیوگن کے نام سے جانے جاتے ہیں ، اداکار، فلم ڈائریکٹر اور پروڈیوسر ہیں انہوں نے سو سے زیادہ فلموں میں کام کیا ہے. انہیں ان کی خدمات کے اعتراف میں چار نیشنل فلم ایوارڈز اور چار فلم فیئر ایوارڈز مل چکے ہیں ، 2016 میں انہیں حکومت ہند نے ملک کے چوتھے سب سے بڑے شہری اعزاز پدم شری سے نوازا تھا۔اجے دیوگن کا شمار ہندی سینما کے مہنگے ترین اداکاروں میں ہوتا ہے. اجے ایک فلم کا 60 سے 120 کروڑ بھارتی روپوں میں‌ معاوضہ لیتے ہیں . ان کے پاس کئی مہنگی گاڑیاں اور پرائیویٹ جیٹ ہیں . ان کے پرائیویٹ جہاز کی قیمت 84 کروڑ ہے . بھارتی میڈیا کے مطابق اجے دیوگن کے اثاثوں کی کل قیمت 244 سے 447 بھارتی کروڑ روپے ہے۔یاد رہے کہ اجے دیوگن نے 1991 میں فلم

پھول اور کانٹے سے اپنے کیرئیر کا آغاز کیا ، اس بعد انہوں نے ، جگر ، دل والے ، دل جلے ، جیسی فلموں میں کام کرکے اپنی صلاحیتوں کا لوہا منوایا . انہوں نے ایکشن ہیرو کے طور پر کیرئیر کا آغاز کیا بعد ازاں انہوں نے کامیڈی کردار بھی کئے. اجے دیوگن کی متعدد فلموں نے باکس آفس پر کمال بزنس کیا لیکن ٹوٹل دھمال ایسی فلم ہے جس نے 2017 میں ریکارڈ توڑ بزنس کیا تھا . اجے نے اداکارہ کاجول کے ساتھ شادی کی . اجے دیوگن کی ایک پروڈکشن کمپنی ہے جس کا نام اجے دیوگن ایف فلمز ہے یہ 2000 میں بنائی گئی تھی اس پلیٹ فارم سے انہوں نے یو می اور ہم جیسی فلمیں بنائیں.

دیپیکا پاڈوکون بالی وڈ کی سب سے خوبصورت اور باصلاحیت اداکارہ ہیں ، ان کے شوہر رنویر سنگھ کو بھی عوامی سطح پر بہت زیادہ پذیرائی ملتی ہے ، دونوں ایک بڑی فین فالونگ رکھتے ہیں. ان دونوں کے مداحوں کے لئے ایک بڑی خوشخبری ہے کیونکہ اب دونوں ایک ساتھ ڈانس نمبر میں دکھائی دیں گے . ڈائریکٹر روہٹ شیٹی کی فلم سرکس جس میں رنویر سنگھ مرکزی کردار ادا کررہے ہیں یہ 23 دسمبر کو ریلیز ہونے جا رہی ہے ، اس میں دیپیکا اور رنویر سنگھ کا گانا کرنٹ لگا رے کو شامل کیا گیا ہے. گانا ریلیز کر دیا گیا ہے ، مداح گانے کو بہت زیادہ پسند کررہے ہیں. اس گانے میں ہندی کے ساتھ تامل لفظ بھی استعمال کئے گئے ہیں.شائقین ان دونوں کے ڈانس نمبر کو دیکھ کر کافی خوش دکھائی دے رہے ہیں. اب اس ڈانس نمبر

کا فلم کی کامیابی میں کتنا کردار ہوتا ہے یہ تو آنے والا وقت ہی بتائے گا. یاد رہے کہ کچھ عرصہ قبل رنویر سنگھ اور دییکا پڈوکون کی علیحدگی کی خبریں بھی منظر عام پر آئیں تھیں جنہوں ان دونوں نے یکسر رد کر دیا تھا . جوڑا آپس میں کافی خوش ہے لیکن ان کی علیحدگی کی خبریں کیوں اور کیسے سامنے آئیں اس پر دونوں نے سوال اٹھائے تھے لیکن ان کے پرستار یہ جان کر کافی خوش ہوئے کہ دونوں ایک دوسرے کے ساتھ خوشگوار زندگی گزار رہے ہیں .

راحت فتح علی خان 48 برس کے ہو گئے ہیں ،ان کا شمار پاکستان کے نمبر ون گائیکوں میں ہوتا ہے ، راحت کے پرستار پاکستان انڈیا سمیت دنیا بھر میں پائے جاتے ہیں . راحت فتح علی خان فرخ فتح علی خان کے بیٹے نصرت فتح علی خان کے بھتیجے اور قوالی گلوکار فتح علی خان کے پوتے ہیں۔ قوامی ، غزلیں اور دیگر ہلکی پھلکی موسیقی ان کا خاصا ہے. بھارتی کے کئی نامور اداکاروں پر ان کے گائے ہوئے گیت پکچرائز ہو چکے ہیں . انہوں نے نو سال کی عمر میں پہلی بار عوامی سطح پر پرفارم کیا ،راحت نصرت فتح علی خان کے معروف قوالی گروپ کا ایک لازمی حصہ تھے اور

1985 میں اپنے چچا کے ساتھ برطانیہ کا دورہ کیا۔بالی وڈ میں انہوں نے پلے بیک سنگنگ کا آغاز 2003 میں کیا . ان کے کریڈٹ پر کئی سپر ہٹ گیت اور قوالیاں ہیں . انہوں نے اپریل 2012 میں برطانیہ کا دورہ کیا، ویمبلے ایرینا اور مانچسٹر ایرینا میں پرفارم کیا، 20,000 سے زیادہ لوگ اس شو میں شریک ہوئے اور اس شو کی سب سے زیادہ ٹکٹیں فروخت ہوئیں جو کہ اپنے آپ میں ایک ریکارڈ تھا . سلمان خان اور شاہ رخ خان جیسے اداکار جن کی ایک جھلک دیکھنے کےلئے مداح بے چین رہتے ہیں، وہ راحت فتح علیخان کے مداح ہیں .

فلم جوائے لینڈ جس کو پنجاب میں‌تاحال نمائش کی اجازت نہیں ملی ، صوبہ سندھ میں اس فلم کی نمائش کامیابی سے جاری ہے ، لوگوں کی ایک بڑی تعداد فلم دیکھنے کےلئے سینما گھروں کا رخ کررہی ہے. تاہم ایک طبقہ ایسا ہے کہ جو مسلسل اس کوشش میں ہے کہ فلم کی نمائش کو کسی نہ کسی طریقے سے روکا جائے. ایسی ہی ایک کوشش پہلے بھی ہو چکی ہے لیکن سندھ کی ایک عدالت نے اس کوشش کو ناکام بناتے ہوئے کہا کہ فلم دیکھے بغیر کوئی کیسے کہہ سکتا ہے کہ فلم کی نمائش پر روک لگا دی جائے . ایسی ہی ایک کوشش حال ہی میں کی گئی ہے اور سندھ ہائی کوٹ میں ایک شہری نے درخواست دیکر کہا کہ فلم کی نمائش پر پابندی لگائی جائے کیونکہ یہ غیر اخلاقی کہانی پر مبنی ہے. اس پر عدالت نے کہا کہ کوئی بھی عدالت اس چیز کا فیصلہ نہیں کر سکتی ہے کہ کون سی فلم دیکھی جا سکتی ہے اور کونسی نہیں غیر ضروری سنسر شپ آزادی

رائے پر قدغن لگانے کے مترداف ہے لہذا ہم ایسا نہیں‌کر سکتے . عدالتی فیصلے میں کہا گیا کہ فلم کو سنسر بورڈ نے مکمل جانچ کے بعد نمائش کی اجازت دی۔ عدالتی حکم میں کہا گیا کہ درخواست گزار نے فلم کے سرٹیفیکیشن کے عمل میں کسی قانونی خامی کی نشاندہی نہیں کی۔عدالتی فیصلے میں یہ بھی نشاندہی کی گئی کہ آرٹیکل 19 کے تحت فلم ساز کو بھی اظہار رائے کی مکمل آزادی حاصل ہے۔ کوئی معقول وجہ ہو تو سنسر بورڈ یا صوبائی مجاز اتھارٹی ہی فلم پر پابندی لگا سکتی ہے۔یوں‌جوائے لینڈ کی ریلیز پر پابندی کی درخواست ایک بار پھر مسترد کر دی گئی ہے.