Category: شوبز

کارتک آریان کا شمار نوجوان نسل کے نمائندہ فنکاروں میں ہوتا ہے ، آج ہندوستانی عوام کارتک کے پیچھے پاگل ہے انہیں اپنا سپر سٹار مانتی ہے . کارتک آریان بالی وڈ انڈسٹری کے باصلاحیت اداکاروں میں سے ایک ہیں۔ وہ ایک ایسے سپر اسٹارہیں جو اس وقت مکمل طور پر باکس آفس پر راج کر رہے ہیں۔ انہوں نے اپنی اداکاری کا آغاز 2011 میں فلم پیار کا پنچنامہ سے کیا جس میں دیویندو شرما، رایو ایس بکھیرتا، نصرت بھروچا، سونللی سیگل، اور ایشیتا راج شرما بھی اہم کرداروں میں تھےاس کے بعد انہوں نے پیچھے مڑ کر نہیں دیکھا. اپنے حالیہ انٹرویو میں کارتک نے شاہ رخ خان سے اپنی پہلی ملاقات کو کیا یاد۔ بولے میں جب کچھ بھی نہیں تھا تو اس وقت میں ممبئی میں شاہ رخ

خان کے گھر منت گیا میں شاہ رخ خان کا پرستار تھا. ان کو دیکھنے کےلئے منت کے باہر کھڑا تھا. ایک گاڑی رکی شاہ رخ خان اس میں سے نکلے اور انہوں نے میری طرف مسکراہٹ کے ساتھ دیکھا اور میں بے حد خوش ہوا کہ میرے پسندیدہ فنکار نے میری طرف محبت کے ساتھ دیکھا ہے. کارتک آریان نے انٹرویو میں جم کر کنگ خان کی تعریف کی. انہوں نے کہا کہ شاہ رخ کا فلمی سفر ہمیشہ میرے لئے متاثر کن رہا ہے. میں ان کا مداح تھا اور ہمیشہ رہوں گا. کارتک نے کہا کہ میں ان کو بہت زیادہ پسند کرتا ہوں جو خوداری کے ساتھ جیتے ہیں اور اپنا کیرئیر خود بناتے ہیں.

عرفان خان بالی وڈ کے باصلاحیت اداکاروں میں سے ایک تھے۔ اگرچہ وہ اب ہم میں نہیں ہیں لیکن ان کی یادیں اور ان کی فلمیں ہمیشہ ہماری زندگیوں میں نقش رہیں گی۔ ان کا بیٹا بابل خان جو اکثر اپنے والد کی یادوں کو سوشل میڈیا پر زندہ رکھنے کو یقینی بناتا رہتا ہے جلد ہی قلا سے اپنی اداکاری کا آغاز کرنے جا رہا ہے۔ انویتا دت کی ہدایت کاری میں بننے والی اس فلم میں ترپتی ڈمری، سواستیکا مکھرجی اور امیت سیال بھی اہم کردار ادا کریں گے۔ گزشتہ شب فلم کا پریمیئر کیا گیا جس میں عرفان خان کی قریبی دوست تبو سمیت کئی مشہور شخصیات نے شرکت کی۔جس لمحے تبو نے عرفان خان کے بیٹے کو دیکھا تو وہ کافی جذباتی ہو گئیں اور آگے بڑھ کر ان کے بیٹے کو گلے لگا لیا.

سوشل میڈیا پر وائرل ہونے والی ویڈیو میں تبو کو کالے گاؤن میں دیکھا جا سکتا ہے. قلا کے پریمیئر کے ریڈ کارپٹ پر پوز دیتے ہوئے جب تبو کی نظر بابل خان پر پڑی تو انہوں نے خوبصورت مسکراہٹ کے ساتھ اسے ہاتھ ہلایا جب وہ پاس آیا تو تبو نے اسے گلے لگا لیا اور جذباتی ہو گئیں . سوشل میڈیا پر وائرل اس وڈیو پر صارفین نے تبو اور عرفان خان کی دوستی پر دلچسپ اور خوبصورت تبصرے کئے. یاد رہے کہ فلم گزشتہ روز نیٹ فلیکس پر ریلیز ہو چکی ہے.

آیوشمان کھرانہ اپنی فلم ایک ایکشن ہیرو کی پرموشنز میں مصروف رہے ہیں فلم کا ٹریلیر جاری ہونے کے بعد شائقین کی جانب سے اسے بے حد پذیرائی ملی. انیرودھ ایر کی ہدایت کاری میں بنی اس فلم کو بھوشن کمار، کرشن کمار، اور آنند ایل رائے نے مشترکہ طور پر تیار کیا ہے۔ یہ فلم 2 دسمبریعنی آج سینما گھروں کی زینت بنے گی۔ اس میں جیدیپ اہلاوت بھی ہیں۔ اس فلم میں 80 کی دہائی کی پاکستانی گلوکارہ نازیہ حسن کا گایا ہوا گیت آپ جیسا کوئی میری زندگی میں آئے کا ریمیکس شامل کیاگیا ہے جس پر ملائکہ اروڑہ اور آیوشمان کھرانہ نے ڈانس کیا ہے.اوریجنل گانا فلم قربانی کا تھا جو زینت امان پر پکچرائز ہوا تھا. حال ہی میں جب آیوشمان کھرانہ جھلک دکھلا جا 10 کے سیٹ پر پہنچے تو سپر اسٹار مادھوری ڈکشٹ شو میں جج کے طور پر نظر آئیں۔ دونوں نے آپ جیسا کوئی کے ریمکس ورژن پر ڈانس کیا اس

ڈانس کی وڈیو سوشل میڈیا پر وائرل ہو رہی ہے جسے بہت زیادہ پسند کیا جا رہا ہے. آیوشمان نے اس موقع پر کہا کہ مادھوری میم آپ جیسا کوئی بھی نہیں ہے. یاد رہے کہ ٰاین ایکشن ہیرو میں آیوشمان کھرانہ ایک ایسے اداکار کا کردار ادا کر رہے ہیں جس کی زندگی 360 ڈگری کا رخ موڑ لیتی ہے جب اس پرکسی کو قتل کرنے کا الزام لگایا جاتا ہے۔

روہت شیٹی کی اجے دیوگن کے ساتھ 2011 میں سنگھم آئی اس میں اجے دیوگن مرکزی کردار میں تھے، اس کے بعد سنگھم ریٹرنز آئی،دونوں فلموں‌ کو عوامی سطح پر بے حد پذیرائی ملی. اس کے بعد سمبا اور سوریاونشی 2021 میں ریلیز ہوئیں۔ان دونوں کے مداح سنگھم تھری کے منتظر تھے ان کے لئے خوشخبری ہے کہ اجے اور روہت سنگھم تھری دوبارہ بنانے جارہے ہیں.یہ خبر فلمی ویب سائٹس پر چل تو رہی ہے لیکن اجے اور روہت نے باضابطہ طور پر سنگھم تھری کا اعلان نہیں کیا. جیسے ہی یہ خبر سوشل میڈیا پر آئی مداحوں نے بے حد خوشی کا اظہار کیا ہے مداحوں کا کہنا ہے کہ یہ فلم بلاک بسٹر ہوگی.

اپنے ایک پرانے انٹرویو میں روہت شیٹی اتنا ضرور کہہ چکے ہیں‌کہ وہ سنگھم 3 کی تیاری کررہے ہیں اس پر کام شروع ہو چکا ہے،انہوں نے یہ بھی کہا تھا کہ ابھی اجے مصروف ہیں اسلئےہم اگلے سال اپریل میں فلم کی شوٹنگ شروع کریں گے.یاد رہے کہ روہت شیٹی سدھارتھ ملہوترا کے ساتھ اپنی اگلی فلم کی تیاری میں مصروف ہیں اور اجے دیوگن بھولا جیسی فلموں میں مصروف ہیں. اجے دیوگن نے نوے کی دہائی میں اپنا کیرئیر بطور ایکشن ہیرو شروع کیا بعد ازاں انہوں نے ہر طرح کا کردار ادا کرکے ثابت کیا کہ وہ کسی سے کم نہیں ہیں.

عامرخان نے اپنی سابقہ ​​اہلیہ کرن راؤ اور بیٹے آزاد راؤ خان کے ساتھ قطر میں جاری فیفا ورلڈ کپ 2022 میں شرکت کی . عامر خان جب وہاں پہنچے تو ان کے مداحوں نے ان کے ساتھ سیلفیاں بنوائیں. سوشل میڈیا پر تصاویر وائرل ہورہی ہیں جن میں عامر خان کے ساتھ ان کے مداح سیلفیاں لے رہے ہیں. عامر خان داڑھی میں نظر آرہے ہیں. عامر خاکستری ٹی شرٹ اور سیاہ کارگو شارٹس پہنتے ہوئے تھے جبکہ ان کے بیٹے آزاد نے ارجنٹائن کی جرسی پہن رکھی تھی ۔ سوشل میڈیا پر وائرل ہونے والی ایک ویڈیو میں اداکار اپنے فون سے ایک ویڈیو ریکارڈ کرنے کی کوشش کرتے ہوئے نظر آ رہے ہیں اور بعد میں وہ کرن اور آزاد کے ساتھ ایک تصویر بناتے ہوئے بھی نظر آئے.

قطر جانے سے پہلے عامر کو کرن اور آزاد کے ساتھ ان کی بیٹی ایرا خان کی منگنی میں نوپور شیکھرے کے ساتھ دیکھا گیا تھا جو ممبئی میں ہوئی تھی۔ اس میں عامر کی پہلی اہلیہ رینا دتہ، ان کے بھانجے عمران خان کے ساتھ والدہ اور بیٹی عمارہ، کزن منصور خان اور والدہ زینت حسین نے بھی شرکت کی۔ یاد رہے کہ عامر خان آخری بار لال سنگھ چڈھا میں نظر آئے تھے، اس فلم کی ناکامی کے بعد انہوں نے اداکاری سے کچھ دیر وقفہ کرنے کا اعلان کیا. یوں آج کل عامر خان اداکاری سے چھٹیوں پر ہیں اور اپنی فیملی کے ساتھ زندگی انجوائے کررہے ہیں.

بالی وڈ کے میگا سٹار شاہ رخ خان ان دنوں سعودی عرب میں ہیں۔ تازہ ترین پیش رفت یہ ہے کہ شاہ رخ خان نے مکہ مکرمہ میں عمرہ ادا کر لیا ہے ، عمرہ کی سعادت انہوں نے سعودی عرب کے بین الاقوامی فلم فیسٹیول میں شرکت کرنے سے چند لمحے قبل حاصل کی. سوشل میڈیا پر وائرل ہونے والی تصاویر میں شاہ رخ خان کو سفید لباس اور ماسک میں دیکھا جا سکتا ہے۔ بنیادی طور پرعمرہ کا مطلب عربی میں خانہ کعبہ (خدا کا مقدس گھر) کا ‘وزٹ’ ہے اور اسے کوئی بھی شخص اور سال کے کسی بھی وقت انجام دے سکتا ہے۔شاہ رخ خان کی عمرہ کی سعادت

حاصل کرنے والی وڈیو سوشل میڈیا پر کافی وائرل ہورہی ہے. اس سے قبل شاہ رخ خان نے اپنے مداحوں کو ایک ویڈیو پیغام کے ذریعے بتایا کہ میں نے اور ٹیم نے سعودی عرب میں اپنی آنے والی فلم ڈنکی کی شوٹنگ کا شیڈول مکمل کر لیا ہے۔یاد رہے کہ ڈنکی فلم راجکمار ہیرانی کی ہدایت کاری میں بننے والی ڈنکی میں شاہ رخ خان اور تاپسی پنو مرکزی کردار ادا کر رہے ہیں اور یہ اگلے سال دسمبر میں سینما گھروں کی زینت بنے گی۔شاہ رخ خان تاحال سعودی عرب میں ہی ہیں اور جلد اپنے وطن واپس لوٹنے والے ہیں.

بالی وڈ کے میگا اسٹار شاہ رخ خان نے حال ہی میں جدہ میں منعقد ہونے والے ریڈ سی انٹرنینشنل فلم فیسٹیول میں شرکت کی جیسے ہی کنگ خان اپنی گاڑی سے نیچے اترے، ان کے مداحوں اور خیر خواہوں نے ان کا پرتپاک استقبال کیا، جن میں سے اکثر نے سپر اسٹار کے ساتھ سیلفی لینے کی خواہش ظاہر کی۔ شاہ رخ خان نے گاڑی سے اترتے ہی اپنے مداحوں کو ملین ڈالرز سمائل دی ان کے مداحوں کی جانب سے ہمیں تم سے پیار جیسے نعرے لگے. کنگ خان گرم جوشی، محبت اور خوشی کے ساتھ فیسٹیول میں داخل ہوئے اس کے بعد شاہ رخ خان کو سعودی عرب کے ریڈ سی انٹرنیشنل فلم فیسٹیول نے اعزازی ایوارڈ سے نوازا گیا.ریڈ سی انٹرنیشنل فلم فیسٹیول کے سی ای او محمد الترکی نے

اداکار کو ایوارڈ پیش کرتے ہوئے کہا ’’ہم شاہ رخ خان کو اعزاز دیتے ہوئے بہت پرجوش ہیں، شاہ رخ خان ایک باصلاحیت اور عالمی سپر اسٹار ہیں۔ انہوں نے اپنی ابتدائی پرفارمنس سے ہی سامعین کے دل موہ لیے.ایوارڈ وصول کرتے ہوئے، خان نے یہ کہہ کر شکریہ ادا کیا "میں یہ ایوارڈ حاصل کرنے پر واقعی فخر محسوس کر رہا ہوں۔ سعودی عرب آنا بہت اچھا لگ رہا ہے میں جانتا ہوں کہ یہاں کے لوگ ہمیشہ میری فلموں کے زبردست حامی رہے ہیں۔یاد رہے کہ شاہ رخ خان جنہوں نے حال ہی میں اپنی آنے والی فلم ڈنکی کی شوٹنگ کا شیڈول مکمل کیا ہےیہ فلم اگلے سال دسمبر میں سینما گھروں کی زینت بننے والی ہے۔

بالی وڈ اداکار ارجن کپور ہمیشہ پاکستانی میوزک کی تعریف کرتے ہی دکھائی دیتے ہیں . انہوں نے علی سیٹھی کا گانا پسوڑی کی دل کھول کر تعریف کی تھی اور کہا تھا کہ کیا کمال کا گانا اور میوزک ہے اور کمال انداز میں ہی گایا ہے. حال ہی میں ارجن کپور کی ایک وڈیو سوشل میڈیا پر دیکھی جا رہی جس میں‌ وہ دہلی کی سرد صبح میں سفر کرتے ہوئے پاکستانی گلوکار حسن رحیم کے گانے ایسے کیسے سن کر لطف اندوز ہوتے ہورہے ہیں. انہوں نے وڈیو میں کہا ہے کہ انتہائی نایاب دن، جب مجھے بھی صبح کو اٹھنا پسند آئے۔ انہوں نے وڈیو کا کیپشن لکھا کہ اور ان نایاب دنوں کے لیے میں دہلی کی سردی اور خوشبو کا شکر گزار ہوں۔یاد رہے کہ ارجن کپور ملائکہ اروڑہ کے ساتھ اپنے تعلق کو لیکر رہتے ہیں کافی

زیادہ خبروں میں .حال ہی میں ایک خبر وائرل ہوئی کہ ملائکہ اروڑہ حاملہ ہیں جس پر اداکارہ نے ایسی خبر پھیلانے والوں کو لیا آڑھے ہاتھوں تاہم ارجن کپور کا کہنا ہے کہ ابھی ان کا شادی کا ارادہ نہیں ہے.ارجن کپور اچھے اداکار ہیں لیکن ابھی تک وہ سپر سٹارز کی لسٹ میں کھڑے نہیں ہو سکے.

سینئر اداکار ندیم بیگ جن کی رواں برس فلم دم مستم ریلیز ہوئی اس میں ان کا کردار مختصر تھا لیکن شائقین نے پسند کیا وہ فلم تو بڑ ی سکرین پر جادو نہ چلا سکی. اب ندیم بیگ کی فلم ضرار ریلیز ہوئی ہے اس میں ان کا کردار بہت زیادہ پسند کیا جا رہا ہے. ندیم بیگ نے فلم ضرار کی جم کر پروموشنز کیں .انہوں نے حال ہی میں ایک انٹرویو دیا ہے اس میں انہوں نے کہا کہ میں میوزک بہت شوق سے سنتا ہوں لیکن اب لگتا ہے کہ جیسے کوئی گانا نہیں‌ گا رہا بلکہ شور ہو رہا ہے یا کوئی لڑ رہا ہے. انہوں نے کہا کہ پہلے بہت اچھا میوز ک بنتا تھا اور شاعری لکھی جاتی تھی لیکن

اب ایسا نہیں ہے.انہوں نے کہا کہ ہمارے دور کے گلوکار کمال کے تھے اگر ان کا گایا ہوا گیت کسی ہلکے ہیرو پر بھی پکچرائز ہوتا تھا تو آرٹسٹ چل جاتا تھا .انہوں نے کہا کہ میں حال میں جینے والوں میں سے ہوں ماضی میں جینے والوں میں میرا شمار نہیں ہوتا . انہوں نے کہاتاہم ماضی کی یادیں‌میرے دل میں بسی ہوئی ہیں. آج جیسے میوزک میں شور محسوس ہوتا ہمارے دور کا میوزک سمُود تھا سنے کو دل کرتا تھا اور بار بار سننے کو دل کرتا تھا .

دا لیجنڈ آف مولا جٹ کی کامیابی کے بعد اب پرڈیوسرز پیسہ لگانے کےلئے میدان میں آرہے ہیں. پرڈیوسر شایان خان نے فیصلہ کر لیا ہے کہ وہ دا لیجنڈ آف مولا جٹ سے زیادہ بڑے بجٹ کی فلم بنائیں گے لہذا انہوں نے دی گریٹ گاما بنانے کا ارادہ کر لیا ہے. اس فلم کا سکرپٹ ناصر ادیب لکھ رہے ہیں ان کہنا ہے کہ دا گریٹ گاما ایک بڑے بجٹ کی فلم ہو گی اور پرڈیوسر شایان کا کہنا ہےکہ دا گریٹ گاما کا بجٹ مولا جٹ سے زیادہ ہوگا. انہوں نے مزید کہا کہ اس فلم کی کہانی پنجاب کے مشہور گاماں پہلوان سے متاثر ہوکر بنائی جارہی ہے ۔ جبکہ اس فلم میں گاماں پہلوان رستم زمان کی زندگی کے چند واقعات کو بھی حقیقی طور پر لیا جائے گا ۔ تاہم باقی فلم فکشن پر مبنی ہوگی ۔یاد رہے کہ ناصر ادیب کی لکھی ہوی

فلم دا لیجنڈ آف مولا جٹ نے دو سو کروڑ کا بزنس کیا ہے تاہم ناصر ادیب کا کہنا ہے کہ میری دعا ہے کہ دی گریٹ گاما ایک ہزار کروڑ کا بزنس کرے. ناصر ادیب کا یہ بھی ماننا ہے کہ وہ کسی کی ڈکٹیشن نہیں لیں گے اپنی شرائط پر لکھیں گے اور ایک رائٹر کی انا اور عزت پر بالکل بھی کمپرومائز نہیں کریں . دا لیجنڈ آف مولا جٹ نے تو دو سو کروڑ کا بزنس کر لیا اب دی گریٹ گاما کیسا بزنس کرتی ہے.