Category: شوبز

اداکار شان شاہد جن کی فلم ضرار گزشتہ روز ریلیز ہوئی ہے. گزشتہ روز ہی اس فلم کا لاہور میں پریمئیر بھی کیا گیا. پریمئیر میں‌شان شاہد نے میڈیا سے گفتگو کرتے ہوئے کہا کہ ضرار میری طرف سے پوری قوم کو ایک تحفہ ہے، میں نے اس فلم کو بہت محنت سے لکھا اور بنایا ہے. میرے ہر اداکار نے اس میں بہترین اداکارکی ہے. پاکستان میں اس وقت ایسی فلمیں بننے کی اشد ضرورت ہے . پاکستان اس وقت بہت سارے محاذوں سے لڑ رہا ہے اور اسکو اندورنی اور بیرونی طور پر بہت سارے چیلنجز کا سامنا ہے. شان شاہد نے کہا کہ کرن ملک کا انتخاب اس کردار کی مناسبت سے

کیا گیا تھا. انہوں نے یہ بھی کہا کہ یہ میری نہیں آپ لوگوں کی اپنی فلم ہے آئیں اور ضرور دیکھیں. شان نے مزید کہا کہ میں نے ایک اچھی فلم بنانے میں کسی قسم کی کسر نہیں چھوڑی اب آڈینز نے فیصلہ کرنا ہے کہ کیسی ہے. شان نے مزید یہ بھی کہا ہےکہ میں بہت جلد ایک اور حساس موضوع پر فلم شروع کرنے جا رہاہوں اور وہ فلم بھی پاکستان سے محبت کرنے کا پیغام دیتی ہوئی نظر آئیگی . یاد رہے کہ فلم ضرار کو شان شاہد نے نہ صرف خود لکھا ہے بلکہ ڈائریکٹ بھی کیا ہے.

شان شاہد کی بڑی بہن زرقاجنہوں نے حال ہی میں فلم ضرار کے پریمئیر میں شرکت کی انہوں نے میڈیا سے گفتگو کرتے ہوئے کہا ہے کہ میرا بھائی ایک بہترین اداکار ہے اور ضرار اس کی بڑی مثال ہے. انہوں نے کہا کہ میں ہالی وڈ اور بالی وڈ کے فنکاروں کو چیلنج دیتی ہوں آئیں اور میرے بھائی کا مقابلہ کر کے دکھائیں. میں ہالی وڈ کے ایکٹر بریڈ‌پٹ کو کھلا چیلینج دے رہی ہوں آئے اور میرے بھائی کے مقابلے میں آکر کام کرے. زرقا کے ساتھ فلمسٹار لیلی بھی موجود تھیں انہوں نے کہا کہ زرقا نے بالکل ٹھیک کہا ہے. شان کا مقابلہ پاکستان کیا ہالی بالی وڈ میں کوئی بھی نہیں کر سکتا .

لیلی نے کہا کہ شان ہماری فلم انڈسٹری کا اثاثہ ہے. زرقا نے کہا کہ مجھے خوشی ہے کہ شان کو ان کے مداح اج تک پسند کرتے ہیں اور ان کی ہر فلم کو سراہتی ہیں. ضرار ایک ایسی فلم ہے جو جذبہ حب الوطنی کو ابھارتی ہے، انہوں نے کہا کہ آج میں اس موقع پر اپنی امی کو بہت مس کررہی ہوںوہ ہوتیں تو بہت خوش ہوتیں. لیلی نے کہا کہ میں بہت جلد فلموں میں نظر آئوں گی . یاد رہے کہ زرقا شان کی بڑی بہن ہیں اور یہ آج کل ایک فلم کی شوٹنگ میں مصروف ہیں بہت جلد ان کا یہ پراجیکٹ‌ ریلیز ہونے جا رہا ہے.

اداکار شان شاہد کی فلم ضرار کا گزشتہ شب لاہور میں پریمئیر کیا گیا . پریمئیر میں شان شاہد ان کی بیٹیاں اہلیہ کے علاوہ فلم کی ہیروئین کرن ملک ، ریشم ، میرا ، نور بخاری ، ندیم بیگ ، عرفان کھوسٹ و دیگر نے شرکت کی . اس موقع پر فلمسٹار میرا شان شاہد کی بہت زیادہ تعریف کرتی ہوئی دکھائی دیں. انہوں نے کہا کہ شان میرا پرانا دوست اور کولیگ ہے اس نے ہمیشہ ہی بہت اچھا کام کیا ہے. فلم کی کہانی جذبہ حب الوطنی کو ابھارنے والی ہے. فلم کا ایک خاص میسج ہے کہ پاکستان کو درپیش چیلنجز سے نمٹنے کے لئے ہمیں اپنی اپنی سطح پر کام کرنا ہوگا. کرن

ملک نے بہترین اداکاری کرکے ثابت کیا ہے کہ وہ نہ صرف بہترین ماڈل ہیں بلکہ ایک بہترین اداکارہ بھی ہیں. فلم کی ڈائریکشن بہت زبردست ہے . شان نے خود ہی فلم لکھی ہے اور اس میں اداکاری کرتے ہوئے بھی دکھائی دئیے ہیں. فلم دم مستم میں ندیم بیگ آخری بار نظر آئے تھے ، ضرار میں انہوں نے ایک اہم کردار ادا کیا ہے. فلم کا میوزک بھی بہت زبردست ہے. پپو سمراٹ کی کوریوگرافی نے اسکو چار چاند لگادئیے ہیں، فلم میں اردو اور انگلش زبان کا استعمال کیا گیا ہے. نئیر اعجاز نے باکمال انداز میں کردار نبھایا ہے.

میاں بیوی میں ناراضگی تو چلتی رہتی ہے ، تاہم حال ہی میں ناراضگی ہو گئی ہے شاید حسن احمد اور سنیتا مارشل میں . کم از کم حسن احمد کی وڈیو سے تو یہی لگ رہا ہے کہ وہ اپنی اہلیہ سنتیا مارشل سے ہیں ناراض . تفصیلات کے مطابق سنیتا مارشل نے حال ہی میں ایک انٹرویو دیا ہے جس میں انہوں نے کہا ہے کہ میں نے اپنی زندگی میں اکیلے بہت زیادہ جدوجہد کی اور اس بارے میں جب میں پہلے بات کیا کرتی تھی تو میرے شوہر کو غصہ آجایا کرتا تھا لیکن انہوں نے اب اپنا علاج کروا لیا ہے. اس انٹرویو پر رد عمل دیتے ہوئے حسن احمد نے کہا کہ ہم دونوں میاں بیوی ہیں اور ہم دونوں کا فرض ہے کہ ہم ایک دوسرے کا پردہ رکھیں .، انہوں نے کہا کہ سنیتا کے انٹرویو میں بہت ساری باتیں ایسی ہیں جو غلط ہیں ان کا

حقیقت کے ساتھ کوئی تعلق نہیں ہے. مجھے پتہ نہیں کیوں ایسا لگ رہا ہے کہ مجھ پہ ترس کھایا جا رہا ہے ، بھئی میں ایک مضبوط آدمی ہوں اور اپنی زندگی میں ، میں نے بہت جدوجہد کی ہے ہمیشہ سر اٹھا کر جیا ہوں .حسن احمد نے یہ ساری باتیں ایک وڈیو پیغام جاری کر کے کیں . ایسا محسوس ہوتا ہے کہ دونوں کے درمیان بعض معاملات کو لیکر چیزیں ٹھیک نہیں چل رہیں .

پاکستانی شو بز انڈسٹری کی ورسٹائل اور خوبصورت اداکارہ عتیقہ اوڈھو کی خوبصورتی اور اداکاری کے سب ہیں دیوانے ہیں . عتیقہ اوڈھو انسٹاگرام پر کافی متحرک رہتی ہیں .، انہوں نے حال ہی میں اپنے انسٹاگرام پر ایک پوسٹ شئیر کرکے اپنے مداحوں کے ساتھ خوشخبری شئیر کی ہے اور وہ خوشخبری یہ ہے کہ وہ اب ایک ترکی ڈرامے میں بھی جلوہ گر ہوں گی. انہوں نے لکھا کہ میرا ترکی ڈرامہ بہت جلد آن ائیر ہو گا . ترکی کے ڈرامے ”کویو بیاز“ میں اداکاری کے جوہر دکھاتی نظر آئیں گی۔ ڈرامے میں عتیقہ اوڈھو کے ساتھ مشہور ترکی اداکار نیسا بولکباشی اتاکان ہوگورین، اتابیق محسن اور ایبرو اکیل و دیگر موجود ہوں گے. عتیقہ اوڈھو کی اس پوسٹ کے کمنٹس باکس میں ان کے مداحوں نے ان کو

مبارکباد دیں اور کہا کہ آپ نے ہمیشہ ہی ہمارا سر فخر سے بلند کیا ہے اور ہم بہت بے تاب ہیں آپ کو ترکی ڈرامے میں دیکھنے کےلئے. یاد رہے کہ عتیقہ اوڈھو نے اپے کیرئیر میں‌ سوچ سمجھ کر پراجیکٹس کانتخاب کیا. انہوں‌نے کبھی بھی ایسے کردار ادا نہیں کئے جو یکسانیت کا شکار ہوں‌. عتیقہ کم مگر معیاری کام کر نے کو ترجیح دیتی ہیں . انہوں نے ڈرامہ سیریل ہمسفر میں فواد خان کی ماں کا کردار کرکے بہت زیادہ داد سمیٹی .

آغا علی جو حنا الطاف کے ساتھ شادی سے پہلے کافی سکینڈلز کا شکار رہے ہیں . ان کی اہلیہ حنا الطاف نے حال ہی میں ایک انٹرویو دیا ہے اس میں انہوں نے کہا ہے کہ مجھے آغا کی جو سب سے اچھی بات لگتی ہے وہ یہ ہے کہ وہ بہت زیادہ وفادار ہیں اور مجھ سے بے وفائی کا سوچ بھی نہیں سکتے. انہوں نے کہا کہ وہ اپنی والدہ اپنی فیملی اور مجھے ہر کسی کو اسکے مقام پر رکھتے ہیں‌یہی وجہ ہے کہ ہمیں کبھی بھی ایک دوسرے کے ساتھ شکایات نہیں ہوئیں . آغا نے ہمیشہ مجھے عزت احترام دیا ہے اور یہی ان کی باتیں جو مجھے بہت اچھی لگتی ہیں . دوسری طرف آغا علی

کہتے ہیں کہ میں نے وفا سیکھی ہی حنا سے ہے وہ خود بہت وفادار ہیں اسی لئے مجھے وفادار کہہ رہی ہیں.، انہوں نے میری زندگی میں ایک سکون قائم کیا ہے ان سے پہلے میں اور میری زندگی بکھری پڑی تھی حنا نے آکر میری زندگی کو کمپوز کرنے کے ساتھ مکمل طور پر بدل دیا. میں اپنی اہلیہ کو دنیا کی بہترین خاتون مانتا ہوں انہوں نے ہمیشہ میری ماں کا بھی بہت احترام کیا ہے یہی وجہ ہے کہ میری ماں بھی میری طرح ان کی دیوانی ہیں .

ماڈل سے اداکاری کی طرف آنے والی عفت عمر نے حال ہی میں ایک انٹرویو دیا ہے اس میں انہوں نے کہا ہے کہ میں‌نے اداکاری اسی لئے چھوڑی کیونکہ اچھا کام نہیں ہو رہا ، گھٹیا کہانیاں بن رہی ہیں ہر کہانی میں ساس بہو پر ظلم کررہی ہے، بہو اور ساس نند ہر کوئی ایک دوسرے کے خلاف سازش کر رہا ہے. انہوں نے کہا کہ میں کیوں کوئی ایسا کردار کروں جس پر میں‌خود کل کو تنقید کررہی ہوں. انہوں نے یہ بھی کہا کہ ہماری سوسائٹی کے دوہرے معیار ہیں جس طرح سے مرد کو اس کی غلطی کی سزا فورا مل جاتی ہے عورت کو نہیں‌ملتی اس کو طعنے ملتے رہتے ہیں‌ہم

کب ایسے رویوں سے نکلیں گے ایسی سوچ سے چھٹکارا پائیں گے جس کے مطابق عورت پائوں کی جوتی ہے. انہوں نے کہا کہ مجھے ایسے کردار نہیں ملتے جو مجھے اداکاری کے لئے اکسائیں اور میں کوئی یراجیکٹ‌سائن کر لوں میں صرف نظر آنے کےلئے کوئی بھی پراجیکٹ سائن نہیں‌کرتی . میں نے ہمیشہ اپنے کیرئیر میں‌سوچ سمجھ کام کیا ہے. مجھے خدا نے بہت شہرت سے نوازا ہے . لیکن کام کے معاملے میں‌، مں خاصی چوزی ہوں ، برا کام کرنے سے بہتر ہے کہ انسان کام کرے ہی نا اور میں دراصل یہی کررہی ہوں .

اداکارہ حریم فاروق نے حال ہی میں کہا ہے کہ فنکار سب سے زیادہ آسان ہدف ہوتے ہیں جس کی وجہ سے ان پر تنقید کی جاتی ہے. جس کو بھی دیکھو وہ کسی بھی فنکار کے حوالے سے کچھ بھی کہہ دیتا ہے اور سوشل میڈیا پر بحث چل نکلتی ہے. اگر ہر کوئی فنکار پر تنقید کرتا ہے تو اسکی وجہ ہی یہ ہے کہ فنکار آسان ہدف ہوتے ہیں . انہوں نے کہا کہ ہم جتنا مرضی اچھا کام کر لیں جتنا مرضی اچھا بول لیں لیکن غلطی سے بھی ایک لفظ ادھر سے ادھر ہوجائے تو ہمیں‌نہیں‌بخشا جاتا کئی کئی دن اور مہینے ہمارا مذاق بنایا جاتا ہے جو کہ بہت ہی غلط ہے. کبھی کسی نے فنکاروں کی خوبیاں نہیں دیکھیں بس تنقید کرنےکے لئے وہ کسی ہلکی سی بھی بات کی تلاش میں رہتے ہیں . انہوں نے یہ بھی کہا کہ مجھے میرے

مداحوں نے ہمیشہ بہت پیار محبت دی ہے جس کی وجہ سے میں ان کی مشکور ہوں . میں کم کم اس لئے نظر آتی ہوں کیونکہ میں صرف اچھے سکرپٹس پر کام کرنے کو ترجیح دیتی ہوں چاہے اس کےلئے مجھے کتنا بھی انتظار کیوں نہ کرناپڑے. حریم فاروق نے کہا کہ بڑی سکرین ہو یا چھوٹی دونوں پر کام کرنے کےلئے بہت محنت لگتی ہے اور میرا فلم اور ڈرامے میں کام کرنے کا تجربہ بہت اچھا رہا ہے.

میکال ذاولفقار نے اپنے حالیہ انٹرویو میں کہا ہےکہ دا لیجنڈ‌آف مولا جٹ کی زبردست کامیابی سے دوسری پاکستانی فلموں کو بھی فائدہ ہو گا. بہت جلد میری فلم منی بیگ گارنٹی بھی سینما گھروں کی زینت بن رہی ہے مجھے بہت امید ہے کہ یہ فلم بھی اچھا بزنس کریگی. لوگ فواد خان کو دیکھنا چاہتے ہیں ، اور فواد ہماری فلم میں بہت اہم کردار ادا کررہے ہیں. میکال نے کہا کہ ہمارے ہاں بہت زیادہ ٹیلنٹ ہے اس کی مثال مولا جٹ ہے اس فلم نے دنیا کو دکھا دیا ہے کہ پاکستان میں اعلی کام کرنے والے بھی موجود ہیں اور ہمارے ہاں بھی بین الاقوامی معیار کا کام ہو رہا ہے. میکال نے مزید کہا کہ صبا قمر کے ساتھ کام کرنے کا ہمیشہ ہی تجربہ بہت خوشگوار رہا ہے. ہمارا ڈرامہ فراڈ چل رہا ہے اس میں بھی ہماری جوڑ ی

جو بہت پسند کیا جا رہا ہے. اب ہم ویب سیریز منڈی میں‌بھی ایک ساتھ کام کررہے ہیں امید ہے کہ لوگوں کو ہمیں ایک بار پھر ساتھ دیکھ کر بہت اچھا لگے گا . میکال نے مزید کہا کہ میرا نیا پراجیکٹ بطور پرڈیوسر بہت جلد شروع ہونے والا ہے. یاد رہے کہ میکال ذولفقار نے ماڈلنگ سے اپنے کیرئیر کا آغاز کیااور اس کے بعد اداکاری میں اپنا نام بنایا.