Category: شوبز

معروف ٹک ٹاکر جنت مرزا جو انسٹاگرام پر ایک بڑی فین فالونگ رکھتی ہیں انہوں نے حال ہی میں کیا ایک مذاق وہ مذاق ان کو پڑ گیا ہے کافی مہنگا کیونکہ سوشل میڈیا صارفین ان پر خاصی تنقید کررہے ہیں. جنت مرزا نے گزشتہ روز سوشل میڈیا پر ایک پوسٹ شئیر کی جس میں انہوں نے لکھا کہ میں اب سنگل ہوں کسی بھی رشتے میں نہیں ہوں، بس وجہ نہ پوچھیے گا ، یوں انہوں نے تاثر دیا کہ ان کی منگنی ختم ہو گئی ہے. ان کی اس پوسٹ کے بعد سوشل میڈیا پر ایک ہلچل مچ گئی اور ہر طرف خبریں آ گئیں کہ ٹک ٹاکر جنت مرزا کی منگنی ٹوٹ گئی ہے لیکن تھوڑی دیر کے بعد انہوں نے ایک اور پوسٹ شئیر کی جس میں انہوں نے لکھا کہ سوشل میڈیا پر تو مذاق کو مذاق کی طرح لیا ہی نہیں جاتا فورا

سیریس سمجھ لیا جاتا ہے میں نے مذاق کیا تھا یہ کہہ کر کہ میں اب کسی رشتے میں نہیں ہوں اصل میں میرے منگیترعمر بٹ نے مجھ سے اجازت لئے بغیر مجھے بتائے بغیر کلین شیو کر لی اور میں‌نے مذاق میں ایسی پوسٹ کر دی کہ میں اب کسی رشتے میں‌نہیں‌ہوں . جنت مرزا کی اس پوسٹ کے بعد ان کو سوشل میڈیا پر کافی برا بھلا کہا جا رہا ہے اور ان کی تنقید کو ان کی بچگانہ حرکت کہا جا رہا ہے.

پاکستانی نژاد امریکی گلوکارہ عروج آفتاب مسلسل جا رہی ہیں عروج پر . ان کی مقبولیت میں دن بہ دن اضافہ ہی ہوتا جا رہا ہے. عروج جنہیں 2021 میں پہلی بار گریمی ایوارڈ کے لئے نامزد کیا گیا تھا اور 2022 میں انہیں پہلا گریمی ایوارڈ بھی ملا انہیں ایک بار پھر گریمی ایوارڈ کے لئے نامزد کر لیا گیا ہے اور 2023 کے گریمی ایوارڈ کے لئے گلوکارہ نامزد ہو گئی ہیں . اگر دیکھا جائے تو عروج آفتاب وہ پہلی گلوکارہ بن گئی ہیں جن کو مسلسل دو بار گریمی ایوارڈ کے لئے نامزد کیا گیا ہے. عروج آفتاب اس نامزدگی پر خاصی خوش ہیں انہوں نے اپنے انسٹاگرام اکائونٹ پر اس حوالے سے ایک سٹوری شئیر کی اور مداحوں کو بتایا کہ وہ ایک بار پھر سے گریمی ایوارڈ کے لئے نامزد ہو گئی ہیں انہوں نے لکھا ”مجھے اور

میری ساتھی گلوکارہ انوشکا شنکر کو بیسٹ گلوبل میوزک پرفارمنس کی کیٹیگری میں ’ادھیڑو نا‘ گانے پر نامزد کیا گیا ہے۔واضح رہے کہ گریمی ایوارڈ میں نامزدگی بہت زیادہ اہمیت کی حامل ہے ، شرمین عبید چنائے بھی گریمی ایوارڈ کے لئے نہ صرف نامزد ہو چکی ہیں بلکہ یہ ایوارڈ بھی حاصل کر چکی ہیں. پاکستانی گلوکار دنیا بھر میں شہرت رکھتے ہیں اور دنیا بھر میں ان کے مداح پائے جاتے ہیں.

عمیر جسوال نے حال ہی میں سوشل میڈیا پر ایک تصویر شئیر کرتے ہوئے لکھا ہے کہ وہ شعیب اختر کی بائیو پک میں شعیب اختر کا کردار کرنے کےلئے تیار ہیں.ساتھ ہی انہوں نے خوشی کا اظہار بھی کیا اور کہا کہ میں بہت خوش ہوں کہ مجھے ایک لیجنڈ کے کردار کے لئے منتخب کیا گیا ہے . انہوں نے یہ بھی کہا کہ یہ فلم عالمی سطح پر دیکھی جائے گی اس لئے مجھے بہت خوشی ہے کہ میں اس فلم کا حصہ بننے جا رہا ہوں. دوسری طرف شعیب اختر پر بننے والی فلم راولپنڈی ایکسپریس کے انسٹاگرام اکائونٹ نے بھی تصدیق کر دی ہے کہ عمیر جسوال شعیب اختر کا کردار کرنے جا رہے

ہیں. اس فلم کو ایم فراز قیصر ڈائریکٹ کررہے ہیں. انہوں نے عمیر جسوال کو کاسٹ کئے جانے کی تصدیق کر دی ہے تاہم فلم میں دیگر کاسٹ کونسی ہو گی کون کیا کیا کردار کریگا اس کی تفصیلات ابھی سامنے نہیں‌لائی گئیں. کہا جا رہا ہے کہ اس فلم میں‌شعیب اختر کی زندگی کے ان پہلوئوں کو بھی سامنے لایا جا ئے گا جن کے بارے میں شائقین جاننے میں دلچپسی رکھتے ہیں اس کے علاوہ ان کے میچز اور ان سے جڑے دلچپسپ واقعات کو بھی فلم کا حصہ بنایا جائے گا . شعیب اختر کے فینز فلم راولپنڈی ایکسپریس کو دیکھنے کےلئے بےتاب دکھائی دیتے ہیں.

اداکارہ صنم جھنگ نے حال ہی میں سوشل میڈیا پر اپنی اور بیٹی کی تصاویر شئیر کی ہیں ان میں دیکھا جا سکتا ہے کہ وہ اپنی بیٹی کی سالگرہ منا رہی ہیں انہوں نے ایک پارٹی کا اہتمام کر رکھا ہے جس میں ان کے قریبی فیملی ممبر اور دوست دکھائی دے رہے ہیں . سالگرہ کی تقریب کے انتظامات بتا رہے ہیں کہ صنم نے بیٹی کی سالگرہ بہت بڑے پیمانے پر نہیں کی ورنہ مہمانوں کا ایک جھرمٹ ضرور نظر آرہا ہوتا. صنم جھنگ کی بیٹی کا نام عالیہ ہے اور ان کی عمر چھ سال ہے. عالیہ صنم جھنگ جیسی دکھائی دیتی ہیں . اپنی سالگرہ کے موقع پر انہوں نے سفید رنگ کی فراق پہن رکھی تھی جب کہ صنم جھنگ پینٹ کوٹ میں‌نظر آرہی تھیں دونوں ہی خاصی دلکش لگ رہی تھیں . ایک تصویر میں‌صنم اپنی بیٹی کو اپنی

بانہوں میں لئے ہوئے ہیں اور سالگرہ کی خوشی کا اظہار کررہی ہیں. یاد رہے کہ صنم جھنگ کا شمار پاکستان کی ٹی وی انڈسٹری کی بہترین اداکارائوں میں ہوتا ہے انہوں نے ہر قسم کے کردار ادا کئے ، اور انہیں ان کے ہر کردار میں ان کے پرستاروں نے خوب سراہا. صنم ایک عرصہ تک مارننگ شو بھی کرتی رہی ہیں ،صنم جھنگ کو بطور میزبان بھی بہت سراہا جاتا ہے. انہوں نے کئی فیشن شوز میں ریمپ پر واک بھی کی ہے.

اداکارہ اشنا شاہ کے بارے میں مشہور ہے کہ وہ اپنے ساتھ کام کرنے والے ہر شخص کو بھائی کہتی ہیں . اداکارہ جو کہ انسٹاگرام پر بہت زیادہ متحرک رہتی ہیں انہوں نے اپنی انسٹاگرام سٹوری میں بتا دیا ہے کہ وہ کیوں ہر کسی کو بھائی کہتی ہیں ،. انہوں نے لکھا کہ ہم جن کے ساتھ کام کررہے ہوتے ہیں ان کو بھائی کہنا بہت ضروری ہوتا ہے اگر ان کو بھائی نہ کہیں تو ان کا دماغ خراب ہوجاتا ہے جس کی وجہ سے ہمیں بھی کام کرنے میں پریشانی کا سامنا کرنا پڑتا ہے انہوں نے کہا کہ کسی کو بھی بھائی کہنے کا مجھے کوئی شوق نہیں ہے لیکن مجھے لگنے لگ گیا ہے کہ

ایسا کرنا ضرورت ہے . انہوں‌نے مزید کہا کہ اگر ہمیں بھی اندازہ ہو کہ بھائی کہے بغیر کام چل سکتا ہے کسی مسئلے کا سامنا نہیں کرنا پڑے گا تو ہم بھی بھائی نہ کہیں لہذا بھائی کہہ کر ہم انہیں زرا اس بات کا پابند کر دیتے ہیں کہ اخلاقیات کے دائرے میں رہ کر کام کرنا ہے. واضح رہے کہ اشنا شاہ ٹی وی اور فلم دونوں میڈیم کے لئے کام کرتی ہیں ، لیکن اشنا کم مگر معیاری کام کرنے کو ترجیح دیتی ہیں اسلئے فلمز اور ٹی ڈراموں میں کم کم نظر آتی ہیں .

اداکار فرحان سعید جن کی 25 نومبر کو فلم ٹچ بٹن ریلیز ہونے جا رہی ہے انہوں نے گزشتہ روز اداکار ہمایوں سعید کو ٹیگ کرکے ایک ٹویٹ کیا جس میں انہوں نے لکھا کہ ”چاہے ادھر جائیں یا اُدھر جائیں‌لیکن ٹچ بٹن دیکھنے ضرور جائیں آپ ہماری انسپریشن ہیں ” . اس ٹویٹ کو قوٹ ری ٹویٹ کرکے ہمایوں سعید نے لکھا کہ ”سنا ہے جب پیار ہوتا ہے تو بندہ آپے سے باہر ہوتا ہے ، ٹچ بٹن بھی دیکھنے ضرور جائوں گا” انہوں نے عروہ حسین ، فرحان سعید اور قاسم علی مرید کو آل دا بیسٹ بھی کہا .
ٹچ بٹن بچیس نومبر کو ریلیز ہو نے جا رہی ہے اس میں فیروز خان ، سونیا حسین ، ایمان علی اور فرحان سعید مرکزی کرداروں میں نظر آرہے ہیں جبکہ عروہ حسین اس فلم کی پرڈیوسر ہیں اور عروہ نے اس میں ایک آئٹم سانگ بھی کیا ہے. عروہ کہتی ہیں کہ یہ ایک سیچوایشنل سانگ ہے جو میں نے فرحان اور قاسم علی مرید کے کہنے پر کیا . ہم نے فلم پر بہت محنت کی ہے امید ہے کہ شائقین ضرور پسند کریں گے . واضح رہے کہ اس فلم میں جتنے بھی فنکار ہیں وہ سب کسی نہ کسی حوالے سے ایک عرصے سے خبروں میں ہیں اسی لئے فلم کی پرموشن کے رنگ کچھ پھیکے ہی نظر آرہے ہیں دیکھنا یہ ہے کہ یہ فلم سینما گھروں میں شائقین کو لانے میں کتنا کامیاب ہوپاتی ہے.

گزشتہ روز سندھ ہائی کورٹ میں اداکارہ وینا ملک اور اسد خٹک کے درمیان بچوں کی حوالگی سے متعلق کیس کی سماعت ہوئی۔اس دوران اسد خٹک نے اپنے بچوں کے ساتھ ملاقات کی . اسد خٹک نے کہا کہ چار سال کے بعد میری میرے بچوں کے ساتھ ملاقات ہوئی ہے میں چاہتا ہوں کہ کوئی ایسا حل نکلے کہ جو بچوں کے مستقبل کےلئے اچھا ہو. اسد خٹک نے یہ بھی کہا کہ میں ان تمام مسائل کے حل کےلئے مولانا طارق جمیل سے مسلسل رابطہ کرنے کی کوشش کررہا ہوں لیکن ان سے بھی رابطہ نہیں ہو پا رہا. میں بچوں‌کا باپ ہوں ان کو اپنی آنکھوں کے سامنے دیکھنا چاہتا

ہوں ان کو پیار محبت اور اپنی شفقت دینا چاہتا ہوں . میری میڈیا سے بھی درخواست ہے کہ وہ میری مدد کرے تاکہ ہمارے مسائل کا کوئی مناسب حل نکل آئے . انہوں نے کہا کہ بچے مجھے بہت یاد آتے ہیں وینا ملک اس موقع پر بہت زیادہ بات کرتی ہوئی نظر نہیں آئیں انہوں‌ نے صرف اتنا کہا کہ غلط فیصلے ہو جایا کرتے ہیں . تاہم اسد خٹک کافی پریشان دکھائی دئیے اور ایسا لگ رہا تھا کہ وہ شاید اپنے اور وینا کے درمیان غلط فہمیوں اور تعلق کی خرابی پر نہایت پریشان ہیں . اسد خٹک نے تو میڈیا کی مدد بھی مانگ لی ہے.

فلم جوائے لینڈ جس کی نمائش کا شائقین کو بے چینی سے انتظار تھا اس کی ریلیز پر پابندی کے بعد ان میں مایوسی کی ایک لہر دوڑ گئی تھی تاہم پابندی کے بعد وزیر اعظم شہباز شریف نے ایک کمیٹی تشکیل دی اور وزیراعظم سمیت کمیٹی نے مرکزی فلم سنسر بورڈ کے فل بورڈ کے ممبران کے ساتھ فلم دیکھی اور فلم میں انہیں اتنا ایشو نظر نہیں آیا کہ جس کی وجہ سے فلم پر مکمل پابندی لگا دینی چاہیے لہذا چند ایک سین کاٹ کر فلم کو پاکستان بھر میں نمائش کی اجازت دے دی گئی ہے . فلم کی پہلے ریلیز ڈیٹ 18 نومبر تھی ابھی بھی یہ اپنی طے شدہ تاریخ کو ہی ریلیز ہونے جا رہی ہے. پاکستان میں بننے والی اپنی نوعیت کی یہ پہلی فلم ہے جو کہ ایک ٹرانسجینڈر کی زندگی کا احاطہ کرتی ہے. فلم کے ہدایتکار صائم

صادق اور پرڈیوسر سرمد سلطان کھوسٹ ہیں۔فلم کو دنیا کے سب سے بڑے فلمی میلے (کانز) میں ایوارڈ بھی مل چکا ہے. دنیا بھر کے دیگر میلوں میں بھی یہ فلم اپنی کامیابی کے جھنڈے گاڑھ چکی ہے. فلم کی مرکزی کاسٹ میں ثروت گیلانی ، علینہ خان اور راستی فاروق و دیگر ہیں . فلم کی نامزدگی پاکستان کی طرف سے آسکر کے لئے بھی ہو چکی ہے اب دیکھنا یہ ہے کہ آسکر میں یہ فلم اپنی جگہ بنا پاتی ہے یا نہیں‌.

فلم جوائے لینڈ‌ کی پاکستان میں پابندی جہاں شائقین پر بجلی بن کر گری ہے وہیں فنکار برادری بھی سراپا احتجاج ہے . ثروت گیلانی جو کہ فلم کا حصہ بھی ہیں انہوں نے اور عثمان خالد بٹ نے جوائے لینڈ کی پاکستان میں پابندی پر سخت اعتراض کیا ہے اور کہا ہے کہ یہ بالکل غلط بات ہے کہ کسی فلم کو مکمل طور پر بین کر دیا جائے. اگر فلم کے کسی حصے پر اعتراض ہے تو اسے نکال دیا جائے لیکن یہ کیا کہ پوری فلم کو ہی بین کر دیا . ان دونوں کا کہنا ہے کہ نہایت ہی افسوس کی بات ہے کہ جوائے لینڈ کو کانز سمیر دیگر فلمی میلوں میں پذیرائی ملی اور پاکستان میں اس کی نمائش کو ہی متنازعہ بنا دیا گیا ہے جو کہ بہت ہی افسوسناک ہے. جوائے لینڈ نے ٹورنٹو سے کانز تک مقبولیت کے جھنڈے گاڑھے ہیں، پاکستانی

شائقین کے ساتھ یہ سخت زیادتی ہے کہ جس فلم کا وہ بے چینی سے انتظار کررہے تھے اسکو بین کر دیا گیا ہے. یاد رہے کہ فلم جوائے لینڈ کو ریلیز کی اجازت دی جا چکی تھی اور 18 نومبر کو یہ فلم سینما گھروں کی زینت بننے جا رہی تھی لیکن ریلیز سے ایک ہفتہ قبل پابندی لگا دی گئی ہے.